gun4ss
17-07-2011, 07:17 PM
السلام عليكم ورحمه الله وبركاته
ساعدوني من فضلكم
انا جبت 70 % في ثانية ثانوي اللي نقصني جامد الكيمياء نقصت فيها 30 درجة مع اني حالل كل الاسئلة ومتأكد انها صح .. فهل أعمل تظلم ولا اعمل ايه ؟
دلوقتي كنت هأحاول ادبي فايه المواد اللي هاخد في 3 ثانوي ادبي ؟
وهل كلية إدارة الاعمال موجودة في قسم ادبي ؟
شكراً
miss shado
17-07-2011, 10:05 PM
هوا انا مش عارفه حضرتك ولد والا بنت بس عموما المشكلة واحده
انا جبت 83.7% واللي نزلني جامد الكيميا بردو نقصت فيها 16 درجة
وبقيت المواد يعني في اللوجيك العادي
شوف حضرتك انا كنت خلاص قررت اني هحول ادبي بعد ما شفت النتيجة مع اني كنت بتمنى ادخل علمي رياضة وادخل هندسى
بس فوجئت ان والدي بيقولي هدخلك هندسة خاصة فا عشان كده هفضل علمي زي ما انا
انما لو حضرتك عاوز تدخل كلية حكومية بقا وكلية محترمة في نفس الوقت يبقا حول أدبي
عشان كده مش هتلحق حاجه في علمي
والمواد بقا يا سيدي لو حولت ادبي :
( عربي , أنجليزي , تاريخ , علم نفس , فلسفة أو اقتصاد واحصاء)
ربنا معاك ان شاء الله ومعانا كلنا وبالنسبة للتظلم انا كمان هاروح اعمل تظلم بكرة عشان انا اتظلمت جامد
وبردو قبل ما تقرر هتحول ادبي والا هتفضل علمي اعمل تظلم يمكن يكون ليك درجات وربنا يكرمك وتكمل علمي
قلبي معاك وربنا معانا كلنا وآسفة جدا على الاطالة
gun4ss
17-07-2011, 10:35 PM
شكراً ليكي ..
بس أنا سمعت إن في درجتين او 3 درجات هانزلهم لو انا مش غلطان في التظلم فهل الكلام ده صح؟
مش هتفرق بالنسبة لي خاص أو حكومي ...
أنا برده نفسي في هندسة بس هي بتأخد كام في الخاص ؟
وهل انا لو كملت في ادبي ودخلت خاص او حكومي هيكون فيه كلية إدارة الاعمال ولا هي علمي بس
:confused:
miss shado
18-07-2011, 12:13 AM
لا طبعا يا فندم مش هتنزل ولا درجة كل الحوار انك هتروح تدفع 100 جنيه رسوم كشف
والله طلع ليك حق عندهم في الدرجات هيدولك درجاتك وهيرجعولك فلوسك ولو التصحيح صح مية مية وانت فعلا لازم تنقص كل الدرجات دي خلاص عليه العوض في المية جنيه
هندسة في الخاص بتاخد على حسب كل جامعه وعلى حسب معدل التنسيق بردو
ادارة أعمال اللي هيا على حسب ما فهمت منك البيزنس ادمن دي ممكن تجيبها من أدبي يا جميل يعني مش شرط علمي اصلا
ربنا يوفقك شد حيلك عشان بيقولو التنسيق بتاعنا السنة الجاية هيبقا عالي وربنا معاك وأي استفسار انا تحت امرك
تحياتي