اولا انا طالب تانية ثانوى

ثانيا انا جبت 95 فى المية

انا عارف ان الرقم قليل بس الحمدلله

المهم انا عمال شايف تتكلم على التنسيق وانة هيعلى وبتاع

الصراحة اترعبت فحبيت اسأل

هل ان شاء الله لو ثبت على مجموعى فى تالتة

الحق هندسة عين شمس ؟؟


مع العلم انها فى 2009 خدت من 390 يعنى 93.9

فى حالة لو زادت ممكن تزيد اد اية فى تنسيقها السنة الجاية ؟؟

وبردة مع العلم ان عدد طلاب السنة دة اقل من الدفعة بتاعت سنة تالتة ب 50 الف طالب

تماااااااااااام اوى بجد تلحقى هندسة وانت مطمنة وغير كده كله بيعلى فى تالته يعنى ممكن فى السنيتن تجيبى 97%

هههههههههه

ماشى بس انا اسمى احمد على فكرة

سورى واضح ان حدث خطأ وأنا باكتب

ان شاء اللة الهندسة بالمجموع دة مضمونة بس انا عندى سؤال انا جبت 95.8 فى تانية بردة وكنت كتبة علوم هل هقدر اكمل فيها بمجموعى دة وادخل صيدلة واجيب فى تالتة كام عشان اقدر ولا كدة الصيدلة صعبة احول رياضة وخلاص عشان اضمن هندسة

يا ريت حد يفيدنى عشان انا بجد محتارة جدا علوم ولا رياضة

لو ناوية صيدلة ان شاء الله

يبقى لازم لازم تذاكرى كويس جدا جدا جدا السنة الجاية ان شاء الله بحيث ان محموعك ميقلش عن 98 وبعدين انتى كمان معاكى المستوى الرفيع بيديكى 1.25 % يعنى هيخليكى 97 وكسور

يعنى انتى كل اللى عليكى تزيدى واحد فى المية كمان وتقفلى المستوى الرفيع لو انتى عندك ثقى فى نفسك تبقى تكملى ان شاء الله

ويتهيألى 98 ان شاء الله تدخلك مستريح الصيدلة

شكرا جدا يا احمد بس معلش كان عندى سؤال هو المستوى الرفيع عربى ولا انجليزى اسهل ولا اية

ان شاء اللة الهندسة بالمجموع دة مضمونة بس انا عندى سؤال انا جبت 95.8 فى تانية بردة وكنت كتبة علوم هل هقدر اكمل فيها بمجموعى دة وادخل صيدلة واجيب فى تالتة كام عشان اقدر ولا كدة الصيدلة صعبة احول رياضة وخلاص عشان اضمن هندسة

كل حاجة ممكن بس هى ارادة مش اكتر والله لو ركزتى اوى اوى اوى فى تالتة ان شاء الله تلحقى صيدلة بس لازم تعب السنة الجاية ولو تعبتى اكتر والله ممكن طب كمان وما تنسيش المستوى الرفيع لازم تجيبى فيه الدرجة النهائية وقبل كل دا رغبتك الاول هل بتحبى الاحياء ولا الرياضة وخلى بالك الاحياء مش سهله برده ؟؟؟ اهم حاجة رغبتك

شكرا جدا يا احمد بس معلش كان عندى سؤال هو المستوى الرفيع عربى ولا انجليزى اسهل ولا اية

عربى افضل ان شاء الله

شكرا جدا يا احمد بس معلش كان عندى سؤال هو المستوى الرفيع عربى ولا انجليزى اسهل ولا اية


بصى دة بقى رغبة شخصية

انا واخد انجليزى

لان الحمدلله انا بعرف اتكلم انجليزى كويس جدا الحمدلله وكمان من كتر الفرجة على الافلام الاجنبى عرفت طريقة كلامهم وازاى بيكونوا الجمل بطريقة ابسط وكدة يعنى فحبيت الانجليزى جدا جدا واخترتة

شوفى انتى لو حابة الانجليزى يبقى تختارية طبعا لو حابة العربى يبقى تختارية

ومفيش حاجة اسمها اسهل واصعب لان الاتنين فى الاخر حسب التقدير الشخصى للطالب

واوعى تعتمدى على حد يقولك دة الانجليزى سهل فخدية

اللى انتى عاوزاة وحاسة انك هتجيبى درجة فية تاخدية غير كدة نووووووووووو

شكرا يا شادى انت واحمد بس انا كنت عايزة اعرف يعنى الصيدلة اعلى مجموع اخدت منة كان كام فى السنين الى فاتت والمستوى العربى انا مبحبش الادب والقراءة والانجليزى مش قد كدة بردة هما اللى منقصينى انا ناقصة فى العربى 4 درجات ولالانجليزى 3 ونص فمحتارة ومش عارفة هو بيبقى زى الامتحان العادى كل حاجة يعنى وبراجراف وكدة والعربى كمان ويا ريت يا احمد لو متابع الافلام الجنبى تقولى على اسماء افلام كويسة يا ريت لو كوميدى ولمين

الصيدلة السنة الجاية كم 97

يعنى اية الصيدلة السنة الجاية كم 97

سورى كلية الصيدلة السنة دى من 95.7 والسنة اللى جاية من 97

نصيحه منى
على فكره ممكن تعدى على الكلام أكنك مقرأتيش أى حاجه

انا ابن عمى جايب 200.5 ... وترتيبه ال 30 الف
انا كنت جايب السنه اللى فاتت نفس المجموع وكان ترتيبقى ال 5800

شايفه الفرق الرهيب
انا مش عارف حسيت انى بحلم لما شفت المجاميع دى
ايه ده دى عمرها ما حصلت فى تاريخ الثانوية العامة

وعلشان كه متوقع ان سنه تانيه السنه دى هتجيلهم امتحانات صعبه السنه الجايه ... والتنسيق هيعلى
علشان يظبتوا المجاميع الرهيبه دى

نصيحة منى كملى رياضه 2 ... مجاميع القطاع الطبي اسنه الجايه هتبقى فى السما ... لو وضع الامتحانات نفس النظام ... بأمانه عمرها ما تقل عن 98.5 اقل تقدير
ولو اخدتى رأى اى واحد عنده خبره فى التنسيق وكده هيقولك نفس الرأى اذا مكانش أعلى
وبأمانه انا مش بعقدك انا بقولك الواقع
لأنى سهل جداا اقول ادخلى ... بس للأسف التنسيق هيبقى عالى جدا جدا جدا
انا ابن عمى اللى جايب 200.5 ... هموت واقنعه انه يكمل رياضه اتنين بس هو عايز يكمل احياء ... اصل حكاية ان ترتيبه 30000 دى حاجه عجيبه
دا ده كان ترتيب اللى تحت 95 السنه اللى فاتت
وربنا يوفقك للصح


ولصاحب الموضوع كويس انك قررت انك تكمل رياضه 2
هتلحق هندسه بس لازم تعرف ان السنه الجايه هتكون صعبه جداا ... هيعملوا اى حاجه بحيث انها تظبط التنسيق
لأن بالطريقه دى مش هتلاقوا تنسيق اساسا
يعنى ايه واحد 200.5 ترتيبه ال 30 الف
حاجه فعلا غريبه
وربنا يوفقكم جميعا .... احنا فلتنا من المجزره دى :d

ده انا على كده انزل بكره بعربية بطاطا على المزلقان

ميرسى يا جوزيف هو عامة لسة كدة بدرى على التحويل فى شهر 9 لغاية ماييجى شهر 9 يكون ربنا سهل واكون قررت

وانت لية يا حمادة التشاؤم دة