http://majdalanjar.com/modules/vArticles/images/articlesinmgs/12.bmp


مذكرات مجنون


الصفحه الأولى


اخيرا رجعت لمصر ام الدنيا ياااااه من سنين وانا بعيد عنها وعن تربها وناسها بجد وحشنى الفول والطعميه والترمس والدرة على الكورنيش ساعه العصارى

اما اتصل ب احمد اشكره على الشقه اللى اشتراها ليا

الوو ايوة يااحمد
انا الحمد لله تمام بجد شكرا ليك على الشقه الجميله دى
اه انا لسه داخل حالا الشقه
طيب سلام وهستناك بكرة ان شاء الله تزورنى بقه ونرجع ايام زمان
هههههه ياعم تعاله بكرة بس وانا اجبلك اللحمه اللى هبلنى عليها يامفجوع

مع السلامه

انا جعان نوم اما انام شويه وبعدها انزل اشوف البلد بجد وحشتنى جدا

الشقه عوزة تتنضف بكرة بقه ابقه اشوف حد ينضفها

ايه الدرج الغريب ده وايه الاجنده الغريبه دى

مذكرات مجنون

دى اكيد مذكرات صاحب البيت المجنون اللى كلمنى عليه احمد
ياترى من حقى انى اقراها ولا لاء
احمد قالى انه مات فى المصحه يعنى مش هيزعل انى بقراها

بسم الله الرحمن الرحيم

البدايه
10/ 5/ 1990
الساعه5 بعد العصر

اخيرا كلمتنى وسألتنى الساعه كام النهارده اجمل يوم فى حياتى
هى اكيد كانت بتتلكك علشان تقرب منى وتشوفنى زى ما انا نفسى اشوفها والمس ايديها

هى ملاك مش بشر ولا حتى من الارض دى اكيد من كوكب الجمال
كلمه واحده منها ليا بتخلينى اسعد مخلوق على وش الدنيا

ولما بتغيب بكون اتعس انسان على وش الارض
إمته بقه هتجيلى الجرائه انى اصارحها بحبى ليها

اكيد قريب جدا هقولها بقه بحبها وهى كمان تقولى بحبك
ياااااه معقول الحلم يبقه حقيقه
بكرة هقابلها وهقولها اول ما اشوفها بحبك

ايه ياعنى هى هتكلنى ولا هتكلنى

بس انا خايف تكون مش بتحبنى زى ما بحبها وتجرحنى زى اللى جرحتنى قبلها
مش مهم المهم انى اتكلم واصارحها بقه بكل كلمه وكل حرف جوة قلبى نحيتها


بسم الله الرحمن الرحيم

سلحفاء
10/ 5/ 1990
الساعه11 مسائا



إذيك ياسلحفاء كانوا ديما زملائى فى الكليه يديقونى بالكلمه دى
وكانوا ديما يضحكوا عليا
شويه على لبسى وشويه على هيئتى وشكلى اللى مليش ذنب فيه
خلقه ربنا هعمل ايه يعنى

كنت بزعل وكنت بغضب قوى من جوايا بس عمرى ما بينت غضبى قدام اى حد
كنت ساعات كتير بروح على البحر وأعيط
بدموع اخرج كل الغضب اللى جوايه والالم

بس عمرى ما كرهتم

خلاص مش هكدب انا بصراحه كنت ساعات كتير بكرهم على تصرفاتهم وكلامهم الجارح فيا ديما بيحبوا يجرحونى قدمها قدام الانسانه الوحيده اللى قلبى دق ليها
مش عارف ليه وكانهم مستخصرين فيا شويه حب جوايا ليها

كان كل زملائى فى الكليه عارفين وحاسين إنى واقع لشوشتى فى حبها
وكانوا ديما يقولولى بقه أميرة هتبص ليك إنت
ويقلولى أما مجنون صحيح

كان إسمها أميرة وكانت فعلا اميرة

بس مش مهم بكرة هثبت للكل إنها بتحبنى

http://www.saudinokia.com/vb/images/uploads/30283_2518047440d8c4b953.gif

فعلا شكله مجنون معقول فى حب بالشكل الغريب ده
أنا المذكرات دى شدتنى هروح أعمل شاى وأرجع اكملها

إنتظرونى

بقلم

تامر الطويل

أمير الجروح

يسعدنى ان اكون اول من يرد على مشاركتك
لكن بالفعل قصة جميلة رغم انى غير متابع جيد للقصص بس بالفعل القصة جميلة
والاجمل ما وراء القصة
لك تحياتى وتقدير
ابوبسملة

يسعدنى ان اكون اول من يرد على مشاركتك
لكن بالفعل قصة جميلة رغم انى غير متابع جيد للقصص بس بالفعل القصة جميلة
والاجمل ما وراء القصة
لك تحياتى وتقدير
ابوبسملة

ربنا يخليك اخى الغالى ابو بسمله وسعيد جدا ان قصتى المتواضعه نالت اعجابك وتابعنى والصفحات القادمه

http://majdalanjar.com/modules/vArticles/images/articlesinmgs/12.bmp

مذكرات مجنون

الصفحه الثانيه

http://www.saudinokia.com/vb/images/uploads/30283_2518047440d8c4b953.gif

ترن ترن ترن

ألو أيوة يااحمد أنا فى البيت أيوة

هى الساعه كام 5 بعد العصر ياااااه بقه أنا نمت الوقت ده كله

إنت فى الطريق

طيب فى إنتظارك بس ماتنساش تجيب معاك كيلو كباب وشويه فاكهه علشان التلاجه فاضيه وأنا عارفك طفس وممكن تفضحنى

ياعم ماتخفش هحسبك عليهم
لسه برضه زى ما سبتك من عشر سنين جلدة
هههههههههه طيب ياعم فى إنتظارك

كل ده نوم
كله بسببك إنتى يامذكرات المجنون

ياترى راح الاهبل ده للبنت وصارحها بحبه ليها ولا إيه شدنى المجنون ومذكراته أما أكمل قرايه لحد ما يجى أحمد

http://www.saudinokia.com/vb/images/uploads/30283_2518047440d8c4b953.gif


بسم الله الرحمن الرحيم


غياب أميرة
11/ 5/ 1990
الساعه1 بعد الظهر

رحت الكليه ودورت كتير على أميرة علشان أصارحها بحبى بس مش لقتها

لقيت وائل زيملها وحولت أعرف منه هى فين

صباح الخير ياوائل أخبارك إيه

وائل /عاوز إيه إنت كمان هى نقصاك ونقصه جنانك

أنا أسف مش أقصد حاجه
أنا بس كنت عاوز اسألك على زيملتنا أميرة

وائل / وجنابك بقه عوزها فى إيه

أنا..... عادى ملقتهاش موجوده فقولت أسألك أطمن عليها من باب الزماله يعنى

وائل / زمالة هو اليوم باين من أوله
أنا مش فاضيلك غور بقه
وكفايه إنى إصتبحت بوشك الفقرى دة
أكيد اليوم هيكون ملخبط زى وشك

جرحنى بس إيه الجديد بقى شئ عادى
كل يوم جرح جديد

سبته ورحت على صدقتها نسرين
كنت فى البدايه خايف

بس لما قربت منها وشفتنى بقرب وأنا محروج قالتلى

نسرين / فى إيه مالك
متردد تقرب منى لية

على فكرة أنا عارفه إنت عاوز تسأل عن مين

أنا مش عاوز أسأل عن أى حد أنا كنت معدى ولقيتك بالصدفه

نسرين / يعنى مش عاوز تعرف أميرة ماجتش الكليه لية النهارده

ليه هى تعبانه أكيد تعبانه
تعبانه مالها
أكيد برد الجو إمبارح كان بارد جدا وهى كانت لبسه خفيف أكيد اخدت برد
أو تكون عندها صداع من محاضرة دكتور صبرى
أه دة أكيد أصله رغاى قوى

نسرين / دكتور صبرى هو إللى رغاى قوى
إسكت شويه خلينى أقولك هى ماجتش ليه النهارده

هو انا إتكلمت
قولى بقه أميرة مالها

ناجى / نسرين بقه إنتى هنا وانا دايخ عليكى يالا يابنتى هانتأخر على السينما
سلحفاء ده ديقك فى حاجه

نسرين / سيبه ياناجى ده كان بيسالنى على اميرة معملش حاجه سيبه بقه

ناجى / إنت تأمر ياقمر
يالا بقه

نسرين / أسفه لازم أمشى

طيب واميرة
طمنينى بس عليها

ناجى / إمشى من هنا ياسلحفاء وإياك اشوفك واقف مع نسرين تانى هفرمك
فاهم ولا تحب افهمك
غور

وعدى اليوم وروحت وأنا دماغى هيولع من كتير التفكير فى سبب غياب أميرة
لدرجه إنى فكرت أكلمها على الموبيل إللى أخدته لما كانت بتمليه ل نسرين مرة فى الكليه وإتحفر فى دماغى

بس بصراحه خوفت

أنا هنام أنا تعبان قوى يمكن لما أنام أحلم بيها وتقولى هى غابت ليه


http://www.saudinokia.com/vb/images/uploads/30283_2518047440d8c4b953.gif

ياااااااااااه أما مجنون صحيح

أما أكمل

أيوة مين بيرن جرس الباب

أحمد /أنا أحمد إفتح ياعم أنا شايل منك لله دوختنى

ههههههه حاضر حاضر لسه برضه لسانك طويل زى ما إنت ما تغيرتش

أحمد/ وإنت لساك إسمك أمير زى ماإنت ولا بلاد الفرنجه غيرته وبقيت مايكل أو جون

أمير/هههههههههه لسه أمير ما تخفش

إدخل بقه فرجت سكان العماره علينا منك لله

أحمد / بص بقه كيلو كباب وشويه فاكهه وكمان مايه معدنيه أكيد مايه الحنفيه مش هتعجبك وبصراحه أنا مش مستغنى عنك ههههههه

يبقه كده 347جنيه هات بقه 500 بدل تعب

أمير /ههههههه إنت تقصد بدل نصب إدخل يانصاب

عوزك فى حاجه مهمه

أحمد / خير مالك شكلك متغير

أمير / أصلى لقيت مذكرات الراجل المجنون صاحب الشقه القديم اللى حاكتلى عنه
ولما قرتها شدتنى وعاوز أعرف كل حاجه تعرفها عنه

أحمد / كل حاجه ليه هتعمل فيلم عنه ولا إيه

أمير / ياعم إحكى بس إنت هتخسر إيه

أحمد / طيب أكل الاول الكباب اللى رحته طيرت عقلى وجرت ورايه نصف سكان مصر

وبعدها أحكيلك كل إللى اعرفه عن المجنون ده
ماشى

أمير / ماشى ياأحمد


http://www.saudinokia.com/vb/images/uploads/30283_2518047440d8c4b953.gif

إنتظرونى


بقلم


تامر الطويل


أمير الجروح

جميلة جدا

لكن انا من راي كده كتير جدا عليك وتعب كل الرويات المتسلسلة دي في وقت واحد دا انا شحصيا اتلخبط

يعني انا من راي المتواضع انك تكتب رواية واحده وتخلص كل حلقاتها و بعدين تخش في واحده تانيه

و عشان كمان الي بيقرا ء ميتلخبطش و كده ممكن ميقرائش غير واحده بس لكن لما تكون واحده بعدين التانيه

حيعرف يتابع

نرفع القبعة لك اخى الحبيب
استمر
ومن نجاح إلى نجاح
سلمت يمينك

يلا كمللللللللللللللللللللللللللللللللل

جميلة جدا

لكن انا من راي كده كتير جدا عليك وتعب كل الرويات المتسلسلة دي في وقت واحد دا انا شحصيا اتلخبط

يعني انا من راي المتواضع انك تكتب رواية واحده وتخلص كل حلقاتها و بعدين تخش في واحده تانيه

و عشان كمان الي بيقرا ء ميتلخبطش و كده ممكن ميقرائش غير واحده بس لكن لما تكون واحده بعدين التانيه

حيعرف يتابع

انا مش بتعب ولا حاجه لان جميع حلقات قصتى
صحيت من النوم الصبح و مذكرات مجنون موجوده على جهازى وللنهايه
انا كتبهم من سنه تقريبا

وان شاء الله هعمل بنصحتك اختى الغاليه بجد نورتينى

امير الجروح

نرفع القبعة لك اخى الحبيب
استمر
ومن نجاح إلى نجاح
سلمت يمينك
بجد نورتنى اخى الغالى وبجد انا اللى سعيد جد ا بتشريفك وردك الجميل
يلا كمللللللللللللللللللللللللللللللللل

حاضر اختى الغاليه وحالا هنزل الصفحه الجديده هديه ليكى

http://majdalanjar.com/modules/vArticles/images/articlesinmgs/12.bmp




مذاكرات مجنون



الصفحه الثالثه



http://www.saudinokia.com/vb/images/uploads/30283_2518047440d8c4b953.gif



أمير / إيه ياإبنى براحه هو الاكل هيطير

إنت جاى من مجاعه ولا إيه


أحمد / الله إنت هتبصلى فى اللقمه إللى هتأكلهالى

طب مش واكل

أمير / يكون أحسن خليك تحكيلى عن الراجل المجنون صاحب البيت بقه

احمد / أنا أقصد مش واكل فاكهه وهاكل كباب


إنت من ساعه مارجعت من أمريكا وإنت متكبر علينا

أمير / عمرك ما هتتغير ياأحمد


وبعدين مش إنت متجوز يعنى مراتك أكيد مظبطاك أكل يبقه ليه الفجعه دى بقه

أحمد / مظبطانى هو فى راجل عاقل إتجوز ومراته عبرته

أيام الخطوبة مالايكه ماشيه على الارض

وبعد الجواز ألعن من أمريكا وعمايلها فى الشعب العربى

الستات دول زى القطط تاكل وتنكر

ربنا يكون فى عونا والله لينا الجنه


أمير / هههههه أنا فعلا عازر مراتك متجوزة مفجوع

يابنى سيب الاكل وكلمنى شويه عن الراجل صاحب البيت



أحمد / طيب ياعم أنا مش عارف بس إنت شاغل نفسك ليه باالراجل المجنون ده


على العموم هقولك كل إللى أعرفه عنه يمكن تتهد وتسبنى أكمل اللقمه إللى فيه الف عين دلوقتى بصالى فيها



بص ياسيدى أنا لما جيت أشترى الشقه قعدت مع البواب وقالى



البواب / مبروك عليك الشقه يا باشمهندس ربنا يجعلها عتبه مبروكه عليك



أحمد / الله يبارك فيك بس دى مش شقتى أنا إشترتها لصديق عمرى أمير اللى راجع من أمريكا وبعدين ياعم فين الشاى الجميل بتاعك


ولا هتفضل ترغى كده من غير ما توجب معايه



البواب / إنت تأمر ياباشمهندس ثوان وأكون عندك ومعايه أحلى كوبايه شاى



وبعد 5 دقائق جه البواب وكمل باقى الحكايه



أحمد / تسلم إديك بجد أحلى كوبايه شاى شربتها فعلا


بس كانت ناقصه سكر


إنت بتقطع من جلدك ياراجل


إبقه حط شويه سكر ياراجل إيه البخل دة


المهم كمل ياسيدى حكايه الراجل المجنون ده وخلصنى ورايه شغل



البواب / أنا لسه فاكر لحد دلوقتى عمايل إخواته فيه دول بهدلوة يابشمهندس والله حرام عليهم إللى عملوة فيه



احمد / ليه هما إخواته عملوا فيه إيه ؟؟



البواب / والدهم كان غنى جدا وعنده شركات وفلوس ماتتعدش فى بنوك كتير



احمد / يعنى والد صاحب الشقه دى غنى بالشكل الفظيع ده ومقعد إبنه فى شقه قول كلام غير ده ياراجل


إللى والده بالشكل ده لازم يقعد فى فيلا او قصر على الاقل



البواب / ما أنا هقولك ياباشمهندس



ما هو الاستاذ نور ما كنش عايش هنا كان عايش فى فيلا كبيرة قوى مع إخواته و والده الحاج حسين اصل



احمد / نور مين ياعم براحه وبلاش تلخبطنى



البواب / ما هو صاحب الشقه إسمه الاستاذ نور



احمد / المجنون ده إسمه نور


كمل كمل الموضوع شكله هيحلو



البواب / لما والد الاستاذ نور مات إخواته طردوة من الفيلا وإشتروا له الشقه دى يقعد فيها علشان منظرهم الاجتماعى قدام الناس


وده كله لان الاستاذ نور كان اخوهم بس من أم تانيه


ولأن الاستاذ نور طيب قوى راح عاش فى الشقه دى



مع إن المحامى بتاع والده كتير إتحايل عليه يرفع قضيه ضدد إخواته علشان ياخد حقه



بس الاستاذ نور ديما كان بيرفض


عمرة ماحب المشاكل مع الغريب كان ديما فى حالة


إش حال دول بقه إخواته



أحمد / فعلا يستاهل إننا نقول عليه مجنون


بقه فى حد لسه بالشكل ده


يسيب حقه ويسيب إخواته يعملوا فيه كدة



البواب / هما سبوة يابيه دول لما عرفوا موضوع الارض إللى كان والده كاتبها بإسمة وسايب أورقها مع صديق عمرة الاستاذ منصور


راحوا جرى عليه علشان يتنازل لهم عنها


وقف لهم صديق المرحوم الاستاذ منصور وقامت خناقه لرب السماء


وفى الاخر برده إتنازل الاستاذ نور عن الارض إللى كانت تساوى ملاين



بس الاستاذ منصور الله يعمر بيته أخد من إخواته 100 ألف جنيه بالعافيه وإداهم للأستاذ نور علشان يعيش منهم



أحمد / أنا مش مصدق إن فى إخوات بالشكل ده


الطمع ملا عيونهم والقسوة بقت فى قلوبهم


الله يرحمه شكله فعلا كان غلبان وطيب قوى فى زمن الطيبه فيه بقت عبط



اسيبك بقه ياعم بعد ما سودت الدنيا فى وشى الله يخرب بيتك



http://www.saudinokia.com/vb/images/uploads/30283_2518047440d8c4b953.gif



وبعدها روحت نمت ياأمير



تحب أقولك حلمت ب إيه كمان ما هو يوم باين من أوله


سيبنى أكل بقه

http://www.saudinokia.com/vb/images/uploads/30283_2518047440d8c4b953.gif

إنتظرونى


بقلم


تامر الطويل

أمير الجروح

حلوة اووووووووووى يا تامر

حلوة اووووووووووى يا تامر

نورتينى وبجد سعيد بردك الجميل

http://majdalanjar.com/modules/vArticles/images/articlesinmgs/12.bmp

مذكرات مجنون


الصفحه الرابعة

احمد / امير انا لازم امشى بقه ياامير الوقت إتأخر ومراتى مجنونه وممكن متدخلنيش البيت

امير/ ليه يعنى فين الرجوله

احمد / ياااااه ياامير إنت لسه فاكر ايام زمان ايام الرجوله اللى على حق

ايام سى السيد اللى كان مشرفنا بين الرجاله
والله ياامير إحنا غلطنين

امير / إنتوا مين ياعم

احمد / إحنا الرجاله لازم نعمل تمثال للراجل إللى كان راجل بجد

وكل سنه نيجى نقف قدامه ونتأسف له ونقوله الله يرحمك يارجوله

ويرحمك يامشرفنا بين الستات ايام زمان

امير / واله يااحمد انت سخن ولا ايه مالك ياله اعقل وقوم روح

ولو مراتك طردتك متجيش عندى احسن تيجى تروقنا احنا الاتنين وانا مش ناقص

منك لله خوفتنى من كل الستات

ستات مصر إتغيرت كتير عن زمان فين ايام الحب الخالد والطيبه والحنيه

احمد / طيبه وحنيه ايه ياعم امير الكلام الغريب ده فى دلوقتى اللى اجمل من الطيبه والحنيه فى الخلع وفيه القايمه والمأخر وكمان النفقه

انا ماشى ياعم منك لله ياامير قلبت عليا المواجع

أمير/ اخيرا المجنون ده مشى معقول الكلام اللى بيقوله ده

بس برده ومهما قالوا ( عمار يامصر )



أما أقراء بقه فى المذكرات دى نفسى أعرف إيه أخرتها معاك يانور


http://www.saudinokia.com/vb/images/uploads/30283_2518047440d8c4b953.gif

بسم الله الرحمن الرحيم

موبيل أميرة

12/ 5/ 1990

الساعه3 بعد الظهر

نور / أتصل بيها ولا اعمل ايه انا دماغى هتنفجر
طيب لو كلمتها هقولها ايه بس

انا ممكن اقول لها انا نور زميلك فى الكليه وأعرفها بنفسى


إيه يعنى هى هتقول ايه يعنى مش معقول تحرجنى زى كل الناس أميرة غير كل الناس اكيد هتحبنى زى ما انا بحبها وهنعيش مع بعض طول العمر واكيد هتعوضنى عن ولدتى اللى فقدتها من وانا صغير وهتكون حبيبتى طول العمر واكيد برضة هتخاف عليا وعلى مشاعرى ومش ممكن تفكر تجرحنى ولو لحظه فى يوم

انا هتصل بيها

اميرة/ ألووو ألووو ألووو ألووو


غريبه محدش بيرد

طيب سلام يالى بترن يمكن عيب فى الشبكه

نور / إيه الغباء إللى أنا فيه ده ليه مش إتكلمت بس

غبى ….غبى….. فعلا أنا غبى

أنا هتصل تانى والمرة دى لازم أتكلم وأبطل بقه خوفى ده

أنا هتصل تانى بيها

اميرة / الووو الوووو الووو

هو فى ايه انا مش سمعاك ياللى بتتكلم فى حاجه فى الشبكه او عندك

نور / الو

اميرة/ يااااه اخيرا رديت

مين معايه

نور / أنا

أميرة / على اساس انا ده شخص معروف يعنى


مين معايه

نور / انا نور

أميرة / نور مين انا معرفش حد اسمه نور

انت شكلك بتعاكس وانا مش فاضيه ليك

نور / انا نور زميلك فى الكليه


نور حسين

أميرة / نور اه عرفتك إذيك يانور

نور / الحمد لله

إنتى اخبارك ايه ؟؟

مش جيتى الكليه امبارح ليه

اميرة / قولى الاول انت جبت رقمى منين


نور / انا ….انا
جبته

اه من شئون الطلبه

اميرة / بجد فيك الخير يانور ده صحباتى الاندال مافكروش يسألوا عنى

نور / انتى كويسه

امير ة / اه كويسه يانور وكمان سعيده جدا جدا

نور / يارب ديما ياانسه اميرة

امير ة / ايه انسه دى يانور
احنا زملاء قولى يااميرة على طول

نور / حاضر يا انسه اميرة

امير ه/ ههههههه مافيش فايده فيك

نور / انا سعيد انى كلمتك النهارده ياانسه اميرة بجد فرحان قوى

اميرة / هههههه ياسيدى لو كلامك معايه بيسعدك كلمنى ديما

نور / بجد

اميرة / بجد يانور إنت مالك يابنى

نور / انا كويس
بس فرحان انى إطمنت عليكى

هتيجى بكرة ان شاء الله

اميرة / إن شاء الله

نور / إن شاء الله

طب اسيبك بقه علشان مش أعطلك


اميرة / مش هتقولى مبروك

نور / مبروك ألف مبروك

اميرة / هههههه مش تعرف الاول على إيه إنت بتبارك وخلاص

نور / أنا أهم حاجه عندى إنك تكونى مبسوطه وصوتك بيقول إنك فرحانه يبقه الخبر جميل

اميرة / هههههه ديما عبقرى يانور ايوة ياعم ما انت ديما بتطلع اول الدفعه


انا ياسيدى إتخطبت النهارده ل عمرو إبن عمى

الووووووو …… نور

إنت رحت فين يانور

الووووووووووووووووو

http://www.saudinokia.com/vb/images/uploads/30283_2518047440d8c4b953.gif

تتبع

إنتظرونى


بقلم

تامر الطويل

رائع ...منتظره الحلقه بفرغ الصبر

علي فكره انا متابعه طريقه الكتابه بتاعتك من فتره وعجباني جدا الحس الكوميدي اللي فيها

جميل جدااااااا

رائع ...منتظره الحلقه بفرغ الصبر

نورتينى اختى الغاليه وحالا الحلقه تنزل علشان خطرك

علي فكره انا متابعه طريقه الكتابه بتاعتك من فتره وعجباني جدا الحس الكوميدي اللي فيها

جميل جدااااااا

ربنا يخليكى يارب بجد نورتينى وسعيد ان كتاباتى البسيطه نالت اعجابك

http://majdalanjar.com/modules/vArticles/images/articlesinmgs/12.bmp

مذكرات مجنون

الصفحه الخامسه



http://www.saudinokia.com/vb/images/uploads/30283_2518047440d8c4b953.gif


ياااااه معقول فى حب بالشكل الغريب ده


الانسان ده ياإما مجنون …… ياأكيد مجنون


بيدور على حب فى زمن بقه فيه الحب عمله نادرة

منك لله يانور وجعتلى قلبى

اما اكمل واشوف حصل ايه بعد اميرة ماصدمته الصدمه الجمده دى



http://www.saudinokia.com/vb/images/uploads/30283_2518047440d8c4b953.gif



بسم الله الرحمن الرحيم

خطوبه اميرة


13/ 5/ 1990


الساعه4 بعد الظهر


تانى يوم فى الكليه


http://www.saudinokia.com/vb/images/uploads/30283_2518047440d8c4b953.gif


نسرين / مبروك ياوحشه بقه تتخطبى واعرف بالصدفه من ولدتك لما اتصل واسال عليكى


انا زعلانه منك



اميرة / ههههه ليه بس انا غلبانه



مش تزعلى بجد الموضوع كله جه بسرعه جدا


انا حتى ما كنتش اعرف ان عمى وعمرو جاين يخطبونى



وبعدين دة حتى قاريبى ما اتصلوش يباركولى


الوحيد اللى افتكرنى نور زميلنا

نسرين / برضوا زعلانه منك

اميرة / طب اعمل ايه بس علشان اصلحك

نسرين / تجبيلى كانز وسندوتش بورجر



اميرة / ههههههه طول عمرك همك على بطنك


حاضر ياستى انت تأمرى


صحيح قوليلى انتى ما شوفتش نور زميلنا


نسرين / اه شوفته كان اول امبارح بيسال عليكى

ليه فى ايه



اميرة / والله ما انا عارفه

أصله إتصل بيا إمبارح يطمن عليا وانا بكلمه وبقوله انى اتخطبت ل عمرو ابن عمى لقيته مش بيرد عليا مع ان الخط كان مفتوح اظاهر الشبكه عنده سقطت

نسرين / بتقولى لما قولتيله انك إتخطبتى سكت ومش رد عليكى

اميره انا عارفه هو ليه سكت ومش رد عليكى

اميره / عارفه إزى بقه
هو إنتى كنت وقفه جمبه وهو بيكلمنى ههههههه

نسرين / لاء بجد انا عارفه ايه اللى حصله

اميرة / طيب قولى يا كرومبو ومنك نستفيد



نسرين / انا شاكه ان نور بيحبك

مش شكه انا متأكده

اميرة / هههههههه يامجنونه انتى اكيد بتهزرى نور بيحبنى انا ههههه

نسرين / انتى بتضحكى على ايه

انتى مش مصدقانى

ايه ده


مش ده نور إللى جاى هناك ده


هو مالة شكله مبهدل كده ليه وكأنه جاى من خناقه



نور/ ممكن اكلمك ثوانى على انفراد بعد إذنك ياانسه اميرة



نسرين / طيب انا هسبقك على الكافتيريا يااميرة سلام



اميرة / ايوة يانور خير فى ايه


وايه حصل امبارح انا فضلت اكلمك وانتى مكنتش بترد عليا


اكيد كان عيب فى الشبكه

نور / انا بحبك

امير ة / نعم انت بتقول ايه ؟؟

نور / بقولك انا بحبك

اميرة / بتحبنى انت مجنون انا مخطوبه ل عمرو إبن عمى وانت عارف الكلام ده كويس



نور / بس انا حبيتك من اول يوم شوفتك فيه فى الكليه


مع اول كلمه قولتيها لصحباتك وسمعتها ودانى


مع اول ضحكه خرجت من شافيفك

حبيتك

انا عارف انى إتأخرت كتير على إنى أقول الكلمه دى


بس اكيد انتى فرحانه زيئ واكيد انتى بتحبينى زى ما انا بحبك


انا انا انا عندى شقه وعندى فلوس كتير 100 الف جنيه فى البنك ب إسمى



يعنى ظروفى الاجتماعيه كويسه

يعنى ما فيش اى حاجه ماديه هتقف قصاد حبنا

اميرة / انت أكيد مجنون حبنا


مين قال انى بحبك



نور / مين قال انك بتحبينى


مش مهم تكون كلمه خرجه من شافيفك تسبت انك بتحبينى


الحب عمرة ما كان كلام

انتى ياما قولتيلى بتحبينى


اميرة / انا قولتلك بحبك ؟؟



نور / ايوة قولتهالى لما بتبصيلى وبتكلمينى فى وقت كان الكل بيهرب منى


قولتهالى لما حسستينى انى انسان وليا مشاعر

قولتهالى لما كنت بتبتسمى

لما كنتى بتزعلى لما كان الكل بيعملنى وحش

لما كنتى بتقربى منى لما كان الكل بيبعد عنى



اميرة / دة كان عطف مش اكتر


كنت بعطف عليك

انا عمرى ما فكرت فيك اكتر من زميل وصديق

نور / بتعطفى عليا


يعنى عمرك ما حبتينى


بس ازى طب واحساسى اللى عمرة ما كدب عليا


انتى اكيد مش قصدك أنا عارف إنك بتحبينى

نسرين / فى ايه يااميرة انتى بتزعقى لية


مالك ؟؟

ناجى / مالك يااميرة الواد ده عملك حاجه



اميرة / الاستاذ بيقولى انه بيحبنى مع انه عارف انى مخطوبه



ناجى / هههههه هو اللى زيك يعرف يحب


انا بقه هوريك الحب الاصلى


بوووووووم ……. طاااااااااااااااخ



اميرة / كفايه ياناجى كفايه

نسرين / كفايه ياناجى حرام عليك سيبه بقه

بنت غريبه / ايه اللى بتعمله ده حرام عليك سيبه هيموت فى إديك

انا هبلغ الامن

ناجى / انتى مين انتى كمان الاستاذ اللى بتدفعى عنه كان بيعاكس زيملتنا

بنت غريبه / انا كنت وقفه جمبهم وسمعت كل الكلام اللى دار بينهم
وهو مش عاكسها ابدا

ولو مش سبته حالا انا هبلغ عميد الكليه

http://www.saudinokia.com/vb/images/uploads/30283_2518047440d8c4b953.gif


تتبع


إنتظرونى والصفحه الاخيرة



بقلم

تامر الطويل

هع موضوع جميل واصلــ

هع موضوع جميل واصلــ

نورتنى اخى الغالى

فين الجزء الاخير ياتامر؟
انا مش هاستنى كتير
نور مات ازاى؟
وراح المصحة اكيد عشان صدمتة فى اميرة
ماتقوليش انه عمل حاجه فى نفسه وانتحر
دانت تموتو مقتول ارحم من فكرة الانتحار دى
انا ضدها اصلا حتى لو فى رواية

فين الجزء الاخير ياتامر؟
انا مش هاستنى كتير
نور مات ازاى؟
وراح المصحة اكيد عشان صدمتة فى اميرة
ماتقوليش انه عمل حاجه فى نفسه وانتحر
دانت تموتو مقتول ارحم من فكرة الانتحار دى
انا ضدها اصلا حتى لو فى رواية


حالا تنزل اخر الصفحات ،، الصفحه الاخيرة والمفقوده

واهداء ليكى يالوجين يابطله قصصى

http://majdalanjar.com/modules/vArticles/images/articlesinmgs/12.bmp

مذكرات مجنون

الصفحة المفقوده و الاخيرة

http://www.saudinokia.com/vb/images/uploads/30283_2518047440d8c4b953.gif

ايه دة كله وإيه إللى بيحصلك ده بس يانور
بقه فى كده ياناس
إللى بيحب بجد يتعامل على إنه مجنون
ياااااه يابلد بقه فيكى إللى قلبه يحركه مجنون

وبعدين معاك يانور بجد تعبت قلبى وحيرتنى ياترى فعلا انت مجنون
ولا كل الناس إللى حوليك هما إللى مجانين وجننوك معاهم

نفسى اعرف نهايه مذكراتك دى ايه

ومين هى البنت الغريبه اللى دفعت عنك بالشكل العجيب ده
ياترى قصه حب جديده ولا عطف وشفقه منها عليك

اما اكمل واشوف ايه فى الصفحه الجايه من المذكرات وربنا يستر من عمايلك يانور

ايه ده مفيش اى كلام معقول تكون دى نهايه المذكرات طيب ايه حصل بعد كده

مش ممكن تكون دى النهايه

انا لازم اعرف ايه حصل لنور

احمد هو الوحيد اللى ممكن يفيدنى اما اتصل بيه

الوووو ايوة يااحمد عوزك تجيلى البيت حالا

لاء مش تخاف انا كويس بس عوزك ضرورى سيب اى حاجه بتعملها وتعلالى حالا

شغل ايه ياعم هو انا مش عارفك
زوغ ياسيدى هى دى اول مرة تعملها يعنى
المهم تكون قدامى حالا

http://www.saudinokia.com/vb/images/uploads/30283_2518047440d8c4b953.gif

وبعد نصف ساعه

احمد / فين الحرام إبن الحراميه

امير / حرام ايه !!!

احمد / الله مش انت اتصلت بيا وقولتلى تعاله فورا

امير / ايوة بس مقولتش ليك انى مسكت حرامى
انا عوزك علشان اعرف منك ايه حصل لنور صاحب الشقه
لان المذكرات خلصت من غير ما اعرف ايه حصل له

احمد / انت سخن ياامير بقه مسيبنى شغلى ومخلينى أزوغ قبل ميعاد تزويغى الرسمى علشان تسألنى على واحد مجنون

امير / انا هتجنن يااحمد هموت واعرف ايه حصل له

احمد / والله شكلك فعلا مجنون وشكلى هطلبلك مستشفى المجانين

امير / ياسيدى اعمل اللى تعمله بس المهم تقولى ايه حصل لنور

احمد / وانا اعرف منين انا كل اللى سمعته من البواب قولته ليك
اعملك ايه تانى

امير / يعنى مش تعرف اى حاجه تانيه

احمد / يعنى انا هخبى عليك ليه يعنى

امير / يبقه مافيش غير شخص واحد ومنه هعرف ايه حصل لنور

احمد / مين هو الشخص ده

امير / الاستاذ منصور صديق والد نور
أكيد يعرف ايه حصل لنور
انا رايح له هتيجى معايه يااحمد ولا ترجع لشغلك

احمد / شغل ايه بقه ما خلاص ميعاد التزويغ جه وزمان كل المواظفين روحوا
جاى معاك لما اشوف اخرتها معاك

وعند مكتب الاستاذ منصور دار هذا الحوار

امير / ان اسف يااستاذ منصور جيت لحضرتك من غير ميعاد

منصور / ولا يهمك خير فى إيه ؟؟

امير / انا امير اللى اشتريت شقه نور إبن المرحوم الحاج حسين وده صديقى احمد

منصور / اهلا بيكم بس برده معرفتش فى إيه

امير / انا هقول لحضرتك
انا لقيت فى شقه الاستاذ نور مذكراته وقرتها وعرفت منها قد ايه هو تعب وعاش حياه صعبه جدا بدايه ب أخواته اللى حرموة من ميراثه ونهايه بالانسانه اللى حبها وإتضح له إنها مش بتحبه

بس المذكرات إنتهت عند كده وبجد من ساعتها وانا دماغى هتنفجر نفسى اعرف ايه حصل للأستاذ نور

منصور / وليه عاوز تعرف

احمد / معلش ياأستاذ منصور الاستاذ امير نسى يعرفك إنه مخرج عاش فى امريكا 15 سنه ولما قراء مذكرات احمد قرر يعملها فيلم سينمائى

امير / ايه ده يااحمد إنت بتقول إيه

احمد / بصوت واطى سبنى اتصرف

منصور / فيلم سينمائى عن نور

احمد / اه وبتكلفه هتعدى أعلى إنتاج لأى فيلم نزل


منصور / انا اسف ياجماعه بجد مقدرش أحكلكم اى حاجه وبالذات بعد ما عرفت سبب سؤالكم عن باقى حكايه نور

انتوا جاين من امريكا علشان تفضحوا اولاد اعز صديق ليا وكمان عوزنى اساعدكم
لو سمحت انت وهو بره ومن غير مطرود

امير / يبص لأحمد بغضب ويقوله الله يخرب بيتك

ويبص لأستاذ منصور ويقوله

ياأستاذ منصوز انا مش مخرج ولا حاجه انا مجرد انسان حس قد ايه نور إتعذب فى حياته لما قراء مذكراته
وكان نفسى اعرف ايه حصله
وده جواز سفرى علشان تتأكد بنفسك

منصور / انا مش محتاج اتأكد صحبك قال الحقيقه وبلاش تحاول تدارى
لو سمحتم بره قبل ما اتصل بالبوليس

احمد / بوليس لا ياعم خلاص هنخرج بره
تعاله ياامير بيقولك هيتصل بالبوليس
وانا عارف إدين المخبرين كويس

ويخرج امير واحمد بره المكتب

امير / عجبك كده

احمد / وانا عملت ايه يعنى ده جزاتى انى كنت عاوز اسعدك

امير / انا اللى غلطان انا ليه اصلا جبتك معايه
قولى بقه هنعرف ازى باقى قصه نور بعد ما الاستاذ منصور طردنا

احمد / كل مشكله فى الدنيا ليها حل اهدى انا عندى فكرة انما ايه فل ومنها هنعرف ايه حصل لنور ولو عاوز تعرف كمان اللى حصل لأبو نور هتعرفه

امير / انت شكلك فايق و**** وبتهزر
انا مروح خلاص مش عاوز اعرف

احمد / يعم تعاله معايه بس وانت هتعرف كل حاجه
خليك ورايه وانت تكسب

وبعد مشوار استمر ساعه بعربيه امير

احمد / بس هنا اقف هنا ياامير

امير / انا نفسى اعرف انت جيبنا فين

احمد / انزل بس وتعاله معايه

امير / انا مش هتحرك من مكانى غير لما تقولى انت جيبنى فين

احمد / يعنى هكون جيبك فين يعنى الملاهى

انا جيبك للمكان الوحيد اللى منه هنعرف كل حاجه عن نور
هى دى الفيلا اللى منها هنعرف كل حاجه

امير / فيلا مين دى ؟؟؟

احمد / اخوات نور

امير / اخوات نور وإزى هنعرف منهم اللى حصل لنور اخوهم هما معقول يعنى هيقولولنا انهم كلوا حقه فى الميراث

احمد / اكيد لاء

بس برده انا متاكد انهم ما هيصدقوا يلاقوا مخرج داخل عليهم وناوى يعمل قصه حياه ولدهم فيلم سينمائى

وطبعا هيخدوا فلوس منه مقابل قصه حياه والدهم

دول مادين واكيد ما هيصدقوا


امير / مخرج سينمائى تانى انت لسه محرمتش مش كفايه اللى عمله فينا الاستاذ منصور لما قولنا له


احمد / فى فرق ما بين الاستاذ منصور وبين اخوات نور

الاستاذ منصور بيحب نور وعلشان كده رفض يحكى ليا باقى القصه
إنما اخوات نور مش بيحبوة وما هيصدقوا يحكوا لينا

تعاله معايه وانت تتأكد بنفسك

http://www.saudinokia.com/vb/images/uploads/30283_2518047440d8c4b953.gif

تتبع حالا

وعند باب الفيلا

البواب / ايوة يابيه حضرتك عاوز حاجه

احمد / لو سمحت قول للبيه إن المخرج السينمائى العالمى امير عاوز يقابله فى موضوع مهم

البواب / حاضر يابيه دقيقه واحده ابلغه
ويمشى البواب يبلغ اخوات نور

امير / ياخوفى من كدبك ده يااحمد شكلنا هناخد علقه سخنه وهتكون انت السبب

احمد / مش تخاف طالما معاك جواز سفرك الامريكى ما حدش فى الكون يقدر يلمسنا


معانه حصانه يامعلم

البواب / إتفضلوا يابهوات البيه فى انتظاركم

ويدخل امير واحمد الفيلا

ايهاب الاخ الاكبر / اهلا اهلا إتفضلوا

امير / إحنا أسفين جدا إننا جينا من غير ميعاد سابق

محمود الاخ الاصغر / عادى ولا يهمكم بيتكم فى اى وقت

بس احنا ماتعرفناش على حضرتكم

احمد / انا احمد وكيل اعمال الاستاذ نور فى مصر

والاستاذ نور مخرج كبير فى امريكا وجه مصر علشان يعمل فيلم سينمائى عن حياه مكافح ورجل اعمال ناجح ودورنا كتير لحد ما اكتشفنا ان ما فيش غير الحاج حسين يستهال اننا نعمل عنه وعن اولاده الفيلم ده

ايهاب الاخ الاكبر / فيلم سينمائى عننا

وايه المقابل اللى هتدفعوة لينا

امير / المقابل المادى اللى تطلبوة المهم اعرف قصه حياه والدكم بالظبط ومن غير حرف ناقص او حرف زياده

محمود الاخ الاصغر / إذا كان كده يبقه تمام ومن غير ما نحكى ولا كلمه

احنا والدنا كان ديما بيكتب مذكراته هنديها ليك ومنها تطلع القصه اللى انت عوزها ده طبعا بعد ما نتفق على السعر

امير / تمام تمام

بس انا ليا سؤال بسيط وده مهم جدا فى سيناريوا الفيلم

ايهاب الاخ الاكبر / إسال؟؟

امير / احنا عرفنا ان كان ليكم اخ ثالث اسمه نور

ياترى هو فين وايه حكايته؟؟

ايهاب الاخ الاكبر / نور إتوفى من 3 شهور فى مستشفى المجانين

امير / مات

ايهاب الاخ الاكبر / ايوة مات

بعد الصدمه اللى حصلت له كان لازم يموت نفسه

مافيش اى عاقل يستحمل صدمه زى دى ما بالكم بمجنون

امير / بغضب نور ما كنش مجنون نور أعقل إنسان فى الوجود

محمود الاخ الاصغر / بإستغراب طيب وإنت زعلان كده ليه

امير / لاء ابدا أصل بعد إللى شافه نور على إدين أميرة وصدمته فى عدم حبها ليه كان لازم يتجنن

محمود الاخ الاصغر / بس نور ما إتجننش علشان اميرة سبته

امير / أمال نور إتجنن ليه

ايهاب الاخ الاكبر / الاول قولى انت ازى عرفت بموضوع اميرة

احمد / ما انا قولتلك الاستاذ امير مخرج كبير وسال عن قصه ابن صاحب قصه الفيلم الاستاذ نور ولما سال عرف قصه اميرة واللى عملته فيه

ايهاب الاخ الاكبر / يبقه اللى عندى بخصوص نور يهم المخرج لانى عارف ليه نور اتجنن ودخل المصحه

امير / ليه احكيلى ايه حصل لنور

ايهاب الاخ الاكبر / هقولك كل حاجه

الموضوع ابتداء لما اميرة صدمت نور بعدم حبها ليه

واتدخل زميل ليها مش فاكر اسمه وضرب نور

ساعتها ظهرت بنت من العدم وهددت الشاب اللى بيضرب نور بإنها هتبلغ عميد الكليه

وساب الشاب ده نور بعد ما بهدله

وبعد الكل عن نور وبما فيهم اميرة

وفضلت البنت الغريبه جمب نور ودار حوار ما بينهم

نور / انا متشكر ليكى لولاكى كنت مت من الضرب



البنت الغريبه / ما تقولش كده اميرة ده مش تستاهل حبك


اكيد فى مليون واحده تستاهل الحب الكبير بتاعك

نور / مافيش خلاص حاجه اسمها حب

الحب مات بالنسبه ليا انا اسف يا؟؟؟

البنت الغريبه / انا اسمى سمر

نور / انا اسف ياسمر لازم امشى حالا

سمر / رايح فين يانور

نور / رايح اى مكان اكون فيه لواحدى يمكن اعرف انا ليه كده

سمر / ليه كده ازى مش فاهمه

نور / ليه كده مجنون ليه كده قلبى ديما بيخدعنى

سمر / ممكن اجى معاك انا كمان نفسى اكون فى مكان لوحدى

بس مش لوحدى خالص هكون معاك

ممكن

نور / انا خايف ازعجك معايه واعطلك عن المحاضرة

سمر / انا خلصت محاضراتى وكنت مروحه

نور / طيب يالا بينا

ومرت الايام تجر وراها الاسابيع ونور وسمر علاقتهم بتذيد

بقوا كل يوم لازم يتكلموا فى التليفون واليوم اللى يعدى من غير مايتكلموا فيه يبقه نور هيتجنن

عرف نور مع سمر معانى كتير عمرة ما عرفها مع اميرة واكتشف ان سمر هى حبيبته الحقيقيه اللى عاش طول عمرة مستنيها

وفى يوم ونور وسمر قعدين مع بعض فى الكافتيرا صارح نور سمر بحبه ليها

وطارت سمر من الفرحه وصرحته بحبها ليه

وراح نور يتقدم ليها وفعلا وافق والدها على خطوبه نور وسمر بس بشرط

يكتب نور الشقه بإسم سمر ويحطلها فلوس بإسمها فى البنك

ثارت سمر على والدها وقالتله انا مش عوزة غير نور مش عوزة شقه ولا فلوس بإسمى

بس صمم والدها على شرطه ده علشان يضمن لبنته مستقبلها

ووافق نور كتب الشقه بإسم سمر وحط ليها ال 100 الف جنيه اللى اخدهم من اخواته بإسمها فى البنك

وعاش نور مع سمر اجمل اسبوع خطوبه عاشه فى حياته وحس معاها بالحب

وبعد شهر بالظبط وقبل ليله فرحه على سمر بيومين وصله جواب من سمر

ولما فتحه لقه مكتوب فيه

نور ياحبيبى انا بشكرك جدا على ال 100 الف جنيه وعلى الشقه الجميله اللى اخدتهم منك

وقبل ماتستغرب وتسال

احب اعرفك انى دلوقتى فى لبنان والشقه خلاص بعتها لواحد

اما بخصوص جوزنا فده انساه لانى عمرى ما حبيتك ولا عمرى هحب واحد زيك كل حياته وامنياته انه يلاقى حبيبته

انا من البدايه عمرى ما حبيتك انا كل الموضوع انى سمعتك وانت بتكلم اميرة فى الكليه وقولتلها ان معاك 100 الف جنيه وشقه فقولت لازم اخدهم منك قبل ما تتجنن اكتر وتضحك عليك واحده غيرى وتاخدهم منك
وانا وبعد كل الحب اللى عيشتك فيها وفاتورة التليفون اللى كانت بتجيلى بالشئ الفولانى استحق اخد الفلوس والشقه ولا ايه

وفى النهايه انا اديتك الحب واخدت الفلوس

سلام مع تمنياتى ليك بحب سعيد

ايهاب الاخ الاكبر / وبعدها على طول راح نور لبيت سمر لقه الشقه كانت متأجرة مفروش وهناك قعد يزعق ويصرخ ويقول فى كلام مش مفهوم واتصل بينا الناس وبلغونا ان نور اخونا اتجنن فإتصلنا بمستشفى المجانين وجم اخدوة وبعد شهرين اتصل بينا مدير المستشفى وبلغنا بوفاه نور

دى كل الحكايه

امير/ مش ممكن يكون فى بشر بالشكل ده اميرة تسرقه فى النهايه وانتوا تسرقوة من البدايه بجد حسبى الله ونعم الوكيل فيكم

انتوا مش اخوات ولا حتى بشر

ايهاب الاخ الاكبر / ايه اللى بتقوله ده يااستاذ انا مسمحش ليك إنت إتجننت

امير / منكم لله ياظالمه منك لله

ويمشى امير ودموعه على خده بره الفيلا ويخرج احمد وراه ويحاول يهدى فيه
وامير مش شايف اى شئ قدامه غير سحابه سوده من الظلم والحقد والانانيه

http://www.saudinokia.com/vb/images/uploads/30283_2518047440d8c4b953.gif


وبعد يومين وفى المطار يقف احمد يودع امير ويقوله

احمد / برده مصمم تسافر ياامير

امير / سبنى على راحتى يااحمد

بجد هتوحشنى

احمد / وانت بجد وحشنى من قبل ما تسافر ياامير

مع السلامه يااغلى صديق

مع السلامه يااحمد


http://www.saudinokia.com/vb/images/uploads/30283_2518047440d8c4b953.gif




النهايه

بقلم

تامر الطويل

امير الجروح

بجد هو فى ناس كده
يعنى هى شافته لما اميره جرحته
هى كمان تكمل عليه
وكمان اخواته فى حد يكره اخوه كده
وطيبه نور اكيد مفيش حد طيب اوى كده
ويصدق اى كلمه تتقاله
هى فعلا قصه خياليه
بس بجد مؤثره جدا
شكرا ليك



رنا مصطفى

بجد هو فى ناس كده
يعنى هى شافته لما اميره جرحته
هى كمان تكمل عليه
وكمان اخواته فى حد يكره اخوه كده
وطيبه نور اكيد مفيش حد طيب اوى كده
ويصدق اى كلمه تتقاله
هى فعلا قصه خياليه
بس بجد مؤثره جدا
شكرا ليك



رنا مصطفى

نورتينى يارنا وسعيد انها نالت اعجابك رغم قسوتها

حالا تنزل اخر الصفحات ،، الصفحه الاخيرة والمفقوده


واهداء ليكى يالوجين يابطله قصصى



بس اوعى تكون نهايتها مأسويه كدة زى نور
بجد مش هاتابع اعمالك

بس اوعى تكون نهايتها مأسويه كدة زى نور
بجد مش هاتابع اعمالك


اقريها هى فى الصفحه الاولى اخر الحلقات ونهايه المذكرات يارب تعجبك

اقريها هى فى الصفحه الاولى اخر الحلقات ونهايه المذكرات يارب تعجبك

وانا تابعتها يا امير
بجد روعه
اسفه نسيت اعلق عليها
دى تستاهل شابو بجد
عجبنى اوى لما اتعصب على اخوات نور ومشى
بجد هايوحشنى :)

مش معقول فى ناس كده و لو فى كده هنقولهم حاجة واحدة" حسبى الله ونعم الوكيل فيكوا"
بس بجد مشكور على الإبداع استاذ امير:022yb4:
والقصة موثرة جدا

مش معقول فى ناس كده و لو فى كده هنقولهم حاجة واحدة" حسبى الله ونعم الوكيل فيكوا"

بس بجد مشكور على الإبداع استاذ امير:022yb4:
والقصة موثرة جدا


الشكر ليكى انتى اختى الغاليه على المتابعه

بجد ايه الروعة دى يبنى اسمع كلامى انت فنااااااااااااااااان حاول بجد استغل موهبتك دى بكل قوتك انا حاسة انك مشروع سيناريست هايل ربنا يوفقك يارب

اولا اهنيئك على هذه القصة الجميله في موضوعها وصياغتها وعنصر التشويق اللي فيها بحيث كملتها للاخر

طبعا احداث القصة مؤلمة وفعلا فيه ناس كده ميخافوش ربنا وطمعهم يعمي اعينهم
وقلوبهم من حجر

مبدع بمعنى الكلمة وانا بصراحه اقرأ لحضرتك في القسم الادبي قصائد
مع ان القسم الادبي للمواضيع المنقوله

وقسم ابداعات هو لقلم المبدعين امثالك
ارجو ان نقرا لحضرتك قصص اخرى
وان شاء الله احنا في صدد عمل مسابقه للقصة الصغيرة
انتظر الشروط وحضرتك من الفائزين مسبقا
تقبل مروري وتحياتي وتقديري لقلمك المبدع

بجد ايه الروعة دى يبنى اسمع كلامى انت فنااااااااااااااااان حاول بجد استغل موهبتك دى بكل قوتك انا حاسة انك مشروع سيناريست هايل ربنا يوفقك يارب

ربنا يخليكى يامريم يارب بجد سعيد جدا ان قصتى المتواضعه نالت اعجابك .. اما بالنسبه للموهبه فهيا مجرد موهبه وطاقه بحب اخرجها فى صورة قصه اتمنى انها تعجبكم

اولا اهنيئك على هذه القصة الجميله في موضوعها وصياغتها وعنصر التشويق اللي فيها بحيث كملتها للاخر

طبعا احداث القصة مؤلمة وفعلا فيه ناس كده ميخافوش ربنا وطمعهم يعمي اعينهم
وقلوبهم من حجر

مبدع بمعنى الكلمة وانا بصراحه اقرأ لحضرتك في القسم الادبي قصائد
مع ان القسم الادبي للمواضيع المنقوله

وقسم ابداعات هو لقلم المبدعين امثالك
ارجو ان نقرا لحضرتك قصص اخرى
وان شاء الله احنا في صدد عمل مسابقه للقصة الصغيرة
انتظر الشروط وحضرتك من الفائزين مسبقا
تقبل مروري وتحياتي وتقديري لقلمك المبدع

ربنا يخليكى اختى الغاليه انا كل اللى يهمنى ان فكرة القصه ومضمونها يوصل للقارئ ويحسه ويعيشه .. وشكرا لردك وتعليقك الجميل ومسابقه متميزة ان شاء الله

ربنا يخليكى يامريم يارب بجد سعيد جدا ان قصتى المتواضعه نالت اعجابك .. اما بالنسبه للموهبه فهيا مجرد موهبه وطاقه بحب اخرجها فى صورة قصه اتمنى انها تعجبكم


اكيد يا تامر بس انا مثلا لو حولت انك تشوف مثلا مسابقات مثلا فى مركز من مراكز الابداع او تعمل مدونة باسمك او هكذا بيبقو بيهتوا بالموضع جدا وبيروجوة لاسمك بعد كدة ممكن تكتب قصص على شكل سلسلة معينة زى مثلا كتب الى بتقراه عنها بتكون من الكتاب الشباب
او حتى فيلم ليه لا المهم دايما حاول ابحث عن وهبتك فى انها تكبر اكتر واكتر لانها تستاهل دة بجد
وربنا يوفقك يارب

اكيد يا تامر بس انا مثلا لو حولت انك تشوف مثلا مسابقات مثلا فى مركز من مراكز الابداع او تعمل مدونة باسمك او هكذا بيبقو بيهتوا بالموضع جدا وبيروجوة لاسمك بعد كدة ممكن تكتب قصص على شكل سلسلة معينة زى مثلا كتب الى بتقراه عنها بتكون من الكتاب الشباب
او حتى فيلم ليه لا المهم دايما حاول ابحث عن وهبتك فى انها تكبر اكتر واكتر لانها تستاهل دة بجد
وربنا يوفقك يارب


اكيد معاكى حق يامريم وان شاء الله احاول اوصل موهبتى بيكم لكل انسان عاشق لفن القصه ،، واكيد هحاول اوصل موهبتى لأبعد حدود وده بس لانها نالت اعجابكم