|
مشاهدة النسخة كاملة : لطلبة كلية التجارة - جامعة القاهرة (ضع استفسارك هنا) الصفحات :
1
[2]
vampire1188 15-08-2012, 08:04 PM نا جايبه 91.6% علمي رياضه وفي الانجلش 41 و المستوى عربي و جايبه فيه 9 .... ينفع ادخل تجاره انجلش ولا لا !!! لو ادبي كانت فرصتك تبقى اعلي بس علمي الفرصة بتبقى اقل شوية بس انى واي قدمي واللى فيه الخير ربنا يجيبه .. ادعي انتى بس vampire1188 15-08-2012, 08:04 PM معلش سؤال اخير هو فى كرس محاسبة خارجى يكون انجلش معتمد ولا مفيش الكلام ده اصلا ؟ يعنى كورس خارجي مش فاهم ؟!! lolita&mo3geza 16-08-2012, 12:15 AM طب ينفع لو ماتقبلتش فيها احول من القاهره لحلوان واقدم فيها تاني تجاره انجلش ولا باب التقديم بيتقفل خلاص و مابيتفتحش تاني ؟ عـمرو عـادل 16-08-2012, 01:31 PM بمعنى كرس مش من الجامعة من اكادمية مثلا eslam mohsen ali 16-08-2012, 06:22 PM السلام عليكم عندى بعض الاسئلة لك ارجو الاجابة بعد ان تسمح هل انت تجارة عربى ام انجليزى ؟ هل لما انت اتخرجت من الكلية وجدت ان الشركات تجرى وراك ولا انت سعيت فى ذلك وعملت على تنمية مهارتك عن طريق الكورسات واجهتد فى الكلية لكى تحصل على وظيفة محترمة؟ لو انا اتخرجت من كلية تجارة ج القاهرة هل من الممكن ان اشتغل فى دولة عربية ؟ ماذا تعرف عن شهادة cmaوماهميتها ؟ vampire1188 17-08-2012, 04:13 PM طب ينفع لو ماتقبلتش فيها احول من القاهره لحلوان واقدم فيها تاني تجاره انجلش ولا باب التقديم بيتقفل خلاص و مابيتفتحش تاني ؟ لا خلاص كدا شكراااااا مش هاينفع باي حال من الاحوال .. انا بقولك دلوقتى عشان ماتعيش في امل .. الواقع احسن من اي حاجة vampire1188 17-08-2012, 04:14 PM بمعنى كرس مش من الجامعة من اكادمية مثلا ههههههههه بردو مش فاهمك يعنى ايه كورس من اكاديمية ؟ قولي انت في ايه في دماغك او شوفت ايه بالظبط وانا اقولك دا عبارة عن ايه ومفيد ولا مالوش لازمة عشان انت كدا بتلففني حوالين نفسي وبتلف معايا انت كمان vampire1188 17-08-2012, 04:27 PM هل انت تجارة عربى ام انجليزى ؟ عربــى هل لما انت اتخرجت من الكلية وجدت ان الشركات تجرى وراك ولا انت سعيت فى ذلك وعملت على تنمية مهارتك عن طريق الكورسات واجهتد فى الكلية لكى تحصل على وظيفة محترمة؟ كلمة الشركات تجري وراك دي مابتحصلش ومش هاتحصل .. انت لو جايب امتياز وطالع الاول على كليتك بردووووووو انت اللى هاتدور .. لان في الزمن المنيل دا مافيش حد بيجري ورا حد ومافيش شركة او بنك هايقبلك لو ماكانوش هما فعلا شايفين انك قد الشغل اللى هايبقى في ايديك لو اتعينت عندهم (حتى لو معاااااااااك واسطة) لو انا اتخرجت من كلية تجارة ج القاهرة هل من الممكن ان اشتغل فى دولة عربية ؟ ماتشتغل ياسيدي حد قالك مش هاتشتغل .. واوروبية كمان .. بس الموضوع كله مش موضوع امكانية انك تسافر على قد ماهو موضوع انا هاسافر ازاى ومين اللى هايجيبلي شغل بره .. فاهمني ؟ عشان القصة دي انا ياما دورت فيها وليا اصدقاء بيدورو فيها وليا ناس اولريدي فعلا سافرت ومالقوش شغل هناك الا بعد طلوع الروح وبمرتب مش واااااااو اوي زي مانتا متخيل يعنى ماذا تعرف عن شهادة cmaوماهميتها ؟ لا اكيد اعرف كتير يعنى بس عشان اقولك اعرف ايه واهميتها ايه دي عايزالها مواااااااال هيا باختصار كدا ومن الاخر .. انت هنا بتتعلم تعليم زبالة وغير معترف بيه في الخارج (في الخارج يعنى اوروبا وامريكا) هاتقولي حتى لو انا تجارة انجليش ؟ هاقولك ااااااااه حتى لو تجارة انجليش وبالتالى عشان انت تشتغل بره بتعمل ايه ؟ فيه حاجة اسمها الجمعية الامريكية للمحاسبين دي بتعمل برنامج محاسبي متكامل بتاخده وبعد مابتخلصه بتاخد شهادة معتمدة منهم بتقول يا جماعة الراجل دا احنا معترفين بيه هنا في امريكا ويجوز ليه انه يشتغل عندنا او يشتغل في اي دولة بتعترف بالشهادة دي وطبعاااا مافيش دولة في العالم مش بتعترف بالـ cma اكيد يعنى .. عشان كدا بيبقى اسمها شهادة مهنية دولية مهنية يعنى ايه ؟ يعنى عملية .. يعنى بتشتغل بايدك وبتعمل بروجيكتات وحاجات واقعية مش اي هبل من اللى بتاخده في الكلية دا .. طبعا تكلفة الشهادة مش قليلة .. توتال كدا ممكن توصلها مابين 7 لـ 10 الاف بس شهادة زي دي طبعا ارخص بكتيييييييييييير لو قارنتها بشهادة تانية زي الـ mba (اللى انا عايز ادرسها :)) ملخص اللى عايز اقولهولك ماتشغلش نفسك بالكلام دا كله من دلوقتى لان انتا لسه قدامك اربع سنين ياما هاتشوف بعينك وياما هاتلاقي نفسك عرفت حاجات جديدة وميولك هاتتغير وشخصيتك كمان هاتتغير مع الوقت سواء اثناء الجامعة او حتى بعد ماتشتغل fiarnanido 20-08-2012, 09:51 AM يا باشا انتا جايب 94 % !! .. دانتا تخشها وانتا حاطط رجل على رجل قدم وباذن الله هاتتقبل وابقى قول الراجل دا قال :) انا قدمت بس خااايف اووي اه صحيح انا ادبي و معلش هو ينفع لو مش قبلت احول السن ولا ايه lolita&mo3geza 20-08-2012, 04:02 PM لو فتح باب التحويلات للمرحله الثالثه ينفع اقدمفيه و انا مرحله تانيه و اروح عين شمس ؟؟ في هناك قالولي هايخلصولي ورقي في تجاره انجلش بمجرد اني احول ورقي هناك وعايزه اي طريقه احول بيها قبل ما تبتدي الدراسه eslam mohsen ali 20-08-2012, 07:37 PM السلام عليكم ايه الاقسام فى كلية تجارة عربى التى لها مستقبل؟ elcotta 29-08-2012, 07:31 AM بجد يا فامبير تسلم ايدك اووووووووووى انت كل كلامك ده فادنى جداااااااااا انا لسه قابله فى تجاره القاهره وهعمل زى ما قلت انا مش عايزه حاجه علفكره اا بس عايزه اقؤلك انك لذيذ اووووووى ودمك خفيف جداااااااااااااااا وزى السكر وعلفكره انا مش مرتبطه هههههههههههههههههههههههههههههههههههههههه vampire1188 31-08-2012, 03:21 PM لو فتح باب التحويلات للمرحله الثالثه ينفع اقدمفيه و انا مرحله تانيه و اروح عين شمس ؟؟ في هناك قالولي هايخلصولي ورقي في تجاره انجلش بمجرد اني احول ورقي هناك وعايزه اي طريقه احول بيها قبل ما تبتدي الدراسه لاء ماينفعش vampire1188 31-08-2012, 03:23 PM السلام عليكم ايه الاقسام فى كلية تجارة عربى التى لها مستقبل؟ افتح الموضوع دا (http://thanwya.com./vb/showthread.php?t=342098) وعيش حياتك فيه وانت تعرف vampire1188 31-08-2012, 03:24 PM بجد يا فامبير تسلم ايدك اووووووووووى انت كل كلامك ده فادنى جداااااااااا انا لسه قابله فى تجاره القاهره وهعمل زى ما قلت انا مش عايزه حاجه علفكره اا بس عايزه اقؤلك انك لذيذ اووووووى ودمك خفيف جداااااااااااااااا وزى السكر وعلفكره انا مش مرتبطه هههههههههههههههههههههههههههههههههههههههه هههههههههههههه ولا انااااااا :p ربنا يخليكي دا بس من زوقك :) محمد علاء سعد 02-09-2012, 03:50 AM عايز اعرف تجاره انتساب بتبقا كام يوم فى الاسبوع ؟! و اليوم بيبقا كام محاضره ؟!!؟ و انا سمعت ان انتساب ممكن يحضر محاضرات مع انتظام لو كان بيديه نفس الدكتور الكلام دا صحيح ولا ايه ؟!!؟ ahmed26 02-09-2012, 04:21 AM عايز اعرف تجاره انتساب بتبقا كام يوم فى الاسبوع ؟! و اليوم بيبقا كام محاضره ؟!!؟ و انا سمعت ان انتساب ممكن يحضر محاضرات مع انتظام لو كان بيديه نفس الدكتور الكلام دا صحيح ولا ايه ؟!!؟ بتبقى 4 ايام فى الاسبوع وبيبقى عنك يومين محضرتين ويومين ثلاث محاضرات وانتساب مبيحضرش مع انتظام حتى لوكان نفس الدكتور لان الانتساب بيبقى ليه جدول محدد وانتظام ليه جدول محدد ام حفصه 05-09-2012, 09:31 AM السلام عليكم معلش عندى استفسار لى قريب تجارة اسيوط وجايب تقدير مقبول فارق عن الجيد 3 درجات حسبى الله ونعم الوكيل فيهم بتوع اسيوط والسنه دى حول القاهرة قدم يعنى فرصته فى قبول التحويل ايه وهو من ساكنى الجيزة يا ريت لو تعرف تطمنى ضرورى ونتيجه التحويل بتظهر امتى وفين وازاى ولك جزيل الشكر faten touta 05-09-2012, 10:19 AM انا عندى سؤال .. انا جبت 88 % و 41.5 ف الانجلش و مش واخدة مستوى رفيع انجلش قدمت ف انجلش القاهرة و مش قبلت ينفع احول لجامعه حلوان و اطلب انى ادخل انجلش و لا كدا خلاص اتدسبت ف عربى القاهرة ؟ و ايه هى المجموعة المميزة دى عشان سمعت عنها ؟ و لو فضلت ق القاهرة .. ينفع اقدم فيها ولا لا ؟ انا اسفه طولت عليكى بس عشان مخنوقة اوى .. ممكن تردى بليييييييييييييييييييييييييييييز eslam mohsen ali 05-09-2012, 05:54 PM السلام عليكم اين بوست الكورسات والترينج واريد كل شئ عن شهادة cmaازاى الواحد يعملها ؟و امتى ؟ هل لو انا اخذت هذه الشهادة يبقى افضل من الذى اخذ تجارة انجليزى بدون هذه الشهاده؟ vampire1188 06-09-2012, 08:56 PM انا عندى سؤال .. انا جبت 88 % و 41.5 ف الانجلش و مش واخدة مستوى رفيع انجلش قدمت ف انجلش القاهرة و مش قبلت ينفع احول لجامعه حلوان و اطلب انى ادخل انجلش و لا كدا خلاص اتدسبت ف عربى القاهرة ؟ ههههه لا للاسف اتدبستي واللى كان كان بقى لان على باااال ماتحولي لتجارة عين شمس مثلا وتخلصي اجرائات التحويل الورقي هايكون تقديم تجارة انجليش قفل !! و ايه هى المجموعة المميزة دى عشان سمعت عنها ؟ و لو فضلت ق القاهرة .. ينفع اقدم فيها ولا لا ؟ فيه بوست مفصل اقريه ولو فيه استفسار انا معاكي http://thanwya.com./vb/showpost.php?p=3813686&postcount=11 مع ملاحظة ان فيه تعديل بس الا وهو المجموعة المميزة رجعت تاني .. هيا اه كانت اتلغت فعلا بس رجعت تاني خلاص silverbullet 08-09-2012, 04:40 PM ياجماعه هو تجاره القاهره انتساب السنه ديه يومين ولا اربعه....و مواعيد المحاضرات بتكون من امتى لامته ( ف الغالب) vampire1188 08-09-2012, 05:08 PM ياجماعه هو تجاره القاهره انتساب السنه ديه يومين ولا اربعه....و مواعيد المحاضرات بتكون من امتى لامته ( ف الغالب) يومين يا معلم لان الجداول اولريدي نزلت eslam mohsen ali 09-09-2012, 02:43 PM السلام عليكم ياعم فامبير رد على دا انا تلميذ وانت استاذ سالتك على شهادة cma ,وانت مشكور ردت بس كان رد صغير وبعد ذلك اعادت السؤال مرة ثانية وهو متى يمكنى ان اعمل هذه الشهادة؟ وكم تكلف؟ وهل لها ميزة فى مجال البنوك فى الدول العربية ؟ فى جامعة القاهرة مركز الدراسات التجارية ينظم كورسات فى الانجليزى هل هذا المركز كويس ولا؟ لو انا حصلت على هذا الشهاده سوف اكون محاسب دولى ؟ blobb 10-09-2012, 07:17 PM انا قدمت ودفعت واخذت ايصال الدفع بس بعد كده بفتره رحت شئون الطلبه عشان اسال على الكارنيه خدوا منى الايصال تانى عشان الكارنيه فعايز اعرف هو الايصال ده هاحتاجه فى حاجه سوال تانى هو الواحد ازاى عايغرف المدرج بتاعه mostafa_star94 11-09-2012, 11:04 AM تسلم إيدك على الموضوع بصراحه بس انا عايز افهم نقطة صغيره...كل اللى انت قولتو ده مطبق على طلبة الانتظام بس ولا إيه ؟ اصلي انا جاتلي عين شمس إنتساب فـ جواب الترشيح ف عايز افهم موضوع الحضور شكرا.. شمس الضحا 19-10-2012, 12:14 AM شكرا على الاهتمام ولكن مفيش كتب او اى حاجة لدبلومات المحاسبة جامعة القاهرة سنة اولى؟ Alaa M Nagy 08-11-2012, 01:57 AM جزاك الله خيرا على المعلومات القيمة..لكن عندي استفسار صغير أنا في تانية تجارة عربي القاهرة هل بإمكاني التحويل لتجارة انجلش بعد أن أصبح القبول في تجارة إنجلش عن طريق التنسيق الداخلي ؟؟.. و إذا كان هذا ممكن فهل هذا يعني إني سأعود لسنة أولى مرة أخرى أم لا؟؟... و شكرا جزيلا... Alaa M Nagy 08-11-2012, 02:00 AM أعتذر على الإزعاج... سؤال إضافي ما هي الدورات اللازمة و التقدير و الشروط اللازم للعمل في بنك ؟ و شكرا vampire1188 15-12-2012, 07:06 PM جزاك الله خيرا على المعلومات القيمة..لكن عندي استفسار صغير أنا في تانية تجارة عربي القاهرة هل بإمكاني التحويل لتجارة انجلش بعد أن أصبح القبول في تجارة إنجلش عن طريق التنسيق الداخلي ؟؟.. و إذا كان هذا ممكن فهل هذا يعني إني سأعود لسنة أولى مرة أخرى أم لا؟؟. لا ياباشا مافيش حاجة اسمها انك تبقى في عربي وبعد كدا تحول لانجليش في العكس .. انك تبقى انجليش وتحول لعربي بس ساعتها هاترجع لسنة اولي تاني (بس مش هاتمتحن في كل المواد بمعنى اي حاجة فيها محاسبة او رياضة تقريبا هاتبقى مش عليك لكن المواد الادارية والرغي هيا اللى هاتمتحن فيها) أعتذر على الإزعاج... سؤال إضافي ما هي الدورات اللازمة و التقدير و الشروط اللازم للعمل في بنك ؟ تقدير عام مش اقل من جيــد انجليش ممتاز (كلام وشغل) يفضل خريج قسم محاسبة او تمويل finance كورسات مصرفية .. كورس المعهد المصرفي fundamentals of banking و كورس التريجاري اسمه CTB من الامريكان تشامبر بالتوفيق ان شاء الله omar ozma 02-01-2013, 06:15 PM سلام عليكم انا بس عاوز اعرف حاجة ما هى مميزات تجارة جورجيا واية هى كمان عيوبها وظائف فيها منسبة فى كل مكان ولا لا وكمان النتر فيو بيكون اسالة عن اية محاسب وكدااا ولا انجلش بليزززززز ساعدنى انا عاوز عرف كل حاجة عنها قبل الدخول فى المجال دا ان شاء اللة شكرا omar ozma 02-01-2013, 06:17 PM طب بالنسبة لخريجى جورجيا دول بيبقى نظامهم فى الشغل ايه هل هما مطلوبين ولا عادى ولا ايه النظام اصلا ahmed4781 10-01-2013, 05:43 PM الف الف شكر اخى الكريم على موضيعك المميذه لدى استفسار اخى وارجو الرد لانى من الصعيد محافظه سوهاج انا اعمل مدرس فى مدرسه صناعيه حاصل على معهد درسات تكميليه سنتان بعد دبلوم صناعى واريد ان التحق باى كليه تكون ساهله انتساب او تعليم مفتوح ولا يوجد امامى تجاره بس ايهما افضل واسهل فى اقسام التجاره حيث يمكننى التقدم له انتساب او تعليم مفتوح وهل يمكننى ان ادخل قسم علوم سياسيه ارجو الرد بالله عليك وجزاك الله كل خير Meroo.tarek 10-01-2013, 06:15 PM الســــــلام عليـــكم ياجماعة انا فى اول جامعة بس مأجل السنة دى لظروف معينة وكنت تجارة انتظام سوهاج وبما انى من المنصورة فا كانت سوهاج بعيدة وكان نفسى اخش تجارة انجلش ومجموعى 85.6 وانا علمى رياضة والانجلش بتاعى 44.5 بس كنت حولت تجارة انتساب بنها وانا طبعا مأجل السنة دى. كنت حابب بقى استفسر ان كان ممكن اقدم السنة الجاية فى التنسيق بتاع السنة الجاية ولا ايه ؟ حد يرد عليا ضرورى....... vampire1188 10-01-2013, 10:39 PM سلام عليكم انا بس عاوز اعرف حاجة ما هى مميزات تجارة جورجيا واية هى كمان عيوبها وظائف فيها منسبة فى كل مكان ولا لا وكمان النتر فيو بيكون اسالة عن اية محاسب وكدااا ولا انجلش بليزززززز ساعدنى انا عاوز عرف كل حاجة عنها قبل الدخول فى المجال دا ان شاء اللة شكرا عايز رأيي الشخصي ؟؟ .. فااااااااااكس فكك منها .. تجارة انجليش برقبتها .. وفر فلوسك وروح الجي يو سي ولو مستواك المادي مستريح يبقى عليك وعلى الايه يو سي وعيش حياتك vampire1188 10-01-2013, 10:41 PM طب بالنسبة لخريجى جورجيا دول بيبقى نظامهم فى الشغل ايه هل هما مطلوبين ولا عادى ولا ايه النظام اصلا عاااااااادي يا مان زيهم زي تجارة انجلش تقريبا مافيش حاجة ادفانسد اوي زي مانتا فاكر vampire1188 10-01-2013, 10:42 PM ياجماعة انا فى اول جامعة بس مأجل السنة دى لظروف معينة وكنت تجارة انتظام سوهاج وبما انى من المنصورة فا كانت سوهاج بعيدة وكان نفسى اخش تجارة انجلش ومجموعى 85.6 وانا علمى رياضة والانجلش بتاعى 44.5 بس كنت حولت تجارة انتساب بنها وانا طبعا مأجل السنة دى. كنت حابب بقى استفسر ان كان ممكن اقدم السنة الجاية فى التنسيق بتاع السنة الجاية ولا ايه ؟ حد يرد عليا ضرورى....... اقنعني كدا وقووووووولي تيجي ازاااااااااااى ؟!!! يا باشا انت كدا اولريدي على ذمة تجارة سوهاج انتساب حتى لو ماجل عشرين سنة يعنى شكرا مش هاتعرف تحول اي تجارة انجليش تاني في البلد دي ahmed4781 12-01-2013, 03:44 PM اخى الكريم ارجو الرد هل يمكننى الانتساب لكليه التجاره او حقوق وانا عندى 37 سنه وحاصل على معهد دراسات تكميليه سنتان بعد الدبلوم الصناعى vampire1188 13-01-2013, 09:53 PM اخى الكريم ارجو الرد هل يمكننى الانتساب لكليه التجاره او حقوق وانا عندى 37 سنه وحاصل على معهد دراسات تكميليه سنتان بعد الدبلوم الصناعى تعليم مفتوح يا باشا وعليك خير :) Ahmed149 16-01-2013, 08:02 AM استفسارى طويل حبيت معلش : انا كنت جايب فى الثانويه 92 والانجليزى 46 ومستوى رفيع انجليزى 8 وكنت نفسى ادخل جامعه القاهرة بس طبعا منفعش علشان التوزيع الجغرافى فدخلت المنوفيه وحاولت احول للقاهرة قالى وكيل شئون الطلبه ان لازم اقدى السنه الاولى فى المنوفيه وبعدين احول القاهرة فهل فعلا اقدر احول تجارة انجلش فى سنه تانيه ؟؟ وهل فعلا المستوى وفرص الشغل بين القاهرة والمنوفيه يفرق ؟ والسؤال التانى هل اقدر ادخل اكتوارى ؟وهل هى تفرق عن تجارة انجلش؟ شكرا ........ ومعلش على التطويل :):) vampire1188 17-01-2013, 11:14 PM قالى وكيل شئون الطلبه ان لازم اقدى السنه الاولى فى المنوفيه وبعدين احول القاهرة اهي دي تثبيته لوز اللوز .. دي ماتنفعش الا في حالة واحده بس وهي انك تغير عنوان اقامتك للقاهرة ولو كنت انجليش للاسف مش هاينفع باي حال من الاحوال تحول لتجارة انجليش من جامعة لجامعة تانية لان دا قرار مجلس اعلي للجامعات ولا تقولي عميد ولا تقولي رئيس جامعة حتى !! وهل فعلا المستوى وفرص الشغل بين القاهرة والمنوفيه يفرق ؟ اه اكيد بيفرق طبعا بس قشطة عادي يعنى نصيبك هاتاخده اينما كنت والسؤال التانى هل اقدر ادخل اكتوارى ؟وهل هى تفرق عن تجارة انجلش؟ شكرا ........ ومعلش على التطويل عشان مارغيش معاك كتير فيها .. خلاصة الاجابة .. لاء Ahmed149 18-01-2013, 04:01 PM شكرا ليك كتير :) mahmedfahmy58 05-02-2013, 01:06 AM هى مواعيد الدراسة الترم التانى هيبدا امتى؟ aya ss 16-02-2013, 03:06 AM لو سممححتم كنت عايزة اسال لو انا عايزة ادخل كليه تجارة خاص ممكن اعرف مصاريفها كام ومثلا بتدفع كل سنه ولا كل ترم وكام بيدفع واماكن كليات التجارة الخاص وااساميهم اه aya ss 16-02-2013, 04:59 PM لو سممححتم كنت عايزة اسال لو انا عايزة ادخل كليه تجارة خاص ممكن اعرف مصاريفها كام ومثلا بتدفع كل سنه ولا كل ترم وكام بيدفع واماكن كليات التجارة الخاص وااساميهم اه لو سمحتم ردو عليا ضرووووووووووووورى بعد ازنكم man_reda 19-04-2013, 06:23 AM - كلية الحاسبات والمعلومات بتقدم خدمة بيع سيديهات الويندوز والاوفيس الاصلية باسعار رخيصة جدا جدا وعشان تجيبها لازم يبقى معاك الكارنيه أستفاد من موضوع السيديهات ديه أزاى يعنى أروح فين أجيبها وبكام تقريبا ولأى حد معاه الكارنيه فى تجاره القاهره ؟ وشكرا يا باشا مينو200 28-04-2013, 08:05 AM عاوز اخد رأيك فى حاجة انا دى اول سنة ليا فى جامعة القاهرة التعليم المفتوح تجارة وعاوز ومعرفش اى حاجة عن المناهج ولا عمرى حتى روحت الجامعة بس السؤال هو هل لو ذاكرت قبل الامتحانات بشهر اقدر انجح ولا لازم اكون بحضر ارجو الافادة اشكرك زياد محمد رضا 20-05-2013, 04:38 AM السلام عليكم لوسمحتم ياجماعه انا معايا ليسانس حقوق 2008 وكنت عاوز ادخل كليه تجاره علما بان مجموعى فى الثانويه كان 90% فياريت لو حد يقدر يفدنى يرد عليا و،ولو كان ينفع هل النظام فيها هيبقى انتظام ولا انتساب ؟؟. ولكم جزيل الشكر hamada9080 07-06-2013, 04:01 PM السلام عليكم ورحمة الله بركاته انا لدي استفسار ضروري جدا انا حاليا في معهد خاص هندسة اريد ان احول تجارة انجلش انا جايب 88.41 في الثانوية وجايب 36.5 في الانجليزي هل ينفع احول تجارة انجلش واذا كان ما ينفعش ايه الحل ارجو التوضيح وشكرا لسعة صدر حضرتك zhrat aljasmen 19-06-2013, 04:07 PM احب اشكر حضرتك انا بجد استفدت من الكلام واتمنى ان ربنا يكرمنى ومجموعى يجيب ، بس انى لى استفسار بسيط هل حضرتك تعرف حاجة بالنسبة للدبلوم التجارة اللى عايزين يدخلوا الكلية وعن نظام المعادلة والمفروض اكون جايبة كام عشان اعمل معادلة واتمنى انى مكنش طولت على حضرتك واتمنى كمان ان حضرتك تجاوبنى vampire1188 21-06-2013, 08:51 PM احب اشكر حضرتك انا بجد استفدت من الكلام واتمنى ان ربنا يكرمنى ومجموعى يجيب ، بس انى لى استفسار بسيط هل حضرتك تعرف حاجة بالنسبة للدبلوم التجارة اللى عايزين يدخلوا الكلية وعن نظام المعادلة والمفروض اكون جايبة كام عشان اعمل معادلة واتمنى انى مكنش طولت على حضرتك واتمنى كمان ان حضرتك تجاوبنى ولا حاجة .. لازم تكوني في دبلوم تجاري نظام 5 سنين وتكوني جايبه 85 % تقريبا (دا على ايامي الله اعلم بقى علوها ولا ايه) وبتخشي امتحان للمعادلة في الصيف تقريبا في شهر 8 وبتمتحني رياضة وادارة ومحاسبة والكلية بتبقى محددة عدد معين عشان ياخدوه وبياخدو اعلي مجاميع طبعا لو ربنا وفقك ونجحتي بتخشي الكلية على سنة تانية مباشرة (بتتخطي مرحلة سنة اولي دي خلاص) zhrat aljasmen 22-06-2013, 01:17 AM جزاك الله خيرا ، يبقى كده انا مينفعش ادخل لانى نظام 3 سنوات طب معلشى مافيش معاهد اربع سنين لنظام بتاعى ولا يعنى الواحد خلاص يحمد ربنا على كده zhrat aljasmen 24-06-2013, 02:59 PM اتمنى ان حضرتك ترد يا استاذ فامبير لاننا هرتب نفسى على رد حضرتك aboasef 16-07-2013, 10:58 PM لو سمحت عايز اعرف مصاريف قسم علوم اكتواريه للوافدين الفلسطينين aboasef 16-07-2013, 11:07 PM عايز اعرف مصاريف قسم علوم اكتواريه للوافدين الفلسطينين كام vampire1188 17-07-2013, 08:07 PM جزاك الله خيرا ، يبقى كده انا مينفعش ادخل لانى نظام 3 سنوات طب معلشى مافيش معاهد اربع سنين لنظام بتاعى ولا يعنى الواحد خلاص يحمد ربنا على كده ماعتقدش ان فيه للاسف :( vampire1188 17-07-2013, 08:08 PM لو سمحت عايز اعرف مصاريف قسم علوم اكتواريه للوافدين الفلسطينين المصاريف مش هاتبقى updated اوي بس هيا هاتبقى رينج بين الـ 6000 للـ 8000 نفس مصاريف تجارة انجليش بس اعلي شوية عشان الطلبة الوافدين بيدفعوا اكتر .. ودا بردوووو على حسب انت عايش فين ومربعك السكني فين محمد ابراهيم الجوهرى 18-07-2013, 10:13 PM السلام عليكم و رحمه الله و بركاته, انا كنت عايز اعرف إيه اصسام كلية التجارة وإيه الاكثر فرصة للتوظيف و الاكثر طلبا؟؟ وما هو موقع الذى اعرف منه التنسيق لسنة 2013/2014 aboasef 19-07-2013, 03:59 PM لو سمحتو عايز اعرف معلومات عن قسم العلوم الاكتواريه وعايز اعرف مصاريف القسم ده كام بالنسبه للوافدين الفلسطينين ضروري جدا لاني انا السنه دي ثانويه عامه وعايز ادخل القسم ده ارجو الافاده لمن لديه اي معلومات aboasef 19-07-2013, 04:03 PM المصاريف مش هاتبقى updated اوي بس هيا هاتبقى رينج بين الـ 6000 للـ 8000 نفس مصاريف تجارة انجليش بس اعلي شوية عشان الطلبة الوافدين بيدفعوا اكتر .. ودا بردوووو على حسب انت عايش فين ومربعك السكني فين يعني المصاريف بس هتبقى في الحدود دي انا في حد قلي اكتر من كده بكتير vampire1188 19-07-2013, 10:33 PM السلام عليكم و رحمه الله و بركاته, انا كنت عايز اعرف إيه اصسام كلية التجارة وإيه الاكثر فرصة للتوظيف و الاكثر طلبا؟؟ وما هو موقع الذى اعرف منه التنسيق لسنة 2013/2014 الاقسام دي بتبقى على حسب سيادتك هاتخش كلية ايه يعنى فيه جامعات فيه اقسام معينة ممكن ماتلاقيهاش في جامعات تانية .. يعنى مثلا على سبيل المثال لا الحصر : >> جامعة القاهرة : ادارة - تأمين - محاسبة >> جامعة حلوان : محاسبة - ادارة اعمال - اقتصاد - تأمين >> جامعة عين شمس : تأمين - محاسبة حتة بقى مين ليه فرص توظيف دي انت ونصيبك وانت ومجهودك وشطارتك وبعدين انت لسه بدري عليك اوي .. لما تبقى تخش الكلية وتتعامل وتفهم الجو ساعتها انت اللى هاتحدد انت هاتمشي في انهي سكة vampire1188 19-07-2013, 10:35 PM لو سمحتو عايز اعرف معلومات عن قسم العلوم الاكتواريه وعايز اعرف مصاريف القسم ده كام بالنسبه للوافدين الفلسطينين ضروري جدا لاني انا السنه دي ثانويه عامه وعايز ادخل القسم ده ارجو الافاده لمن لديه اي معلومات يا باشا مانا قولتلك قبل كدا وانت كدا كدا اصلا القسم دا مش هاتخشه باذن الله الا مع بدااااااية سنة تانية يعنى ماتفتكرش انك اول ماهتخش الكلية هاتخش الكلية على اكتواري على طول !! والاكتواري دا مش موجود في مصر كلها غير في الجامعة الامريكية وجامعة القاهرة وانا قايل الكلام دا قبل كدا في مواضيع سابقة على فكرة .. حاول ترجع ليه وانت هاتعرف كل التفاصيل GGMGG 20-07-2013, 12:42 PM انا جبت 87.8علمى رياضه وفى الانجلش 48 ممكن ادخل تجاره انجلش عين شمس السه دى بيقولو هينزل ويقل التسيق الداخلى vampire1188 20-07-2013, 04:15 PM انا جبت 87.8علمى رياضه وفى الانجلش 48 ممكن ادخل تجاره انجلش عين شمس السه دى بيقولو هينزل ويقل التسيق الداخلى لو علمي يبقى معقــول مش وحش .. خوض التجربة وجرب وماتخافش ولو ليك نصيب فيها هاتخشها باذن الله raw 4 ever 22-07-2013, 12:59 AM انا جايب 81% وفى الاينجلش 48 و الاينجلش مستوى رفيع 9.5 هل كده ممكن اتقبل تجاره اينجلش القاهره ؟ وبعدين سمعت انى فى الرغبات اكتب تجاره القاهره واكتب تجارة كذا محافظة ولو جتلى مثلا اسكندريه ممكن احول للقاهره فى نظام اسمه كريديت بس بدفع اكتر بس المهم انى اروح قاهره ده صح ولا ايه ؟ omar.ahmed3 22-07-2013, 05:46 AM انا جايب 82.44 وعايز ادخل تجارة عربى هل ليها شروط ؟ محمد ابراهيم الجوهرى 23-07-2013, 01:30 AM السلام عليكم, انا كنت عايز اعرف قسم نظم و معلومات فى كلية التجارة موجود فى تجارة القاهرة بس ولا فى كليات تانية؟ ولو كانت فى القاهرة بس وانا اتقبلت فى تجارة اسيوط او اى ماكن تانى ممكن انقل لتجارة القاهرة فى نفس السنة؟ وعندى سؤال تانى إيه القسم الاحسن والمطلوب فى سوق العمل اكثر محاسبة ولا ادارة اعمال ولا نظم و معلومات وهل التخصص بيبقى من اول سنة ولا من امتى؟ vampire1188 23-07-2013, 02:07 PM السلام عليكم, انا كنت عايز اعرف قسم نظم و معلومات فى كلية التجارة موجود فى تجارة القاهرة بس ولا فى كليات تانية؟ مش موجود في القاهرة اصلا .. دا هاتلاقيه موجود في تجارة حلوان اسمه قسم ibs ولو كانت فى القاهرة بس وانا اتقبلت فى تجارة اسيوط او اى ماكن تانى ممكن انقل لتجارة القاهرة فى نفس السنة؟ اه بتعمل تقليل اغتراب وكله من ع النت وعندى سؤال تانى إيه القسم الاحسن والمطلوب فى سوق العمل اكثر محاسبة ولا ادارة اعمال ولا نظم و معلومات وهل التخصص بيبقى من اول سنة ولا من امتى؟ انا مش هاجاوبك على السؤال دا . انت اللى هاتجاوب عليه ان شاء الله لما تخش الكلية وتدرس ashrafahmed1997 23-07-2013, 05:01 PM يا جماعة انا مش جايب اي حاجة و لسة 2 ثانوي بس عاجبني فامبير دا اوي الصراحة دا برنس و انا داخل اسلم علية مش اكتر و اسئلة هو كلية اية و شكرا vampire1188 23-07-2013, 09:28 PM يا جماعة انا مش جايب اي حاجة و لسة 2 ثانوي بس عاجبني فامبير دا اوي الصراحة دا برنس و انا داخل اسلم علية مش اكتر ههههههههههههه حبيب قلبي منور يا باشا و اسئلة هو كلية اية واحد مشرف قسم كلية تجارة عايزة يبقى كلية ايه ؟!! هندسة مثلا ؟!! محمد ابراهيم الجوهرى 24-07-2013, 03:34 AM الف شكر يا vampire على الرد بس كنت عايز اعرف التخصص بيبقى من سنة كام؟ وكنت عايز اعرف ازاى اقدم فى تجارة انجليزى فى التنسيق عشان بدور عليها ميش لاقيها Gamal Beltagy 27-07-2013, 03:56 PM السلام عليكم أنا عايز أستفسر هل فى قسم تجارة إنجليش بالسويس ؟؟ لأنى من السويس والتوزيع الجغرافى شكله هيجبرنى أكون بالسويس . ولو أنا دخلت فى السويس هذا العام ممكن أنقل العام القادم إلى القاهرة أو عين شمس مثلا ؟؟ vampire1188 28-07-2013, 08:22 PM الف شكر يا vampire على الرد بس كنت عايز اعرف التخصص بيبقى من سنة كام؟ وكنت عايز اعرف ازاى اقدم فى تجارة انجليزى فى التنسيق عشان بدور عليها ميش لاقيها التخصص على حسب انت سنة كام فيه جامعات التخصص فيها من تالته وجامعات التانية بتبقى من رابعة بالنسبة للتقديم في تجارة انجليش لازم تبقى داخل تجارة عربي انتظام ومنها بتقدم على تنسيق داخلي لتجارة انجليش vampire1188 28-07-2013, 08:24 PM السلام عليكم أنا عايز أستفسر هل فى قسم تجارة إنجليش بالسويس ؟؟ لأنى من السويس والتوزيع الجغرافى شكله هيجبرنى أكون بالسويس . ولو أنا دخلت فى السويس هذا العام ممكن أنقل العام القادم إلى القاهرة أو عين شمس مثلا ؟؟ ماينفعش تنقل تجارة انجليش من جامعة لجامعة maged4ninja 29-07-2013, 04:53 PM اه بتعمل تقليل اغتراب وكله من ع النت بس هيبقي انتساب باب التقديم في تجاره القاهره انتساب بيفتح امتي ؟! mai f 30-07-2013, 12:50 AM انا مجموعى الاعتباااارى 397.5 علمى .. عايزة تجارة انجليزى ... اكتبها فى الرغبات ولا صعب انها تيجى اصلااا ؟؟؟ vampire1188 30-07-2013, 01:14 AM س هيبقي انتساب باب التقديم في تجاره القاهره انتساب بيفتح امتي ؟! هاتلاقيها بدءا من المرحلة التانية في التنسيق ان شاء الله vampire1188 30-07-2013, 01:17 AM انا مجموعى الاعتباااارى 397.5 علمى .. عايزة تجارة انجليزى ... اكتبها فى الرغبات ولا صعب انها تيجى اصلااا ؟؟؟ على حسب هاتقدمي في جامعة ايه .. بس انا شايف مجموعك كويس على فكرة Morethanlove Tito 30-07-2013, 05:57 AM انا جايب 358.5 من غير مستوى و واخد مستوى انجلش وجايب فية 8.5 و درجة الانجلش 46 يعنى مجموعى الاعتبارى 408 وجالى تجارة القاهرة و عايز اقدم تجارة انجلش كدة هقبل ولا !! وفى ناس بتقول ان الى واخد مستوى انجلش بيتاضف درجتة مرتين مرة على درجة الانجلش ومرة على المجموع الكلام دة صح ولا !! والمفروض اعمل اية علشان اقدم تنسيق داخلى !! و أمتى المفروض اقدم !! babion 30-07-2013, 04:37 PM انا ادبي ومجموعي الاعتباري 398 هلحق تجارة انجليش قاهرة ولا احول حلوان من دلوقتي عشان انا مش عايز ادخل تجارة عربي بصراحة vampire1188 30-07-2013, 04:58 PM انا جايب 358.5 من غير مستوى و واخد مستوى انجلش وجايب فية 8.5 و درجة الانجلش 46 يعنى مجموعى الاعتبارى 408 وجالى تجارة القاهرة و عايز اقدم تجارة انجلش كدة هقبل ولا !! أدبي ولا علمي ؟؟ وفى ناس بتقول ان الى واخد مستوى انجلش بيتاضف درجتة مرتين مرة على درجة الانجلش ومرة على المجموع الكلام دة صح ولا !! هههه لا طبعا دا تهريج .. مافيش حاجة اسمها الكلام دا !! والمفروض اعمل اية علشان اقدم تنسيق داخلى !! و أمتى المفروض اقدم !! تقدم عربي الاول عااااااادي جدا بعد كدا تروح لشئون طلبة تجارة انجليش وتقولهم عايز استمارة تقديم شعبة .. بـ 100 جنيه تقريبا (الكلام دا من 3 سنين مش عارف بقى غليت ولا لاء) vampire1188 30-07-2013, 05:01 PM انا ادبي ومجموعي الاعتباري 398 هلحق تجارة انجليش قاهرة ولا احول حلوان من دلوقتي عشان انا مش عايز ادخل تجارة عربي بصراحة محسسني ان عربي دي فيها جرب !! مااااعلينا .. لا انا شايف ان خليك في حلوان احسن .. او انك تقدم قاهرة بس ممكن تروح الشيخ الزايد babion 30-07-2013, 05:07 PM محسسني ان عربي دي فيها جرب !! مااااعلينا .. لا انا شايف ان خليك في حلوان احسن .. او انك تقدم قاهرة بس ممكن تروح الشيخ الزايد والله عارف انك هتفهم غلط , مش جرب ولا حاجة ياباشا بس انا متعود من اولي ابتدائي اكتب الارقام بالانجليزي وكدا يعني هخش تجارة عربي مش هفهم حاجة بيقولك تربيعة و اوس وحاجات غريبة كدا :d شيخ زايد شيخ زايد , بس هلحقها ولا ايه ؟ بنسبة كام في المية مثلا كدا vampire1188 30-07-2013, 05:45 PM والله عارف انك هتفهم غلط , مش جرب ولا حاجة ياباشا بس انا متعود من اولي ابتدائي اكتب الارقام بالانجليزي وكدا يعني هخش تجارة عربي مش هفهم حاجة بيقولك تربيعة و اوس وحاجات غريبة كدا ههههه عادي طب مانا طول حياتي رياضة عربي وكل دراستي بالعربي وحاليا كل شغلي بالانجليش بما يتضمنه ارقام وحسابات !! عادي عادي ماعلينا شيخ زايد شيخ زايد , بس هلحقها ولا ايه ؟ بنسبة كام في المية مثلا كدا يعنى بتاع 80 في الميه كدا .. قول يا رب واتكل على الله Morethanlove Tito 31-07-2013, 04:30 AM أدبي ولا علمي ؟؟ هههه لا طبعا دا تهريج .. مافيش حاجة اسمها الكلام دا !! تقدم عربي الاول عااااااادي جدا بعد كدا تروح لشئون طلبة تجارة انجليش وتقولهم عايز استمارة تقديم شعبة .. بـ 100 جنيه تقريبا (الكلام دا من 3 سنين مش عارف بقى غليت ولا لاء) أدبــــــــــــــــــــــــــــــــى :d مش عارف ازاى نسيت أكتبها :d كدة أقبل ولا !! ولو قبلت هيبقى القاهرة ولا لشيخ زايد !! ولو جالى الشيخ زايد ينفع احول القاهرة بأى طريقة ولا مستحيل !! ومعلش أسئلتى كتيير :D :D vampire1188 31-07-2013, 08:00 PM أدبــــــــــــــــــــــــــــــــى مش عارف ازاى نسيت أكتبها الشيخ زايــد باذن الله AttelaTheHun 03-08-2013, 09:37 AM عندي سؤالين بس يا فامباير .. الاول : انا جايب في الثانويه العامه 89.49 % ادبي و جايب في الانجلش 45.5 و واخد مستوي رفيع انجلش و جبت فيه 8 من 10 هلحق تجاره انجلش ولا لا؟ السؤال الثاني : ينفع واحد دخل تجاره عربي في اول سنه و جاب جيد و كان في ثانوي جايب 40.5 في الانجلش و 43 في الرياضيات يلحق قسم اكتواري في سنه تانيه ؟؟ vampire1188 03-08-2013, 12:33 PM عندي سؤالين بس يا فامباير .. الاول : انا جايب في الثانويه العامه 89.49 % ادبي و جايب في الانجلش 45.5 و واخد مستوي رفيع انجلش و جبت فيه 8 من 10 هلحق تجاره انجلش ولا لا؟ يــا مســهل .. قول يــارب السؤال الثاني : ينفع واحد دخل تجاره عربي في اول سنه و جاب جيد و كان في ثانوي جايب 40.5 في الانجلش و 43 في الرياضيات يلحق قسم اكتواري في سنه تانيه ؟؟ تلحق طبعا .. بس اهم حاجة تعدي في الامتحان بتاع اكتواري vampire1188 05-08-2013, 07:26 PM انا جايب 83% و جايب في الانجليزي 42 عاوز اقدم انجليش ينفع ولا لا ؟ مع العلم اني ادبي لاء ماينفعش maged4ninja 05-08-2013, 10:49 PM بقولك يا اخوه هو بيحاتجوا بيان النجاح ده ؟! ولا هي الشهاده و بطاقة الترشيح بس ؟! Nada Elshimy 06-08-2013, 12:53 PM انا جاتلى تجارة القاهرة انتساب عايزة اعرف بقى ايه الفرق بينى و بين الانتظام و امتى اقدر احول انتظام maged4ninja 06-08-2013, 01:58 PM انا جاتلى تجارة القاهرة انتساب عايزة اعرف بقى ايه الفرق بينى و بين الانتظام و امتى اقدر احول انتظام انا جتلي برده الفرق المصاريف 480ج ملناش اعمال سنه ملناش سكاشن التحول في سنه تانيه لو جبتي في سنه اولي جيد او اعلي ;) zahraamok 06-08-2013, 02:41 PM السلام عليكم ورحمة الله وبركاته انا جاتلي تجارة القاهره كنت عايزه اسأل انا ممكن اخش تجاره انجلش ولا لأ مجموي الكلي بدون مستوى رفيع 374.5 درحة اللغه الانجليزيه 45 درجة المستوى الرفيه انجليزي 8.5 كدا هلحق تجاره انجلش ؟؟ وهل صحيح ان احنا ممكن نروح الشيخ زايد ؟؟ وجزاكم الله كل خير ع المجهود omar.ahmed3 06-08-2013, 09:51 PM ما هى اجراءات التحويل ؟ وما موعد فتح التحويل الالكترونى والورقى التحويل من كلية تجارة عين شمس للقاهرة مع العلم انى من القليوبية وانا كاتب فى الرغبات عين شمس بنها القاهرة ارجو المساعدة من فضلكم HardTarget1994 10-08-2013, 10:03 PM السلام عليكم لو سمحت ياجماعه انا دخلت تجاره زقازيق وعايز اعرف كل حاجه عنها https://fbcdn-sphotos-c-a.akamaihd.net/hphotos-ak-frc3/q71/1011507_535016986548142_1341367426_n.jpg 1 - التقديم هايبدأ امته ؟ 2 - ايه الافضل عربى ولا انجليزى علشان انا سامع ان الاتنين زى بعض ( يعنى لو عربى وجاب تقدير احسن من الانجليزى هو اولى ) 3 - ايه نظام اشتراك الانجليزى ( مصاريف الاشتراك فى الشعبه - كتب - بندفع كل سنه ولا هى اول سنه ؟ - فى حكايه ان الواحد يدفع النص الترم الاول والنص الترم التانى ) بندفع كام فى الاخر يعنى لما نقدم هاندفع كام فى السنه كتب واشتراك وكده.؟ 4 - الكتب بتاعت التجاره الانجليزى سهله ولا ايه يعنى هاقدر افهمهما ولا من اول السنه بناخد كورسات ؟ 5 - الشغل بتاع التجاره اخباره ؟ ولا اريح دماغى واخش عربى واخد كورسات انجليزى وفرنساوى زى ماواحد قالى واحاول اجيب تقدير وخلاص يعنى من الاخر انا عايز كل حاجه تتعلق بيها وشكرااااااااااااا على وقتكم . ياريت الرد بسرعه كمنى رايح التلات اقدم m maher 11-08-2013, 03:16 PM انا جايب 93 و 44.5 انجليزي ودخلت تجارة بس عايز اعرف شوية حاجات كدا عن تجارة انجليزي يعني صعبة ولا لا مميزاتها عيوبها مصروفاتها السنادي. والافض ادخل عربي واجيب تقدير وحسن اللغة واخد كورسات ولا ادخل تجارة انجليزي وكنت عايز اعرف المجموعة المميزة دي بتاخد من كام وبتاخد كام طالب ولو اي حد يعرف اي حاجة عن السن صيني يكلمني عنه يا ريت لو حد يرد عليا بسرعة عشان المفروض اقدم خلال الاسبوع دا hobahoby 13-08-2013, 09:15 AM لو سمحت كان فى موضوع كدة و حضرتك الوحيد اللى ممكن تتأكد منة انا انجلش 47 بس ملحقتش تجارة على درجة فمش قدامى الا انتساب و طبعا عربى و تانى سنة ان شاء الله ممكن احول انتظام بس سمعت ان ممكن تحول من عربى لانجلش تانى سنة بشرط امتحان انجلش مش سهل بس اللى يعدية يحول لانجلش بليييز اتأكدلى من الموضوع دة :( و رأى حضرتك تجارة عربى لو مع كورسات جامدة ممكن يتعادل بتجارة انجلش و لا ملهاش لزمة و مش هتبقى بدرجة تجارة انجلش بردو :( maged4ninja 13-08-2013, 10:00 PM لو سمحت كان فى موضوع كدة و حضرتك الوحيد اللى ممكن تتأكد منة انا انجلش 47 بس ملحقتش تجارة على درجة فمش قدامى الا انتساب و طبعا عربى و تانى سنة ان شاء الله ممكن احول انتظام بس سمعت ان ممكن تحول من عربى لانجلش تانى سنة بشرط امتحان انجلش مش سهل بس اللى يعدية يحول لانجلش بليييز اتأكدلى من الموضوع دة :( و رأى حضرتك تجارة عربى لو مع كورسات جامدة ممكن يتعادل بتجارة انجلش و لا ملهاش لزمة و مش هتبقى بدرجة تجارة انجلش بردو :( ماهو شرحه في الموضوع الي هو قسم الاكتوراي بس ده مش تجاره انجليزي هو حاجه شبيها ليها ثانيا ادخلي تجاره عربي وكورسات بقي خفيف ولو متجوزتيش لما تتخرجي هتشتغلي سنتين خبره وبعدها تاخد كورسات من الغاليه :028ja7::028ja7::028ja7: ahmed_adg 15-08-2013, 12:00 AM السلام عليكم لو سمحت انا علمي رياضه جاييب 88.5 % و مستوي رفيع انجليزي 8 و الانجليزي 45 و قبلت في جامعه القاهره هل ينفع يقبلوني تجاره انجلش جامعه القاهره و لو مش هينفع ينفع احول تجاره حلوان و اقدم هناك انجلش ولا مش هتفرق و التحويل مفتوح لحد امتي و في سؤال تاني هو تجاره عربي مع قرصات افضل من تجاره انجلش بدون قرصات لاني لو دخلت انجلش لن استطيع اخذ قرصات و لو عربي هاخد قرصات و شكرا نور الرحمة 18-08-2013, 02:26 AM انا قبلتنى تجارة جامعة السويس بس انا عايزة احول من تجارة عربى السويس الى تجارة انجليزى جامعة جنوب الوادى ولو فى القاهرة تقبلنى ينفع احول ومن اعمل زى النظام الجديد انى انا اتخل الكلية اللى اناعيزاهامثل تجارة انجليزى جامعة جنوب الوادى بدلا من عربى بس اتفع زيادة زى الكليات الخاصة كدة يعنى الطلاب بيدفعوا3000 فى السنةانا بقى اتدخل زيهم واكون انتظام بس اتفع 7000 فى السنة وعلى فكرة انا مجموعى322 اناشعبة ادبى ومجموعى فى الانجليزى 27.5 وارجوا الرد السريع على ذلك maged4ninja 18-08-2013, 04:12 PM انا قبلتنى تجارة جامعة السويس بس انا عايزة احول من تجارة عربى السويس الى تجارة انجليزى جامعة جنوب الوادى ولو فى القاهرة تقبلنى ينفع احول ومن اعمل زى النظام الجديد انى انا اتخل الكلية اللى اناعيزاهامثل تجارة انجليزى جامعة جنوب الوادى بدلا من عربى بس اتفع زيادة زى الكليات الخاصة كدة يعنى الطلاب بيدفعوا3000 فى السنةانا بقى اتدخل زيهم واكون انتظام بس اتفع 7000 فى السنة وعلى فكرة انا مجموعى322 اناشعبة ادبى ومجموعى فى الانجليزى 27.5 وارجوا الرد السريع على ذلك مجموعك قليل ويجيب انتساب بالعافيه mostafa03 21-08-2013, 08:33 PM كنت عايز اعرف مصاريف تجارة انتساب السادات وشكراً vampire1188 23-08-2013, 02:55 PM ثانيا ادخلي تجاره عربي وكورسات بقي خفيف ولو متجوزتيش لما تتخرجي هتشتغلي سنتين خبره وبعدها تاخد كورسات من الغاليه Hhhhhhhhhhhhhhhhhhhhhhhhhhhhhhhhhhhhhhhhhhhhhhh da7ktny ya gada3 wallahy :D legend_hossam 23-08-2013, 03:01 PM Hhhhhhhhhhhhhhhhhhhhhhhhhhhhhhhhhhhhhhhhhhhhhhh da7ktny ya gada3 wallahy :D معلش يا فامبير اخد mos فين ؟ وهتكملنا موضوع الكورسات امتى ؟ لقد هرمنا azzkh80 25-08-2013, 03:46 PM تسلم يا كبير علي الموضوع :))) و عندي استفسار صغير : انا حولت من ( لغات و ترجمة ) اسوان الي ( تجارة ) القاهرة و عندي النية ان شاء الله اني انضم ل ( تجارة انجلش ) عايز اعرف ميعاد التقديم لشعبة اللغة الانجليزية مفتوح لحد امتي ؟ -- انا ( ادبي ) جايب مجموع كلي 368.5 ( 89.9 %) و اللغة الانجليزية 45.5 و المستوي الرفيع مش انجليزي فعايز اعرف فرصي اني ادخل ( تجارة انجلش ) سواء ب( القاهرة ) او ( زايد ) ؟! و تسلم يا كبير علي اهتمامك بالموضوع و بالطلبة المستجدين Lobna bakhit 29-08-2013, 02:08 PM السلام عليكم ورحمة الله وبركاته الموضوع دا يا جماعة مخصص لأي استفسار متعلق بكلية التجارة جامعة القاهرة من اول سنة اولي لغاية سنة رابعة اي حد عنده اي استفسار يتفضل يقول وياريت منعاً للإحراج :blush: اخواتنا اللى فى الجامعات التانية ياريت يبقى يحطو استفساراتهم فى المواضيع المخصصة او يعملو توبيك بالاستفسار بتاعهم وذلك منعاً لاختلاط المعلومات وتسهيلا على الشخص للوصول للمعلومة بسرعة وبسهولة لوسمحت ممكن ترد على سوالى ضرورى لان بجدانا مش عارفه اسال مين فى الكليه وانت مش موضح النقطه دى فى الموضوع اللى انت كتبته بص لو انا عاوزه ادخل اكتوارى لازم اكون جايبه 40 فى رياضه1 ولا2بص حضرتك انا جبت فى رياضه 1 48\وفى رياضه2 39 ينفع ادخل اكتوارى ولا لاء ممكن اى حد يرد عليه من فضلكم زهرة بنفسج 20-09-2013, 01:11 PM انا اسمى ميادة هبقى فى انى مجموعة والجدول هينزل امتى واعرفه ازاى soo khaled 30-09-2013, 09:04 PM يا ريت لو فى اى اخبار عن نتيجه المعادله لكليه التجاره ياريت ترد عليا فيها عشان انا عامله معادله ومستنيه النتيجه HardTarget1994 26-10-2013, 03:29 AM لو سمحت مفيش نماذج لامتحانات الميدتيرم او الفاينال للفرقه الاولى انتظام انجلش؟ Resource Professionals 24-02-2014, 09:40 AM بالتوفيق للجميع ان شاء الله as_raf65 20-06-2014, 06:14 PM السلام عليكم كنت عايزة اسأل عن قسم الاكتوارى ف الشروط انى اكون جايب من 40_50 ف الرياضيات طيب لو كنت علمى رياضة وجايبة 38 ف 3 ثانوى وجبت 49 ف 2 ثانوى كده مقدكمش وابياخدو بدرجات انهى سنة ؟؟؟؟ يررررررجى سرررررررعة الرد وشكرا :) :) بسنت نبيل 19-07-2014, 08:27 AM بعد اذنك كنت عاوزة اسال عن تنسيق تجارة انجليزى السنة ادى فى جامعة القاهرة و عين شمس و كنت عاوزة اسال اذا كنت تعرف انهى احسن تجارة فى جامعة القاهرة و لا عين شمس و اذا كان فيه فيه قسم خاص لكلية تجارة انجليزى بعد اذنك ممكن الرد السريع لان التنسيق هيبدا يوم الاحد. المجموع 88.5% و 44 من 50 فى الانجليزى نظام حديث shahira tarek 20-07-2014, 05:29 AM بسنت نبيل.......بصى ف البدايه لو انتى ادبى ف مجموعك اوكى (احتمال) يدخلك تجاره انجلش بس نصيحه اكتبى كده حلوان الاول وبعدين القاهره وبعدين عين شمس لان حلوان بتاخد اقل تنسيق بالنسبه للقاهره وعين شمس ...لان القاهره بتاخد تنسيق اعلى من عين شمس كمان...مع انى ف سنه من السنين عين شمس اللى كانت اعلى....وحلوان يعنى ساعه بالمترو مش حكايه.....وبالنسبه للاقسام ف كده كده انتى ف اولى وف تانيه هتدرسى كل المواد وانتى بنفسك اللى هتحددى القسم اللى شايفه نفسك ممكن تبقى كويسه فيه....بالتوووفيييق sayedO.o 23-07-2014, 02:05 PM لو سمحت انا هسال سؤال بس يا ريت ميكونش في ازعاج .. انا علمي علوم وكنت فكرت اقسم الفيزياء بس بعد حوار طويل رجعت في كلامي وهمتحنها دور تاني وأخلص يعني 30-60 بس مش هو ده الموضوع انا بعد كده هيكون مجموعي 84% تقريبا او زيادة حاجة من عشرة وجايب في النجليزي 43.5 عاوز اعرف بس مستقبلي في تجارة انجلش هيكون في أمل ولو مفيش تنصحني بــأيه !!!! sayedO.o 23-07-2014, 02:08 PM لو سمحت انا هسال سؤال بس يا ريت ميكونش في ازعاج .. انا علمي علوم وكنت فكرت اقسم الفيزياء بس بعد حوار طويل رجعت في كلامي وهمتحنها دور تاني وأخلص يعني 30-60 بس مش هو ده الموضوع انا بعد كده هيكون مجموعي 84% تقريبا او زيادة حاجة من عشرة وجايب في الانجليزي 43.5 عاوز اعرف بس مستقبلي في تجارة انجلش هيكون في أمل ولو مفيش تنصحني بــأيه !!!! aliwika 31-07-2014, 06:25 AM ما الفرق بين تجاره حلوان قسم نظم و معلومات و حاسبات و معلومات ؟ و هل تجاره حلوان قسم نظم و معلومات لها فرص عمل كويسه ام لا M..Elawady 31-07-2014, 05:50 PM انا رديت عليك ف الموضوع التانى اللى انت كتبت فيه نفس الرد Ahَmed Ahly 31-07-2014, 10:11 PM السلام عليكم :) هو ينفع اسال هنا عن الدبلومات - دراسات عليا ولا لاء ؟ طيب لو ينفع :d .. فانا عايز اعرف عنها كل حاجة في جامعة القاهرة :) ولو مينفعش :( .. فانا اسف :) farouk 3 02-08-2014, 06:49 PM انا جالى فى التنسيق تجاره القاهره ومكنش فيه وانا بسجل رغبه اسمها تجاره انجلش انا جايب 90% و46 انجليزى عايز اعرف بس انا لما اروح الجامعه اعمل ايه M..Elawady 02-08-2014, 07:14 PM لما تروح الجامعة ان شاء الله بيكون ف تنسيق داخلى ف الجامعة وبتقدر من خلاله تدخل تجارة انجلش بس مفيش ف التنسيق اما تيجى تعمله انك بتلاقى تجارة انجلش وكده vampire1188 04-08-2014, 01:51 AM السلام عليكم هو ينفع اسال هنا عن الدبلومات - دراسات عليا ولا لاء ؟ طيب لو ينفع .. فانا عايز اعرف عنها كل حاجة في جامعة القاهرة ولو مينفعش .. فانا اسف هوا اكيد ينفع بس اكيد بردو مش هاقدر اقولك كل التفاصيل .. انت حابب تعرف ايه وانا اقولك esmodian 05-08-2014, 08:10 AM السلام عليكم لو سمحت انا ادبي جبت 89.02 (365) و انجليزي 43.5 انا قدمت تجاره القاهرة المطلوب 1- نسبة نجاحي في دخول تجاره انجليزي ؟ 2- لو صعب ادخولها احول دلوقتي حلوان قبل ما التنسيق يخلص ؟ او اقدم قسم جورجيا ؟ 3- تقديم تجاره انجليزي حيبتدي امتي ؟ و شكرا.. yasmin_my 11-08-2014, 07:32 PM لو سمحت كنت عايزه اعرف مصاريف كريدت كام ف السنه ؟! , و لو حد انتساب القاهره ينفع يحول كريدت ؟! نسمه الجنه 12-08-2014, 10:50 PM هو لو حد جايب 83.78% و جايب فى الانجليزى 45 .. ممكن يقبل فى تجاره انجليزى جامعه القاهره ؟ هو انا سمعت انه صعب .. و لو مينفعش و ادبيت فى عربى .. انا فى كنت فى مدرسه لغات .. يا ترى همشى فيها.. و ايه تجاره انجليزى فرع الشيخ زايد دى .. ممكن اقبل فيها لو مقبلتش فى القاهره الى هنا ؟؟؟ ارجو الرد llMustafaH 17-09-2014, 02:27 PM بعد اذنك يا فامبير .. انا انتساب قاهرة واسمي مصطفى .. كدة ابقى مجموعة انتساب (2) ؟! lionmoon 18-09-2014, 10:48 AM مشكوووووووووووووووووووووووووووووور Abdelrahman M.Youssef 29-12-2014, 04:51 PM السلام عليكم : دولقتى انا فى سنة اولى تجارة انتساب 1 جامعة القاهرة و كنت جايب 80.2% فى الثانوية علمى رياضة و مكنش عندى ادنى فكرة عن الكليات فدخلت انتساب غلط مع ان كان قدامى bis او fmi او شعبة انجلش حلوان .... المهم انا لسه عارف موضوع شعبة جورجيا اللى فى القاهرة ... السؤال هنا هل ممكن احول من تجارة انتساب عربى لشعبة جورجيا من سنة ثانية؟؟؟ ولو ينفع ايه المطلوب و لو مينفعش هل فى اى طريقة تخلينى احول شعبة انجلش او اى حاجة غير انتساب من ثانية؟ Omar Mohamed2015 17-09-2015, 04:25 PM السلام عليكم : دولقتى انا فى سنة اولى تجارة انتساب 1 جامعة القاهرة و كنت جايب 80.2% فى الثانوية علمى رياضة و مكنش عندى ادنى فكرة عن الكليات فدخلت انتساب غلط مع ان كان قدامى bis او fmi او شعبة انجلش حلوان .... المهم انا لسه عارف موضوع شعبة جورجيا اللى فى القاهرة ... السؤال هنا هل ممكن احول من تجارة انتساب عربى لشعبة جورجيا من سنة ثانية؟؟؟ ولو ينفع ايه المطلوب و لو مينفعش هل فى اى طريقة تخلينى احول شعبة انجلش او اى حاجة غير انتساب من ثانية؟ للاسف مش هينفع تدخل انجلش خالص انت ممكن تجيب تقدير و تحول انتظام في سنه تانيه و هتكمل عربي عادي el user 07-10-2015, 11:10 PM السلام عليكم ... انا خلصت جامعه القاهره سنه 98 بتقدير مقبول بس صراحه انا نفسى اكمل فيها ماجستير ودكتوراه اعمل ايه علشان اكمل وهل ينفع ...ويطرى المصاريف كام.... ومتى التقديم .......ارجو الاجابه سريعا ShadyEhab 25-10-2015, 06:14 PM ايه ياعم فامبير فينك مختفى واختفيت بمواضيعك الجامدة ربنا يكون فى عونك وعاوز اوصلك مش عارف اكلمك اتمنى ترد عليا ضرورى وربنا معاك asileem 04-11-2015, 12:28 PM شكرررررررررررررررررررررررررررررررررررررررررررررررر ررررررررررررررررررررررررررررررررررررا ShadyEhab 27-11-2015, 11:02 PM ايه ياعم فامبير عاوز اوصلك مش عارف والله ولا هنا على الموقع ولا على الفيس ولا فى اى حتة keun suk 14-08-2016, 02:07 AM انت كنت انتساب و جبت جيد جدا ... هحول انتظام باذن لله بس عايزة اعرف ينفع ساعتها احول اكتواري ولا لا؟؟!! ahmed gi 17-09-2016, 11:58 PM هوا اكيد ينفع بس اكيد بردو مش هاقدر اقولك كل التفاصيل .. انت حابب تعرف ايه وانا اقولك والله انته راجل تمام :D انا تقريبا قرات كل مواضيعك و مشاركاتك واستفدت 100% منها انا لسه مخلص ثانويه انا بس كونت عاوز اكلمك فى موضوع شخصى .. لو فيه face او اى حاجه اقدر اوصلك بيها ..دا طبعا بعد ازنك ^^ ولك جزيل الشكر سعيد الفارس 05-09-2017, 10:21 PM محتاج جدول محاضرات الفرقة الثالثة انتظام بكلية التجارة جامعة القاهرة كنت السنة اللى فاتت 2 ب |