بسم الله الرحمن الرحيم

بداية الف مبروك على كل الذل والاهانة ال احنا فيها سؤاء مدرس حصة او متعاقد او معلم مساعد
الف مبروك على القرارات ال بتتاخد وللاسف كعادة الحكومة ( حبر على ورق )
مش عارف اهنيكم ولا اعزيكم .......... والله مش عارف
مفيش حد فيكم وقف مع نفسه وقفة وقال ان العالم دى بتضحك على عقولكم يامدرسين يا محترمين يا افاضل يا مؤهلات عليا ...........؟
قرار 75 من اربع شهور ونص واسماء اتكتبت وطلبوا منا ورق وروح وتعالى ومعلش ياواد استحمل هانت اهى
يمكن اعرف اخطب قبل ما اموت !!

حد ادنى يتساوى مع العمال والفراشين ( البصمجية ) قولنا الحمد لله وماله الصبر حلو !!
لاطلبنا نكون زى البترول ولا الكهربا ولا الاثار ولا.... ولا..........
احنا ال بنخرج الناس دى كلها ويبقا طالب عندك ف الفصل وبعد كام سنة ياخد مرتب عشرات اضعاف مرتبك .
قولنا احنا كنا فين وبقينا فين الحمد لله 700 جنيه مرة واحدة دا احنا كده بنحلم !!
الاول عينو ال امتحنو كادر 2008 وبعدين ال امتحنو ا ف 1/4 اما المتعاقدين بقا فيبقا الوضع كما هو عليه
ومن كام يوم طلع البيه بتاع لجنة السياسات فى الحزب ال فات قال اجيب منين؟؟
المؤقتين خارج الاطار !! ولاد....... اجبلهم منين أأقطع نفسي ؟؟
معذور الراجل يا عينى !!
هم اخرهم 105 حلوة اوى فضل وعدل حد لاقى ..... غيرهم مش شغال خالص !!
اقتصاد البلد بينهـــــــــــــــــــار !!
ياعينى ع البلد وعليك يا عم سمير يارضوان قول واشجينى كمان
والغريبة ان احمد بيه جمال ( ال هو المفروض الوزير بتاعنا ) للاسف ودن من طين وودن من عجين ...
ولا كأنه وزير .......؟؟ الا قولولى صح هو قاعد فى الوزارة بيعمل ايه.....؟
نفسي حد يجاوبنى .................؟ الا هو صحيح وزير ..؟؟ طب لما هو وزير مش بينفذو القرارات بتاعته ليه ...؟؟
ولا هو مش عاجبهم؟؟ المهم عشان مطولش عليكم يا محترمين ال هيحصل كالاتى
1- الفراشين هيدو للمدرسين تبس ( حقهم هيقبضو الحد الادنى )
2 - هتبدأ المدارس ويبقى الوضع كما هو عليه .
3 - ملحوظة بسيطة بالله عليكم ال يقولى متبقاش متشائم هقوله هما فعلا لو عايزين يعملو خطوة كانو قعدو كل الوقت ده؟ اسماء وجوابات واوراق وفاكسات وكله = صفر
يعني معقولة لو طلبو من المدارس كلها تبعت الاسماء الادارات هتقعد قد ايه وبعدين بحث وفحص ومحص وتنظيم وادارة وغيره وغيره ف قد ايه ها......؟؟
الله اعلم يمكن العالم دى نيتها خير ؟؟؟
ضربو بتوع اسكندرية بالنار ورشو ميه على بتوع الجيزة وحجارة على غلابة الفيوم .... والخ الخ
عارفين ليه عشان كل عشرة ولا عشرين يروحو يعملو اعتصام وباقى المدرسين ال بيقولوا الجو حر او مفيش مواصلات نايمين فى بيتهم ويقولو اذا عملو حاجة هتيجي للكل وان معملوش اهو احنا قاعـــــــــــدين ( الهى ما تقومو من مكانكم ) ......!! سورى بس من غيظي
فوقو بقا يا مدرسين اصحو من الكلام فى كلام وكلام وحبر على ورق وتصريحات وحرقة دم واعصاب مشدودة
عارفين انتو 220 الف متعاقد ومعلم بالحصة فى الجمهورية ....!!
كل واحد يجيب بطانيته او الجو حر بلاااااااش بطانية ولا تقولى وزارة تربية وتعليم ولا محافظين ...
فى حاجة اسمها رئيس وزرا ( المفروض انه اكتر واحد فيهم بيحس شوية ).....!!
لا قطع طرق ولا تكسير ولا تخريب تخيلو لو نص العدد ده حضر فى اعتصام مفتوح ....؟؟
طبعا لازم حل والله هتلاقى الناظر بتاعك بيتصل بيك وبيقولك جواب تعيينك وصل او تثبيت ياعم عشان متتعشمش اوى .........!!
استحمل اسبوع فى الشارع وبعد كده هتستريح والا هتستريح فى بيتكم وترجع للــــــــ 105 وللذل والاهانة تانى ووعود وكلام معسول وعهود ( على رأى ال بيغني )
10/7/2011اعتصام مفتوح من كل انحاء الجمهورية امام رئاسة الوزراء ولن نرضى باقل من تثبيت الكل ومش هنرجع الا لما نلاقى اسماءنا ال هى عندهم من سنين جات الادارات والمدارس خليكو رجالة مرة واحدة
اللهم انى بلغت اللهم فـــــــــــــــــــــــــــ أشهـــــــــد ..

احنا معكم وربنا معانا ويوفقنا

نرجو من جميع الاعضاء نشر ميعاد الاعتصام فى اى جروبات
او منتديات او صفحات
وجزاكم الله كل خير

لا تنسونا من صالح دعائكم

للا سف لسا جاينى خبر زاد الطين بلة
الوضع يبقى كما هو عليه للبنسبة للمتعاقدين العقد العادي

والله العظيم معاك حق فى كل كلمه قلتها
احنا لحد امتى هنرضى بالاهانه دى العامل بقى احسن من المدرس
لو سكتنا يبقى نستاهل اللى يجرالنا

ربنا معاكم احنا مريننا بكل ده وحرام ان حد يستحمل كل اللى انتوا بتمروا بيه ربنا ينصركم ويهدى عقول المسئولين ويا ريت تتواصلو مع كل العقود العاديه اللى فى جروب صرخة التعليم على الفيس بوك وباقى المنتديات

ربنا هيحلها ان شاء الله عن قريب بس لازم كل الناس تبقا ايد واحدة وقلب واحد مش معقولة نروح الف او اتنين ومستنيين نعمل حاجة كل واحد قاعد فى بيتهم وخايف من الحر او المواصلات ومستني غيره يعمله
حسو شوية ببعض وعشان نفسكم ف الاول وفى الاخر وبكرر الرجاء كل ال يعرف مدرس متعاقد يقوله على الميعاد ومكان الاعتصام وينشر المكان والميعاد على صفحته او اى صفحة يعرفها فيس بوك او اى منتدى عايزين مش اقل من 100000 ( مية الف مدرس ) ودول يادوب نص عدد المتعاقدين العقود العادية
وانا واثق ان اخواتنا ال اتعينو مش هيسيبو اخواتهم دول كده اكيد هييجو ويتضامنو معاهم

يا ريت تعيد نشر المشاركة بخط واضح

هو الخط مش واضح؟؟؟
سؤال يحتاج الى جواب؟؟

ازيك يا سوركى ربنا ييسر لكل المتعاقدين

اللــــــــــــــــــــــــــــــــ امين ــــــــــــــــــــــــــــــــن

ربنا معاكم ومعانا

ياااااااااااااااااااااااااااااااااااااااااااارب

علمت قناة الجزيرة بميعاد ومكان الاعتصام وذلك نظرا للاقبال الشديد والغير عادى على تلبية دعوة الاعتصام من المعلمين الذين فاض بهم الكيل من الوعود الزائفة والمياه الراكدة وقررت ان تتضامن معنا بنشر كل المطالب من خلال شاشاتها

وما زالت ردود الفعل ساكنة فى اروقة الوزارة الغارقة فى احلامها

وقناة العربية اتصلت بمنسقى الاعتصام
وقررت النقابة المستقلة التضامن معنا

الزميل الفاضل صاحب الموضوع حضرتك شايف أنه في فايده من كل ده في وجود وزير؟؟؟مش عارف أقول عنه أيه ممكن يرفع عليا قضيه سب وقذف بس بجد ده مش بن آدم .....لبسونا العمى لما تحركنا في الأول ووعدونا بالتثبيت وتأجل النظر في موضوع الكادر ودبلوم التربيه ....وصحينا الصبح مضروبين قفى محترم ...حسبي الله ونعم الوكيل.....مهما نعمل أوهانعمل هايعملو ألي في دمغاهم (على أساس هم يفهموا عننا) ..مع ملاحظة أنهم هدوا الموضوع لحين أنتهاء الأمتحانات وتصحيحها.ههههههههههههه لعبوها صح ولاد الذيين.......
أقبل مني أعذاراي على كل الكلام السابق لأني محبط مدمر
أتمنى لكم الوفيق يوم 10\7 لو حصل وأتجمعتوا لأني حولت وفشلت أعمل ده وللأسف مش هاقدر أكون معاكم لأني من أصحاب الأحياجات الخاصه ومعنديش صحه للبهدله وأهانه من تاني
للمره الثانية أقبل أعتذاري

الزميل الفاضل صاحب الموضوع حضرتك شايف أنه في فايده من كل ده في وجود وزير؟؟؟مش عارف أقول عنه أيه ممكن يرفع عليا قضيه سب وقذف بس بجد ده مش بن آدم .....لبسونا العمى لما تحركنا في الأول ووعدونا بالتثبيت وتأجل النظر في موضوع الكادر ودبلوم التربيه ....وصحينا الصبح مضروبين قفى محترم ...حسبي الله ونعم الوكيل.....مهما نعمل أوهانعمل هايعملو ألي في دمغاهم (على أساس هم يفهموا عننا) ..مع ملاحظة أنهم هدوا الموضوع لحين أنتهاء الأمتحانات وتصحيحها.ههههههههههههه لعبوها صح ولاد الذيين.......
أقبل مني أعذاراي على كل الكلام السابق لأني محبط مدمر
أتمنى لكم الوفيق يوم 10\7 لو حصل وأتجمعتوا لأني حولت وفشلت أعمل ده وللأسف مش هاقدر أكون معاكم لأني من أصحاب الأحياجات الخاصه ومعنديش صحه للبهدله وأهانه من تاني
للمره الثانية أقبل أعتذاري


زميلى الفاضل ان شاء الله هيكون فيه فايدة وهيكون اكبر عدد من انحاء الجمهورية انا املى فى ربنا كبير
واتمنى من جميع الزملاء انهم ييجو بجد لاننا كل ما كان العدد اكتر كل ما كان صوتنا هيبقا مسموع
هيكون شعارنا زى ايام الثورة احلى ايام رايحين مش راجعيين والجدع جدع والجبان جبان واحنا يا جدع نايمين على الرصيف لغاية ما نجيب حقنا بايدينا مش هنستنى حاجة تانى كفاية ذل ومهانة تعبنا بجد
واشكرك على المرور

https://www.facebook.com/groups/160987140638977
الكل يدخل الرابط ده وينشره لكل الي يعرفه
على فكره أنا نقلت كلامك كله لأني ملقتش أحسن منه لأني لوكتبت لساني هايطول وهل يلبخ أرجوا أن ده مازعلكش

بسم الله الرحمن الرحيم


بداية الف مبروك على كل الذل والاهانة ال احنا فيها سؤاء مدرس حصة او متعاقد او معلم مساعد
الف مبروك على القرارات ال بتتاخد وللاسف كعادة الحكومة ( حبر على ورق )
مش عارف اهنيكم ولا اعزيكم .......... والله مش عارف
مفيش حد فيكم وقف مع نفسه وقفة وقال ان العالم دى بتضحك على عقولكم يامدرسين يا محترمين يا افاضل يا مؤهلات عليا ...........؟
قرار 75 من اربع شهور ونص واسماء اتكتبت وطلبوا منا ورق وروح وتعالى ومعلش ياواد استحمل هانت اهى
يمكن اعرف اخطب قبل ما اموت !!

حد ادنى يتساوى مع العمال والفراشين ( البصمجية ) قولنا الحمد لله وماله الصبر حلو !!
لاطلبنا نكون زى البترول ولا الكهربا ولا الاثار ولا.... ولا..........
احنا ال بنخرج الناس دى كلها ويبقا طالب عندك ف الفصل وبعد كام سنة ياخد مرتب عشرات اضعاف مرتبك .
قولنا احنا كنا فين وبقينا فين الحمد لله 700 جنيه مرة واحدة دا احنا كده بنحلم !!
الاول عينو ال امتحنو كادر 2008 وبعدين ال امتحنو ا ف 1/4 اما المتعاقدين بقا فيبقا الوضع كما هو عليه
ومن كام يوم طلع البيه بتاع لجنة السياسات فى الحزب ال فات قال اجيب منين؟؟
المؤقتين خارج الاطار !! ولاد....... اجبلهم منين أأقطع نفسي ؟؟
معذور الراجل يا عينى !!
هم اخرهم 105 حلوة اوى فضل وعدل حد لاقى ..... غيرهم مش شغال خالص !!
اقتصاد البلد بينهـــــــــــــــــــار !!
ياعينى ع البلد وعليك يا عم سمير يارضوان قول واشجينى كمان
والغريبة ان احمد بيه جمال ( ال هو المفروض الوزير بتاعنا ) للاسف ودن من طين وودن من عجين ...
ولا كأنه وزير .......؟؟ الا قولولى صح هو قاعد فى الوزارة بيعمل ايه.....؟
نفسي حد يجاوبنى .................؟ الا هو صحيح وزير ..؟؟ طب لما هو وزير مش بينفذو القرارات بتاعته ليه ...؟؟
ولا هو مش عاجبهم؟؟ المهم عشان مطولش عليكم يا محترمين ال هيحصل كالاتى
1- الفراشين هيدو للمدرسين تبس ( حقهم هيقبضو الحد الادنى )
2 - هتبدأ المدارس ويبقى الوضع كما هو عليه .
3 - ملحوظة بسيطة بالله عليكم ال يقولى متبقاش متشائم هقوله هما فعلا لو عايزين يعملو خطوة كانو قعدو كل الوقت ده؟ اسماء وجوابات واوراق وفاكسات وكله = صفر
يعني معقولة لو طلبو من المدارس كلها تبعت الاسماء الادارات هتقعد قد ايه وبعدين بحث وفحص ومحص وتنظيم وادارة وغيره وغيره ف قد ايه ها......؟؟
الله اعلم يمكن العالم دى نيتها خير ؟؟؟
ضربو بتوع اسكندرية بالنار ورشو ميه على بتوع الجيزة وحجارة على غلابة الفيوم .... والخ الخ
عارفين ليه عشان كل عشرة ولا عشرين يروحو يعملو اعتصام وباقى المدرسين ال بيقولوا الجو حر او مفيش مواصلات نايمين فى بيتهم ويقولو اذا عملو حاجة هتيجي للكل وان معملوش اهو احنا قاعـــــــــــدين ( الهى ما تقومو من مكانكم ) ......!! سورى بس من غيظي
فوقو بقا يا مدرسين اصحو من الكلام فى كلام وكلام وحبر على ورق وتصريحات وحرقة دم واعصاب مشدودة
عارفين انتو 220 الف متعاقد ومعلم بالحصة فى الجمهورية ....!!
كل واحد يجيب بطانيته او الجو حر بلاااااااش بطانية ولا تقولى وزارة تربية وتعليم ولا محافظين ...
فى حاجة اسمها رئيس وزرا ( المفروض انه اكتر واحد فيهم بيحس شوية ).....!!
لا قطع طرق ولا تكسير ولا تخريب تخيلو لو نص العدد ده حضر فى اعتصام مفتوح ....؟؟
طبعا لازم حل والله هتلاقى الناظر بتاعك بيتصل بيك وبيقولك جواب تعيينك وصل او تثبيت ياعم عشان متتعشمش اوى .........!!
استحمل اسبوع فى الشارع وبعد كده هتستريح والا هتستريح فى بيتكم وترجع للــــــــ 105 وللذل والاهانة تانى ووعود وكلام معسول وعهود ( على رأى ال بيغني )
10/7/2011اعتصام مفتوح من كل انحاء الجمهورية امام رئاسة الوزراء ولن نرضى باقل من تثبيت الكل ومش هنرجع الا لما نلاقى اسماءنا ال هى عندهم من سنين جات الادارات والمدارس خليكو رجالة مرة واحدة

اللهم انى بلغت اللهم فـــــــــــــــــــــــــــ أشهـــــــــد ..

شكرا للاخ الزميل ونجن معكم

المشكلة هى اننا بجد مافيش اى وعى, و مافيش قناعة انه مرتبك ده حقك عن الشغل, يا جماعة لو انت ماشى فى الشارع و طلع عليك عيل صايع سرق منك الفلوس اللى معاك , هتسيبه؟ هى حكومتنا دى عيل صايع و ابن ابالسة و مش بتيجى الا على المدرسين بالذات. فوقوا بقى شلتونى. يا ريتنى عايش فى القاهرة او جنبها كنت هبيت. انا و اصحابى قدام مجلس الوزراء او المالية.

و كمان اغلبنا بناااات. اه من سلبية البنات

أطالب بتثبيت الموضوع. يظهر مع الاسف انه مشرفي هذا المنتدى كانوا اعضاء فى لجنة السياسات. لانهم دايما يمسحوا المواضيع اللى بتطالب بحقوقنا. البلد كلها بتنزل الشارع و اكيد المجلس الاعلى مش هيستسلم للفلول و انما هيستجيب لارادة الشعب. يا مشرفين البلد قامت فيها ثورة و الفلول هتاخد جزاءها كلها باذن الله. اقفوا مع المنتدى و اعضائه بقى. عملتولنا ايه غير انكم سايبيننا نصرخ و نهاتى نهار و ليلاتى. اقفوا معانا . ماتعرفوش احنا ممكن نعمل ايه فى بلاوينا دى؟ لانقابة و لا منتدى و لا فيه حد معانا خالص. يااااااااااااااا رب.

اللى عايش فى القاهرة و منزلش التحرير امبارح, الله يسامحه. فعلاً ثوار التحرير ليهم حق البلد دى منهوبة و مسلوخة . بس احنا بنضحك على بعض و احنا سذج لما نقول: فتنة - عملاء للخارج - بلطجية. هؤلاء الثوار اشرف من كل العيال اللى نايمة فى بيوتها. لكن صحيح يا معلمين, هو انتوا سمعتوا عن ثورة قامت فى مصر من خمس شهور؟ .. ههههههه ما اظنش .. خلينا مفعول بينا .... أنا سأقاطع هذا المنتدى ان لم أجد منه فائدة أو توجيه سليم .. احنا ممكن نعمل ايه بالضبط؟

وانا معاكم ان شاء الله بس الاعتصام امام وزارة التربية والتعليم غداااااااااااااااااا صح

انا كان نفسي اكون معكم ولكن انا من قنا ...وعمري ما سافرت القاهرة ولا أعرف فيها اي قريب او صاحب ...

ردود قليله وفعل مافيش خلاص رضيتوا بالحال وعلى المتضطر اللجوء للدعاء أفرجها يارب
نكون أولا نكون
الكل لا زم يروح ويثبت لنفسه قبل أي حد أنه راجل من ظهر راجل وأضعف الأيمان أنه وهو قاعد قدام النت يلعب أنه يدعم الجروب على الفيس بوك من ساعة ماتعمل مافيش غير أربعة بس عجبي لتاني مره الرابط :
https://www.facebook.com/groups/160987140638977?ap=1
عاوزين تتعونوا معانا وأنشروها لكل اللي تعرفه أو ماتعرفهوش المهم العدد يزيد وكل مازاد كل ماصوتنا يعلى
وقفتنا وقفت رجاله

إن شاء الله أنا متفائل جدا لأننا سنتحد إن شاء الله وواثق أن إخواننا العقود المميزة والمدرسين المعينين لن يخذلونا وسيقفون معنا وعلي فكرة أنا عقد مميز ولكن معكم معكم معكم حتي نأخذ حقوقنا كاملة إن شاء الله

ردود قليله وفعل مافيش خلاص رضيتوا بالحال وعلى المتضطر اللجوء للدعاء أفرجها يارب
نكون أولا نكون
الكل لا زم يروح ويثبت لنفسه قبل أي حد أنه راجل من ظهر راجل وأضعف الأيمان أنه وهو قاعد قدام النت يلعب أنه يدعم الجروب على الفيس بوك من ساعة ماتعمل مافيش غير أربعة بس عجبي لتاني مره الرابط :
https://www.facebook.com/groups/160987140638977?ap=1
عاوزين تتعونوا معانا وأنشروها لكل اللي تعرفه أو ماتعرفهوش المهم العدد يزيد وكل مازاد كل ماصوتنا يعلى
وقفتنا وقفت رجاله

لا يضيع حق ورائه مطالب

مع احترامي الكامل للمشرفين يبدو انهم مش مع حقوق المعلمين
وثانيا : الله اعلم يمكن عدت عليهم ونسو يثبتوها وخصوصا الاستاذ الفاضل محمد طعيمة ال بكن ليه كل الحب والاعزاز

وثالثا الاعتصام بكرة ابتداءا من الساعة 10 صباحا ومحدش هيمشى اوبن بوفيه وبطانيتك معاك ومعاك 4 جنيه حق ازازة البيبسي وهات ساندوتشاتك علشان مش يبقا ليك حجة
ومع احترامي للاخوات الفاضلات ياريت تتنازلو شوية وتشرفونا وتسمعونا حسكم العالى عشان تطالبو بحقوقكم
انا مش عارف الصوت العالى مبيطلعش الا على الراجل يا عينى
لا تتأخرو والله معنا

الله معنا وغدا سنبدأ
فاما حياة كريمة
واما اعتصام
فلا ذل بعد اليوم

على بركة الله والله المستعان

وتضامن معنا الان حركة الشعب يريد تنفيذ القرار 75

واسيبكم انا عشان الحق ناملى ساعتين

وبكرة ان شاء الله هيكون اليوم الفاصل

اشوفكم هناك قدام مبنى رئاسة الوزراء الساعة 10 الصبح


والجدع جدع والجبان جبان وهيعيش جبان واحنا يا جدع هناخد حقوقنا

الاعداد فى تزايد والله معنا
وياريت ال نايم تحت المروحة يحس بزمايلة وييجى ولو حتى من اسوان

وافيني بآخر الأخبار عشان أنشرها على الفييس بوك للتوااصل رقم الموبيل0127147444

نحن الان هناك وعددنا يتزايد ولكن نحتاج الى اعداد اكثر من زملائنا الافاضل
حتى تكون لنا كلمة
يا خوانا فى ناس تعبت وصرفت ونسقت وانتو كل ال هتعملوه انكم هتيجيو بس خلو فيه شوية من الاحمر دي مصلحتكم

باين فى البلد دى محدش بياخذ حقه بدون اعتصام

جمييييييييييييييل والله كلام جميييييييل جدااااا

ربنا معاكو ويعزكو يارب

ياريت توافونا بالجديد

وبكل اسف ارجو ان يلغى المشرف الموضوع لان الضرب فى المدرسين حرام ( الضرب فى الميت ) مش عايزين حتى يتعبو نفسهم ويروحوا مع احترامي ليكم انتو تستاهلو اكتر من ال بيحصلكم ...........
ومش هقول غير حسبي الله ونعم الوكيل فى كل واحد قاعد فى بيته ومستنى غيره يتعب وهو نايم على ضهره

ياريت تحذفه يا مشرف عشان انا بجد اتخنقت من العالم المدرسين دول