متظاهرو التحرير يرفعون الكارت الأحمر لـ"عصام شرف"

الجمعة، 8 يوليو 2011 - 16:53
http://www.youm7.com/images/NewsPics/large/s620115134829.jpg عصام شرف رئيس الوزراء
كتب رامى نوار و على حسان
http://www.youm7.com/images/graphics/lg-addthis-en.gif (http://www.youm7.com/bookmark.php?v=20) http://www.youm7.com/images/graphics/igoogle.gif (http://www.google.com/ig/adde?moduleurl=http://activedd.googlecode.com/svn/trunk/iGoogle/Gadgets/Youm7/Youm7.xml)
تعبيراً منهم عن غضبهم الشديد، رفع العشرات من المتظاهرين بميدان التحرير "كارت أحمر" للدكتور عصام شرف، رئيس الوزراء، وطالبوه بالنزول إلى ميدان التحرير، كما وعد الثوار فى بداية ثورتهم وردد المتظاهرون "يا عصام يا عصام يلى جيت من الاعتصام إحنا هنا فى الميدان الشعب المصرى مش جبان".





المصدر : اليوم السابع
http://www.youm7.com/News.asp?NewsID=450855




رغم انى مؤمن ان الراجل ده شريف وبيعمل لصالح البلد وتعب فى الفترة اللى فاتت كتير فى تحسين صورتنا فى الخارج وحل المشاكل الا ان حكومته ضعيفة وبطيئة ومش بيحاسبهم ولا بيسمع لينا فى طلبات اقالة بعضهم وقراراته بطيئة حتى قرار حل المجلس المحلى طالبناه بيه من زمان ولولا القضاة مكنش نفذه


مهتم بالخارج واهمل الداخل


عايز اقلكم ان مش مشكلة لو اتشال شرف لان مصر فيها شرفاء كتير اكثر قدرة وعمل عن شرف
عايزين نغيير فكرة اللى نعرفه احسن من اللى منعرفوش وده عرفناه شريف مين عالم يمكن نتبطر على النعمة ويجيلنا واحد فاسد لاء فى ناس تانية شرفاء زى كمال الجنزورى وجربناه قبل كده فى عهد الظالم حسنى مبارك ومع ذلك مهموهوش وكان قوى و جابلنا حقوقنا انا متاكد ان كمال الجنزورى لو مسك الوزارة فى هذا العهد والحرية هيلبى طموح الناس لانه عارف قدرات وخبايا الدولة وكفاية قانون الجنزورى اللى لسه الناس بتستفاد منه لغاية دلوقتى من الغاء الرسوب الوظيفى


الراجل ده لو مسك اكيد هياخذ قرارات جريئة لصالح البلد فهو لا يخاف لومة لائم




وكما قال رسول الله (ص) " المؤمن القوى خير من المؤمن الضعيف "


وانا متاكد انه لو كان ماسك رئاسة الوزارة كان هياخذ قرار جرئ بالناسبة للحد الادنى ومكنش هيسيب وزير المالية يتلاعب بينا ومش خايف من محاسبة زى اللى حاصل دلوقتى


وبعدين لازم نتعود اننا نغير ومنستمرش على شخص واحد لان بعد كده الرئيس هيقعد 4 سنين وممكن يمشى يعنى لو استمرينا على فكرة اللى نعرفه يبقى مش هنسيب الرئيس يمشى


فكرة التغيير من الافكار الحديثة اللى لازم نؤمن بيها وكمان اننا احنا اللى نختار الشريف لان للاسف حسنى مبارك دخل فى اذهاننا كلنا انه مفيش غيره ومين عالم ممكن نجيبه تانى


ده كرسى ومسئوليه ومش لازم اللى يقعد عليه يلزق لاء ده كرسى عادى اى مصرى شريف وعنده قدره انه يخدم البلد واحنا شايفين (اى الشعب) انه كويس نقعده فالسلطة للشعب و الكرسى لتحقيق مطالب الشعب


وبلاش فكرة اللى يقعد خلاص لازم ثورة تشيله انما اعماله لو كويسة يقعد بل كمان لو اعماله كويسة ممكن نشوف حد اعماله احسن انما لو اعماله زفت يبقى يتشال من غير نقاش

هات نبى من الانبياء لن يرضوا عنه

يا عم الحاج دول عيال فاضية ومعندهمشى عيال ولا عندهم مشاكل ولا بيجروا على لقمة العيش زينا ضيعوا البلد الشعب المصرى كله سيدعو عليهم فليتحملوا دعاء 80 مليون

هات نبى من الانبياء لن يرضوا عنه

يا عم الحاج دول عيال فاضية ومعندهمشى عيال ولا عندهم مشاكل ولا بيجروا على لقمة العيش زينا ضيعوا البلد الشعب المصرى كله سيدعو عليهم فليتحملوا دعاء 80 مليون

بالعكس اخي انا ضد قولك هذا فلو كنت ذهبت للتحرير اليوم او في اي يوم لن تجدهم عيال فاضية كما تقول بل اصفهم انا

بأنهم صفوة المجتمع ونبضه لانهم يطالبون بالعدل لي ولك ولغيرك كما يطالبون بتعديل مسار الثورة والذي انحرف كثيرا عن

مساره فأرجو اخي ان تراجع قولك هذا وان تشد من ازرهم وتساعدهم فهم الذين قاموا بالثورة وهم الذين يدافعون عنها

بينما غيرهم نائم خامل لايفعل شيء الا النقض والهدم

هات نبى من الانبياء لن يرضوا عنه

يا عم الحاج دول عيال فاضية ومعندهمشى عيال ولا عندهم مشاكل ولا بيجروا على لقمة العيش زينا ضيعوا البلد الشعب المصرى كله سيدعو عليهم فليتحملوا دعاء 80 مليون

يا اخى دول مش عيال دول رجالة همهم مصلحة البلد
بلاش الفكرة اللى مسيطرة علينا اننا مبنفهمش واننا عيال ومحتاجين لحد كبير يبقى وصى علينا

دى فكرة دخلها النظام السابق علشان نؤمن بيها ونبقى ديما تحت طوعهم

دول رجالة بتفكر وواعية وممكن باراءهم توصل مصر لاعلى مكانة

انما لو انفردت الحكومة ومسمعتهمش هتبقى عملت زى النظام السابق اللى انفصل عنهم

دول منهم العباقرة والمفكريين اللى افكارهم غير مسموعة والحكومات بتعتبرهم عيال محتاجين الوصايا

دول ممكن يمسكوا قيادات ويبدعوا

والمفروض احنا كمدرسين عارفين كده اكتر من اى مهنة تانى

انت لم بتخش الفصل بتعتبر العيال اللى فصل تافهين ولا بيفاجئوك بذكائهم وافكارهم وابداعهم وانت المفروض تستثمره فى اثراء الحصة و الخروج بافكار وابداعات وتشجعهم لانهم هم قادة المستقبل

رغم انى مؤمن ان الراجل ده شريف وبيعمل لصالح البلد وتعب فى الفترة اللى فاتت كتير فى تحسين صورتنا فى الخارج وحل المشاكل الا ان حكومته ضعيفة وبطيئة ومش بيحاسبهم ولا بيسمع لينا فى طلبات اقالة بعضهم وقراراته بطيئة حتى قرار حل المجلس المحلى طالبناه بيه من زمان ولولا القضاة مكنش نفذه

ممكن يبقى كويس فى مكان تانى ويسيب اللى متميز فى المكان ده يقعد

وبعدين لازم نتعود اننا نغير ومنستمرش على شخص واحد لان بعد كده الرئيس هيقعد 4 سنين وممكن يمشى يعنى لو استمرينا على فكرة اللى نعرفه يبقى مش هنسيب الرئيس يمشى

للاسف لسه مسيطرة علينا افكار النظام السابق

وعلشان كده انا اطالب باسقاط افكار النظام السابق من عقولنا زى ما اسقطنا النظام للبلد

دعوة لتحرير العقول كما تحررت البلد

بارك الله فيكى استاذة/ منال

فعلا النظام السابق كان بيدمر اى ابداع او اى شريف يبدع مما ارهب الشرفاء والمبدعين لان الابداع يحتاج لجو حر

المفروض ترجع لينا فكرة ان الشرفاء فى مصر كتير ومتفاوتين ولازم نجرب اكثر من فكر واكثر من نظام وابداع حتى يعود جو الحرية وتقدير المبدعين حتى تزول الرهبة ويرجعوا تانى يكثروا ونشوفهم وميخفوش انهم ظهروا لا يفرحوا ويتنافسوا فى مين ينتج اكثر

والمفروض اكتر ناس تعرف كده المعلمين لان ده هو اللى بنعمله فى فصولنا ( المفروض) ننمى التفكير وحرية الابداع والمنافسة الشريفة لاخراج المبدعين والمفكريين والافكار التى تقودنا للاحسن

وشعب مصر فيه ابداع بس مكنش واخد الفرصة شعب مصر لو خد فرصة وعرف طرق التفكير العلمى والمنافسة الشريفة هنعيش حياة جميلة كل يوم افكار

هل تعرفون ان كل مشكلة لها حل

بس لازم نتعب علشان نفكر ونعرف هذا الحل

فمفيش مشكلة ملهاش حل واللى يقول غير كده يبقى هو مجربش التفكير و طرق حل المشكلات

وللاسف الحكومة الحالية تقف عاجزة لا تبحث عن حلول فقط تقول فى مشاكل منقدرش نعمل كذا وكذا

امال المستشاريين اللى فى الوزارة وغيرهم محلوش المشاكل دى ليه

ايه لم يطلع وزير المالية ويقول مثل غلط " على قد لحافك مد رجليك"

لو فيه مشكله عنده فى الموارد يزودها ويدور على طرق المهم ميقلش فى مشكلة وملهاش حل ويقف عاجز

لاء حل المشاكل ولا انت جى منظر ولا الة 1+1 =2

فين ذكاءك فين ابداعك فين ابداع مستشاريك

هو ده الانجاز الحقيقى مش بس ترضى ناس و تقول فى مشكلة

عندك حق يا استاذ/ اسلام

انا لما بدى حرية فى الفصل انهم يفكروا فى حل مسائلة لانى مدرسة رياضيات بلاقى الطلاب بيبدعوا فى حل المسألة واخراج الحل
وشفت مدرس قبل كده بينفرد بتلقين الطلاب المسأل والحل الطلاب بطلوا يبدعوا ويفكروا لدرجة انه كان بيضرب اللى يجاوب اجابات غلط مع ان علميا وتعليميا معروف ان لازم من المحاولة والخطأ واننا بنتعلم من اخطأنا ومفيش حد مبيغلطش ولكن بالتشجيع للى يقول جواب صح ده بيخلى باقى الطلاب يحبوا يفكروا ومرة على مرة ينظموا تفكيرهم ويعرفوا طرق التفكير والابداع


وزى ما قلتلك لازم نحرر العقول وده هيكون بالاهتمام بالتعليم واللى مش شايف اهمية التعليم من انه تحرير للعقول وتعليم الطلاب كيفية التفكير السليم واستخدام عقله فى حل المشكلات التى تواجهه

مش بس كده يا استاذ / اسلام

ده بعد ميتعلموا ازاى يفكروا كويس و يحلو مشاكلهم نعلمهم يستفيدوا من حلول الاخريين لان فى حلول تكون اقصر وموفرة وسريعة حتى نصل بجيل مش بس بيفكر لاء وبيتنافس فى ايهم اسرع تفكير وايهم فكرته تحقق المطلوب باقل مشاكل وبامكانية تنفيذها

والله انا لم تكلمت معاك حسيت بطموح وحماس لدرجة انى بفكر ليه ميشفوش اوائل الثانوية العامة القدامى ويمسكوهم الحكومة كل فى مجاله الفكرة دى جتلى من جو الحرية والحماس فى مشاركة الموضوع

مميزات الفكرة

1- اننا نقدر المتفوقين ده هيخلى عند الشباب طموح ان اللى هيتعب هيتكرم مش هنحط ناس بالواسطة
2- غير ان اوائل الثانوية العامة وصلوا لتلك الدرجة بمجهود وتفكير واجتهاد وهيبدعوا بتفكيرهم فى تلك الوزارات
3- ثالث حاجة نطبق ان اللى يقعد فى مكان يكون بكفائته مش باى حاجة تانية مما يشجه الكل على التفانى فى العمل واظهار الكفاءة

لان زى ما حضرتك عارف اكثر حاجة تبوظ البلد انك تحس انك اللى بيتعب وكويس مش فى مكانه مما يحبط الواحد ويقول اتعب ليه

والله انا سعيدة بالحوار فى هذا الموضوع اللى حمسنى وخلانى احب التفكير وحل المشكلة حتى لو الحل ممكن تشفوه ساذج بس انا حاسه انى عقلى بينتج لسه مركنش

والله انا سعيدة بالحوار فى هذا الموضوع اللى حمسنى وخلانى احب التفكير وحل المشكلة حتى لو الحل ممكن تشفوه ساذج بس انا حاسه انى عقلى بينتج لسه مركنش

والله فكرة كويسة كفاية انها محدش فكر فيها قبل كده وكفاية انها بسيطة و تحقق الهدف وتحل مشاكل كتير

وياريت يبقى حت فى مكان يدرسوا هذه الافكار فاى فكرة ممكن تحل مشاكل وممكن تتعدل اذا كانت فيها اخطأ وكل ده هيكون لو فى حد بيدرس هذه الافكار

بس انا محبط اساسا لان مفيش حد اساسا هيدرس الافكار لانهم اصلا مبيهتموش ولا بيسمعوها علشان كمان يدرسوها

انتم مش عاجبكم حد خالص مرة تقولوا الراجل ده كويس ومرة لالالا المشكلة مش بنعرف نصبر شوية يعنى الواحد صبر 30 سنة
مش هيعرف يصبر الشوية دول

اهلا بيك فى الحوار

يا اخى العزيز النظام ماشى على نفس الطريق ولو صبرنا هنصبر 30 سنة تانية ومفيش جديد ونستنة ثورة كل 30 سنة

الا يكفى كل ما صبرناه

واكبر مشكلة اتزالت وهى النظام

المشكلة انهم متعظوش من اللى حصل لحسنى مبارك ونظامه بابتعاده عن الناس والانفراد بالرأى

ده ربنا قال : وامرهم شورى بينهم

يحاورونا ويحترموا اراءنا ويسمعوها وميعاملوناش باننا محتاجين وصايا احنا مش صغيرين ومحتاجين حد يبقى وصى علينا احنا محتاجين ناس مبدعه تخدم البلد و تحققالنا طموحاتنا

وانا معاك نصبر بس على اساس انهم عايزين وقت مش اننا نسكت وعيب لم نتكلم

اللهم احفظ مصر من كل ســــــــــوء

واصلحنا لحكامنا .... واصلح حكامنا لنا

أمين يا رب العالمين

شرف شريف لكن ضعيف
نريد شريف وقوى وسريع
صعبة دى فى حضارة ال 7 الاف سنة

انا بحترم الراجل دا جدا واتمنى انه يكون رئيس البلد دى فى يوم من الايام ومؤمنه ان مفيش تغيير بين يوم وليله ولازم نصبر شويه :(

هافاجئك يا استاذة منار

انى موافق على اقتراحك واؤؤيده 100%

عصام شرف رئيس للجمهورية

وكمال الجنزورى رئيس للوزراء

فهذا مكانه الحقيقى لانه ليه شعبيه كويسة وشريف وادارته للدولة بشكله البطئ وميله للخاج اكثر من الداخل مثمرة اكثر فى مكان رئيس الجمهورية

انا مش بكره عصام شرف بس اللى يمسك رئيس وزراء لازم يبقى اقوى من كده يحاسب كل الوزراء وتكون ليه بعض الديكتاتورية عليهم لان الديموقراطية مع الوزراء بالشكل اللى منفذة دكتور عصام شرف مخلياهم مش خايفين من محاسبة او انهم ممكن يتغيروا ويتجاب ناس احسن منهم لو مشتغلوش بما يرضى الله

شرف شريف لكن ضعيف
نريد شريف وقوى وسريع
صعبة دى فى حضارة ال 7 الاف سنة

ابدا مش صعبة وهناك الكثير وانا اقترحت كمال الجنزورى
وهناك غيره مصر ولادة

وان شاء الله يصلح الحال ربنا

والله انا عاوز البلد يتصلح حالها عشان لما اكبر الاقى شغل واتجوز بقى