مشاهدة النسخة كاملة : حوار بين احمد رضا و ميدو !! حصريا


M I D O
06-01-2008, 03:08 AM
السلام عليكم
ازيكم يا شباب و ازيكم يا بنات
النهارده
وانا قاعد
بعد ما خلصت اللي ورايا
جاتلي فكرة
اني اقدم وجهه نظري و اعمل تقييم للاوضاع اللي حوالينا
فطلبت من صديقي احمد رضا
انه يساعدني في كدا
وكانت الفكرة
اني اقدم وجهه نظري من خلال حوار
شبيه بالحوار الصحفي
وحبيت اشارككم معانا

اتفضلوا


اوضاع سياسيه

Ahmed Reda

مارايك في الاوضاع السياسيه حاليا ؟

Mido
والله انا شايف انها حالة مش كويسة من تصريحات يومية للاصحاب السلطة بدون عنوان
وتدخل البعض فى سياسة البلد من رجال اعمال وغيره
زى صديق جمال مبارك المعروف صاحب الاحتكار فى مصانع الحديد معروف للجميع طبعا .. والكثير من رجال الاعمال هم اصحاب السلطة السياسية فى مصر



Ahmed Reda
وماذا عن الاوضاع الخارجيه ؟

Mido
بالنسبة للخارج الحكاية متكررة بقالها سنوات
السلطة للامريكا والدول الاوربيا بعض ذلك العالم الغريب الذى يسمى بالعرب

Ahmed Reda
اين الخطا في العالم ؟

Mido
والله ان بشوف الخطأ فى الطمع والجشع وعدم الاسلوب الحضارى فى التعامل بين الدول والكراهية المتوفرة بين بعض الدول فىا لشرق الاوسط تجعلنا مطمع للكثيرين لاننا متفرقين وعلى راى المثل الكثرة تغلب الشجاعة !

------------------------
Ahmed Reda
اين الحل ؟

والله يابو حميد انا شايف الحل بالنسبة للواقع مش موجود ومش متوقع الفترة القادمة
لان دايما مافيش توقعات للحالة السياسية اي انها غير مستقره
متقدرش تعمل حل و تعممه

ننتقل للمنتدي

Ahmed Reda
ما رايك في المستوي العام للمنتدي ؟

Mido
المستوى نوعا ما مش حلو من ناحية المواضيع الهادفة تتعد على الصوابع زى مابيقلوا لازم يكون عندنا فكر فى الاسلوب والتعامل مع الغير وده مش موجود بس شايف طموح ورغبة فى النجاح من بعض الاعضاء الجدد فى المنتدى من غير ذكر اسماء

Ahmed Reda
في اعتقادك ما هو السبب في قلة الموضوعات الهادفه ؟

Mido
السبب البيت والمجتمع والمشرفين والكيان الاساسى للمنتدى والمجتمع العيب فى ان شبابنا ماعندوش فكر حضارى كما يجب ماعندوش حد يحكى عن محفوظ والعقاد ومرسى عطا الله ماعندوش حد يكلموا عن اكتوبر وعن كل دول العيب فى مجمتعنا وجهلنا الثقافى والاجتماعى الكبير
Ahmed Reda
اين الحل من وجهه نظرك ؟

Mido
الحل فى ايدينا احنا الحل بينا بس احنا مش بنشوفوا الحل باننا نراجع حسابتنا الحل اننا نفكر فى بكره مش امبارح الحل اننا نشتغل مش نستنى جواب الشغل يجى لحد عندنا الحل اننا نخترع عشان نعيش

ما اقصده هو الحل في المنتدي ..

العيب عندنا فى الثقافة العامة اوكى اذن عشان نربى ثقافتنا ونعلى قدراتنا الفنية يبقئا لازم ننمع ونربى القافة بداخلنا ونكون افضل دليل للمنتديات التانية عن طريق مواضيعنا الثقافية والحضارية وعدم اتخاذ المنتدى للعب التافه والمواضيع التى ليس لها معنى
يعنى نمنع قسم زى جرس الفسحة
ونركز على الاقسام التعليميه و الادبية اكثر

Ahmed Reda
ما رايك في المشرف العام " عبقرينومان " ؟

Mido
هوا انسان غريب نوعا ما متقلب ضعيف وماعندوش خبرة اداريا وثقافيا وماعندوش قدرة على التحكم فى القدرات الفنية الادارية بطريقة صحيحة انسان غير واضح المعالم مش بتعرف هوا بيفكر فى ايه متسرع فى اتخاذ القرار وده خطير جدا لان الادارى لازم يكون قدوة للاعضاء وانا مش بشوف ده غير متابع للمنتدى وده بيخلى فى هرولة فى المنتدى لدرجة الكبيرة والنجاح الى وصل ليه المنتدى بفضلنا احنا مش بسببه هوا لذلك نحن جميعا ادارياا فى هذا المنتدى لاننا نعمل بكل جهدنا عشان نقدر نوصل ل
وانا طبعا مش بقول انى مش بحب عبقرينو انما نقد بس ودى السلبيات الى انا بشوفها والاختلاف فىالرأي لا يفسد بالود ايه ....

Ahmed Reda
ما هي افضل الموضوعات في نظرك في الوقت الحالي ؟



Mido
الموضوعات الي بتحمل معاني و قيم جواها مش موضوعات الحب و الرومانسيه و الكلام اللي اتكلمنا فيه ملايين المرات .. ياريت نبتكر

Ahmed Reda
ما هى القضايا الاخري التي تود ان تري مواضيعا كثيره في الفترة القادمه ؟

Mido
الموضوعات السياسية الايجابية يعنى نتكلم عن الحاجات الحلوة فى بلدنا لاننا دايما بنشوف الوحش !

Ahmed Reda

نأتي للحياة
ماهو سر النجاح في الحياة من وجهه نظرك ؟

Mido
ان تكون شاب متدين وان تكون راضى عن نفسك قدام ربك
وكمان
تكون راجل بتقدر تاخد قرارت حياتك بشكل سليم انك تحترم وقتك اوى وانك دايما تكون بتحلم ببكره وعندك طموح تحقق حاجة فى حياتك وماتكنش بتسعى وراه الشهرة بس لا لازم تحلم وتحقق احلامك بمجهودك واكيد هاتواجه صعوبات فى حياتك وكل العظماء قدروا ان هما يعدوا الصعوبات دى عشان كده تفرق من انسان لانسان فى القدرة على مرور الصعوبات الوصول الى كرسى النجاح بمستوى ثايت

Ahmed Reda
انتهت اسئلتنا
هل تريد تقول كلمه في نهاية الحوار ؟

Mido
احب اقول انى سعيد باحوار الجميل ده وسعيد انى مع صديقى احمد رضا لان لغة الحوار كانت جميلة جدا وهوا انسان كويس جدا وليه مستقبل كبير اوى باذن الله وبكره تشوفوا احمد من العظماء فى تاريخ مصر ومش بهزر لان احمد شخصية حلوة جدااا
وسعيد انى كنت معاكم انهاردة
والسلام عليكم

gamal saber
06-01-2008, 06:03 AM
اراء جيدة يا ميدو برغم انى معتقدش ان اى حد ممكن يكلم فى الاوضاع السياسية
لان السياسة علم لازم يدرس قبل ما تكلم فية حتى لو هتعبر عن وجهة نظرك الشخصية
انما بالنسبة للمنتدى اعتقد انك اجزت فانجزت
فعلا كلامك معبر جدا عن الوضع الضعيف الهزيل المثير للشفقة الى بيمر بية المنتدى دلوقتى
شكرا يا مان على الحوار اللطيف دة

CrazY Bo$S
06-01-2008, 06:09 AM
شكرا
يعنى أحمد كان بيسألك بس وإنت بتجاوب ؟؟!!:)
وإنت مسـألتش أحمد أى سؤال ؟؟!!! :)
وأحمد مش علق على أى حاجة من إجاباتك ؟؟!! :)

يعنى أحمد كان مستضيفك ؟؟ !! :)

M I D O
06-01-2008, 10:12 AM
يعنى أحمد كان مستضيفك ؟؟ !!

بالظبط هوا كان لقاء معايا صغير كدا

Mr.h3ll
06-01-2008, 10:21 AM
بس كلامك كله صح يا مان

شكرااا يا مان

_GUIDE_
06-01-2008, 10:50 AM
كلام جميل وواقعى
وانا اتكلمت مع احمد اكتر من مرة
واحمد عنده قدر كبير من الثقافة
ممكن من خلاله يفيد المنتدى
وانا مع الرأى اللى بيقول نقفل جرس الفسحة ده بالضبه والمفتاح

احمد رضا
06-01-2008, 11:20 AM
كلام جميل وواقعى
وانا اتكلمت مع احمد اكتر من مرة
واحمد عنده قدر كبير من الثقافة
ممكن من خلاله يفيد المنتدى
وانا مع الرأى اللى بيقول نقفل جرس الفسحة ده بالضبه والمفتاح

هههههههههه يا عم اسلام مش كلامي
ما انت عارف اللي فيها
انا ليا اراء مختلفه تماما
هبقي اقولهالك يا اسلام باشا ;)

nada hosam
06-01-2008, 12:15 PM
حوار جميل جدا ومفيد كمان

تسلم ايديكم وافكاركم الجميله

mR . mOstafa Fathi
06-01-2008, 12:24 PM
اوه
ايه الفكرة
الجامد جدا دى
تسلمو يا شباب
وكملو لاننا هنستفيد منها

fares elnet
06-01-2008, 02:21 PM
والله حوار جميل وقيم


طيب ماتعملوا حوارات مع الاعضاء كلهم


ويكون موضوع متجدد منها الكل يعرف الاعضاء


ونعرف ايه رأيهم هما كمان


ولا ايه ؟

ده رأيى انا

احمد رضا
06-01-2008, 02:24 PM
والله انا نفسي في كدا لو الاعضاء يوافقوا مفيش مشاكل
وافتكر ان الحوار مكانش سلبي
وضحنا المشكلة و وضحنا الحل

TEMO_KHALED
06-01-2008, 06:54 PM
انا عن نفسي موافق تماما بالنسبة لموضوع الحوار العام ..مشكور يا ميدو عالحوار..

الاسطورة
06-01-2008, 10:03 PM
الفكرة جميلة جدآ
ولو تم تنفيذها بين الاعضاء تبقى رائعة

M I D O
06-01-2008, 10:25 PM
اوكى باذن االله انا واحمد هانعمل الموضوع ده بالاشتراك بينا هانعمل الحوار انا واحمد مع اى عضو نتطرح عليه الاسئلة وننزل الحوار هنا

واكيد الكل هايستفاد

الاسطورة
06-01-2008, 10:40 PM
اوكى باذن االله انا واحمد هانعمل الموضوع ده بالاشتراك بينا هانعمل الحوار انا واحمد مع اى عضو نتطرح عليه الاسئلة وننزل الحوار هنا

واكيد الكل هايستفاد
الى الامام ان شاء الله
واى مساعدة موجود يا ميدو

واحـد من النــاس
06-01-2008, 11:34 PM
حوار بين احمد رضا و ميدو !! حصريا</STRONG>


حصريا ؟؟! :confused: كوووويس اوي والله .. شد حيلك بأه عشان انا ( شخصيا ) هاحاول اعمل حوار معاك قريب .. بس لو ماعرفتش يبقى اعذرني بأه انت عارف واحد زيي بيبقى مشغول ازاي :)


Ahmed Reda

في اعتقادك ما هو السبب في قلة الموضوعات الهادفه ؟


اجاوبك انا يابو حميد .. انا من رأيي ان مادام المنتدى فيه موضوع زي ده .. يبقى لازم المواضيع الهادفة تبقى ناااادرة ..

ماتزعلش من رأيي بس انا مش حاسس اني استفدت حاجة من الموضوع .. يمكن السبب قصور في عقلي !!! صراحة مش عارف


صحيح .. نسيت اقول زي بقية الأعضاء .. شكرا على الموضوع والحوار الهايل الهادف ده :)

M I D O
06-01-2008, 11:42 PM
انتا انسان مريض نفسيا والمرض النفسى مش عيب

ولازم تتعالج فى اقرب وقت لان احساسك بالكراهية للناس المحترمة بداء يزيد اوى

!!!

يارب صبرنا

واحـد من النــاس
06-01-2008, 11:48 PM
فعلا يا ميدو .. انا حاسس اني باحقد ع الناس الناجحة زيك !!!

ماتعرفش طبيب نفسي شاطر :confused::(

يمكن لما الواحد يقول رأيه يبقى حقود ومريض نفسي !!!!!

بس انت زعلان ليه .. والله كنت عارف انك هتزعل عشان كده قولت في آخر الرد شكرا ع الموضوع الهايل

احمد رضا
06-01-2008, 11:50 PM
عادي يا ميدو
الراجل ليه رأيه و يقوله تالت و متلت
مفيش اي مشكلة يا ميدو
عادي خالص

سيف حسام دراج
13-01-2008, 04:49 PM
شكرا لك على الحوار


والحوار جميل جدا


وجزاك الله كل خيرا