هل يجوز لطالب تغيب فى الدور الثانى عن امتحان أى مادة أن يعقد له امتحان لنفس المادة بعدانتهاء الامتحانات ( الدور الثانى ) بأى عذر كان أرجو الرد و الاجابة لأن عندى مشكلة بسبب الموضوع ده وشكرا لكم

بالتأكيد لا
لأن قوانين عمل الامتحان التكميلي واضحة و محددة في القرار 230
و ليس فيها أي بند لطالب يتغيب في الدور الثاني
الدور الثاني هو بمثابة الفرصة الأخيرة و بعدها إما الرسوب أو المسار الخاص
مرفق ملف به صورة للأحكام المنظمة لعملية غياب الطالب

اولا شكرا على الرد وعلى فكرة انا حافظ القرار 230 كويس جدا ولكن المفاجأة الكبرى اننى فى اخر يوم من الامتحانات الدور الثانى فوجئت بطالب يحضر فتوى من الشئون القانونية بالمديرية ب:(عقد امتحان له للمادة التى تغيب فيها بناء على اعتذا ارات قدمها لهم و بالاستفسار قالوا بالنصى نفذ الفتوى يا استاذ
فما رايكم

gلا يجوز باى حال من الاحوال عقد امتحان بعد الدور الثانى

gلا يجوز باى حال من الاحوال عقد امتحان بعد الدور الثانى

شكرا على الرد
هذا ما حدث ولدى الفتوى لمن يريدها

لا يجوز عقد اى امتحانت بعد المواعيد المحددة لأى سبب كان

لا يجوز عقد اى امتحانت بعد المواعيد المحددة لأى سبب كان
هذا ماحدث و الله يا أبو جنا

طيب ممكن توضح الفتوى صادرة منين(المحافظة - الادارة - صادر الفتوى)

الفتوى صادرة من الشئون القانونية بمديرية التربية و التعليم بالبحيرة و لا تستعجب من الشئون القانونية

الشئون القانونية ليس من حقها اصدار فتاوى وهى جهة تحقيق ولكن الفتوى تصدر من قسم الفتوى بمجلس الدولة

طب لو سلمنا جدلا بصحة الفتوى !!
أي امتحان ( ورقة امتحانية بصرف النظر عن المادة ) سيمتحنه الطالب ؟
هيتعمل له امتحان لوحده ؟؟؟
أم سيمتحن نفس الامتحان اللي أمة لا لإله إلا الله عرفته ؟؟؟
فعلا يا أخي
كم ذا بمصر من المضحكات ........ و لكنه ضحك كالبكاء

و الله يا استاذ ايسم هذا ما حدث وقد ازهلتنى الفاجعة و عقدت للطالب امتحان بعد عمل محضر اثبات حالة داخل الكنترول وتم عمل امتحان اخر للمادة عن طريق المدرس الاول لأن الطالب كان متخيل انه حيكون نفس الامتحان اللى محضروش وتم عقد لجنه خاصة للطالب وتم اختباره وهذا من عجائب الزمن ومضحكاته التى تمر علينا وعند السؤال بع امتحان الطالب قالوا ممكن يكون القرار سياسى مش عارف ازاى بس متهيألى انه قرار رشاوى مش سياسى و الله أعلم وانا أطرح الموضوع على الاخوة فى المنتدى لبيان مدى قانونيته من عدمه لمحاسبة من أصدر هذا القرار

يا استاذي الفاضل اشتكيهم الكلام ده كلام فارغ مش صح اشتكي في الشئون القانونية للادارة والمديرية و النيابة الادارية لان ده مخالف وممكن تمر الايام وتفاجأ انك انت ومديرك محالين للتحقيق وتاخدوا جزاء بدون سبب

انا عارف و الله انه كلام فارغ وانا معايا اللى يحمينى انا ومديرى وانا عارف ان بعد كده الامور اللى زى دى الكلام عليها حيكتر بس انا فى انتظار الفرصة لقلب المائدة على الجميع لانى شايف كده من بعيد ان الموضوع فية لبس وان كبيرررررررررة قوى وشكرا على ردك وحرصك على مصلحتى
اخوك وليد

فعلا يا أخي
كم ذا بمصر من المضحكات ........ و لكنه ضحك كالبكاء

لا يجوز عقد اى امتحانت بعد المواعيد المحددة لأى سبب كان

ليس من حق الطالب دخول الامتحان من خلال قرار او فتوى من الشئون القانونية لان الدور الثانى هو الفرصة الاخيرة للطالب وحتى ان كان هناك قرار بقبول عذر للطالب يكون من خلال شئون الطلبة وليس الشئون القانونية ولا تنفذ القرار ولا تخاف لانه لن يمسك شئ لانه لايوجد تكميلى في الدور الثانى الا لمن تغيب اخر العام بعذر مقبول وتكون المدرسة على علم بذلك قبل بداية امتحانات الدور الثانى حتى يتم عمل امتحان تكميلي للطالب

يا عم إنت فى البحيرة صدق أى حاجه