السلام عليكم

ازيكم يا احلى اعضاء اتمنى تقبلونى واحدة من اسرتكم


وكل عام وانت بالف خير ورمضان كريم عليكم ان شاء الله


ارجوكم يا جماعه فى سؤال عايزة اساله وهموت واعرف اجابته ضرووووووووووووورى


اخويا فى ادبى فى المرحلة الاولى ونجح والحمدلله بس جاب 85% وهو نفسه يدخل اقتصاد وعلوم سياسية وبيقول مجموعى دا عمره ما هيخلينى حتى اشوف البوابة بتاعت الجامعة ولو حتى ذاكرت فى ثالثة مش هيدخلنى الجامعة اللى بحبها فياريت تعرفونى اصول يجيب كام فى ثالثة عشان يوصلها لانه منهار اووووووى

وللعلم للمرة التانية انه جاب 85% فى ثانية وهو داخل دلوقتى ثالثة


((وانا داخلة ثانية علمى ادعولى وكنت جايبه99% فى اولى ثانوى اتمنى اجيب بس ربعاها فى ثانية وتالته مع بعض ))


وياريت تطمنونى يعمل ايه واصول يجيب كام فى ثالثة عشان يوصل لجامعة دى ارجوكم ساعدونى





والف الف الف الف الف مبروك للناجحييييييييييييييييييييين





تقبلوا فائق احترامى وتقديرى لكم وشكرا





*Angel Moon*

اهلا وسهلا بيكى

بصى بالنسبة لاخوكى قوليله انه كل سنة وليها ظروفها الخاصة سواء فى امتحاناتها او
تنسيقها . كل الى مطلوب منه انه هو يجتهد على قد ما يقدر والباقى يسيبه على ربنا

ربنا يوفق الجميع

خير ان شاء الله ,, ممكن يدخل الكليه اللى هو عايزها بس لو اجتهد فى تالته ,,
وبالتوفيق له وليكِ ان شاء الله ,,,

يعنى هو ممكن يدخل تجارة لو ما دخلش اقتصاد و علوم سياسية

بس المهم يشد حيله

تجارة إنجليش طبعًا . سياسة و اقتصاد مين بس :d

المفروض يفكر في تربية بصراحة تربية أحلى كلية بالنسبة للأدبي
ولا تقولي اقتصاد ولا سياسة ولا تجارة ولا غيرها إلا لو معاكم واسطة بلدنا بلد وساطة مهما تحصل ثورات
إلى يوم القيامة واوعوا حد يقول خلاص مفيش وساطة تاني بعد الثورة هذا يبقى مش فاهم وسلمولي على مبارك :022yb4:

المفروض يفكر في تربية بصراحة تربية أحلى كلية بالنسبة للأدبي
ولا تقولي اقتصاد ولا سياسة ولا تجارة ولا غيرها إلا لو معاكم واسطة بلدنا بلد وساطة مهما تحصل ثورات
إلى يوم القيامة واوعوا حد يقول خلاص مفيش وساطة تاني بعد الثورة هذا يبقى مش فاهم وسلمولي على مبارك :022yb4:

هههههههههههههههههههههههههههه

حاجة غريبة اوى التربية تبقى احسن حاجة فى الادبى ليـــــــه
هو المدرسة بيقبض كــــام !!!!!!!!!!

بس بردوا محدش ريحينى يعنى بالاساس يجيب كام فى تالته فى حدود كام هو من نحية الجتهاد فاكيد هيجتهد بس هو مش حابب تجارة ولا تربية ياريت حد يعرفنى فى حدود كام وانا عارفة ان كل سنه ولها نظامها بس معلشى يا جماعة حطوا توقعات ليا على الاقل يكون بريق امل لوه ويشجعه فعلان على انه يجتهد اكتر واكتر لو سمحت يا جماعة


وشكرا على ردودكم

اختى العزيزة......اولا سياسة مش اقوى حاجة فى ادبى دا فى السن واعلام واثار وفنون جميلة..هوا بس يشد العزم ع 98 يتحسن المجموع ل91 ودى مش صعبة و بكدا هيدخل كلية محترمة......Yousri

شكرا اخى محمد على ردك اللى ريحنى ربنا معاها

aham 7agah eno yefoko men el magmo3 we y3mel el 7aga elly howa bey7ebaha!!!!!!!!!!!!!!

بالارقام ... لو اخوك فى سنة تالته لو لم بنقص ولا درجة خاااااااالص حتى فى العربى وكمان جاب الدرجة النهائية فى المستوى السنة الجاية مجموعه الكلى للسنتين مش هيزيد عن 93.9% دى بالارقام هنقووول ممكن ينقص حوالى 3.5 السنة الجاية يعنى يجيب حوالى 93 % ودى درجة حلوة فى الادبى ممكن يدخل بيها اى كلية ولعلمكم سياسة واقتصاد من وجهة نظرى مش هى توب لازم يبقى ليك واسطة جااامدة علشان تعرف تشتغل بيها والاعلام جميل و الالسن

يجيب 100% فى تالتة

بالنسبة للاخ الراندى ... تربية ايه اللى افضل من سياسة واقتصاد !!!!!!

وبعدين للناس اللى بتقول انها كلية مش حلوة حطوها قمة الادبى ليه ؟؟؟؟؟؟!!!

ياريت الناس متحكمش على كلية هى مجربتهاش

وبالنسبة للواسطة .. الواسطة موجودة فى كل مكاااااااااااان ... مش فى سياسة واقتصاد بس

وشكراااا

بالنسبه لأخوكى ممكن يجيب 100% ده لازم مش ممكن علشان يدخل اقتصاد وعلوم سياسيه وبالنسبه ليكى انتى بصى انا عاوزه اقولك حاجه بس ما تزعليش منى انتى رايحه تانيه ثانوى صح اولى ثانوى مش مقياس للثانويه العامه ولا حتى تالته اعدادى مقياس المهم انك لازم تذاكرى كويس السنه دى وتخديها جد جد السنه دى والموضوع كله عاوز اجتهاد وياريت ما تزهقيش وما تسمعيش لاصدقائك يعنى يقولوا لك مثلا ان السنه دى سهله او الامتحانات صعبه او سهله عارفه انا مكنتش اعرف يعنى ايه ثانويه عامه كنتى خايفه اوى لكن بعد ما خضت التجربه حسيت بيها انا من غير حلفان مش عايزه اقولك انك لو ذاكرتى 24 ساعه فى اليوم وجبت 99.9 % هتتمنى ان لو سنه تانيه بدأت من جديد هتذاكرى اكتر وهتجيبى اكتر فى سنه تالته وانا متاكده ومتخافيش والله الثانويه العامه عاوزه اجتهاد فقط وادعولى اجيب مجموع حلو فى سنه تالته وادخل صيدله انا جبت 96% فى سنه تانيه