شعارنا قال الله قال الرسول [الأرشيف] - بوابة الثانوية العامة المصرية

مشاهدة النسخة كاملة : شعارنا قال الله قال الرسول

عاشق البلانكو الابيض

13-07-2011, 05:28 PM

وجوه وجوه فى كل مكان موجودة
ومع ان رحلة الحياة كلها معكوسة
والناس فيها على امرها مغلوبة
الا ان جوانا شئ بيحذرنا
من الناس المطبوعة
اه والله مطبوعة يعنى نسخة ومنسوخة

نسخة ومنسوخة مش فاهم ولا كلمة
خلينى افهمك واكلمك
عن صديق والدى الوقور اللى
دايما بنحترمه ونوقره
كان دايما رايح المسجد
اه اصله متدين وعارف دينه وحافظ قرانه
ولا مرة فى كلامه الا لما يستشهد بحديث
رسولنا الكريم وكلامه
وكل الناس بتبوس ايده من كتر احترامه
اه اصله وقور ومحترم
ودى الحياة اللى للناس معروفة

ومرة راجع متاخر من مدرستى
لاقيت عمى بيكلم مدرستى
انتبهت دا عمى ده اه والله هو
ازاى بيكلم ستات قلت يمكن مصالح
وبعد فترة اتكرر الموقف
واتكرر كمان

ايه ده لازم اعرف ازاى الدين يسمح بهذا الكلام
قلت اروح لبيته واساله
ويا رتنى ما روحت عارفين ليه
لاقيته بيتساير مع ميمى وتوتو ولولو
وبيضحك بصوت عالى رنان
ايه دا
معقولة دا صاحب والدى الوقور
مش قلتلكم نسخة ومنسوخة

عنده الاساسى للتعامل بين الناس
اصله مصلى ويعرف ربنا
وعنده النسخة الاحتياطى للبيت
يعنى عند اللزوم
اصله لازم يعوض العمر اللى راح
يعنى وجهين لعملة واحدة

وتايهة فى وسطهم الحقيقة
ولما كشفته قال اثبت ده
وقال اصله ولد جحودمبيعرفش حدود

طيب بالذمة يرضيكم نعيش مع نسخة ومنسوخة
وامتى يا ربى هتظهر الحقيقة
وهيعرفوا ازاى انه متعقد نفسيا

ايه رايكم نتعامل ازاى مع النسخة المنسوخة ؟؟؟
وازاى نظهر حقيقتها للناس علشان يفهموا؟؟؟

scream angle

13-07-2011, 05:34 PM

T!to

13-07-2011, 05:40 PM

من اصعب الاشياء اللى بشوفها لما الاقى واحد زى ده
مش متخيل ازاى يعمل كده ؟؟
اكيد قلبه وضميره مات
بس الموضوع ده مش مقياس ع المتدينين فقط
لا فيه زى ده من يدعى الشىء وهوه عكسه
زى الاحترام وهوه غيررر
الادب وهوه غيررر
وهكذا
انما تكتشفه ازاى بيبقى صعب ع فكرة لان الانسان اللى يوصل انه يخدع دينه
بيوصل لدرجة عالية من الخداع
فيبقى سهل عليه انه يخدع انسان عادى .
لكن اكيد فيه اذكى منه
وهوه اكيد هيقع
موضوع جميل شكرا يا بلانكو :d

حلم الحياة 1

13-07-2011, 05:42 PM

دى طبعا اسمها المظاهر الكدابه الانسان يظهر عكس ما يبطن ويكون ليه وشين علشان يعوض النقص اللى عنده تسلم ايدك
موضوع جميل وناس كتير نسخة ومنسوخة

عاشق البلانكو الابيض

13-07-2011, 05:55 PM

اعوذ بالله بجد ده شخص معقد نفسيا و ده مرض ودائما التمس للناس العذر وهو انه ليس على المريض حرج كى اساير تلك الحياة ومن راقب الناس مات هما

عندك حق ده مريض نفسيا طبعا ومحتاج علاج كتير بس ايه ذنب الضحايا اللى بتقع فى ايده يعنى ولا هنقول احنا مالنا لازم الناس دى تبان على حقيقيتها حتى لو فى مشاكل
شكررا على مشاركتك الجميلة

scream angle

13-07-2011, 06:11 PM

عندك حق ده مريض نفسيا طبعا ومحتاج علاج كتير بس ايه ذنب الضحايا اللى بتقع فى ايده يعنى ولا هنقول احنا مالنا لازم الناس دى تبان على حقيقيتها حتى لو فى مشاكل
شكررا على مشاركتك الجميلة

ضحايا ؟؟؟ بجد مش عارفه ايه حله بس لازم تنصحه ولو مرضاش عرفه عائلته كلها مرضاش جيب ميكروفون وافضحه :d

سيف العدل البتار

13-07-2011, 09:16 PM

ايه رايكم نتعامل ازاى مع النسخة المنسوخة ؟؟؟
بالنسبة لتعامل مع اى شخص (منافق) على راى واحد اعرفه و انت معرفتوش على حقيقته او انت ظنت انه محترم وهو خيب ظنك هتعامل على اساس انك تعتبر ان مش موجود خالص على راى واحد اعرفه برضه.

وازاى نظهر حقيقتها للناس علشان يفهموا؟؟؟
الزمان هيظهر هذه الحقيقة التى سوف تسقط مع الوقت وعندها اما انت مصيب فى ما قولت او مخطا وعند ذلك يتضح كل شئ وتظهر الحقيقة لجميع.

موضوع جــــــــــتميل
وفعلا مهم
شكــــــــــرا يا محمود

عاشق البلانكو الابيض

13-07-2011, 09:19 PM

عاشق البلانكو الابيض

13-07-2011, 09:24 PM

دى طبعا اسمها المظاهر الكدابه الانسان يظهر عكس ما يبطن ويكون ليه وشين علشان يعوض النقص اللى عنده تسلم ايدك
موضوع جميل وناس كتير نسخة ومنسوخة

عندك حق والله وخصوصا كمان الناس اللى بتعمل كده من خلال الانترنت ما تعرفيش تكشفيه بسهولة
شكررا لمرورك الجميل

عاشق البلانكو الابيض

13-07-2011, 09:27 PM

ضحايا ؟؟؟ بجد مش عارفه ايه حله بس لازم تنصحه ولو مرضاش عرفه عائلته كلها مرضاش جيب ميكروفون وافضحه :d

اه للاسف ضحايا امال توتو وسوسو يبقوا ايه بس للاسف الضحية بتبقى مخدرة بكلامه والفضايح ممكن تخليها تتمسك بيه اكتر مش ضحية بقا :d
شكررر على مرورك

عاشق البلانكو الابيض

13-07-2011, 09:31 PM

سيف العدل البتار

13-07-2011, 09:50 PM

يعنى هتسكت على شئ غلط لا طبعا الساكت عن الحق شيطان اخرس ولا انت رايك ايه ومش لازم نسيبها للزمن نقول الحق وخلاص
شكررا لمرورك يا احمد منور

بالنسبة لشخص اللى بيكون ذو وجهين اكيد هيتكشف واكيد فى ناس كتير بتعرفه و ده من اسلوبه ولكن لازم يتاكد الجميع ولكن الزمان هو وحده القادر على اثبات ذلك..
ولكنى لم اقول لك ان تكون شيطان اخرس ولكن اقول انك انت لو قولت الحقيقة الان سوف يظن الجميع انك انت المخطئ وذلك لانهم مخادوعين فى هذا الشخص.............
و من وجهة نظرك انك تقول الحق وخلاص مش هيكون فى عواقب...؟؟؟؟

عاشق البلانكو الابيض

13-07-2011, 10:00 PM

بالنسبة لشخص اللى بيكون ذو وجهين اكيد هيتكشف واكيد فى ناس كتير بتعرفه و ده من اسلوبه ولكن لازم يتاكد الجميع ولكن الزمان هو وحده القادر على اثبات ذلك..
ولكنى لم اقول لك ان تكون شيطان اخرس ولكن اقول انك انت لو قولت الحقيقة الان سوف يظن الجميع انك انت المخطئ وذلك لانهم مخادوعين فى هذا الشخص.............
و من وجهة نظرك انك تقول الحق وخلاص مش هيكون فى عواقب...؟؟؟؟

يعنى انت يهمك الناس وما يهمكش الاخلاق والمبادئ وانك تكون صادق مع نفسك قدام ربنا بس سواء كشفته او ما كشفتوش الناش مش بيعجيها العجب اذا اللى يهمنى ربنا مش الناس

Sofia El-behairy

13-07-2011, 10:01 PM

موضوع رائع و نفس فكره موضوعى ( كفى هذا و اسقط قناعك ) الى هو نفاق و تعدد الاقنعه

الى زى دول يجب تجنبهم اصلا

عاشق البلانكو الابيض

13-07-2011, 10:04 PM

موضوع رائع و نفس فكره موضوعى ( كفى هذا و اسقط قناعك ) الى هو نفاق و تعدد الاقنعه

الى زى دول يجب تجنبهم اصلا

اه قريب من فكرة موضوعك بس بطريقة صريحة وجديدة مش عارف كل الناس بتحب تشوف الغلط وتسكت ليه ما هو ده اللى مودينا فى داهية فى كل شئ
شكررا لمرورك الرائع

سيف العدل البتار

13-07-2011, 10:13 PM

يعنى انت يهمك الناس وما يهمكش الاخلاق والمبادئ وانك تكون صادق مع نفسك قدام ربنا بس سواء كشفته او ما كشفتوش الناش مش بيعجيها العجب اذا اللى يهمنى ربنا مش الناس

لالا انت فهمتنى غلط من الاخلاق والمبادئ انك يهمك الناس وتهمك مشاعر الاخرين حتى لا تفهم بشكل خطأ

وطبعا المهم فى الاخر رضا ربنا سبحانه وتعالى عنك و الناس فعلا مش بيعجبه العجب ولكن الحق كائن و يعجب اى انسان الا من ظلم.

عاشق البلانكو الابيض

13-07-2011, 10:19 PM

لالا انت فهمتنى غلط من الاخلاق والمبادئ انك يهمك الناس وتهمك مشاعر الاخرين حتى لا تفهم بشكل خطأ

وطبعا المهم فى الاخر رضا ربنا سبحانه وتعالى عنك و الناس فعلا مش بيعجبه العجب ولكن الحق كائن و يعجب اى انسان الا من ظلم.

مااشى انت بتقول الحقيقة علشان تعرف الناس هما حريين يصدقوا ولا لا وفى الاخر يتحملوا نتيجة اختيارهم

zozza love

13-07-2011, 10:51 PM

اولآً احيك يا محمود على الموضوع الجميل
عايزه اقول لك انى لسه من ساعه تقريباً شايفه حاجه زى اللى بتقول عليها دى
فعلا والله مناظر عجيبه
وهو ده النفاق بعينه
بس هو كده بينافق نفسه قبل ما ينافقنا
بالنسبه لسؤالك الآول
وازاى نتعامل معاهم
هو اننا نحسسهم اننا عارفين حقيقتهم ومش نعمل قدهم اننا عبط ومش فاهمين علشان ياخدوا بالهم من تصرفاتهم شويه مع الناس على الاقل قدمنا
وبالنسبه للسؤال التانى
وازاى نظهر حقيقتهم للناس ، اننا نتعامل معاهم على نفس مبادئهم اللى مخبينها عن الناس مش مبادئهم المزيفه علشان الكل يعرف الحقيقه المره
بجد موضوع جميل
جزاك الله خيراً

"(شروق) "sh*m

13-07-2011, 11:19 PM

موضوع مهم جدآآ وفعلا يحتاج للمناقشه..لانى عن نفسى شوفت من دا كتيييييير للاسف((((

ايه رايكم نتعامل ازاى مع النسخة المنسوخة ؟؟؟

دول بئا بيبقو مع الوحش وحش والحلو حلو
لو كويسين هيبقو كويسين مع كل الناس..اما بئا نتعامل معاهم ازاى الاول ..نصيحه مقبلوش ففى طرق كتتتتير
وازاى نظهر حقيقتها للناس علشان يفهموا؟؟؟
لا اظهرها للناس صعب لانى زى ما بيقولو مابحبش الفضايح وكفايه فضحته يوم القيامه ديه بجد كفاااايه

موضوع شيق وكل سنه وانتم طيبين^^

أ/رضا عطيه

14-07-2011, 03:21 AM

ربنا يهدينا جميعا

موضوع جميل وهادف

جزاك الله خيرا

عاشق البلانكو الابيض

14-07-2011, 12:54 PM

رقيه.

14-07-2011, 12:54 PM

عاشق البلانكو الابيض

14-07-2011, 12:57 PM

عاشق البلانكو الابيض

14-07-2011, 01:04 PM

ربنا يهدينا جميعا

موضوع جميل وهادف

جزاك الله خيرا

امين يا رب العالمين شكررا لمشاركتك استاذ ضياء منور

عاشق البلانكو الابيض

14-07-2011, 01:10 PM

فعلا في ناس كده كتير
والمشكلة ان الناس دي بيكونوا اكتر ناس ممكن تثق فيهم انهم كويسين وانهم لايمكن يعملوا حاجة غلط
وفي الاخر الانسان يكتشف انهم مش بالصورة دي
وعلشان ناس زي دول نفقد الثقة في كله
ربنا يرحمنا برحمته ويهدي الجميع

بارك الله في حضرتك
بجد موضوع جميل

فعلا حضرتك قولتى نقطة مهمة الناس دول بيكونوا اكتر ناس نعرفهم وبنثق فيهم وللاسف بتبقى صدمة كبيرة
وعلشان كده لازم نخلى بالنا مش كل شئ شكررا لمرورك الجميل

روووووز

14-07-2011, 01:50 PM

وهو ده حالنا كل واحد بقناع وده بيشكل اغلبية المجتمع العربى :o
احنا جنبنا شيخ بس ده مجرد اسم بس بيوقف يتكلم ويهزر مع الستات :o
وفى ناس النفاق بيجرى فى دمها :d
اما بالنسبة للتعامل معاهم انا محبش اتعامل مع النوع ده كفاية نظرة الناس ليه :angry2:واحتكارهم له
اما بالنسبة اظهره للناس ازاى ان الله حليم ستار محبش الفضيحة لحد لانه اصلا بيكون معروف من نفسه من طريقة كلامة وتعامله مع الاخرين
ممكن احذره الاول وابين له ان الدين لا يدعو الى النفاق واذا لم يتراجع هو حر وجزاءة عند ربنا

انما الامم الاخلاق مابقيت فان هم ذهبت اخلاقهم ذهبوا :)

طالبة المعالى

14-07-2011, 02:36 PM

قرأت الموضوع أكثر من خمس مرات من ساعة ما نزل امبارح
أرجو تقبل النقد بصدر رحب على حسب فهمى للموضوع

اول حاجة\ ايه علاقة العنوان بالموضوع؟
أحنا عايزين ننزه كلام الله والرسول عن تصرفات أمثال هؤلاء
أتمنى يكون فى عنوان أنسب

كفاية جدا قول الله فى المنافقين

بَشِّرِ الْمُنَافِقِينَ بِأَنَّ لَهُمْ عَذَابًا أَلِيمًا * الَّذِينَ يَتَّخِذُونَ الْكَافِرِينَ أَوْلِيَاءَ مِنْ دُونِ الْمُؤْمِنِينَ أَيَبْتَغُونَ عِنْدَهُمُ الْعِزَّةَ فَإِنَّ الْعِزَّةَ لِلَّهِ جَمِيعًا وَقَدْ نَزَّلَ عَلَيْكُمْ فِي الْكِتَابِ أَنْ إِذَا سَمِعْتُمْ آيَاتِ اللَّهِ يُكْفَرُ بِهَا وَيُسْتَهْزَأُ بِهَا فَلَا تَقْعُدُوا مَعَهُمْ حَتَّى يَخُوضُوا فِي حَدِيثٍ غَيْرِهِ إِنَّكُمْ إِذًا مِثْلُهُمْ إِنَّ اللَّهَ جَامِعُ الْمُنَافِقِينَ وَالْكَافِرِينَ فِي جَهَنَّمَ جَميعا* إِنَّ الْمُنَافِقِينَ يُخَادِعُونَ اللَّهَ وَهُوَ خَادِعُهُمْ وَإِذَا قَامُوا إِلَى الصَّلَاةِ قَامُوا كُسَالَى يُرَاءُونَ النَّاسَ وَلَا يَذْكُرُونَ اللَّهَ إِلَّا قَلِيلًا * مُذَبْذَبِينَ بَيْنَ ذَلِكَ لَا إِلَى هَؤُلَاءِ وَلَا إِلَى هَؤُلَاءِ وَمَنْ يُضْلِلِ اللَّهُ فَلَنْ تَجِدَ لَهُ سَبِيلًا * يَا أَيُّهَا الَّذِينَ آمَنُوا لَا تَتَّخِذُوا الْكَافِرِينَ أَوْلِيَاءَ مِنْ دُونِ الْمُؤْمِنِينَ أَتُرِيدُونَ أَنْ تَجْعَلُوا لِلَّهِ عَلَيْكُمْ سُلْطَانًا مُبِينًا * إِنَّ الْمُنَافِقِينَ فِي الدَّرْكِ الْأَسْفَلِ مِنَ النَّارِ وَلَنْ تَجِدَ لَهُمْ نَصِيرًا * إِلَّا الَّذِينَ تَابُوا وَأَصْلَحُوا وَاعْتَصَمُوا بِاللَّهِ وَأَخْلَصُوا دِينَهُمْ لِلَّهِ فَأُولَئِكَ مَعَ الْمُؤْمِنِينَ وَسَوْفَ يُؤْتِ اللَّهُ الْمُؤْمِنِينَ أَجْرًا عَظِيمًا (146)النساء

ثانى حاجة\ أنا جلست أفكر أن الناس دى مش محتاجين مجرد نقد وبس دول محتاجين شفقة وهداية ومعاونة على ردهم للصواب
أنا مثلا ايه اللى يأمنى من مكر الله
إنى ممكن أكون زيهم وأسوأ ممكن ربنا يبتلينى وانتكس يبتلينى وأكون منافق ممكن تذل قدمى بعد ثبوتها فساعتها أكيد هحتاج حد صادق يمد لى يد العون
مش يفرج الناس عليا

ثالث حاجة \مينفعش خالص أبص للناس بمثالية علشان دا امام مسجد لازم يكون كذا وكذا وهكذا قياسا
كل انسان على وجه الأرض بيخطأ وممكن أخطاء كبيرة وفى الاخر يختم له بخاتمة سعادة
نتأمل أنه رغم التوعد اللى فى الآيات إلا أنهم لو تابوا وأخلصوا واصلحوا قبلت توبتهم

جزاك الله خير على الموضوع لانه خلانى أراجع حاجات كتير

صوت العقل

14-07-2011, 08:33 PM

حقيقى موضوع جميل وهادف .. وعايش بينا و جوا حياتنا نسخ كتير ..
كلها بتعيش تحت ستار الدين لكن دواخلهم كلها نفاق وخداع ..
بينسوا ان الله سبحانه وتعالى دايما مطلع عما فى الصدور ..
وحقيقى دايما يشغلنى ليه الناس دى بتكون بوجهين ..اكيد
اما بتكون طباع فيهم او تعويض لشئ ناقص فى حياتهم ..
جزاك الله خيرا على الموضوع ..

عاشق البلانكو الابيض

14-07-2011, 10:04 PM

عاشق البلانكو الابيض

14-07-2011, 10:13 PM

عاشق البلانكو الابيض

14-07-2011, 10:15 PM