السلام عليكم ورحمة الله وبركاته

فى البداية احب اوضح انى مشتته جدا فياريت الى يرد على موضوع

يكون واثق من رده عشان متعبش اكتر


انا طالبة راحة اولى ثانوى والحمد لله خلاص فكرة النقاب مسيطرة

عليا وان شاء ربى مع بداية رمضان حلبسه

اما الموضوع الى تعبنى انى بنت متفائلة وبحب التعليم ونفسى ادخل

هندسة ونفسى اتفوق بل طموحى انى اكون وزيرة فهل تلك الطموح

تختلف مع الدين هل معنى ان طموحى الوزارة انى حرام عليا وان دى

امور رجال ومينفعش افكر فيها هل هكون من الملعونين بجد فى ناس

كتير تقولى مينفعش بنت تتحمل مسئولية دولة ربنا حيلعنك والى يقولى

فكرى فى الأخرة الدنيا فانية اعمل ايه بجد تعبت اتخلى عن طموحى


بجد نفسى حد يثبتلى عكس ده وانى صح وطموحى صح لان اعصابى

تعبت انا بجد نفسى طموحى يتحقق مع تمسكى بدينى

انا طابعه فى نفس سنك يا صديقتى وعندى طموح كتير لكن مقدرش انصحك بحاجه علشان ماتعبكيش لكن كل الى اقدر اقوله تمسكى بطموحك و عمر ما تمسكك بالدين هيتعارض مع طموحك

انا طابعه فى نفس سنك يا صديقتى وعندى طموح كتير لكن مقدرش انصحك بحاجه علشان ماتعبكيش لكن كل الى اقدر اقوله تمسكى بطموحك و عمر ما تمسكك بالدين هيتعارض مع طموحك


شكرا على ردك بس انا مقدرش اتمسك بحاجة تتعارض مع دينى عشان كده حبه حد يطمنى

ربنا يوفقك

دا اسمه مش عارف ايه قبل الهنا بسنه
انت لسه رااااااااااااااايحه اولى ثانوى وبتحلمى انك بقيتِ وزيره
وعايزه تعرفى حلال ولا حرام ؟!!!!!!!!!!!!!!!!!!!!!!!!!!!

وفيها حاجه لما تعرف تطمن برده على مستقبلها

وفيها حاجه لما تعرف تطمن برده على مستقبلها



مترديش انا لا ابالى بالناس دى انا بنت بخاف على دينى وبفكر فيه قبل اى حاجة

يا اختي العزيزه
تدينك عمرو م ح يتعارض مع طموحك
و بعدين انا عايز حد يجيبلي ايه واحده في القران تقول ان مينفعش تتحملي مسؤوليه دوله
يا سيدتي اشتغلي بس انتي و شيدي حيلك في الثانويه و اجرك علي ربنا
و كيفما يقول القذافي:الي الامام :)

في الحياة دائماً خياريين وواحد فقط هو الاصح .. لان الحلول الوسطية حلول فاشلة و بيبقي الهدف إرضاء الخياريين .. يعني مش عدل

اولاً مفيش حاجة إسمها امور رجال و امور نساء في العمل طالما توافرت القدرة

هو انتي لما يكون عندك طموح لحاجة كويسة .. يبقي إزاي ربنا هيلعنك .. ديه مجرد افكار لا علاقة لها بالدين من الاساس .. و هي افكار متخلفة من الثقافة العربية و يجب الفصل بين الثقافة العربية و الدين .. لاننا للاسف خلطنا بينهم بشدة

لان الفكرة من الاساس .. يا الست تشتغل يا لأ ؟

و بعدين لو كان كل تفكير الناس في الاخرة و إن الدنيا فانية

يبقي كنا هنبقي لسه عايشيين في الصحراء و مكنش هيبقي فيه كل الاختراعات اللي كل اللي بيدعوا للاخرة بيستخدموها .. يعني مع احترامي ديه ناس عندهم حجاب علي عقلهم

عموماً اسعي لطموحك

يا بنتى انتى عايزه تتنقبى ودى حاجه كويسه جدا وعايزه هندسه ودى مفيهاش مشكله ربنا يكرمك وتدخليها ومفيش مشكله انك تشتغلى مهندسه وانتى بالنقاب ومفيهاش حرمانيه ولا حاجه هو احنا ديننا عايزنا جاهلين والى يقولك انك كده بتعارضى دينك سيبك منه خاااااااااااااااالص ده انسان بيبرر جهله بس اما بقى حكايه وزيره دى لسه بدرى اووووووى عليها بس ان شاء الله مجتمعنا لما تكبرى مش هيمنعك وانتى منقبه انك تكونى وزيره انتى اديتى الموضوع اكبر من حجمه

بجد طموحك حلو اوي وصدقيني ان الله هتكوني حد كويس اوي

ربنا معاكي بالنسبه للنقاب انا هقولك البسيه بس هقولك انا كنت

خايفه زيك كدا بس الحمد الله ربنا حط في قلبي طمأنينه فظيعه

واخدت قراري الحمدلله ولسه من فتره قريبه جدا لبسته

ربنا يثبت قلبك ان شاء الله وربنا معاكي

بس بجد هتحسي براحه عمرك ما حسيتي بيها

وعليكم السلام ورحمة الله ..

أولاً : ألف مبارك لبس النقاب إن شاء الله .. هتحسي براحه عجيبه فيه أوي على فكره
ثانياً : ماتتعبيش أعصابك ولا حاجه يا أختي إن شاء الله ربنا يوفقك
ولازم تعرفي إن كل اللي ربنا مقدره لنا فيه الخير دايماً ..
فـــــــأي شئ ربنا يجيبه بيكون خير ..
وأنا أُحييك على إنك بتهتمي بشأن دينك ..
دي فتوى بشأن موضوعك

حكم تولي المرأة المناصب العامة وحكم دخولها في الانتخابات

بسم الله، والحمد لله، والصلاة والسلام على رسول الله، وعلى آله وصحبه ومن والاه، أما بعد،

فتُمنَع المرأة من تولي المناصب العليا، كأن تكون وزيرة أو قاضية وخاصة رئاسة الدولة، لأن في ذلك ظلم للمرأة وافتيات على المصلحة.

واتهام من يمنعون ولاية المرأة المناصب بأنهم يكرهون المرأة ليس أولى من العكس، يعني اتهام من يقحمون المرأة في هذه الميادين بأنهم هم أعداؤها في الحقيقة، وهم الذي يزدرونها ويحتقرونها بل البيوت والأسر تفسد إذا كانت القوامة فيها للمرأة، يقول -تعالى-: (الرِّجَالُ قَوَّامُونَ عَلَى النِّسَاءِ بِمَا فَضَّلَ اللَّهُ بَعْضَهُمْ عَلَى بَعْضٍ)(النساء:34)، ويقول -سبحانه وتعالى-: (وَلِلرِّجَالِ عَلَيْهِنَّ دَرَجَةٌ)(البقرة:228)، ويقول النبي -صلى الله عليه وسلم-: (وَالْمَرْأَةُ رَاعِيَةٌ فِى بَيْتِ زَوْجِهَا وَمَسْئُولَةٌ عَنْ رَعِيَّتِهَا)[متفق عليه]، فلا تخرج من بيتها إلا لحاجة أذن الشرع فيها، ومع التأدب بالآداب الشرعية وبإذن الزوج أو الولي.

وفي صحيح البخاري، قال رسول الله -صلى الله عليه وسلم-: (لَنْ يُفْلِحَ قَوْمٌ وَلَّوْا أَمْرَهُمُ امْرَأَةً)، وهو دليل على تحريم تولي المرأة للولاية العظمى وغيرها من الولايات الكبيرة، لأن الحديث عام، ولفظة (قَوْمٌ) تشمل كل قوم، ولفظة (امْرَأةً) تشمل كل امرأة، فكل قوم أو أي قوم ولوا أمرهم امرأة فإنهم لا يفلحون، وهذا هو حكم رسول الله -صلى الله عليه وسلم- الذي يخالفه الديمقراطيون مع سائر مخالفاتهم لدين الإسلام، وقد أجمع أولوا الأمر من أهل الحل والعقد من الأمراء والعلماء على منع المرأة من تولي منصب رئاسة الدولة، ولم يحدث في تاريخ الإسلام بصورة صريحة، ولا مرة واحدة أن تولت امرأة الحكومة.






http://www.al-fath.net/artical.php?request=250









دي الفتوى ..


ولازم تعرفي إن ديننا بيختار لينا الأفضل دايماً واللي فيه الخير لينا


لإن ربنا هو اللي بيحكم ... وهو إللي خلقنا و ربنا أعلم بكل شئ منا



وإيه الضار وإيه النافع لينا


استمري في طموحك واجتهدي ..


وخلّلي في دماغك دايماً .. إن اللي


فيه الخير ليكي ربنا هيجيبه



وبعدين إحنا مابنعرفش الغيب .. إنتي


إيش ضمنك إن الوزاره دي يكون فيها الخير ليكي .!؟



فلازم أول ما ربنا يحكم بأمر هو أو نبيه صلّ الله عليه وسلم نقول له


سمعنا وأطعنا




ربنا يوفقك..

أتفق جدااااااا مع الفتوي التي عرضتها : !.فــراشــة.!
وده كان رأيي بس مكنتش هقدر أعرضه بنفس الطريقة دي

ربنا معاكى

مفيش مشكلة انك تجمعى بين الدين والدنيا
طالما ان شغلك غير محرم
نصيحة
توكلى على الله و البسى النقاب
ومتفكريش فى بكرة
ربنا يوفقك

أولا كل عام وانتم بخير والامة الاسلامية جميعا بخير
ثانيا ربنا يوفقك يارب يا أختى ويثبتك على طاعته وعلى النقاب ويوفقك فى الثانوية وتجيبى أعلى مجموع يارب فى الثانوية وتحققى جميع أمانيكى يارب وربنا يوفقك لكل ما يحب ويرضى وييسر ليكى الخير أى أن كان الخير ليكى فى الدنيا والآخرة أنا كمان فى نفس سنك :) ادعيلى ربنا يوفقنى لطاعته ويوفقنى واحقق احلامى يارب

انا كمان نفس طموحاتك بس انا سبقتك بالنقاب من تانية اعدادى وانا رايحة اولى ثانوى زيك بس انا نفسى اكون طبيبة مشهورة وبالنسبة لطموحاتك بالنسبة لهندسة انا بشجعك انك تحققى الهدف ده وتكونى معيدة دا احسنلك ولدينك ويسلام لوبقاتى داعية فى كوليتك انت كدة ان شاء الله هتكسبى الدنيا والاخرة وانا كمان وكل الى زينا ان شاء الله