مشاهدة النسخة كاملة : نصيحة من اللى خارجيت من تالته للى داخلينها ..!
mero merci 19-07-2011, 01:54 AM السلام عليكمـ ورحمة الله وبركاته
انا طالب داخل 3 ثانوى ان شاء الله ( عملى علوم ) وجايب 98% كنت عاوز أعرف ( انا وغيري كتير من الطلبه )
أزاى اننا نجيب درجات عاليه فى سنة 3 ثانوى بمعنى اصح :)
ايه هيا أفضل الطرق لمذاكرة المواد وايه أفضل الكتب الخارجيه (ودى أهم نقطة ) والحجات اللى زى كدا يعنى
واكون شاكر جدا ليكمـ جميعا
tweetyy 19-07-2011, 01:58 AM وانا جايبه 96 %,ومش عارفه اكمل علمى علوم ولا علمى رياضه
captinmido 19-07-2011, 02:06 AM انا جايب 97 % الحمد للة وهكمل علمى علوم
hobahoby 19-07-2011, 02:11 AM مبرووووك يا جماعة
عقبالى ان شاء الله
طب يا جماعة انا محتاجة نصيحة من الخارجين من تانية ثانوى ل الى داخلينها
زيى كدة داخلة تانية ثانوى علمى
أنين الأنين 19-07-2011, 02:52 AM ياريت حد من تالتة يفيدناااا
اناكمان معاكم وجبت 99%
karimadel7 19-07-2011, 09:06 AM انا عايز اسأل سؤال منرفزني
هو ليه كل الناس اللي جايبه مجموع عالي مكملة علمي علوم و اللي قالل شويه محتار
مشفتش حد متفوق مكمل رياضه حتي الان
انا جايب 204 و هكمل رياضه
و مش لاقي حد زيي
ممكن حد يشرحلي السبب
ArabianPDA 19-07-2011, 09:34 AM من اخ ليكو جايب 100% بالمستوي
(صحيح انه عادي السنادي بس مجموع عسل برضه:022yb4:)
1.ربنا ربنا ربنا
اقسم بالله كنت عاكك بس ربنا رزقني بصححين زي الفل
2.حل من كذا كتاب
ف الفيزيا انا كنت حليت 5 والسادس كنت بشطبه سوبر لوكس
وانت وقدراتك
والاحياء الامتحان شرح والنفيس ان شاله تمسح الجمهوريه كلها
المهم تجيب
النفيس اسئله ف الاحياء
فيه اسئله لا تخطر حتي ببال واضع الامتحان
وابعد عن المعلم فيزيا شرح هيضيعك
3.العربي القصه خنيقه ورزيله وبايخه وغبيه
(الايام لطه حسين)
وانت بنفسك هتكره اهلها وانت بتدحها بس يلا
المشكله انه بيضحك علي كل الناس علي اعتبار انه كان كامل المعاني يعني
4.تنظيم الوقت
اصل الجموع مش بالمذاكره 24 ساعه
انا كنت بذاكر ما لا يزيد عن 7 ساعات ف اليوم
والباقي نت وخروجات
وزي الفل
عشان كنت بنظم وقت بالثانيه
وقت اللعب لعب والجد جد
بالتوفيق ليكوا بقي،،
اخوكو
د/محمد القاضي (بعون الله)
عبدالله مسعد حسن 19-07-2011, 10:52 AM أولاً : مبروووووك كتيييرر لكل اللى نجحوا السنة دى وجابوا مجموع كبير ... ربنا يكرمكم السنة الجاية ان شاء الله ..
بصوا يا جماعة .... تالتة غييير تانية خااااااااالص ... ازاى يعنى ؟؟؟؟ تالتة شغلها اكتر بكتييير من تانية ... انت فى تانية مكانش عندك غير كيمياء والباقى مواد سهلة ( يعنى مش كم كبيير ) ... اما الموضوع فى تالتة بيختلف .... انت داخل ومعاك فيزيا ( ورياضة 2 او احياء ) طبعا المواد دى بتعووز شغل من اول السنة ما ينفعش تتساب يوم وخصوصا الرياضة للى واخدين رياضة2 ..... اما الفيزيا ( متعة ) ... بجد هتحبوها ... بس احب اقولكم حاجة .. الفيزيا بتاعة ثانوية عامة حاجة كل المواد اللى اخدتوها فى حياتكم حاجة ... الفيزيا كم كبيييييير جدا وفيها شغل ياما اوى لانها 15 فصل كل فصل مليااان نظرى ومسائل وهتلاقى معظم الفصول كده ... فعشان كده لازم تتاكر اول بأول .. وبالنسبة لحل المسائل ... مش لازم تحل كتيير عشان تتفوق فى الفيزيا ... المهم فهمك للمسائل .... يعنى واحد ممكن يقعد يحل فى فكرة واحدة 15 مسائل وبالطريقة دى هو ما انجزش حاجة ... بالنسبة للكتاب الخارجى ف الامتحان اعلى واحد وعندك برضو المثالى فى افكار حلوة ممكن تبقى تشوف مسائله ... عندك العربى السنة دى رخم بس بالمذاكرة بيتجاب عادى ... الانجليزى عادى فهو زى ما انتوا عارفين ما بيجيش من المنهج حاجة وبتتصدم فى الامتحان (بس عادى ) ... والمادة الادبية ... افضلهم واسهلهم علم النفس حلوة وسهلة ولذيذة ....
اسف على الاطاالة
تمنياتى بالتوفيق ... EnG : Abdullah Hassan .
BaNZeR 19-07-2011, 11:31 AM انا عايز اسأل سؤال منرفزني
هو ليه كل الناس اللي جايبه مجموع عالي مكملة علمي علوم و اللي قالل شويه محتار
مشفتش حد متفوق مكمل رياضه حتي الان
انا جايب 204 و هكمل رياضه
و مش لاقي حد زيي
ممكن حد يشرحلي السبب
لإن انت الوحيد اللى داخل عندك هدف
الباقيين معتمدين في هدفهم على المجموع اللى حيجيبوه
bent aboha 19-07-2011, 09:04 PM ربنا يوفقكم كلكم يارب
اهم حاجة انك تعتمد على ربنا وتحاول بقدر الامكان تنظم وقتك زاكر اول باول
اكيد هتحس فى الفترة الاخيرة بالملل والزهق والتعب
خلى قدامك هدف انكم لازم تحققوه سواء علمى او ادبى يا جماعة
والله هما الاتنين محتاجين ماكرة وتعب ومجهود جامد ده لو عاوز تدخل كلية كويسة طبعا
وفى الاخر بقولكم خلى ثقتكم فى ربنا كبيرة
ningooooo 19-07-2011, 10:35 PM العربي : مذكرات الاستاذ بتاعي و كنت بحل من كتاب الامتحان اسئلة و في المراجعة حليت من الرسالة
الانجليزي : سنيور و ذا بست مراجعة
الفيزياء : الامتحان اسئلة و الامتحان مراجعة
الاحياء : مذاكرة من كتاب المدرسة و الامتحان شرح و مراجعة و النفيس اسئلة و الورقة الامتحانية
علم نفس و اجتماع : نصيحة ذاكروا من كتاب المدرسة افضل و سيبكم من مذكرات الاساتذة لانها بتكون ملخصة جامد و استخدمت المثالي في المراجعة و بيتهيالي شرحه ممكن يكون حلو بس انا مشفتش الشرح
المستوي انجليزي : ذا بست
ده طبعا بالاضافة لدليل التقويم و اسئلة كتاب المدرسة و مراجعات اخبار التعليم و الجمهورية
في المراجعة النهائية
yomna elkomy 20-07-2011, 12:27 AM انا عندى بس سؤال
انا ان شاء الله علمى علوم
وجايبة 98
اخد اقتصاد واحصاء ولا علم نفس؟
كتير قالوا بلاش علم نفس مع الاحياء
انا عايزة نصيحتكم
واسفة على الاطالة
n_11111 20-07-2011, 12:49 AM انا كمان علمي علوم وجايبة 99.7 في المادة الادبية كل صحابي اخدوا فلسفة بس احنا محتاجين رأي حد من اللي خلصوا نرجو الافادة
ميرسى 24-07-2011, 11:22 PM انا كنت واخد احصاء بس الكل قال ان علم النفس اسهل (وبعدين المدرسة بتاعتها اعرفها شخصيا ) ^_^
الامير مخ 25-07-2011, 12:03 AM يا جماعه انا جايب فى تانيه 98.3 باذن الله يا ترى ممكن الحق هندسة بترول ارجو الرد
الامير مخ 25-07-2011, 12:06 AM لإن انت الوحيد اللى داخل عندك هدف
الباقيين معتمدين في هدفهم على المجموع اللى حيجيبوه
انا جايب 202 وباذن الله هكمل رياضه
ميرسى 25-07-2011, 11:31 PM أنا هقولكـ على حاجة اخويا دايما بيقولهالى : )
ان التنسيق كل سنة بيتغير عن السنة اللى قابلة ودا طبعا على حسب الامتحانات
يعنى لو الامتحانات جت صعبة جدا ممكن هندسة البترول تقبل من 97 او 96 وممكن تيجي سهله وتقبل من
102 ^_^
انا مش بحبطك بس بقولكـ ان انت متقدرش تحسب مقارنة بأى سنة
|