اولا بما اني فاضي ومش لاقي حاجه اعملها ومستني النتيجه ربنا يوفق الجميع هطرح شويه اسئله عن الدعوه للثوره يوم الثلاثاء وياريت تجاوبوا عليها كلها.
الاسئله الاجباري 80مليون درجه:p
1-هل انتا موافق علي الاعتصام يوم الثلاثاء؟
2-تقول اي للناس اللي بتعارض المظاهرات؟
3-هل حجه تعطيل العمل وعجله الانتاج سبب لوقف الامظاهرات؟
4-ما هي مطالب الثوره من وجهة نظرك؟
5-هو مش ينفع نصبر ليوم الجمعه؟
ثانيه الاسئله الاختياري0 درجه
اختير اي سؤال يعجبك اصله مش عليه درجات
1-اي الشعار اللي هترفعه لو نزلت؟
2-تحب مين يكون رئيس الجمهوريه القادم؟
3-لو لقيت وزير التربيه والتعليم السابق واقف جنبك هتعمل ايه:)؟

هاجيب صفر في الامتحان لحد دلوقتي مش قادرة احدد موقف ليا اما ايام الثورة لو الامتحان كان موجود كنت هاجيب الدرجة النهائية

اولا بما اني فاضي ومش لاقي حاجه اعملها ومستني النتيجه ربنا يوفق الجميع هطرح شويه اسئله عن الدعوه للثوره يوم الثلاثاء وياريت تجاوبوا عليها كلها.
الاسئله الاجباري 80مليون درجه:p
1-هل انتا موافق علي الاعتصام يوم الثلاثاء؟ لا
2-تقول اي للناس اللي بتعارض المظاهرات؟ انا ضد الثورات
3-هل حجه تعطيل العمل وعجله الانتاج سبب لوقف الامظاهرات؟ اكيد
4-ما هي مطالب الثوره من وجهة نظرك؟ مش مهتمة
5-هو مش ينفع نصبر ليوم الجمعه؟ انا ضدها الصراحة يعنى مش متابعة ولا عايزة اتابع اخبارها
ثانيه الاسئله الاختياري0 درجه
اختير اي سؤال يعجبك اصله مش عليه درجات
1-اي الشعار اللي هترفعه لو نزلت؟ انا بنت وضد ان البنات تنزل الثورات
2-تحب مين يكون رئيس الجمهوريه القادم؟ دكتور عمرو خالد
3-لو لقيت وزير التربيه والتعليم السابق واقف جنبك هتعمل ايه:)؟ هرتكب جناية





موضوع حلو بس انا مليش مكان فيه لانى ضد لانى بجد قرأت حاجات عن الخروج على الحاكم وفى ناس كتير بتقول حرام طالما مسلم وما علينا سوى الصبر والطاعة وبأحاديث وانا طبيعى بقيت ضد

اولا بما اني فاضي ومش لاقي حاجه اعملها ومستني النتيجه ربنا يوفق الجميع هطرح شويه اسئله عن الدعوه للثوره يوم الثلاثاء وياريت تجاوبوا عليها كلها.
الاسئله الاجباري 80مليون درجه:p
1-هل انتا موافق علي الاعتصام يوم الثلاثاء؟ نعم
2-تقول اي للناس اللي بتعارض المظاهرات؟حطوا نفسك مكان ام و اخ الشهيد و حط نفسك مكان الشاب الي المستقبل قدامه طار منه عينه او رجله
3-هل حجه تعطيل العمل وعجله الانتاج سبب لوقف الامظاهرات؟شبعنا كتير من الكلام ده ايام الثورة و ربناا ظهر الحق
4-ما هي مطالب الثوره من وجهة نظرك؟عدالة عدالة عدالة
5-هو مش ينفع نصبر ليوم الجمعه؟ ما ياما صبرنا
ثانيه الاسئله الاختياري0 درجه
اختير اي سؤال يعجبك اصله مش عليه درجات
1-اي الشعار اللي هترفعه لو نزلت؟ يا مصر هوه انتي امي و لا بتشتغليني ؟؟
2-تحب مين يكون رئيس الجمهوريه القادم؟ دكتور البرادعي
3-لو لقيت وزير التربيه والتعليم السابق واقف جنبك هتعمل ايه:)؟ مش قادرة اووووصف


شكراااا علي التوبيك المختلف

هاجيب صفر في الامتحان لحد دلوقتي مش قادرة احدد موقف ليا اما ايام الثورة لو الامتحان كان موجود كنت هاجيب الدرجة النهائية
حاولي تجاوبي علي الاسئله مفيش مشكله
مشكوره علي المرور

موضوع حلو بس انا مليش مكان فيه لانى ضد لانى بجد قرأت حاجات عن الخروج على الحاكم وفى ناس كتير بتقول حرام طالما مسلم وما علينا سوى الصبر والطاعة وبأحاديث وانا طبيعى بقيت ضد
بحترم شجاعتك بس دلواقتي الثوره المضاده ملهاش وجود مشكروره علي المرور

1-هل انتا موافق علي الاعتصام يوم الثلاثاء؟

نعم لإن اتضح إن المطالب مش بتحقق غير بالضغط



2-تقول اي للناس اللي بتعارض المظاهرات؟

دى وجهة نظرهم وكل واحد حر فى رأيه
وإختلاف الاراء مكفول
ومن الديمقراطيه حرية التعبير واحترام الرأى الاخر
بس نفسى أقولهم كلمه واحده لو أى حد فيهم
فقد بصره أو جزء منه أو حصل له بتر قدم أو ساق فقط مش فقد ابن أو أب أو أخ......
أكيد كان موقفه من رفض المظاهرات اتغير 180 درجه



3-هل حجه تعطيل العمل وعجله الانتاج سبب لوقف المظاهرات؟

لما الشعب صبر 4 شهور من غير مظاهرات
كانت عجلة الإنتاج مشت أوى
وبعدين العمل وعجلة الإنتاج متعطلين بقالهم 30 سنه ومش متعطلين وبس دول مسروقين ومنهوبين
ليه مركزين أوى فى الكام يوم دول بس فى عجلة الإنتاج
وبعدين وقف العمل مش السبب فيه المظاهرات إطلاقا
هو لو فيه استجابة للمطالب وأهداف الثورة بصوره جاده من أول يوم إيه اللى كان يستدعى عمل تظاهرات
السبب فى وقف العمل هو التباطؤ فى الإستجابه



4-ما هي مطالب الثوره من وجهة نظرك؟

مطالب الثوره هى تحقيق ما يريده الشعب
حريه اوك خلاص
ديمقراطيه حقيقيه :mad:مش سطر وسطر
عداله إجتماعيه
محاكمه عادله علنيه لقضايا الفساد المالى والسياسى وقتلة المتظاهرين





5-هو مش ينفع نصبر ليوم الجمعه؟

مش كفايه صبرنا 30 سنه
بيتهيألى مسكن الصبر وشغل محمد هنيدى جاءنا البيان التالى بتاع كل شويه ده
وسياسة النفس الطويل واللى يزهق يسلم
معدتش تنفع مع الشعب بعد 25 يناير




اختير اي سؤال يعجبك اصله مش عليه درجات
1-اي الشعار اللي هترفعه لو نزلت؟

لأن مصر أولا ... لذلك لابد أن تكون الثوره أولا





2-تحب مين يكون رئيس الجمهوريه القادم؟


أنا نفسى يكون شخص حكيم عادل على درايه بمكانة مصر حاسس بالشعب المصرى ويعرف إنه شغال عندنا مش ريس علينا ولا ورث مصر لما اتعين رئيس ومش عاوزاه يكون حنين اوى لدرجة اننا نعتبره ببانا :p وميدخلش السيده الأولى فى حاجه ملهاش فيها وشغل الهبل ده لازم يكون فاهم سياسه و اقتصاد مش واخدهم جدعنه
يعنى مش حكاية شخص المهم سياسة الشخص



3-لو لقيت وزير التربيه والتعليم السابق واقف جنبك هتعمل ايه:)؟

:mad::mad::mad::mad:
بجد مش قادره اتخيل ممكن أعمل إيه
بس أكيد مش هيفضل سليم :049gc0:


حلوه الأسئله

ميرسى على التوبيك :)

نعم لإن اتضح إن المطالب مش بتحقق غير بالضغط



دى وجهة نظرهم وكل واحد حر فى رأيه
وإختلاف الاراء مكفول
ومن الديمقراطيه حرية التعبير واحترام الرأى الاخر
بس نفسى أقولهم كلمه واحده لو أى حد فيهم
فقد بصره أو جزء منه أو حصل له بتر قدم أو ساق فقط مش فقد ابن أو أب أو أخ......
أكيد كان موقفه من رفض المظاهرات اتغير 180 درجه



لما الشعب صبر 4 شهور من غير مظاهرات
كانت عجلة الإنتاج مشت أوى
وبعدين العمل وعجلة الإنتاج متعطلين بقالهم 30 سنه ومش متعطلين وبس دول مسروقين ومنهوبين
ليه مركزين أوى فى الكام يوم دول بس فى عجلة الإنتاج
وبعدين وقف العمل مش السبب فيه المظاهرات إطلاقا
هو لو فيه استجابة للمطالب وأهداف الثورة بصوره جاده من أول يوم إيه اللى كان يستدعى عمل تظاهرات
السبب فى وقف العمل هو التباطؤ فى الإستجابه



مطالب الثوره هى تحقيق ما يريده الشعب
حريه اوك خلاص
ديمقراطيه حقيقيه :mad:مش سطر وسطر
عداله إجتماعيه
محاكمه عادله علنيه لقضايا الفساد المالى والسياسى وقتلة المتظاهرين




مش كفايه صبرنا 30 سنه
بيتهيألى مسكن الصبر وشغل محمد هنيدى جاءنا البيان التالى بتاع كل شويه ده
وسياسة النفس الطويل واللى يزهق يسلم
معدتش تنفع مع الشعب بعد 25 يناير



لأن مصر أولا ... لذلك لابد أن تكون الثوره أولا





أنا نفسى يكون شخص حكيم عادل على درايه بمكانة مصر حاسس بالشعب المصرى ويعرف إنه شغال عندنا مش ريس علينا ولا ورث مصر لما اتعين رئيس ومش عاوزاه يكون حنين اوى لدرجة اننا نعتبره ببانا :p وميدخلش السيده الأولى فى حاجه ملهاش فيها وشغل الهبل ده لازم يكون فاهم سياسه و اقتصاد مش واخدهم جدعنه
يعنى مش حكاية شخص المهم سياسة الشخص



:mad::mad::mad::mad:
بجد مش قادره اتخيل ممكن أعمل إيه
بس أكيد مش هيفضل سليم :049gc0:


حلوه الأسئله


ميرسى على التوبيك :)

الدرجه.80مليون من 80مليون مصري

شكرا علي المرور الرائع والاراء المحترمه

بصراحة من الآخر الموضوع فيه جزء مهزلة وفيه جزء صح...
أولا المهزلة في قطع الطرق وتعطيل مصالح الناس
الصح في الاعتصام لان خلاص الناس عرفت
الوي درعهم مش هيمشي معاهم الإ كداااا...

اعتصام دون تعطيل العمل...!!

حرام فعلا




موضوع حلو بس انا مليش مكان فيه لانى ضد لانى بجد قرأت حاجات عن الخروج على الحاكم وفى ناس كتير بتقول حرام طالما مسلم وما علينا سوى الصبر والطاعة وبأحاديث وانا طبيعى بقيت ضد
هل الثورة ضد الظلم خروج عن الحاكم؟!!
هل الظلم حلله ربنا عشان الناس تسكت عليه؟؟!!
ماذا قال الرسول لما واحدة من الاشراف سرقت ...فكان مش عايزين يقيموا عليها الحد
قال لو فاطمة سرقت لقطعت يدها...!!!
السيدة فاطمة أطهر النساء..وأشرفهم!
ومع ذلك الرسول *صلي الله عليه وسلم* قال انه هيقيم عليها الحد...
الحاكم دا بشر أقل أقل من فاطمة أو أي حد...
شغال عند الشعب ومفروض يحافظ ع مالهم
يوم لما يسرق وينهب ويدمر البلد
وبعدين بكل بساطة نقول الخروج عن الحاكم حرام!!
لكن الظلم مش حرام
لما واحد يعتقد ف أمن الدولة ويهان انسانيته مش حرام
لو واحدة تقعد بالسنيين مش تشوف ابوها لانه عالم او فكره اخوان مسلمين او سلفي...مش حرام!!\
معلش ..بس بجد بيستفزني أووي موضوع الخروج عن الحاكم
بيستخدموا الدين في أي شيء لتبريره واحنا مفروض قبل يعني!!
لكن لما شافوا ظلم الحكام ليه مش قالوا حرام ...

بصراحة من الآخر الموضوع فيه جزء مهزلة وفيه جزء صح...
أولا المهزلة في قطع الطرق وتعطيل مصالح الناس
الصح في الاعتصام لان خلاص الناس عرفت
الوي درعهم مش هيمشي معاهم الإ كداااا...

اعتصام دون تعطيل العمل...!!

حرام فعلا





هل الثورة ضد الظلم خروج عن الحاكم؟!!
هل الظلم حلله ربنا عشان الناس تسكت عليه؟؟!!
ماذا قال الرسول لما واحدة من الاشراف سرقت ...فكان مش عايزين يقيموا عليها الحد
قال لو فاطمة سرقت لقطعت يدها...!!!
السيدة فاطمة أطهر النساء..وأشرفهم!
ومع ذلك الرسول *صلي الله عليه وسلم* قال انه هيقيم عليها الحد...
الحاكم دا بشر أقل أقل من فاطمة أو أي حد...
شغال عند الشعب ومفروض يحافظ ع مالهم
يوم لما يسرق وينهب ويدمر البلد
وبعدين بكل بساطة نقول الخروج عن الحاكم حرام!!
لكن الظلم مش حرام
لما واحد يعتقد ف أمن الدولة ويهان انسانيته مش حرام
لو واحدة تقعد بالسنيين مش تشوف ابوها لانه عالم او فكره اخوان مسلمين او سلفي...مش حرام!!\
معلش ..بس بجد بيستفزني أووي موضوع الخروج عن الحاكم
بيستخدموا الدين في أي شيء لتبريره واحنا مفروض قبل يعني!!
لكن لما شافوا ظلم الحكام ليه مش قالوا حرام ...






يا اختى كلام حضرتك على عينى وراسى بس ده دين ولا يجوز طالما الحاكم مسلم بل علينا الصبر وده مش كلامى فى احاديث على كلامى انتظرى وسأكتب لكى

بصراحة من الآخر الموضوع فيه جزء مهزلة وفيه جزء صح...

أولا المهزلة في قطع الطرق وتعطيل مصالح الناس
الصح في الاعتصام لان خلاص الناس عرفت
الوي درعهم مش هيمشي معاهم الإ كداااا...

اعتصام دون تعطيل العمل...!!

حرام فعلا





هل الثورة ضد الظلم خروج عن الحاكم؟!!
هل الظلم حلله ربنا عشان الناس تسكت عليه؟؟!!
ماذا قال الرسول لما واحدة من الاشراف سرقت ...فكان مش عايزين يقيموا عليها الحد
قال لو فاطمة سرقت لقطعت يدها...!!!
السيدة فاطمة أطهر النساء..وأشرفهم!
ومع ذلك الرسول *صلي الله عليه وسلم* قال انه هيقيم عليها الحد...
الحاكم دا بشر أقل أقل من فاطمة أو أي حد...
شغال عند الشعب ومفروض يحافظ ع مالهم
يوم لما يسرق وينهب ويدمر البلد
وبعدين بكل بساطة نقول الخروج عن الحاكم حرام!!
لكن الظلم مش حرام
لما واحد يعتقد ف أمن الدولة ويهان انسانيته مش حرام

لو واحدة تقعد بالسنيين مش تشوف ابوها لانه عالم او فكره اخوان مسلمين او سلفي...مش حرام!!
\
معلش ..بس بجد بيستفزني أووي موضوع الخروج عن الحاكم
بيستخدموا الدين في أي شيء لتبريره واحنا مفروض قبل يعني!!
لكن لما شافوا ظلم الحكام ليه مش قالوا حرام ...


انا متفق معاكي تماما لان الشعب هو مصدر السلطات وصاحب السياده الاول وهو الوحيد الذي له حق تحديد مستقبله.وفعلا ان الحريه شئ جميل يعني انا مش عارف ازاي كنا عايشين قبل كده0
مشكوره علي المرور

لو مستعدة تسمعى انا جهزة

لو مستعدة تسمعى انا جهزة
في حاجه؟اتفضلي قولي رايك بحريه

هقول بس ملحوظة لا جدال فى كلام ربنا ورسوله ولا يجادل فى ايات الله الا الكافرين

هقول بس ملحوظة لا جدال فى كلام ربنا ورسوله ولا يجادل فى ايات الله الا الكافرين
اتفضلي مفيش جدال ولا حاجه ده نقاش كل واحد بيعبر عن رايه بحريه

هذه فتاوى علماء السنة فى المظاهرات وما يترتب عليها من مفاسد عظيمة سماحة الشيخ الامام عبد العزيز بن باز

الشيخ العلامة محمد صالح بن عثمنين

العلامة المحدث محمد ناصر الدين

الالبانى الشيخ مقبل بن هادى

الوادعى الدكتور الشيخ صالح

الفوزان الدكتور الشيخ ربيع بن هادى

المدخلى سماحة الشيخ مفتى عام المملكة العربية السعودية الشيخ عبد العزيز ال شيخ

الشيخ صالح السدلان

عضو هيئة كبار العلماء الشيخ صالح بن غضون


احمد النجمى والشيخ صالح اللحيدان رحم الله ربى من مات منهم وحفظ من بقى بحفظه


قالوا حينما سئلوا الخروج والمظاهرات ع الحكام واولى الامر ؟

اجابوا وقالوا هو بدعة لا اصل لها فى الاسلام فان الاسلام

لا ينتصر بالمسيرات والتظاهرات ولكن ينتصر بالجهاد الذى يكون مبنيا على العقيدة الصحيحة والطريق رسول الله وسنته ولقد ابتلى الرسل قبلكم فما امروا الا بالصبر وهذا موسى يقول لنبى اسرائيل رغم ما كانوا فيه من تقتيل الذكور من المواليد واستحياء الاناث وما فعله فرعون بهم يقول الله قال موسى لقومه استعينوا بالله واصبروا ان الارض لله يورثها من يشاء من عباده والعاقبة للمتقين وقال احدهم ان المظاهرات السلمية والاعتصامات من البدع وانها اعمال جاهلية ما انزل الله بها من سلطان بل نصرة الحق بالدعوة اليه وتأييد من قام بما لا يترتب عليه منكر اكبر وانها سبب التدمير والخراب وسفك الدماء وانتهاك حرمات وان خير لهدى هدى رسول الله والراشدون من بعده ولن يصلح اخر الامة الا ما اصلح اولها ويقول احدهم ان ديننا ليس دين فوضى وان المظاهرات ليست من افعال المسلمون وما كان المسلمون يعرفونها ودين الاسلام دين رحمة وهدوء وليس دين تشويش ولا اثارة فتن وان هذه المظاهرات تحدث فتن وسفك دماء وتخريب فلا تجوز هذة الامور



تابع

وقال احدهم عن المظاهرات بأنها نعرة الجاهلية اقتدى بها المسلمون بأعداء الدين وهذه ليست كل الفتاوى وانا لا استطيع كتابتها كلها وهذا الاجماع بأنها بدعة ولا يجوز الخروج ع الحاكم و فى تكملة ان شاء الله

وقال احدهم عن المظاهرات بأنها نعرة الجاهلية اقتدى بها المسلمون بأعداء الدين وهذه ليست كل الفتاوى وانا لا استطيع كتابتها كلها وهذا الاجماع بأنها بدعة ولا يجوز الخروج ع الحاكم و فى تكملة ان شاء الله
انا هرد رد طويل شويه ياريت تهتمي بيه

لا جداااااااااااااااااااااااااااااااااااااااااااااااا اااااااال فى كلام ربنا ورسوله

ده رائ الشيخ يوسف القرضاوي رئيس الاتحاد العالمي لعلماء المسلمين
الحمد لله والصلاة والسلام على رسول الله، وعلى آله وصحبه ومن ابتع هداه...أما بعد فمن حق المسلمين – كغيرهم من سائر البشر- أن يسيروا المسيرات وينشئوا المظاهرات، تعبيرا عن مطالبهم المشروعة، وتبليغا بحاجاتهم إلى أولي الأمر، وصنّاع القرار، بصوت مسموع لا يمكن تجاهله. فإن صوت الفرد قد لا يسمع، ولكن صوت المجموع أقوى من أن يتجاهل، وكلما تكاثر المتظاهرون، وكان معهم شخصيات لها وزنها: كان صوتهم أكثر إسماعا وأشد تأثيرا. لأن إرادة الجماعة أقوى من إرادة الفرد، والمرء ضعيف بمفرده قوي بجماعته.ودليل مشروعية هذه المسيرات: أنها من أمور (العادات) وشؤون الحياة المدنية، والأصل في هذه الأمور هو: الإباحة.
وهذا ما قررته بأدلة – منذ ما يقرب من نصف قرن- في الباب الأول من كتاب: (الحلال والحرام في الإسلام) الذي بين في المبدأ الأول أن القاعدة الأولى من هذا الباب: (أن الأصل في الأشياء الإباحة). وهذا هو القول الصحيح الذي اختاره جمهور الفقهاء والأصوليين.
فلا حرام إلا ما جاء بنص صحيح الثبوت، صريح الدلالة على التحريم. أما ما كان ضعيفا في مسنده أو كان صحيح الثبوت، ولكن ليس صريح الدلالة على التحريم، فيبقى على أصل الإباحة، حتى لا نحرم ما أحل الله.
ومن هنا ضاقت دائرة المحرمات في شريعة الإسلام ضيقا شديدا، واتسعت دائرة الحلال اتساعا بالغا. ذلك أن النصوص الصحيحة الصريحة التي جاءت بالتحريم قليلة جدا، وما لم يجئ نص بحله أو حرمته، فهو باق على أصل الإباحة، وفي دائرة العفو الإلهي.
وفي هذا ورد الحديث: "ما أحل الله في كتابه فهو حلال، وما حرم فهو حرام، وما سكت عنه عفو، فاقبلوا من الله عافيته، فإن الله لم يكن لينسى شيئا". وتلا: {وَمَا كَانَ رَبُّكَ نَسِيًّا} [مريم:64].
وقال صلى الله عليه وسلم: "إن الله فرض فرائض فلا تضيعوها، وحد حدودا فلا تعتدوها، وحرم أشياء فلا تنتهكوها، وسكت عن أشياء رحمة بكم غير نسيان فلا تبحثوا عنها" .
وهذا بخلاف العبادة فإنها من أمر الدين المحض الذي لا يؤخذ إلا عن طريق الوحي، وفيها جاء الحديث الصحيح: "من أحدث في أمرنا ما ليس منه فهو رد" ، وذلك أن حقيقة الدين تتمثل في أمرين: ألا يُعبد إلا الله، وألا يُعبد إلا بما شرع، فمن ابتدع عبادة من عنده – كائنا من كان- فهي ضلالة ترد عليه، لأن الشارع وحده هو صاحب الحق في إنشاء العبادات التي يُتقرب بها إليه.
فالناس يتبايعون ويستأجرون كيف يشاءون، ما لم تحرم الشريعة، كما يأكلون ويشربون كيف شاءوا ما لم تحرم الشريعة – وإن كان بعض ذلك قد يستحب، أو يكون مكروها - وما لم تحد الشريعة في ذلك حدا، فيبقون فيه على الإطلاق الأصلي) .
والقول بأن هذه المسيرات (بدعة) لم تحدث في عهد رسول الله ولا أصحابه، وكل بدعة ضلالة، وكل ضلالة في النار: قول مرفوض؛ لأن هذا إنما يتحقق في أمر العبادة وفي الشأن الديني الخالص. فالأصل في أمور الدين (الاتباع) وفي أمور الدنيا (الابتداع).
ولهذا ابتكر الصحابة والتابعون لهم بإحسان: أمورا كثيرة لم تكن في عهد النبي صلى الله عليه وسلم. ومن ذلك ما يعرف بـ (أوليات عمر) وهي الأشياء التي ابتدأها عمر رضي الله عنه، غير مسبوق إليها. مثل: إنشاء تاريخ خاص للمسلمين، وتمصير الأمصار، وتدوين الدواوين، واتخاذ دار للسجن، وغيرها.
وبعد الصحابة أنشأ التابعون وتلاميذهم أمورا كثيرة، مثل: ضرب النقود الإسلامية، بدل اعتمادهم على دراهم الفرس، ودنانير الروم، وإنشاء نظام البريد، وغيرها.
ولهذا كان من الخطأ المنهجي: أن يطلب دليل خاص على شرعية كل شأن من شؤون العادات، فحسبنا أنه لا يوجد نص مانع من الشرع.
ودعوى أن هذه المسيرات مقتبسة أو مستوردة من عند غير المسلمين: لا يثبت تحريما لهذا الأمر، ما دام هو في نفسه مباحا، ويراه المسلمون نافعا لهــم." فالحكمة ضالة المؤمن أنّى وجدها فهو أحق الناس بها" .
وقد اقتبس المسلمون في عصر النبوة طريقة حفر الخندق حول المدينة، لتحصينها من غزو المشركين، وهي من طرق الفرس. واتخذ الرسول صلى الله عليه وسلم خاتما. حيث أشير عليه أن يفعل ذلك، فإن الملوك والأمراء في العالم، لا يقبلون كتابا إلا مختوما. .
المهم أن نأخذ ما يلائم عقائدنا وقيمنا وشرائعنا، دون ما يناقضها أو ينقضها. فالناقل هو الذي يأخذ من غيره ما ينفعه لا ما يضره. وأهم ما يأخذه المسلم من غيره: ما كان متعلقا بشؤون الحياة المتطورة، وجله يتصل بالوسائل والآليات التي طابعها المرونة والتغير، لا بالأهداف والمبادئ التي طابعها الثبات والبقاء.
قاعدتان مهمتان
الأولى هي: قاعدة المصلحة المرسلة، فهذه الممارسات التي لم ترد في العهد النبوي، ولم تعرف في العهد الراشدي، ولم يعرفها المسلمون في عصورهم الأولى، وإنما هي من مستحدثات هذا العصر: إنما تدخل في دائرة (المصلحة المرسلة) وهي التي لم يرد من الشرع دليل باعتبارها ولا بإلغائها.
وشرطها: أن لا تكون من أمور العبادات حتى لا تدخل في البدعة، وأن تكون من جنس المصالح التي أقرها الشرع، والتي إذا عرضت على العقول، تلقتها بالقبول، وألا تعارض نصا شرعيا، ولا قاعدة شرعية.
وجمهور فقهاء المسلمين يعتبرون المصلحة دليلا شرعيا يبنى عليها التشريع أو الفتوى أو القضاء، ومن قرأ كتب الفقه وجد مئات الأمثلة من الأحكام التي لا تعلل إلا بمطلق مصلحة تجلب، أو ضرر يدفع.
والقاعدة الثانية: هي أن للوسائل في شؤون العادات حكم المقاصد، فإذا كان المقصد مشروعا في هذه الأمور، فإن الوسائل إليه تأخذ حكمه، ولم تكن الوسيلة محرمة في ذاتها.
ولهذا حين ظهرت الوسائل الإعلامية الجديدة، مثل (التلفزيون) كثر سؤال الناس عنها: أهي حلال أم حرام؟
وكذلك هذه المسيرات والتظاهرات، إن كان خروجها لتحقيق مقصد مشروع، كأن تنادي بتحكيم الشريعة، أو بإطلاق سراح المعتقلين بغير تهمة حقيقية، أو بإيقاف المحاكمات العسكرية للمدنيين، أو بإلغاء حالة الطوارئ التي تعطي للحكام سلطات مطلقة. أو بتحقيق مطالب عامة للناس مثل: توفير الخبز أو الزيت أو السكر أو الدواء أو البنزين، أو غير ذلك من الأهداف التي لا شك في شرعيتها. فمثل هذا لا يرتاب فقيه في جوازه.
فقلت للطالبات اللائي سألنني عن ذلك: الرد على هذه المسيرة العلمانية: أن تقود المسلمات الملتزمات مسيرة مضادة، من خمسمائة ألف امرأة! أي ضعف المسيرة الأولى ألف مرة! تنادي باحترام قواطع الشريعة الإسلامية.
أما ما قيل من منع المسيرات والتظاهرات السلمية، خشية أن يتخذها بعض المخربين أداة لتدمير الممتلكات والمنشآت، وتعكير الأمن، وإثارة القلاقل. فمن المعروف: أن قاعدة سد الذرائع لا يجوز التوسع فيها، حتى تكون وسيلة للحرمان من كثير من المصالح المعتبرة.
ويكفي أن نقول بجواز تسيير المسيرات إذا توافرت شروط معينة يترجح معها ضمان ألا تحدث التخريبات التي تحدث في بعض الأحيان. كأن تكون في حراسة الشرطة، أو أن يتعهد منظموها بأن يتولوا ضبطها بحيث لا يقع اضطراب أو إخلال بالأمن فيها، وأن يتحملوا المسؤولية عن ذلك. وهذا المعمول به في البلاد المتقدمة ماديا.
في السنة دليل على شرعية المسيرات
أعتقد أن فيما سقناه من الأدلة والاعتبارات الشرعية، ما يكفي لإجازة المسيرات السلمية إذا كانت تعبر عن مطالب فئوية أو جماهيرية مشروعة.
وليس من الضروري أن يطلب دليل شرعي خاص على ذلك، مثل نص قرآني أو نبوي، أو واقعة حدثت في عهد النبوة أو الخلافة الراشدة.
ومع هذا، نتبرع بذكر واقعة دالة، حدثت في عهد النبوة، وذلك عندما أسلم عمر بن الخطاب رضي الله عنه.
فبعد أن يسرد عمر رضي الله عنه قصة إسلامه، ولنستمع إلى عمر نفسه، وهو يقص علينا نبأ هذه المسيرة. حتى إذا دخل دار الأرقم ابن أبي الأرقم معلنا الشهادتين يقول: (فقلت: يا رسول الله ألسنا على الحق إن متنا وإن حيينا ؟ قال: "بلى، والذي نفسي بيده، إنكم على الحق إن متم وإن حييتم" قال: فقلت: ففيم الاختفاء ؟ والذي بعثك بالحق لتخرجن، فأخرجناه في صفين: حمزة في أحدهما، وأنا في الآخر، له كديد ككديد الطحين، حتى دخلنا المسجد، قال: فنظرت إليّ قريش وإلى حمزة، فأصابتهم كآبة لم يصبهم مثلها. فسماني رسول الله صلى الله عليه وسلم يومئذ الفاروق) .
والحمد لله رب العالمين.
http://qaradawi.net/site/images/spacer.gif

انا حذفت بعض الادله المكرره لعدم الاطاله اكثر من ذلك باعتذر عن ده

يا اختى كلام حضرتك على عينى وراسى بس ده دين ولا يجوز طالما الحاكم مسلم بل علينا الصبر وده مش كلامى فى احاديث على كلامى انتظرى وسأكتب لكى


الدين هناك أشياء مسلم بها ولا يجب أن نجادلها
مثل صلاة العصر 4 ركعات ام المغرب 3 ..
مينفعش أقول ليه؟!!
وهذا شيء أساسي بالاتفاق كل المسلمين
وفيه رأي ودا بتبقي في فروع الدين ....

ولكن هذا رأي ياقلبي...
واختلاف العلماء هو رحمة بينا وكل إنسان سوف يحاسب ع فتوته أمام ربنا..
وأنا في الأول والآخر إنسانة عندها عقل تفكر وتستطيع أن تختار الصح...
أم أن أمشي ورا رأي هكذاا...

^^مسلم^^ ياسلام...

الإنسان يقتل وطالما أنه مسلم ...يبقي لا يحاسب...!!!

دا بئا في أي شرع...!!؟!!
ما انا قلتلك ع كلام الرسول &صلي الله عليه وسلم&

عن بنته لو سرقت..

فما بالك بمن ينتهك حرمات الناس عن طريق أمن الدولة؟؟
أليس هذا أبشع من السرقة؟؟!!

فمابالك من يدمر شعبه أليس هذا أبشع من السرقة؟؟!!
معلش خلينا نتكلم بالعقل...شوية

حاكم مثلا ...قتل ناس أبرياء زي القذافي كداا..
في سجن أبوسليم لو تعرفيه
قتل 1000 شخص واكثر لانه بيعرضوه...

ماشي ياستي خليك معايااا...

حاجة تانية....بينتهك أعراض المسلمات

حاجة تالثة بيقتل أبرياء بالرصاص الحي...!!!

بكل بساطة كدا أقول اصله حاكم مسلم ومش ينفع...؟!!

أيام الرسول *صلي الله عليه وسلم**

كان الحكم مش بالوراثة ....!!

ومحدش من الخلفاء عملها مثلا مع ابنه ....

زي ما الريس كان بيعملوها معنا..؟!

أو زي ماآل سعود مستوليين ع المملكة العربية ومسميين الدولة باسمهم ...وواخدين كل خيرتها وناس عندهم في فقر...

بعد كدا كله أقول أصله حاكم مسلم ومش ينفع


معلش بئا......دا حاجة هتخلي أي واحد مش بيتقي ربنا

يجي يظلمنا وينتهك حرمتنا باسم الدين

والدين بريء من هؤلاء..!!


وبعد دا كله أقول مسلم...ومش يمكن محاسبته؟!!

الدين هناك أشياء مسلم بها ولا يجب أن نجادلها
مثل صلاة العصر 4 ركعات ام المغرب 3 ..
مينفعش أقول ليه؟!!
وهذا شيء أساسي بالاتفاق كل المسلمين
وفيه رأي ودا بتبقي في فروع الدين ....

ولكن هذا رأي ياقلبي...
واختلاف العلماء هو رحمة بينا وكل إنسان سوف يحاسب ع فتوته أمام ربنا..
وأنا في الأول والآخر إنسانة عندها عقل تفكر وتستطيع أن تختار الصح...
أم أن أمشي ورا رأي هكذاا...

^^مسلم^^ ياسلام...

الإنسان يقتل وطالما أنه مسلم ...يبقي لا يحاسب...!!!

دا بئا في أي شرع...!!؟!!
ما انا قلتلك ع كلام الرسول &صلي الله عليه وسلم&

عن بنته لو سرقت..

فما بالك بمن ينتهك حرمات الناس عن طريق أمن الدولة؟؟
أليس هذا أبشع من السرقة؟؟!!

فمابالك من يدمر شعبه أليس هذا أبشع من السرقة؟؟!!
معلش خلينا نتكلم بالعقل...شوية

حاكم مثلا ...قتل ناس أبرياء زي القذافي كداا..
في سجن أبوسليم لو تعرفيه
قتل 1000 شخص واكثر لانه بيعرضوه...

ماشي ياستي خليك معايااا...

حاجة تانية....بينتهك أعراض المسلمات

حاجة تالثة بيقتل أبرياء بالرصاص الحي...!!!

بكل بساطة كدا أقول اصله حاكم مسلم ومش ينفع...؟!!

أيام الرسول *صلي الله عليه وسلم**

كان الحكم مش بالوراثة ....!!

ومحدش من الخلفاء عملها مثلا مع ابنه ....

زي ما الريس كان بيعملوها معنا..؟!

أو زي ماآل سعود مستوليين ع المملكة العربية ومسميين الدولة باسمهم ...وواخدين كل خيرتها وناس عندهم في فقر...

بعد كدا كله أقول أصله حاكم مسلم ومش ينفع


معلش بئا......دا حاجة هتخلي أي واحد مش بيتقي ربنا

يجي يظلمنا وينتهك حرمتنا باسم الدين

والدين بريء من هؤلاء..!!


وبعد دا كله أقول مسلم...ومش يمكن محاسبته؟!!





اظن انا كلامى واضح ولسه عندى بس بجد تعبت من الكتابة وكما قلت لا اجادل فى ايات او احاديث

مبارك مسلم طبعا شفتيه حرف القرأن او طلب بهدم مسجد بلاش نكفر الناس بمزاجنا كل واحد ليه معاصى ولكن لا نكفره

ووقت تانى هكملك باقى كلامى وانا كنت زيك بس ربنا عرفنى الصواب ولا كلام بعد كلام ربنا ورسوله


بدعة بدعة بدعة لا اصل لها فى الاسلام

مبارك مسلم طبعا شفتيه حرف القرأن او طلب بهدم مسجد بلاش نكفر الناس بمزاجنا كل واحد ليه معاصى ولكن لا نكفره
يانهار أنا قلت غير كدا يابنتي ...
انت هتقولي كلام انا مش قلته
وانا مين عشان اكفر الناس..والعياذ بالله ..
الراجل ليه مميزات بردو وكمان ليه عيوب صح...
بس عيوبه كانت أكثر شوية فدمرت مميزاته...
ايوة مسلم بس دا مش معناه انه مش يتحاسب دا اول واحد يتحاسب!!!!
لانه حاكم الدولة..يعني مثل أعلي...
وبعدين لحد دلوقتي انا مجدلتش ف أي آيات..
عشان تعرفي بس انك مش بتقري ولا يتناقشي
بتأخذي الحاجة وتحطيها ف عقلك وخلاص..
والإسلام دين تفكير ...حتي عمره ما أجبر حد ع دخوله
واللي بيدخل الإسلام بيناقشه بالعقل
وبيقتنع بيه عشان كدا بيدخل...
هات لي بس آية واحد جدلت فيها...!!!
ونشوف ...:006et4:

انا بشكركم علي المشاركه وابداء الراي بس الشيخ القرضاوي مش محتاج كلام لانه عالم كبير جدا ومناره لكل العلماء

يانهار أنا قلت غير كدا يابنتي ...
انت هتقولي كلام انا مش قلته
وانا مين عشان اكفر الناس..والعياذ بالله ..
الراجل ليه مميزات بردو وكمان ليه عيوب صح...
بس عيوبه كانت أكثر شوية فدمرت مميزاته...
ايوة مسلم بس دا مش معناه انه مش يتحاسب دا اول واحد يتحاسب!!!!
لانه حاكم الدولة..يعني مثل أعلي...
وبعدين لحد دلوقتي انا مجدلتش ف أي آيات..
عشان تعرفي بس انك مش بتقري ولا يتناقشي
بتأخذي الحاجة وتحطيها ف عقلك وخلاص..
والإسلام دين تفكير ...حتي عمره ما أجبر حد ع دخوله
واللي بيدخل الإسلام بيناقشه بالعقل
وبيقتنع بيه عشان كدا بيدخل...
هات لي بس آية واحد جدلت فيها...!!!
ونشوف ...:006et4:





ههههههههههه مش قصدى كده انا قصدى ان الشئ حرام انا بأه اجاااااااااااااااادل ليه وانا عارفه الصح وصدقينى والله الى كتبته كسر ايدى وعندى تكملة نفسى اقولها

صحيح لا أصل لها ...لأن مكنش أيام الرسول *وقفات احتجاجية سليمة بطالب بعدالة اجتماعية*
طيب هيكون فيه وقفات ازاي
أولا: لان الإسلام لما جيه حرر العقول والقلوب ...فكان الكل بيدخل فيه ..
ثانيا:: حتي بعد الرسول*عليه أفضل الصلاة والسلام* كان االخلفاء أعدل ناس
لحد لما دخل الفساد إلي أرض المسلمين ولا يطبع الشرع فيه وأصبح الأهواء تمتلكنا....!!
وبعدين مكنتش في الإسلام في الأول كمبيوتر يبقي نلغي الكمبيوتر بئا !!!
ياحبيبتي لازم نتماشي مع العصر طالما لا يتعارض مع الدين ...!!

صحيح لا أصل لها ...لأن مكنش أيام الرسول *وقفات احتجاجية سليمة بطالب بعدالة اجتماعية*
طيب هيكون فيه وقفات ازاي
أولا: لان الإسلام لما جيه حرر العقول والقلوب ...فكان الكل بيدخل فيه ..
ثانيا:: حتي بعد الرسول*عليه أفضل الصلاة والسلام* كان االخلفاء أعدل ناس
لحد لما دخل الفساد إلي أرض المسلمين ولا يطبع الشرع فيه وأصبح الأهواء تمتلكنا....!!
وبعدين مكنتش في الإسلام في الأول كمبيوتر يبقي نلغي الكمبيوتر بئا !!!
ياحبيبتي لازم نتماشي مع العصر طالما لا يتعارض مع الدين ...!!


والله انا شايفه اننا لا نبدى رأينا وعدنا ادلة مفيش حاجة اسمها رأى لما الدين يدخل :angry2:

يااااااسلالالالالالالالالالالالالالالام!!

كلامك مش مقنع أصلا

وعايزيني أقول آميييييييييييييييييين وخلاص...............


وانا بئا عمري ما هأقولها ع شيء مش مقتنعة بيه........

وقلتلك العلماء دول ناس بيقولوا آراؤهم و ووعلمهم..........


يعني فيه رأي أهو!!

أنت اللي عايزة مش تسمع ............ز!!


ودا يرجع لك........

انا مش مع اي حد يقول كده خااااااااالص
الحكومة الهباب دي لازم معاها شغل القرف ده عشان يلبوا طلباتنا
وبعدين ما احنا جربنا نقف سلميين ونتظاهر فقط بدون تعطيل اي حاجة خالص كانت ايه النتيجة؟؟؟
قالوا لنا طظ فيكوا خليكوا واقفين......
فكان لازم نوريهم العين الحمرا عشاااان يتحركوا
وبعدين ليا طلب صغير خاااالص
ياريت كل اللي مش هيتحرق دمه لو متحكموش الظباط اللي قتلوا المتظاهرين...ميتكلموش خالص
لأن دم ولادنا واخواتنا غاااااااااااااالي اوي اوي اوي يا تسابيح النجوم

انا مش مع اي حد يقول كده خااااااااالص
الحكومة الهباب دي لازم معاها شغل القرف ده عشان يلبوا طلباتنا
وبعدين ما احنا جربنا نقف سلميين ونتظاهر فقط بدون تعطيل اي حاجة خالص كانت ايه النتيجة؟؟؟
قالوا لنا طظ فيكوا خليكوا واقفين......
فكان لازم نوريهم العين الحمرا عشاااان يتحركوا
وبعدين ليا طلب صغير خاااالص
ياريت كل اللي مش هيتحرق دمه لو متحكموش الظباط اللي قتلوا المتظاهرين...ميتكلموش خالص
لأن دم ولادنا واخواتنا غاااااااااااااالي اوي اوي اوي يا تسابيح النجوم

انا متفق معاك تماما مشكور علي المرور

يااااااسلالالالالالالالالالالالالالالام!!

كلامك مش مقنع أصلا

وعايزيني أقول آميييييييييييييييييين وخلاص...............


وانا بئا عمري ما هأقولها ع شيء مش مقتنعة بيه........

وقلتلك العلماء دول ناس بيقولوا آراؤهم و ووعلمهم..........


يعني فيه رأي أهو!!

أنت اللي عايزة مش تسمع ............ز!!


ودا يرجع لك........


مقلتش تقولى امين عندك كتاب ربنا والاحاديث والفتاوى ابحثى واقتنعى بما تشائى

انا شايفة ان كلام تسابيح مظبووووووط جدا
انا ف الاول خالص اول ما بدات الثورة مكنتش قادرة احدد موقفى منها
بس بعد ماشوفت اراء ناس كتير زى تسابيح قدرت احدد موقفى
ده مش خروج على الحاكم ولا حاجة يعنى مش حرااام اللى هوا عمله ف الناس
وبعدين الناس خرجت فى مظاهرات سلمية تطالب بحقوقها
ده رايى ومع احترامى طبعا لاى راى اخر
والله اعلى واعلم

انا شايفة ان كلام تسابيح مظبووووووط جدا
انا ف الاول خالص اول ما بدات الثورة مكنتش قادرة احدد موقفى منها
بس بعد ماشوفت اراء ناس كتير زى تسابيح قدرت احدد موقفى
ده مش خروج على الحاكم ولا حاجة يعنى مش حرااام اللى هوا عمله ف الناس
وبعدين الناس خرجت فى مظاهرات سلمية تطالب بحقوقها
ده رايى ومع احترامى طبعا لاى راى اخر
والله اعلى واعلم
مشكوره علي المرور وباحترم رايك

والدليل من القران والسنة قال تعالى يا ايها الذين امنوا اطيعوا الله واطيعوا الرسول واولى الامر منكم فأن تنازعتم فى شئ فردوه الى الله والرسول ان كنتم تؤمنون بالله واليوم الاخر ذلك خير لكم واحسن تأويلا (النساء 59 )

ويقول رسول الله من اطاعنى فقد أطاع الله ومن عصانى فقد عصى الله ومن يطع الامير فقد أطاعنى ومن يعص الامير فقد عصانى البخارى 2957

ويقول رسول الله صلى الله عليه وسلم يكون من بعدى ائمة لا يهتدون بهدى ولا يستنون بسنتى وسيقوم فيهم رجال قلوبهم قلوب الشياطين فى جثمان انس قال حذيفة بن اليمان كيف اصنع اذا ادركت ذلك قال تسمع وتطيع للامير وان ضرب ظهرك وأخذ مالك فاسمع واطع اخرجه مسلم 1847 هذا رسول الله يامرنا بالسمع والطاعة حتى اذا قتلنا الحاكم وسرق اموالنا اذا كيف اجزتم الخروج على الحاكم يا ناس اتقوا الله والحديث بد بقى صدمة للكل اخرجه البخارى ومسلم يعنى اعلى درجات الصحة عن ابن عباس قال ان النبى صلى الله عليه وسلم قال من كره من اميره شيئا فليصبر عليه فأنه ليس لاحد من الناس خرج من السلطان شبرا فمات عليه الا مات ميتة الجاهلية الله اكبر الله اكبر اذا كيف تقولوا ع هؤلاء شهداء وهم ماتوا ميتة الجاهلية اهوا فى البخارى ومسلم

قال عبادة بن الصامت بايعنا رسول الله على السمع والطاعة فى منشطنا ومكرهنا وعسرنا ويسرنا واثره علينا وان لا ننازع الامر قال الا ان تروا كفرا بواحا عندكم من الله فيه برهان اخرجه مسلم وابن عصام وغيره وهذا دليل انه لا يجوز منازعة ولاة ولا الخروج عليهم الا ان يروا كفرا بواااااااااااااحاى ظاهرا

وادلة كثيرة لا حصر لها كما امر رسول الله سمعا وطاعة لولى الامر البار والفاجر واخيرا لا يجوز الخروج على الحاكم فاتقوا الله وصححوا عقيدتكم وتقبلوا الحق

أخرج ابن أبي عاصم في (( السنة )) (138) عن أبي امامة الباهلي، قال : سمعت رسول الله صلى الله عليه وسلم يقول :
(( أنه لا نبي بعدي ولا أمة بعدكم، ألا فاعبدوا ربكم وصلوا خمسكم ،وصوموا شهركم، وأد رأوا زكاة أموالكم، طيبة بها نفوسكم وأطيعوا أمرائكم، تدخلوا جنة ربكم )). إسناده صحيح.

لدليل الرابع :
أخرج مسلم في (( صحيحه )) (126) – وبوب عليه النووي فقال - : باب في طاعة الأمراء وأن منعوا الحقوق، عن علقمة بن وائل الحضرمي عن أبيه قال :
سأل سلمة بن يزيد الجعفي رسول الله صلى الله عليه وسلم فقال يا نبي الله ! أرأيت أ، قامت علينا أمراء يسألونا حقهم ويمنعونا حقنا فما تأمرنا ؟ فأعرض عنه ثم سأله ؟ فأعرض عنه، ثم سأله في الثانية – أو في الثالثة - ؟ فجذبه الأشعث بن قيس، وقال :
(( أسمعوا وأطيعوا فإنما عليهم ما حملوا وعليكم ما حملتم ))
وفي رواية لمسلم – أيضاً : فجذبه الأشعث بن قيس، فقال رسول الله صلى الله عليه وسلم :
(( أسمعوا وأطيعوا فإنما عليهم ما حملوا وعليكم ما حملتم ))
والمعني : أن الله – تعالي- حمل الولاة وأوجب عليهم العدل بين الناس فإذا لم يقيموه أثموا، وحمل الرعية السمع والطاعة لهم، فإن قاموا بذلك أثيبوا عليه، وإلا أثموا.

اولا انا شايفة ان الامور زادت عن حدها
اعتصام ماشي
ولكن التصعيد طبعا لأ
هو احنا يا اما نكون جبناء و بنخاف
يا اما نكون قطاع طرق و بلطجية
الناس كلها زعلانة عشان خطاب محسن الفنجرى وان لهجته حادة
اولا هو قال الخطاب بلهجة عسكرية للغاية
و ربنا يستر و متحصلشي صدمات بين الشعب و الجيش لان للاسف فى ناس بتطالب بسقوط المجلس العسكرى
طب لما هو يمشي مين اللى يمسك ؟
العلمانيين ولا الاسلاميين وتحصل فتنة و البلد تتدمر
المفروض يكون فى حكمة شوية
صحيح المفروض نضغط المجلس العسكرى لانه بيتعرض لضغط خارجى
بس مش بالطرق الهمجية

للاخت سكريم انجل
انتى بتقولى انها خروج عن الحاكم
على كده يبقى مشايخنا الاجلاء لايفقهون معنى الخروج عن الحاكم
فالشيخ محمد حسان قال انها ليست خروج عن الحاكم
وكذلك الشيخ مصطفى العدوى
و الشيخ اابى اسحاق الحوينى
والشيخ صفوت حجازى
والشيخ محمد عبد المقصود
والشيخ مازن السرساوى
و الشيخ جمال المراكبى
و هناك الكثيرون

الدرجه.80مليون من 80مليون مصري

شكرا علي المرور الرائع والاراء المحترمه

حتى فى المنتدى تريدون السيطرة على حقوق الغير

10من 10كفاية

وأتحدى لو لقيتى 10لاف موافق على هذا الكلام من ال85مليون مصرى

شكرا لكم

للاخت سكريم انجل
انتى بتقولى انها خروج عن الحاكم
على كده يبقى مشايخنا الاجلاء لايفقهون معنى الخروج عن الحاكم
فالشيخ محمد حسان قال انها ليست خروج عن الحاكم
وكذلك الشيخ مصطفى العدوى
و الشيخ اابى اسحاق الحوينى
والشيخ صفوت حجازى
والشيخ محمد عبد المقصود
والشيخ مازن السرساوى
و الشيخ جمال المراكبى
و هناك الكثيرون



والله الشيوخ دول مش كلامهم مقدس انا عندى القرأن والاحاديث فقط :d

والله الشيوخ دول مش كلامهم مقدس انا عندى القرأن والاحاديث فقط :d
وانتى فاكرة انهم بيقولوا كده بمزاجهم
لأ طبعا بيقولوا كده بأدلة من القرآن والسنة
وبعدين مش الشيوخ هما اللى بيفسروا الاحاديث
وانتى بتقول الصبر
طب ما احناا صبرنا من 1952

حتى فى المنتدى تريدون السيطرة على حقوق الغير

10من 10كفاية

وأتحدى لو لقيتى 10لاف موافق على هذا الكلام من ال85مليون مصرى

شكرا لكم
كدة انت تاخد 85مليون الا 10الاف من 85مليون:d:d
اكيد معظم الشعب المصرى مش موافق على التصعيد البايخ بتاعهم
وال ايه عاوزين البرادعى بدل شرف وبقترحوا وزراء ومنهم ممدوح حمزة و الحمزاوى و اسحاق بدلا من الجمل
بقى دول بيمثلوا الشعب المصرى :angry2:

وانتى فاكرة انهم بيقولوا كده بمزاجهم
لأ طبعا بيقولوا كده بأدلة من القرآن والسنة
وبعدين مش الشيوخ هما اللى بيفسروا الاحاديث
وانتى بتقول الصبر
طب ما احناا صبرنا من 1952




والله ده كلام ربنا ورسوله ياريت تقرأه تانى وتفكر فيه انا مش هجادل واجادل ليه وانا عارفه الصح انا برضى دينى بس لا سياسة ولا ثورة ولا حتى 60 يناير

أنا مع الاعتصام وكل ده اصلا مفيش أي طلبات بتتحقق غير بالضغط بصراحة بقت حاجة صعبة