amjadalminshawi
07-07-2011, 03:58 PM
الى كل مدرسى قنا المتعاقدين حتى الان المحافظة + المديرية +الادارة ...لا يعرفون اى شىء عن قرار التتعيين بتاعنا والنهاردة فات اسبوع كامل من شهر 7 يا ترى ايه الحكاية ؟؟؟ وهنفضل ساكتين لامتى ؟؟؟
|
مشاهدة النسخة كاملة : هى قنا دى فى اى دولة ؟؟؟ amjadalminshawi 07-07-2011, 03:58 PM الى كل مدرسى قنا المتعاقدين حتى الان المحافظة + المديرية +الادارة ...لا يعرفون اى شىء عن قرار التتعيين بتاعنا والنهاردة فات اسبوع كامل من شهر 7 يا ترى ايه الحكاية ؟؟؟ وهنفضل ساكتين لامتى ؟؟؟ Mr/Ali Aswan 07-07-2011, 05:01 PM يا سيدي الفاضل ناس قنا اجدع ناس واحنا برده اسوان لسه يعني مش لوحديكم هتقولي اسوان نفذت القرار هقولك صح بس ديه اداره كوم امبو ونصر النوبه بس لكن اداره اسوان منفذتش وكمان الاقضر منفذتش نصحتي ليك اشتكي للوزير ولرئاسه الوزرا او اصبر بقه وخلاص احمد رضا2 07-07-2011, 05:49 PM يمكن قنا تبع كوالا لامبور احمد رضا2 07-07-2011, 05:50 PM :av4056bb7jp3::av4056bb7jp3:هههههههههههههههههههههه ههههههههههههههه ومن الحب ما قتل 07-07-2011, 07:14 PM الصبر مفتاح الفرج MR.Ahmed Abd Allah 07-07-2011, 07:18 PM بسم الله الرحمن الرحيم بداية الف مبروك على كل الذل والاهانة ال احنا فيها سؤاء مدرس حصة او متعاقد او معلم مساعد الف مبروك على القرارات ال بتتاخد وللاسف كعادة الحكومة ( حبر على ورق ) مش عارف اهنيكم ولا اعزيكم .......... والله مش عارف مفيش حد فيكم وقف مع نفسه وقفة وقال ان العالم دى بتضحك على عقولكم يامدرسين يا محترمين يا افاضل يا مؤهلات عليا ...........؟ قرار 75 من اربع شهور ونص واسماء اتكتبت وطلبوا منا ورق وروح وتعالى ومعلش ياواد استحمل هانت اهى يمكن اعرف اخطب قبل ما اموت !! حد ادنى يتساوى مع العمال والفراشين ( البصمجية ) قولنا الحمد لله وماله الصبر حلو !! لاطلبنا نكون زى البترول ولا الكهربا ولا الاثار ولا.... ولا.......... احنا ال بنخرج الناس دى كلها ويبقا طالب عندك ف الفصل وبعد كام سنة ياخد مرتب عشرات اضعاف مرتبك . قولنا احنا كنا فين وبقينا فين الحمد لله 700 جنيه مرة واحدة دا احنا كده بنحلم !! الاول عينو ال امتحنو كادر 2008 وبعدين ال امتحنو ا ف 1/4 اما المتعاقدين بقا فيبقا الوضع كما هو عليه ومن كام يوم طلع البيه بتاع لجنة السياسات فى الحزب ال فات قال اجيب منين؟؟ المؤقتين خارج الاطار !! ولاد....... اجبلهم منين أأقطع نفسي ؟؟ معذور الراجل يا عينى !! هم اخرهم 105 حلوة اوى فضل وعدل حد لاقى ..... غيرهم مش شغال خالص !! اقتصاد البلد بينهـــــــــــــــــــار !! ياعينى ع البلد وعليك يا عم سمير يارضوان قول واشجينى كمان والغريبة ان احمد بيه جمال ( ال هو المفروض الوزير بتاعنا ) للاسف ودن من طين وودن من عجين ... ولا كأنه وزير .......؟؟ الا قولولى صح هو قاعد فى الوزارة بيعمل ايه.....؟ نفسي حد يجاوبنى .................؟ الا هو صحيح وزير ..؟؟ طب لما هو وزير مش بينفذو القرارات بتاعته ليه ...؟؟ ولا هو مش عاجبهم؟؟ المهم عشان مطولش عليكم يا محترمين ال هيحصل كالاتى 1- الفراشين هيدو للمدرسين تبس ( حقهم هيقبضو الحد الادنى ) 2 - هتبدأ المدارس ويبقى الوضع كما هو عليه . 3 - ملحوظة بسيطة بالله عليكم ال يقولى متبقاش متشائم هقوله هما فعلا لو عايزين يعملو خطوة كانو قعدو كل الوقت ده؟ اسماء وجوابات واوراق وفاكسات وكله = صفر يعني معقولة لو طلبو من المدارس كلها تبعت الاسماء الادارات هتقعد قد ايه وبعدين بحث وفحص ومحص وتنظيم وادارة وغيره وغيره ف قد ايه ها......؟؟ الله اعلم يمكن العالم دى نيتها خير ؟؟؟ ضربو بتوع اسكندرية بالنار ورشو ميه على بتوع الجيزة وحجارة على غلابة الفيوم .... والخ الخ عارفين ليه عشان كل عشرة ولا عشرين يروحو يعملو اعتصام وباقى المدرسين ال بيقولوا الجو حر او مفيش مواصلات نايمين فى بيتهم ويقولو اذا عملو حاجة هتيجي للكل وان معملوش اهو احنا قاعـــــــــــدين ( الهى ما تقومو من مكانكم ) ......!! سورى بس من غيظي فوقو بقا يا مدرسين اصحو من الكلام فى كلام وكلام وحبر على ورق وتصريحات وحرقة دم واعصاب مشدودة عارفين انتو 220 الف متعاقد ومعلم بالحصة فى الجمهورية ....!! كل واحد يجيب بطانيته او الجو حر بلاااااااش بطانية ولا تقولى وزارة تربية وتعليم ولا محافظين ... فى حاجة اسمها رئيس وزرا ( المفروض انه اكتر واحد فيهم بيحس شوية ).....!! لا قطع طرق ولا تكسير ولا تخريب تخيلو لو نص العدد ده حضر فى اعتصام مفتوح ....؟؟ طبعا لازم حل والله هتلاقى الناظر بتاعك بيتصل بيك وبيقولك جواب تعيينك وصل او تثبيت ياعم عشان متتعشمش اوى .........!! استحمل اسبوع فى الشارع وبعد كده هتستريح والا هتستريح فى بيتكم وترجع للــــــــ 105 وللذل والاهانة تانى ووعود وكلام معسول وعهود ( على رأى ال بيغني ) 10/7/2011اعتصام مفتوح من كل انحاء الجمهورية امام رئاسة الوزراء ولن نرضى باقل من تثبيت الكل ومش هنرجع الا لما نلاقى اسماءنا ال هى عندهم من سنين جات الادارات والمدارس خليكو رجالة مرة واحدة اللهم انى بلغت اللهم فـــــــــــــــــــــــــــ أشهـــــــــد .. huda ebrahim 07-07-2011, 07:20 PM واصبر وما صبرك إلا بالله الاستاذ محمود حميد 07-07-2011, 07:22 PM تبــــــــــــع كوكب زحل داعيه 07-07-2011, 07:23 PM يجماعه لازم نتحرك ونرسل شكاوى للوزير اليوم عن طريق مدونته الاسراع من فضلكم حنين الحسينى 07-07-2011, 09:38 PM الموضوع فى يد المحافظ وليس الوزير لان الوزير اصدرقرار التعين وترك التنفيذ للمحافظين الاستاذ محمود حميد 07-07-2011, 10:21 PM الموضوع في ايد امينه الاستاذ محمود حميد 07-07-2011, 10:22 PM وامينه ماتت ومن الحب ما قتل 07-07-2011, 10:46 PM البقاء لله داعيه 07-07-2011, 11:37 PM ارجو من السادة بلاش كلام ملوش لازمه او تعليقات مش وقته ولا مكانه لاننا فى موضوع فى غاية الاهمية اذا كان لا يهمك الامر يبقه خلاص متستفز ش الناس والناس مش ناقصه للتوضيح (( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ)) داعيه 07-07-2011, 11:39 PM الموضوع فى يد المحافظ وليس الوزير لان الوزير اصدرقرار التعين وترك التنفيذ للمحافظين ننحن نعلم استاذة حنين ولكن الاستفسار بكون عن تاخر وصول القرار نفسه هل وصل ام لا ؟؟ لنعلم مدى مصداقية المدرية من عدمها كاشف الفساد 07-07-2011, 11:55 PM اعتقد إنها فى مصر amjadalminshawi 08-07-2011, 03:10 AM اود ان اشكر كل الزملاء الافاضل الذين قاموا بالتعليق على المشاركة يا جماعة اكتر حاجة تحزن ان مفيش حد فاهم حاجة او يقدر يفهمك حاجة سواء فى الادارة او المديرية حالة من التخبط الشديد والارتباك فى فهم وتنفيذ القرارات فعلا تثير الدهشة والاستغراب وربنا يرحمنا بقى المحب للسنة 08-07-2011, 01:05 PM فى ناس دخلت الى هذا الموضوع تهزر وتقول كلام بايخ واعتقد انهم مش من قنا فنقول انتم معلمون افاضل وبلاش هذا الاسلوب محمد نمر 2 08-07-2011, 01:39 PM اكيد عندنا في قنا مستنيين باقي المحافظات هتعمل اية ونعمل زيهم خلف حلمي 08-07-2011, 02:45 PM جمهورية قنا العربية مش حتاخد قرار إلا بعد تعيين ريس ليها ( محافظ ) بيذلوها شوية علشان الاعتراض علي المحافظ :stickjo4::stickjo4::stickjo4::stickjo4::slap1qk6: :slap1qk6::049gc0: amjadalminshawi 08-07-2011, 05:19 PM الاخ خلف اعتقد ان سكرتير المحافظ له صلاحيات كاملة فيما يتعلق بالتصديق على القرارات ...وياريت بلاش نفتح الموضوع ده احسن ياخدوه حجة كدابة ويطلعوا عينا ...وبعدين ياريت كمان محدش يجيب سيرة ال 3 سنوات كشرط للتعيين ...الكلام ده مش صح خالص حنين الحسينى 08-07-2011, 05:33 PM ياجماعه القرار اكيد وصل المحافظه من بدرى لانه قرار وزارى وان شاء الله يكون فى جديد الاسبوع الجاى يااااااااااااااارب داعيه 08-07-2011, 07:25 PM يجماعه انا متاكد ه هو ده كلام مدير شئون العاملين باالمدرية وحلف ان القرار لم يصل طيب ليه وهناك محافظات اخرى نفذت بالفعل مش حرام يحرقوا اعصابنا الله المستعان انا هرسل على مدونة الوزير للتاكد من وصول القرار من عدمه ارجو كمان كلكم ترسلوا للاستفسار لانى كمان مدير شئون العاملين ذكر وقال ده حتى الدفعة الى قبلكم لم ياتى اى شىء بخصوص الدرجات المالية ارجو التحرك يجماعه مفيش حد هيدور على حالنا الله المستعان |