مشاهدة النسخة كاملة : اغرب العادات ايام الامتحانات
قمر احمد 31-12-2007, 10:52 PM :Dازيكم ........
عاملين ايه فالامتحانات عالمستوى النظري والعملي ؟؟؟؟؟؟؟؟:eek:
عايزين نعرف بقى طريقة كل واحد فالمذاكرة واغرب موقف حصله فايام الامتحانات :huh:
انا عن نفسي برجع من اي امتحان وبنااااااااااااااااااااااام لحد الساعه 9 بليل واصحى اذاكر المادة التانيه بس الحمد لله مش بضيع اي فرصه للترفيه ده بعد كوباية النسكافيه و ربط راسي بشريط جامد
عرفونا طريقتكم يمكن نضحك يمكن نستفيد .........:rolleyes:
TEMO_KHALED 31-12-2007, 10:56 PM اولا منورة المنتدى بما انك مستجدة...ثانيا انا مش عندي امتحانات دلوقتي انا تالتة ثانوي عشان كدة طريقة مذاكرني مش هاتنفع معاكي خاااااااااااااالص.......آسف يعني.....
________________________________--
نصيحة كباية النسكافية دي مدمرة حاولي ماتكتريش منها لأنها هاتسهرك و هاتخليكي تصحي تاني يوم عايزة تنامي تاني.....وصدقيني انا واثق من كلامي لأن بنت عمي مدمنة على الزفت دة و بجد تعبها أوي و لو استمريتي عليه هاتبداي تزودي عدد الكبايات في اليوم ممكن توصل ل 24 كباية فهماني........
منورة المنتدى
asas sally 31-12-2007, 11:11 PM انا بردو مش هينفعك طريقه مزاكرتى دلوقتى لان انا كمان معنديش امتحانات نص سنه
بس ممكن أقولك على نظامى فى الاعداديه..........لأنى فى1ث مكنتش بذاكر علشان نقل بقى و كده
كنت بصحى طول الليل بردو انا وواحده صاحبتى بس كل واحده فى بيتها و بنتفق على الماده و المعاد اللى هنذاكر فيه
و الكتاب اللى هنحل منه و بعد ما نخلص خالص نتصل ببعض على التليفون و نشوف الاسئله اللى واقفه أدامنا احنا اللى 2
و نحلها لبعض..و اللى منعرفهوش نوريه للمستر تانى يوم و نفضل لغايه الفجر و نصليه و ننام.......
بجد كانت أيام جميله نفسي ارجع ازاكر كده تانى انا دلوقتى ماسكه الكيميا و سايبه بقيت المواد.......فشل بمعنى الكلمه هههههه
مهندس مساعد 01-01-2008, 12:01 AM انا بردو مش هينفعك طريقه مزاكرتى دلوقتى لان انا كمان معنديش امتحانات نص سنه
بس ممكن أقولك على نظامى فى الاعداديه..........لأنى فى1ث مكنتش بذاكر علشان نقل بقى و كده
كنت بصحى طول الليل بردو انا وواحده صاحبتى بس كل واحده فى بيتها و بنتفق على الماده و المعاد اللى هنذاكر فيه
و الكتاب اللى هنحل منه و بعد ما نخلص خالص نتصل ببعض على التليفون و نشوف الاسئله اللى واقفه أدامنا احنا اللى 2
و نحلها لبعض..و اللى منعرفهوش نوريه للمستر تانى يوم و نفضل لغايه الفجر و نصليه و ننام.......
بسم الله ماشاء الله نعم الاصحاب والله ربنا يكرمك ويرجع ايامكم تاني
بجد كانت أيام جميله نفسي ارجع ازاكر كده تانى انا دلوقتى ماسكه الكيميا و سايبه بقيت المواد.......فشل بمعنى الكلمه هههههه
اما انا بقى ايام ثانوي ياااااااه
المادة اللي تكون تاعباني اوي اصحى الصبح بدري جدا وافضل عليهلغية اخر اليوم
والمواد اللي اكون حاببها جدا زي الرياضة 1 والرياضة 2 مكدبش عليكم يا جماعة اني كنت بستنى اللي عشان اقعد احل في كتاب التقويم كله والله
ده انا فاكر مادة الرياضة 2 دي كنت حليت كتب التقويم تلات مرات تقريبا في قسم الجبر والمثلثات ومرة الميكانيكا حتى لغاية مخلاص قاولولي على فكرة انت عندك اربع مواد تانية غير الرياضة دي
وفي الاخر الحمد لله رياضة 2 المادة الوحيدة اللي جبت فيها الفل مارك
انا دلوقتي بتحسر ع الايام دي ياريت كل ايام المزاكرة ثانوية عامة
بالنسبة لعادات الامتحانات يعني فانا مبعرفش نفسي الا وقت الزنقة بالضبط
قمر احمد 01-01-2008, 12:44 AM انا اه فعلا مستجدة وفرحانه اوي بتفاعلكم معايا وعلى فكرة انا فتالته علوم قسم كيميا ميكروبيولوجي
على فكرة انا مبحبش اذاكر غير فنصاص الليالي عشان الهدوء
ربنا معاكو يا جماعه بس صدقوني هتنسو كل تعبكم ده لما تدخلو الجامعه - انا كنت فاشلة جدا والحمد لله ربنا عاقبني بكلية العلوم هههههههه
CrazY Bo$S 01-01-2008, 02:44 AM اهلا بحضرتك
وانا لسه راجع من امتحان الماثميتكس ( الرياضة ) والحمد لله كان سهل بس مش حليت !!!!
ربنا يستر
نونا المصرية 01-01-2008, 03:03 PM حلو ولذيذ موت الموضوع ده
بس ايه مش بتكتبوا ليه انتوا بتعملوا ايه ايام الامتحانات
يلا اكتبوا عايزين نشوف العجايب
انا عن نفسى بحس بحالة جنون ايام الامتحانات وبحس دايما انى مش هلحق اخلص مذاكرة قبل الامتحان وادايما حاسة ان فى حاجات نقصانى وللاسف انى مش بتنيل اركز كويس فى المذاكرة الا لما بحس انى خلاص اتزنقت
وقبل الامتحان مش بحب اكل اى حاجة يعنى متعقدة عشان فى امتحان الثانوية العامية جاتلى الزايدة ليلة امتحان العربى فبطلت اكل ليلة الامتحان ومش بحب البس اى هدوم جديدة فى فترة الامتحانات ولما مش بفهم حاجة بشد فى شعرى وبقطع رموشى معلش يا جماعة مجنونة شوية وبفضل صاحية ليلة الامتحان ومش بعرف انام خالص لانى بحس ان كل اللى ذاكرته هيتمسح لو نمت او المعلومات هتدخل على بعضها ومش بحب اتكلم مع اى حد خالص قبل الامتحان ولازم اعيط ليلة للامتحان لو مش عيطت مش بحل كويس فى الامتحان
بس كده
يلا مستنية اشوف انتوا بتعملوا ايه فى الامتحانات
وميرسى يا جميل عالتوبيك الرائع ده
تلو سمحت انا اريد موقع متميز الى المرحلة الاعدادية فى جميع المواد
اريد ان اسمع الرد على الرسالة باسرع وقت
janat 17-01-2008, 06:28 AM :Dازيكم ........
عاملين ايه فالامتحانات عالمستوى النظري والعملي ؟؟؟؟؟؟؟؟:eek:
عايزين نعرف بقى طريقة كل واحد فالمذاكرة واغرب موقف حصله فايام الامتحانات :huh:
انا عن نفسي برجع من اي امتحان وبنااااااااااااااااااااااام لحد الساعه 9 بليل واصحى اذاكر المادة التانيه بس الحمد لله مش بضيع اي فرصه للترفيه ده بعد كوباية النسكافيه و ربط راسي بشريط جامد
عرفونا طريقتكم يمكن نضحك يمكن نستفيد .........:rolleyes:
انا زيك بالظبط ده فى ايام المذاكرة العادية اما فى ايام الامتحانات بحس بحالة من الجنون وإن اى ثانية هتضيع منى هيا دى اللى مش هتخلينى احل فى الامتحان تانى يوم وبالتالى ببقى عصبية زيادة عن اللزوم ده يخلي اللى عندى فى البيت مستحملنى لحد اما الامتحانات ما تخلص وبعد كده يطلعوا كله عليا
كليوبترا الحب 27-01-2008, 09:19 PM حلو ولذيذ موت الموضوع ده
بس ايه مش بتكتبوا ليه انتوا بتعملوا ايه ايام الامتحانات
يلا اكتبوا عايزين نشوف العجايب
انا عن نفسى بحس بحالة جنون ايام الامتحانات وبحس دايما انى مش هلحق اخلص مذاكرة قبل الامتحان وادايما حاسة ان فى حاجات نقصانى وللاسف انى مش بتنيل اركز كويس فى المذاكرة الا لما بحس انى خلاص اتزنقت
وقبل الامتحان مش بحب اكل اى حاجة يعنى متعقدة عشان فى امتحان الثانوية العامية جاتلى الزايدة ليلة امتحان العربى فبطلت اكل ليلة الامتحان ومش بحب البس اى هدوم جديدة فى فترة الامتحانات ولما مش بفهم حاجة بشد فى شعرى وبقطع رموشى معلش يا جماعة مجنونة شوية وبفضل صاحية ليلة الامتحان ومش بعرف انام خالص لانى بحس ان كل اللى ذاكرته هيتمسح لو نمت او المعلومات هتدخل على بعضها ومش بحب اتكلم مع اى حد خالص قبل الامتحان ولازم اعيط ليلة للامتحان لو مش عيطت مش بحل كويس فى الامتحان
بس كده
يلا مستنية اشوف انتوا بتعملوا ايه فى الامتحانات
وميرسى يا جميل عالتوبيك الرائع ده
انا بقى ياستى بعشق المذاكرة بالليل بس لازم وانا بذاكر يكون فى اى دوشة جنبى ولو خفيفة اصلى بينى وبينكم بموووووووووووت من الرعب وانا لوحدى وخصوصا انى بتفرج على افلام رعب كتير (جنان) :D المهم افضل سهرانة طول الليل بذاكر وانام الساعة7/8 الصبح طبعا ببقى مقتولة :(بس اغرب حاجة بتحصلى ساعة الامتحانات انى بتكلم وانا نايمة وممكن اراجع المادة فى الحلم:lol: ولازم احلم ليلة الامتحان باللجنة والمراقبين ولازم اعيط طبعا زيك كده بالظبط لو معيطش تبقى مصيبة;):rolleyes: وبرضه مش باكل حاجة بس بحب اشرب حاجات دافية كتيير
بس ياستى ربنا يعينا كلنا
وميرسى للقمر اللى كتبت التوبيك الجامد ده
تسلم ايدك :D
الأستاذة أم معتصم 28-01-2008, 01:01 AM فكرتونى بايام المذاكرة يا جماعة
على فكرة انا لسة بذاكر كمان الان
لانى زى متقولو غاوية علم
خلصت كلية تربية فرنساوى
دخلت اكمل فى اداب فرنساوى
خلصتها فى سنتين
كان المفروض انى اكمل دراسات عليا
بس انشغلت بشغلى كمدرسة
والان بدرس فى معهد اعداد الدعاه
كنت فى مذاكرتى ببدأها من حوالى 10 مساءا علشان التركيز واصلى الفجر وانام لكن ليلة الامتحان مفيش نوم
النوم بعد الرجوع من الامتحان
كنت فى مذاكرتى ابدا بصلاة ركعتين لله
وابدا أقرا فى المصحف ماتيسر لى
والله يا شباب
ده توفيق من ربنا
جربو كده واعملو زيى صلو واقراو فى المصحف هتلاقيكو بتخلصو القران طول السنة
حتى لو 10 ايات فى اليوم
وادعو ربنا يثبت معلوماتكم
اقولكم موقف لذيذ
فى مرة وانا بذاكر لامتحان مادة الترجمة فى كلية الاداب عام 2002
تعبت من المذاكرة وزهقت
فاخذت الجريده الفرنسية كان ليا مقالة كاتباها فيها
وقعدت بجانب والدتى فى المطبخ وهى تعد الطعام لارتاح قليلا واتصفح الجريده
عجبنى موضوع عن العقوبات المفروضه على العراق قرأته
تصدقو بقى
تانى يوم فى الامتحان وجدت قطعه من هذا الموضوع مطلوب ترجمتها
سبحان الله ده من توفيق ربنا
ادعو ربنا ودايما فكرو فى حق الله
ربنا هيكون جنبكم ويوفقكم دايما
ربنا معاكم حبايبى
قمر احمد 29-01-2008, 12:29 AM انا فرحانه جدا بتفاعلكم مع الموضوع - العادات كتير جدا جدا - اعرف ناس متعرفش تركز غير وجنبها كوبايه شاي بالحبهان ومن غير الكوبايه يبقى هشيل الماده
اعرف كمان ناس ذكية اوي زيي مثلا تمسك الامتحانات السابقه ولو كان الامتحانات نظامها اختار مثلا 4 من 5 وكل سؤال على باب فالمنهج
بروح موفرة وقت واسيب اطول باب ومش اذاكره بحيث مش اضيع وقت فيه واذاكر الباقيين بتركيز واسيب السؤال اللي جاي عالباب اللي مش ذاكرته
بس الحمد لله الذكاء ده دايما جايبني لورا
والاقي فالامتحان السؤال على الباب اللي سيبته اجباري وبنص الدرجه:(
وعمرهم ماحطو اجباري قبل كده
يللا انا لسه مستنية ردود وبشكر اللي ردو اوي على ردودهم التحفه بجد :d
LARA_2008 22-02-2008, 05:35 AM أنا سعيدة جدا انى بشارك معكم ولكن قبل ماهتكلم عن ليلة الامتحان المفروض يكون مذاكر كويس فى اول السنة لان ليلةالامتحان بتكون التحصيل النهائى وبالنسبة لطلبة الثانوية العامة المفروض يذكروا وراء المدرس فى الدرس او المدرسة بس لا اظن انه لايوجد طالب ثانوية عامة لا ياخذ درس خصوصى على فكرة الفروض لا نضيع وقت فى عمل خطة للمذاكرة لان المدرس يكون واضع خطة جيدة جدا لتنظيم منهجه و مراجعته والمفروض بعد ما نرجع من الدرس ناكل ثم نذاكر فى ناس بتحب تذاكر الدرس اللى اخذته اليوم بس سواء كده او كده مش فارق المهم انه يذاكر اللى هيتسمع بكره والمفروض المذاكرة تكون بصوت منخفض تستطيع سماعه لان الصوت العالى يرهق على الفاضى ويؤثر على مذاكرة ليلة الامتحان وبالنسبة لمقارنة الثانوية العامة الكلية والله الكلية اصعب بكتير اولا الثانوى بتاخد درس فى المادة ويوجد احد يساعدك على فهمها اما الكلية لابد من الاعتماد على النفس وبتذاكر كمية كبيرة وممكن او اكيد بتكون بتذاكرها لاول مرة لان الكتب بتنزل متاخر وبتكون تحت رحمة الدكتور بس على فكرة الحلو فيها الراحة النفسية بس والله اخر شهر فيها بيكون متعب وقليل جدا الى بيذكروا فى الكلية من اول يوم علشان كده المفروض على الاقل يبيض المحاضرات وربنا يوفق الجميع واسفة على التطويل
الساهره 02-03-2008, 04:34 PM انا ايام الامتحانات ببقى رايقه اوى
ارجع من الامتحان انا وبعد كده اصحى الساعه 7 وافتح الfm,وبعدين شويه اطفي الراديو واعمل كوبايه 3إن1
واعد ازاكر
صحابى سهرانين معايا وتلوفونات للصبح نسأل بعض
ونشرح لبعض كل حاجه عايزنها
نصيحه الكليات العلميه محتاجه مجهود جماعى ومشاركه
يعنى حاول متبقاش لوحدك
Eng*dody 02-03-2008, 05:18 PM انا بقي عن نفسي
كانت امتحانات النظري بتاعتي كانت فترة مسائي فكنت برجع البيت الساعة 6 وبفضل نايمة لحد تاني يوم
اما بقي في اليوم الي قبل الامتحان
ده اساسا مبنمش فيه حتي لو نمت بتكون عين نايمة وعين صايحة
ولو نمت بضمير ((دا لو))بيجيلي كابوس اني محلتش حلو في الامتحان وعملت فيه مصايب فبصحي مفزوعة الحقيقة
بي بصراحة بتكون ايام جميلة ........لان الواحد فيها بيكون متلخبط جدااااااااااا
بس دي حكايتي مع الامتحانات
قمر احمد 02-03-2008, 07:53 PM هههههههههههههههههههههههههههههههههههههههههههههههههه ههههههههههههههههههههههههههههههههههههههه
والله ايام الامتحانت دي فيها عجب العجاب بجد
بس بيتهيالي كلنا بنجتمع فاننا بنشرب نسكافيه
على فكرة انا خلاص حرمت اسيب الماده لليلة الامتحان تاني
اكتشفت حقيقي انه نظام فاشل والحمد لله نويت اذاكر اليوم بيومه (يارب احقق نيتي بقى)
لان بجد الواحد مينفعش يهزر مع العلم لان هو مبيعرفش يهزر
الواحد يوم النتيجة بيبقى على اعصابه ويفضل يقول ااااااااااه لو كنت تعبت شويه فالمذاكرة عالاقل مكنتش ابقى قلقانه كده
ربنا يوفق الكل
واللي بيشربو النسكافيه ليلة الامتحان .............
|