هنساعدك انك تكمل علمي علوم او رياضه ولا تحول ادبي [الأرشيف]

sasaatwa

18-07-2011, 07:50 AM

يا ريت كل واحد محتار يكمل علمي علوم ولا رياضه يدخل ويكتب مجموعه مهما كان ويقول ميوله المواد اللي بيحبها يقدر يزاكر كتير في 3 ولا زهق يعني يتكلم شويه عن مشكلته واحنا هنساعده..بما اني مريت بالكلام ده ومجموعي في تانيه مش كان كبير قوي كان96.3 بس السنه اللي فاتت المجاميع مش كانت عاليه زي السنادي المهم دخلت علمي علوم وجبت 98% في السنتين الحمد لله .عموما احنا هنساعدك مهما كان مجموعك ..تمنياتي بالتوفيق للجميع

youstina gamel

18-07-2011, 08:20 AM

sasaatwa

18-07-2011, 08:31 AM

لا التظلم جاب نتيجه مع ناس كتير صحابي وممكن يكون في غلط في تجميع الدرجات ده احنا بشر اطمني باذن الله تاخدي الدرجات...ومش تقلقي مجموعك مش وحش انتي بس لازم تجيبي في المستوي 10 ..وحاولي تنقصي في حدود 5 درجات اللي جبتيهم في المستوي مش اكتر باذن الله وكده هيكون مجموعك في السنتين 97 واعتقد ان صيدله مش هتاخد اكتر من كده بس انا عايز اعرف انتي واخده كيميا ولا احياء في 2 ؟
بالتوفيق

soma..25

18-07-2011, 12:36 PM

انا جبت 98.7 وعايزه ان شاء الله أكمل علمى علوم انا كنت احياء السنه دى وان شاء الله هاخد أحياء مستوى ايه رايكم هيا أفضل ولا الانجليزى ؟

بنت الشاطئ1

18-07-2011, 01:33 PM

انا جبت 94 ونص وبحب العلووووووووووووووووووم اوي بس اتظلمت في التصحيح وقالولي التظلم مش هيجيب نتيجه وهتجنننننننننننننننننننن ومش عارفه اعمل ايه انا حلمي صيدله بلييييييييييييز ساعدوني

نفس حكايتى بالظبط
انا كنت جايبة 94% و اتظلمت برده و روحت كشفت على الورق و مخدتش حاجة
و انا كنت احياء
انا جبت السنادى 96% الحمد لله
ان شاء الله مع المذاكرة تجيبى مجموع كويس
و ربنا يوفقك و يوفقنا

بنت الشاطئ1

18-07-2011, 01:38 PM

انا جبت 98.7 وعايزه ان شاء الله أكمل علمى علوم انا كنت احياء السنه دى وان شاء الله هاخد أحياء مستوى ايه رايكم هيا أفضل ولا الانجليزى ؟

ربنا يوفقك و يحميكى و ان شاء الله تدخلى طب
بس من رايى بلاش تاخدى احياء مستوى
مدرسين الاحياء مش بيفضلوها
انا كنت واخده عربى
و العربى بسيط جدا مش زى مالكل متخيله
14 موضوع حفظ بس مش عايزين مجهود
و ييجى سؤال بلاغة و سؤال موازنة و النحو اللى بييجى مش صعب اعرابات بسيطة جدااااا

انما الانجلش انا مفضلتوش بس هو كويس للى بيحب الانجلش
و ربنا يوفقك

بنت الشاطئ1

18-07-2011, 01:40 PM

التظلم بيجيب نتيجة لو فى غلط فى تجميع الدرجات اللى فى المراية بس
انما لو انتى كاتبه حاجة صح و المصحح عملها غلط مش حتتصحح تانى
و ده حصل معايا
حسبى الله و نعم الوكيل
و ربنا يوفق الجميع

hazemhosny

18-07-2011, 02:01 PM

انا جايب 98.8
وعايز طب
بس خايف شوية من الاحياء وعلم النفس

ArabianPDA

18-07-2011, 02:05 PM

انا جايب 98.8
وعايز طب
بس خايف شوية من الاحياء وعلم النفس
نصيحه من اخ مقفل

احياء هبله ومش محتاجه غير شويه مجهود
بس عايزه دقه شويه

علم النفس تقفله وانت نايم
انا كنت رايح اللجنه منمتش من يومين
وخلصت النفس والاجتماع ف 3/4 ساعه
وكنت بريح فالوسط كمان

بنوته مسلمة

18-07-2011, 03:29 PM

انا فى تانية وجبت 94% والى ناقصنى الفرنساوى والحمد لله مش هيبقى موجود فى تالته
اولا انا حصلت معايا ظروف كتير فى تانية هى الى خالتنى اجيب 94%
ثانيا انا عندى الحمد لله استعداد انى اجيب مجموع كويس فى تالتة وظروفى ان شاء الله هتتغير كتير عن تانية وده هيساعدنى اكتر
ثالثا انا بحب الاحياء والرياضة بس ماليش ميول خالص فى المواد الادبية

يعنى ربنا يكرمنى واجيب فى السنتين 97% ان شااااااااء الله

قولولى انا اعمل ايه اكمل علمى علوم لان حلم حياتى طب أسنان من زمان بس عيزاكم تعرفوا ان المجاميع السنادى عالية خالص فهقدر 97% اجيب طب اسنان حتى لو اقاليم فى اى مكان

ولا اكمل علمى رياضة وربنا يكرمنى بهندسة وانا يعنى الحمد لله حباها مش كرهاها يعنى

اسفة انى طولت عليكم بس ياريت تدونى رأيكم

(من اسكندرية )

basma 2010

18-07-2011, 04:13 PM

انا جبت 98.3 وبكره الرياضه اوى لانها متضمنش
بس خايفه من تنسيق السنه الجايه

LIGHT2010

18-07-2011, 05:24 PM

انا جبت 96.5 وخايفه من تنسيق السنه الجايه

happylife

18-07-2011, 05:59 PM

انا جيبت 96.8% وعلمى المرحلة الاولى ومش عارفة لو كملت علمى علوم هلحق طب والا لا انا مش عارفة ومحتاجة حد يقولى

sasooo soft

19-07-2011, 03:55 AM

انا جبت 87 علمى علوم نفسى احول علمى رياضة عشان انا متميزة فيها وجبت فيها فى سنة تانية 50 يعنى درجة نهائية بس كلة مخوفنى انى ملحقش هندسة ارجو المساعدة

lover rose

19-07-2011, 04:03 AM

انا جبت 98.7 وعايزه ان شاء الله أكمل علمى علوم انا كنت احياء السنه دى وان شاء الله هاخد أحياء مستوى ايه رايكم هيا أفضل ولا الانجليزى ؟

اى حاجه ماعدا الاحياء
انا كنت واخده انجلش ولو انتى بتحبيه هتلاقيه سهل
هو بسيط ومش محتاج مجهود زى الاحياء
والعربى اللى اخدوه بيقولوا سهل

solty

19-07-2011, 04:21 AM

انا مرحله اولى وجبت 97 و6 من عشرا والمجاميع عاليه جدا للمرحله الاولى وفى ناس مقفله ال 205

وبيقولوا ان الطب السنه الجايه هيقبل من 100 %

هل ممكن اجيب طب اسنان ولا احول علمى رياضه مع العلم انى مش بحب الرياضه وجبت فيها 49 من 50

ولازم اجيب كام فى تالته عشان اضمن طب اسنان ؟

nouuurrrraaaa

07-08-2011, 03:31 PM

Ahmed El Bahnasawy

07-08-2011, 04:36 PM

انا حايب 97.3
مش عارف اكمل علوم ولا رياضة

meto_6120

07-08-2011, 07:33 PM

انا جايب 96.6% مرحلة اولى و معتش عارف اكمل احياء و لا اكمل رياضة

sasaatwa

07-08-2011, 07:53 PM

sasaatwa

07-08-2011, 07:54 PM

انا حايب 97.3
مش عارف اكمل علوم ولا رياضة
اللي انتا تحبه هو اللي هتنجح فيه ..مجموعك حلو لعلوم واحلي لرياضه

sasaatwa

07-08-2011, 07:56 PM

انا جايب 96.6% مرحلة اولى و معتش عارف اكمل احياء و لا اكمل رياضة
لو انتا بتحب الاحياء ومستعد تشد حيلك وتنقص في حدود 5 درجات مع 9 او 10 في المستوي يبقي توكل علي الله وخش احياء ...لو مش كده كمل رياضه فرصه هندسه مضمونه باذن الله

tweetyy

07-08-2011, 08:53 PM

sasaatwa

07-08-2011, 09:01 PM

انا جايبه 96% ومش عارفه اكمل علمى علوم ولا علمى رياضه بس انا بحب الكليات الهندسيه بس المشكله ا نا شايفه انى هاجى عند نقطه معينه ومش هعرف امشي في رياضه 2 يعنى احياء اسهل بالنسبه ليا وكمان فرصها احسن للبنات بس خايفه جدا جدا جدا من الاحياء + الفيزياء واكيد الامتحانات هتيجي لسنادى صعبه جدا مش عارفه ايه رايك
بصي انتي لو هتكملي احياء لازم تخلي هدفك تجيبي 10 في المستوي وتشدي حيلك في الفيزيا والاحياء يعني حاولي مش تنقصي فيهم جامد هما دول المشكله الباقي سهل مش هيحتاج مجهود..
لو هتكملي رياضه خلي عندك ثقه بالنفس عشان الرياضه بتحتاج ثقه في النفس مش اكتر وحافظي علي مجموعك هتضمني هندسه باذن الله

احمد هشام مجدى

07-08-2011, 09:09 PM

انا جايب 80.5 وبحب الرياضة جدا ونفسى ادخل علمى رياضة
وادخل اى كلية فيها كمبيوتر واخلص

sasaatwa

07-08-2011, 09:15 PM

انا جايب 80.5 وبحب الرياضة جدا ونفسى ادخل علمى رياضة
وادخل اى كلية فيها كمبيوتر واخلص
انتا ممكن تكمل رياضه بس تجيب في السنتين فوق 85 عشان تلحق علوم وفيها قسم علوم حاسب زي كليه الحاسبات بس شد حيلك في 3

نور يوسر

07-08-2011, 10:04 PM

انا جبت 96%ومش عارفه اكمل ايه انا علمى عاوزه كام علشان ادخل صيدله او طب

karimadel7

07-08-2011, 10:59 PM

انا جبت 98.3 ونفسي اوى ف رياضةبس كل اما حد يعرف انى داخلة رياضة يقول انى كدة بضيع مجموعى وانى المفروض اكمل علوم عشان ادخل صيدلة وانا مش عارفة اعمل ايه وهل فعلا هندسة بنات مش بيشتغلو خالص؟؟؟؟؟؟؟؟؟؟؟؟؟؟ :(((((((((

ده بحب اسميه الافكار الرجعية عند الشعب المصري
اللي جايب هالي يدخل طب وواللي جايب اقل شويه يكمل هندسة

علي فكرة انا جايب 99.5٪ السنادي و مكمل رياضة
لاني شايف نفسي ممكن اتفوق كمهنطس اكتر من دكتور

علي فكرة انا مبعتقدش بحكاية الميول اوي في الثانوية
انا في رايي الطالب المتاسس من زمان يعرف يذاكر اي حاجة
انا مبكرهش الاحياء خالص
بس بحب الرياضة اكتر بكتير
و بحس باستمتاع و انا بحلها

حكاية الميول تفرق بعدين في الجامعة و بعد التخرج
لان سوق العمل بياخد المتميز في مجاله لان اعداد الخريجين كتير
و هما بياخدوا المتميز فقط
ادخلي رياضة لانك بتحبيها و ههتتفوقي فيها
و بالنسبة للشغل في اقسام كتير جدا مناسبة للبنات زي اتصالات او عمارة و كمبيوتر و غيرهم
توكلي علي الله و ادخلي اللي بتحبيه

m121294

08-08-2011, 01:15 PM

انا جبت 94.3 في تانية واخد كيمياء وكنت كاتب احياء هحول رياضة هل ممكن الحق هندسة القاهرة

karimadel7

08-08-2011, 05:06 PM

انا جبت 94.3 في تانية واخد كيمياء وكنت كاتب احياء هحول رياضة هل ممكن الحق هندسة القاهرة

تلحق ان شاء الله
مش بعيدة عليك
لو شديت حيلك تجيبها مرتاح

نور يوسر

08-08-2011, 10:06 PM

يا جماعه بجد انا زعلت محدش رد عليا ليه اكمل ايه

mohamed arafa

08-08-2011, 10:36 PM

انا جايب فى 2 93 % وده والحمد لله بمزاكره اخر شهر ^__^

وانا بحب الرياضه جدا وجايب فيها 49.5 ... على فكره مظلوم فى النص درجه 100%

بس مش عارف قلقان جدا وحاسس انى مش هلحق هندسه مع انى بدأت مزاكره 3 وبزاكر بجنون والحمد لله وكمان هفضل كده مش هكسل بس مش عارف القلق ده هيموتنى ليه ..

انا عايز اسأل ايه هى الكليات المتاحه لعلمى رياضه (( طبعا تحت هندسه لو لا قدر الله ملحقتهاش )) وشكراااااااااااااا ^__^

DR_MOHAMED_97

09-08-2011, 12:26 AM

بالتوفيق لجميع الطلبة

nouuurrrraaaa

09-08-2011, 01:08 PM

merciiii awiiiiiii ana 5las 7kml ryada .. w rbna m3ana kolna isa

sasaatwa

09-08-2011, 02:25 PM

انا جبت 96%ومش عارفه اكمل ايه انا علمى عاوزه كام علشان ادخل صيدله او طب
انتي لو عايزه تضمني كليه قمه تدخلي رياضه عشان هندسه باذن الله مضمونه علي مجموعك ده

لو ناويه تشدي حيلك جامد وتجيبي في 2 99 بالمستوي او اكتر يعني تنقصي في حدود 5 درجات وتجيبي 10 في المستوي يبقي ادخلي علمي علوم وتوكلي علي الله اسف علي التاخير مش تزعلي0....

sasaatwa

09-08-2011, 02:28 PM

mohamed arafa

09-08-2011, 04:28 PM

انا هعمل الى عليا وهسيبها لله ... شكرا يا غااالى ^___^

rana salem

09-08-2011, 05:26 PM

انا الحمد لله جبت السنة دى
98,3
الحمد لله
انا كنت اخده احياء
والسنة دى فيزيا وكيميا
انا بس عندى سؤال كيميا مع فيزيا حلو
ولا انا غلطت اما اخدت احياء ؟؟؟؟
وهل مجموعى حلو فى علمى علوم يعنى هل ممكن الحق طب بشرى

سرياا

09-08-2011, 06:25 PM

انا جبت 95.4 % و عايزة اكمل على رياضه
فعاوزة اعرف المجموع ده هيساعدنى بأذن الله السنة الجاية ولا لاء .

sasaatwa

09-08-2011, 08:17 PM

انا جبت 95.4 % و عايزة اكمل على رياضه
فعاوزة اعرف المجموع ده هيساعدنى بأذن الله السنة الجاية ولا لاء .
اه المجموع ده هيساعدك جامد بس حافظي عليه وحاولي تاخدي كام درجه مستوي وتوصلي ل 96 او 97

أسمى 2010

11-08-2011, 04:33 AM

أي حد بيسأل عن المستوى للعلمي

أحسن مادة هي العربي

أنا كنت عايزة آخد الإنجلش قالولي صعب .. والأحياء أنا مبحبش الحفظ

أخدت عربي وجبت فيها الحمد لله 10 .

asmaa22

11-08-2011, 04:58 AM

عاشقة الطفولة

11-08-2011, 05:21 AM

asmaa22

11-08-2011, 06:09 AM

انا جبت في تانية 88.5 و كنت كيمياء و كان نفسي ادخل صيدلة ينفع ادخل معهد معين و بعدين ادخل صيدله او اخد كورس او اي حاجه ترفعني شويه و لا احول ادبي احسن :confused:
افيدونيييييييييييي

مجروح من الزمن

11-08-2011, 11:38 AM

انا جبت في تانية 88.5 و كنت كيمياء و كان نفسي ادخل صيدلة ينفع ادخل معهد معين و بعدين ادخل صيدله او اخد كورس او اي حاجه ترفعني شويه و لا احول ادبي احسن :confused:
افيدونيييييييييييي

انا باردوا زيك كده هل ممكن احول رياضة ولا اكمل احياء واشوف نظام كليه العلوم

شروق فتحى

11-08-2011, 03:06 PM

انا جبت 97.3 مرحلة اولى ونفسى ادخل علوم بس خايفة مش عارفة اعمل ايه ايه رأيكم؟؟؟؟؟

*moon*

12-08-2011, 06:35 PM

$ Hager $

13-08-2011, 05:19 AM

انا بقى جبت 91.5% علمى وعايزة اكمل علمى علوم
وانا بحب مواد العلوم جداا وبحب الاحياء جداا
وكتير بيقولولى حولى علمى رياضه بس اناا بكره الرياضه اووووووى
و إن شاء الله ناويه اكمل علوم على الاقل حاجه بحبها
انا اللى نقصنى فى تانيه هو الفرنساى نقصنى كتيييير
و برضه السبب فى مجموعى انى استهتر فى تانيه كتير
لكن فى تالته عايزة اذاكر اوووووووى حلمى اجيب 96% فى مجموع السنتين
مقتنعه جدا انى ما فى اى شئ صعب مع المذاكره الكويسة من اول السنه
انا قبل كده كان حلمى ادخل كلية طب بشرى لكن طبعا بعد اللى حصل ده راح الحلم ده خالص
بس انا هفضل متمسكة بيه لانى ممكن ادخل طب خاص بس برضه عايزة اجيب مجموع كبير فى تالته
عشان احس انى فعلا دخلت الكليه اللى بحلم بيها طول عمرى بمجهود وتعب مش دخلاها بس بالفلوس
ياترى انا ممكن مع المذاكره اجيب 96% للسنتين !!!

asmaa22

13-08-2011, 05:35 AM

انا جبت في تانية 88.5 و كنت كيمياء و كان نفسي ادخل صيدلة ينفع ادخل معهد معين و بعدين ادخل صيدله او اخد كورس او اي حاجه ترفعني شويه و لا احول ادبي احسن :confused:
افيدونيييييييييييي

يا جماعه حد يرد عليا يقولي هعمل ايه:bosyht9:

euman

16-08-2011, 05:18 PM

انا جبت 80ومش عارفة اكمل علمي ولا احول ادبي( مع العلم ان انا مش باخد دروس خااااااااالص وكمان كانت عندي ظروف في الامتحانات )بس انا مش بحب التاريخ علشاب كدة محتارة احول ادبي ولا لأ!؟؟؟

sasaatwa

16-08-2011, 09:02 PM

طب انا جبت 88.5 و كنت كيمياء وكان نفسي اكمل علمي علوم و كان نفسي ادخل صيدلة يا ترى مفيش ريقة ارفع بها المجموع و ادخل صيدلة او ادخل معهد معين مثلا و ادخل بعد كده صيدلة و لا احول ادبي احسن ياريت تفيدوني
انا هقولك رايي بصراحه فرصه الكليات الطبيه صعبه ممكن تدخلي صيدله خاص او تكملي رياضه ممكن تلحقي هندسه او حاسبات لو شديتي حيلك السنه اللي جايه والحل الاخير هو ادبي اي حد لو كده تقدري ترفعي مجموعك بسهوله وتلحقي اعلام او سياسه..بالتوفيق

sasaatwa

16-08-2011, 09:10 PM

انا جايبة السنادي 96.7 وعارفة انها وحشة بس انا في العربي ناقصة درجتين ومش عارفة ليه تماما وكمان الانجليزي درجة

وقررت اني ااجل سنة عشان ادخل صيدلة او طب وكمان عشان مش عازية ادخل رياضة

فياريت تقولولي قراري ايه
اوعي تعملي كده خالص انتي مجموعك هضيعي سنه من عمرك علي الفاضي المشكله مش في الوقت المشكله في الجهد ..انتي مجموعك حلو انا كونت جايب في 2 96.3 يعني اقل منك وجبت في كله الحمد لله 98 يعني مفيش مستحيل شدي حيلك وتوكلي علي الله وخلي عندك ثقه بنفسك وذاكري كويس وصيدله مضمونه باذن الله ...بالتوفيق

sasaatwa

16-08-2011, 09:12 PM

انا زيك بالظبط وكنت احياء بردو ونفس المجموع
وعاوزة الرد بردو

يا جماعه كملو اللي انتو عايزينوا مجموعكو حلو جدااا بس حافظو عليه وعلي مجهودكو طول السنه بالتوفيق

sasaatwa

16-08-2011, 09:14 PM

sasaatwa

16-08-2011, 09:16 PM

انا جبت 80ومش عارفة اكمل علمي ولا احول ادبي( مع العلم ان انا مش باخد دروس خااااااااالص وكمان كانت عندي ظروف في الامتحانات )بس انا مش بحب التاريخ علشاب كدة محتارة احول ادبي ولا لأ!؟؟؟
الحمد لله علي كل شئ حولي ادبي وشدي حيلك شويه في كليات حلوه فيه بردو بالتوفيق

TITOOOOOOHATRK

17-08-2011, 02:13 AM

انا جبت 97.3 بس لو بصينا على المجموع مش وحش بس لو بصينا على الترتيب 34000 يعنى حاجة تخلى الواحد يقلق فتخيل ان البشرى ياخد 7000 يبقى كدة الطب هياخد اكتر من 99% بكتير ومجموعى مش هيدخلنى حاجة صح ولا ايه

عمر المختار1

17-08-2011, 02:21 AM

السلام عليكم

shimaa gooda

18-08-2011, 04:56 PM

منه الله(منمن)

18-08-2011, 07:55 PM

انا بقى جايبه 84 ف تانيه وعايزة رياضه انا جايبه ف الرياضه 49ونص وف الكميا30ونص مش عارفه اعمل ايه فدلنى انت بقى

sasaatwa

18-08-2011, 11:55 PM

انا بقى جايبه 84 ف تانيه وعايزة رياضه انا جايبه ف الرياضه 49ونص وف الكميا30ونص مش عارفه اعمل ايه فدلنى انت بقى
لو عندك استعداد تخشي هندسه خاصه كملي رياضه غير كده حولي ادبي بالتوفيق

sasaatwa

18-08-2011, 11:58 PM

انا جايبه 93.9 وبردو كان عندى ظرف جامده موت خلت مجموعى ينزل كده انا امنيه حياتى يا كليه طب يا كليه صيدله وبالاخص طب وان شاء الله خلاص اخترت انى اكمل احياء رغم ان مجموعى احسن لرياضه بس اعرف ناس كانت 92 و93 و94 وكملو وجابوا فوق ال 100 ودخلو طب الحمدلله مفيش حاجه بعيده على ربنا يا جماعه وادعولى ربنا يعوضنى عن السنه اللى فاتت دى
بصي لو شديتي حيلك اوي ممكت تلحقي صيدله لانها التنسيق السنه اللي جايه هيكون عالي اوي اكبر من السنادي بكتير ..لان عندنا اللي جاب 96 مدخلش صيدله فانتي تشدي حيلك اوي ولازم تجيبي 100 %بالمستوي لو غير كده حولي رياضه لان هندسه فرصتها اسهل من صيدله

منه الله(منمن)

19-08-2011, 12:16 AM

لو عندك استعداد تخشي هندسه خاصه كملي رياضه غير كده حولي ادبي بالتوفيق
طب مايجيش بردو اقاليم او ممكن اعلام مثلا وانا سمعت عن معهد المساحه ايه رائيك فيه

sasaatwa

19-08-2011, 01:48 AM

طب مايجيش بردو اقاليم او ممكن اعلام مثلا وانا سمعت عن معهد المساحه ايه رائيك فيه
هندسه صعب خصوصا ان في مجاميع عاليه كتير..ممكن اعلام خصوصا ان ادبي سهل تقدري تقفلي المواد فيه ...
اه اسمع عنه بيقولو ان اللي بيطلع منه بيلاقي شغل في الشركات وكده كمهندس مساحه بس مش اعرف مصاريف المعهد بالتوفيق

منه الله(منمن)

19-08-2011, 07:28 AM

هندسه صعب خصوصا ان في مجاميع عاليه كتير..ممكن اعلام خصوصا ان ادبي سهل تقدري تقفلي المواد فيه ...
اه اسمع عنه بيقولو ان اللي بيطلع منه بيلاقي شغل في الشركات وكده كمهندس مساحه بس مش اعرف مصاريف المعهد بالتوفيق
شكرا ليك وهيفضل عندى امل بردو لان مافيش حاجه بعيده عن ربنا

مروة ابو السعود

20-08-2011, 10:10 AM

انا جبت84 اعمل بيهم ايه وخايفة احول ادبى علشان مش بحب التاريخ اكمل علوم ولا رياضة انا عندى استعداد اجيب100 وصليت استخارة اكتر من مرة ولسة محتارة

sasaatwa

21-08-2011, 02:53 AM

انا جبت84 اعمل بيهم ايه وخايفة احول ادبى علشان مش بحب التاريخ اكمل علوم ولا رياضة انا عندى استعداد اجيب100 وصليت استخارة اكتر من مرة ولسة محتارة
بصي انا مش بحبطك بس ده الواقع حتي لو جيبتي 100 هيكون كله 92 ومستحيل هندسه او حاسبات تاخد من كده خصوصا ان في مجاميع عاليه اوي اوي اكتر من السنادي يعني هندسه لا تقل عن 95 ويمكن اكتر في سنتكو ....لو عايزه علوم يبقي كملي رياضه لو مش بتحبيها خلاص حولي ادبي
92 او 91 تدخلك اعلام التنسيق بتاع ادبي اقل ربنا يوفقك في اللي تختاريه....

أميري

21-08-2011, 03:47 AM

انا بقى جبت 95 وعايزة صيدلة
بس انا مشكلتي مش برطز في الامتحانات خالص
يارب خليك معايا

sasaatwa

21-08-2011, 12:52 PM

انا بقى جبت 95 وعايزة صيدلة
بس انا مشكلتي مش برطز في الامتحانات خالص
يارب خليك معايا
شدي حيلك اوي اوي في 3 وركزي كويس وباذن الله تلحقي صيدله

Alsunian1

23-08-2011, 12:46 AM

طيب انا جبت 90.2 أدبى

ياترى احاول اجيب كام ف تالتة عشان الحق اعلام او ألسن

وتفتكر اعلام او ألسن السنة الجاية هتاخد من كام

وشكرا ليك مقدما

ايمن نون

23-08-2011, 05:28 AM

انا جبت 93.5 وربنا يعلم ان انا مظلوم فى الكمياء وحلمى هندسة مش عارف اكمل رياضة ولا احول ادبى

sasaatwa

23-08-2011, 09:50 PM

انا جبت 93.5 وربنا يعلم ان انا مظلوم فى الكمياء وحلمى هندسة مش عارف اكمل رياضة ولا احول ادبى
مجموعك حلو علي علمي رياضه بس شد حيلك في 3 وحاول توصل ل 95 او96 عشان تضمنها اوي بالتوفيق

sasaatwa

23-08-2011, 09:57 PM

طيب انا جبت 90.2 أدبى

ياترى احاول اجيب كام ف تالتة عشان الحق اعلام او ألسن

وتفتكر اعلام او ألسن السنة الجاية هتاخد من كام

وشكرا ليك مقدما

بصي هو معظم اللي دخل 3 ادبي قال انها سهله جدا علم نفس فلسفه حاجات سهله اللي بيزاكر مش بيقل عن 96 ...ده اقل حاجه ممكن اكتر ...لو جبتي فوق 96 السنه اللي جايه هتلحقي باذن الله اعلام او السن لان تنسيق الادبي بيكون حلو مش تقلقي بالتوفيق

hanyooo

23-08-2011, 10:48 PM

انا لسة رايح 3 ثانوى وعلمى رياضة وجبت فى تانية مجموع مش كبير 88% مش عارف اكمل ولا اعمل اية ممكن اى حد ينصحنى . وكلية فنون قسم عمارة بتقبل من كام

sasaatwa

24-08-2011, 11:31 AM

انا لسة رايح 3 ثانوى وعلمى رياضة وجبت فى تانية مجموع مش كبير 88% مش عارف اكمل ولا اعمل اية ممكن اى حد ينصحنى . وكلية فنون قسم عمارة بتقبل من كام
كمل رياضه بس شد حيلك اوي في 3 وحاول تجيب في 3 فوق ال95 وتلحق باذن الله هندسه او حاسبات...
فنون عماره بتاخد من فوق ال90 %

Amany Seif El Nasr

07-09-2011, 01:07 AM

السلام عليكم ورحمة الله وبركاته انا جايبة فى2 97.6% بس بجد مش عارفة اختار خالص ادخل علمى علوم ولا رياضه وانا كنت مقتنعة بالرياضة لكن ناس كتيرة جدا حذرونى انى ادخل هندسه لانها غير مناسبة بالمرة للبنات وفرص العمل ضئيلة جدااااا كمان وانى مع العلم ان دى اراء مهندسات ودكاترة وانا خايفة اعمل حاجة واندم عليها خصوصا وان التنسيق حايرتفع جدا السنه الجاية لانى مستنيه بفارغ الصبر انى اخلص واشتغل واعوض اهلى عن كل حاجة فيارييييييييييت حد يساعدنى لأنى بجد مش عارفة اعمل ايه

Amany Seif El Nasr

07-09-2011, 12:39 PM

Amany Seif El Nasr

07-09-2011, 10:44 PM

lolo nice

07-09-2011, 11:45 PM

وعليكم السلام ورحمة الله وبركاته
أولا أحب أن أهنئك على مجموعك اختى الكريمة أنا الصرااحة لسا فى تانية ثانوى بس بردوا قاعدة افكر هدخل ايه فى تالتو علمى علوم ولا ادبى ^_^ وعلى فكرة فى نااس بتقوولى ان الريااضة هتبقى صعبة علياا جداااااااا واحسنلى ادخل علمى علووم وفى ناس تانية بتقولى لا طبعا علمى ريااضة احسن:bosyht9: عشان لو دخلت علووم وجبت مثلا مثلا 80% أكيد مش هدخل حااجة وعلى فكرة فى بنت اعرفها جابت فى تالتة هى علمى علووم 85% ومجلهااش حااجة ودخلت جامعة خااصة علاج طبيعى والطب الخاصة لالازم تجيبي 95 % أو أكتر على ما أعتقد عشاان تدخليهاا ^_^ أما علمى ريااضة لو مجلكيش هندسة هيجيلك حجامعات حلووة غيرها كتير ^_^ بس الصرااحة انا مش عااارفة بس عايزة أقولك حاجة انتى لو واثقة من نفسك انك هتجيبي 98% ان شاء الله فى علمى علوم يبقى احسنلك تدخليه دا رأي وانا لو جبت فى تانية زي ما انتى جبتى انا هدخل علوم ان شااء الله بس خدى باالك تالتة أكيد أصعب من تاانية بس أقوولك حاجة احسن من كدا صلي صلاة استخارة واستخيرى ربنا واسأليه وهو سييسرك الى الطريق الافضل لكى ان شااء الله وكونى واثقة فى نفسك و ان شااء الله تجيبى 99% :022yb4::022yb4:كمااان وتدخلى الكلية اللى انتى عيزاها وتساعدى عيلتك:d
زى ما ساعووكى ووقفوا جنبك وتعوضيهم^_^ ويارب انا كماان اجيب 99 % هههههههه :006et4:يارب أكوون افدتك يا حبيبتى :friendsxs3:والسلام عليكم ورحمة الله وبركاته^_^

Amany Seif El Nasr

08-09-2011, 03:28 AM

[B]اولا انا متشكرة جدا على ردك ولانك حاولتى تساعدينى وانا فعلا صليت كتير بس للأسف لسة مش عارفة اقرر لأن المشكلة ان ماما عايزانى ادخل علمى علوم وتعد تقولى دا حلمى ونفسى اشوفك دكتورة وكلام الامهات اللى بيحسسك انك لو عملتى حاجة تانية حاتندمى :slap1qk6:::وانا اصلا كاتبة علمى رياضة ومن هنا جه الضغط والتردد وانى مش عارفه الخطوة الجاية حاتبقى ايي:bosyht9:يييييييييييه؟!!!!!!!!!!!!!!!!!!

nourhan 94

11-09-2011, 04:25 AM

يا جماعة انا رايحة تالتة ومجموعي مش كبير لانة كان في مشاكل في التصحيح وكدة الموال العادي يعني المهم انا واخدة احياء في تانية لاني علمي علوم وحابة احول ادبي كنت حابة اعرف لو حولت ادبي اية المواد الي هدرسها لاني كنت سامعة ان التاريخ اختياري وفي ناس قالتلي اجباري وير كدة موضوع الجيلوجيا دة اية الي بيقولو ينفع اخدة بدل الكيمياء بس بليز عايزة مساعدتكم عشان اشوف هعمل اية

Osama Saeed

11-09-2011, 09:02 AM

وقانا الله شر كلام الناس
اللى بيحب حاجة يكمل فيها

mohamed negm eldin

11-09-2011, 10:30 AM

انا جايب 96% السنة دى و هكمل علمى علوم مع العلم ان انا حاطط عينى على صيدلة من قبل ما ادخل ثانوية عامة ايه نصيحتك ليا اكمل هل مجموعى هايساعدنى ولا احول

sasaatwa

11-09-2011, 11:28 AM

[b]اولا انا متشكرة جدا على ردك ولانك حاولتى تساعدينى وانا فعلا صليت كتير بس للأسف لسة مش عارفة اقرر لأن المشكلة ان ماما عايزانى ادخل علمى علوم وتعد تقولى دا حلمى ونفسى اشوفك دكتورة وكلام الامهات اللى بيحسسك انك لو عملتى حاجة تانية حاتندمى :slap1qk6:::وانا اصلا كاتبة علمى رياضة ومن هنا جه الضغط والتردد وانى مش عارفه الخطوة الجاية حاتبقى ايي:bosyht9:يييييييييييه؟!!!!!!!!!!!!!!!!!!
مجموعك حلو يساعدك انك تختاري علمي علوم او رياضه حسب اللي انتي بتحبييه ومفيش حاجه اسمها هندسه مش للبنات ده كلام فاضي مفيش فرق بين بنت وولد ...
انا انصحك بقه بعلمي علوم عشان صيدله جميله وفرصتها حلوه وتحقيقي حلم مامتك

sasaatwa

11-09-2011, 11:30 AM

mohamed negm eldin

12-09-2011, 07:34 AM

أرجو الرد على سؤالى

lolo nice

12-09-2011, 08:27 PM

انا جايب 96% السنة دى و هكمل علمى علوم مع العلم ان انا حاطط عينى على صيدلة من قبل ما ادخل ثانوية عامة ايه نصيحتك ليا اكمل هل مجموعى هايساعدنى ولا احول
مجمووعك حلووو وانت تقدر تجيب فى تالتة اكتر من كدا كماان ان رأيى علمى علوووم من غير كلام لان الصيدلة أحلى بكتير ^_*:bosyht9:

osama alaa

13-09-2011, 09:07 PM

يااجماعه انا جايب 93 ممكن الحق هندسه ولا ايه انا خايف اوى ومش عارف اعمل ايه بس مظلوم جامد ف العربى السنه ال فاتت حد ينصحنى اعمل ايه

نور يوسر

14-09-2011, 11:53 PM

انتي لو عايزه تضمني كليه قمه تدخلي رياضه عشان هندسه باذن الله مضمونه علي مجموعك ده

لو ناويه تشدي حيلك جامد وتجيبي في 2 99 بالمستوي او اكتر يعني تنقصي في حدود 5 درجات وتجيبي 10 في المستوي يبقي ادخلي علمي علوم وتوكلي علي الله اسف علي التاخير مش تزعلي0....

ميرسييه بجد على فكره انا ضيعت حوالى 2.5% من مجموعى ده هدر تسرع وعدم تركيز وان شاء الله انا ناويه السنه دى على 100%بالمستوى وربنا يستر

Alsunian1

15-09-2011, 06:45 AM

هو المستوى الرفيع كام فى الماية ياجماعة ..؟

2.5

ولا اقل

sasaatwa

15-09-2011, 03:09 PM

هو المستوى الرفيع كام فى الماية ياجماعة ..؟

2.5

ولا اقل

1.25 في الميه في السنتين 2.5 في الميه في سنه 3

seal4

15-09-2011, 07:04 PM

انا جبت 94.3 علمى و كان حلمى انى ادخل طب اسنان بس للاسف المجموع مش كبير المهم كنت ناوى اكمل احياء و افرم نفسى بس للاسف اهلى ضغطوا عليا انى اكمل رياضه علشان المجموع و انا للاسف مش ماشى فى الرياضه كويس فالمهم عندى فى البيت اخيرا اقتنعوا انى اكمل احياء (برضو هما خايفين عليا لاحسن اجيب مجموع و علشان اكون فى المضمو يعنى) فهل انا اقدر اكمل احياء من دلوقتى لان المدرسين ابتدوا 5-7 حصص و هل مجموع السنتين ممكن يخلنى الحقها
طب لو ممكن مطلوب منى السنه دى اجيب كام

شكرا على الموضوع الحلو دا

zamalek1

15-09-2011, 10:01 PM

http://www.ac-n1.com/vb/imgcache/12536.imgcache.jpg

انا جايب 88% فى سنة تانية وباذن اللهوقفت انى احول علمى رياضة واللى يحصل يحصل ان ابتديت رياضة 2 من بعد العيد والمدرسة اللى باخد عندها مطمنانى اوى عشان الثالثة اللى الجداد اللى معايا خلتهم يحولوا ادبى بس اقتنعت بالحل بتاعى فجالى بصيص من الامل انى اكون مهندس وان شاء الله بعد بكره ابتدى الفيزياء وهدخل على سنة (((((((((اثبات الذات)))))))))))) مع انى مش بحب الرياضة بس المضطر يركب الصعب وانا للعكس المادة اللى باخف منها هى اكتر مادة بجيب فيها مجموع لاتراجع ولا استسلام ( القبضة الدامية )

sasaatwa

16-09-2011, 07:47 PM

يااجماعه انا جايب 93 ممكن الحق هندسه ولا ايه انا خايف اوى ومش عارف اعمل ايه بس مظلوم جامد ف العربى السنه ال فاتت حد ينصحنى اعمل ايه
خلي عندك ثقه بنفسك مجموعك حلو علي علمي رياضه حاول توصل ل 95 او 96 وتضمن هندسه بالتوفيق

sasaatwa

16-09-2011, 07:50 PM

seal4

18-09-2011, 01:38 PM

الف شكر لردك

Alsunian1

18-09-2011, 06:31 PM

1.25 في الميه في السنتين 2.5 في الميه في سنه 3

معلش مفهمتش بردة

يعنى 2.5%

ولا 1.2 %

ايمى الادهم

19-09-2011, 01:44 PM

معلش يا جماعه انا لسه جديده هنا ومش عارفه هل ردى هنا صح وللا لا
بس انا جايبه سته وتسعين ونص ومكمله علوم بس خايفه جدا جدا
انا بحب الاحياء بس خايفه منها كتير
ياريت تقولولى اعمل ايه اخلينى احياء وللا احول رياضه مع العلم انى بحب الاحياء عن الرياضه

tony albert

23-09-2011, 02:07 AM

بص يا سيدي انا بقي جايب 89% وبكره المواد الادبيه جدا حتي الماده الادبيه مختارها اقتصاد واحصاء
ومكمل رياضه لاني بحبها جدا فيه امل اني الحق هندسة ولا لا

وان ملحقتش هندسة انا بفكر ادخل مساحه ومنها اكمل هندسة ايه رايك بصراحه
وهل المجموع فيه امل اني الحق هندسه ؟؟؟؟؟؟؟؟؟

zamalek1

26-09-2011, 04:10 PM

انا قريب منك جايب 88% وحولت من علمى علوم لرياضة واللى فيه الخير يقدمه ربك ربنا هو الاعلم بينا وهو اعلم بالنوايا والمجهود انا تفريبا مذكرتش فى تانية غير من بداية شهر ابريل بس بس الحمد لله اخدت الدرس من سنة تانية ودلوقتى اخترت المدرسين الكبار فى كل مادة وانا لازم اذاكر بجدية مش مهم بقى المجموع ولا الكلية المهم لما تخلص سنة ثالثة اكون راضى عن نفسى

البدري94

26-09-2011, 07:06 PM

انا جبت 92.2 بس وكملت علمي رياضه بس خايف من الرياضه2 لانها بيقولوا صعبه من فضلكم ساعدووني وقولولي اكمل رياضه ولا احول ادبي

ahmedking199413

29-09-2011, 12:42 AM

انا كنت جايب 86 بس انا عايز اكمل علي رياضه علشان انا مش بحفظ خالص ودي مشكله عندي انا كنت اتظلمت في تانيه بس انا ما روحتش عملت تظلم اننا عايز اعرف اكمل ولا لا

mohamed negm eldin

05-10-2011, 03:42 PM

يا جماعة هو اللى علمى علوم ياخد مادة المستوى الرفيع ايه عربى ولا انجليزى

منه الله(منمن)

05-10-2011, 10:09 PM

مالهاش علاقه يا محمد انت علوم ولا رياضه او ادبى جتى حسب الاسهل ليك لو ممتاز جدا ف الانجلش يبقى خدوا لو زيى حالاتى يبقى عربى طبعا

عمر الفيلسوف

06-10-2011, 04:46 PM

انا جايب 88.5 فى تانية وحولت ادبى دة صح ولا لا ارجو الردددددددد

mohamed negm eldin

08-10-2011, 09:57 AM

شـــكرا لردك يا بشمهندسة منمن انا علمى علوم ومتحير والله عاوز اقفل المستوى عشان السنة دى ناوى على 100% ان شاء الله عاوز ادخل صيدلة

mohamed negm eldin

08-10-2011, 07:25 PM

وممكن اعرف الاقتصاد والاحصاء افضل ولا علم نفس ؟؟؟؟؟

يا ريت الناس يشاركونى ويعرفونى اعمل ايه

منه الله(منمن)

13-10-2011, 03:06 AM

ahmed doula

13-10-2011, 04:43 PM

العفو ع ايه يامحمد وانا كنت اقتصاد وحولت علمن نفس بص علم النفس حفظ وفهم يعنى لازم تفهم عشان تعرف تحفظ وتعبر باسلوبك مش لازم باسلوب استاذك هو مش قران لازم يبقى صم
لكن الاقتصاد مجربيتوش
طبعا بس خوفونى منو لانو بيجيب مسائل ع حد قولهم انها صعبه لكن علم النفس لذيذ جدا وبتاع ال 50 درجه
=

اها يعنى اخترتى علم نفس فى الاخر :stickjo4:

تعرفى انا كنت قلقان عليكى عشان احنا لعبنا فى دماغك كتييير هههههههههه

ربنا يوفقك وتجيبى ال50 يارب:rolleyes::rolleyes:

منه الله(منمن)

13-10-2011, 07:25 PM

اها يعنى اخترتى علم نفس فى الاخر :stickjo4:

تعرفى انا كنت قلقان عليكى عشان احنا لعبنا فى دماغك كتييير هههههههههه

ربنا يوفقك وتجيبى ال50 يارب:rolleyes::rolleyes:
ههههههههه انتوا حيرتونى اكتر ما انا كنت محتارة اصلا ومتقلقش
اختك ميتخافش عليها
ههههههههههههه ويارب يوفقنى ويوفقك

ahmed doula

14-10-2011, 12:04 AM

ههههههههه انتوا حيرتونى اكتر ما انا كنت محتارة اصلا ومتقلقش
اختك ميتخافش عليها
ههههههههههههه ويارب يوفقنى ويوفقك

امين يا رب

khalid_medo

14-10-2011, 09:09 PM

انا بقي محتار اخد في تانية احياء ولا كمياء ساعدوني

منه الله(منمن)

14-10-2011, 10:22 PM

كميا ف تانيه لان ف تالته هيبقى فيزيا وكميا حاتسه انهم هيبقو رخمين مع بعض

mohamed negm eldin

21-10-2011, 05:12 PM

بجــــــــــــــــد شكـــــــــــــرا جدا يا بشمهندسة وان شاء الله تحققى هدفك

zamalek1

28-10-2011, 09:40 AM

اكيد تاخد كيمياء عشان يكون عندك فرصةفى 3 ث انك تحول على حسب الظروف

mohamedgabrmohamed

29-10-2011, 06:27 PM

انا جبت 90% فى سنة 2011 بسب ظروف خاصة ياترى ممكن اكمل علمى رياضة وهدر اجيب هندسة وارجو منكم الرد السرىع

mohamedgabrmohamed

29-10-2011, 06:30 PM

انا جبت 90% فىسنة 2011 بسب ظروف خاصة ياترى هدر اجيب هندسة و ارجومنكم الرد السرىع

شريف الماجيكو

31-10-2011, 06:54 PM

انا مجموعى 96.6 وبكره الاحياء بس والدى وولدتى مصرين على علمى علوم اه يعنى بذاكر الاحياء بس بتأخذ منى وقت كبير
اعمل إيه؟ وطبعا المجموع مع الزمن دا مايضمنش اووووي كليه الصيدله اللي بحلم بيها الا لو ثبت ع المجموع ودا مش مضمون لان في احتمالات بتقول ان الامتحانات صعبه السنادي ...... مع العلم اني خلاص اتحطيت في الامر الواقع وخلاص انا علمي علووووم ........

princess nona95

09-07-2012, 06:28 PM

princess nona95

09-07-2012, 06:30 PM

bassma 2

19-07-2012, 04:04 PM

انا جايبة 96 وكنت واخده كيمياء
فينفع اكمل علوم وادخل اسنان حتي لو اقاليم
ولا فرصتي ضئيلة ارجوكم رد سريع عشان قلقانة والله

maxpaine

20-07-2012, 02:31 AM

ألف مبروك للناجحين كلهم كنت عايز ااخد رايكم فى حاجة انا فى تانية السنة دى والحمد لله جبت 97.3 ومظلوم فى 3 درجات عربى وكنت عايز اسال هل كده اناممكن اكمل علوم لانى نفسى ادخل طب او صيدلة لكن الناس بتقول ادخل رياضة علشان تتضمن هندسة وانا خايف جدا من التنسيق لان الطب اسنة دى عليت اوى فا نا مش عارف هل التسيق هيرفع على ايامنا كده اوى ومش هتلحق حاجة ولا ايه ولا علشان امتحانتهم جت سهلة بالرجاء الافادة

Bahy_Ahmed

20-07-2012, 02:40 AM

انا جبت في تانية 97.5 ورايح تالتة وانا كاتب اني علمي علوم ومحتار اكمل ولا ايه مع العلم اني مكنتش بذاكر في تانية كويس وحشد في تالتة ان شاء الله بس انا خايف برده ده مجموع مزنوق فيه اوي !! :(

امير رافت رضوان

20-07-2012, 07:45 AM

بسم الله اولا
انا جايب 97.8ومش عارف اعمل ايه احول علمى علوم ولا افضل رياضهدى حاجه

فى حاجه كمان انا جايب 28 فى العربى والامتحان طبقا لنموذج الاجابه كله صح عندى
هل لوكشفت هاجيب حاجه

smart5533

20-07-2012, 10:11 AM

انا جايبه 95 وبحب الاحياء والرياضه ومش عارفه ادخل علوم ولا رياضه ؟ انهى افضل

ismael2

20-07-2012, 10:11 AM

السلام عليكم ..
انا جايب94.6
ونفسي ادخل صيدله
انا ان شاء الله هشد نفسي ف سنه تالتته وووو ربنا يستر
بالكم هلحق صيدله ؟!

smart5533

20-07-2012, 10:14 AM

ياريت حد يقولنا انهى افضل علم نفس ولا اقتصاد واحصاء ؟ بس ارجو الافاده

ismael2

20-07-2012, 10:17 AM

ياريت حد يقولنا انهى افضل علم نفس ولا اقتصاد واحصاء ؟ بس ارجو الافاده
هقولك بمقآرنه بسيطه جدا
الطلاب عندنا ف سنه تآلته بيجبوا 60 و 70 %
وعلم النفس تلاقيه جايب فوق الـ 45
،
اما الطلاب الي بيجيبوا 85 وفوق وواخدين اقتصاد واحصاء
جايبين 40 و41

دي من النتايج الي انا شايفها السنادي
انا الحمد لله اخدت علم نفس
ودايما بقول لـ أصحابي خدوا علم نفس احسن
وانا بنصحك تآخد علم النفس

smart5533

23-07-2012, 11:37 AM

انا جايبه 95 وبحب الاحياء والرياضه ومش عارفه ادخل علوم ولا رياضه ؟ انهى افضل ارجو الرد

hema ismaeil

23-07-2012, 12:54 PM

وانا جبت 97% ومش عارف برضو اكمل علوم ولا رياضه انا نفسي ادخل كليه طب وانا اصلا بحب المادتين الاحياء والرياضه يعني عادي

beta777

25-07-2012, 03:31 PM

انا بردو جايب 97% ومش عارف علوم ولا رياضة بس انا نفسي في صيدلة او علاج طبيعي بس خايف تفلت وتلبس في كلية علوم مع العلم ان اللى موقعنى في تانية الرياضة (جبر
)

ايناس نصرالله

26-07-2012, 03:14 PM

انا جبت 90.5 فى تانية اكمل علمى رياضة

the_sad_eyes

26-07-2012, 09:20 PM

انا جبت 88% و كنت هجيب اكثر من كده بس كان فيه ظروف
انا نفسى اكمل علمى رياضه زى ما انا و اشد حيلى و اموت نفسى و اذاكر و ربنا مبيضيعش تعب حد و اسيب الباقى ع ربنا
و عايزة ادخل حاسبات و معلومات او فنون جميله قسم جرافيك ..
ايه رأيكواا ..؟

Bent el pope

26-07-2012, 09:53 PM

طيب سؤال برذو اللى جايب نفس الدرجه بس علمى علوم ينفع يكمل ؟؟؟؟؟؟؟؟؟؟؟ والا يعمل ايه احسن له

egymessi

26-07-2012, 10:00 PM

انا جايب %99.5 وبحب الاحياء والرياضه ومش عارف اكمل علوم ولا أدخل رياضيات ii ؟

hesham fouda

30-07-2012, 10:57 PM

أنا جبت ف تانية 97.32 ومحتار أدخل علمى رياضة ولا علمى علوم

وكمان انا نفسى ف صيدلة

فراشة 44

01-08-2012, 01:01 AM

انا جبت 96.3%
وكنت ناوية اكمل علمي علوم بس لما شفت التنسيق بتاع السنه دي انا خوفت جدااااا
وبقيت محتارة اكمل ايه؟؟
في كلا الحالات عندي انا هشد حيلي اكتر واكتر باذن الله
بس انا فعلا مش بحب الرياضه لكن ممكن امشي فيها
اما عن الاحياء فانا بلاقي متعه كبيررررررررررة جدا وانا بذاكرة
فممكن الافادة بعد اذنكم
وجزاكم الله خيرااا مقدما :)

singer111

01-08-2012, 01:48 AM

ايه ياجماعة رعبتوني انا رايح تانية ثانوي جايب في اولي 84.2% وناوي علي علمي رياضة تفتكروا ممكن هندسة او حاسبات ومعلومات ؟ وايه افضل مادة للمستوي هو بينفع صح ؟ وأخبار تصحيحه ايه وامتحاناته ايه؟ ياريت حد يفيدني

farkoka95

01-08-2012, 06:33 PM

مشاء الله الموضوع بقى كلو اسئله بس :d

فراشة 44

02-08-2012, 02:43 AM

طيب يا ريت حد يرد

ahmed khalid yehya

02-08-2012, 03:31 PM

انا في في تانية الحمد لله جبت 98% و امنية حياتي ان شاء الله اخش طب بشري و اما لقيت التنسيق كدة خفت و قولت هحول رياضة بس رجعت ف كلامي و لكن لسة متردد

المناب

12-08-2012, 10:51 PM

هو ممكن ادخل هندسة (خاصة) من علمي علوم ؟

الايما

14-08-2012, 01:16 PM

انا جبت 96 مش عارف اكمل ايه ونفسى علمى علوم

smart5533

30-08-2012, 10:59 AM

هو ليه مفيش حد بيرد ؟

doaa _321

30-08-2012, 12:23 PM

انا الموضوع ده معقدنى جدا انا السنة اللى فاتت جبت 98% بس مش عارفه ادخل علوم ولا رياضه انا كان من زمان نفسى ادخل صيدله او هندسه مكنتش محددة بالظبط بس انا بحب الرياضة اكتر من الاحياء عشان بتبقى فهم مفيهاش حاجه حفظ خالص بس الاحياء انا زاكرت منها درسين لحد دلوقتى مش صعبه برضو بس انا خايفه انى اتعقد عشان كل المواد عندى كده فى نسبة حفظ كبيرة باستثناء الفيزيا حفظ وفهم انا مشكلتى انى خايفه ماجبش مجموع صيدله السنه دى لانى لو مجبتهوش هتعقد فعلا واللى مخوفنى من الهندسه ان تقريبا الجامعة مش بيبقى فيها بنات غير اعداد قليلة اوى غير كده كل اصحابى دلوقتى علوم وانا كده هابقى لوحدى انا كنت اخترت انى ادخل علوم وخدت درسين فى الاحياء بس بحلم انى مش هاعرف استمر فيها وهاندم حد يساعدنى بلييز

nada.dolly

30-08-2012, 03:04 PM

انا ابن خالتى جاب فى تانية 58 بس هو مش عارف يعمل ايه ينقل ادبى و ممكن يلحق حربيه و لا صعب

مني ق

16-09-2012, 02:33 PM

انا جبت 85% ومش عارفة اخش اية وياريت تقولي الكليات اللي يمكن ادخلها

دموع الياسمين

16-12-2012, 10:22 AM

ياجماعة انا جبت فى 2ثانوى مجموع وحش اوى جبت 87 فى المية واللى نقصنى ان انا نسيت فى العربى والانجليزى والكيمياء بس والله االحاجات اللى نسيتها كانت اسهل حاجة وجيت تعبت فى الانجليزى وكنت عايزة اسيب الامتحان وامشى وعشان ماكنتش بحب الحفظ والكيمياء كان معظمها حفظ نقصت فيها اكتر من اللى انا نقصته فى المواد كلها وانا دلوقتى دخلت علمى رياضة انا مبحبش الادبى ابدا بس بحب الرياضة وناقصة فيها درجتين وكنت عايزة اعمل تظلم وبابايا كمان عايزنى ادخل هندسة ونفسى ادخلها بجد تفتكروا لو شديت حيلى السنة دى اقدر اجيب هندسة!! وبيتهيئلى المجاميع السنة دى نازلة عن السنة اللى فاتت كتير وتتوقعوا الهندسة تاخد من كام السنة دى ؟؟بجدانا تعبانة من الموضوع ده اوى وبفضل اعيط كل لما افتكروا ياريت تردوا عليا