حين مسخره [الأرشيف] - بوابة الثانوية العامة المصرية

مشاهدة النسخة كاملة : حين مسخره

dr.zomba

07-01-2008, 10:18 PM

دبي- العربية.نت

("طالب المفكر الإسلامي والأستاذ بكلية دار العلوم بجامعة القاهرة الدكتور عبد الصبور شاهين بإحالة بطلتي ومؤلف ومخرج فيلم "حين ميسرة" على النيابة العامة للتحقيق معهم بتهمة الدعوة إلى نشر الشذوذ الجنسي والسحاق والتخريب الأخلاقي، مشيرا إلى أن "الأصابع الأميركية والصهيونية" تقف وراء مثل هذه الأعمال الفنية الشاذة ضمن مخطط تخريبي لتدمير أخلاق المجتمع، مؤكدا أنه لا يمكن أن نتصور أن "السحاق" وصل عندنا إلى هذا الحد.

وكان مشهد (السحاق) الذي أدته الفنانتان المصريتان غادة عبد الرازق وسمية الخشاب في الفيلم، الذي يعرض الآن في دور السينما في مصر والدول العربية، أثار حالة من السخط والغضب بين علماء الدين بالأزهر الشريف، وقال الداعية يوسف البدري قال: إن المشهد «السحاقي» يدل على انحدار الأخلاق في السينما ووسائل الإعلام التي ساعدت على ذلك، ودعا الأزهر إلى "فرض رقابته" على الفن والإبداع وعلى جميع منافذ الثقافة والإعلام، مؤكدا أن هذا هو دوره الذي تخلى عنه، وذلك وفقا لما ورد في صحيفة "الرأي" الكويتية الجمعة 4-1-2007.

من جانبه، قال أستاذ الفقه والشريعة بجامعة الأزهر بالقاهرة علوي أمين: إن تقديم مشاهد الجنس والشذوذ والسحاق على شاشة التلفزيون والسينما هي إثم، ومشاهدتها كذلك إثم، مضيفا إن "السحاق غير موجود في مصر، ولن يكون موجودا في يوم من الأيام، مشيرا إلى أن "هناك أناسا لا يعلمون معنى كلمة سحاق"، مؤكدا أن "الثقافة الغربية الرديئة هي المسيطرة على صناع السينما والمسرح والتلفزيون".

وعن أدائها مشهد السحاق الذي أثار كل هذا الجدل، قالت سمية الخشاب: لا أرى أن المشهد كانت به فجاجة أو ابتذال، بالعكس فهو مشهد واقعي جدا وكان ضروريا في سياق الفيلم، موضحة أن "هذه ليست المرة الأولى التي يتم فيها تقديم مشهد شذوذ جنسي على الشاشة، وأنه تم تــــقديمه فـــي أكثر من فيلم، مثل (عمارة يعقوبيان) من بطولة الفنان عادل إمام، ولكنه كان بين رجلين وفي (حين ميسرة) كان بين سيدتين". وقالت: إن "من يشاهد الفيلم.. سيدرك أن المشهد كان طبيعيا، وضمن سياق الأحداث وليس مفتعلا لمجرد الإثارة".

كما أبدى مخرج الفيلم خالد يوسف استياءه من الآراء السابقة، وطالب المعترضين بمشاهدة الفيلم أولا ثم مناقشة أحداثه ومشاهده، لأنه لن يرد على من ينتقد من دون أن يشاهد، مشيرا إلى أنه "دائما ما يتهمه البعض بالكفر وتقديم مشاهد الرذيلة رغم أنهم لم يشاهدوا أعماله الفنـــية بالأساس، واكتفوا بمــــشاهدة أفيـــــش اعـــلان الفيــلم".)

ناس كتير ممكن تقولي طب وانا مالي الي عايز يتفرج يتفرج ( الي بياكل علي ضرسه بينفع نفسه) والي مش عايز يتفرج ميتفرجش دي حريه

ارد انا مثلا واقوله طب والاعلان بتاع الفيلم ماهو في مشاهد زباله برضو يعني بيجبرني اني اتفرج عليه ومدخلهولي لحد بيتي

يرد ويقولي عادي وايه يعني لما يجي الاعلان انقل من علي القناه دي

طبعا دا حل كويس علي قد ما هو سلبي جدا وبيدل علي حالة التطنيش السائده حاليا في الشعب المصري وكله بيقول وانا مالي خليني في حالي

بس الفكره انك لما تلاقي الافلام (الي معلش في الكلمه) افلام جنسيه ومش هقدر اقول كلمه اقل من كدا بقت بتتعرض في مصر زي اوروبا وامريكا ومفيش زفت رقابه يبقي دا اسمه ايه؟

ونيجي للست سميه خشبه الي ما صدقت بقت نجمه وبطله عشان تطلع كل مواهبها وامكانيتها والمشكله انهم بيعملوا مشاهد علي المكشوف يمكن مشاهد الاغراء بتبقي متداريه شويه عن الي بيعملوه ويقولولك احنا مش بنعمل اغراء احنا بنقدم فن راقي فن ننافس به السنما الغربيه
وعشان نوصل لازم نقلع http://board.anamasry.com/style_emoticons/masr/surrender.gif

والاخ خالد يوسف المخرج الموقر بيقول في البرنامج بتاع 90 دقيقه انا مش بعمل حاجه حرام يعني هو ماشاء الله خلاص بقي مفتي وشيخ ويقدر يحكم علي الي بيقدمه اذا كان حرام ولا حلال ومش بعيد يمسك مفتي الجمهوريه بعد كدا وهو اصلا جاهز ومربي دقنه ومش بعيد يكون مربيها عشان عارف انه هيتعين مفتي http://board.anamasry.com/style_emoticons/masr/birgits_giggle.gif

واكيد طبعا غيره كتيييييييير اوي من الافلام الي زي دي انا مش هنكر ان في افلام كتير بتناقش قضايا كتير ومهمه جدا وممكن تكون القضيه ملهاش اي علاقه بمناظر الاغراء بس برضو لازم يعملوا شو والا مش هيكسبوا

طب وياتري الحل ايه؟

ياتري هنفضل كدا لحد امتي؟

وياتري ربنا غافل عننا ؟ اكيد لا

يبقي علي كدا عقابه لينا هيبقي ايه ؟

ربنا يستر ويهدي الامه تاني لاني شايف اننا داخلين في طريق اخرته سيئه وسيئه جدا جدا كمان

سلامو عليكو

E N G Y

07-01-2008, 10:39 PM

لا حول ولا قوة الا بالله ...الله يهدي...احنا وصلنا لدرجه غريبه ..في كل حاجه...ربنا يستر و ما تسؤش اكثر ...
شكرا لطرح الموضوع

براءة

07-01-2008, 10:49 PM

تحت شماعة فيلم بيناقش قضية
واللى مستغرباله انه مش الشباب بس الى كانوا مقبلين ع الفيلم لأ
والد صاحبتى بيقولها انتى لازم تدخليه علشان بيناقش قضية مهمة !!
واخوها الصغير فضل يعيط قدام السينما فى العيد عاوز يدخل الفيلم علشان فيه واحدة بترقص :D
وتلاقى الناس خارجة من الفيلم .. هاااااا يا جماعة ايه اخبار الفيلم ؟؟؟
_ تحفة طبعا ده بيناقش قضية هامة جدااا جدا هو اينعم فيهم كام مشهد كده بس نعترف انه يخدم الفيلم جدا !!!!!!!!!!!!!!!!!!!!!!!!!!!
افتكر يوم العيد كان اكتر فيلم كل حفلاته محجوزة
وانت ماشي كده تلاقى جروب بيتناقش هاااا يا جماعة تدخلوا حين ميسرة ولا الماجيك :D
طيب اشمعنى
اصل دول اكتر فيلمين هادفين هادفين هادفين

وانا مستغربة بجد ... مش هتكلم عن التدين مع انه ف المقام الاول
لكن
هما مش عارفين ان ده ..... عيب !!!
اه فكرتنى
اسأل اى حد دخل فيلم مثلا: خارج عن القانون
تلاقيه بيقوليك .. يا سااااااتر ده فيلم خنيق ،، لا رومانسية ولا كوميديا ولا اى حاجة كله واقعى ..يع
ما اصل هى دى القضايا يا جماعة :cool:

المشكلة ان محدش بيقول لأ والناس مغمضة عنيها وبتتاخد ع قفاها وبتقول كمان والنبي كمان :D

ربنا يهدى ويشفى وياخد اللى ف بالى

شكرا عمو عادل ع الموضوع اللى بيناقش قضية الفيلم اللى بيناقش اهم قضية :D

سلاامز

dr.zomba

07-01-2008, 10:55 PM

لا حول ولا قوة الا بالله ...الله يهدي...احنا وصلنا لدرجه غريبه ..في كل حاجه...ربنا يستر و ما تسؤش اكثر ...
شكرا لطرح الموضوع

يارب يستر

العفو وشكرا علي مورك الجميل:)

.. Mysterious ..

07-01-2008, 10:55 PM

لا حول ولا قوة الا بالله ...الله يهدي...احنا وصلنا لدرجه غريبه ..في كل حاجه...ربنا يستر و ما تسؤش اكثر ...
شكرا لطرح الموضوع

هههههههههههههههههههههههههههههههههههه

بس المهم هوة كتبه

dr.zomba

07-01-2008, 11:00 PM

dr.zomba

07-01-2008, 11:01 PM

هههههههههههههههههههههههههههههههههههه

بس المهم هوة كتبه

ههههههههههههههههههههههههه مش عارف علي ايه

واه المهم اني كتبته ماعدا طبعا المقاله الي باللون البرتقالي

نورت:D بس بطل ضحك;)

براءة

07-01-2008, 11:18 PM

بعد دقايق

ابطال الفيلم ف العاشرة مساء

روحوا اتفرجوا وارفعوا القبعااااات :d

مس رانيا حسن

07-01-2008, 11:32 PM

جزاك الله خيرا

احمد رضا

08-01-2008, 12:54 AM

والله يا عادل المسأله مش مسأله سحاق ولا لواط ولا زنا ولا جنس رابع
المسأله تجاريه بحته
واحده زي سميه الخشاب وجاذبيتها تستغل ده ازاي .. طبعا توتو علي كبوتو مبدأ ابجني تجدني
طيب مخرج زي خالد يوسف عايز برده فلوس
والمنتج كامل ابو علي عايز يهبر برده هبره جامده
فلازم يشتغل علي الجانب اللي بيعجب الهايفين
الجانب اللي الشباب الغلبان مهتم بيه
مش هتكلم اكتر من كدا

المسأله مسأله مجتمع بالكامل
مجتمع اخلاقه زي الزفت
مجتمع شبابه كل همه انه مسقط البنطلون لحددد ..... وسطه و ماسكلي موبايل Imate او N96 ( باللمس ) ومربيلي شعره لحد قفاه و عاملي دوجلس و ماشي يتندغلي في لبانه
بالزمه ده شباب والنبي

مجتمع الآباء فيه كل همهم انهم يطلعوا الصبح يجيبوا فطار و يدوا مصروف البيت وخلاص
طيب فين التربيه والنبي
واثق في ابنك لحد امتي ياحج
لحد ما هيجيبلك واحده في البيت و يقولك الجيرل فريند
اسكت ياعادل انا مخنوق و محروق من البلد الزفته دى
ربنا يطلعنا منا علي خير

amr_2010

08-01-2008, 01:00 AM

Mezooo

08-01-2008, 01:18 AM

الفيلم اعتقد انه بيناقش قضيه

لكن هذه تعتبر ( سقطه ) كبيره من المخرج
وهدفه منها الأرباح لا اكثر

هذا مجرد رأى شخصى

amr_2010

08-01-2008, 01:30 AM

الفيلم اعتقد انه بيناقش قضيه

لكن هذه تعتبر ( سقطه ) كبيره من المخرج
وهدفه منها الأرباح لا اكثر

هذا مجرد رأى شخصى

فعلا الهدف منها الارباح

M I D O

08-01-2008, 03:44 AM

هاقول ايه ! جميلة يا بلدى

prof.ahmed4d

08-01-2008, 04:16 AM

أنا من رأيي أن الفيلم أينعم بيناقش قضيات هامة ولكن ليس من الضروري أن الفيلم يبقى فيه مناظر *****ة عشان يوضح القضية لأن هذا ضد ديننا الإسلامي وقيمنا وعاداتنا وانا من رأي أن مثل هذه الأفلام حرام أن نضيع وقتنا في الفرجة عليها لأن أشياء ليس لها قيمة لأن إحنا عندنا القرآن وسنة الرسول صلى الله عليه وسلم مش محتاجين حد يوضح لنا إيه الصح وإيه الخطأ لأن القرآن وسنة الحبيب المصطفى أوضحا لنا ما الحرام وما الحلال وأظن أن ممهما كانت أهمية قضية الفيلم سوف لا تغير من الواقع شيئاً ولكن الواجب علينا أن نرجع إلى ديننا وقرآننا وسنة الرسول " صلى الله عليه وسلم " وسوف تتحسن حياتنا ، وعلى فكرة أحب أقول حاجة تانية الممثلين مش بيعملوا كل ده من أجل عرض قضية هامة أو من أجلنا ولكن من أجل المال والربح " واعتقد أن اغلبيتهم هكذا " ، والله الحل الوحيد لحل جميع مشاكلنا هو الاعتصام بدين الله وسنة الرسول وأختم في النهاية باجمل الختام قوله تعالى " يا أيها الذين آمنوا اعتصموا بحبل الله جميعاً ولا تفرقوا " صدق الله العظيم

manar

08-01-2008, 08:43 AM

هو فليم جرىء اوى انا كنت بشوف الناس على السينمات واقفه سده الشارع علشان تتفرج عليه:D فقولت اسال اشوف فيلم ايه ده سالت واحده صغيره بقولها هو فيلم ايه الى فى السينما دى ؟قالتلى حين ميسره:eek: استغربت جدا ازاى طفله ميتعداش سنها ال 10 سنين وراحه تتفرج علىه هى وصحابتها وهو فيه قضيه فعلا بس ممكن مكنش يتعرض بالشكل ده بس انا اسمع ان فى ناس عامله قضايا على الفيلم بسبب المشاهد الى فيه وكدا وسمعت كمان مشعرفه دى اوشاعه ولا لاء ان سميه الخشاب تابت:D
واحب اقول لسميه الخشاب فسوه كلمه (( ارجعى الى صوابك )):D

TEMO_KHALED

08-01-2008, 09:00 AM

عادي يا جدعان انتو بتدوروا على اية؟؟؟؟ناس رفضت تدخل عمرو خالد مصر عشان مايعملش برامج دينية.....ناس سايبين امثال نجلا وروبي وهيفا ونانسي .....ناس ماعاملتش فيلم ديني من ايام الافلام الابيض واسود ....ناس بتقبل ان شوية عيال يخرجوا فيلم ... ناس بتقبل ان واحد زي جاد شويري وطبعا كلنا عارفين ان هو شاذ يخرجلهم الاغاني بتاعتهم....ناس وافقت ان واحد زي تامر حسني يعمل شريط ديني ....ناس وافقط ان هشام عباس يغني أسماء الله الحسنى وكلنا عارفين ان تلت تربع الاغنية بينطق غلط....انتوا بتتكلموا فاية ماخلاص البلد باظط ..وكلامنا كله بقى في الهوا...والحل هو ان احنا نتجاهل الافلام دي ومش ندخلها لكن هاتقول لمين دا الناس مابتصدق تلاقي فيلم مش مظبوط عشان تدخله..انا كنت متاكد ان الفلام دي هاتزيد عشان لما(عمارة يعقوبيان _ اوقات فراغ _ والفيلم بتاع روبي الفاشل دة 7 ورقات كوتشينة والافلام دي كلها نزلت..)كل الي كان بيحصل كلمتين في الجرايد والمجلات وخلاص خلصنا...ربنا ياخدهم كلهم مرة واحدة لأن بجد سمعتنا بقت في الحضيض...

mR . mOstafa Fathi

08-01-2008, 09:15 AM

TEMO_KHALED

08-01-2008, 09:17 AM

مشكور يا معلم...دة من زوقك بس والنعناع

dr.zomba

08-01-2008, 02:22 PM

بعد دقايق

ابطال الفيلم ف العاشرة مساء

روحوا اتفرجوا وارفعوا القبعااااات :d

لالا دا النهارده وكل سنه وانتي طيبه

CrazY Bo$S

08-01-2008, 02:22 PM

على رأى واحد بسأله
قالى
أشوف وأتأكد بنفسى :D:D
حد يجيبله نسخة cut من الفيلم :D

dr.zomba

08-01-2008, 02:24 PM

جزاك الله خيرا

وجزاكي مثله

dr.zomba

08-01-2008, 02:28 PM

dr.zomba

08-01-2008, 02:37 PM

ياعم عادل يا شيخنا هدي اعصابك وبراحه شويه
انت لو كنت خرجت معايا في العيد وقولتلك تعالا نخشه كنت هتخشه معايا
وبعدين انا شايف ان الفيلم كويس
بس موضوع سميه الخشاب وغاده عبد الرازق مالوش اي لازمه من المؤلف والمخرج
لانها من كتر الفقر عملت حاجات كتير اوي ملهاش لازمه اصلا الحكايه دي
بس المخرج والمؤلف عملو كده علشان الفيلم ينجح اكتر علشان معظم الشباب المصري وسخ
وبعدين انت اشمعنا ماتكلمتوش عن فيلم عمارة يعقوبيان
ومن الاخر انا الفيلم ده عاجبني كقصه وهخشه مش عشان قلة ادب والله

يا عمور باشا انا ولا شيخ ولا حاجه

وانا هكون صريح معاك انا لحد دلوقتي مدخلتش اي فيلم في الموسم بس حاطط في دماغي لو هدخل يبقي الجزيره وبعدين خارج عن القانون وبعد كدا اي حاجه مش هتفرق
ومكنش في دماغي حين مسخره ولا حين بتنجان

وبعدين ربنا عالم بنيتك بقي هتدخله ليه مش انا;)

mR . mOstafa Fathi

08-01-2008, 02:39 PM

على رأى واحد بسأله

قالى
أشوف وأتأكد بنفسى :D:D

حد يجيبله نسخة cut من الفيلم :D

iiiهههه ايه ياعم زمن البطيخ
كت ايه يا احمد عيش وعيشنا

dr.zomba

08-01-2008, 02:40 PM

الفيلم اعتقد انه بيناقش قضيه

لكن هذه تعتبر ( سقطه ) كبيره من المخرج
وهدفه منها الأرباح لا اكثر

هذا مجرد رأى شخصى

دي حقيقه وكان في طرق كتيره ممكن يناقش بيها غير كدا

شكرا علي مرورك ورايك الي اسعدني:)

dr.zomba

08-01-2008, 02:41 PM

هاقول ايه ! جميلة يا بلدى

مصر مصر تحيا مصر يا عم الحج:p

dr.zomba

08-01-2008, 02:42 PM

dr.zomba

08-01-2008, 02:45 PM

هو فليم جرىء اوى انا كنت بشوف الناس على السينمات واقفه سده الشارع علشان تتفرج عليه:D فقولت اسال اشوف فيلم ايه ده سالت واحده صغيره بقولها هو فيلم ايه الى فى السينما دى ؟قالتلى حين ميسره:eek: استغربت جدا ازاى طفله ميتعداش سنها ال 10 سنين وراحه تتفرج علىه هى وصحابتها وهو فيه قضيه فعلا بس ممكن مكنش يتعرض بالشكل ده بس انا اسمع ان فى ناس عامله قضايا على الفيلم بسبب المشاهد الى فيه وكدا وسمعت كمان مشعرفه دى اوشاعه ولا لاء ان سميه الخشاب تابت:D

واحب اقول لسميه الخشاب فسوه كلمه (( ارجعى الى صوابك )):D

اه منا برضو سمعت ان دينا اعتكفت في جبل في سينا لوحدها :D

ويارب توصلها فسوت كلمتك:D

dr.zomba

08-01-2008, 02:47 PM

zizo2_2

08-01-2008, 02:51 PM

حسبنا الله ونعم الوكيل

لهم الله ... لهم الله

براءة

08-01-2008, 03:39 PM

قضية ايه بس
هما علشان يعالجو قضية
يفتحوا عنين الناس على مليون قضية
من الاخر بصراحة فيلم ملوش لازمة
واللى يقول غير كده يبقي بيبرر لنفسه مش اكتر

يا ناس فوقوا مش كده :mad:

_GUIDE_

08-01-2008, 08:29 PM

الاسطورة

08-01-2008, 11:10 PM

am_online5

09-01-2008, 01:40 AM

ربنا يحمينا ويطهر البلد من الناس الي زي دول امين يا رب
لا حول ولا قوة الا بالله العظيم
شكرا

dr.zomba

09-01-2008, 05:32 AM

حسبنا الله ونعم الوكيل

لهم الله ... لهم الله

ونعم بالله ربنا يهدي يا زيزو

شكرا علي مرورك نورت الموضوع:)

dr.zomba

09-01-2008, 05:34 AM

قضية ايه بس
هما علشان يعالجو قضية
يفتحوا عنين الناس على مليون قضية
من الاخر بصراحة فيلم ملوش لازمة
واللى يقول غير كده يبقي بيبرر لنفسه مش اكتر

يا ناس فوقوا مش كده :mad:

والمصحف ما انا الواد الي اتكلم طلع يجري

ربنا يهدي يارحمه صحيح شوفتي حلقة العاشره مساء امبارح وشغل سميه الخشاب:D

dr.zomba

09-01-2008, 05:39 AM

اولا شكرا ليك يا عادل على طرح الموضوع والقضية

بس انا احب اوجه كلامى لرحمة الفيلم مكتوب عليه للكبار فقط
انا مشفتش الفيلم او يمكن نزلته ومشفتوش بس شوفت (هى فوضى- الجزيرة)
نرجع للفيلم حين ميسره هو هنا بيناقش قضية العشوائيات واللى ممكن تفرزه من جريمة وغيرها من السلوكيات السيئة
وان الانسان ممكن يعمل اى حاجة اذا وصل لدرجة استحالة معاها حياته
لانه فى كلتا الحالاتين ميت ميت
انا هنا مش بحلل افلام البرنو لان دى حاجة تانية
بس الفيلم هنا عرض مشكلة وقضية مهمة زيه زى هى فوضى والفيلم ده برضه كان فيه مشاهد خرجه كتير لكن بما ان يوسف شاهين مخرجه محصلش الضجة نفسها
ثم ان السحاق مذكور فى القراءن ومش عايزين نفتح اكتر من كده فى المجتمع المصرى فتيات كتير بيمارسه السحاق وفى مدارس وجامعات
ورجاله اكتر بيمارسه الواط وياريت منحطش رأسنا فى الرمل ونتجاهل الكلام ده فى مشكلة وتهز المجتمع يبئا الاوله بينا نشوف ليها حل

وشكرا مرة تانية على طرح الموضوع

طب جميل اوي وبما ان الكلام دا بيحصل في الواقع لازم يتنفذ في الافلام

طب ماهو في ناس كتير بتسب الدين وبتشتم وبتعمل في مصر مش لازم برضو انهم يطلعوا دول بالفاظهم ولا احنا بتوع فعل مش كلام

المفروض ان السينما دي تعرض قضيه وتبقي قدوه مش الشباب يطلع من الفيلم ومعلش يعني يبقي تعبان اكتر مهو تعبان

لا ياعم اسلام وبعدين في مشاهد جت ملهاش لزمه زي بتاع ال****** ولازم يدخلوا الاوده ويجيبوا التفاصيل كلها يبقي قضية ايه هباب ايه بقي يا اسلام

dr.zomba

09-01-2008, 05:46 AM

انا شايف ان الموضوع عادى يا جماعة
بص يا عادل
لا مانع من تقديم مشهد فى فيلم لالايضاح
والتأثير على الجو نفسى
يعنى مثلآ ماهو انا لو عايز اناقش مشكلة ان الفقر بيدفع البنات مثلآ لممارسة السحاق
طيب يوضحوه ازاى
يحكوها حكاية بالصوت مثلآ !!
ولا مثلآ يكتبوها على الشاشة وانتا تقرأ !!
انا حتى الان لم اشاهد الفيلم
كنت بادور عليه بس لما نزلت ما لقيتهوش :d
دخلت الجزيرة وهى فوضى
بس سمعت انه نزل فى سينما اوبرا
ها اروح اشوفه
وارجع اديك الرأى بعد المعاينة:d

طب متنساش بقي تبقي تحكيلي بالتفصيل الممل ياحودا:D

يعني ايه يا ابني لا مانع من تقديم مشهد فى فيلم لالايضاح يا حلاوة المولد

يعني يجبلك واحده مش لابسه حاجه ويقولك دي بتخدم القضيه بتاعت الفيلم

صبح صبح يا حودا

dr.zomba

09-01-2008, 05:47 AM

ربنا يحمينا ويطهر البلد من الناس الي زي دول امين يا رب
لا حول ولا قوة الا بالله العظيم
شكرا

ااااااااامين

شكرا علي مرورك وربنا يهدي الجميع:)

Sharp Nails

09-01-2008, 06:06 AM

منهم لله والله فتحوا عيون البنات والولاد على حاجات مقززة

شكرا ليك ياdr.zomba

اناكنت هتكلم فى الموضوع دة بس كنت مكسوفة اتكلم واقول اية؟؟؟؟؟؟؟

بس انت قمت بالواجب كله....

بورسعيدى

09-01-2008, 07:00 PM

السلام عليكم ورحمة الله وبركاته

اختلافنا المطلق مع الجماعات التي حاول الفيلم تناولها يسمح لنا أيضا أن نختلف مع أسلوب المخرج وطروحاته التي ضمنها لـ"حين ميسرة"، فمسألة الشذوذ في الفيلم لا تبدو من نسيجه الدرامي، كما أنها لم تحظ بأي معالجة، الأمر الذي يجعلنا نحكم على أن الهدف منها هو محض تجاري، فهي كانت بمثابة مصدر جدل ونقاش قبل العرض، أدت حتما إلى فتح شهية المشاهدين والمراهقين وشجعتهم على المشاهدة.

ولكن لا ننسى الآتى :,,,,

يحسب للفيلم بداية محاولته تقديم واقع العشوائيات التي تعاني من الفقر والتهميش والظلم
والنسيان، فهي "خارج تغطية" الحكومات والوزارات إلا من الجهات الأمنية التي تعمل فيهم قمعا وإرهابا واضطهادا.
كما أن الفيلم أبدع في تصوير أثر واقع العشوائيات هذه على الحياة النفسية والاجتماعية للسكان، من خلال إيقاع الفيلم ذاته، الذي جاء مليء بالانفعالات الحادة التي رافقها حركة سريعة وحادة للكاميرا، والسلوكيات العنيفة، والصراعات الداخلية والتي تمظهرت عنفا مختلفا بفعل سوء الواقع الاقتصادي والاجتماعي، كما يظهر في لغة الفيلم ذاته فالتخاطب لا يتم إلا بالصراخ، وتحصيل الحقوق أو ما يعتقد أنها حقوق لا يكون إلا بالقوة، وهذا جاء في التكنيكات الإخراجية التي استخدمت في الفيلم، ونوع اللقطات المستخدمة.
كما قدم الفيلم نموذجا للعقلية الأمنية المعمول بها في التعامل مع سكان العشوائيات، فبدا واضحا أنهم منساقون أمام أي كلمة تأتيهم من المخابرات الأمريكية، كما أنهم لا يتورعون عن ممارسة أفظع أساليب التحقيق للحصول على المعلومات.
وليس هذا اننى متفق مع مشاهد الفيلم الخارجة عن نطاق الاخلاق والدين
وانا مع من يقترح ان تتدخل إدارة الازهر فى الرقابة عللى مثل هذه الاعمال التى يطلق عليها اعمال فنية

dr.zomba

10-01-2008, 04:18 PM

منهم لله والله فتحوا عيون البنات والولاد على حاجات مقززة

شكرا ليك ياdr.zomba

اناكنت هتكلم فى الموضوع دة بس كنت مكسوفة اتكلم واقول اية؟؟؟؟؟؟؟

بس انت قمت بالواجب كله....

ياباشا ولا يهمك الكيبورد واحد

وشكرا علي مرورك وربنا يهدي

براءة

10-01-2008, 04:26 PM

نرجع للفيلم حين ميسره هو هنا بيناقش قضية العشوائيات واللى ممكن تفرزه من جريمة وغيرها من السلوكيات السيئة

وان الانسان ممكن يعمل اى حاجة اذا وصل لدرجة استحالة معاها حياته
لانه فى كلتا الحالاتين ميت ميت

يعنى مثلآ ماهو انا لو عايز اناقش مشكلة ان الفقر بيدفع البنات مثلآ لممارسة السحاق

**ومن يتق الله يجعل له مخرجا ويرزقه من حيث لا يحتسب**

براءة

10-01-2008, 04:35 PM

انا شايف ان الموضوع عادى يا جماعة
بص يا عادل
لا مانع من تقديم مشهد فى فيلم لالايضاح
والتأثير على الجو نفسى

ليه وهو انت لازم تبقي خارج من الفيلم حاسس باللى بيحصلهم

وبعدين وبصرف النظر
مش هتكلم عنهم
هتكلم عننا
فين غض البصر؟؟

قال تعالى
{ قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ }

؟؟؟؟؟؟؟؟؟

ولا حد يحاول يقنعنى ان المشاهد دى عادى

براءة

10-01-2008, 04:43 PM

ثم ان السحاق مذكور فى القراءن ومش عايزين نفتح اكتر من كده فى المجتمع المصرى فتيات كتير بيمارسه السحاق وفى مدارس وجامعات
ورجاله اكتر بيمارسه الواط وياريت منحطش رأسنا فى الرمل ونتجاهل الكلام ده فى مشكلة وتهز المجتمع يبئا الاوله بينا نشوف ليها حل

وشكرا مرة تانية على طرح الموضوع

قال تعالى:
لا يحب الله الجهر بالسوء الا من ظُلم

اعتقد الاية واضحة
اللى بيحصل ده تفتيح عيون الناس ع حاجات اذ وربما ميكونوش سمعوا عنها قبل كده
وبعدين مش دى القضية اللى حال مصر واقف عليها
فى مليون حاجة وحاجة اهم

براءة

10-01-2008, 04:45 PM

ربنا يهدي يارحمه صحيح شوفتي حلقة العاشره مساء امبارح وشغل سميه الخشاب:D

شفت يوم الراجل لما كان بيتكلم ع المرارة

اعتقد ده افيد :D

الاسطورة

10-01-2008, 05:57 PM

ليه وهو انت لازم تبقي خارج من الفيلم حاسس باللى بيحصلهم

وبعدين وبصرف النظر
مش هتكلم عنهم
هتكلم عننا
فين غض البصر؟؟

قال تعالى
{ قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ }

؟؟؟؟؟؟؟؟؟

ولا حد يحاول يقنعنى ان المشاهد دى عادى
ما هو انتى لو مش ها تحسى بالناس دى يبقى الفيلم مالوش لازمة
امال هو معمول ليه
وبعدين لو على غض البصر
يبقى على كل حاجة
مش دى بس
يعنى لو مشهد بوسة عادية فى اى فيلم
ها تقولى حاجة
لا لأنها عادى فى كل الافلام
بس مش دى برضو يسرى عليها غض البصر
ايه يا رحمة؟

احمد رضا

10-01-2008, 06:03 PM

وليه نتفرج يا جدعان :confused:
ما نقري :rolleyes:
نسمع :D
كدا يعني
مش لازم يعني قلة ادب في كل حاجة عشان نفهمها
والله بتفكروني بمدرس الله يمسيه بالخير :)
كان مبيعرفش يشرح غير بالشتيمه
يفضل يشتم في كل حاجة
واغانيه كلها شتيمه
وكانوا الطلبه بيفهموا
اظاهر ان دي بقت الطريقه بتاعت الشعب المصرى
لازم تثيره عشان يفهم :D

_GUIDE_

10-01-2008, 08:23 PM

قال تعالى:
لا يحب الله الجهر بالسوء الا من ظُلم

اعتقد الاية واضحة
اللى بيحصل ده تفتيح عيون الناس ع حاجات اذ وربما ميكونوش سمعوا عنها قبل كده
وبعدين مش دى القضية اللى حال مصر واقف عليها
فى مليون حاجة وحاجة اهم

تفتيح عيون ده على اساس ان الشباب والبنات قطط مغمضه
يارحمة قولى كلام غير ده العيل النهارده بينزل من بطن امه مش بيقول واء بيقول عايز اتجوز
ثم الفضائيات مخلتش حد مش فاهم حاجة
كفاية انى اقولك ان فيه 62 قناة اباحية اصحابها رجال اعمال مصريين
ثم بئا انا مش بجيب كلام من عندى لما بقول ان اللواط او السحاق موجود فى المدارس والجامعات وكمان متصور بكاميرات الموبيلات وموجود
يعنى دى مش حالات فردية دى حالات منتشرة وموجوده والمفروض ان الافلام دى تحاول تكشف العادات السيئة دى وتحاول تكشف اخطارها واضرارها

النجم المضىء

11-01-2008, 05:04 PM

السلام عليكم جميعا
ليه لازم نعالج القضايا بالمشاهد العري والابتزال
ممكن نعالج كل القضايا فى اطار من الاحترام
سؤال لاى شخص مؤيد للفيلم
هل انت راضي انك تاخد مراتك او اختك او امك لمشاهده تلك الافالام؟
ما هو ردك على سؤال من اختك او اى انسانه لديك على بعض مما تشاهد ؟
وهل من اجل معالجه قضايا اعرضها بمناظر لا يقبل اى انسان ان تدخل بيته او ان يشاهدها
نحن لم نتربي على ذلك
وشكرا للجميع
المؤيد والمعارض

سيف حسام دراج

14-01-2008, 01:21 PM

شكرا لك على الموضوع

والموضوع جميل جدا

وجزاك الله كل الخير