انا اسمى شرين جمال
و طلعة تانية ثانوى إن شاء الله

فى مدرسة تجريبية لغات
باخد الفرنساوى مستوى رفيع من أولى اعدادى
و ما قريت فى منهج تانية ثانوى لقيت إن مفيش حاجة جديدة محتاجة شرح
كلها حجات بالنسبالى محتاجة حفظ و مراجعة ديما

فقرارت مخدش فيها درس
خصوصا انى ديما بنظم وقتى ومخصصا لل فرنساوى ساعة و نص يوميا

و ممكن ابقا اخد مراجعات فى الأخر بدل تضيع الوقت طول السنة فى الدروس


بس خايفة اندم

ممكن اعرف رأيكم ؟؟

الدروس الخصوصية لا غنى عنها

فعلا منهج التجريبي المستوى الرفيع هو نفس قواعد الثانوي بس المشكلة في الأسئلة الأخرى والكلمات فلو عندك مدرس الفصل بيشرح كويس فانتي مش محتاجة حاجة لكن لو المدرس في الفصل مش بيشرح كما ينبغي فاكيد كده حتحتاجي مساعدة

لازممممممم

فعلا منهج التجريبي المستوى الرفيع هو نفس قواعد الثانوي بس المشكلة في الأسئلة الأخرى والكلمات فلو عندك مدرس الفصل بيشرح كويس فانتي مش محتاجة حاجة لكن لو المدرس في الفصل مش بيشرح كما ينبغي فاكيد كده حتحتاجي مساعدة

المدراس التجريبية محدش فيها بيعتمد على شرح المدرس فى الفصل خالص

بس انا عندى ملازم و مراجع كتير أوووووووووووووى فيها شرح كل درس بكلماته و القواعد اللى فيه
و عندى ملازم تانية و كنت فيها ازاى احل الأسئلة التانية زى مين بيقول لمين و الأسألة دى
و كل حاجة متوفرة الحمد لله

حضرتك شايف إنى ممكن أذاكرها لوحدى بدل تضيع وقت فى الدروس ؟؟

لازممممممم

ليه لازم طب
ليه الإحباط دة بس :frown:

طالما عندك الطموح والرغبة في الاعتماد على نفسك ذاكري بجد واحنا كلنا في البوابة تحت أمرك في اي أسئلة

ايه ده انا كمان هاعمل كده بس انا عربي مش لغات

طالما عندك الطموح والرغبة في الاعتماد على نفسك ذاكري بجد واحنا كلنا في البوابة تحت أمرك في اي أسئلة

جزاك الله خيرا يا مسيو .. :)

بعد لما الحمد لله خلصت تانية ثانوى نصحتى ليكى متكونيش معتمدة 100 % على الدروس هو كله بيرجع للطالب ......... اسهل حاجة ان الواحد ياخد درس لكن الاصعب انه يذاكر و انت بتقولى انك معاكى ملازم و كل حاجة خلاص ذاكرى كأنها اى سنة و خليكى فى حالك دايما !! وصحبى ناس كويسين يشجعوكى انك تذاكرى d: بس و ربنا معاكى ان شاء الله

بصي يا أخت شيرين أنا أفضل إنك تخدي درس , الدرس هيفهمك تكتبي أيه في الإمتحان و الحل يبقى ازاي , يعنى أنا مثلاً امتحان الفرنساوي بتاع السنة دي هنقص فيه مع إني كنت باخذ مستوى رفيع من أولى إعدادي و كمان كنت بأخذ كورسات , ده أنا وصلت للمستوي بتاع الديلف ( حاجة زي التويفول كدة ) و بعد كل ده نقصت إحتمال علشان الإمتحان جيه سهل زيادة عن اللزوم :( , الحمد لله على كل شئ و ربنا يسهل في النتيجة

من رأيى الذى لا قيمة لهة بعد رأى مسيو منتصر ان لو انتى فعلا عايزة متضيعيش وقت يبقا طول السنة تذاكرى الفرنساوى و بجدية و فى اخر شهر او شهر و نصف تروحى لمدرس للمراجعة و معرفة كيف تسير الامتحانات و ما الى ذلك

شكرا

أنا في تجريبي زيك وباخد فرنساوي من أولى اعدادي برده بس نصيحة يعني علشان سألت ناس طالعة تالتة من عندي قالوا لي فيه حاجات كتييير هتقع منك لو ماخدتش درس

انتي محتاجة مدرس عشان تعرفي فنيات الإجابة و تتصرفي ازاي في الإمتحان دا غير المواضيع و الكلمات و المتابعة فلازم درس

اه ينفع ان شاء الله

انا مخدتش درس ولا حتى المراجعات و مكنش فيه شرح فى المدرسة و جبت 50 الحمدلله و فيه زيى كتيييييييييييير

هاتى كتب خارجية و حلى النماذج و امتحانات السنين اللى فاتت و فى اخر السنة بينزل مراجعات كتير تبع الكتب الخارجية او مراجعة الامتحان او التوقعات المرئية

حلى كتير بس و ان شاء الله تقفليها

و بالعكس دفعتى ناس كتير نقصت درجة علشان سؤال متاخدش فى الدرس لانه بقاله سنيييين مش بييجى فالمدرسين مركزوش عليه بس انا علشان بزاكر كل حاجة و معرفش ايه مهم و ايه لأ حليته عادى الحمدلله

اه ينفع ان شاء الله

انا مخدتش درس ولا حتى المراجعات و مكنش فيه شرح فى المدرسة و جبت 50 الحمدلله و فيه زيى كتيييييييييييير

هاتى كتب خارجية و حلى النماذج و امتحانات السنين اللى فاتت و فى اخر السنة بينزل مراجعات كتير تبع الكتب الخارجية او مراجعة الامتحان او التوقعات المرئية

حلى كتير بس و ان شاء الله تقفليها

و بالعكس دفعتى ناس كتير نقصت درجة علشان سؤال متاخدش فى الدرس لانه بقاله سنيييين مش بييجى فالمدرسين مركزوش عليه بس انا علشان بزاكر كل حاجة و معرفش ايه مهم و ايه لأ حليته عادى الحمدلله

متنسيش ان امتحان الفرناوي السنة دي كان عبيط جدا تخيلي لو جالهم قطعة زي بتاعن 2007 او قرر يرخم في القواعد فكدا في نسة مخاطرة

متنسيش ان امتحان الفرناوي السنة دي كان عبيط جدا تخيلي لو جالهم قطعة زي بتاعن 2007 او قرر يرخم في القواعد فكدا في نسة مخاطرة


على فكرة انا 2007 :d

على فكرة انا 2007 :d
يبقى ما شاء الله :d
انتي كلية ايه؟
بس انتي فاهمة منطقي انا الحمد لله جبت 49.5 في الفرنساوي بس بقضل الدرس اولا
انتي مفيش زيك كتير انا اعرف واحد شاطر عمل كدا السنة دي نقص 3 درجات ففي الثانوية الواحد لازم يتجنب المخاطرة بالدرجات

هندسة عين شمس

مش مخاطرة ولا حاجة

لو الواحد يقدر يجبر نفسه انه يمسك المادة عالاقل كل اسبوعين هيمشى كويس

و اعرف ناس مكنوش بياخدوا دروس فى ولا مادة و ما شاء الله جابوا مجموع عالى و متفوقين فى كلياتهم لانهم اتعودوا يعتمدوا على نفسهم

و ياما ناس شاطرين و بياخدوا دروس و بينقصوا...دا رزق من ربنا

انا مقابلتش حد زيك دفعتك في الثانوية غير واحد بس مخدش دروس لا في 2 ولا في3 و جاب 99%
بس قليلين الي بجد هيقرروا انهم يذاكروا بذمة لو سبتيهم لوحدهم
و ربنا يوفقك في دراستك و يا رب أدخل هندسة و أعدي 3 على خير :d

اللى مش هيعرفوا يزاكروا لوحدهم يبقى مش هيزاكروا خالص فى الكلية و احسنلهم ميجيبوش مجموع كلية قمة و يدخلوا تجارة بس بعد سنتين فى طب او هندسة


ايه الفايدة ان حد مش بيعرف يزاكر لوحده ياخد دروس فى كل المواد و يجيب مجموع عالى و ياخد السنة فى سنتين دا اذا متفصلش يعنى


فيه مواد محتاجة فهم و لازم حد يشرحهالنا بس للغات دى محتاجة شوية مجهود صغيرين

لا على فكرة انا ليا أقارب كتير أخدوا دروس في كل المواد و جابوا مجموع و دخلو طب و هندسة واحد جا امتياز في طب في اول سنة و دا بردة دفعة ثانويتك
و الباقي جيد في هندسة
فالدروس دي حاجة أساسية عشان ثانوية مصر لا تعتمد على الفهم ولكن معظمها حفظ

انا مقلتش ان اللى بياخدوا دروس مش بيمشوا فى الكلية

بس اللى هيضيعوا من غير دروس هيضيعوا فى الكلية

ناس كتير بتاخد دروس علشان تطمن نفسها او علشان تبقى عملت اللى عليها او استسهال

لكن مادة زى ال french او اللغات عموما بالكتير اوى ساعة ساعتين فى الاسبوع تلم كل حاجة

واحد مش قادر يجبر نفسه يزاكر ساعتين فى ثانوية عامة يبقى هيزاكر فى الكلية ؟؟!!!

كلامك صح انا كنت بذاكر الفرنساوي فيل الدرس بساعتين طول السنة
بس انتي حاليا شايفة الدروس مش بالأهمية الي هي عشان الي شفتيه في الكلية من صعوبة وان دكاترة كتير مش بيهتموا بهم الطلبة فبالنسبة ليكي الثانوية و الدرس دا كان هبل و ان المرحلة دي كانت حلوة و سهلة

اكيد طبعا كنت مرعوبة طول السنة من المواد اللى مش باخد فيها دروس و خايفة اكون ماشية غلط
بس بردو فيه exercises و امتحانات ممكن اعرف بيها مستوايا كل شوية علشان اطمن نفسى

هى الصعوبة كلها نفسية بس توفير الوقت يستاهل بصراحة و الفرحة بالدرجات اللى تعبت فيها لوحدى بتكون مختلفة

طبعا دا اكيد لما بتجيبي درجات عالية بتحسي بفرحة و فخر انك كسرتي القاعدة

اعتمدى على أستاذ الفصل

يفضل درس فى المادة
وياريت يكون مدرس متمكن
عشان يسهل عليكى المشوار
وربنا معاكى ان شاء الله
وانا طالع تانية معاكى برضو بس انا عربى مش لغات

ينفع ان شاء الله