تسجيل الدخول

مشاهدة النسخة كاملة : اسم دروسك ايه؟؟!!!!!!!!سواء كنت معلم او طالب

aleman
16-07-2011, 10:54 PM
السلام عليكم
العنوان غريب انا عارفة بس له قصة حقيقية والله

القصة هى كالاتى:
سمعت وانا بالتصحيح هذا العام مدرسين بيتكلموا مع مدرسة وبيقولولها اخبار العيادة ايه؟
قالت ليهم كويسه
قالولها لسه بمكانها ب........
قالت لهم ايوة وهى هتروح فين لو عندكوا واحد عيان ابعتوه لاتبخلوا على اختكم
المهم المدرسة مشت من هنا والمدرسين قعدوا يتكلموا عن العيادة والعدد اللى فيها
انا بقى بحسن نية قولت اكيد المدرسة دى بتشتغل بعدالعصر او بليل بعيادة لتحسن مستواها المادى
المهم عدا حبة وقت ولقيت كل مدرس يدخل يقولوله ايه اخبار العيادة والعناية المركزة وغرفة العمليات والرأس بقيت بكام


قولت ايه ده؟ كل التربية والتعليم بتشتغل بعد العصر او بليل دكاترة ولا ايه

اخر اليوم بقى فهمت كل حاجةةةةةةةة
العيادة اى الدرس الخصوصى
العناية المركزة اى ولد او بنت عنده ملحق بمادة
اما بقى العمليات الولد اللى طالع بملاحق بكذا مادة
والرأس أى الطالب المحترم

والله الكلام ده حقيقى

ادخلوا قوللنا بقى اسماء الدروس الخصوصية بباقى المحافظات ايه؟ وهل ليها اسماء اخرى بالاسكندرية عندنا؟
وهل لو انتا طالب سمعت بالعيادة دى او ليكم انتوا كطلبة مسميات اخرى للدروس الخصوصية؟
nesma mohsen hamdy
17-07-2011, 02:23 AM
اول مره اسمع بصراحه الحكايه دى
مروه
17-07-2011, 10:43 AM
أكيد مكان الدرس اسمه كلية الطب

هههههههههه

والله أول مره أسمع المسميات دى

مش عارفه عندنا فى المنصوره بقى غيروها ولا لسه زى ما هى

أنا اخر حاجه أعرفها إنها إسمها دروس
فارس مغوار
17-07-2011, 11:20 AM
فيه محافظات بتسميها الورشه
عبد الله الرفاعي
17-07-2011, 04:26 PM
هههههههههههه
هى فى الطبيعى اسمها درس أو حصة أو مجموعة لكن إصحابى لما يكونوا عاوزينى فى حاجة ويسألوا عليا أنا فين ويكون عندى حصة يقولوا ( عبدالله عنده حقنه )
psychology
17-07-2011, 04:45 PM
مهما اختلفت المسميات فمثل هؤلاء جعلوا العلاقة بين الطلاب والمعلمين علاقة مادية بحته خالية من أى قيم
الطالب عندهم سلعة .
نسوا قول رسول الله(صلى الله عليه وسلم) انما بعثت معلماً
فهؤلاء هانوا على أنفسهم فهانوا على الاخرين

وليس كلامى هذا ينطبق على من يعطى دروس للطلبة فهذا ليس عيب أو حرام وانما أقصد نوعية أخرى من المدرسين همهم الحصول على المال فقط .
aleman
17-07-2011, 05:12 PM
مهما اختلفت المسميات فمثل هؤلاء جعلوا العلاقة بين الطلاب والمعلمين علاقة مادية بحته خالية من أى قيم
الطالب عندهم سلعة .
نسوا قول رسول الله(صلى الله عليه وسلم) انما بعثت معلماً
فهؤلاء هانوا على أنفسهم فهانوا على الاخرين

وليس كلامى هذا ينطبق على من يعطى دروس للطلبة فهذا ليس عيب أو حرام وانما أقصد نوعية أخرى من المدرسين همهم الحصول على المال فقط .



كلام حضرتك مضبوط
انا اعرف مدرسات ومدرسين الطالب سعره 50ج يدفعهم كل اربع حصص بمجموعة مكونة من 15 طالب وطالبة بالمرحلة السادسة الابتدائية
وبالمدارس الخاصة لى زميلة بيخرج لها فى الشهر 2000ج اما بقى قبل الامتحانات بيطلع لها صافى 3000ج وكسور
مشكور للمرور
aleman
17-07-2011, 05:15 PM
هههههههههههه
هى فى الطبيعى اسمها درس أو حصة أو مجموعة لكن إصحابى لما يكونوا عاوزينى فى حاجة ويسألوا عليا أنا فين ويكون عندى حصة يقولوا ( عبدالله عنده حقنه )[/

حقنة مصطلح جديد جديد
مشكور للمرورquote]


[quote=فارس مغوار;3693248]فيه محافظات بتسميها الورشه[/
مصطلح اجدد
مشكور للمرورquote]

[quote=مروه;3693121]أكيد مكان الدرس اسمه كلية الطب

هههههههههه

والله أول مره أسمع المسميات دى

مش عارفه عندنا فى المنصوره بقى غيروها ولا لسه زى ما هى

أنا اخر حاجه أعرفها إنها إسمها دروس

لا يامروة صدقى بالاسكندرية اسمها العيادة والطلبة الزباين كمان
مشكورة للمرور