ممكن مساعده ياباشمهندسين...بليز؟؟؟ [الأرشيف] - بوابة الثانوية العامة المصرية

مشاهدة النسخة كاملة : ممكن مساعده ياباشمهندسين...بليز؟؟؟

Eng..LiNa

12-07-2011, 01:01 PM

انا دلوقتي الحمد لله خلصت 2 ث علي خير
يعني متوقعه لنفسي 96 باذن الله او في الحدود دي
دلوقتي ..انا من زمان وانا نفسي اخش كلية هندسه
بس بقي دلوقتي بيتقالي ان الهندسه شغلها مش كتير
وهيبقي صعب اني اشتغل بعدما اتخرج
وكمان ان فرص البنات ف الشغل مش كويسه

دوقتي انا عايزة اسال اي باش مهندس بيتدرب او بيشتغل
الكلام ده صح؟؟

ومعلش سؤال كمان
هو قسم بترول اللي فالقاهرة ده في بنات؟؟لو في بنات هل كويس اني ادخله ولا لا؟؟(من حيث فرص الشغل والدراسه)
طب وايه اكتر اقسام عموما مناسبه للبنات؟؟؟(في الدراسه وفي الشغل برده )
"مع العلم ان انا من اسكندريه"

معلش هتعبكم معايا وميرسي ليكم مقدماااا

الداعى الى الله

12-07-2011, 02:08 PM

انا شايف ان الهندسة للبنات مش كويسة انتى ممكن تدخلى علمى علوم وتدخلى صيدلة اواسنان او تمريض
يعنى افضل كلية للبنات التمريض والصيدلة عشان فيها تكليف

vampire_3ala2_16

13-07-2011, 02:32 AM

فكري واحدة واحدة
اول حاجة اتعبي في تالتة عشان ان شاء الله تدخلي هندسة
تاني حاجة : لو انتي فعلا حابة كليه هندسة ادخيليها ومتفكريس في الشغل ولو نت متميزة فعلا ان شاء الله هتدخلي هندسة وهتشتغلي احسن شغل
وانا بصراحة بقالي 3 سنين في الكلية واول مرة اسمع ان ملهاش شغل :d !

Eng..LiNa

13-07-2011, 10:02 AM

انا شايف ان الهندسة للبنات مش كويسة انتى ممكن تدخلى علمى علوم وتدخلى صيدلة اواسنان او تمريض
يعنى افضل كلية للبنات التمريض والصيدلة عشان فيها تكليف
اوك طبعا راي ويحترم جدااا
ولكن بصراحه انا مش حابه مجال الطب ده خالص:(
"وانا مش بتكلم كده وخلاص انا عندي اخواتي الاتنين دكاترة"
شكرا لردك

فكري واحدة واحدة
اول حاجة اتعبي في تالتة عشان ان شاء الله تدخلي هندسة
تاني حاجة : لو انتي فعلا حابة كليه هندسة ادخيليها ومتفكريس في الشغل ولو نت متميزة فعلا ان شاء الله هتدخلي هندسة وهتشتغلي احسن شغل
وانا بصراحة بقالي 3 سنين في الكلية واول مرة اسمع ان ملهاش شغل :d !

حاضر...انا بسال بس عشان اخش بقلب جامد :)
ميرسي جدا علي رد حضرتك :)

WWE_CENAA2

14-07-2011, 04:21 AM

امير الهدوء

14-07-2011, 05:40 AM

انا شايف ان الهندسة للبنات مش كويسة انتى ممكن تدخلى علمى علوم وتدخلى صيدلة اواسنان او تمريض
يعنى افضل كلية للبنات التمريض والصيدلة عشان فيها تكليف

تخش اي حاجه الا التمريض صحيح مهنه بنات وكمان بدأ ياخد من 95 بس حرام اسأليني انا كنت جايب 95.7 وملحقتش حتي بيطري وللاسف دخلت تمريض وادينا بنصارع التعب النفسي يوميا نصيحه ليكي ولكل الطلبه محدش يخش تمريض

امير الهدوء

14-07-2011, 05:42 AM

اما بالنسبه لحبك للهندسه فسأليني انا مجرب
خشي الحاجه اللي انتي حاباها واوعي تسمعي لحد وصدقيني محدش ادرى بمستقبلك غيرك اسمعي صوتك بس لو خشيتي حاجه مش بتحبيها ممكن ماتمشيش فيها وكمان بعد ماتخلصيها تندمي انك في مجال مش عاوزاه وكمان مياله لمجال تاني

Agent-47

16-07-2011, 02:19 AM

انا أنصحكي كليه بقالها 20 سنة و محدش يعرفها قوي
بس لو عرفتيها هتلاقيها من أرقى و أندر الكليات و منها تلاته بس في الشرق الأوسط

واحده في القاهرة ،،، و واحده في الدمام ،،، و واحده في تل أبيب

كلية التخطيط العمراني و الإقليمي ...... دوري عن الكليه دي و على فكره دي أحسن بكتير من عماره و مدني و الحجات دي كلها لأنك بتتخصصي بس في أهر سنه اللي هي سنه خامسه و حتى لو اتخصصتي في مجال الشغل مابيبصوش انتي اتخصصتي في إيه و إنما أنتي فاهمه ولا لا

و على فكره مجالها كتير جدا .... لو تسمعي عن مدينتي و الرحاب و سته أكتوبر و التجمعات اللي في مدينه نصر و العاشر من رمضان و كل المدن الجديده ،،، هي الكلية دي اللي بتعملها و بتخططها من الأول للآخر

مش بقول كده عشان انا فيها ،،، لا ،،، عشان فعلا انا محستش بقيمتها غير لما دخلتها

و أرجو أني قد أفتدك

Eng..LiNa

17-07-2011, 12:05 PM

عادي جداً علي فكرة , في بنات كتير جداً في هندسة , و ليهم شغل متقلقيش ..
و في أقسام كتير جداً مناسبة للبنات , زي اقسام عمارة و كميا "علي سبيل المثال و ليس الحصر" :)
و بردو ممكن اتصالات و كدا .. بترول معنديش خلفية اوي بصراحة كشغل
بس كدراسة احنا عندنا بنات في قسم بترول في الكلية عادي جداً ..

الاقسام اللي مفهاش بنات "الا نادراً " , ميكانيكا و طيران(قسمي) :) ..

و ربنا يوفقك ان شاء الله و تقدري تدخلي هندسة اللي نفسك فيها بأذن الله ..

ميرسي علي رد حضرتك طمنتني ربنا يطمن قلبك :)
وميرسي ع الدعوة الجميلة دي

اما بالنسبه لحبك للهندسه فسأليني انا مجرب
خشي الحاجه اللي انتي حاباها واوعي تسمعي لحد وصدقيني محدش ادرى بمستقبلك غيرك اسمعي صوتك بس لو خشيتي حاجه مش بتحبيها ممكن ماتمشيش فيها وكمان بعد ماتخلصيها تندمي انك في مجال مش عاوزاه وكمان مياله لمجال تاني

ميرسي علي نصيحتك وانا ان شاء الله هتمسك باللي بحبه:)

انا أنصحكي كليه بقالها 20 سنة و محدش يعرفها قوي
بس لو عرفتيها هتلاقيها من أرقى و أندر الكليات و منها تلاته بس في الشرق الأوسط

واحده في القاهرة ،،، و واحده في الدمام ،،، و واحده في تل أبيب

كلية التخطيط العمراني و الإقليمي ...... دوري عن الكليه دي و على فكره دي أحسن بكتير من عماره و مدني و الحجات دي كلها لأنك بتتخصصي بس في أهر سنه اللي هي سنه خامسه و حتى لو اتخصصتي في مجال الشغل مابيبصوش انتي اتخصصتي في إيه و إنما أنتي فاهمه ولا لا

و على فكره مجالها كتير جدا .... لو تسمعي عن مدينتي و الرحاب و سته أكتوبر و التجمعات اللي في مدينه نصر و العاشر من رمضان و كل المدن الجديده ،،، هي الكلية دي اللي بتعملها و بتخططها من الأول للآخر

مش بقول كده عشان انا فيها ،،، لا ،،، عشان فعلا انا محستش بقيمتها غير لما دخلتها

و أرجو أني قد أفتدك

كتر خيرك علي فكرة والله كنت لسة هسال ع الكلية دي لاني سمعت انها حلوة جدااا
ميرسي علي نصيحتك :)

mazzo

17-07-2011, 05:20 PM

Agent-47

19-07-2011, 04:09 AM

بعد اذنك بس متقولش كلية احسن من كلية
يعنى انا اقدر اقولك انتا تقدر تصمم كبارى ومنشأت زى المدنى؟:p

لا طبعا مقدرش ،،، بس اقدر أقولك تعمل الكوبري ده هنا و لا لا ،،، و تعمله امته و فين و عشان إيه

ENG.HAGAR

19-07-2011, 05:19 AM

يا باشمهندسين انا ان شاء الله ناوية ادخل هندسة عين شمس
وكنت عايزه اعرف هو اتوبيس الجامعة مصاريفه كام ؟
جزئية تانية انا اخويا كان فى هندسة عين شمس قسم مدنى " بس هو للاسف مسافر " علشان كدة انا بسأل حضراتكم هو هندسة عين شمس قسم عمارة يتطلب من الواحد يكون رسمه كويس كمعمارى ولا الواحد بيتعلم جوا الجامعة ؟؟؟؟
بارك الله فيكم

ENG.HAGAR

19-07-2011, 10:40 PM

الرجااااااااااااااء الرد يا باشمهندسين

Agent-47

22-07-2011, 04:30 PM

أي كليه هدفها انها تعلم اللي مش عارف حاجه خااالص

و في عماره بيعلموكي الرسم كأنك متعلمتيش رسم قبل كده و طبعا مع الرسم الكتير و التعود الوضوع هيبقى سهل جدا معاكي

و ده بلسان زميل ليا في عماره