مشاهدة النسخة كاملة : مسابقه المفتش زومبا
Mohamed_MA 14-07-2011, 03:00 PM http://img99.imageshack.us/img99/7424/69f36961c6.gif
اهلا بكل اعضاء بوابه الثانوية العامة
النهارده جايبلكم مسابقه جديدة يا رب تعجبكم وهى مسابقه
( المفتش زومبا) اخو المفتش كرومبو :d
طبعا انا هانزل حلقات كل يومين واللى هيجاوب صح ممكن ياخد مصاصه :d
والاجابات هتتبعت عالخاص
انتظرونا فى الحلقه الاولى
مع تحيات المفتش زومبا
Mohamed_MA 14-07-2011, 03:13 PM اهلا بكم في الحلقة الاولى لمسابقة
( المفتش زومبا )
النهارده حصلت حاجه غريبه جدا
اخونا امجد إشترى 2كيلو برتقال ابو صره عشان عنده شويه برد ولما وصل بيهم لباب العماره افتكر انه نسى يشترى كيلو لبن وكان واقف امام باب العماره على الرصيف التانى 3 من اعضاء المنتدى ؟؟؟
الاول : (محمد حلمى) الى كان واقف يسمع الام بى 3 وبيسمع اغنيه.
التانى : (نقاء الروح) اللى كانت واقفه بتبيع بوسترات لاحد الفنانين .
الثالث : (محمود ) واللى كان بيشرب عصير قصب فى المحل الى قدام العماره .
(امجد) ساب كيس البرتقال جنب باب العماره ورجع عشان يشترى اللبن
ولما اشترى اللبن ورجع ملقاش كيس البرتقال
راح جاى امجد متصل بيا على طووووووووووووووول عشان اجيله
طبعا ما صدقت الواحد مش لاقى شغل الايام دى
خاصه انى عارف ان امجد ما شاء الله معاه فلوس تهد جبال :d
والواحد عايز اى شلن يسد بيه شويه حاجات كدا:d
المهم انا روحت بنفسي للمشتبه فيهم
ولما سالت التلاته اذا كان حد فيهم شاف كيس البرتقال بتاع (امجد) قالوا:
1- (محمد حلمى) اف..بجد حاجه مش ممكن كيس برتقال ايه وبتاع ايه..يعنى ينفع كده تخرجنى من المود بتاع الاغنيه..بجد حاجه لا تطاق..ال برتقال ال.
2- (نقاء الروح) هع هع .. برتقال ايه الى انت جاى تقول عليه وواجع دماغنا عشان شويه 2 كيلو برتقال ابو صره..لو لاقيته هات واحده..هع هع
3- (محمود ) لا انا مشوفتش اى اكياس برتقال خالص انا واقفه بشرب فى العصير حتى لسه مخلصتوش.. تاخد شويه.
....
(امجد) معرفش مين الى سرق كيس البرتقال
بس انا عرفت
لو انت كمان عرفت
اتصل على الرقم ده
زيرو اربع اصفار صفرين زيرو
وابقى قابلنى لو كسبت حاجه.. :d:d
ملحوظه
كل ماتتصل اكتر فرصة فى الفوز تكتر
مع تحيات
المفتش زومبا مكتشف سرقات البرتقالات
zozza love 14-07-2011, 03:30 PM ههههههههههههههههه
انا عرفت اقول ولا لا ؟
عموما حقول نقاء
علشان هى عرفت منين ان 2 كيلو وكمان ابو صره
مش محتاجه فكاكه يعنى
هههههههههه
بس حلوه والله تسلم ايدك يا باشا
Mohamed.Helmy 14-07-2011, 03:51 PM الاول : (محمد حلمى) الى كان واقف يسمع الام بى 3 وبيسمع اغنيه.
1- (محمد حلمى) اف..بجد حاجه مش ممكن كيس برتقال ايه وبتاع ايه..يعنى ينفع كده تخرجنى من المود بتاع الاغنيه..بجد حاجه لا تطاق..ال برتقال ال.
هههههههههههههههههههههههههههههههههههههه
ماشي ماشي :p
بس زي ما قالت عزة بس هي كانت بعتت ع الخاص بس أصلها سهلة اوي :D
المرة الجاية خليها اصعب شوية
بس فكرة جامدة
بس حكت على ال****تر بتاعي اوي :D :D
Mohamed_MA 14-07-2011, 03:54 PM الاجابات بعد كدا على الخاص
وهابقى ادورلكوا على جايزة حلوة
وان شاء الله اللى جاى اصعب
هحاول اجيب حاجه كويسه
بس الواحد معندوش دماغ يفكر دلوقتى
Mohamed_MA 14-07-2011, 03:55 PM هههههههههههههههههههههههههههههههههههههه
ماشي ماشي :p
بس زي ما قالت عزة بس هي كانت بعتت ع الخاص بس أصلها سهلة اوي :D
المرة الجاية خليها اصعب شوية
بس فكرة جامدة
بس حكت على ال****تر بتاعي اوي :D :D
اوعى تكون زعلت :d
انا باجيب اى اسم بييجي فى دماغى
zozza love 14-07-2011, 04:46 PM أصل انت قولت الاجابه فى الموضوع عادى
بس اعتقد لو فى الخاص حيكون احسن
بس هى سهله اوى
عايزين المره الجايه اصعب
وبعدين فين جائزتى ؟
اين اشيائى يا محمد ؟
نصب من اولها ولا ايه؟
*moon* 14-07-2011, 04:51 PM ههههههههه فكرة الموضوع جميلة
بس كده عزة ليها عندك مصاصة:p
*ملحوظة*انا بهدى النفوس اى خدمة:d
ومتابعة معاكم ان شاء الله
Mohamed_MA 14-07-2011, 07:49 PM خلاص يا عزة ليكى مصاصه
بس اظن انتى كبيرة على الحاجات دى شويه
وان شاء الله هيكون في جايزة كويسه
للى هيفوز فى كذا حلقه
Mohamed_MA 14-07-2011, 07:51 PM جارى تحضير الحلقه الثانيه والاجابات هتكون عالخاص
ومده الحلقه يوم واحد فقط
Mohamed_MA 14-07-2011, 08:30 PM اهلا بكم في الحلقة اثانيه لمسابقة
( المفتش زومبا )
حلقتنا النهارده هتكون في بيت العز يابيتناhttp://www.neqashalhob.com/images/smilies/m9.gif طبعا كلكم عارفينه وهيكون ابطالها
عزة وصوفيا وبسمه ( عاشقه الطفوله)
طبعا انتوا عارفين انا مختار كله بنات ليه
اصل هم رغايين اووووووووووووووووووووووى
وانا ماشي جنب بيت العز ورايح البيت بيتكhttp://www.neqashalhob.com/images/smilies/m9.gif سمعت صوت عالي وزعيق جاي من بيت العز،،ولقيت التلاته معلقين علي الباب تقولش باب زويلهhttp://www.neqashalhob.com/images/smilies/m9.gif
فولت ياواد يا زومبا ادخل شوف في ايه دول مهما كانو بنات ويمكن دخل عليهم حرامي ولا حاجه حصلت عندهم..المهم جمدت قلبي ودخلت
تعالوا بقي نشوف ايه اللي حصل،،
الحج صاحب البيت ماسك موبايله وموقف عزة وصوفيا وبسمه
انتباه وبيسألهم
مين فيكم مسك الموبايل وقعد يرغي فيه لغايه ماخلص الرصيد اللي لسه شاحنه من ساعتين
ردت
عزة:انا اصلا لسه مغيره رقمي ومعنديش اي حد اكلمه ع الموبايل يبقي هاخد موبايلك ليه بقي
صوفيا:ردت وقالت وانا موبايلي فيه رصيد واصلا معرفش حد فودافون
بسمه:والله يابابا انا انا انا كنت بلعب بس ف الجيمز بعدين هكلم مين يعني ووااااااااااء
طبعا الحج عرف مين اللي خلص الرصيد ،،ياتري انتوا عرفتوا؟؟
لو أنت كمان عرفت اتصل على
زيرو أربع أصفار صفرين زيرو
ابقى قابلنى لو حد رد عليك
مع تحيات
المفتش زومبا
Mohamed.Helmy 14-07-2011, 09:01 PM الحج صاحب البيت ماسك موبايله وموقف
هههههههههههههههههههههههههههههههههههههههه
اصلي افتكرت محمد هنيدي فى جائنا البيان التالي .. الراجل اللى كان بيقول " الحاج صاحب البيت "
هههههههههههه
معلش يا محمد و الله أصلها تضحك :d :d
بس الاجابة سهلة برضه :p
Mohamed_MA 14-07-2011, 09:18 PM اعمل ايه
بعد كدا باذن الله تكون صعبه
بس يا ريت اللى يعرف يبعت عالخاص
"(شروق) "sh*m 14-07-2011, 10:01 PM هههههههههههههههههههههههههههههههههه
جمييله جدااا تسلم ايدك
Mohamed_MA 14-07-2011, 10:59 PM شكرا لكى على المرور
منتظر باقى الاجابات
zozza love 15-07-2011, 01:30 AM محمد انا بعت لك رساله بالاجابه
وهى شكلها صح
ولو صح يبقى انا كده جوبت مرتين
مش عايزين نصب يا محمد
ومش تقولى مصاصه
ده انا مش شفتها من سنين ياعم
كده عليك 2 مره حاسب على نفسك بقى :stickjo4:
Mohamed_MA 15-07-2011, 11:22 AM تم ارسال الاجابات
انتظروا الحلقه الجديده من مسابقه المفتش زومبا
Mohamed_MA 15-07-2011, 11:39 AM الاجابه كانت صوفيا
وطبعا اول واحد يجاوب صح ياخد 3 نقط والتانى 2 والثالث 1
وذلك حسب وقت ارسال الاجابه
Mohamed_MA 15-07-2011, 11:52 AM zoza love: 4
3 : "(شروق) "sh*m
mohammed helmy :2
mostafa093:2
(http://www.thanwya.com/vb/member.php?u=161636)
zozza love 15-07-2011, 01:33 PM zoza love: 4
طيب لسه ما شفتش جائزه ؟
ماشى يا عم
انا وراك والزمن طويل :stickjo4:
Mohamed_MA 15-07-2011, 01:34 PM اهلا بكم في الحلقة الثالثه لمسابقة
( المفتش زومبا )
النهارده اللغز فيه دم و***
حدثت جريمة *** يوم 2/3/2002
وكان المتهمون ثلاثة وسالتهم قائلا لأولهم :
اسمك ايه وكنت فين يوم 2/3 الساعة 8 مساءاً
- محمد وكنت مع زوجتي في السينما وخرجنا بعد انتهاء الفيلم من 7 مساءاً الي الساعة 11 مساءاً
- سألت الثاني نفس السؤال اجاب :
- اسمي احمد ابو الفتوح وكنت في رحلة مع زوجتي بالاسكندرية علشان عيد ميلادها و دي تذكرة السفر بالقطار ذهاب 29/2 وعودة 3/3
- سأل الاخير فأجاب :
- اسمى زملكاوى للابد وانا كنت محجوز في المستشفي العام اشتباه زائدة دودية
في النهاية عرف المحقق الاتي :
ان محمد طلق زوجته يوم 3/3
وان احمد ابو الفتوح يعمل في محطة القطار
وان زملكاوى للابد خرج من المستشفي الساعة 7:33 دقيقة مساءا
وبعد تفكير عميق اكتشفت ان احدهم الفاعل
لو انت كمان عرفت
اتصل على الرقم ده
زيرو اربع اصفار صفرين زيرو
وابقى قابلنى لو كسبت حاجه.. :d:d
ملحوظه
كل ماتتصل اكتر فرصة فى الفوز تكتر
مع تحيات
المفتش زومبا
MOSTAFA093 15-07-2011, 01:54 PM تم الإرسال على الخاااص
Mohamed_MA 15-07-2011, 03:09 PM طيب لسه ما شفتش جائزه ؟
ماشى يا عم
انا وراك والزمن طويل :stickjo4:
لو عايز الجايزة بتاعتك اتصلي بزيرو اربع تسعات 5 ستات 4 تلتات وان شاء الله هتلاقى جايزتك موجودة
بس لو حد شتمك او هزاك انا ماليش دعوة
عشان كرومبو اعتزل خلاص ومش بيحب حد يتصل بيه دلوقتى
وساب الفرصه لاخوه المسكين
Mohamed_MA 15-07-2011, 03:11 PM مستنى الباقى
zozza love 15-07-2011, 06:18 PM تم ارسال الاجابه
لو عايز الجايزة بتاعتك اتصلي بزيرو اربع تسعات 5 ستات 4 تلتات وان شاء الله هتلاقى جايزتك موجودة
بس لو حد شتمك او هزاك انا ماليش دعوة
عشان كرومبو اعتزل خلاص ومش بيحب حد يتصل بيه دلوقتى
وساب الفرصه لاخوه المسكين
شغل محطه مصر دا بقى ؟:stickjo4:
طيب كرومبو كان بيدى الناس جائزه
لكن انت شكلك كده بتنصب على الناس
بس بقى بـ:stickjo4::stickjo4::stickjo4::stickjo4::stickjo 4::stickjo4:لو مش اخدت جائزتى
Mohamed_MA 17-07-2011, 05:59 PM انا فى الاول قولت ممكن مصاصه
وكنت بهزر
المسابقه معموله مش عشان جايزة ولا حاجه
المسابقه معموله للترفيه ليس الا :)
Mohamed_MA 17-07-2011, 06:00 PM الاجابه كانت احمد ابو الفتوح
لان مفيش يوم 29 فى شهر فبراير
و2002 سنه كبيسه
Mohamed_MA 17-07-2011, 06:22 PM اهلا بكم في الحلقة الرابعه لمسابقة
( المفتش زومبا )
هاحيلكوا قصه ماساويه حبيتن
المعلم حمد ذلك النجار البارع في عمله و الذي يبحث عن الإنجاب بالرغم من زواجه من سحر التي تزوجها قبل عشر سنوات و إنما لم ينجب منها طفل و لم يقف المعلم حمد أمام الواقع و لم يترك باب إلا و طرقه من الأبواب أطباء و طبيبات مشهورين ببلدهم ... لعلاج شعبي و كذلك سافر مع سحر لعلاجها و تحقيق حلمها بأن تصبح أم و أن تنجب ولد يشبه المعلم حمد و إنما دون نتيجة و خابت الآمال .
قرر المعلم حمد الزواج من امرأة أخرى لينجب طفلا أو طفلة تحمل اسمه و كان يرغب ضمنيا بولد ليرث ثروته ...
فأخبر أخوه الوحيد المعلم سعد و الذي كان شريكه في المحل و وريثه الشرعي بعد وفاته ... بأنه سيتزوج بإمرأة أخرى فثار المعلم سعد في وجهه و كيف بأنه سيتزوج على سحر التي كانت أيضا أخت زوجته لمياء... فلمياء هي التؤام الحقيقي لسحر و كم يتشابهان بالشكل مع الاختلاف أن لمياء أنجبت ابنتان للمعلم سعد بينما سحر لم تنجب.
وفسر المعلم حمد عدم رضاه و ثورته لأخيه حمد بالتعبير الآتي : أنه إذا تزوج بأخرى ستقع مشاكل كثيرة و سيفقدون الاستقرار و الهناء و السعادة في العائلة.
لم يستمع المعلم حمد لأخيه المعلم سعد فلقد كان حلمه بولد يحمل اسمه ... لذلك قرر الزواج بأخرى ... و وقع اختياره على حنان .
حنان كانت من أسرة متوسطة الحال ... تحمل شهادة المتوسطة ...
وكانت كل أحلامها أن تتزوج وتعيش وتلد الأطفال وتهنأ بحياة سعيدة ...
عاشت من أجل تحقيق هذا الحلم ، وكثيرا ما كانت تفزع من نومها عندما كان يهاجمها كابوسا مروعا بأن من أنجبته مات ولن تره مرة أخرى.... الحياة كما تصورتها حنان هي الأطفال وصخبهم وضحكاتهم المدوية ببراءة شديدة دون أي منغصات تذكر.
و عندما تقدم لها المعلم حمد ذلك الرجل الذي توسمت فيه من يحقق لها هذا الحلم وطبقا لمقاييس صديقاتها فهو كان قادرا ماديا و كذلك المعلم حمد ذلك النجار الذي يبحث عن الإنجاب بالرغم من زواجه من سحر و التي لم تأتي له بالولد.
و التقت أحلام حنان والمعلم حمد فكل واحد منهما له ما يبرره في الزواج بل أن مبرراتهما الرئيسية في حالة واحدة من الاتفاق.
قبلت حنان العريس ولكنها قررت للمعلم حمد أن الزواج سيكون في منزل مستقل عن منزل زوجته سحر فوافق المعلم حمد وتزوجا.
ومرت الأيام جميلة وهادئة وسعيدة ... لا أحد يستطيع أن يقول عنها أي شيء سوى إنها حياة مليئة بالهناء.
حملت حنان ، وما أن أعلن الجنين عن وجوده بانتفاخ البطن، حتى راح المعلم حمد ينتفض من داخلة آملا في تحديد نوع المولود.
فذهب للطبيب و أبلغه أن تحديد نوع المولود من الصعوبة تحديده الآن، إلا بعد شهر معين من عمره فوقتها يمكن أن يتم تحديد النوع.
أخيرا جاءت البشرى، الجنين ولد، الخبر وقع هدية من السماء على رأس المعلم حمد.
أما زوجته سحر العقيمة فقد كانت في أوج تعاستها و لم تستطيع كبت الحزن عن المعلم نفسه، حتى أنها أعلنت الانتقام من المعلم إذا ما فكر أن يطلقها فلقد كانت تحبه حبا جما.
المعلم حمد شعر أن زوجته سحر لم يعد منها أيه فائدة بل أنها أصبحت مصدرا للتعاسة بإفسادها سعادته المرتقبة وأن الطلاق مصيرها بعد وصول الولد.
حانت لحظة الولادة ودخلت حنان المستشفى للولادة، وخرج الولد من أحشاءها و ملأ الدنيا ضجيجا ومع كل صرخة تخرج منه كان المعلم حمد يعيش أحلى ساعات عمرة إلا أنه على ما يبدو أن القدر لم يشأ أن يكمل له فرحته فقد اختفى الطفل من داخل حجرة المواليد بعد ساعة على مولده.
اتصل بي المعلم حمد واخبرنى بما حدث و أسرعت بالتحقيق في الحادث فاشتبهت ب ثلاث متهمين :
1-تاجرة تبيع الأطفال الحديثين الولادة : و قد شوهدت بالمستشفى يوم الحادث.
2-سحر: زوجة المعلم حمد و التي أثبتت وجودها وقت الحادثة بمنزل جارتها العجوز التي تعتني بها أحياناً.
3-المعلم سعد : أخو المعلم حمد ... فلقد كان هو الوريث الوحيد للمعلم حمد و قد كان متواجد وقت الولادة و لحقت به زوجته لمياء التي كانت متواجدة أيضاً أثناء الولادة و بعدها.
وبعد تفكير عميق
عرفت من هو السارق
لو انت كمان عرفت
اتصل على الرقم ده
زيرو اربع اصفار صفرين زيرو
وابقى قابلنى لو كسبت حاجه.. :d:d
ملحوظه
كل ماتتصل اكتر فرصة فى الفوز تكتر
مع تحيات
المفتش زومبا
Mohamed_MA 18-07-2011, 02:03 PM الاجابات ممكن تكون فى الموضوع
بس ياريت اللى يقول الاجايه يقول معها السبب
|