لكل الصيادلة واطباء الاسنان [الأرشيف] - بوابة الثانوية العامة المصرية

مشاهدة النسخة كاملة : لكل الصيادلة واطباء الاسنان

Dr. Toka

18-07-2011, 01:59 PM

السلام عليكم ورحمة الله وبركاته
انا لسة مخلصة تالتة ثانوى وهكتب الرغبات يوم السبت بصراحة انا خلاص جالى هسهس فى دماغى مش عارفة اعمل ايه من كتر التفكير انا واقعة فى حيرة اوى بجد بين صيدلة وطب اسنان واتمنى ان الاقى عند حضراتكم رد عليا وياريت يكون بحيادية مش عشان حضراتكم صيادلة تقولولى صيدلة ولا عشان طب اسنان تقولولى طب اسنان
انا جوة دماغى اسئلة كبيرة جدا مش لاقيالها رد
اولا الناس بتحبطنى جدا الصيدلى هيقف فى صيدلية وهينسى كل اللى درسه لانه هيبقى اسمه بياع كل اللى بيعمله انه بيبيع دوا وبس ودى حاجة عيل صغير ممكن يعملها وبصراحة اصلا انا مش حلمى اشتغل فى صيدلية انا عاوزة اشتغل فى شركة ادوية بس برضه الناس بتحبطنى وتقولى دى عايزة واسطة ريحى دماغك مش هتلاقى شغل انا عارفة ان الشغل دة رزق بس انا برضه حابة ابقى داخلة كلية مضمونة وهشتغل باللى درسته مش اقعد ساكتة وانسى كل حاجة
فكرت فى اسنان بس قالولى مش هتلاقى شغل انتى بنت وقليل قوى اللى بيروحوا لبنت وبعدين لازم تفتحى عيادة وبصراحة دى صعبة عليا لان تكاليفها عالية اوى ومش مضمون انها تشتغل ويجيلى مرضى وقالولى ممكن تشتغلى فى مستشفى بس مش عارفة دى بقى حاجة سهلة ولا صعبة ومحتاجة واسطة برضه ولا لا ممكن اشتغل عادى وياترى فيه تكليف فى طب الاسنان ولا لا لانى سمعت انه اتلغى او هيتلغى انا عايزاكم بقى تقولولى كدة ادخل ايه بالظبط انا ميولى بصراحة اساسا احياء لانى مش بحب الكميا اوى يعنى بس انا استبعدت الطب البشرى مع انه احياء لان سنينه طويلة ومشواره كبير انا مش قده ياريت تساعدونى بسرعة لانى هتجنن مش عارفة افكر

sara20112

19-07-2011, 07:20 PM

انا زيك بالظبط يا تقى بس لسه مستبعدتش طب بشرى لان اللى محببنى فيه انه احياء لكن صيدله تقريببا كيميا مش بكرهها بس بحب احياء اكتر
ياريت حد يقولنا عيب ومميزات كل كليه ياااااااريت

doc_toto

19-07-2011, 10:06 PM

هى نتيجة الحد الادنى لكل كلية بتتعرف قبل ولا بعد كتابة الرغبات

ahmed mohamed2010

19-07-2011, 10:51 PM

انا نفس الكلام زيكم ياريت حد يفيدنا

s.n.m

20-07-2011, 03:38 PM

ياريت بليز حد يرد
وهي فعلا صيدلة كيمياء ؟؟

أم عبدة

20-07-2011, 04:51 PM

السلام عليكم
والله انا كمان زيكم وعايزة حد يساعدني انا كنت الاول متاكدة اني عايزة صيدلة وكانت حلم حياتي بس حسيت اني مترددة بينها وبين طب اسنان يا ريت حد يرد ويساعدنا في اتخاذ القرار ده
وياريت حد يجاوبني على السؤال ده هل صحيح في طب اسنان لازم تجيب انت المريض ولو مجبتش حد لن تدخل المحاضرة او حتى الامتحان ؟
ومعلش سؤال تاني هل صحيح انك بتدفع للمرضى عشان تجيبهم وان تكاليف طب اسنان باهظة ؟

cazanova_love

20-07-2011, 05:29 PM

cazanova_love

20-07-2011, 05:31 PM

اوبا يا تقى انا اسف انا نسيييييت صيدلة اكلينيكال بيقولوا للبنات جاممممممممممممممده تقريبا فى جامعه القاهره بس انا لو مكانك اسنننننننننننننننننان بدون تفكير

Dr. Toka

20-07-2011, 07:15 PM

تقى الف مليوووووووووون مبروووووووووووووووووووك

اكتبى باذن الله اكتبى فى الرغبات : 7 طب اسنان ثم 14 صيدلة .. ولو حضرتك من القاهره اكتبى

طب فم واسنان القاهره اول رغبة تحففففففففففففففففففففه مع ابانوب ههههههههههههههه

الف مبرووووووووك ليكى وبجد انا سنانى تعبانى اوووووووووووووى يا ريت تشوفيلى حلى يا دكتورة تقى ربنا يطمنا عليكى

انا واحد صاحبى بردو 406.5 وكاتب اول حاجة طب اسنان القاهره والاسنان ثم الصيدلة

اسنان اقسم بالله احسن كلية فى مصر بلالالالالالالالالاش الصيدلة .. طمنينى عليكى

ههههههههههه الله يبارك فيك جزاك الله خيرا بس انا بصراحة مترددة اكتب اسنان عين شمس الاول ولا القاهرة فى البيت بيزعقولى بيقولولى عين شمس الاول عشان قريبة منى اوووووووووى مفيش عشر دقايق ربع ساعة ابقى هناك ومتقلقش عنيا ليك هعالجك ببلاش اطلب بس انت وانا فى الخدمة عامة انا الحمد لله قررت اسنان بس محتارة بين عين شمس والقاهرة لو تعرف معلومات يبقى قولى وابقى شكرالك جدا

Dr. Toka

20-07-2011, 07:16 PM

اوبا يا تقى انا اسف انا نسيييييت صيدلة اكلينيكال بيقولوا للبنات جاممممممممممممممده تقريبا فى جامعه القاهره بس انا لو مكانك اسنننننننننننننننننان بدون تفكير

لا خلاص بقى لاكلينيكال ولا بتاع هى اسنان خلاص دة انا بقوم من النوم بقول اسنان اسنان اسنان اسنان جالى عته خلاص هههههههههههههه

h2714

20-07-2011, 08:33 PM

بسم الله الرحمن الرحيم:
ممكن اتشاور معاكم انا من وجهه نظرى طب صيدله ومش هتندمى فى كل الحالات
1) الصيدله 5 سنوات الدراسه يعنى التكلفه والمصاريف معقوله
2)بمجموعك ده المدينه السكنيه متوفره ان كنتى من محافظات بعيده
3) هتتجوزى بدرى بعد الكليه على طول لان الدكترة الصيدله مطلوبين للجواز دايما صدقينى
4) ممكن تفتحى اكتر من صيدليه فى بلدان مختلفه وتبشريهم مع زوجك ان شأالله ويكون ذلك معقول وممكن تشتغلى فى الحكومه فى مستشفى كمان
5) الزمن القادم الماده هتطغى على اى شىء وهتخلفوا اولاد والاعباء هتزيد والطلبات تكتر ومش مكفى اى دخل قدام
6)مافيش تعب ولا عيادات ولا ادوات ولاميزانيه ولاقروضات ولااستلاف ولا نحسبوها كل اخر شهر
ولكى مطلق الحريه

-ameer-

20-07-2011, 09:17 PM

بالنسبه لسؤال صيدله يعني كيمياء لأ صيدلي يعني فارما يعني توكسوا يعني سيوتكس يعني كوجنوسي وحاجات كتير
لكن بالنسبه لكل دول الكيمياء اساسي علشان تتفهم فبندرس كيميات كتير بانواع مختلفه كيمياء تحليليه كيمياء عضويه كيمياء طبيه كيمياء عقاقير كيمياء حيويه ....الخ بس كيمياء صيدله تختلف تماما عن كيمياء ثانويه عامه فاللي خايف من صيدله علشان كيمياء فده مش مبرر ابدا ً اللي يتخاف منه ف صيدله مش كيمياء خالص ممكن نقول العقاقير اللي هي معاناه كل صيدلي واللي معاه من اول مايدخل لغايه ما يتخرج :D
المفروض حضراتكوا تعرفوا عن الاتنين الاول وبعدين تختاروا متسيبوش حد يختارلكوا حياتكم ومستقبلكم خدوا قراركوا بنفسكوا
بالنسبه لصيدله ده موضوع عن مجالات العمل
http://www.thanwya.com/vb/showthread.php?t=72542

وانا ليا تحفظ علي مبدأ "بياع " اللي حضرتك سمعتيه بيتقال عن الصيادله لكن ده مش مجالنا حاليا حضرتك لسه بتختاري فلو اخترتي صيدله حضرتك هتفهمي ليه الصيدله مش بياع زي ما بيتقال وان ازاي الصيدلي بيبقي قاعد ف الصيدليه مش مجرد بيجيب ادويه من علي الرف وخلاص برغم ان انا معترف ان كتير بوظوا سمعه الصيدلي بانهم يأجروا صيدلياتهم لغير الصيادله يشتغلوا فيها بياعين بلا مبالاه
بالتوفيق :)

s.n.m

20-07-2011, 10:53 PM

cazanova_love

21-07-2011, 12:25 AM

Dr. Toka

21-07-2011, 09:47 AM

اسنان عين شمس يا تقى هتجيلك لانها الاقرب وهى تحففففففففففففففة الف مليوووووووون مبرووووووووك وانا معاكى فى التنسيق يوم السبت بس انا مقرر ايه الحمد لله ..

تانى مره الف مبروووك على طب الاسنان يا دكتووووووووور

الله يبارك فيك ربنا يكرمك ودشيليون مبروووووووووك ليك انت كمان انت هتعمله فى البيت ولا نروح الجامعة احسن اصل الموقع مفتوح انهاردة وممكن نعمل الرغبات عادى

Dr. Toka

21-07-2011, 09:55 AM

انا شايفة للبنات صيدلة احسن لأنك اكيد في الاخر حتتجوزي ويكون عندك عيال فشغلك لازم يقل فصيدلة تكون مناسبة اكتر. لكن طب اسنان محتاج ماجيستير ودكتوراه وانك تشتغلي في مستشفيات الاول علشان تعملي ليكي سمعة كويسة تقدري بيها تفتحي عيادة وكل ده حياخد سنين
انا برضه لسه محتارة بينهم بس فكرت بالطريق دي انتوا ايه رأيكوا تفكيري كده صح ولا ايه؟؟؟؟

بصى ياقمر مافيش حاجة اسمها بنت وولد فيه حاجة اسمها انا بحب ايه وبكره ايه يعنى مثلا انا واحدة بحب الاحياء عشان كدة هدخل اسنان ممكن غيرى يحب الكميا يبقى الافضل له صيدلة فمتحسبيهاش بنت وولد خااالص ومتحطيش فى دماغك انتى هتتجوزى شغلك هيقل طاب مابرضه صيدلة لو انتى شغالة فى شركة او صيدلية مش بتاعتك ومرتبطة بيها كدة مش هتقدرى تسبيها لانك لو سبتى مكانك شكرا تانى يوم الصبح فيه الف غيرك هياخدوه الاتنين على فكرة متساويين الفرق بين صيدلة واسنان ان مجالات شغل صيدلة اوسع بكتييييييييييييييير اووووووووى عن اسنان يعنى اسنان يااما عيادة يااما مستشفى انما صيدلة لا صيدلة ممكن فى صيدلية فى شركة فى مصنع ادوية حاجات كتير دى بس كل الفكرة وبعدين انا الحمد لله استخرت ربنا وحسيت براحة تجاه اسنان فهدخلها انتى كمان صلى او اقرأى الدعاء حتى بس واللى فيه الخيبر هيقدمه ربنا بس ارجوكى متحسبيهاش ببنت وولد شوفى انتى بتحبى ايه يعنى هتستمتعى بدراسة الكميا والنباتات والحاجات دى ولا هتستمتعى بدراسة الانسان وتتعملى تعامل مباشر مع مرضى عملى فكرى وقررى وبسرعة عشان خلاص مفيش وقت

drmohammed500

21-07-2011, 01:48 PM

الف مبروك انا شايف ان الافضل واللى مجالة بدا يتفتح بكثرة ومطلوب فى الخارج كتير هو الكلينكال فارماسى وهوا باختصار دراسة مواد صيدلة كلها بالاضافة لمواد طب التخصصية لذلك فهيا كلية صعبة بيتبذل فيها مجهود فى المزاكرة اكتر من اى كلية تانية بس بعد التخرج بيحس الخريج بالفرق لانة بياخذ لقب رسمى طبيب صيدلى وعملة الاساسى فى المستشفيات والهدف هوا اعطاء الرعاية الصحة السليمة للمريض من خلال تقييم الادوية اللى بياخدها المريض خصوصا فى الارماض المزمنة وحسابات هل هيحدث تاثير من تفاعلاتها مع بعضها يعنى شغل حساس وصعب جدا ولكن عائدة المادى كبير جدا خصوصا بالخارج سواء فى دول الخليج او امريكا

medoash

21-07-2011, 09:29 PM

Dr. Toka

21-07-2011, 09:45 PM

دكتورة تقى باعتبار ما سيكون باذن الله انا زميلكم محمد داخل تانية طب اسنان اسكندرية عايز اقولك انى كنت فى نفس الموقف دا بالظبط ايام تنسيقى وكنت حاير رايح جاى على المنتديات اسأل الناس اكتب ايه لغاية ما توصلت انى اكتب اسنان فى اخر يوم بعد ما كنت مقتنع بصيدلة جدا لدرجة انى كنت بحلم باسنان وانا نايم ههههه اه والله انا عايز اقولك ان اسنان ممتعه جدا فى دراستها ومستقبلها كويس هيا طبعا خمس سنين منهم سنة اعدادى ودى هتبقى سنة مش ظريفة اوى بس هتعدى وعلى حسب ما اسمع انها اتلغت فى القاهرة وبقى اسمها اولى عادى وسنة امتياز وتكليف وموادها هتبقى مواد من طب بالاضافة لمواد تخصصية فى الاسنان وطبعا شغل عملى كتير اما بالنسبة لصيدلة انا لو ولد سألنى وقالى صيدلة او اسنان عقوله بالنسبالك اسنان احسن اما اما تكون بنت انا شايف ان اللى يفرق بين الاتنين هوا حبها لاى كليه فيهم واستعدادها النفسى ليها وطبعا صيدلة دراستها كيمياء بنسبة كبير جدا اما بالنسبة لصيدلة اكلينيكية انا شايف انها تخصص حديث لغاية دلوقت مستقبله ملهوش ملامح او ان فى حاجة مميزة اوى هتفرقهم عن طلبة الصيدلة العاديين لكن بالنسبة لشغلها برة فالحقيقة مش عارف ...واى سؤال يا دكتورة انا فى الخدمه

جزاك الله خيرا يادكتور محمد انا فعلا قررت اسنان الحمد لله بعد ماصليت استخارة لدرجة انى انا كمان قمت تانى يوم لقيت نفسى بقول اسنان اسنان :dولقيت نفسى حباها اكتر خصوصا انى هدرس فيها مواد من طب لان كان نفسى ادخل بشرى بس خفت لانه عشر سنين دراسة متواصلة هيبقى صعب عليا وكمان انا مش بحب الكميا عشان كدة ققرت بلاش صيدلة على الرغم من ان شغلها بالنسبة لى مضمون بس انا حبيت اسنان وطالما حبيتها ان شاء الله هعرف اتميز فيها جزاك الله خيرا على مساعدتك ليا واكيد لو دخلت اسنان باذن الله تعالى هحتاج مساعدة حضرتك كتير دة اذا مكنش يضايقك

Dr. Toka

21-07-2011, 09:50 PM

fatakat400

21-07-2011, 10:14 PM

انت الحمد لله ياتقى عرفتى عوزه ايه ياريت حد يساعدنى بقى ده انا منكده عليهم بسبب الموضوع ده انا ازهر الحمد لله جبت 97 وفكه صغيره جنبها
مش اوى بالنسبه لناس بس بالنسبه ليا فضل ونعمه انا مكنتش حاسه انى هجيب حاجه بعد امتحاناتنا
انا كده ان شاء الله هلحق مجموع صيدله بس انا داخله 3 وانا بقول لو مجبتش طب بشرى هدخل هندسه ان شاء الله عشان حباها اهلى معترضين شويه
بس المهم مش عوزه اخد قرار اندم عليه فمحتاجه من حضارتكم ضرورى
حد يوضحلى اقسام هندسه واقسام صيدله فالازهر والمجالات المتاحه قدامى بعد ما اتخرج انا ممكن اجيب طب اسنان لو التنسيق ساعدنى فحد يقلى هندسه ولا صيدله ولا طب اسنان انا بحب الرياضه والفزيا جدا بس مش عوزه برضه ازعل اهلى وانا برضه مبكرهش الكميا والاحياء

محمد محيسن

22-07-2011, 04:34 AM

اولا انا طالب بكلية صيدلة واحب اقول لحضرتك شوفي انتي اساسا عايزة تبقي ايه ومش هاقول كليتي هي الافضل بس هي من افضل الكليات كليه الصيدلة شغلها كتير اوي منها علي سبيل المثال الشغل في الصيدليات وطبعا ناس كتير ممكن تقول طب ما بتاع تجارة ولا دبلوم ممكن يقف فيها ويبيع انا هاقول اي حد ممكن يقف ويبيع بس مش اي حد ممكن يفهم تفاعلات الادوية مع بعضها والتاثير العلاجي والتاثير الضار للدوا ولو دخلتي صيدلة هتعرفي اكتر واكتر عن او تي سي المهم في كمان الشغل في المستشفيات بمجال اكلينيكال فارماسي او الصيدلة السريريه وده شغلة حلو اوي برة ومطبق في احسن مستشفيات مصر وليه مستقبل في كمان الشغل بالخارج وده بيتساوي فرصة مع فرص كليات القمة بدون استثناء وكلهم شغلهم عالي بره ممكن كمان تعملي دبلومة تحاليل وتفتحي معمل تحاليل ممكن كمان تشتغلي في شركات او مصانع الادوية ودي ليها مميزات حلوة بردو وباقي كليات القمة ليها مميزات وليها عيوب يعني صيدلة عيوبها دلوقتي انها بقي عدد طلابها كتيير اوي وتداخل المهن الاخري فيها زي بتوع الدبلوم وده بسبب اخطاء الصيادلة اللي سايبين صيدلاياتهم طب مثلا عمرك كلو مزاكرة وتعب (7 سنين +2 تكليف ان وجد +3 ماجستير ) ده بس عشان تفتحي عيادة لكن القيمة العلمية والاجتماعية بتاعتهم كويسة ولما العملية بتشتغل كويس بيبقي المادية كمان طب الاسنان انا شايفها من ارقي وافضل كليات القمة في مصر اولا ان شغلها حلو اوي بره وجوه مصر بس مكلفة ماديا عشان تفتحي عياده مش لازم تاخدي ماجستير عشان تفتحي العياده زي طب مثلا شغلها حلو اوي بره مصر بس بينافسك بره مصر السوريين باعتبارهم رقم واحد في مجال طب الاسنان في العالم العربي مكانة علمية واجتماعيه ومادية كويسة اوي وفي اي حال من الاحوال انتي هيبقي اسمك دكتوره سواء طب او صيدلة او اسنان او حتي كمان علاج طبيعي وفي حاجة كمان بالنسبة للي بيقول صيدلة كلها كيمياء لا ده غلط اوي
صيدله فيها كيمياء اه بس زي مفهم ثانوي اللي انت فاهماه كيمياء فيزيائية وحيوية وعضوية وصناعية وطبيه وتحليليه ودي كلها مجالات منفصله تماما عن الكيمياء اللي انت فاهماها ثانيا بقي ودي المواد الاهم الفارماكولوجي والميكروبيولوجي والفارماسيوتكس والتوكسو البارا دي تقريبا احياء بالاضافة للتشريح والهستولوجي ودي نبذات انا مش بقول كده انحياز حضرتك انا باقول المميزات والعيوب وحضرتك ليكي الاختيار استخيري ربنا وادعيلو انو يوفقك علي الافضل ليكي واتمني لكي التوفيق وشكرا

أبلغ عن مخالفة

د/ اسلام الحريف

22-07-2011, 06:44 AM

والله بصي مش كفايية انتي بتحبي اية كمان لازم تشوفي مستقب الكلية اللي هتدخليها وانا برجحلك اسناااااااااااااااااان

fatakat400

22-07-2011, 11:37 AM

طب وبالنسبه لهندسه للبنات هيا ملهاش مستقبل ؟؟؟؟؟؟؟؟؟؟؟؟؟؟؟؟؟؟

Dr. Toka

22-07-2011, 04:14 PM

Dr BeBoOo

22-07-2011, 04:14 PM

معلش انا هكتبلك الرد بتاعي ف موضوع تاني

الاسنان كلية كويسة وفي رأيي الشخصي افضل من الصيدلة بكتير
انا بقول الكلام دا لاني اتحطيت ف الموقف دا قبل كده بس اخترت الاسنان
وابتعدت عن الصيدلة لانها بمعني اصح مهنة البنات + دراسة اصعب من الاسنان
ودا من وجهة نظري طبعا ولك حرية الاختيار حسب رغبتك

Dr. Toka

22-07-2011, 04:15 PM

والله بصي مش كفايية انتي بتحبي اية كمان لازم تشوفي مستقب الكلية اللي هتدخليها وانا برجحلك اسناااااااااااااااااان

جزاك الله خيرا انا فعلا بعد الاستخارة قررت ادخل اسنان الحمد لله ورأى حضرتك كمان ثبتنى على موقفى اكثر

Dr. Toka

22-07-2011, 04:18 PM

معلش انا هكتبلك الرد بتاعي ف موضوع تاني

تمام يادوك جزاك الله خيرا

medoash

25-07-2011, 02:11 AM

جزاك الله خيرا يادكتور محمد انا فعلا قررت اسنان الحمد لله بعد ماصليت استخارة لدرجة انى انا كمان قمت تانى يوم لقيت نفسى بقول اسنان اسنان :dولقيت نفسى حباها اكتر خصوصا انى هدرس فيها مواد من طب لان كان نفسى ادخل بشرى بس خفت لانه عشر سنين دراسة متواصلة هيبقى صعب عليا وكمان انا مش بحب الكميا عشان كدة ققرت بلاش صيدلة على الرغم من ان شغلها بالنسبة لى مضمون بس انا حبيت اسنان وطالما حبيتها ان شاء الله هعرف اتميز فيها جزاك الله خيرا على مساعدتك ليا واكيد لو دخلت اسنان باذن الله تعالى هحتاج مساعدة حضرتك كتير دة اذا مكنش يضايقك

لا يا دكتورة ما يضايقنيش طبعا ان مكناش هنساعد زمايلنا اللى اصغر مننا هنساعد مين

love stone

26-07-2011, 02:32 AM

انا كمان بأذن الله ناوى اسنان بس محتار بين القاهرة و عين شمس و بالتوفيق يا دكتورة تقى

يا سنين عمرى

26-07-2011, 10:01 AM

تعرفي انا لما جبت ٩٨ فكرت شويه ف أسنان بس رجعت قولت انا طموحي من ٣ سنين صيدلة وحباها جدا وحابه مجالها فتوكلت علي الله وكتبت صيدلة وعملت استخاره وحسيت ان فكره اسنان اتمسحت من دماغي اهم حاجه الواحد حابب اية وسيبك من كلام الناس بالذات اللي بيحكموا عالكلية وهم مش فيها لكن طبعا نستفيد من زمايلنا ف اسنان وصيدلة

zidan2011

29-07-2011, 07:39 PM

أعزائي الطلاب فى مصر الصيدلي بياع ومعه دبلوم تجارة بعد سنة يبقى صيدلى مكانه وليس هناك علم ولا معرفة وأسال المستقبل فى مصر بإذن الله أسنان وعلاج طبيعي والهندسات كلها الطب ابشري بقو زي الهم ع القلب وسنين طويله ومفيش مكان لأقل من ماجستير أما الأسنان اخصائى والعلاج الطبيعي أخصائي من الأول وكلهم لهم تكليف وشغل حكومة وخاص وسفر والله الموفق وكل واحد فى الخر ياخد نصيبه من طرف طبيب بشري مصري

love stone

30-07-2011, 02:09 AM