ازاي يا مشرف المنتدي تسمح للاستاذ سعيد موسي وهو رجل له احترامه في المنتدي وعاملين له موضوع مثبت مستشارك الازهري انه يعلق تعليق غير مناسب لشخصه المحترم بان يشجع احد الزملاء علي السخرية من موضوعي - عاجل وخطير للمتعاقدين - الذي بينت فيه عدم وجود اي دليل علي تثبيت متعاقدي الازهر فبعد ان تجاوز هذا الزميل واستخدم اسلوب غير لائق بمشاركته في الموضوع شارك الاستاذ سعيد بمساهمة قائلا له والله انت زي العسل اي انه يشجعه علي التطاول علي ثم تم حذف الموضوع عندما اكتشفت انا ذلك و رديت عليه بكل ادب لكن بيتهيالي ان المشكلة في الازهر مش في اجراءات التثبيت بس دا حتي المنتدي فيه مشاكل

اخى الفاضل الاستاذ سعيد رجل محترم وعاقل واعتقد انه لم يقصد ذلك ابداا ربما خانته العبارات

يا أستاذ سامح
الأستاذ سعيد شخصية محترمه جدا في كل تعليقاته و ردوده و ليس معني ان يقول علي تعليق استاذ فاضل ( و الله انت زي العسل) أنه يشجعه علي التطاول علي أحد ممكن يكون قال ذلك بسبب ان تعليق الاستاذ هذا لفت نظره بغض النظر عن انه متفق معه في الرأي أو مختلف
و انتظر حتي تشاهد تعليق الأستاذ سعيد فربما تكون فهمت تعليقه بطريقه مختلفه عما يريد
جزاك الله خيرا يا أستاذ سامح

انت يا عم الكبير
عيب عليكم الكلام
الأستاذ سعيد إنسان محترم وعيب حد يتكلم عليه كده
حتى يا سيدى لو أختلف معاك فى الرأى إيه المشكلة يعنى؟
خلى صدرك كبير
وأذكرك بحديث رسول الله _صلى الله عليه وسلم_"ليس منا من لايوقر كبيرنا "

بص يا استاذ سامح.......الاستاذ سعيد محدش يختلف على ادبه واخلاقه وعلمه ....اخيرا لقينا واحد ازهرى بيفهم ومتجاوب وعصرى

استاذ سعيد....بصراحة والله كلمة حق انا لما شفت الكلمة زعلت لانى انت قدوتنا وكلامك مصدق فينا ومكنتش اتوقعها منك

بصراحة انت عليك حق عرب فى هذا التعليق


هذه والله وجهة نظى وكلمة حق وانا بحبك جدا بس الاستاذ سامح عنده حق لانى تاييد شىء او رد سخيف مش من شيمك انت ممكن تيجى من احد الاعضاء الصغيرين ونقول ماشي لكن حضرتك اتعودنا عليك انى انت الرصين والمتزن والهادىء

لما الاقي الاستاذ سعيد رد بجرى اشوف قال ايه لانى رايه يهمنى ولما لقيت الرد ده بصراحة شعرت بالاحباط لفترة من الوقت حتى كتابة هذه السطور...........انت عليك حق عرب تانى ....والاعتذار مش عيب.دى وجهة نظرى

ده مش معناه اتفاقي مع اسلوب الاستاذ سامح فى العنوان


يا استاذ سامح عبر عن وجهة نظرك بكل ادب علشان اللى قدامك يتقبلها


بقولها تانى احنا مصدقنا نلا قى واحد زى الاستاذ سعيد موسي الراجل الخلوق المحترم المتزن

يا امير المؤمنين


ده مش اسلوب كده اللى قدامك مش هيقدر يرد عليك لانى اسلوبك عصبى فين التحلى بصفات امراء المؤمنين الهدوء والصبر والتعبير بالحسنى

هو الاستاذ سعيد سرق حاجه؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!! الراجل مش موجود الصبر لما يدخل يرد

سوف ابدء كلامي بما انتهي به امير المؤمنين
الحق احق ان يتبع
انا شايف من وجه نظر المتواضعه ان المنتدي فيه شيئ من الوسطه ( الكوسه ) واعتقد ان الكثير يؤيد كلامي فلابد من الاداره تجديد المشرفين

يا امير المؤمنين


انا قلت الاسشلوب مش لائق لانى لغة الكتابة بتبقي اصعب من لغة الحوار


وبص فى مشاركتى كويس انا قلت انى الاستاذ سعيد اخطا وعليه ان يعتذر

ولكن هو ممكن لما يشوف المشاركة مش هيقرب منها لانى فيها اساءة ليه وحضرتك عاوز ايه منه

عاوز تفهمه انى فيه شىء صدر منه مش لائق ولا عاوز تمسك فى خناقه

ارجوك الهدوء حتى لا يفهمك احد خطا

هو ده اللى احنا شاطرين فيه

عزراً ياســـــــادة يا كرام
المنتدى تربوى علمى بحت هذا ماإنشأ من أجله المنتدى ونتبارى ونتحاور حول المواد العلمية بما تخدم الطالب والمعلم ،وخاصة الأزهر، نجول ونقتنص كل ماهو جديد فى العلم الذى يخدم الهدف وهو المتعلم ( الطالب) من مناهج ومعينات على المناهج وطرق تدريس واستراتيجيات علمية للتدريس القائم على المتعلم ، ووضعنا أقسام ترتبط بالتعليم وقضاياه ، كما وضعت بعض الأقسام شبه الترفيهية والثقافية بما تعود على المتعلم .
فالمنتدى ليس متخصص فى الأحزاب أو الأديان أو الألعاب ولكنه تخصص تعليمى بحت ( طالب + معلم + إدارة )
وقد نوهنا مراراً على سياسة المنتدى ( الصدق والشفافية و الرأى والرأى الأخر فى إطار تربوى علمى ديمقراطى ) وليس بإسلوب التكتلات والعصبيات .ولا أحد فوق قانون المنتدى وخصصنا قسم خاص للشكوى من الأعضاء أو المشرفين . فلا يصح إطلاقاً مناقشة أى موضوع فى أى قسم بهذه الطريقة . وإدارة المنتدى تتعامل مع الموضوعات وليس أصحابها ولا تفضيل لأحد على أحد ولم تكن الأذدواجية طريقنا . نحن نرى الصالح العام الذى يصب فى مصلحة أولادنا .
الأخوة الأفاضل ليتسع صدركم لنا وتكونوا مؤمنين بأننا فى خدمتكم وندعمكم للصالح العام وما أنشىء من أجله المنتدى ولتتسع صدوركم لبعضكم البعض لنضرب المثل والقدوة للغير داخلياً وخارجيا فكل ما نتناوله يسجل علينا ومصر والمصريين أكبر من ذلك بكثير. شكرا لحسن متابعتكم لكلماتنا والله الموفق
....
والله العظيم اتحذف لى موضوع فى نتائج الثانوية وبمراسلة المشرف قال إن الموضوع مسير لأعصاب القارء .. فماذا فعلت أحترمت قرار المشرف ووجهه نظره وتركت الموضوع محذوف ليعلم الجميع أنه ليس لدينا من هو فوق قانون المنتدى . ومن خلال هذا الموضوع أحى المشرف على القسم فى اتخاذه القرار وتنفيذه . فلنكن نحن القدوة والمثل الأعلى