بسم الله الرحمن الرحيم

استاذ اشرف معاك محمد احمد صالح الشهير بميدو اسال عليا واكيد هاتعرفنى


احب اخش فى الموضوع على طول واقولك ان لازم اوصلك رسالة هامة

ان احساسك بالنجومية مش صحيح

اقولك انا ليه

لان الى عمل المنتدى ده احنا مش انتا صح اقولك على فكرة احسن اجمع مواضيعك وشوفها بتتكلم عن ايه

احنا مش محتاجين مدير يرسل لنا تصريحات يومية ومتكررة

الغررور موجود بداخلك ولكن ليس له سبب على الاطلاق !

وعايز اقولك ان لازم تدرس حالتك بشكل سريع لانها بدات بالتزايد

احب اقولك ان انتا بتشوفنا ناس اغبية مش عارف ليه

احب اقولك ان الاستاذ حسام قال ان العيب فيك واعتقد انه مش شاب ده راجل كبير فى السن وعنده خبره
فى الحياة مش هانقول انه زيى انسان وحش !

عايز اقولك ان مش من النجاح انك تتابع المنتدى بتقرير يومى

الناس كلها يوم بعد يوم فكرها بيكون احسن وافضل وبتقدر تتعامل مع الحياة بطريقة افضل

على فكرة انتا صعبان عليا اوى

انسان ضعيف مش ليه شخصية ابدااا

انتا مجرد واحد زايد علينا فى عدد الاعضاء او الاداريين

يمكن انا وحش او مش كويس

لكن احب اقولك انك لازم تراجع نفسك

لان انتا عارف انى مش فارقه معايا اشراف لانى مش جعان يا اشرف

انتا فاهم قصدى طبعا

عموما ان لما بتدخل المنتدى بحس انى هايف اوى انى بشارك هنا

لذلك سلام عليكم وخلى بالك من نفسك يا فندم

يارب حياتك الجاية تبقى افضل

ولو جبت اطفال فى حياتك ياريت يعرفوا يحبوا الناس

ويكونوا مخلصين باذن الله

وصلى وادعى ربنا يهديك ويرزقك


سلام عليكم :)

مش هقدر ارد لاني محتاج افهم الموضوع ده مكتوب ليه بس
او انا عملت ايه
وشكرا

وما هي التصريحات والتقارير التي ارسلها اليك

والرجاء من الجميع عدم الرد نهائيا على الموعد

ويا ريت يا اخ ميدو ترد انت وتفهمني الموضوع بسهولة

وتفسر كل كلمة قلتها

ويا ريت مفيش حد من المشرفين يغلق الموضوع نهائي

بص يابو على بيه

حضرتك انسان انا كنت بقول انك انسان محترم ولا زلت

لكن العيب باختصار ماعندكش خبرة ادارية كافية تقدر انك تتعامل بيها مع الغير

يعنى بمعنى اصح فاشل اداريا !

مش بقول انى ناجح وانتا فاشل بالعكس انتا راجل برضه ليك خبرتك

ولا بقولك انى احسن واحد فى الوجود

لكن لما بشوف حاجة غلط فى اى حتة بقول ده غلط سواء المنتدى او بره المنتدى ومعروف بكده

احب اقولك خلى بالك من نفسك لانك فى حالة صعبة جدااا

روح للمسجد افضل مكان للعلاج وصلى وقوله يا ربى ارحمنى وسامحنى من الظلم الى انا عملته

وسلام عليكم

على فكرة للجميع انا مش هاعلق على الموضوع تانى لانى خلاص قرار انى مش داخل تانى

وده مش هروب من المعركة لان المعركة لم تنتهى ومعركة النفس اكثر

لكن الراجل الادارى بيقول اسبابه والناس تبقى تهاجمنى زى ماهيا عايزة وانا مستعد سلام عليكم

بالنسبة للتقارير المعنى المقصود انك بتابع من بعيد لبعيد


بحس انك زائر وليس من اسرة السايت

ردي باللون الأزرق
بسم الله الرحمن الرحيم


استاذ اشرف معاك محمد احمد صالح الشهير بميدو اسال عليا واكيد هاتعرفنى
بدون سؤال انا عرفت شخصيتك من خلال مشاركاتك

احب اخش فى الموضوع على طول واقولك ان لازم اوصلك رسالة هامة
ياريت طبعا تدخل في الموضوع
ان احساسك بالنجومية مش صحيح
مين اللي قالك اني نجم او عندي احساس بالنجومية
اقولك انا ليه

لان الى عمل المنتدى ده احنا مش انتا صح اقولك على فكرة احسن اجمع مواضيعك وشوفها بتتكلم عن ايه
وطبعا اللي عمل الموقع ده مش انا ولا انت ولا شخص معين بعينه اللي الموقع الجميع ولو تخيلنا ان الموقع كبير يبقي بنفشل ، وانا عارف مواضيعي بتتكلم عن ايه (وخير الكلام ما قل ودل) وبصفتي مدير للموقع اكيد هيكون كل ردودي ومواضيعي بالطبع عن الادارة
احنا مش محتاجين مدير يرسل لنا تصريحات يومية ومتكررة
وما هي التصريحات التي القيها وارسلها ليك او لغيرك والنقطة دي يرد عليها المشرفين الاداريين لو في يوم عطيت لحد منهم او لغيره تصريح او تقرير ويا ريت انت بالذات تجاوبني على النقطة دي بالذات
الغررور موجود بداخلك ولكن ليس له سبب على الاطلاق !
هل شققت عن قلبي لتعرف اني مغرور والله لو علمت ما هي الدعوة التي ادعوا الله بها باستمرار ما قذفتني بهذه التهمة التي ادعوا الله ان يسامحك
وعايز اقولك ان لازم تدرس حالتك بشكل سريع لانها بدات بالتزايد
يعني ايه حالتي بدأت بالتزايد
احب اقولك ان انتا بتشوفنا ناس اغبية مش عارف ليه
انا لو شافيك غبي ما كنت رديت على موضوعك او شفت غيرك غبي ما كنتش عملته مشرف او اخترتك انت كمشرف
احب اقولك ان الاستاذ حسام قال ان العيب فيك واعتقد انه مش شاب ده راجل كبير فى السن وعنده خبره
فى الحياة مش هانقول انه زيى انسان وحش !
اولا : الاستاذ حسام قالها كان من منطلق واحد في وقت معين ولظروف معينة ومش معني ان واحد حكم على شخص من خلال معاملة اليكترونية يبقي الانسان ده فعلا كله عيوب وما من بشر إلا وفيه عيوب
ثانيا : مين اللي قال انك انسان وحش ولو انت انسان وحش كنت انا رفعت اشرافك من اول يوم انت طلبت فيه الغاء الاشراف بسبب سفرك ولكني قلت لك اصبر ولا نرفع اشرافك الا يوم سفرك وعرضنا عليك الاشراف من خلال سفرك ايضاً وانت انسان كويس مش وحش
عايز اقولك ان مش من النجاح انك تتابع المنتدى بتقرير يومى
وفين التقرير اليومي اللي انا بتابع المنتدي بيه
ويا ريت تسئل الاستاذ عصام عن الطلبات اللي بيطلبها مني في الرسائل الخاصة بتنفذ بدون جدال ولا لا تنفذ واسئل المشرفين الاداريين هل انا بعطي تقارير
الناس كلها يوم بعد يوم فكرها بيكون احسن وافضل وبتقدر تتعامل مع الحياة بطريقة افضل
ده الطبيعي ان الناس كل يوم فكرها بيزيد وبيكون احسن وافضل
على فكرة انتا صعبان عليا اوى
الحمد لله اني شايفني صعبان عليك وانسان غلبان وليس انسان مغرور وجبار
انسان ضعيف مش ليه شخصية ابدااا
هو فعلا لو شخصيتي ضعيفة ما كنتش رديت عليك في هذا الموضوع ومش معني اني بسيب مواضيع لبعض الاعضاء بدون رد وذلك لعدم اثارة المشاكل وفي احيانا كثيرة الصمت افضل من الكلام
وفعلها الرسول صلى الله عليه وسلم حينما قيل له (انت خيرا ام عبد المطلب ؟ أنت خيرا أم هاشم ) فلو جاوب الرسول على هذا السؤال بأنه الأفضل كان هذا عار ان يقول ان ان عائلته هو احسن منها ولو قال انهم احسن منهم فهو خطأ لأنهم عبدوا الاصنام ! فكان الصمت اقوى جواب
وبفضل الله (كما وصف الرسول صلى الله عليه وسلم ) ليس الشديد بالسرعة
وبفضل الله اكثر كلامي انا الصمت
انتا مجرد واحد زايد علينا فى عدد الاعضاء او الاداريين
طبعا انا واحد زايد عليكم لاني لو مش موجود العدد هينقص واحد ولو موجود العدد هيكون زيادة واحد وده الطبيعي
يمكن انا وحش او مش كويس
لا بالعكس حضرتك قمة في الاخلاق وده باين من مواضيعك
لكن احب اقولك انك لازم تراجع نفسك
طبعا لازم اراجع نفسي يمكن يكون في صفة من الغرور وليس الغرور ككل وكل انسان لازم يراجع نفسه في كل شيء
لان انتا عارف انى مش فارقه معايا اشراف لانى مش جعان يا اشرف

انتا فاهم قصدى طبعا
طبعا مش فاهم قصدك لانك كما وصفتني اني كلي عيوب فاكيد انا بطئ الفهم
فازاي هفهم قصدك
عموما ان لما بتدخل المنتدى بحس انى هايف اوى انى بشارك هنا
طيب ما دام حاسس انك هايف ليه بتشارك وبتساعد نفسك على الهيافة
لذلك سلام عليكم وخلى بالك من نفسك يا فندم
وعليك السلام (وشكرا على النصيحة)
يارب حياتك الجاية تبقى افضل
آمين
ولو جبت اطفال فى حياتك ياريت يعرفوا يحبوا الناس
أن شاء الله ربنا رزقني بطفل في عمر السنتين اسمه آدم وطفل في عمر 3 أشهر أسمه زيد
ويكونوا مخلصين باذن الله
ربن يتقبل منك
وصلى وادعى ربنا يهديك ويرزقك

ربنا يهديني ويهدي جميع المسلمين والمسلمات ويرزقنا الاخلاص في القول والعمل
سلام عليكم :)
وعليك السلام