موضوع هام.........لكن يوجد شروط : [الأرشيف] - بوابة الثانوية العامة المصرية

TEMO_KHALED

01-01-2008, 01:48 PM

السلام عليكم ورحمة الله وبركاته:
قبل قراءة الموضوع يجب توافر هذه الشروط في كل المشتركين..
1-ان تكون شخصية محترمة بمعنى انك تحترم كل شخصية بتتكلم عنها.
2-ان تكون شخصية صاحبة عقل بمعنى تفهم انتا بتقول اية مش اي كلام يتقال
3-ان تكون شخصية امينة بمعنى البعد التام عن المصالح والوسايط و الصحوبية والنفاق
4-ان تكون عندك تحمل مسئولية كل كلمة بتقولها
5-اذا لم يتوافر فيك اي شرط من هذه الشروط(ياريت تخلي كلامك لنفسك)
___________________آسف على الشروط لكن الموضوع حساس___________________
اعتراف:انا قصرت في حق المنتدى ومافهمتهوش صح و اتعانلتش بامانة في المنتدى.
__________________________________________________ ___________________
الموضوع: طبعا كلنا شايفين المهزلة الي بتحصل في المنتدى الأيام دي من انعدام اخلاق بعض الاعضاء و هيافة المواضيع و تقصير بعض المشرفين. لذلك:انا هاكتب كل قسم ومعاه المسئولين عنه والتعليق على هذا القسم.
__________________________________________________ ___________________
1- الركن الديني باكمله:(منى الشقية)انا مش شايف ان هي بتدخل المنتدى اصلا غير نادر _ (المجاهد في سبيل الله )بيعمل حاجات كتير اوي كويسة .لكن هناك تقصير شديد في حق هذا الركن المهم جدا بمعنى ان هناك مواضيع كتير مكررة ومواضيع هامة تستحق التثبيت وضايعة وسط المواضيع الباقية
2-الركن العام:الاسطورة_الاستاذ حسام_MIDO:الركن حلو و مفيد لكن بيعاني من ظاهرة غريبة وهي ان اي حد عنده موضوع بيدخل يكتبه فيه وبيكون مش مكانه . مع ان هناك بعض المواضيع الي بتتنقل لكن في مواضيع لأ.
3-الصور:أحمدASSA_ و معاهGENERAL والقسم دة للاسف فيه عيب كبير وهو تكرار المواضيع بشكل ملحوظ
4-المطبخ:MLK انا اكتشفت حاجة غريبة جدا وهو ان مفيش اي موضوع مكتوب باسمMLK طب ازاي.
5-منتدى الرجالة: amr_2010الركن فيه مواضيع كتير لازم تتحذف و ناس كتير بتعلق عليها وللاسف لسة موجودة
6-الجرافيك والميديا:احمد رضا قسم حلو اوي وانا بشوف ان في ناس كتير بتستفاد منه لكن محتاج اهتمام اكتر
7-مشكلة المنتدى الكبرى :جرس الفسحة:gego _ sweety girl:آسف لكن القسم دة مهمل جدااااااا.مواضيع مكررة كتيييييييير _ المواضيع المثبتة كتييييييييييير _
8-الاهداءات والمناسبات:الاسطورة : القسم محتاج تعديل بالنسبة لمواضيع تقديم الشخصيات .. بالنسبة للشخصيات الي خلاص اتعرفت تماما في المنتدى ليه موضوعات التعريف بتاعتهم لسة موجودة؟؟لية مش بيتعمل موضوع يكون موجود للتعارف بمعنى الي يدخل جديد يدخل اولا في هذا الموضوع و يعرفنا على نفسه؟
__________________________________________________ _________
لسة في كلام تاني بس نخلص الحاجات دي الأول وبعد كدة نكمل انشاء الله..بالنسبة لباقي الاقسام و الداريين.
__________________________________________________ _________

كركركوكو

01-01-2008, 01:55 PM

مشكووووووووووووووووووووووووووور جدا يا تيمورتي واحنا كلنا مقصرين بالفعل

fares elnet

01-01-2008, 02:05 PM

والله ياتيمو كلامك جميل

وماقدرش الومك عليه

وده اللى بنادى بيه وبنقول ونعيد ونزيد فيه

وبعدين ما تقدرش تمنع حد من الكتابة فى الركن

العام مع انه بيكون الموضوع تافه وضعيف بس ده حقه

وبالنسبة للمواضيع اللى بتكون مش ماكنها انا بقوم بنقله

للركن المناسب ليه

وشكرا لموضوعك ياتيمو

TEMO_KHALED

01-01-2008, 02:07 PM

TEMO_KHALED

01-01-2008, 02:08 PM

مشكووووووووووووووووووووووووووور جدا يا تيمورتي واحنا كلنا مقصرين بالفعل

العفو يا كيمو . بس و بعدين احنا كلنا عارفين ان احنا مقصرين لكن وبعدين .

postan algana

01-01-2008, 02:11 PM

عندك حق في كل كلمه

TEMO_KHALED

01-01-2008, 02:13 PM

احمد رضا

01-01-2008, 02:35 PM

الموضوع دة لغاية دلوقتي لسة في البداية بمعن لسة مادخلتش للموضوع الاصلي يعني لسة بمهد للموضوع لأن الي انا كاتبته شيء معروف مننا كلنا ومش هام زي ما انا بقول لكن الموضوع الأصلي هاكتبهه في الآخر خالص بعد ما أشوف كل التعليقات الموجودة. و انا ممكن عضويتي تتحذف فيه لو اي حد زود في الكلام بس انا هاحاول اعمل حصر للموضوع دة..شكرا ...الموضوع مهم وكلنا لازم نشترك ولو الجزء الاول نجح(المشرفين)هاكتب عن الاعضاء و ان شاء الله هاينجح و نصلح المنتدى.
شكرا.
ما دام بتتكلم بالحق ياعم تامر
وكل كلمه بتقولها مظبوطه و عليها دليل و بتعرض وجهه نظرك بطريقه مهذبه
خلاص محدش يقدر يوقفك
وبالنسبه لقسم الجرافيك و الاقسام التانيه هيعاد النظر فيها ان شاء الله و انا هتابع معاك الموضوع ده
شكرا علي الموضوع الجميل يا تيمو

TEMO_KHALED

01-01-2008, 02:49 PM

ما دام بتتكلم بالحق ياعم تامر
وكل كلمه بتقولها مظبوطه و عليها دليل و بتعرض وجهه نظرك بطريقه مهذبه
خلاص محدش يقدر يوقفك
وبالنسبه لقسم الجرافيك و الاقسام التانيه هيعاد النظر فيها ان شاء الله و انا هتابع معاك الموضوع ده
شكرا علي الموضوع الجميل يا تيمو

شكرا عال مشاركة يا احمد وانت فعلا مشرف متميز و الكل بيقول كدة..

Dr.Nona.pt

01-01-2008, 07:44 PM

معاك حق أخ تامر

doctor mostafa

01-01-2008, 07:47 PM

فعلاااااااااااااااااااااااااا معااااااااااااك حق

zizo2_2

01-01-2008, 08:14 PM

تقصير المشرفين ناتج عن سوء الادارة
يعني لو الادارة مهتمة بالمنتدى كانت تتابع وتشوف مين المشرفين اللي مقصرين

مش قريبا وخلاص الكلمة اللي دايما بنسمعها ومبيتنفذش حاجة

طبعا مش كل الادارة مقصرة

اللي اعرفه اللي مقصر يتعاقب يعني المشرف اللي يقصر يتوقف وكمان ميمسكش اشراف مدة لا تقل عن ست شهور

ده رايي عايزين تتقبلوه تقبلوه مش عايزين ده شيء يرجعلكم

am_online5

01-01-2008, 08:17 PM

عندك حق في كل الي انت بتقولة وكلنا معاك

M I D O

01-01-2008, 08:22 PM

تيمو اعتقد ان ده تقيم

ممكن حضرتك تشوف تاريخ التسجيل بتاع الناس الى حضرتك بتتكلم عليهوم

ناس ليها تاريخ فى المنتدى وناس محترمة

والتقيم مش المفروض ان حد فينا يقوله كل واحد عارف مجهوده الحقيقى

والتقيم للناس الاداريين هما الى يقيموا

انا مش زعلان من كلام حضرتك

حضرتك شخصية محترمة ومودبة

وشكرا للموضوع يا فندم

.. Mysterious ..

01-01-2008, 09:20 PM

شكرا على الموضوع الجميل

وبجد عندك حق يا اخى العزيز

بس احنا ليس فى ايدينا شئ

وجزاك الله خيراااااااااااا

الاسطورة

01-01-2008, 09:46 PM

2-الركن العام:الاسطورة_الاستاذ حسام_MIDO:الركن حلو و مفيد لكن بيعاني من ظاهرة غريبة وهي ان اي حد عنده موضوع بيدخل يكتبه فيه وبيكون مش مكانه . مع ان هناك بعض المواضيع الي بتتنقل لكن في مواضيع لأ.
نحن نحاول جاهدين لنقل المواضيع التى ليس مكانها الركن العام اللى المكان الصحيح
انا ناقل النهاردة ما لا يقل عن 5 مواضيع
8-الاهداءات والمناسبات:الاسطورة : القسم محتاج تعديل بالنسبة لمواضيع تقديم الشخصيات .. بالنسبة للشخصيات الي خلاص اتعرفت تماما في المنتدى ليه موضوعات التعريف بتاعتهم لسة موجودة؟؟لية مش بيتعمل موضوع يكون موجود للتعارف بمعنى الي يدخل جديد يدخل اولا في هذا الموضوع و يعرفنا على نفسه؟
ما ينفعش احذف مواضيع التعارف القديمة
كل عضو بيدخل بيكتب موضوع عشان نرحب بيه
بياخد وقته لحد ما المعظم يرحب بعدين بيخلص
لكن ما ينفعش احذفه

__________________________________________________ _________
انا رديت على الجزء الخاص بي
اما باقى الموضوع فا هو كويس جدآ
وان شاء الله يتم العمل بيه
ونقدر نظبط الوضع

TEMO_KHALED

01-01-2008, 10:05 PM

TEMO_KHALED

01-01-2008, 10:06 PM

TEMO_KHALED

01-01-2008, 10:08 PM

انا رديت على الجزء الخاص بي
اما باقى الموضوع فا هو كويس جدآ
وان شاء الله يتم العمل بيه
ونقدر نظبط الوضع

ماشي لو الموضوع دة اتعرض على الاعضاء(حذف الموضوعات القديمة)مش هايعترضوا..
شكراا عال مشاركة

TEMO_KHALED

01-01-2008, 10:09 PM

معاك حق أخ تامر

شكرا عال مشاركة

TEMO_KHALED

01-01-2008, 10:10 PM

فعلاااااااااااااااااااااااااا معااااااااااااك حق

شكرا عال مشاركة

CrazY Bo$S

01-01-2008, 10:17 PM

موضوعك .. خطوة على الطريق ( طريق الارتقاء بالمنتدى )

TEMO_KHALED

01-01-2008, 10:22 PM

موضوعك .. خطوة على الطريق ( طريق الارتقاء بالمنتدى )

مشكور يا احمد على مشاركتك وعلى رايك وانا بعتز بيه فعلا ..ويارب اقدر احقق حاجة بالموضوع دة حتى لو كانت صغيرة

طمعانة فى رضاك يا رحمن

01-01-2008, 10:34 PM

فعلا الموضوع ده كويس جدا
حتكلم عن منتدي حي علي الفلاح لانه فعلا الاخت مني الشقيقه مش بتدخل خاااااالص وعندك حق في موضيع كتيير مفرض تتثبت ومش بتتثبت
وجرس الفسحه المواضيع اللي مثبته فيه مش ذات اهميه معظمها العاب
والركن العام فعلا كل مبينكتب موضوع متكرر بيتحذف

طمعانة فى رضاك يا رحمن

01-01-2008, 10:37 PM

قسم تعالي للجنه كله
اهم قسم عشان الدين ومحتاج رعايه اكتر

TEMO_KHALED

01-01-2008, 10:42 PM

TEMO_KHALED

02-01-2008, 01:02 PM

الحمد لله انا لقيت تاييد من أعضاء كتير ومشرفين الحمد لله و في ناس ايدت الموضوع لكن اعترضت على بعض الحاجات في الموضوع و في الكلام:
1-الاستاذ ZIZO:
(تقصير المشرفين ناتج عن سوء الادارة
يعني لو الادارة مهتمة بالمنتدى كانت تتابع وتشوف مين المشرفين اللي مقصرين
مش قريبا وخلاص الكلمة اللي دايما بنسمعها ومبيتنفذش حاجة

طبعا مش كل الادارة مقصرة

اللي اعرفه اللي مقصر يتعاقب يعني المشرف اللي يقصر يتوقف وكمان ميمسكش اشراف مدة لا تقل عن ست شهور

ده رايي عايزين تتقبلوه تقبلوه مش عايزين ده شيء يرجعلكم )
2-mido:تيمو اعتقد ان ده تقيم

ممكن حضرتك تشوف تاريخ التسجيل بتاع الناس الى حضرتك بتتكلم عليهوم

ناس ليها تاريخ فى المنتدى وناس محترمة

والتقيم مش المفروض ان حد فينا يقوله كل واحد عارف مجهوده الحقيقى

والتقيم للناس الاداريين هما الى يقيموا ).
__________________________________________________ ___________
ودي برضوا من ضمن الاقتراحات . بس بالنسبة لحضرتك يا ميدو طبعا شكرا على كلام حضرتك الرائع عني ودة من زوقك .لكن يوجد في مشكلة ان بعض المشرفين الي انا بتكلم عنهم لسة جداد وكمان مالهومش مشاركات كتير ودة الي مضايقني.

MohammeD el_SadaT

02-01-2008, 01:14 PM

والله هو كلامك جميل ومعقول
ومقرش أقول أى حاجه عنده

بس تعين المشرفين وكده دا اختصاص الاستاذ اشرف هو اى نعم إحنا اللى
بنخترهم وهو اللى بيعينهم بس مفيش مرونه ومفيش سرعه أداء على العموم
غنت عندك حق فى كل كلمه قلتها
بس مبدأياً
أحب ألفت نظرك لحاجه مهمه جداااااااااااااااااااااااااااااااً
هى
إنت مش ملاحظ إنك عامل الشىء ونقيضه
يعنى بدافع عن قضيه انت اساس مشارك فى فسادها

وأبسط مثال هو إن مكان الموضوع ده
اقتراحات ومشاكل
مش الركن العام

تم النقل يا خالد

TEMO_KHALED

02-01-2008, 01:18 PM

مشكور يا شادات عال مشاركة وعال راي انا حاطيت الموضوع هنا لأن انا عارف ان كل الاعضاء بيدخلوا هنا يوميا لكن في الاقتراحات والحلول النسبة ضعيفة و كمان الموضوع دة فعلا موضع مناقشة وراي عام بالنسبة للمنتدى وشكرا عالنقل لكن لو دخلت على الاقتراحات والحلول هاتلاقي اني عامل موضوع يمكن يكون نوعا ما مماثل و عدد المشاركات تمانية ...ودي برضوا مشكلة من مشاكل المنتدى.

MohammeD el_SadaT

02-01-2008, 01:39 PM

الا قولى يا خالد
هوقسم اقتراحات ومشاكل ده
مش عشان الاعضاء تقول مشاكلها ومقترحتها

طبعاً صح ولا انا غلطان
شكلى مش غلطان

يبقى المفروض ان المشاكل دى مين اللى هيحلها
أكيد المشرفين

شكلى لسه صح يبقى اكمل

وبم إن المشرفين هما اللى هيحلوها يبقى رأى الأعشاء وكلامهم لا هيقدم ولا هيأخر وده
طبعاً مش تقليل من شأن الأعضاء

وبعدين لما انت بتقول انك حطيته فى الركن العام عشان كل الاعشاء تشوفه عشان هو أشهر قسم
يبقى فى ايه زعلان بقه ان الاعشاء بتحطمواضيع فى اماكن غلط

مهوبردو بيبقى فى اعتقادهم نفس الشىء

يا ريت يكون راى وصلك يا خالد ومكنش طولت عليك فى الكلام

TEMO_KHALED

02-01-2008, 06:08 PM

بص يا سادات انا مش عامل الموضوع دة عشان المشرفين بس والا ماكنتش هاخاف يتحذف عضويتي في الموضوع دة لأن انا عارف ان الاعضاء بيدخلوا بيتكلموا غلط (أكيد مش كلهم). وانا حطيته في الركن العام لأن الركن العم مكتوب عليه من فوق انه للحوارات العامة والنقاش (يعني الحاجات المهمة)و انا اظن ان الموضوع دة مهم جدا وعايز يكون الشتراك من المشرفين والاعضاء و انا لما اعترضت على المواضيع الي بتتكتب في الركن العام اعترضت على المواضيع الهايفة او يمكن مايكونش مكانها نهائي. بمعنى لما حد يكتب عن الحب في الركن العام يبقى ايه...واحد يكتب شوية نكت او موضوع فكاهة في الركن العام دة يبقى اية....انا في الاول كنت كاتب موضوع مش في مكانه واتحط في المكان الصح و اسال المشرفين وهايقولوا اني عمري ما اعترضت ولا اتكلمت لكن الموضوع دة انا كنت شايف انه رأي عام وموضوع ليه معنى (دة على حد علمي).وانا ماقولتش ان الركن العام اشهر ركن كلنا عارفين ان للاسف جرس الفسحة بيحتل المركز الأول في المنتدى.
__________________________________________________ _
في الآخر انا عايز اوضح حاجة يا محمد الموضوع دة لا هو مشكلة ولا اقتراح دة حوار ونقاش ولسة زي ما قولت انا ماكتبتش الموضوع الاصلي الي انا عايزه وبما ان بداية الموضوع كان فيها اعتراض كبير اوي كدة أكيد آخر الموضوع هايكون حذف للعضوية بتاعتي بس مش مهم اهم حاجة ان آخر موضوع ليا في المنتدى يكون ليه معنى ويكون موضوع صريح من غير ما اغلط في حد ولا اكدب ولا انافق..
________________________________________________
مشكور يا سادات عال مشاركة..ورايك وصلي..

الاهلاوى 2007

02-01-2008, 08:28 PM

على بركة الله توكل على الله لنهم يعلموا كل كبيرة وصغيرة فى هذا المنتدى
يتريت تدخل فى الموضوع الاصلى لكى يتم المناقشة وهذا بغرض التطوير

sweety girl

02-01-2008, 08:52 PM

يا استا تامر والله لو حضرتك شوفت المنتدى من امبارح للنهرده مكنتش قولت الكلام ده

بس عشان الكلام ميكترش عليها وعلى سمعتى فى المنتدى انا متنازله عن الأشراف ولما استاذ اشرف يدخل ياريت تقولوله كده

TEMO_KHALED

03-01-2008, 07:30 PM

على بركة الله توكل على الله لنهم يعلموا كل كبيرة وصغيرة فى هذا المنتدى
يتريت تدخل فى الموضوع الاصلى لكى يتم المناقشة وهذا بغرض التطوير

مشكور عال مشاركة أنا منتظر لأن الردود من المشرفين والاعضاء هي أساس الموضوع الاساسي

TEMO_KHALED

03-01-2008, 07:32 PM

يا استا تامر والله لو حضرتك شوفت المنتدى من امبارح للنهرده مكنتش قولت الكلام ده
مش فاهم تقصدي اية...آسف من فضلك وضحي
بس عشان الكلام ميكترش عليها وعلى سمعتى فى المنتدى انا متنازله عن الأشراف ولما استاذ اشرف يدخل ياريت تقولوله كده
أولا التنازل عن الاشراف مش الحل ...
ياريت تتابعي الموضوع بصفتك مشرفة وعضوة.

الاهلاوى 2007

03-01-2008, 08:10 PM

شوقتنا يا تامر للموضوع ياريت تبداء

sweety girl

03-01-2008, 08:11 PM

يعنى يا تامر انا اول امبارح شيلت المواضيع المتثبته كلها معادا القوانين

بس مدام بقى محدش مقدر ومحدش شايف اللى انا بعمله وبتقولو القسم مش متنظم يبقى انا مبعملش حاجه يبقى وجودى زى عدمه

TEMO_KHALED

03-01-2008, 08:13 PM

يعنى يا تامر انا اول امبارح شيلت المواضيع المتثبته كلها معادا القوانين

بس مدام بقى محدش مقدر ومحدش شايف اللى انا بعمله وبتقولو القسم مش متنظم يبقى انا مبعملش حاجه يبقى وجودى زى عدمه

اية يا ايمو برااحة شوية يا جميل لسة الموضوع ماخلصش

TEMO_KHALED

03-01-2008, 08:14 PM

شوقتنا يا تامر للموضوع ياريت تبداء

حاضر يا معلم بس استنى شوية كام يوم كدة ..معلش

sweety girl

03-01-2008, 08:15 PM

ماشى يا تامر

اما نشوف ايه اللى هيحصل فى الأيام الجايه

TEMO_KHALED

03-01-2008, 08:53 PM

احمد رضا

03-01-2008, 08:59 PM

الخطوة الاولى:اول خطوة هي :اطلب من الاداريين حذف اشراف كل من (منى الشقية , Mlk)بسبب عدم وجود مشاركاتلكل منهما منذ فترة طويلة جدا..
آسف لكا منهما
_____________________________
هذه هي البداية

طيب البدايه مش في ايدين الاداريين يا تامر
مش من صلاحيتهم انهم يعينوا او يزيلوا اشراف
الامر كله في ايد اشرف
واشرف منفذهش الاقتراحات الاساسيه لتطوير المنتدي
هينفذ ازاله اشراف
علي العموم ربنا يسهل و كمل موضوعك

TEMO_KHALED

03-01-2008, 09:03 PM

طيب البدايه مش في ايدين الاداريين يا تامر
مش من صلاحيتهم انهم يعينوا او يزيلوا اشراف
الامر كله في ايد اشرف
واشرف منفذهش الاقتراحات الاساسيه لتطوير المنتدي
هينفذ ازاله اشراف
علي العموم ربنا يسهل و كمل موضوعك

طيب مفيش بديل ....اصل مش معقول يكون المر كله بايد شخص واحد فقط......

احمد رضا

03-01-2008, 09:09 PM

لاء فعلا الامر كله بايد واحد بس
والتاني ملهوش دعوه
مشرف تقني و بس

TEMO_KHALED

03-01-2008, 09:13 PM

لاء فعلا الامر كله بايد واحد بس
والتاني ملهوش دعوه
مشرف تقني و بس

طيب وبعدين ....على كدة كل الكلام دة في الهوا واحنا عمالين نعلي في صوتنا من الصبح على الفاضي....؟؟؟
انا كنت فاكر ان الموضوع في ايد الاداريين واهم كذا واحد يعني ممكن دة يغلط التاني يصلحله لكن لما يكون المسئول الاول والاخير مش بينفذ المطلوب يبقى خلاص باظط...لكن انا ان شاء الله هاكمل

TEMO_KHALED

03-01-2008, 09:26 PM

طلب من عبقرينومان: يرجى النتباه من فضلك هذا موضوع هام ويايت تشوف الاعتراضات لأن بما ان الاشراف بايدك يبقى لازم تشاركنا في الموضوع دة عشان كدة الموضوع باظ خالص ..

Mr.h3ll

03-01-2008, 09:28 PM

الاهلاوى 2007

03-01-2008, 09:48 PM

شكل كل ده معلش يعنى هيطلع فرقعه فى الهوا ومش هيحصل حاجه معلش يعنى

بس طيعاا كلنا بنتمنا ان المنتدى بتظبط ويبقى احلى المنتديات لانه منتدى مفيد جداااااااااا طبعاااا

وانا مع تيمو ازاى الامر يبقى فى ايد واحد بس ازاى يعنى سوبر مان ؟
معلش بس مينفعش واحد بس اللى يتحكم فى كل حاجه

وشكرااا يا معلم تيمو على المووضوع
فى المشمش
كلام فى كلام وكمان مرة كلام فى كلام
مبخدشى منك غير كلام وبس
الاستاذ جمعه ورفاقة مشيوا من هذا المنتدى
علشان نفس السبب
والاداريين الحاليين صوتهم اتنبح علشان
تطوير المنتدى
وهم الان فى نفس الطريق
والذى ياتى بعدهم سوف يسلك نفس السكة
واشرف يرفض وسوف يرفض ان يتنازل عن اى شيء
حتى ولو كان فى صالح المنتدى
انت بنيت موضوعك على اساس الاداريين لهم كل الصلاحيان
وكده موضوعك أخذ كرسى فى اللمبة الفروسنت
زى ما احمد رضا قال الاداريين مشرفين عتاقى شوية
يعنى بينفذوا الاوامر وبس
الموضوع مكرر مليون مرة الجميع بينادى بتطوير المنتدى
ويجى يقع فى السلمة المكسورة
وهى ليس بيد احد منهم اى شيء
سلام يا عم تيمو لانك مش هتكمل الموضوع
لسبب واحد وهو عبقرينومان لن يدخل الموضوع اصلا
واذا دخل حاضر وجارىىىىىىىىىىىىىىى
التنفيذ ونرجع الى اول الكلام
فى المشمششششششششششششششششش

طمعانة فى رضاك يا رحمن

03-01-2008, 10:28 PM

معلش للكلام اللي حقوله
المنتدي زي مصر
في حريه في ديمقراطيه
بس مفيش تنفيذ

ليه الاستاذ اشرف زي مانتم مبتقوله
ميدخلش ويتابع الموضوع ويعلق عليه
وانت مينفعش تكمل الموضوع ياتامر غير لما تخلص الاول من الجزء الاولاني
وهو يقول رايه

TEMO_KHALED

04-01-2008, 04:49 AM

صدقوني يا جماعة انا مش هاسكت ومش هاخلي الموضوع يترمي وهاتصرف لأن زي مانتوا قولتوا مفيش اي حاجة ينفع تتنفذ من قبل دخول عبقرينومان...لأن عيب اوي لما يكون في اساتذة كبار زي الاستاذ عصام والاستاذ حسام واساتذة الركن التعليمي وكل الناس دي و شخص واحد فقط يكون بيتصرف في المنتدى بالشكل دة ومع الصدمة الي أنا اخدتها و فعلا صعقت منها هي ان أشرف عنده 25 سنة أظن يعني ماتدخلش في دماغ اي حد..
وانا ان شاء الله هاكمل واوعدكوا بكدة

TEMO_KHALED

04-01-2008, 05:04 AM

ارجو من الادارة العامة لمنتدى الثانوية العامة ارجو من هذه الادارة التي وضعت تحت مسئولية شخصيتان فقط :1-عبقرينومان(أشرف)2-على مدكور (الدعم الفني) . ارجو الانتباه لحال المنتدى ...المنتدى الذي نعتبره بيتنا الثاني ...هل يصح وجود مشرفين على الاقسام مع العلم انهم اصلا مش بيدخلوا المنتدى من فترة طويلة (منى الشقة ,mlk)المنتدى يحتاج الحلول الفعالة مش كلام وبس ...أرجو النتباه""""""""هل سيحدشث اي تغيير ام لا؟؟

صوت الحق

04-01-2008, 03:19 PM

TEMO_KHALED

04-01-2008, 03:22 PM

أضم صوتى إلى كل صوت ينادى
بتطوير المنتدى تطوير فعلى وليس
بكلام لان الوقت يحتاج عمل فقط

شكرا استاذ عصام على التأييد وانا أتمنى حدوث اي تغير ولو حتى بسيط وان شاء الله هايحصل...

الاهلاوى 2007

04-01-2008, 05:49 PM

نتمنى ذلك فى القريب العاجل
واحب اضم صوتى الى تيمو
اغلب الطلبة والاعضاء الان يهجرو المنتدى
وكمان المدرسين وممكن تتاكد من ذلك شوف
كل استاذ بيدخل بعد قد ايه
وانت تعرف مجموعة معينه هى المواظبة بسى
كده سوف تهاجر هيه كمان
هذا للمصلحة العامة والشخصية للمنتدى

mR . mOstafa Fathi

04-01-2008, 09:53 PM

وانا شاء الله هتشوفو قريب
تطورات

الاسطورة

05-01-2008, 12:00 AM

ياريت بقى صوتنا يوصل
ونقدر نغير حاجة
بدل ما كله كلام فى كلام وبس
يارب سهلنا ورضى اشرف عننا

TEMO_KHALED

05-01-2008, 08:31 PM

احنا منتظرين هذه التطورات التي ستحدث خلال هذا الاسبوع ...ارجو ان تكون حقيقة وليست حلم بنحلمه

TEMO_KHALED

08-01-2008, 09:10 AM

أنا نسيت الموضوع كان عايز اية.....................للاسف لا تعليق..خلينا كدة مستانيين لما الفرج ينزل...

mR . mOstafa Fathi

08-01-2008, 09:52 AM

ياعم
تيمو قدم المشيئة وهتلاقى كل حاجة تمام

TEMO_KHALED

08-01-2008, 07:19 PM

ان شاء الله ...وبعدين يا جماعة اول مفاجاءة اتعملت للمنتدى هي(database Error)اللي مطلع عينا
مبروك يا جدعان .......الف شكر للادارة.................................لا اله الا الله

zizo2_2

08-01-2008, 07:32 PM

ياعم
تيمو قدم المشيئة وهتلاقى كل حاجة تمام

كفايا بقى يا مصطفى

بطلوا تضحكوا على الناس

انت اول واحد كنت عايز المنتدى ده يتطور ويتصلح
ولما بقيت اداري اهملته تاني

يا ريت تفكرلا في كلامي ده كويس أوي قبل ما ترد عليه

احمد رضا

09-01-2008, 12:17 AM

هههههههههههه لا و اللي يخليك تفرح اكتر يا زيزو
اني لما قولت ان عبقرينو دخل
راح شايل من عندي الشريط ده
هههههههه لذيذ و رايق اوي عبقرينو ده
ليك جوله معايا بس لما افضي ياحبي
وانت يا تامر فكلي السايت ده عشان رايح ابيعه في سوق الجمعه

TEMO_KHALED

09-01-2008, 06:23 AM

طمعانة فى رضاك يا رحمن

09-01-2008, 01:30 PM

بجد فعلا
لا تعليق
الموضوع كان في جد بس محصلش اي حاجه
وبعدين
نرجع لما كانا عليه

طمعانة فى رضاك يا رحمن

09-01-2008, 01:31 PM

بجد فعلا
لا تعليق
الموضوع كان في جد بس محصلش اي حاجه
وبعدين
نرجع لما كانا عليه
اللي احنا اساسا عليه دلوقتي

TEMO_KHALED

09-01-2008, 01:46 PM

صدقيني احنا مارجعناش للي كنا فيه لأ احنا بقينا اسوء عارفة ليه لأن كلنا عرفنا دلوقتي ان الادارة مش فارق معاها ..وكل الي بنقوله في الهوا ان نفسي اشرف يرد عليا او حتى مدكور لكن مفيش اي تفاعل ...للاسف يعني...لكن ماشاء الله الاستاذ عصام والاستاذ حسام بيعملوا حاجات كتير وهو دة السبب الي مصبر الواحد شوية

صوت الحق

09-01-2008, 01:54 PM

أنا نسيت الموضوع كان عايز اية.....................للاسف لا تعليق..خلينا كدة مستانيين لما الفرج ينزل...
أذا لم يتم اى تغيير خلال
يومين أثنين فقط انسى
اى موضوع لتطوير المنتدى
أو انسى المنتدى من اصله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟

TEMO_KHALED

09-01-2008, 02:29 PM

ماقدرش انسى المنتدى يا استاذ عصام بس ممكن انسى تطوير المنتدى بعد يومين زي ما حضرتك بتقول لأن الواحد حاسس ان مفيش فايدة

احمد رضا

09-01-2008, 03:24 PM

انت تامر يا معلم بس هانستفاد اية لما نفكه لا هايقدم ولا هاياخر ...انا بعت لعبقرينو عشرتاشر رسالة وآخر واحدة قولتله لو مش عايز ترد ابعتلي كلمة لأ عشان افهم وان هو يعبرني ...مفيش و بعت لمدكور رسايل وطبعا برضوا مفيش....طيب سؤال المفروض لما حد يسالنا مين المسئول عن المنتدى نرد نقول اية عشان الواحد يكون محضر نفسه شوية.....يا ادارة المنتدى حرام الي بيحصل دة الكثافة العضوية في المنتدى بقت مش بتعدي ال 100 عضو في اليوم وطبعا نصهم مشاهدين ومش مشتركين..... انا مش فاهم اية الي بيحصل..

فكهولي انت بس و انا هتصرف فيه :D
اللي يسألك قوله انا اخرس
عشان متجاوبش بالخيبه
مستنين التطورات
ومستني الشريط اللي طار
بيقولي الشريط مش موجود من فترة طويله و انا لسه شايفه امبارح ( الشريط بيعرفني مين دخل سواء رد او مردش )
هههههههه

TEMO_KHALED

09-01-2008, 03:33 PM

فكهولي انت بس و انا هتصرف فيه :d
اللي يسألك قوله انا اخرس
عشان متجاوبش بالخيبه
مستنين التطورات
ومستني الشريط اللي طار
بيقولي الشريط مش موجود من فترة طويله و انا لسه شايفه امبارح ( الشريط بيعرفني مين دخل سواء رد او مردش )
هههههههه

كل سنة وانت طيب يا حبيبي ...برضوا لازم يكون في هدية....ومن عنيا هافكهولك واعمل فيها عبيط..

كركركوكو

09-01-2008, 05:03 PM

السلام عليكم
شئ غريب
لما كل ده يكون بيحصل وعبقرينو مش موجود
شي غريب لما الكل يطلب رأيه وسيادته لما بيدخل المنتدي مش بيجيب رأيه معاه

شئ غريب
لما الناس يمدولنا اديهم علشان يساعدونا ونرفض المساعده

استاذ اشرف ممكن كلمه

انت ليه مدخلتش الموضوع
لو حضرتك عايز تطوير الناس بتنادي وتعبت
ولو مش عايز قووووووول يا جماعه ريحوا نفسكم واعصابكم ومتتعبوش نفسكم
المنتدي عاجبني علي كده
محدش ليه دعوه

بجد ياجماعه انا خلااااااااااص اتخنقت
وربنا يكرمنا وحضرته يرد

والسلام عليكم ورحمة الله وبركاته
انا اتكلمت بحريه
ولو كلامي مش عاجب اوقفوني
لان الحريه هنا مش مطلوبه

TEMO_KHALED

09-01-2008, 07:10 PM

ربنا يكرمك يا كيمو وشكرا عالمشاركة....وربنا يقدم الي فيه الخير ان شاء الله

طمعانة فى رضاك يا رحمن

09-01-2008, 09:26 PM

لا بجد
يعني استاذ اشرف مش بيدخل خالص ولا بيدخل وكانه مدخلش
ليه مش بيرد حتي يقول اي كلمه
كلمه

عبقرينومان

10-01-2008, 07:34 PM

السلام عليكم ورحمة الله وبركاته

اولا : الموضوع بيتكلم بصراحة وبقوة أنا بحبها

والموضوع فعلا ممتاز ولا نستطيع ان ننكر اي نقطه فيه

ولكن السؤال هنا

وضح ان التقصير من المشرفين في دورهم

وأنا بدروي أقوم بتعيين المشرفين الجدد بعد اختيارهم من جانب المشرفين الاداريين

وبدوري بقوم عرض اسماء المشرفين الذين تجاوزا الثلاثين يوم من دخول الموقع على الاداريين وحذف اشرافهم

وبالتالي بتجدوا عدد من المواضيع كل فترة عن مشرفين جدد

ولا انكر بأي شكل من الاشكال ان الفترة اللي فاتت بداية من عيد الفطر وحتى اليوم انا مقصر

ولكن كانت لظروف عمل رهيبة (الله يعلمها)

وانا امام الجميع بطالب اي عضو من اليوم بعمل اي مقترح في قسم المقترحات والحلول وبعدها سنجد التنفيذ في نفس اليوم

ولكني لا انفذ اي طلب الا بعد رأي الاداريين

وايضا على الاداريين من اليوم متابعة المشرفيين

وسيتم عمل قوانين لعمل المشرفين (منها عدد مرات الحضور والغياب)

وسيكون نظام تطبيق انذار للمشرفين
ويعلم الجميع ان المشرفين جنود اي موقع بدون أجر
وانما هو متطوعين في الموقع لرفعة الموقع
فأما أن يكونوا على قدر المسئولية او ترك المسئولية لغيرهم

وبجد لا استطيع بأي شكل نكر المجهود الجبار للفريق للمشرفين الاداريين الحالين

والتغيير يبدأ من الفرد ثم من المجتمع

بمعني ان الرسول امر أهله وعشيرته وبعدها قومه وبعد انطلق

بمعني لو نظرنا لحالنا نريد ان نغير الادارة والمشرفيين والمدير وكل الطاقم
ولو نظرنا لحال الاعضاء لوجود انهم المقصريين الرئيسين في الموقع

بمعني لو اتخذنا الاستاذ عصام (مثال)

الرجل كان بمثابة عضو (ولكنه بدأ بالعمل في الاقسام وكتابة المواضيع الهادفة والقوية والتي ينتفع بها هو وغيره ورأينا منهم النظام في العمل ) وما كان علينا إلا أن قومنا بتعينه مشرف اداري في الموقع وستجدون بالطبع مشاركات الاستاذ عصام قلت من ناحية الموضوع خلاف ما كان عضواً ولكن الحركة التنظيمية بالموقع زادت

وكذلك الأمر من ينتظر مني موضوع او الرد على موضوع فوالله المسئولية ليست بالصغيرة

فيوميا تغير مشرفين وتركيب مشرفين وتغيير هاكات وخلافه وكتابة كلمة (قريبا) الشهيرة

وانشاء اقسام جديدة وايضا ما زلت مقصر

وابسط مثال ان الموضوع هنا عامل مشكلة كبيرة اني لم ادخل الموضوع

ولكنك لو نظرت لوجدت ان الموضوع لا يمس مدير الموقع بشيء فهو من اختصاص المشرفين الاداريين فعليهم ابلاغي بالمشرفين الذين لا يؤدون العمل وعلي حذف اشرافهم
وعليهم ارسال رسائل للمشرفين تنبهية

وهذا لا يمنع انني مقصر ولكن ليست المسئولية كلها على اشرف فقط

والسلام عليكم