السلام عليكم ورحمة الله وبركاته..

مش كلنا أكيد كنا عايزين نشتغل فى مهنة التدريس ..
فيه اللى كان نفسه يطلع من الأول مدرس وفيه اللى بيبص لقى نفسه مدرس..
سواء بقى كان السبب مجموع وداه على كلية تربية أو كلية آداب طلع مدرس أوأى سبب تانى..
انما أكيد كان فى بالك وظيفة تانية عايز تشتغلها غير التدريس ..
كله يدخل يا جماعة ويقول ايه هيا الوظيفة اللى كنت تتمنى أنك تشتغلها غير وظيفة التدريس؟؟؟
وايه رأيك فى مهنة التدريس بشكل عام ؟؟
هل هى ممتعة ؟؟ ولا متعبة ؟؟ ولا مربحة؟؟

وعليكم السلام ورحمة الله وبركاته
كيفك احمد؟

صراحة مش فاكرة كنت عايزة اطلع ايه
اللى فاكراه انى كنت عايزة اطلع من مراحل التعليم واخلص منها
وده مش معناه انى ماكانش عندى طموح وامال

الحكمة ان مراحل التعليم والمناهج المصرية ممله وتشعرك بالرتابة

كان عندى ميول تانية لدراسة موضوعات اخرى غير اللى عجزت وزارة التربية والتعليم عن توفيرها لى :p

عشان كده حبيت اخلص من المراحل دى وابدأ من جديد :frown:

-بالنسبة للتدريس كمهنة: هى رسالة فقدت مصداقيتها:blush:

-ومدى امتاعها : اهو الواحد بيستفيد خبرات يمكن يقدر يفيد بيها غيره ;)

-وبالنسبة لرائى المتواضع :اتمنى مش يصيب حد بالاحباط :bosyht9:

-وبالنسبة لطرحك للموضوع:فانا احييك عليه :022yb4:

أنا كنت أتمني أطلع ضابط في القوات المسلحة . ولكن بما أن الله قدر لي أن أكون مدرس فلقد أحببت المهنة وأنا أري أنها مهنة شاقة ومتعبة وأهم مهنة بل الأهم جدا هم مدرسي المرحلة الأبتدائية لأنهم يشكلوا عقول ويكونوا شخصيات تلاميذ المرحلة الأبتدائية

وعليكم السلام ورحمة الله وبركاته
كيفك احمد؟

صراحة مش فاكرة كنت عايزة اطلع ايه
اللى فاكراه انى كنت عايزة اطلع من مراحل التعليم واخلص منها
وده مش معناه انى ماكانش عندى طموح وامال

الحكمة ان مراحل التعليم والمناهج المصرية ممله وتشعرك بالرتابة

كان عندى ميول تانية لدراسة موضوعات اخرى غير اللى عجزت وزارة التربية والتعليم عن توفيرها لى :p

عشان كده حبيت اخلص من المراحل دى وابدأ من جديد :frown:

-بالنسبة للتدريس كمهنة: هى رسالة فقدت مصداقيتها:blush:

-ومدى امتاعها : اهو الواحد بيستفيد خبرات يمكن يقدر يفيد بيها غيره ;)

-وبالنسبة لرائى المتواضع :اتمنى مش يصيب حد بالاحباط :bosyht9:

-وبالنسبة لطرحك للموضوع:فانا احييك عليه :022yb4:






أشكرك يا لوجين ..
والله موضوع التعليم ده محدش عارف يصلحه ازاى؟؟
بس مازلت أؤمن أنه لن يشعر بحال التعليم ومدى احتياجه لنهضة حقيقية هو والمعلم والطالب الا وزير من أهل التربية والتعليم..
تحية لمرورك العطر..

أنا كنت أتمني أطلع ضابط في القوات المسلحة . ولكن بما أن الله قدر لي أن أكون مدرس فلقد أحببت المهنة وأنا أري أنها مهنة شاقة ومتعبة وأهم مهنة بل الأهم جدا هم مدرسي المرحلة الأبتدائية لأنهم يشكلوا عقول ويكونوا شخصيات تلاميذ المرحلة الأبتدائية


يالا قدر الله وما شاء فعل يا أستاذ أحمد..
القوات المسلحة خسرتك والتربية والتعليم كسبتك..
تحية لمرورك الجميل..

طبيــب جـــراح قلب

طبيــب جـــراح قلب

ما أنت برضو جراح يا أستاذ محمد..
لأنك بتقى القلوب من مرض ميقلش عن المرض العضوى..
مرض اسمه ((الجهل وقلة المعرفة))..
بتمحيه بالتعليم والتنوير..
أشكرك على مرورك الرائع..

كنت اتمني اكون صحفي ................

كنت اتمني اكون صحفي ................

وايه ذنب الصحافة يامحمود؟
ماكفايه اللى بتعمله فى التربيه والتعليم
واهو عندك طابور الصباح ابقى مارس فيه هوايتك دى وعلى كيفك
:p:p

هو الصراحة انا كان نفسي اكون طب أسنان " دكتور اسنان " ولكن لما دخلت مهنة التدريس عادي حبيتها بردو ونفسي ابقى حاجة كويسة فيها

ما تسيبي الراجل يختار اللى على كيفو..
يا لوجين أنتى عندك رد لأى حاجة ولأى جواب..

كان نفسي جدا اكون ضابطة شرطه واعيش حياة المغامرات واحمي بلدي

كان نفسي جدا اكون ضابطة شرطه واعيش حياة المغامرات واحمي بلدي

وتبقى حضرة الظابط ايمان ..
وتوقفينا فى الشارع وتقولي لنا .. بطايقكم..
صح؟؟؟؟؟؟؟؟

هههههههه..
أشكرك ايمان على مرورك الجميل..

كان نفسي ابقي مهندس لإني كنت بحب الرياضة جدا ومتعتي لما تقف قدامي حاجة واقعد اجيلها من كل ناحية لغاية ما احلها
بس منها لله الكمياء غدارة
بالنسبة بقي لمهنة التدريس فبصراحة مش عارف ساعات بحس إني في قمة السعادة وانا بشرح وبتفاعل مع الطلبة
وساعات بحس إني منفعش مدرس من أساسه
بس خلاص بقت مهنتي وأمر واقع ولازم اشتغل بكل جهد ( حب ما تعمل لكي تعمل ما تحب )

برضووووووووووووووو مهندس لاني كنت بحب الرياضيات

كنت أتمنى أن أصبح طبيبة اطفال لأنى بعشق الأطفال

معلش يا جماعة ليس كل ما يتمناه المرء يدركه..

كان نفسى ابقى سفيرة النواية الحسنة واصلح اللى خسروه فى البلد اللى ما يتسمو

معلش يا جماعة ليس كل ما يتمناه المرء يدركه..
تأتي المجاميع بما لا يشتهي مكتب التنسيق

أحلى أمنية يا هبة..
ربنا يستر على البلد فعلا..

كان نفسي اكون دكتورة صيدلانيه
لكن منها لله الفيزياء والاحياء
كانت مجاميعنا عاليه اوووي في تانيه لكن كلنا انضربنا في تالته
الحمد لله
عمري ما فكرت ان ابقي معلمه لكن هو التنسيق اللي وداني بعد ربنا ونصيبي وبحاول اجتهد علشان افيد غيري واستفيد من الناس الخبرة
بس ساعات باملل من العيال ومن المدرسه ومن اولياء الامور
الحمد لله
موضوع رائع
تسلم

كنت عاوز اكون فى الاصل مدرس وكمان لغة عربية

وهذا من زمن طووووويل

تشبها بمدرس عندى فى المرحله الابتدائية

ولكن راودنى شعور بان اكون مفتى او مٌشرع ولكن عرفت انى سأضل

لانى كنت فى الماض عندى قدره باقناعك بما أريد وان كان باطلا

الا انى عدلت عن هذا باعترافى بالحق

اشكر صاحب الموضوع

كلكم بتقولوا كانْ نفسي كان نفسي
اما اللي زيي قدامه الفرصه
يحقق هدفه ..
والل بيتمناه ..
انا عن نفسي عايز اطلع دكتور
والله واعلم بقي بعد سنتين اكون ايه بقي
ربنا يستر ...

كان نفسى ابقى سفيرة النواية الحسنة واصلح اللى خسروه فى البلد اللى ما يتسمو
بالاضافة الى عملى فى السفارة كنت حقيقى نفسى بجد اطلع مهندسة كمبيوتر قسم جرافيك

اولا : الموضوع جميل
ثانيا: انا تخليت اني اكون اي حاجة في الدنيا الا اني اكون مدرس ( بس الحمد لله علي كل حال )
ثالثا : اخوكم ( اللي هو انا يعني) جبت مجموع اكتر من التربية في ثانوي ومع ذلك مرديتش ادخلها ودخلت تجارة بس علشان مبقاش مدرس ولكن انت تريد وانا اريد والله يفعل ما يريد
رابعا : انا كان نفسي ابقي محاسب ( والحمد لله بقيت برضوا بس في القطاع الخاص ولفترة من الزمن )

حلوة الأمنيات اللى أنا شايفها دى..
ربنا يكرمكم جميعا..