كنت بسال عن موضوع الثلاث سنوات و قرار 244 ؟؟؟؟؟؟ و المعلم المساعد على الدرة الكام كان الرد كالاتى : ا


لفاكس اللى وصل الادارة اشترط ثلاث سنوات



اما عن المعلم المساعد فهو على درجة التعاقدات يعنى "بدون درجة مالية" و القرار 244 هو قرار وزارى خاص بتثبيت جميع المتعاقدين المجتازين للكادر يعنى بيدى صلاحيات للمحافظين باصدار قرار تعيين كل فى محافظتة و ان شاء الله الملزمة جاهزة و مستنية القرار من المحافظ و وكيل الوزارة بعد موافقة التنظيم و الادارة و العملية عملية وقت و بس

انا بقى دلوقتى مش فاهم انا تعاقد 2009 و نجحت فى امتحان 1-4-2011
هل موضوع الثلاث سنوات ده بجد و لا ايه ده قرار وده قرار تانى مش عارف حتثبت و لا ايه افيدونى

لا طبعا مش شرط

القرار واضح كل من اجتاز امتحانات الكادر

احنا تابعين لقانون 155 مادة 73

هو حضرتك متأكد من الخبر

انا من دمنهور و رسلت استاذ حمادة الشاعر على موقوع الادارة و كان ده الرد عليا و الله العظيم

كل اللى دخل الكادر اتعين

عندنا فى الغربية كل اللى دخلوا الكادر اتعينوا حتى اللى معداش 3 سنين

ربنا يطمنك يا mohamaha 33

ارجوكم محدش يجيب سيرة ال3 سنين دي خاااااااااااااااااااالص
انا جالي حساسيه من رقم 3
قلنا مليون مره المتعاقدين الناجحين في اتحان1/4 ملهمش دعوه بنظام ال3 سنين وياريت محدش يسأل عليه تاني
وخصوصا من البحيره
لو عايزين نعمل حاجه وياريت طبعا نبعت فاكسات كلنا
يارب حد يتجاوب معايا بأه

ال عنده حساسيه يطلع برة المنتدى المرض ده معدى يا جماعه

مش رط الثلاث سنوات القانون واضح

القانون واضح اللي اجتاز الاختبار يتعين فورا

الى حياة الروح انت منين

يا سيدى الفاضل لو ال 3 سنين شرط كان الكلام ده انطبق على اللى اتعينو فى شهر 3
وبعدين العقد مش بيقول كده خالص

انا ادارة مركز كفر الدوار

اللى اتعينو فى شهر 3 انا اعرف ناس منهم تعاقد 7\ 2008 واتعينو فى 3 \ 2011 .. يعنى قبل ما يكملو ال 3 سنين اللى احنا انفسنا اخترعناها شرط

زى ال icdl
الوزارة قالت تؤجل عام ومع ذلك كل شوية واحد يطلع ويقول هى ال icdl شرط للتعيين

]يا جماعه لازم تعرفوا انهم فاهمين كل حاجة لذلك بقى الحل اللى قدامنا دلوقتى هو تنظيم اعتصام امام مبنى مديرية التربيه والتعليم بالله عليكم احنا كده مش عافين نتمتع بحقنا المشروع فى التعيين[

يعني يبقى حقنا ومش عارفين ناخده دى مصيبة ايه دي؟؟؟؟؟؟؟؟؟؟؟!!!!!!!!!!!!!!!!!!!!

والله المستعان على ما تصفون

بسم الله الرحمن الرحيم
يا جماعة لازم نحدد يوم نعمل فيه وقفة جادة ولا نغادر المكان حتى يتم التعيين بالفعل

يا جماعه باكدلوكو ده قرار وزاري واجب التنفيذ

سالت تانى و قالوا
المحافظات كلها ثبتت اللى نجح على الدرجة الثالثة و دى محافظة الاسماعيلية منه

http://www.youm7.com/News.asp?NewsID=450449&SecID=296


دة بدون أى شروط ربنا يسهل عندنا بس طالما هيثبت اللى بالحصة أكيد مش هيسيب العقود و ان شاء الله هتاخد الحد الادنى زى أى مدرس عادى طالما اتثبت على الدرجة الثالثة. و بالتوفيق:av4056bb7jp3::av4056bb7jp3::av4056bb7jp3:

اوووووووووووووووووووووووف كلام فى كلام فى كلام

الى كل معلم مساعد0000 اقر يا اخى الفقرة 73 من قانون 155 وانت تعرف هل شرط 3 سنوات يطبق عليك ام لا000000حراااام عليكم القانون واضح من اكمل عام فى عقدة وحصل على الدبلومة اللعامة ونجح فى الكادر يتم تعيينة على درجة معلم

حياك الله يا عبدالحميد

اكيد يا جماعه جميع ا لادارات تايهه في ظلمات كبيره

طب ليه الاسماعيليه طبقت القرار 244 والباقي لآ

نفسي اعرف السبب يعني هم في دوله واحنا في دوله تانيه

بسم الله الرحمن الرحيم
يا جماعة هما حاظين ناس فى الادارات ذى قلتهم مفيش واحد فيهم كلف خاطرة واطلع على قانون 155 الخاص بتعيين المعلم المساعد عشان يفهم كل فاكس وكل قرار يستلمه يخص مين دول ناس نايمة ولازم يصحوا
وموش هيصحوا غير لمان نتعاون ونبدأ بقه لحد امته هنفضل ساكتين أرجوكم يا جماعة كل واحد يعمل فاكس باسم المعلمين المساعدين جميعاً فى المحافظة
و أنا أولكم انشاء الله هبعت غدً فاكسين واد للمحافظ وواحد للوزير أو رئيس الوزراء وكل اسبوع ان شاء الله هبعت الفاكسين لحد الأزمة ما تنحل باذن الله وياريت تعملوا كدا وبلاش كسل
المثل يقول ( ما حك جلدك مثل ظفرك )

تانى هفضل اقول الكلام دا دايما انا قلت مليون مرة ان التثبيت وشرط 3 سنوات خاص بالقرار 75 الى هو الحصة والمكافأة الشاملة مش بالقرار 244 القرار 244 تعيين كل من اجتاز الكادر يتعين على درجة معلم حتى لو قضى سنة واحدة كمعلم مساعد

مبرووووووووووووك

من الآخر الأجر وأكمل ثلاث سنوات يتم عمل عقد له سنتان على أن يدخل امتحان الأكاديمية ويستوفي الشروط ومن ثم التعيين وبالنسبة للحد الأدنى لا يجود شيء بالنسبة ليه حتى الآن هناك من يقول مفيش حد أدنى وهناك من يقول سيتم تطبيق الحد الأدنى عليهم 700 جنيه أو على الكلام الجديد684
المتعاقد الذي امتحن الكادر يتم تعيينه على الدرجة الثالثة ويتم معاملتهم معاملة الحد الأدنى
وده مش كلامي

ده تم بالفعل مع مدرسي الأجر بالإسماعيلية وطبعا كل الناس عرفت الذي يتم الآن مع المجتازي فقد تم اعتماد قرار تعيينهم وكلامي عن المرتبات ده من خلال ما قاله السيد وزير المالية في لقاءه مع منى الشاذلي أنه لا يمكنه تنفيذ قرار 75 لوزير التربية والتعليم لأنه يحتاج إلى 40 مليار جنيه لكي يجري إجراءاته على كل العاملين بالقطاع العام سواء تربية وتعليم وغيره وهذا ما قاله بالنص

ده آخر كلام وبلاش اشاعات لأني من ساعة ما انضميت للمنتدى ده كل واحد بكلمة بدون سند

ثانيا هناك خلط بين القرارات الوزارية والتطبيق للحد الأدنى

ثالثا وأخيرا لا يوجد أي شيء بخصوص الحد الأدنى إلا الجدول الأجور المنشور بموقع وزارة المالية وأكتر من كده مفيش كلام

لأن هو ده الرسمي وبلاش نطلع كل شوية نطلع إشاعة الفاصل بين وبين الوزارات هذا الشهر وإذا لم يتم ما قد وعدنا به فلكل واحد من الحق في الخروج ويعبر عن رأيه بالطريقة التي يراها صحيحة

لو البحيره ما عملتش كده متبقاش محافظتنا

والله احنا تايهين ياجماعه وعايشين فى دوامه اسمها التثبيت
يارب نخرج منها على خيررررررررررررررر

انا خلاص حسة ان انتم لازم تكونوا قلقانين من حاجة اما 3 سنوات او icdl اوعدم الثقةفي الاخبار

كل اللى دخل الكادر اتعين

عندنا فى الغربية كل اللى دخلوا الكادر اتعينوا حتى اللى معداش 3 سنين
يا mohamaha انت تبع ادارة اية بالضبط فى الغربية ومين اللى قاللك ان اصلا فيه حد فى الغربية اتعين او اتثبت روحى التعينات فى المديرية واسأليهم ايه الحكاية بالضبط هتسمعى الهبل والعجب من الموظفين اللى فى المديرية