واللة العظيم حرااااااااااااااااااام [الأرشيف] - بوابة الثانوية العامة المصرية

Dr. Toka

17-07-2011, 11:29 AM

بصى يا حبيبت قلبى خليكى واثقة ان ربنا مش بيضيع تعب حد ابدا لو تعبتى هتاخدى على اد تعبك لو انتى حاسة انك تعبتى وذاكرتى وعملتى اللى عليكى والمجموع دة مش بتاعك او مش على اد تعبك اعرفى ان ربنا هيديكى حاجة تانية يعوضك بيها ممكن يديكى صحاب حلوين وطيبين ممكن يديكى موهبة فى الكتابة او الرسم او اى حاجة تانية تتفوقى فيها فمتزعليش ابدا دة قضاء ربنا واختباره ليكى ممكن يكون ربنا بيشوفك هتصبرى ولا لا فانتى اوعى تزعلى وبصى على حياتك كلها هتلاقى ربنا موفقك فى حاجة تانى غير الدراسة وهتلاقى نفسك متفوقة فيها عمر الدراسة ماكانت اخر الدنيا خالص وهقولك على حاجة انا اعرف واحدة صاحبتى كانت ادبى كانت جايبة 79 فى تانية وجابت فى تالتة لوحدها 95 ويمكن كمان لو كانت شدت حيلها اكتر كانت جابت اعلى من كدة مجموع السنتين على بعضه وصل 87 شوفى بقى انتى عليت اد ايه اوعى يجيلك احباط اجتهدى السنة اللى جاية وادعى ربنا كتير والله هتعلى جامد