مشاهدة النسخة كاملة : مرتبات المعينون الجدد بالشرقيه ولنا الله
mmagdy_81 13-07-2011, 02:41 PM السلام عليكم
انا اخوك من محافظه الشرقيه(اداره شرق ) تعيين 14/2/2011
احب ان اوضح ان المرتبات الجديده اتعملت على الاساسى واحد لكل المعينون حتى الحصه والمكافاه الشامله وهو 219ج
واللى يفرق الحصه والمكافاه عن اللى امتحنوا الكادر هو فقط بدل الاعتماد
باختصار
مرتب الحصه والمكافاه الشامله المعينون 370ج
مرتب المعلمين الجدد 450ج +اضافه العلاوه الاجتماعيه للمتزوجين يصل الى 456ج
يابلالالالالاش
اما بالنسبه ل200 فى الميه فالكلام غير مستقر ناس بتقول هناخدها من شهر 8 وباثر رجعى من 7 وناس بتقول ملناش فيها
وفى النهايه هى ده مصر ام الدنيا اللى دايما مبهدلنا
وحسبى الله ونعم الوكيل فى كل ظالم يرضى بان تعيش اسره كامله 456ج
ملحوظه توضيحيه :-
بتنزل فى شهر 7 من كل عام ملزمه فيها اسماء كل المعينين فى كل اداره تعليميه مكتوب فيها الاسم والدرجه الماليه والاساسى
ياريت كل واحد يبقى يشوف اسمه ويطمن .
ورجاء من كل المعينون بالقرارت المختلفه توضيح
محافظته والاساسى بتاعه واجمالى المرتب علشان نفهم احنا رايحين على فين ووضعنا ايه ؟
مع العلم ان مفيش مفردات مرتب بتنزل لان موظف الماهيات اللى فى المدرسه بيشتغل على الاساسى اللى فى الملزمه اللى جاى من المديريه .هذا للعلم
اسف على الاطاله وشكرا
hoduko 13-07-2011, 02:52 PM عندنا في الادارة فعلا وصل الكلام ده الاساسي 219 بس المتعينين بالقرار 75 هيخدو 420 مش 370
eslamic 13-07-2011, 02:52 PM طب وانت إسمك نزل في الملزمة ولا لأ لإني إدارة بلبيس واسمي ما نزلش
محمد السويركى 13-07-2011, 02:57 PM الله
طب والكادر
والحد الادنى
وحافز الاثابة
mmagdy_81 13-07-2011, 03:01 PM طب وانت إسمك نزل في الملزمة ولا لأ لإني إدارة بلبيس واسمي ما نزلش
ازيك يااسلام اخبارك ؟
انا اسمى موجود فى الملزمه وقدامى الدرجه الثالثه والاساسى
ياعم ده حتى بتوع الحصه والمكافاه اسمائهم نزلت
على فكره فى ملحق للاسماء متقلقش وكمان واحد زميلى من الاساسيين تعيين قديم ملقاش اسمه راح جابه من التسويات فى الاداره
اما بخصوص الناس اللى امتحنوا 1/4 مفيش اى حاجه عنهم خالص لان لم يصدر قرار تعينهم حتى الان والله اعلم
علىسمير 13-07-2011, 03:02 PM الكلام ده صح قبل بس قبل القرار الجديد بتاع حافز الاثابه
والقرار واضح جدا ومش لازم ندى فرصه حد يقول هتاخد ولا مش هتاخد حافز اثابه لان القرار واضح وصريح ان المعلم هياخد دون المساس بالكادر والمكافأه....اظاهر الثوره علمتنا منصبرش
mmagdy_81 13-07-2011, 03:03 PM الله
طب والكادر
والحد الادنى
وحافز الاثابة
ده المرتب بالكامل بالكادر
حافز الاثابه ناس بتقول من 8 باثر رجعى من 7 وناس بتقول مفيش
الحد الادنى فى علم الغيب
mmagdy_81 13-07-2011, 03:05 PM الكلام ده صح قبل بس قبل القرار الجديد بتاع حافز الاثابه
والقرار واضح جدا ومش لازم ندى فرصه حد يقول هتاخد ولا مش هتاخد حافز اثابه لان القرار واضح وصريح ان المعلم هياخد دون المساس بالكادر والمكافأه....اظاهر الثوره علمتنا منصبرش
ماانا وضحت الكلام ده وقلت ان الموظف قالى من شهر 8 باثر رجعى من 7 يعنى لم ااخطا
eslamic 13-07-2011, 03:07 PM ازيك يااسلام اخبارك ؟
انا اسمى موجود فى الملزمه وقدامى الدرجه الثالثه والاساسى
ياعم ده حتى بتوع الحصه والمكافاه اسمائهم نزلت
على فكره فى ملحق للاسماء متقلقش وكمان واحد زميلى من الاساسيين تعيين قديم ملقاش اسمه راح جابه من التسويات فى الاداره
اما بخصوص الناس اللى امتحنوا 1/4 مفيش اى حاجه عنهم خالص لان لم يصدر قرار تعينهم حتى الان والله اعلم
الله يسلمك انا الحمد لله تمام
طمنتني يا راجل وبالذات بموضوع إن اسمك مكتوب قدامه الدرجة الثالثة
وإن شاء الله هشوف موضوع الإسم في الإدارة
الف شكر
mmagdy_81 13-07-2011, 03:14 PM الله يسلمك انا الحمد لله تمام
طمنتني يا راجل وبالذات بموضوع إن اسمك مكتوب قدامه الدرجة الثالثة
وإن شاء الله هشوف موضوع الإسم في الإدارة
الف شكر
بص انت تروح الى الاداره بتاعتك قسم التسويات وتقلهم ان اسمك سقط من الملزمه وهم هيدوك ورقه فيها كل حاجه او هيدلوك تعمل ايه ؟
وبعين موضوع كتابه الدرجه من عدمه لا يهم فالدرجات غير موجوده ولكن معلم يوازى فى الكادر الدرجه الثالثه
انت فاهمنى طبعا :(
المريسي 13-07-2011, 03:34 PM الصبر مفتاح الفرج
mohamaha33 13-07-2011, 03:58 PM اتقوا الله شوية بقى
احنا داخلين فى السنة التالتة ب100 جنية مفيش ولا جنية زيادة
انتم اتعينتوا وبتاخدوا مرتب احسن مننا بكتير وكمان بتتامروا
صحيح الانسان مش بيملى عينة غير التراب
جنى الجنة 13-07-2011, 05:25 PM لا حول ولا قوة الابالله
aswan.com 13-07-2011, 06:34 PM ازيك يااسلام اخبارك ؟
انا اسمى موجود فى الملزمه وقدامى الدرجه الثالثه والاساسى
ياعم ده حتى بتوع الحصه والمكافاه اسمائهم نزلت
على فكره فى ملحق للاسماء متقلقش وكمان واحد زميلى من الاساسيين تعيين قديم ملقاش اسمه راح جابه من التسويات فى الاداره
اما بخصوص الناس اللى امتحنوا 1/4 مفيش اى حاجه عنهم خالص لان لم يصدر قرار تعينهم حتى الان والله اعلم
صباح الخير احنا اللي امتحنا 1\4 اتعينا واستلمنا عمل علي درجة معلم بقرار244 وارجووووووووك بلاش تاليف:stickjo4:
merna hanm 13-07-2011, 06:38 PM انا تابع ادارة غرب الزقازيق التعليمية وعينت معلم مساعد بتاريخ 24 -5 -2011 وعملت استمارة قبض شهر 6 والله العظيم وطلع الاجمالى بالظبط 325 جنيه فقط لاغير وكان الاساسى بالظبط 183 جنية والحوافز 45 جنيه والاجمالى 325 جنيه ..
merna hanm 13-07-2011, 06:44 PM هو بيتكلم صح اذا كان الاساسى فعلا 219 جنيه فسوف تجد الاجمالى بالظبط 370 جنيه وانا باصرف 100 جنيه مواصلات يبقى الاجمالى بتاعى 270 جنيه يعنى مرتب واحد شحات طبعا
حمدى أبوزيد 13-07-2011, 08:40 PM في إدارة أبوحمص الأساسي 231 والمرتب 517
abo feby 13-07-2011, 09:53 PM اية ياعم انت وهو انا من اولاد صقر مفيش كلام من كلامكم دة الاساسى مازال 183.5 مش 219
انتوا جبتوا الكلام دة منين؟؟؟؟؟؟؟؟؟؟؟؟؟؟؟؟؟
KAPTEN82 13-07-2011, 10:32 PM الكل ميعرفش حاجة الرجاء الصبر
يثرب28 13-07-2011, 10:56 PM انا تبع ادارة ادكو في البحيرة لسه عملين كشف المرتبات الاساسي 219والاجمالي 438.6
يثرب28 13-07-2011, 10:59 PM صباح الخير احنا اللي امتحنا 1\4 اتعينا واستلمنا عمل علي درجة معلم بقرار244 وارجووووووووك بلاش تاليف:stickjo4:
ارجوك طمنى انت منين وادارة ايه
لانى متعاقدة من 2004 بس امتحنت الكادر 1/4 ولسه مش عرفه اسمى نزل ولا لا
المريسي 13-07-2011, 11:28 PM ارجوك طمنى انت منين وادارة ايه
لانى متعاقدة من 2004 بس امتحنت الكادر 1/4 ولسه مش عرفه اسمى نزل ولا لا
في الاقصر الاسماء نزلت وفي ناس استلمت
سيلفانو 13-07-2011, 11:29 PM اتقوا الله شوية بقى
احنا داخلين فى السنة التالتة ب100 جنية مفيش ولا جنية زيادة
انتم اتعينتوا وبتاخدوا مرتب احسن مننا بكتير وكمان بتتامروا
صحيح الانسان مش بيملى عينة غير التراب
واحنا مالنا بيك يا عم هو احنا اللى بنديك ال 100 جنية دى
احنا ناس تعبت وشقيت عشان تاخد فالاخر 450 جنية
فالاخر مش حرام ده يا اخى
وال 100 جنية اللى انت زعلان انك بتاخدها بقالك 3 سنين انا قعدت 5 سنين باخدها
احنا مش بنتأمر انت اللى كلامك باين فيه الحقد
فاطمةعلى 14-07-2011, 07:58 AM صباح الخير احنا اللي امتحنا 1\4 اتعينا واستلمنا عمل علي درجة معلم بقرار244 وارجووووووووك بلاش تاليف:stickjo4:
مش كل المحافظات نفذت القرار
mmagdy_81 14-07-2011, 08:39 AM السلام عليكم
فى البدايه انا بشكر كل من علق على هذا الموضوع بالسلب او بالايجاب
بصوا ياجماعه من غير نرفزه ولا عصبيه ولا مين قال ومين عاد ,استمارات المرتب هتتعمل على ا لاساسى183ج وانت اساسيك 219ج؟ ليه
لان احنا كان اساسينا 183ج واضافه العلاوه 36ج بدون العلاوه الدوريه 4ج لانه لازم يمر سنه ميلاديه على تعينك لصرف العلاوه
وعلى فكره الملزمه اللى بقولكم عليها ده مكتوب قدامها برده العلاوه الدوريه واحنا لا (المعينون الجدد )
خلى اى واحد فى الماهيات يعملك بقى مرتبك من غير دوشه وهتشوف انت هتقبض كام ؟ وضيف ليهم العلاوه الاجتماعيه المعروفه
انا بس عايز افهمكم جزء بسيط ان احنا العام الماضى كان اساسينا 183ج وكنا بنقبض على الاساسى القديم 153ج واتعملنا كل حاجه على اساسى القديم ده
فى كلتا الاحول الارقام اللى زى 508 او غيرها لن يصل ليها مرتب اى معين جديد والايام بينا
انت اساسى 219ج وهيتعملك المرتب على اساسى 183ج
كادر 91ج
وبقيت الكلام الفاضى المعروف
واعتقد ان مفيش محافظه هتختلف عن التانيه الا المحافظات اللى بتصرف بدلات للمناطق النائيه غير كده مفيش
والله اعلم
اشرف البدوى 14-07-2011, 10:10 AM اما يبقى فيه تعيين الاول بعدها نشوف المرتبات
حرام عليكو !!!!!!!!!!!!!!!!!!!!!!!!!!!!!!!!!!!!!!!!
miro86 14-07-2011, 01:33 PM يا جماعة انا مدرسة بالحصة و متعينة جديد منذ سنة تقريبا و مش معايا عقد لكن بيتعمل لينا ترخيص عمل و بيجدد كل سنه .
ايه مصيري من التثبيت ؟ ارجو الافادة
ادارة بلبيس - الشرقية
amrmohamad 14-07-2011, 02:01 PM ما هو المرتب الجديد للمعلم المساعد بعد تعيينه معلم بعد تطبيق الحد الادنى
mmagdy_81 14-07-2011, 02:23 PM يا جماعة انا مدرسة بالحصة و متعينة جديد منذ سنة تقريبا و مش معايا عقد لكن بيتعمل لينا ترخيص عمل و بيجدد كل سنه .
ايه مصيري من التثبيت ؟ ارجو الافادة
ادارة بلبيس - الشرقية
مين اللى قال الكلام ده كل الحصه تم تعينهم طبقا للقرار ال75 وده حصل معانا فى اداره شرق محافظه الشرقيه وانا معايا ناس اتعينوا فى المدرسه كانوا بالحصه
وربنا معاكم لا تسكتوا عن حقوقكم
|