هموم الثانوية!!!!!!!!!!!!!!!!!!! [الأرشيف] - بوابة الثانوية العامة المصرية

مشاهدة النسخة كاملة : هموم الثانوية!!!!!!!!!!!!!!!!!!!

سارة عطالله

14-07-2011, 01:03 PM

الوقت شيء من ذهب
وكل وقتنا ذهب

في كتب على كتب
من كتب إلى كتب

لا مرح ولا لعب
ولا مجال للهرب

فذاكرنّ جيدا
أو فاستعد لتنضرب

ترى الشباشب العظام
من الرؤوس تقترب

ترى الحزام ساطعا
مثل النيازك الشهب

ترى الجراحات هنا
وها هنا حتى الركب

أهملت أيها الشقي
تبغي الهنا بلا تعب

نفوسنا تعقدت
كتبنا هي السبب

كيمياء نهر مالح
فيزياء جسم ما انجذب

أحياء بيض نابت
والبذر منه فوق لب

حساب جذر سالب
وجمع طرحٍ ما ضرب

والأرض سطح منحني
والشمس منها تقترب

بـ(Is ) و ( Your ) ابدأن
( because ) سل عن السبب

ولخبطن وخرفن
و( Yes ) جاوب لا تهب

تتابعت همومنا
أتانا كرب بعد كرب

تحصيل بؤس وشقا
كيف الجواب ؟ لا تجب

قياس قدرة العقول
والعقل من هنا هرب

وهل بعقلي بله
لكي أعيش للكتب؟

صرنا إذا نمنا نرى
في حلمنا شيئا عجب

نرى أبا جهل هنا
نرى هنا أبا لهب

نرى نيوتن الغبي
جسم سقط جسم جذب

ومندل الأحمق ذاك
الحمق من أين اكتسب

من لم يفده علمه
تراه حتما في اللهب

يا رب أنت حسبنا
أنت المرجّى في الكرب

فاغفر لكل هين
ولين عند الشغب

يساعد الطلاب لا
يبخل في رفع النسب

هذي هموم صغتها
في بيت شعر مضطرب

والله خير حافظا
والله خير من طلب

برنس أخر زمن2

14-07-2011, 01:06 PM

adel hasan

14-07-2011, 01:08 PM

يااااااااااااااااااااااااه كل ده؟ دا إنتى شايلة كتير فى قلبك ........ بس أنا مش عارف دا مجلد شعرى ولا نثرى ولاحلمنتيشى وهل تابع للعصر الجاهلى ولا العباسى ........... ولا دى تخارف ثانوية عامة ............. هههههههههه

سارة عطالله

14-07-2011, 01:09 PM

جمييييييييييييل

basma 2010

14-07-2011, 01:11 PM

سارة عطالله

14-07-2011, 01:13 PM

يعنى مش متحدد بالضبط
وله عايزنى اكون حتيتة وكله بالحرف زى نجيبة!!!!!!!!!!!!!!!!!!!!
بالتوفيق للجميع

برنس أخر زمن2

14-07-2011, 01:14 PM

:giljotiiniug3: الواحد وربنا تعب ع الأخر ومش عارف هيجيب صحة منين الصحة بقت ف النازل الواحد كان قبل الثانوية ذى الفل كدا صحة وجرى وفرحة...

دلوقتى مرض وحزن ويأس........:022yb4::022yb4:

adel hasan

14-07-2011, 01:15 PM

طبعا أكيد حلو طالما ســارة بتكتب ........... وبسمة بتعلق ......... فعلا أسماء تدعو للتفائل ... ربنا يوفقنا جميعا يارب.

بس حـــــــــــــــــــــــــــــــلو

سارة عطالله

14-07-2011, 01:20 PM

ربنا يخليك
ويوفقك تدخل هندسة بترول
انا عندى ابن خالى اخر سنة فى هندسة
بس كتيييييييييييير تعبان
ومتفرقش بينه وبين زميله
كلهم نضاره ومسطرة
متقلقش يا برنس
انت من الصبح بتهدينا
شكرا ليك بسمة على المرور
ربنا يوفقك

SARACAT

14-07-2011, 01:55 PM

تسلم ايديكى

سارة عطالله

14-07-2011, 01:57 PM

تسلم على المرور
ربنا يوفقك
ويوفقنا جميعا الى ما يحبه ويرضاه

dandana.s

14-07-2011, 02:04 PM

بجد والله العظيم جزاكى الله كل خير . قعدت اصحك كتييييييييييييييييييييييييير.ايوة كدة الواحد خرج من حالة الكابة اللى هو كان فيها وبجد تسلم ايدك يا قمر هى دى الحاجات اللى احنا لازم نقراها وكفاية بقى تعب اعصاب بجد بشكرك من كل قلبى لو عندك حاجات تانية انا مستية وربنا يوفقنا

سارة عطالله

14-07-2011, 02:10 PM

ربنا يخليك
يعنى ..........بقول نفك شويه
وبلاش ضغط اعصاب
انت علمى علوم ام رياضة؟

dandana.s

14-07-2011, 07:00 PM

ربنا يخليك
يعنى ..........بقول نفك شويه
وبلاش ضغط اعصاب
انت علمى علوم ام رياضة؟
انا بنوتة لسة فى سنة تانية

مروة ابو السعود

14-07-2011, 07:18 PM

ايه الكلام الجامد ده
يارب كلنا نجيب مجاميع عالية

سارة عطالله

14-07-2011, 09:57 PM

امين
ان شاء الله
اما البنوتة اللى فى تانية
شدى حيلك فى 3ث
وربنا يوفقك

انين

14-07-2011, 10:21 PM

هايلة يا سارة ربنا يكرمنا يا رب
سارة انتى من الشوبك اهناسيا يعنى ولا ايه؟؟؟؟ اصل لو كدة نبقى جيران

سارة عطالله

14-07-2011, 10:29 PM

انا فعلا مش من الشوبك اوى
يعنى بجواركم (ابورجوان)
بس انا ماعرفش حد اسمه انين
انت عارفنى ازاى؟

انين

14-07-2011, 10:35 PM

(ابورجوان)
ايه ابو رجوان مش عارفاها
ع العموم انتى من بنى سويف

سارة عطالله

14-07-2011, 10:38 PM

لأ انا مش من بنى سويف
انا من الجيزة

انين

14-07-2011, 11:03 PM

لأ اصل عندنا الشوبك فى بنى سويف اسفة تشابه اسماء

dandana.s

14-07-2011, 11:53 PM

امين
ان شاء الله
اما البنوتة اللى فى تانية
شدى حيلك فى 3ث
وربنا يوفقك
هلى فكرة انا اسمى سارة بردو وانا علمى وعايزة اقول لك ان القلق لبتوع سنة تانية بيبقى اكتر من سنة تالتة لان سنة تالتة المفروض انهم عدو التجربة دى قبل كدة وخلاص اتعودو عليها وعلى العموم بالتوفيق لينا كلنا

happy rose

15-07-2011, 12:56 AM

ههههههههههه لا بجد ياسارة جميلة تسلم ايدك

أنين الأنين

15-07-2011, 03:04 AM

ما شاء الله
بجددد جميله جدا تسلم ايدك

fantazia22

15-07-2011, 05:09 AM

هلى فكرة انا اسمى سارة بردو وانا علمى وعايزة اقول لك ان القلق لبتوع سنة تانية بيبقى اكتر من سنة تالتة لان سنة تالتة المفروض انهم عدو التجربة دى قبل كدة وخلاص اتعودو عليها وعلى العموم بالتوفيق لينا كلنا

بالعكس تماااااااااامااااااااااااااااااااا

تالتة بتبقى حياة او موت ... كن او لا تكون

انا ف تانية مكنتش قلقانة زى دلوقت ابداااااااااااااااااااااااا

.................

سارة

ضحكتينى والله جميييييييييييل :d

سارة عطالله

15-07-2011, 11:57 AM

شكر لكم جميعا
ربنا يوفقنا جميعا
اما عن القلق
اكيد فى 3
اكتر بكتييييييييييييييييييييييييييييييييييييير من2
لانك فى 2 عندك شوط ثانى للمبارة
اما فى 3
عندك هموم
يعنى.....................
النتيجة
التنسيق
امور المدينة الجامعية
ربنا يستر