السلام عليكم معكم محمد من المنصورة محاسب ... عاوز أكلمكم فى موضوع مهم جدا جدا جدا جدا جدا ... وهو لازم تكون عارف أنك داخل الكلية ليه .... الهدف من الكلية أنك فى خلال ال 4 سنين تتعلم كويس علشان تتطلع تشتغل باللى أتعلمته طب سوال هل الجامعات بتعلم التعليم الكافى هقولك للاسف حتى الشغل كله النهارده بينظر ليك على أساس عدد سنوات الخبرة والكورسات يعنى لو معاك شهادة بتقدير أمتياز صعب جدا أنك تشتغل محاسب يبقى ان شاء الله أنت ما تعتمدش على الكلية الاعتماد الكافى ومينفعش تحفظ وتنسى علشان خاطر الامتحان يبقى المطلوب الاتى

1 انك تلتزم فى الكلية وتذاكر الحاجة بهدف شغلك وليس بهدف الامتحان .
2 عدد 4 سنوات كافين جدا أنك تتقن اللغة الانجليزية لانها أصبحت مطلوبة فى سوق العمل.
3 الاهتمام بكورسات الكمبيوتر وخصوصا البرامج المحاسبية
4 استخراج رخصة قيادة
5 تحاول باستمرار تتدرب عمليا ممكن فى الاجازات لو هتأخد كورس مثلا فى مكتب محاسب و الاشتراك فى المنتديات المحاسبية

ياريت تكون وجهة نظرى وصلت لكم وهى أنك داخل علشان تتعلم واللى أتعلمته هو اللى هتطلع تشتغل بيه وهتزود التعليم ده باستمرار وتمنياتى للجميع بالتوفيق