خبر عاجل حافز الاثابة وصل قنا [الأرشيف] - بوابة الثانوية العامة المصرية

دكتور/ ياسر زكريا

10-07-2011, 03:07 PM

ابلغنا احد اصدقائنا فى المنتدى تليفونيا انة تم ابلاغ الادارات التعليمية او بعض الادارات فى محافظة قنا من وزارة المالية ان حافز الاثابة 200% وقد وعدنا الاخ الصديق برفع صورة من القرار ليلا على بوابة الثانوية
نتمنى ان يكون هذا الخبر صحيح ويصدق صديقنا من المنتدى وانى اعرفة جيدا فهو رجل على خلق كل الامنيات ببشرى تسعد قلوب الاف زملائنا المعلمين والادريين
مع تحيات
فتحى فارس محمد
رئيس وحدة حسابية
المنيا

الفاضل الأستاذ فتحي ربنا يكرمك ويجازيك خير ، ممكن حضرتك مشكورا تتفضل بكتابة التفاصيل التي أبلغك بها الزميل أو تطلب حضرتك من الزميل كتابه التفاصيل أو سرعة رفع صورة من القرار ، شكرا لحضرتك ووللزميل

فتحى فارس محمد مرزوق

10-07-2011, 03:11 PM

فتحى فارس محمد مرزوق

10-07-2011, 03:16 PM

سامي10

10-07-2011, 03:18 PM

يعني الاداريين و مشرفي النشاط الي ملهمشي شغله في المدرسه غير القعده في الشمس
و افتعال المشاكل ياخدوا 300%حوافز والمدرس الي شايل الهم من قرف الطلاب و اولياء الامور ياخد حوافز 25%
بالذمه ده كلام يا زير ده انت جبت الضغط للمعلمين اعوذوا بالله من ده وزيرررررررر

جاكسون

10-07-2011, 03:24 PM

السيد الاستاذ فتحى انا من محافظة قنا مفيش حاجة ظهرت فى محافظة قنا حتى الان ؟؟؟؟؟؟؟؟؟؟؟؟؟؟؟؟؟؟

فتحى فارس محمد مرزوق

10-07-2011, 03:25 PM

[quote=سامي10;3663372]يعني الاداريين و مشرفي النشاط الي ملهمشي شغله في المدرسه غير القعده في الشمس
و افتعال المشاكل ياخدوا 300%حوافز والمدرس الي شايل الهم من قرف الطلاب و اولياء الامور ياخد حوافز 25%
بالذمه ده كلام يا زير ده انت جبت الضغط للمعلمين اعوذوا بالله من ده وزيرررررررر

ياراجل حرام عليك دول وراهم اولاد واسر وبيوت
وبعدين احنا بنتمنى للاخوة المعلمين يكونوا احسن مننا كادريين لاننا اخوة

ايمن عبد الرحمن على

10-07-2011, 03:28 PM

يا استاذ فتحى بعد التحية محدش عارف حاجة كل يوم نسمع الخبر ونقيضة فى كل مكان وهذا الغموض يظهر مقصود عايزين يعرفوا اخرنا اية . اخوك / على عبدالرحمن على ......... الخيارى

ايمن عبد الرحمن على

10-07-2011, 03:34 PM

والله يا استاذ / فتحى الثانوية مملة ولكن الميزة الوحيدة انها بتعرفنا على ناس كويسة مثل حضرتك ونرى معدن الرجال ونتعلم الكثير من تلك الخبرات وانا ايضا لا اريد ان نطلع الثانوية دور ثانى وسلامى الى الاستاذ محسن .

أحمد علي

10-07-2011, 03:36 PM

احنا المعلمين بنقول بخصوص الحوافز : فيها لنخفيها

t_orabi

10-07-2011, 03:39 PM

RABIAFAYED

10-07-2011, 03:49 PM

يا استاذ فتحى بطل و كفى استهتار بنا و بعقولنا لما يجيلك شئ معتمد ابقى ارفعه و سعاتها يكون كله عرفه

S5210

10-07-2011, 03:55 PM

لا ادارى ولا معلم له فى الزيادة فارس بينجم ذى كل يوم
بيقول وزارة المالية ارسلت لبعض الادارات فى قنا هى الوزارة بتخاطب الادارات !!!!!!!!!!!!!
لو الادارى اخذ الزيادة يبقى اكيد المعلم لازم وحتما واجبارى يزيد
هو الادارى بيعمل ايه فى المدرسة!!

S5210

10-07-2011, 03:59 PM

ابلغنا احد اصدقائنا فى المنتدى تليفنيا انة تم ابلاغ الادارات التعليمة او بعض الادارات فى محافظة قنا من وزارة المالية!!! ان حافز الاثابة

الراجل ده ...............

elostaz2007

10-07-2011, 04:02 PM

شكرا علي تعبك ومجهودك يا أستاذ فتحي وجعله الله في ميزان حسناتك

الأستاذ على عصام

10-07-2011, 04:07 PM

ودة كمان نقلا عن احد زملائنا بالوحدة المحلية بالمنيا

هذا ما قرأته بعينى اليوم من فاكس وزير المالية الموقع باسمه الذى وصل لادارة الحسابات باحد الوحدات المحلية :
يحتوى القرار على مادتتين :
المادة الاولى : يرفع حافز الاثابة من 75% الى 200% لجميع العامليين بالوزارات الخدمية
المادة الثانية : يطبق هذا القرار اعتبارا من 1 /7/ 2011
كلام مرسل
الكادر ليس له علاقة بالاثابة
الدليل حرمان كل من فى التربية والتعليم سابقا من رفع الحافز من 25% إلى 75% وحتى الان 50% التى تصرف الى الاداريين من صندوق خدمات المحافظات وليس من وزارة التربية والتعليم
الرجا تأكيد أى خبر بمستند
وهذه هى مصادر الاستاذ فتحى
الموضوعان قبل موضوعه بالمنتدى ودخل يعمل نفس الموضوع والكلام
اخر كلام من مديرية اسيوط النهارده الضهر (http://www.thanwya.com/vb/showthread.php?t=339360)
خبر عاجل ( فاكس اليوم ) (http://www.thanwya.com/vb/showthread.php?t=339436)

ahmed4781

10-07-2011, 04:52 PM

السلام عليكم
تم ارسال فاكس منذ يومين الى مديريه التربيه والتعليم بسوهاج بخصوص حافز الاثابه 200% ولم يتم فهمه ولقد سافر وكيل الوزاره الى القاهره لكى يعرف المفيد واتصلو به اليوم وقال ان شاء الله سوف ياتى غدا ومعه الافاده فى كل شيىء هذا ماسمعته اليوم فى مديريه التربيه والتعليم بسوهاج

محمد77777

10-07-2011, 04:54 PM

المنشور فين لو سمحت

الامير الصعيدي

10-07-2011, 05:04 PM

بجد كفايه جدا انا قرفت من الراجل ده انا اشك انه بيعمل الحاجات دي لغرض ما هو انت ليه مصمم تكتب كل يوم وخلاص عن الحد الادني
كفا لعبا بالناس

sherif_shemy

10-07-2011, 05:08 PM

يعنى شكلها كده المعلمين ملهومش كادر يعنى الحكومة لبستنا العمة علشان امتحانات الثانوية العامة تعدى
فاااااااااااااكرينا هزوء وبيستهتروا بينا وبيلعبوا بالكلام والالفاظ علشان يلبسونة السلطانية

يعنى الواحد يتبهدل طول السنة ويشوف المرار من الموجهين واللجان والمحليات والمحافظة والطلبة وفى الااااااااااااااااااااااااخر اتساوى بالادارى اللى بيفتح مكتبه ساعة وبفقيت اليوم مزوغ قال فى الادارة
احنا مش ضد اخوانة الاداريين والعمال يزيدوا ربنا يوفقهم لكن المعلم عصب العملية التعليمية يبقى جملة حوافزه تعادل درجته من غير المعلمين
طيب هو وكيل النيابة او القاضى بيتساوى فى وزارة العدل مع الموظف الادارى فى المرتب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لاااااااااااااااااااااااا كده لغولنا الكادر رسمى
ومش ممكن نسكت على الكلام ده

sherif_shemy

10-07-2011, 05:18 PM

لاااااااااااااااااااااااازم وقفة جامدة وتزكروا شقااااااااكوا طول الدراسة والقرف اللى بتشوفوه
وفى الاخر مفيش مرتب يكفينى لنص الشهر
ايه هاكمل بقيت مرتبى حسنات
ماياخدوا من اللى بياخدوا الافااااااااااات فى البترول وقناة السويس والنيابة والكهرباء والعدل والضرايب والشهر العقارى وغيرهم ولا يكون البترول ده يخصهوم وجايبينوا من بيتهم مش بتاع البلد والشعب ولا يمكن هما اللى حفروا قناة السويس علشان كده بياخدوا خيرها
ايه الفروق الرهيبة دى
علشان ما يزعلش ناس يدينا احنا فوق دماغنا
امال جايين ينيلوا ايه وثورة ايه وزفت ايه ؟؟؟؟؟؟؟؟؟؟؟؟؟؟؟؟
انا اعرف ناس فى البترول عمرها 26 سنة وبتاخد مرتب شهرى 16 الف جنيه
والله اتقالى الكلام ده من جوا بيتهم
الحكومة دى جاية علشان الشعب الغلبان بعد الثورة مش جاية تجامل الكبار وتدى الشرطة اللى بتدلع 100 % زيادة فى المرتب شكرانية على اللى عملوه فى الشعب وعلى الاستهبال اللى هما فيه دلوقتى
احنا عاوزييييييييييييين عدل
وحد اقصى للاجور
ومش هانسكت لاننا مش مغفلين

وتزكروا ان الثورة ما فادتناش بحاجة ومرتباتنا زى ما هى ولا هانستنى الثورة اللى وراها بعد 30 سنة كمااااااااااااااااان
ايه الفقر والنحس ده حاااااااااااااااااااااجة تقرف

لازم نطالب بحقوقنا
مش معنى الحد الادنى للاجور انه يوصل اللى تحته ليه والباقى يقف مكانه حد يفهمه انه زيادة على جميع العاملين بالتدرج لاعلى
اللى مرتبه 800 جنيه وشغال ليه 13 سنة وعنده ثلاث عيال يبقى اسرة مكونة من خمسة افراد العائد لكل فرد فيها 160 جنيه فى الشهر ازاى
اديلوا 160 جنيه فى الشهر واقولوا اكل نفسك الشهر كله والبس ومصاريف مواصلاتك وكهرباء وسكن ومية وغيره من مصاريف كتير بمتوسط انفاق 5 جنيه فى اليوم للفرد
هل ده يعقل يا جماعة ؟؟؟؟؟؟؟؟؟؟؟؟؟؟؟؟؟؟؟؟؟؟؟
هما لما ادونا الكادر وعملوا انهم عطفوا علينا كا القرار ده اتاخر واحنا ما اتميزناش بحاجدة لاننا خدناه على مراحل ووجدنا انه عمر المرتب اللى خدناه مكفانا ابدا شهر على بعضه
يعنى احنا ماتميزناش فى حاجة ولسة بدرى على مانوصل مرحلة اننا نكفى نفسنا بمرتبنا

طيب والاسعار اللى غليت اعمل انا فيها ايه اقول للبائع انا مازدتش زيادة الحد الادنى للاجور ادينى على السعر القديم وادى الادارى على السعر الجديد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ولا فالحيين يطنططوا علينا كل شوية فى الاعلام على ايه على الملاليم اللى بتدفعها الحكومة !!!!!!!!!!!!!!!!!!
مفيش ميزانية ياخدوا من الكبار اللى بياخدوا مرتبات خيالية وبعدين فين القرارات الحاسمة فين قرارات وزير المالية انه وفر مرتبات الكبار وفين اسماء الناس اللى لغالهم مرتباتهم الكبيرة والمستشاريين اللى كانوا بياخدوا قرب المليون فى الشهر وغيرهم وفين الحد الاقصى للاجور
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وقفة قوية نريد حقوقنا اليوم والا مش هاناخدها تانى خااااااااااااااااااالص

اسامه سنجر

10-07-2011, 05:25 PM

ولعت لو الكلام ده يبقى صح كده مافيش تعليم ده كده الادارى هيكون اعلى منى هو والعمال حلوه قوىىىىىىىىىىىى هى ديه الثورة تمام

خيالك واسع

10-07-2011, 05:29 PM

يا أخى اتقى الله نفسى أشوف لك دليل على كلامك الذى ليس له معنى قال الإدارى ياخد 200% والمدرس لأ ليه يا عم تغيب وكل يومين تطلع بخبر مجهول المصدر ومن امتى وزارة المالية بتخاطب الإدارات واشمعنى الصعيد اللى بيوصله النشرات يا أخى حل عن سمانا

أ/اسلام المنياوى

10-07-2011, 05:40 PM

هذا الكلام غير منطقى وبيروجوه الاداريين لانهم من ساعة ما خدنا الكادر واصبحت مرتباتنا اعلى بدأو يحسوا ان المعلم احسن منهم وده غاظهم فمستغليين فرصة عدم وضوح الصورة علشان قال ايه يقولوا شفتوا ربنا نصرنا عليكم وادينا هناخد اكثر منكم وافرحوا بالكادر بقى

والله هم ملهمش ذنب الذنب ذنب القرارات اللى فرقتنا عن بعض وبقينا اعداء شايلين من بعض

انا انهرده لقيت واحد مشرف نشاط داخل عليه وفرحان بالخبر هو واحد تانى ادارى وكأننا كنا ظالمينه وربنا نصفه ووالله انا اكتر واحد كان متضايق ليهم لان مصاريفهم وعلى اسرتهم زينا برده وكلنا فى الاخر فى مكان واحد وبنتعاون مع بعض لاننا فى الاخر زملاء

وانا زعلان انهم للاسف شايلين مننا بدل ما يشيلوا من الحكومة اللى ظلمتهم

والخبر غير صحيح وكلها اشاعات مطلعينها الاداريين واللى مخدوش الكادر ومفيش اى تعليمات وصلت الادارات

بس للاسف اللى نقل الخبر والاشاعة بين اللى جواه وبرده مش عمره ما هياخد اكتر من المعلم وانا ندمان انى كنت زعلان عليكم

الموجه

10-07-2011, 05:44 PM

يا عم انت مش سبت نتدى المعلمين ورحت منتدى الاداريين احنا خلاص قرفنا منك ومن مشرف القسم

أ/اسلام المنياوى

10-07-2011, 05:47 PM

وهذه صفحة وزارة المالية بلا فاكس واصل بلا سمعنا من فين وبلاش اشاعات
http://files.thanwya.com/do.php?img=6336

ورابط الموضوع من موقع وزارة المالية اهوه

http://www.mof.gov.eg/Arabic/MOFNews/Media/Pages/releas-a-5-6-11.aspx

sherif_shemy

10-07-2011, 05:55 PM

الوزير اللى يطلع يتلاعب بالالفاظ ويثبت الشعب وبعدين يطلع انه يتلاعب بينا مش عاوزينه
طلع الجبالى مستشار وزير المالية قال المعلمين ليس لهم فى الحد الادنى وبعدين طلع وزير المالية وقال ليهم فى الحد الادنى وهو عارف ان المعلمين هايفهموا من الكلام ده انهم كلهم هايزيدوا وهو من جواه بيتلاعب بالالفاظ وعارف انهم مش هايزود الا اللى تحت الـ 700 جنيه ومافسرش كلامنه علشان الثانوية العامة وقال كل درجة هاتزيد 287 فى حديث تليفزيونى كان المفروض يكون صريح ويقول المعلمين اللى درجتهم فوق الـ 700 جنيه مش هايزيدوا لكن طريقة التحايل دى اسلوب من اساليب الكدب وبكده يبقى ماشى على نفس سياسة اللى قبله واحنا مش عاوزين حكومة فاقدة ثقة الشعب ونقول مش هانصدق الا لما تطلع المرتبات
لا احنا عاوزين حكومة نثق فى كلامها ونحترمها
ولا هو مفيش فى البلد غير النوعية دى
مش معقول مفيش فى البلد حد محل ثقة ؟؟؟؟؟؟؟؟؟؟؟؟؟؟؟؟ كله بيلعب بالبيضة والحجر وبيرقص لسانه
ارحمووووووونا
احنا خلاص بطلنا نكون شعب اهبل وخلاص احنا مش شعب طيب ووقعنا اللى اتقل منكم ولازم تفهموا اننا حاطينكم فى كراسيكم علشان تخدمونا مش تخمونا

قلبك حنين

10-07-2011, 05:55 PM

حَدَّثَنَا أَبُو مُعَاوِيَةَ ، عَنِ الأَعْمَشِ ، عَنْ حَبِيبِ بْنِ أَبِي ثَابِتٍ ، عَنْ عَبْدِ اللَّهِ بْنِ بَابَاهَ ، قَالَ : قَالَ عَبْدُ اللَّهِ بْنُ مَسْعُودٍ (http://www.islamweb.net/hadith/RawyDetails.php?RawyID=5079) : " خَالِطُوا النَّاسَ وَزَايِلُوهُمْ بِمَا يَشْتَهُونَ ، وَدِينُكُمْ لا تَكْلِمُنَّهُ " .

مستر محمد سلامه

10-07-2011, 06:00 PM

السلام عليكم
بالعقل كده هل يعقل ان يصل خبر حافز الاثابة الى اقصى الجنوب في قنا من وزارة المالية قبل ما اهل التربية و التعليم بالقاهرة يعلموا بيه اولاً

هيما2010

10-07-2011, 06:20 PM

كلام مرسل
الكادر ليس له علاقة بالاثابة
الدليل حرمان كل من فى التربية والتعليم سابقا من رفع الحافز من 25% إلى 75% وحتى الان 50% التى تصرف الى الاداريين من صندوق خدمات المحافظات وليس من وزارة التربية والتعليم
الرجا تأكيد أى خبر بمستند

sherif_shemy

10-07-2011, 06:21 PM

اقرأ العبارة الثانية جيدا واللعب بالالفاظ كله فيها

سيتم تطبيق الحد الادنى للاجور على المدرسين وجميع العاملين الذين تقل مرتباتهم عن الـ 700 جنيه
ولم يكمل هل هناك تغير للمعلمين فوق الـ 700 جنيه ام لا ؟
هنا مربط الفرس
ولو جت المرتبات بزيادتها الدورية بدون زيادة الحد الادنى للاجور يبقى هى دى اللعبة اللى اتلعبت
والفوا فكرة الـ 200 % حافز بعدها علشان تبقى حجة مقنعة يطيروا بيها المعلمين

ارجوا الترقب والمتابعة والسؤال
وياريت اللى جنب وزارة المالية يدخل يسئل وكمان وزارة التربية والتعليم
وسيبكم من المديريات دى لان البهوات اللى جواها احسن ناس يطلعوا اشاعات

عادل أبوزيد

10-07-2011, 06:22 PM

أنا من محافظة قنا ومدرستى تابعة للمديرية رأسا ً ولم يصلنا أى شئ.

أ/اسلام المنياوى

10-07-2011, 07:00 PM

للاسف الاداريين والعمال ملهمش لان القانون صريح

رفع الحافز 75% الى 200% والاداريين والعمال مبيخدوش حافز 75%

متفسروش القرارات بالعافية لصالحكم حتى الاشاعة رغم انك ماليين ومحاسبين مش عارفين تسبكوها

طارق احمد عبد السلام

10-07-2011, 07:41 PM

بامر الله اول ما يتم تحميلة وعلى مسئولية صديقنا
سوف نشرحة ونعرف مضمونة

أتمنى ان يكون الخبر صدقا
ويكون صديقك صدوق
حتى لا يعرضكم للحرج
وربما يبشرك بالخير
وتكون البشرى خير
ولا يشمت فيك الغير

alneseem

10-07-2011, 07:48 PM

وادى خبر نقلا عن احد الزملاء نفس الكلام وصل اسيوط
لكل من لا يحصل على الكادر
نتمنى ان يكون للجميع
اخر كلام من مديرية اسيوط النهارده الضهر زيادات الاداريين والعمال وكل من لايحصل على كادر 200% حافز اثابه طبقا للتعليمات الواردة للمديرية من وزارة التربية والتعليم .ومعنى ذلك ان المعلمين ملهمش زيادات حد عندوا اى معلومات غير تلك المعلومه

خرب بيت الى عمل الكادر
ال 200% احسن بكتير من الكادر ايه الامور التى تسير بالمقلوب ديه وكمان الكادر امتحانات ودوشه ووقف درجات ويبقى على كده الى لسى لم يأخذ الكادر ها يرفض ياخد الكادر ومشرفى النشاط الذين رفعين قضايا علشان ياخدوا الكادر يبقى يلحقوا ويسحبوا القضايا التى رفعوها لان الكادر ها يبقى اقل بكتير عن 200%
فمثلا مدرس على الدرجة الثالثة واساسيه 300 قديم قبل1 يوليو 2011 و 340 جديد فى 1 يوليو 2011 بياخد [ 50 % ( مرحله اولى )+ 50 % ( مرحله ثانيه ) ] على الاساس القديم + 25 % على اساس جديد = 150 +150 + 160 = 460 وهذه حسبة الكادر
لكن 200% من الاساس الجديد = 680 جنيه وهذا يوضح ان حافز الاثابه افضل من الكادر ولا ايه رايك يا استاذ فتحى نرجو التوضيح الضرورى والفورى وشكرا جزيلا

alneseem

10-07-2011, 07:50 PM

alneseem

10-07-2011, 08:09 PM

الغريبه فى الموضوع ان الوزير لم يخرج باى تصريح عن الحافز 200% حتى الان وخايفين يكون لسى ما سمعش عنها ويفاجأ بان المعلمين خارج الحسبه زي كل مره

محمد فتحي رجب

10-07-2011, 08:32 PM

حسبنا الله ونعم الزكيل

عبدالنبي الحداد

10-07-2011, 08:55 PM

شكرا علي تعبك ومجهودك يا أستاذ فتحي وجعله الله في ميزان حسناتك

abohazem

10-07-2011, 09:03 PM

وصل قنا ..........عقبال ما يوصل هنا

dr.mhmud

10-07-2011, 09:28 PM

الغريبه فى الموضوع ان الوزير لم يخرج باى تصريح عن الحافز 200% حتى الان وخايفين يكون لسى ما سمعش عنها ويفاجأ بان المعلمين خارج الحسبه زي كل مره

صدقت ...........................

ليث مصر

10-07-2011, 09:58 PM

محمود صديق

10-07-2011, 11:26 PM

مش عارف انت لسه ليك نفس تتكلم ياعم فتحى يا عم خليك فى كوزك لما نعوزك وارحمنا بقا يأخى قرفتنا

sherif_shemy

10-07-2011, 11:33 PM

والله أنا معجب بيك وبكلامك ولو كل المعلمين عندها نفس الفهم ونفس الروح هنبقى حاجة تانية

انا عاوز المعلمين دايما ايد واحدة علشان يكونلهم كيان كبير فى المجتمع وليهم ثقل ويتعملهم الف حساب قبل ما يطلع واحد تافه ولا مزيعة هبلة غاوية خبطات اعلامية رنانة وتخبط فى المعلمين وتذكرلها حالة ولا اتنين وبعدين تعممها على كافة المعلمين زى مايكون الاعلام ابو الشرف ومهندهوش مصايب اللى سياستهم يوقعوا الناس فى بعضها ويجيبوا سيرة الناس بالباطل اكثر من الحق ، كمان مايطلعش علينا وزير يقولنا المعلمين كوخا مش هايخدوا من تورتة الحد الادنى .......

لما يلاقوا المعلمين ايد واحدة كل واحد هايلزم حدوده والبلد هاتعملنا اعتبار لاننا اكبر وزارة خدمية من حيث العدد ويجب ان تكون من حيث الثقل بردو
المعلم اقرب الناس للشعب واكثر المواطنين تعاملا معه وتلاحم ، ويجب ان يكون له هيبته واحترامه وسلطاته وتقديره المالى قبل اى فرد فى الدولة
هو المربى هو من اخرج كل فئات المجتمع
لذا جوانب التقدير تبدأ بالمعلم ثم استاذ الجامعة ثم يليها القضاء فالجيش فالشرطة
ولكن ليس لان فئة المعلمين الاكثر عددا من بين هؤلاء فتكون الاقل فى المرتب
والاسؤ من ذلك ان لا يعود عليهم من حتى العائد المادى لموظفى الدولة العاديين
يعنى رقصونا على السلم لطولنا اصحاب الكوادر ولحتى درجة احترامهم ولا كمان حسبونا مع موظفى الحكومة الخدمية اللى بيحسنولهم مرتباتهم
طيب انا كنت علقت على حافز الـ 200 % قبل كده فى صفحة من موضوع اخر
وتأكيد لكلام الاخ alneseem الفاضل الذى زكرها فى مقال سابق هنا

فعلا 200 % اعلى من 50 % + 50 % + 25 % يبقى كده الموظف فى التربية والتعليم اللى على نفس درجتك ومرتبه الاساسى زى مرتبك هايكون اعلى منك لمعظم فئات المعلمين

الأستاذ علاء سليمان

10-07-2011, 11:34 PM

الاخ الكريم
لاداعى للتهجم على الناس فالرجل يجتهد
يجب احترام الجميع

الأستاذ علاء سليمان

10-07-2011, 11:36 PM

هل يخرج وزيز الماليه وشرح كييفيه عمل حافز الاثابه

sherif_shemy

10-07-2011, 11:59 PM

مش عارف انت لسه ليك نفس تتكلم ياعم فتحى يا عم خليك فى كوزك لما نعوزك وارحمنا بقا يأخى قرفتنا

رغم ان الاستاذ فتحى فتح مجالات كثيرة للحوار حول موضوع المرتبات منذ فترة وللاسف لم تكن على بينة واضحة
وكانت دائما حساباته متغيرة ومعلوماته ايضا ولم يأت لنا للاسف بمعلومة اكيدة حتى الان واخر شىء هو تناول اخبار موجودة بالفعل على المنتدى ونقلها بما يعنى ان معلوماته الشخصية حول اخر اجراءات المرتب ضعيفة
وانه بالفعل لا احد يعلم شيئا واضحا حتى الان الا انه بالفعل فتح مواضيع للبحث والحوار وان كان تسبب فى حالات متناقضة من التفائل والتشائم جعلت بالبعض يفكر فى كيفية استغلال هذه الزيادة
اللى عاوز يدخلها فى قسط واللى فكر فى جمعية وغيره وغيره

لكن بردو انا بطالب باحترام السن واختيار اسلوب الحوار الجيد كى نكون صورة جيدة لغيرنا

وكان الموضوع يبقى شكله افضل شوية لو قال ان المعلومة دى مجرد انه سمعها ولكن للاسف هو اكد اكتر من مرة وقال مصادرنا المؤكده وخلافه وبعدين يحصل تغير فى المعلومة

مازلت افضل الاسلوب الجيد فى الحوار فكلها اجتهادات والواقع اننا من داخلنا نحس انه لا رؤية واضحة حتى الان وهذا مقصود من وزارة المالية بالتخابث مع وزارة التربية والتعليم

لان الشعب لو فهم هاتبقى مصيبة وهما ماعودوناش نفهم لان لغة الحوار لديهم تتحمل الكثير من المعانى التى تترك للشعب ينشغل بعمليات استناج المعنى الصحيح ويتلهى عن المشكلة نفسها
وهذا للاسف ما يحدث بالفعل
لكن ثق تماما ان محدش يعرف حاجة ده اللى مقتنع بيه لحد دلوقتى لان ببساطة هما نفسهم لسة مافهموش ويمكن كمان مقرروش بشكل نهائى هايعملوا ايه
بدليل خبر زيادة كل فئة 278 فى الجرايد والوزير يقولك 287 جنيه زيادة وبعدين يرجعوا يقولوا 200 % حوافز

أشكر لك سعة صدرك أ/ محمود

ahmedelassal

11-07-2011, 12:31 AM

احمدوا ربنا احنا فى الازهر لا تثبيت ولا كادر ولا زيادات ولا مراقبه ولا تصحيح

ابواحمدومحمد

11-07-2011, 12:31 AM

ومازال مسلسل النكت مستمر
بس بجد دي احلي نكته سمعتها
نكته جامده بجد
لك الله يامصر

الامير الصعيدي

11-07-2011, 12:34 AM

كفااااااااااااااااااااااايه روح افتح منتدي خاص ليك واتكلم براحتك

hesham63

11-07-2011, 12:35 AM

كفااااااااااااااااااااااايه روح افتح منتدي خاص ليك واتكلم براحتك
:av4056bb7jp3::av4056bb7jp3::av4056bb7jp3:
:stickjo4::stickjo4::stickjo4:

wahsh2008

11-07-2011, 01:14 AM

لاحول ولا قوة إلا بالله العلي العظيم

نصرالدين36

11-07-2011, 01:24 AM

أين الفاكس يا استاذ فتحى
لقد قلت حضرتك سوف يرفعه صديقك بالليل من قنا

عباس رجب

11-07-2011, 02:06 AM

أخبار بدون دليل = تضليل

أين وعد المنتدى بحذف هذا النوع من المشاركات

ابواحمدومحمد

11-07-2011, 02:14 AM

أخبار بدون دليل = تضليل

أين وعد المنتدى بحذف هذا النوع من المشاركات

معك اخ اخي الكريم
فلقد كتبت نداء الي مشرفي المنتدي الان بحذف مثل هذه المواضيع
نحن معلمون ولن نقبل الاستخاف بعقولنا

AYMAN12344

11-07-2011, 02:22 AM

انضم اليك اخى الكريم
أخبار بدون دليل = تضليل

أين وعد المنتدى بحذف هذا النوع من المشاركات

زائر الراوى

11-07-2011, 02:53 AM

حرام عليكم ديما تقولو ان الادارى العامل مبيسغلوش ولا حاجه يااخى راعى الله فى كلامك
مين بيعمل استمارة المرتبات الى انت تقبض منها *الادارى*
مين بيعمل الاجازة ليك لو كنت مريض * الادارى*
مين بيجيب الكتب الدراسية من المخازن *الادارى*
مين بيستلم الرسوم من التلاميذ * الادارى*
والغياب والتوريدات و مندوبية الصرف بنجبولك الفلوس الى يد حضرتك
والعامل ايضا الراجل برضو بيتعب لو فى اى مشاكل فى النظافة او غيرة بتبعت للعامل
وبعد كده انت عملك الى بتعب فيه كله سبع شهور بس ولاكن العامل الادارى طول العام

مع تحيات زائر احمد محمد ادارى بمدرسة الخطارة الابتدائيه المشتركة

زائر الراوى

11-07-2011, 02:58 AM

حرام عليكم ديما تقولو ان الادارى العامل مبيشتغلوش ولا حاجه يااخى راعى الله فى كلامك
مين بيعمل استمارة المرتبات الى انت تقبض منها *الادارى*
مين بيعمل الاجازة ليك لو كنت مريض * الادارى*
مين بيجيب الكتب الدراسية من المخازن *الادارى*
مين بيستلم الرسوم من التلاميذ * الادارى*
والغياب والتوريدات والخزينةو مندوبية الصرف بنجبولك الفلوس الى يد حضرتك واعمال اخرى كتير
والعامل ايضا الراجل برضو بيتعب لو فى اى مشاكل فى النظافة او غيرة بتبعت للعامل
وبعد كده انت عملك الى بتعب فيه كله سبع شهور بس ولاكن العامل والادارى طول العام

مع تحيات زائر احمد محمد ادارى بمدرسة الخطارة الابتدائيه المشتركة

زائر الراوى

11-07-2011, 03:08 AM