مشاهدة النسخة كاملة : ما باحبش الك***ى!!!
الاسطورة 01-01-2008, 08:00 AM بسم الله الرحمن الرحيم
فى الحقيقة يا جماعة موضوع الاغانى الشعبية الهابطة دى بنعانى منه من زمان
من فترة كبيرة
بس مافيش فى ايدينا حاجة
لكن فى الفترة الاخيرة
الموضوع زاد عن حده جدآ
وبقت فى اغانى يندى لها الجبين!!
(نطلع ع السطوح..رقصنى....الهوا بيرد الروح...مش عارف ايه)
واغانى اخرى يضحك منها الانسان عندما يسمعها من شدة الهيافة
(الك***ى حلاوتة قليلة...مش احلى منك يا بليلة.....م الك***ى ما باخوفكوش...انا اللى اصلآ ما باحبوش...)
وكلام كثير من هذا القبيل
طيب الحل ايه عشان الواحد يحمى نفسه من التلوث السمعى ده؟
واحد يقولى يا اخى سهلة
مش عاجباك ما تسمعهاش
(قال يعنى جاب الديب من ديله)
طيب ما هو اكيد ما دام مش عجبانى مش ها اسمعها برغبتى!!
انما الواحد بقى بيمشى فى الشارع يلاقى الشباب مشغلينها فى العربيات على اعلى صوت
والتكاتك (جمع توك توك) ما بتتوصاش
طول الليل والنهار مشغلينها ستيريو
طاب الواحد يعمل ايه؟!
الحل الامثل اللى انا وصلتله
انى ماليش الحق امنع حد يسمع
بس من حقى انا ما اسمعش
يبقى كل واحد محترم كده من الاول لو عايز يسمع
يشغل حاجة على قده يسمعها
ويرحمنا احنا!!
ولا انتوا ايه رأيكم؟!
M I D O 01-01-2008, 08:37 AM ده فرق طبقات ياحودة وده موجود
zizo2_2 01-01-2008, 10:32 AM للاسف يا ميدو مش فرق طبقات ولا حاجة بقت كل الفئات بتسمع الاغاني الهابطة
وللاسف احنا في طريق الضياع مش الطريق السليم
الناس دلوقتي نسيت تسمع الحاجات الحلوة
عموما ان الله لا يغير ما بقوم حتى يغيروا ما بانفسهم
نسال الله ان يهدينا الى الطريق السليم
شكرا يا محمود على موضوعك ومناقشتك لقضية نعاصرها كل يوم
نونا المصرية 01-01-2008, 11:44 AM والله عندك حق يا محمود
فعلا بقت حاجة صعبة اوى
وخلاص وصلنا لاقصى مراحل التخلف والانحدار الثقافى والاخلاقى
لما يبقى مطرب مصر الاول الفنان الرائع سعد الصغير وبعرور وامثالهم كتير وكتير
يبقى ملهوش لزمة كل اللى بنتعلمه ده
امال ادب ايه اللى قعدنا ناخده فى العربى 3 سنين ومدارس شعرية وتفكير الشعراء واهتمامهم بالمعانى
مش دلوقتى لا بقى فيه معنى ولا موسيقى ولا اى حاجة تتطلع بيها من الاغنية الا وجع الدماغ والاحساس باننا بشر متخلفين عقليا
لما احنا نسمح للمتخلفين دول انهم يغنوا واننا كمان نشترى الشرايط بتاعتهم وكمان يعملوا افلام هابطة وندخلنا وتحقق اعلى ايرادات
يبقى احنا بجد مش نستحق نكون بشر
يلا كده كده احنا ضايعين ضايعين
ربنا يهدينا ويهدى الجميع
ميرسى يا محمود عالتوبيك الرائع ده اللى بيفكرنا باننا مصريين للاسف
روميو 2007 01-01-2008, 12:28 PM انا معاك يامحمود معاك يانونا بس ياترى انتم عندكم الحل علشان نعدل من نفسنا ولا كل واحد فينا يمسك شومه وكسر بصوا العيب فينا احنا المفروض نغير يكلامنا ومفهومنا علشان ننفع ياجماعه واهى دقنى لو نفعنا اصلا انا اسف بس دى الحقيقه الحكومه عاوزنا نكون كده بس احنا يايدينا ايه
fares elnet 01-01-2008, 12:46 PM والله يا محمود يعنى هى جات على الاغانى :confused:
ما كل حاجة فى البلد دى متشقلبة ;)
يعنى الغلط هو اللى ماشى والكلام الفارغ هو
اللى بيجيب فلوس واحنا شعب عبيط :D
وبنعيش الدور فى كل حاجة :rolleyes:
والسمك السمك السمك
مقلى مشوى بيلعب
:D:D:D:D
وشكرا لموضوعك يا حوده
كركركوكو 01-01-2008, 01:36 PM الموضوع ده اصله يرجع لينا الشباب دلوقتي بقي عايز اغنيه فيها بنات بترقص وبس وهي دي الاغنيه اللي بتنجح في مصر
لو كان محدش مثلا مشي ورا اغنية العنب وبحبك ياحمار وكل الهلوثه اللي طلعت دي ماكنشي حد عمل زيهم تاني
يعني دي ثقافة شعب بأكلمه
ده رأيي ولما تسمع عن هبل الشباب تعرف علي طول ( بيقا انت اكيد اكيد في مصر )
احمد رضا 01-01-2008, 01:45 PM المشكلة : ان قلة العقل في الاول و في الاخر
انا ايه اللي يخليني اسمع مبحبش الك***ي
طيب ايه اللي انا استفدته من مبحبش الك***ي
هو مبيحبش الك***ي يقرف اهلي ليه وانا مالي
ولا اللي يقولك مشيلي مصلحه امشيلك مصلحه
تجبلي مش عارف ايه اجبلك مروحه
لا حول ولا قوة إلا بالله
ولا اللي يقولك
حموكشه في اللموكشه
واللي يغنلي للعنب
والحمار
والخيار
والقرع
نفسي اعرف الغبي اللي بيسمع الحاجات دي ايه مدي الاستفاده
بالله عليك ياخي عايزك تقارنا كدا
اخي جاوز الظالمون المدى فحق الجهاد و حق الفدا
انتركهم يغصبون العروبه مجد الابوة و السؤددا
وليس بغير صليل السيوف يجيبون صوتا لنا او صدا
ياربي
فرق السما من الارض
الحل بقه التوعيه
تبدا توعي الشباب الصاحي والفايق
واللي مش فايق تحاول تفوقه
لان معظم اللي بيسمعوا الاغاني دي
صدقني اللي بيشربوا مخدرات و كدا
ولما تكلم واحد يقولك " والله انا ما عارف السطل اللي بيخيبنا ولا الخيبه هيا اللي بتسطلنا "
الحكايه منظومه كبيرة
ربنا يهدي الجميع
زرعنا القرع
حصدنا الكوسة
سوسة يا سوسة
كف عروسة
طلعت دودة
ونخرت سوسة
فى المحروسة
وادى حكايتى
مع البسبوسة
اللى اتحشرت
فيها الكوسة
.. Mysterious .. 01-01-2008, 02:57 PM والله يا محمود يعنى هى جات على الاغانى :confused:
ما كل حاجة فى البلد دى متشقلبة ;)
يعنى الغلط هو اللى ماشى والكلام الفارغ هو
اللى بيجيب فلوس واحنا شعب عبيط :D
وبنعيش الدور فى كل حاجة :rolleyes:
والسمك السمك السمك
مقلى مشوى بيلعب
:D:D:D:D
وشكرا لموضوعك يا حوده
شكرا على الموضوع
ههههههههههههههه
بس انت مجربتش الرز باللبن:p
اكيد لما تجربه هتحب الك***ى:D
asforaa 01-01-2008, 07:14 PM اة فعلا اغانى زبالة وانا عمرى ما هحقر نفسى واسمعها
هابطة هابطة ياعنى
ربنا يسترها
am_online5 02-01-2008, 07:22 AM علي فكرة الموضوع دة انا بعاني زي ما كل الشعب بيعاني منه لانه بيتفرض عليك غصب عنك في المواصلات وفي الشوارع وفي كل مكان
المشكلة انها اغاني بكلمات مقززة للغاية
والحان مؤذية وبتعمل تلوث سمعي وبيسمعها اوحش طبقة في المجتمع
المشكلة بقي ان ودان الناس العاديين من كتر ما بتسمعها بتستصيغها
وبعد كدة بتبقي عادي
يعني مثلا اغنية زي بتاعت المحكمة دي ملهاش اي لزمة
مش عارف لية ؟؟ الناس كلها بقت بتسمعها
وغيرها وغيرها
علي فكرة لازم المجتمع يقف ضد هذا السيل العارم من الملوثات السمعية
واحب اقول حاجة كمان لمغنين الفاكهه
يا اهل المغني دماغنا وجعنا
ابراهيم عز 02-10-2008, 05:20 AM مش هقول لان القول مش نافع
!!!دمعة حزن!!! 02-10-2008, 05:45 AM انا لما دخلت بحسيها عزومه ك***ى:p:p
دخلت اشترك اصلى بموووووووت فى الك***ى:d:d
وولما دخلت طلعت اغنيه موش عزومه:(:(
انا الحمد لله موش بسمع الاغانى الغبيه دى
تانى حاجه عندى فى اسوان عنهم زوق فى الاغانى
موش بيشغلوا اى حاجه
انا ممكن اسمع الاغانى دى فى الافراح وكدا
بس انا موش يروح اى افراح
عشان كدا نادرا مابسمع الهبل دااااا
يلا احسدونى بقى عشان معنديش تلوث سمعى:mad::mad:
!!!دمعة حزن!!! 02-10-2008, 05:48 AM زرعنا القرع
حصدنا الكوسة
سوسة يا سوسة
كف عروسة
طلعت دودة
ونخرت سوسة
فى المحروسة
وادى حكايتى
مع البسبوسة
اللى اتحشرت
فيها الكوسة
معلش سؤال غلس شويه
هو ايه دا
اصلى موش بحب البسبوسه:p
الجنتلة 02-10-2008, 09:24 AM اغانى هابطة اي بس دى زى العسل دة كفاية الاستاذ سعد باشا المسخوط قصدى الصغير و هوة بيقول العنب العنب العنب و البلح و كلة بقى اشتغل طبعا انا بهزر لانها اغانى مينفعش تتسمع ولا حد اصلا يديها اى اهتمام لانها كلمة هابطة قليلة عليها بس احنا دلوقتى بقينا فى زمن هيص تعيش و لازم الشعب يحب الحمار على راى سعد باشا العيل يووووووووووووة قصدى الصغير
يا جماعه كل اغانى ولها ناسها
مانت لو بتسمع تامر حسنى هتلاقى ناس بتقلس عليك
ولولا اختلاف الازواق لبارت الاغانى
الله يرحمك يا شفيقه
MohammeD el_SadaT 02-10-2008, 06:05 PM بص يا محمود فى مثل
بيقول
لولا إختلاف الأذواق لبارت السلع
يعنى زى ما إنت بتكره الأغانى الشعبى أوى كده فيه ناس تانيه بتحبها جدااااااااااااااً
mido125 02-10-2008, 11:36 PM يا جماعة الاغانى اصلها حرام
كله زى بعضه
من اول ام كلثوم لحد سعد الصغير
السمراء 04-10-2008, 09:42 PM اسمحلى اشكر سيادتك على الموضوع
ممكن اقول رايى من غير زعل(قال يعنى يهمنى.........)
انتم مزعلين نفسكم على اغانى هابطة .....وهادفة
ياجماعة الاغانى محرمة والمعازف وبتهيالى انتم واثقين
وبعد اذن اى حد(طبعا مقصدشى حد.........)طبعا كلمة لولا اختلاف الاذواق ........السلع
السلع قصدى الاغانى محرمة بيتهيالى مفيهاش لذوقى ولا ذوقك
حاول تسمع كده الاناشيد(طبعا مفيهاش معازف)وتانى هتلاقيها هادفة وجميلة
nono-love 13-10-2008, 08:34 PM thxxxxxxxxxxxxxxxxx
kalefam 13-10-2008, 10:33 PM اللى بيغنى للعب و البلح و القوطة و الخيارو,,,,,,,,,,,,,,,,,,,,,,,,,,,,,,,
فيه الهون اللى بتغنى للما بيعرفش ( هى عازة ايه عاوزاه يغرف )
طـفـلـة الامـس 13-10-2008, 11:52 PM حقيقى بجد مش عارفة ارد اقول ايه؟
ربنا يهدى الجميع الى مايحبه ويرضاه
وفعلا مابتفرقش بين الطبقات كما ذكر
ابقى ماشية والاقى واحد راكب عربية احدث موديل ومشغل الكاسيت باعلى صوته على الاغانى القذرة دى
فى رعاية الله
بورسعيدى 14-10-2008, 01:44 AM ايه الموضوع الى كله مخبرين ده ؟؟؟
المشكله فينا احنا مش فى الى بيغنى والا الى بينتج
لان لو احنا مش سمعنا هذه المنتجات هاتبور وبالتالى مش هاتنتشر بالشكل الغريب ده
وطبعا السوق بيكون فى تلبيه احتياجات المستهلك مهما كانت تلك الاحتياجات
لو احنا هجرنا هذا النوع من المسموعات اكيد هاينتهى ويموت ونجبر السوق على انتاج زوق رفيع
لكن فى اقبال مننا على هذا الكلام الفارغ
يبقا بلاش نلوم المغنى ونلوم الى بيشترى اغانية لان هو الى بيشجعه
شكرا
pureheart 14-10-2008, 10:57 PM انامش قدره افهم اللى بيحبوا الاغانى الشعبية دول بيحبوها ليه
و لو هى عجباهم اوى ميفرضوهاش علينا يعنى اللى عندة فرح فى الشارع يحترم الناس و ميفتحش الدى جى على اعلى صوت بالاغانى المقرفة او الاغانى التانية
ahmed2845 16-10-2008, 11:23 PM انت ناسى كمان العنب العنب والبلح البلح وبحبك يا حمار :d.......... الخ
اى كلام فى اى كلام وهتبقى اغنية وخلاص وهتلاقى اللى يسمعها واللى يرقص عليهااا كمان :d
اصلها مسالة اذواق
شكرااا على الموضوع :)
فاعــ خير ــل 17-10-2008, 12:14 AM يا جماعه كل اغانى ولها ناسها
مانت لو بتسمع تامر حسنى هتلاقى ناس بتقلس عليك
ولولا اختلاف الازواق لبارت الاغانى
الله يرحمك يا شفيقه
انا مع الراجل ده
مشكور
ابراهيم حافظ 22-11-2008, 08:42 PM Merciiiiiiiiiiiiiiiiiii Beaucoupppppppppppppppppppppp
المخلص 29-11-2008, 06:21 PM فعلا حاجه تخنق كلمات هابطه وسيئة وللاسف اصحبت درجه وسط كلامنا اليوم
الف شكر علي المجهود الكبير
Last Fantasy 01-12-2008, 10:54 PM أول حاجه إنتا مش حتقدر حد يقفل أو حتي يوطي الصوت الحاجه التانيه دي أغاني للناس الكييفه اللي هما بتوع الحشيش والبنجو و اتهيالي مش حتقدر تتدخل في مناقشه مع واحد من العينه دي بس أعتقد يكون حلها من جهه رسمية تعمل غرامات علي علو الصوت يعني زي مقلت كل واحد علي قده لكن إنتا سيبت الموضوع في هامش في الاخر
hazem_ayman 01-12-2008, 11:39 PM احنا لو ما اقبلناش على الاغانى دى فى الناس اللى مستواهم الثقافى والتعليمى قليل
برده هيدوروا عليها وبكدا اللاغانى دى مش هتموت ولا تنتهى
نسمة هوى 03-12-2008, 06:18 PM اللة الموضوع حلو اوى بس انا مسمعتش اخنية الك***ى دى دة واللة انا مت من الضحك من الكلمتيل دول امال باقى الاغنية و احنا الحمد اللة السويس منعين فيها التكاتك خالص بس بجد انتا عندك حق لكن هوة دة الشعب المصرى مش انانى عايز يسمعنا معاة كويسين برضوا
محمد عاطف 22 03-02-2009, 07:15 PM طبعا حاجة تقرف
والواحد بيفضل متعكنن طول النهار
basmala 03-02-2009, 07:46 PM هى على العموم الاغانى كلها هابطه ...(زى مثلا مطرب الشباب تامر حسنى المتميز )اللى بيغنى ويقول حبيبى انا قلبى
وجعنى ...نعملك ايه يعنى قلبك وجعك ولا لا ...روح اتعالج او ادخل مستشفى ....الصراحه كلام ملوش اى معنى ولا لازمه
**تسابيح** 03-02-2009, 08:00 PM عندك حق
انا برده ببقي اقعدة في بتنا في امان الله
وسمع اغاني هابطه هابطة يعني ويرتها عدله يعني
طبعا انا مشس هنزل الشارع وقول للناس بطلوا
هم اصلا مش عنده ذوق دول بيجيبوا عربيات
ويحطوا عليها ميكروفونات صوتها عالي اوووووي وبتبقي فضيحة اغاني في الشارع
ربنا يهدي
شكرا ع الموضوع
Free Mind 03-02-2009, 09:35 PM هههههههههههههههه ما هو الك***ى اكيد حاجة هايفة ههههههههههههههههههههههه
عالم فاضيه
تسلم على الموضوع كتير
بس الغلط مش على المغنين دول او اللى مسميين نفسهم مغنين
الغلط علينا احنا
عشان هما اللى لاقين اللى بيسمع لهم
لكن لو مافيش حد بيسمع خبط الحلل ده
مكنوش استمروا فى كده
على العموم ربنا يهديهم
ومشكوووووور كتير على الموضوع
medo_reda2008 03-02-2009, 10:29 PM دول اصلا مش مغنين دول عبارة عن ناس معاهم فلوس زيادة بدل ما يساعدوا الفقرا يروحوا يغنوا اغاني ملهاش اي معنى
والمشكلة ان الشباب بيحبوهم على ايه معرفش الله واعلم بس تقريبا علشان الشباب عايزة اغاني زي دي وكمان علشان دول بيكونوا من مناطق شعبية ف بيعرفوا ازاي يسيطروا على الشباب وعارفين الشباب عايزين ايه
medo_reda2008 03-02-2009, 10:31 PM وكفاية اصلا اسامي الاغاني يعني زي (العبد والشيطان / البانجو .........)
بالله عليكم دي اسامي اغاني
بس الشباب عايزين كده
أحمـدنجـم 03-02-2009, 11:09 PM استعنى ع الشقى بالله
يلا نشمر الكمين
ونلمع العينتين
قصدي النظارة يعني:)
ونقول
واخدين بالكم هنقول ..
هنقول قوالة
يا مشيب شعر الرجالة ..
يييييييييييييييه
ايه دا اللي بقوله دا :angry2:
أغاني شعبية حضرتك..:)
شعبية .. ؟ :confused:
دي نزلة شعبية يا عم ..
ولا المصيبة تكون تقصد شعبية من الشعب يعني
وعلى رأي الواد مزيكا لما سأله جورج سيدهم
تفهم في السياسة يا واد يا مزيكا
قاله ..
أنا الشعب ..:078111rg3:
أعتقد إن الواد مزيكا دا هو اللي مقصود
بالأغاني الشعبية
طيب تسمحولي أتلكم بصفتي شاعر
وبكتب شعر:romarioxp6:
ايه دا يا عم انت اضفت يعني ؟:slap1qk6:
طيب طيب متزوقش
والله بكتب شعر وبكتب أغاني كمان
بس بصراحة مش شعبية
والحمد لله
يعني في مرة مخرج طلب مني في مسرحية
اكتبله أغنية شعبية
عارفين كتبت ايه ؟
معلش هصدعكم شوية
يا مسحورين انفضوا تعويذة السحرا
مدوا الادين انجدوا الخضرة والصحرا
انت اصحى وصحي اخوك وقوله ينده ع اللي جنبه
هزوا راسكم فوقوا كونوا جسم واحد حر قلبه
ازحفوا الزحف المقدس
والهدف هو الضمير
اطردوا كل اللي دنس
اخلعوا ناب الكبير
الكبير أبداً ما يقدر
ع اللي راضع يوم كرامة
والسكات آخر علامة
بعدها تقوم القيامة
بس خلاص
على رأي شعبولا:049gc0:
شوفوا يا جماعة الحل مش اننا نسمع أغاني هادفة وبس
الحل اننا منسمعش أغاني هايفة
دا جميل
طب واللي بيسمعوها نعمل فيهم ايه؟
دي بقى مسئولية مشتركة
تبدأ من أول الشعراء وشركات الإنتاج والمطربين
وتنتهي لغاية كل واحد فينا
عاوزين نحاصر المرض دا
ونقضي على الوسيط
زي البلهارسيا بالظبط
ازاي:confused:
أنا أقولكم ازاي
كل لما يقع في ايدك اسطوانة او شريط هابط
سجل عليه بدون استئذان حاجة تانية
مش حرام متخافش
ايوه أيوه
واديه لصاحبه
هييجي يقولك ايه دا يا عم
ويمكن :slap1qk6:
معلش استحمل
في ناس ماتوا في سبيل الإصلاح
وبعدين اقعد اسمع معاه الكلام الحلو
وفهمه وعلمه
على فكرة كفاية كده وهرجع تاني
بروشته تانية
يلا بقى كل واحد يدعبس عند اخواته
اصحابه
على شرايط العنب والك***ي
ويطبع عليها يلا
متخافوش سيبوها لله
أنا جاي تاني استنوني
سلاااااااااااام:078111rg3:
|