نظام الثانويه العامه الفاشل [الأرشيف] - بوابة الثانوية العامة المصرية

مشاهدة النسخة كاملة : نظام الثانويه العامه الفاشل

sasaatwa

13-07-2011, 06:08 AM

اصعب يوم في حياة كل لاعب في نادي الثانويه العامه في مصر هو يوم النتيجه:(.
الواحد لو قعد يفكر هيحس ان اليوم ده بيتحكم في مصيره ومستقبله بشكل كبير يعني هيلاقي وظيفه مناسبه براتب مناسب ولا هيقعد علي القهوه مع الشله:d<ده في مصر بس:angry2:>باقي الدول عادي كل المجالات متساويه مفيش قمه وقاع.الكلمه ده بتفكرني ان احنا كلنا بنتسلق جبل لو نجحت انك تكمل للنفس الاخير وكان معاك اشياء مساعده هتوصل للقمه<كليات القمه>ولو ضعفت ممكن تقع عند القاع وعندها استني حظك يا حلو يعني مفيش مستوي وسط مفيش رحمه الكلام ده مش حلو ودمه تقيل عشان بيفكر كل واحد بحقيقه مره هي نظام التعليم الفاشل في مصر.انا مش بحب اتكلم كتير بس موضوع الثانويه العامه ده موضوع كبير ومش عايز موضوع واحد ده عايز كتير من الموضوعات عشان نعرف ازاي تتحل الحكايه ده. وتكون كل الوظائف راتب واحد زي الدول العربيه كده مفيش معاناه للطالب هناك.انا عايز اطرح شوية اسئله ملهاش اجابه
ايه اللي اضافه زكي بدر للتعليم في مصر؟
ايه معني كلية قمه وقاع؟حاجه غريبه
واخر سؤال
ذنب الطلبه اللي بتنتحر اوبتفشل في تحقيق الاهداف الصعبه يقع علي مين؟
يعني مثلا شاب عنده 18 سنه لسه في بدايه حياته يستقبل الحياه ازاي؟؟؟بفشل بياس
لو حد لقي اجابه علي الاسئله ده ياريت يفيدنا

عاشقة الطفولة

13-07-2011, 06:40 AM

بس بس

اللهم اجعل كلامنا خفيف عليها

والله وانا بردو الاسئلة دي محيرناي بس نعمل ايه؟؟؟؟؟؟؟؟؟

التعليم المصري عايز كده

عايز ناس تحفظ لا تفهم وكمان عايزة اضيف اسئلة

المناهج اللي حاطينها دي ها نستافد بيها ايه افهم بس؟؟؟؟؟؟؟

والله والواحد بس ما بيخرج من الامتحان بيقول هو انا الحاجت دي اخدتها قبل كده بقيت حاجة مستفزة بجد

ولا منهج الكيمياء اللي بيقولوا اننا لازم نطبقه

ازاي نطبقه لما ييكون المدرس يقول موش لازم تروحوا المعمل النهاردة شوفوا الكتاب وخلاص

ربنا معانا والله بجد

ولا كمان الوزير موش ها يعتمد انتيجة غير لما يجي من السفر يا سلاممممم

والله انا عايزة اتبرع وامضيها بدل القلق اللي احنا فييه ده

طبعا هما موش حسيين ولا باهالي ولا بطلبة

hasan102

13-07-2011, 06:43 AM

مهما هانعد نتكلم ماحدش هيسمع ؟؟؟؟؟

عاشقة الطفولة

13-07-2011, 06:57 AM

اكيد يعني موش حد ها يسمع

THE CodeR

13-07-2011, 06:57 AM

لالالالالالا
احنا فكرنا زيكوا
و قلنا ان نظامنا فاشل بكل المقاييس
الناس بتشتكي
و الجرايد بتتكلم
و الناس بتندد
و مفيش حاجة بتتغير
لكن بعد الثورة
ربما بقي في صوت للطلبة زي ما بقي في صوت لكل الناس
احنا قررنا نطلب نقابل الوزير
و نعرض عليه تصورنا احنا
طلاب في التربية و التعليم
النظام الفاشل اثر علينا ازاي
ازاي ظلم الذكي و انصف الحفيظ
ازاي بيدمر الطموح و بيضيع المستقبل
ازاي بيغسل راس اذكي طفل في العالم ليحوله الي ماهو عليه
و كمان لازم نوصله احنا نفسنا نشوف التعليم ازاي
فياريت......تتكلموا و تقولوا النظام ده ظلمكوا في ايه
و مش عاجبكم في ايه
و تحبوا تشوفه فيه ايه
عشان نقدر نوصل صوتكم

sasaatwa

13-07-2011, 07:16 AM

sasaatwa

13-07-2011, 07:18 AM

THE CodeR

13-07-2011, 07:20 AM

قبل الثوره بعد الثوره مفيش حل ولا في حد هيسمعنا ربنا معانا مشكور علي المرور
محدش هيسمعك لانك بتكلم نفسك
لكن لما توصل كلامك بنفسك لولي الامر هيسمعك......

sasaatwa

13-07-2011, 07:54 AM

محدش هيسمعك لانك بتكلم نفسك
لكن لما توصل كلامك بنفسك لولي الامر هيسمعك......
مين بقه ولي الامر اللي يغيير مفهوم كليات القمه والقاع؟
مين ولي الامر اللي يحقق مساواه في الرواتب؟
مين ولي الامر اللي يمنع الدروس الخصوصيه؟
مين ولي الامر اللي ينهض بمناهج التعليم في مصر؟
احنا عايزين نلاقي ولي الامر ده

smsma81

13-07-2011, 08:21 AM

sasaatwa

13-07-2011, 08:27 AM

مين ولي الامر اللي معندوش سكرتاريه ونواب

مين ولي الامر اللي ممكن يسمع اللي الناس عايزه تقوله .مش اللي هو عايز يسمعه .

ولا حظ الاستسهال في الامور والسماع من كرف واحد زي .او عدم السماع اصلا كمان قيس علي كده محاوله ضرب النار علي المدرسين المتظاهرين في محافظه الاسكندريه من النائب المحافظ .
كام ولي امر مش بياخد رشوه عشان يخلص المصلحه ده؟
كام موظف مش بياخد رشوه؟
الاجابه.كتير بس مش في مصر في دول الخليج والدول الغربيه.
مشكوره علي المرور

sasaatwa

13-07-2011, 10:06 AM

مهما هانعد نتكلم ماحدش هيسمع ؟؟؟؟؟
يا ريت توضح رايك بالضبط

THE CodeR

13-07-2011, 10:35 AM

مين بقه ولي الامر اللي يغيير مفهوم كليات القمه والقاع؟
الحاج الوزير طبعاً بتطويره للتعليم

مين ولي الامر اللي يحقق مساواه في الرواتب؟
موضوع الرواتب معرفش افتي فيه
مين ولي الامر اللي يمنع الدروس الخصوصيه؟
دي نتيجة مش سبب فالاصح علاج السبب اللي هو تحسين مستوي التعليم في المدارس
مين ولي الامر اللي ينهض بمناهج التعليم في مصر؟
احنا عايزين نلاقي ولي الامر ده
نرجع كده لنقطة الصفر
السيد الوزير الجديد احمد جمال موسي معروف بين المدرسين انه استاذ كويس
مسك فترة و عشان كان عايز يشتغل شالوه من الوزارة
و ليا بعض اصدقائي قدروا انهم يدخلوا و يقابلوه مرة و عرضوا عليه افكارهم و مطالبهم و فعلاً اتنفذت اغلبها حتي الان
و اعتقد ان طلبنا بمزيد من الاحترام في المرة التانية بإذن الله لن يرفض
عشان كده بقول نطلب.....بأحترام
و ناخد الطريق الصح لكده
منفعش
يبقي التظاهر هو الحل المتبقي

المياة

13-07-2011, 12:23 PM

يا استاذ مين اللي بيسمع وبيتحرك
لما يجي نموذج اجابة الامتحان مخالف لما في كتاب الوزاره
ويطلع مستشار الماده يقول هو ده النموذج تصححوا عليه واللي يمتنع يعاقب
شويه ويطلع وزير التربيه والتعليم يقول نماذج الاجابه ليس بها أخطاء
نواجهم بعيوب التعليم
يقولوا طيب طيب هنغير ومفيش حاجه بتحصل
صفحة الوزاره اللي معموله علشان يسمعوا آراء الطلاب ادخل عليها
كل ما احد يشتكي من حاجه واحد يرد يقول خلينا في اللي احنا فيه دلوقتي وكل حاجه في وقتها
يبقى فين التغيير وفين اللي بيسمع؟؟؟؟؟؟؟؟؟؟؟!!!!!!!!!!!!!!!!!!!
نظام التعليم فاشل ودي حقيقه
لكن من يوم ماوعيت وأنا بسمع كلمة تطوير التعليم ومفيش تغيير
لا أتوقع في الأربع سنوات اللي فاضلين أن في شئ هيتغير
حتى لو اتكلمنا من هنا للصبح أو على الأقل لحد ما حال البلد يستقر