السلام عليكم ...
انا حابة افتح النقاش دا عشان تقريبا كلنا مش عندنا الخبرة الكافية في تنظيم الوقت ودي اكتر حاجة مخوفانا كلنا
ان الوقت يعدي منغير ما نقدر ننظمه ونستغله افضل استغلال ..

بتمنى الكل يتفاعل معانا وان شاء الله كلنا نفيد بعض ..

في امان الله ..

سلام عليكم
انا راحة تالتة ان شاء الله وناوية بعد ظهور النتيجة علي خير ان شاء الله
اعمل موضوع شامل عن كل ما يحتاجه طلاب المرحلة الاولي
من غير ماطول عليكي
احنا كلنا كنا زيكوا كدا الاجازة اللي فاتت
حماس ونشاط ملهوش حدود وتفاؤل مختلط ببعض الخوف احيانا
كنا بنقول ايه الفرق بيننا وبين الدكاترة لما كانوا قدنا؟؟؟؟؟؟؟؟؟طبعا مفيش
غير انهم عندهم الصبر و الارادة والعزيمة القوية وهما دول اهم حاجة بجد
الفرق بين سنة اولي ثانوي وسنة تانية شااااااااااااااااااااااااااااااااااااااااااااااااا ااااااااسع
وهوا ده اللي بيسبب كل المشاكل
لان في سنه اولي بتدرس كل المواد في ترمين بالنسبة ليا كانت افضل سنه في التعليم كله
اما المرحلة الاولي فتقريبا بتفضل تدرس 5 مواد بس لمدة حوالي 11شهر -بالدروس طبعا-

ال11شهر دول ممكن يكونوا كانهم11سنة من الملل وفقدان الامل والندم واحتقار الذات وضيفي كل احساس سيء حسيتي بيه قبل كده او متتخيليهوش -انا مش بعقدك بس اصبري شويه-
وممكن برضوا يكونوا 11 شهر راحة وامان وكل يوم بيفوت تحسي انك بتقربي لهدفك
انهم يكونوا ده او ده فذلك يعتمد علي تنظيم الوقت زي ما قلتي
لو حد مجتهد و باديء بنفس مفتوحة وامل اول 3 شهور طبيعي هيكونوا افضل 3 شهور من حيث الحماس والمذاكرة-استغليهم كلهم-و صدقيني افضل حاجة السنادي ان رمضان باديء مع الدروس
في ناس بتقول تروح الدروس تنام بالنهار وتذاكر بالليل بعد الفطار-ده اكبر غلط-
الحمد لله رمضان وقته بيكون متنظم لوحده حسب الدروس قبل الفطار طبعا ودا افضل
لما تصحي الصبح تذاكري شويه لحد ماتروحي الدرس وترجعي تصلي حسب مواعيد الدروس وترجعي علي قبل الفطار بساعة طبعا بنكون وصلنا لاقل نشاط -ممكن الساعة دي تستغليها في عمل حاجة تطوعية -مثلا ساعدي في عمل الفطار-
بعدالفطار نذاكر اللي اخدناه في نفس اليوم لحد ما ييجي ميعاد صلاة العشاء و التراويح لو بتصلي في المسجد هتخلصي مثلا في حدود9.5 نكمل مذاكرة او نقرا -مجرد قراءة -اللي هناخده تاني يوم ونحدد الصعب فيه عشان نركز والاستاذ بيشرحه

وحاجة مهمة جدا...
لازم ننام من 11-4 يزيدوا او يقلوا قليلا بس اهم حاجة تحاولي تعودي نفسك علي انك تصحي مع اذان الفجر
صدقيني والله انا جربت السنه اللي فاتت كل حاجة وكنت في الاخر تايهة بجد بس الحمد لله انقذت ما يمكن انقاذه ومش عاوزة حد يقع في اخطائي عشان كده بقول النصائح دي
الساعتين اللي بعد الفجر بتكون فيهم بركة 6 ساعات بالليل وابقي جربي
هتلاقي الحاجة اللي تتذاكر او تتحل في ساعة بالليل اخرها 10دقايق لان نشاط العقل بيكون اكثر ما يمكن
حاولي تظبطي الساعة البيولوجية علي كده من الاول عشان متتعبيش
اما حكاية جداول المذاكرة فانا جربت كل حاجة الجدول اليومي ممكن تتبعيه بس صعب هتحسي انك روبوت
احسن حاجة اليوم بيومه قبل ما تنامي كل يوم اكتبي 5 او6 حاجات مهمة لازم تعمليها تاني يوم -ولازم يتكتب علي ورقة- وبكده تساعدي عقلك انوا يفكر وانتي نايمة ازاي يخلص الحاجة دي بسرعة وبالدقة المطلوبة
تاني يوم هتبصي في الورقة هتلاقي نفسك بتنفذي اللي فيها بسهولة

اسفه طولت اوي
اكتبيلي بس ايه الي انتي عاوزة تسالي عليه بالظبط وانا هدخل تاني اجاوبك

8 نوم
8 مذاكرة
4 دروس
1 اكل
2 راحة
1 سرحاان و تضييع وقت

= 24 ساعة

اسفه طولت اوي
اكتبيلي بس ايه الي انتي عاوزة تسالي عليه بالظبط وانا هدخل تاني اجاوبك

ربنا يخليك بجد افدتيني جدا جدا جدا ومش عارفة اشكرك ازاي ربنا يوفقك ان شاء الله
طيب انا كان عندي استفسار بالنسبة للمذاكرة تفضلي الكتب الخارجية ولا المذكرات ولا كتب المدرسة ؟؟
واي اهم المشاكل اللي واجهتيها في السنة دي ومعلش تعبتك معايا ..


8 نوم
8 مذاكرة
4 دروس
1 اكل
2 راحة
1 سرحاان و تضييع وقت

= 24 ساعة

شكرا بس صعب نقيد نفسنا بعدد ساعات معين للنوم وعدد معين للمذاكرة وعدد معين لـ .. بتبقا حاجة بتزهق اوي
ولا اي رأيكوا ؟

ربنا يخليك بجد افدتيني جدا جدا جدا ومش عارفة اشكرك ازاي ربنا يوفقك ان شاء الله
طيب انا كان عندي استفسار بالنسبة للمذاكرة تفضلي الكتب الخارجية ولا المذكرات ولا كتب المدرسة ؟؟
واي اهم المشاكل اللي واجهتيها في السنة دي ومعلش تعبتك معايا ..


شكرا بس صعب نقيد نفسنا بعدد ساعات معين للنوم وعدد معين للمذاكرة وعدد معين لـ .. بتبقا حاجة بتزهق اوي
ولا اي رأيكوا ؟

مع انى خلصت المرحلتين والحمد لله

وممشتش على اى جدول :d

لكن التزم بعدد ساعات النوم عشان كتر النوم بيخليك تكسل وقلة النوم بتخليك تهنج

السلام عليكم ورحمة الله وبركاته....انا شايف ان الصلاة بجد بتنظم الوقت ...انا معرفش اعمل اي جدول ..انا بذاكر المادة اللي ليا نفس اذاكرها ف الوقت اللي انا فيه...وفعلا انا محتاج تنظيم وقت خاصة لسنة تالتة وعامة لحياتي
وربنا يفرحنا كلنا بالنتيجة.

مفيش تعب ولا حاجة
بالنسبة للكتب فالسنة طويييييييييييلة
اهم حاجة كتب المدرسة و دليل التقويم
بس انا فعلا واجهتني مشكلة الكتب دي ان كل مادة كان ليها صف كتب طويييييل ودي كانت حاجة محبطة فالمهم اول السنة ان شاء الله لما تنزل كتب المدرسة والكتب الخارجية -درس بدرس-يعني مثلا انهاردة اخدت درس...... عند الاستاذ -طبعا المذكرات اجباري - لما ارجع البيت امسك مذكرة الاستاذ والكتاب الخارجي بتاع الشرح واقارن الشرح المكتوب هلاقي الاستاذ مزود شوة معلومات في المذكرة والكتاب الخارجي كمان مزود
نيجي بقه علي لمعلومات دي ونكتبها في ورقة و نضعها في مكانها في كتاب المدرسة بين الصفحتين في نفس الدرس
لو لقيتي تناقض اسالي الاستاذ وقوليلو كتاب المدرسة كتبها كذا لان من الاخر الامتحان مش بيخرج من كتاب المدرسة والدليل وامتحان السودان بتاع نفس السنه اللي لما ينزل هتلاقيه هنا علي الموقع او عند بائع الجرائد

والكلام ده ينطبق علي كل المواد بس حطي مكان كاب المدرسة الكتاب اللي هقولك عليه تحت


الكيمياء :- اهم حاجة للشرح كتاب المدرسة واتعودي علي المذاكرة منه
للتمارين الدليل وكتاب الامتحان بس بتكون فيه مسائل صعبة شوية كل الغرض منها تشغيل العقل ومبتجيش في الامتحان

العربي :-لما تاخدي مذكرة الاستاذ راجعيها مع كتاب المدرسة ولو لقيتيها منظمة وشاملة المعلومات اللي فيه يبقي تمام اما لو كانت غير كده اشتري الاضواء شرح
المراجعة من الدليل وكتاب الامتحان عربي رائع

الانجليزي:- المعاصر حلو وفيه تمارين كتير وطلعي اي كلمه تقابلك فيه مش عارفة معناها حتي لو كانت اختيار مش هتختاريه واكتبي المعاني والكلمات دي في كراسة وجمعي اقصي قدر ممكن من الكلمات ونصيحة واحنا في الاجازة لو بتتفرجي علي مسلسل او فيلم اجنبي علي الصوت وحاولي تربطي بين الصوت والترجمة وحبي الانجليزي -ده هوا الطريق الوحيد للتفوق فيه-
المراجعة :لازم الورك بوك حلي فيه من اول السنه وفيه كتاب اسمهyaser,s notesشامل كل حاجة بس لو لقيتيه ودليل التقويم برضو مهم جدااااااااااا

الفرنساوي: المعاصر حلو انا مجربتش حاجة تانيه ومذكرات الاستاذ والاساتذه هنا علي الموقع بينزلوا امتحانات جميلة

الرياضيات :لا غني عن المعاصر شرح وسيبك من اثبات القوانين مبيجيش في الامتحان
التمارين:المعاصر مسائل وكتاب المدرسه -كل امتاننا جاي منه بالارقام حتي-والدليل لو الاستاذ هيحل منوا معاكم

الدين ذاكريه من اول السنه

اهم حاجه الكتب اللي قلتلك عليها تحلي الدرس بدرسه والا هتيجي اخر السنه تلاقي عندك 5 ابراج من الكتب وهتكرهي نفسك صدقيني


انا مش قصدي اني اخوفك بس انا ملاحظه ان كل اللي بيتكلم علي الثانويه بيتكلم كانها سنه ورديه ومفيش فيها حاجة خالص-هي كده فعلا-بس لازم اواجهك بالواقع بنتيجة اي خلل ضغير ملحقتيهوش او يوم واحد اهملتي فيه

انا في سنه اولي الترم الاول كنت في المركز الثالث علي المدرسة واعتقدت ان مفيش اي فرصه اتفوق بيها علي اللي قبلي
عملت ايه:- قلت اعمل اللي عليا واسيب الباقي لربنا مع ان في ظروف كتير حصلت الترم الثاني وتعبت لفتره وحسيت ان الدنيا قفلت في وشي سبتها لله وخرجت من الامتحان وانا مش متوقعه اطلع العاشرة علي المدرسة
سبتها لله ومفرتش قبل النتيجه في كده
تتوقعي ايه..........طلعت الاولي علي المدرسة في الترمين مع بعض بدون مكرر بفرق درجتين كاملين بيني وبين الثانية
الحمد لله كل ده لاني توكلت علي الله بجد

اما بقي المرحلة الاولي فاول 3 شهور كانوا مثاليين بعد كده بدا الكسل والملل ويره لان كان في شوية اخطاء عملتها من اول السنه وهقولك علي شوية نصايح عشان تتجنبي كل ده ان شاء الله


اول حاجة بالنسبة للدروس ودي اهم حاجة
متروحيش عند اي مدرس عشان اصحابك رايحين عنده
لازم المدرس يكون خبرة ومشهور وتعرفي شخصيا حد كان عنده -من سنه او اتنين فاتوا-جاب النهائية وتسالي اللي كان عنده عن نظام المدرس في كل حاجة من قبل ما تروحيلوا عشان تعرفي تظبطي نفسك علي نظامه من اول السنه
لو حسيتي انوا اهمل كسل حاجة زي كده حاولي تنشطيه بالاسئله
لازم علي الاقل يكون مدرس اول او موجه مش مجرد مدرس عشان الخبرة زي ماقلت ويكون بيعمل امتحانات شاملة كتير اثناء السنة
اوعي تفضلي عند مدرس وانتي حاسه انوا بدا ياهمل سيبيه علي طول والحقي نفسك
لازم تكون المجموعة كبيرة بس مش قوي يعني حولي20 ويكون فيها حد شاطر عشان يبقي فيه منافسة
حاولي تجمعي الدروس وسيبي لنفسك يومين فاضيين لو امكن عشان اهم حاجة مذاكرتك

هفتكر كمان شوية نصائح وابقي اكتبها
اي حاجة عايزة تسالي عليها انا في الخدمة بس ادعيلي

مفيش تعب ولا حاجة
بالنسبة للكتب فالسنة طويييييييييييلة
اهم حاجة كتب المدرسة و دليل التقويم
بس انا فعلا واجهتني مشكلة الكتب دي ان كل مادة كان ليها صف كتب طويييييل ودي كانت حاجة محبطة فالمهم اول السنة ان شاء الله لما تنزل كتب المدرسة والكتب الخارجية -درس بدرس-يعني مثلا انهاردة اخدت درس...... عند الاستاذ -طبعا المذكرات اجباري - لما ارجع البيت امسك مذكرة الاستاذ والكتاب الخارجي بتاع الشرح واقارن الشرح المكتوب هلاقي الاستاذ مزود شوة معلومات في المذكرة والكتاب الخارجي كمان مزود
نيجي بقه علي لمعلومات دي ونكتبها في ورقة و نضعها في مكانها في كتاب المدرسة بين الصفحتين في نفس الدرس

فعلا طريقة حلوة اوي اوي ومنظمة وحلت مشكلة كانت في بالي واله بجد الف شكر ليكي :)

لو لقيتي تناقض اسالي الاستاذ وقوليلو كتاب المدرسة كتبها كذا لان من الاخر الامتحان مش بيخرج من كتاب المدرسة والدليل وامتحان السودان بتاع نفس السنه اللي لما ينزل هتلاقيه هنا علي الموقع او عند بائع الجرائد

هو دليل التقويم دا كتاب خارجي عادي بيتشري من اي مكتبة ولا اي نظامه ؟؟ معلشي سامحيني اصل انا دي تاني سنة ليا في مصر بس ومش عارفة النظام وحاسة ان في ففبالي مليوون سؤال

والكلام ده ينطبق علي كل المواد بس حطي مكان كاب المدرسة الكتاب اللي هقولك عليه تحت


الكيمياء :- اهم حاجة للشرح كتاب المدرسة واتعودي علي المذاكرة منه
للتمارين الدليل وكتاب الامتحان بس بتكون فيه مسائل صعبة شوية كل الغرض منها تشغيل العقل ومبتجيش في الامتحان

انا بعد نفكيير عميق قررت اخد احياء ان شاء الله ادعيلي بقا :)

العربي :-لما تاخدي مذكرة الاستاذ راجعيها مع كتاب المدرسة ولو لقيتيها منظمة وشاملة المعلومات اللي فيه يبقي تمام اما لو كانت غير كده اشتري الاضواء شرح
المراجعة من الدليل وكتاب الامتحان عربي رائع

الانجليزي:- المعاصر حلو وفيه تمارين كتير وطلعي اي كلمه تقابلك فيه مش عارفة معناها حتي لو كانت اختيار مش هتختاريه واكتبي المعاني والكلمات دي في كراسة وجمعي اقصي قدر ممكن من الكلمات ونصيحة واحنا في الاجازة لو بتتفرجي علي مسلسل او فيلم اجنبي علي الصوت وحاولي تربطي بين الصوت والترجمة وحبي الانجليزي -ده هوا الطريق الوحيد للتفوق فيه-
المراجعة :لازم الورك بوك حلي فيه من اول السنه وفيه كتاب اسمهyaser,s notesشامل كل حاجة بس لو لقيتيه ودليل التقويم برضو مهم جدااااااااااا

الفرنساوي: المعاصر حلو انا مجربتش حاجة تانيه ومذكرات الاستاذ والاساتذه هنا علي الموقع بينزلوا امتحانات جميلة

الرياضيات :لا غني عن المعاصر شرح وسيبك من اثبات القوانين مبيجيش في الامتحان
التمارين:المعاصر مسائل وكتاب المدرسه -كل امتاننا جاي منه بالارقام حتي-والدليل لو الاستاذ هيحل منوا معاكم

الدين ذاكريه من اول السنه

معقول هسيب المواد المهمة واقعد اذاكر دين ..؟؟!! هو طيب منهجه كبيير ؟؟

اهم حاجه الكتب اللي قلتلك عليها تحلي الدرس بدرسه والا هتيجي اخر السنه تلاقي عندك 5 ابراج من الكتب وهتكرهي نفسك صدقيني


انا مش قصدي اني اخوفك بس انا ملاحظه ان كل اللي بيتكلم علي الثانويه بيتكلم كانها سنه ورديه ومفيش فيها حاجة خالص-هي كده فعلا-بس لازم اواجهك بالواقع بنتيجة اي خلل ضغير ملحقتيهوش او يوم واحد اهملتي فيه

حسيت بالواقعية المفقودة في كلامك ربنا يبارك فيكي وتدخلي الكلية اللي تتمنيها ان شاء الله ..

انا في سنه اولي الترم الاول كنت في المركز الثالث علي المدرسة واعتقدت ان مفيش اي فرصه اتفوق بيها علي اللي قبلي
عملت ايه:- قلت اعمل اللي عليا واسيب الباقي لربنا مع ان في ظروف كتير حصلت الترم الثاني وتعبت لفتره وحسيت ان الدنيا قفلت في وشي سبتها لله وخرجت من الامتحان وانا مش متوقعه اطلع العاشرة علي المدرسة
سبتها لله ومفرتش قبل النتيجه في كده
تتوقعي ايه..........طلعت الاولي علي المدرسة في الترمين مع بعض بدون مكرر بفرق درجتين كاملين بيني وبين الثانية
الحمد لله كل ده لاني توكلت علي الله بجد


بجد بجد بجد الحساة كلها ما هي الا توفيق من ربنا والله العظيم كل يوم بشوف موقف يدلل على كلامك دا
اعرف شخص كان جايب 95 في تانية وكمل علمي علوم لانه كان واخد احياء لكن اجتهد وعمل اللي عليه في تالتة وتوكل على ربنا وفي سنة تالتة جاب 100%% ودخل الكلية اللي كان بيحلم بيها فعلا والله كله توفيق من ربنا وبس
ربنا يوفقك ان شاء الله ..

اما بقي المرحلة الاولي فاول 3 شهور كانوا مثاليين بعد كده بدا الكسل والملل ويره لان كان في شوية اخطاء عملتها من اول السنه وهقولك علي شوية نصايح عشان تتجنبي كل ده ان شاء الله


اول حاجة بالنسبة للدروس ودي اهم حاجة
متروحيش عند اي مدرس عشان اصحابك رايحين عنده

عارفة الجملة دي استوقفتني كتير اوي
انا معنديش اصحاب في مصر تقريبا عايشة وحيدة مع ماما واخواتي ربنا يخليهم لكن جانب الصاقة عندي
مظلم اوي خصوصا لما سبت اصحابي في الكويت السنة اللي فاتت وسبت كل الناس اللي عرفتها وجيت عشت في مكان غريب اول مرة اعيش فيه مع ناس جديدة ياااااه حاجة بجد صعبة اوي انا مش عارفة لي بقولك الكلام دا
يمكن لاني متضايقة شوية ويمكن لاني مرتاحالك اووي معرفش بس يلا معلش صدعتلك دماغك ..
بجد ألف شكر ليكي


لازم المدرس يكون خبرة ومشهور وتعرفي شخصيا حد كان عنده -من سنه او اتنين فاتوا-جاب النهائية وتسالي اللي كان عنده عن نظام المدرس في كل حاجة من قبل ما تروحيلوا عشان تعرفي تظبطي نفسك علي نظامه من اول السنه
لو حسيتي انوا اهمل كسل حاجة زي كده حاولي تنشطيه بالاسئله
لازم علي الاقل يكون مدرس اول او موجه مش مجرد مدرس عشان الخبرة زي ماقلت ويكون بيعمل امتحانات شاملة كتير اثناء السنة
اوعي تفضلي عند مدرس وانتي حاسه انوا بدا ياهمل سيبيه علي طول والحقي نفسك
لازم تكون المجموعة كبيرة بس مش قوي يعني حولي20 ويكون فيها حد شاطر عشان يبقي فيه منافسة
حاولي تجمعي الدروس وسيبي لنفسك يومين فاضيين لو امكن عشان اهم حاجة مذاكرتك

زي ما قلتلك انا دي تاني سنة ليا في مصر ومش متعودة خالص على موضوع المجاميع الكبيرة دي
بالرغم ان اهلي اصروا يحجزولي عند مدرسين شاطرين في سناتر وكنت حاسة اني هواجه مشكلة كبيرة اوي
لكن عرفت من كلام الكل تقريبا انها حاجة بتفيد جداا ميرسي اويييي

هفتكر كمان شوية نصائح وابقي اكتبها
اي حاجة عايزة تسالي عليها انا في الخدمة بس ادعيلي


انا مش عارفة اشكرك ازاي او اقولك اي لكن بجد ربنا يوفقك ربنا يوفقك ووالله من كل قلبي بدعيلك ..
انا بحبك في الله ،،
نهى ،،


والسلام عليكم

هو دليل التقويم دا كتاب خارجي عادي بيتشري من اي مكتبة ولا اي نظامه ؟؟ معلشي سامحيني اصل انا دي تاني سنة ليا في مصر بس ومش عارفة النظام وحاسة ان في ففبالي مليوون سؤال

الدليل ده جنني طول السنه واشتريته مرتين ودفعت فيه اكتر من 100 جنيه لاني مكنتش اعرف حاجة ههههه
بصي انتي لما تيجي تستلمي الكتب من المدرسة هتلاقيهم بيقولولقك دليل التقويم بحوالي55-60 جنيه والحجز في شهر 9 عشان يكون معاكي في شهر10 انا بقا قلت اشتريه من الحكومة ووثقت في الكلام ودفعت الفلوس
وجاءت الثورة............طبعا مفيش حاجة جت واتحججوا بان الطريق مقطوع وهيجيبولنا الفلوس تاني ده كان في شهر 4 ....اشتريت الدليل من المكتبات بحوالي 25 جنيه وانتظرت الفلوس ..........نروح المدرسة نلاقي الدليل جه قبل الامتحان بحوالي 3 اسابيع ....طبعا ده كلام فارغ واحنا اللي دفعنا ثمنه 3 مرات والمفروض نحله قبل الامتحان ب3 ايام وللا حاجة

الخلاصة انتي هتلاقيه متصور وبيتباع في المكتبات اللي بتبيع الكتب الخارجية بتمن اقل بس استني لما حد من زمايلك يشوف ايه احواله في المدرسة
اشتري العربي والانجليزي والاحياء والرياضة اما الفرنساوي مالوش لازمة
انا بعد نفكيير عميق قررت اخد احياء ان شاء الله ادعيلي بقا :)
ربنا معاكي انا كمان ان شاء الله السنادي احياء يلا هنكون مع بعض بس برضو انا هطبق نفس الكلام واذاكر من كتا المدرسة
اصل المعلومات الزيادة مجردلفتح العقل اما وانتي بتراجعي للامتحان هتلاقي نفسك حفظاها فمتركزيش عليها
اهم حاجة في الاحياء الرسم والحفظ والفهم..........ان شاء الله هتكون جميلة
انا هاخد فيزياء وعلم نفس وانجليزي مستوي رفيع ..........ربنا معانا
لو احتجتي حاجة في الاحياء ابقي اساليني

معقول هسيب المواد المهمة واقعد اذاكر دين ..؟؟!! هو طيب منهجه كبيير ؟؟
لا ده صغير خالص وسهل انا قصدت علي مدار السنه يعني احفظي صورة الكهف وكل جمعة بصي شوية فيه بس
انا اقصد متسيبيهوش لاخر السنه بس

حسيت بالواقعية المفقودة في كلامك ربنا يبارك فيكي وتدخلي الكلية اللي تتمنيها ان شاء الله ..
يارب
اي حاجة انا في الخدمة اسالي ميهمكيش

شكرااااااااااااااااااااااااا بجد نصايح حلوة اوووووووى يا لونا يلاا قولى كمان كمان نصايح قوليلى اخد فى المادة الواحدة اكتر من درس؟؟؟؟

هو دليل التقويم دا كتاب خارجي عادي بيتشري من اي مكتبة ولا اي نظامه ؟؟ معلشي سامحيني اصل انا دي تاني سنة ليا في مصر بس ومش عارفة النظام وحاسة ان في ففبالي مليوون سؤال

الدليل ده جنني طول السنه واشتريته مرتين ودفعت فيه اكتر من 100 جنيه لاني مكنتش اعرف حاجة ههههه
بصي انتي لما تيجي تستلمي الكتب من المدرسة هتلاقيهم بيقولولقك دليل التقويم بحوالي55-60 جنيه والحجز في شهر 9 عشان يكون معاكي في شهر10 انا بقا قلت اشتريه من الحكومة ووثقت في الكلام ودفعت الفلوس
وجاءت الثورة............طبعا مفيش حاجة جت واتحججوا بان الطريق مقطوع وهيجيبولنا الفلوس تاني ده كان في شهر 4 ....اشتريت الدليل من المكتبات بحوالي 25 جنيه وانتظرت الفلوس ..........نروح المدرسة نلاقي الدليل جه قبل الامتحان بحوالي 3 اسابيع ....طبعا ده كلام فارغ واحنا اللي دفعنا ثمنه 3 مرات والمفروض نحله قبل الامتحان ب3 ايام وللا حاجة

الخلاصة انتي هتلاقيه متصور وبيتباع في المكتبات اللي بتبيع الكتب الخارجية بتمن اقل بس استني لما حد من زمايلك يشوف ايه احواله في المدرسة
اشتري العربي والانجليزي والاحياء والرياضة اما الفرنساوي مالوش لازمة
انا بعد نفكيير عميق قررت اخد احياء ان شاء الله ادعيلي بقا :)
ربنا معاكي انا كمان ان شاء الله السنادي احياء يلا هنكون مع بعض بس برضو انا هطبق نفس الكلام واذاكر من كتا المدرسة
اصل المعلومات الزيادة مجردلفتح العقل اما وانتي بتراجعي للامتحان هتلاقي نفسك حفظاها فمتركزيش عليها
اهم حاجة في الاحياء الرسم والحفظ والفهم..........ان شاء الله هتكون جميلة
انا هاخد فيزياء وعلم نفس وانجليزي مستوي رفيع ..........ربنا معانا
لو احتجتي حاجة في الاحياء ابقي اساليني

معقول هسيب المواد المهمة واقعد اذاكر دين ..؟؟!! هو طيب منهجه كبيير ؟؟
لا ده صغير خالص وسهل انا قصدت علي مدار السنه يعني احفظي صورة الكهف وكل جمعة بصي شوية فيه بس
انا اقصد متسيبيهوش لاخر السنه بس

حسيت بالواقعية المفقودة في كلامك ربنا يبارك فيكي وتدخلي الكلية اللي تتمنيها ان شاء الله ..
يارب
اي حاجة انا في الخدمة اسالي ميهمكيش


شكرا اوي يا حبيبتي بجد افدتينا جدااا الف شكر ليكي
بالتوفيق ان شاء الله :)

بجد موضوع رائع بارك الله فيكم جميعا
وانا احتاج بالفعل لمثل هذه النصائح لأنى داخل تانية السنادى ان شاء الله
وعندى طاقة جامدة جدا والحمد لله بس يارب متخلصشى منى .
وانا متابع معاكم الموضوع وياريت كل حد يحط رأيه وياريت بلاش احباط من حد ( اللى عاوز يحبطنا يخلى رأيه لنفسه )

استنى بس تظهر النتيجه
و انشاء الله اى حد محتاج يعرف اى حاجه عن المرحله الاولى هيعرفها
سواء كانت تنظيم وقت او مذاكره او كتب دروس مواد كل حااااااااااااااااااااااجه و ربنا يوفق الجميع

شكرااااااااااااااااااااااااا بجد نصايح حلوة اوووووووى يا لونا يلاا قولى كمان كمان نصايح قوليلى اخد فى المادة الواحدة اكتر من درس؟؟؟؟


لا مواد المرحلة الاولي مش مستاهلة اكتر من درس
لان ده هيكون تضييع وقت والمواد سهلة ان شاء الله بس اهم حاجة المذاكرة اول باول
مدرس واحد شاطر وبيعمل امتحانات كتير+طالب مجتهد بيذاكر ويحل كتير+توكل علي الله=الاول علي الثانوية العامة ان شاء الله

اي حاجة انا في الخدمة

لا مواد المرحلة الاولي مش مستاهلة اكتر من درس
لان ده هيكون تضييع وقت والمواد سهلة ان شاء الله بس اهم حاجة المذاكرة اول باول
مدرس واحد شاطر وبيعمل امتحانات كتير+طالب مجتهد بيذاكر ويحل كتير+توكل علي الله=الاول علي الثانوية العامة ان شاء الله

اي حاجة انا في الخدمة

انا ناوية اخد في الاحياء ان شاء الله درسين واحد في البيت وواحد مع مجموعة برا عشان الاحياء بتبقا عاوزة فهم وحفظ كتيير وعشان اعرف اركز فيها انتي اي رأيك ؟؟

بجد موضوع رائع بارك الله فيكم جميعا
وانا احتاج بالفعل لمثل هذه النصائح لأنى داخل تانية السنادى ان شاء الله
وعندى طاقة جامدة جدا والحمد لله بس يارب متخلصشى منى .
وانا متابع معاكم الموضوع وياريت كل حد يحط رأيه وياريت بلاش احباط من حد ( اللى عاوز يحبطنا يخلى رأيه لنفسه )

ربنا معانا كلنا
انا مش بحاول احبطكم ولا حاجة .......بس انتا تقدر تضمن الظروف المحيطة اللي ممكن تتغير من غير ارادتك
احنا مثلا الثورة كانت في نصف العام وكلنا كنا قلقانين علي بلدنا ومحدش قدر يركز ويفتح كتاب لحد مالثورة نجحت واطمنا والحمد لله
فترة18 يوم كافية انك تنسي كل حاجة قبلها
بعد كده ذاكرنا من الاول والحمد لله السنه طويلة

لازم تعمل اعتبار لاي حاجة ممكن تحصل
وبرضو زي ماقلت قبل كده ممكن تكون سنه وردية وتفوت بسرعة لوكانت عندك القدرة انك تتخطي العقبات
لان فعلا هتقابلك عقبات

استنى بس تظهر النتيجه
و انشاء الله اى حد محتاج يعرف اى حاجه عن المرحله الاولى هيعرفها
سواء كانت تنظيم وقت او مذاكره او كتب دروس مواد كل حااااااااااااااااااااااجه و ربنا يوفق الجميع

ان شاء الله
الف شكر لييكي ،

انا ناوية اخد في الاحياء ان شاء الله درسين واحد في البيت وواحد مع مجموعة برا عشان الاحياء بتبقا عاوزة فهم وحفظ كتيير وعشان اعرف اركز فيها انتي اي رأيك ؟؟


الاحياء ممكن
انا لسه محجزتش الدروس منتظرة النتيجة
ربنا يستر

جميله اووووووي نصايحك لينا ربنا يوفقنا كلنا يارب ويعدي السنتين دول علي خير

جميله اووووووي نصايحك لينا ربنا يوفقنا كلنا يارب ويعدي السنتين دول علي خير


ان شاء الله

بجد انتي رائعة وربنا يحققلك احلامك كلها ان شاء الله

السلام عليكم
رجعت بعد شهور لاجد الموضوع مرة اخري
ذكري كتابته جميله قوي
دلوقتي كلنا في "مفرمة"المراجعة........بس انا متفائلة خير وان شاء الله قريب اكتب موضوع جديد يفيدني ويفيدكم في مرحلة المراجعة
بالرغم من ان اصدقائي سالوا وانا جاوبت ساعتها
لكني دلوقتي معاكم في مرحلة المراجعة وانا هاسال واجاوب
ادعولي اقدر اعمل الموضوع
سلام:022yb4:

انا في 3 ثانوي السنة دي وطبق علي نظام الاخوان وعندي 7 مواد تضاف للمجموع و باخد 7 دروس وفي اوقات مخلفة والفرق بين الدروس كبير وده بيضيع الوقت نفس حد يساعدني علي تنظيم وقتي اقصي درس عندي بيكون الساعة 6 مساء وانا نفس ادخل كلية الطب ويا رب وفقني وكنت عاوزة استفيد بخبرة حد كان في سنة 3 السنة الماضية ودخل طب

بجد موضوع رائع انا نفسى اخش كلية الطب ادعولى وادعو لنفسكم معايا