مشاهدة النسخة كاملة : █◄ "المالية": 684 جنيهاً أجر الموظف المستجد بالجهاز الإدارى للدولة ►█


أستاذ الكمبيوتر
11-07-2011, 06:40 PM
كشفت وزارة المالية اليوم الاثنين، أن إجمالى دخل الموظف حديث الالتحاق بالعمل (بعد أول يوليو 2011) فى الجهاز الإدارى للدولة والمقيد على الدرجة السادسة سيبلغ 684 جنيهاً، وفقا للمقرر فى موازنة العام المالى 2011 / 2012 مقابل 422.4 جنيه عن المقرر فى الموازنة القديمة بزيادة 62 فى المائة.

وأكدت الوزارة، فى بيان لها اليوم، أن هذه الزيادة ستطبق على شاغلى الدرجات الوظيفية المختلفة وبنسب متفاوتة بهدف تقريب الفوارق بين كافة الجهات الداخلة فى الموازنة العامة للدولة، حيث سيستفيد نحو 1.9 مليون موظف من هذه الزيادة.

وأشارت إلى أن هذا الأمر يأتى فى إطار سياسة الحكومة لإصلاح وإعادة هيكلة نظام الأجور فى مصر، والذى رصد لمرحلته الأولى بالموازنة العامة للدولة 9 مليارات جنيه، وقالت إنها بدأت فى تطبيق زيادة حافز الإثابة للعاملين بالجهاز الإدارى للدولة إلى 200%.

ووفقا لجدول أجور العاملين على الدرجة السادسة بالجهاز الإدارى للدولة، فإن الحد الأدنى لأجور العاملين لن يقل عن 708 جنيهات، وهو إجمالى أجر الموظف الذى التحق بعمله على الدرجة السادسة قبل أول يوليو عام 2011، مقابل أجره البالغ 444 جنيها فى الموازنة السابقة بنسبة زيادة 59%، وهذه الزيادة نتيجة رفع حافز الإثابة فى الموازنة الجديدة إلى 200% من الأجر الأساسى.

وأشارت وزارة المالية إلى أن زيادة الحافز راعت تدرج سنوات عمل شاغلى الدرجات الوظيفية المختلفة، فعلى سبيل المثال فإن موظف الدرجة السادسة الذى التحق بعمله فى يوليو 2009 سيرتفع أجره إلى 722.9 جنيه بدلا من أجره السابق البالغ 457.1 جنيه بزيادة 58%.

ولفتت إلى أنه تم وضع حد أقصى لدخول الموظفين لا يزيد عن 36 مثل الحد الأدنى للأجر، ووضع حد أقصى لإجمالى الحوافز التى يتقاضاها الموظف بأية جهة حكومية تحت أى مسمى، وهذه الإجراءات تمثل المرحلة الأولى من عملية الإصلاح الجذرية لسياسة الأجور، والتى من المتوقع أن تستغرق 5 سنوات.


المصدر : اليوم السابع
http://www.youm7.com/News.asp?NewsID=452844

مريم عبد العال
11-07-2011, 06:52 PM
يعنى هينطبق علينا ولالا

hazmanco
11-07-2011, 07:42 PM
http://www.youm7.com/News.asp?NewsID=452844

محمد حسين الشربينى
11-07-2011, 07:47 PM
يــــــــــــــــــــــــــــــــــــا رب

meslmat
11-07-2011, 08:40 PM
كلام قديم جداً



وزارة المالية كل يوم برأى

محمد يوسف مرسي
11-07-2011, 08:48 PM
أنا عايز أعرف المعلم المساعد ضمن الجهاز الاداري للدولة ولا المعينين فقط

أبراار
11-07-2011, 08:59 PM
المهم بس يدخلونا في القصة دي

وبالعقل كدة وبناء ع الكلام ده أكيد داخلين بإذن الله

ابو الفاروق
11-07-2011, 09:02 PM
أنا عايز أعرف المعلم المساعد ضمن الجهاز الاداري للدولة ولا المعينين فقط

المعلم المساعد المتعاقد على الباب الاول ( عقد مميز ) ضمن الجهاز الادارى للدولة لان مرتبك من موازنة الوزارة مش من صندوق المحافظة او الادارة ، يعنى المعلم المساعد على الموازنة العامة ولكن الفرق بينك وبين المعين انك لست على درجة انما المعين على درجة ، والمتعاقد على الباب الاول على درجة مؤقتة .
وعلشان كدة المعلمين المعينين مش هيخدوا حاجة فى هذا الحافز انما هذا الحافز للاداريين والعمال والمتعاقدين على الباب الاول
فالاداريين والعمال والمتعاقدين هم اضعف المرتبات وكما عرفنا ان هناك مراحل للحد الادنى اى انة سيظل هناك موظفين لن يدخلو فى الحد الادنى فى الوقت الحالى ولكى يتم تقليل الفوارق تم صرف هذا الحافز .

اما المعلمين المعينين فأن اساسيهم اكبر فالبتالى = كادرهم اكبر - حوافزهم اكبر - مكافاتهم اكبر

مريم عبد العال
11-07-2011, 09:24 PM
ياربي على النكككككككد

tamershrif
11-07-2011, 09:53 PM
نفسى أشوف اليوم دة

امجد7007
11-07-2011, 10:16 PM
الكلام ده مش مظبوووووووووط
كله هياااااااااااخد واقل واحد فيكى يامصر هياخد 700 السنه دى واللى على الدرجه السادسه كمان
اما احنا على الدرجه التالته هناخد اكتر من كده بكتيرررر وده كلام وزير الماليه بنفسه 1561
http://www.youtube.com/watch?v=HqJ2KI0JjTo
اسمع وقولى رائيك وربنا مايجيب نكد

mr elsayed baz
11-07-2011, 10:17 PM
يا ر ب يكون الكلام بجد

مريم عبد العال
11-07-2011, 10:24 PM
بس الحلقة بتاريخ 6/2

امجد7007
11-07-2011, 10:28 PM
بس الحلقة بتاريخ 6/2
يامس حنان وهى 2 يونيو دى بعيده؟؟؟
دى تعتبر اول امبارح وبعدين الكلام ده بعد ما اعلن عن الحد الادنى والوزير كان بيوضح معناه
لو مش عايزه تصدقى تبقى انتى اللى غاويه نكد بقى يامس

زكى أحمد
11-07-2011, 10:29 PM
يا جماعة الكلام ده ممكن يصدق فى حالة واحدة فقط ....... ( يوم صرف المرتبات )

aswan.com
11-07-2011, 10:31 PM
المعلم المساعد المتعاقد على الباب الاول ( عقد مميز ) ضمن الجهاز الادارى للدولة لان مرتبك من موازنة الوزارة مش من صندوق المحافظة او الادارة ، يعنى المعلم المساعد على الموازنة العامة ولكن الفرق بينك وبين المعين انك لست على درجة انما المعين على درجة ، والمتعاقد على الباب الاول على درجة مؤقتة .
وعلشان كدة المعلمين المعينين مش هيخدوا حاجة فى هذا الحافز انما هذا الحافز للاداريين والعمال والمتعاقدين على الباب الاول
فالاداريين والعمال والمتعاقدين هم اضعف المرتبات وكما عرفنا ان هناك مراحل للحد الادنى اى انة سيظل هناك موظفين لن يدخلو فى الحد الادنى فى الوقت الحالى ولكى يتم تقليل الفوارق تم صرف هذا الحافز .

اما المعلمين المعينين فأن اساسيهم اكبر فالبتالى = كادرهم اكبر - حوافزهم اكبر - مكافاتهم اكبر

ارجوك كفايه فتاوي الكل هياخد وبعدين مش من المعقول انه هيدي بتاع العقد وهيسيب الاساسي اللي علي درجة مالية:romarioxp6::romarioxp6:

ابو الفاروق
11-07-2011, 11:14 PM
ارجوك كفايه فتاوي الكل هياخد وبعدين مش من المعقول انه هيدي بتاع العقد وهيسيب الاساسي اللي علي درجة مالية:romarioxp6::romarioxp6:



انا مش بفتى والدليل بالارقام اللى قالتها وزارة المالية

اقل معلم معين على الدرجة التالتة بياخد بالكادر مش اقل 700 جنية ويزيد حسب اقدميتة ، ووزير المالية قرر ان الدرجة التالتة ستكون فى الفئة 950 تقريبا ، بنسبة زيادة 62 % حضرتك بقى احسب لما هياخد بعد الدخول فى الحد الادنى 950 زود عليهم بقى ال 200% الحافز دول سعتها مرتبة مش هيقل عن 1300 جنية هل تعتقد انة هيزود واحد على الدرجة التالتة كان بياخد فى شهر 6 اللى فات 700 او اكثر ثم يضعة فى الحد الادنى ويصبح 950 جنية ثم يعطية حافز 200% من الاساسى

هذا الحافز 200% للاداريين والعمال والمتعاقدين على الباب وهذه الفئات هى الفئات ذات الراتب الضئيل والذى لم يصل الى الحد الادنى حتى كلامى منطقى من هذا المنظور



ولكن اذا كان المقصود بالحد الادنى للاجور هذا الحافز 200% فأنة سيطبق على الجميع بأستنثاء من يعمل بعقود مؤقتة ولكن ليست على الباب الاول



فأريد من الجميع ان يلاحظ شيئا مهم جدا وهو

كيف سيطبق الحد الادنى وترتفع الرواتب من 700 جنية مثلا للدرجة التالتة الى 950 جنية ، وايضا يتم اضافة حافظ اخر بنسبة 200% فى نفس الوقت

فأنا اعتقد ان المقصود بهذا الحافز ( الحد الادنى للاجور )

او ان هناك فئات ستدخل فى الحد الادنى وفئات اخرى يطبق عليها هذا الحافز

امجد7007
11-07-2011, 11:21 PM
او ان هناك فئات ستدخل فى الحد الادنى وفئات اخرى يطبق عليها هذا الحافز
كده اوكى كلامك ممكن اقبله المهم ان المعلم لن ياخذ اقل من الحد الادنى للاجور واكثر كمان بأى حال من الاحوال
لكن تقولى انه هيفضل زى ماهو 400 او 500 جنيه ده غير مقبول اطلاقا
لو حضرتك اتفقت معايا على كده يبقى مفيش تعارض وفكرتك وصلت وبارك الله فيك

ابو الفاروق
11-07-2011, 11:29 PM
كده اوكى كلامك ممكن اقبله المهم ان المعلم لن ياخذ اقل من الحد الادنى للاجور واكثر كمان بأى حال من الاحوال
لكن تقولى انه هيفضل زى ماهو 400 او 500 جنيه ده غير مقبول اطلاقا
لو حضرتك اتفقت معايا على كده يبقى مفيش تعارض وفكرتك وصلت وبارك الله فيك


بالظبط يا امجد

لو المقصود بهذا الحافز الحد الادنى للاجور فبإذن الله سوف يكون لنا نصيب فية مثلنا مثل اى موظف فى الجهاز الادارى للدولة لاننا كمعلمين مساعدون على الباب الاول وراتبنا من الموازنة العامة


اما اذا كان هناك فرق بين الحد الادنى والاقصى للاجور وبين هذا الحافز
فبذلك سوف يكون هناك فئات ستدخل فى الهيكلة للاجور اى الحد الادنى وهناك فئات اخرى سيطبق عليها هذا الحافز
وانا اميل الى ان المقصود بهذا الحافز هو الحد الادنى