دي صورة من ورقة بعتتها إدارة بلبيس بمحافظة الشرقية للمدارس لعمل مرتبات شهر 7/2011 علي أساسها
طبعا مفيهاش حاجة عن الحد الأدني أو حافز الإثابة يعني علي القديم بإستثناء زيادة 36 جنيه للأساسي
وطبعا كلنا عرفنا اننا ملناش في ال4 جنيه العلاوة الدورية
المهم المفاجأة كانت في إحتساب العلاوت لقيت زي ما الصورة موضحة إن كل العلاوات قبل 2011 اتحسبت علي أساسي مربوط الدرجة وليس الأساسي مع العلم إن قبل كدا كانت بداية من سنة 2009 كانت بتتحسب ع الأساسي الشامل ولما سألت قالولي إنك تعيين جديد بتاريخ 1/3/2011 وأي علاوة قبل كدا هتتحاسب علي أساس المربوط فقط
الرجاء من الأخوة في المحافظات التانية هل الموضوع دا حصل عندكو ولا الكلام دا في الشرقية بس
مع العلم إن صافي مرتب شهر 7 هو 450 جنيه للأعزب
http://im8.gulfup.com/2011-07-19/1311095762561.jpg (http://www.gulfup.com/)

أنا إدارة أشمون منوفية
اتعمل معانا كده زكمان ههنتعامل علي الأساس ده من 1/ 3 بأثر رجعي وهيتخصم منا 287 جنيه علي 3 شهور 95 ج في شهر 8 ، 9 ، 10

فعلا العلاوت السابقة هتتحسب علي بداية مربوط الدرجة الثالثة وهو 48 ج
الكويس في الموضوع أن احنا كده خلاص علي الدرجة الثالثة التخصصية

الجديد في الموضوع يا أخواني أن في حاجة اسمها استمارة 103 دي لازم تتعمل لضم المدد السابقة وده اللي هيعملوا الناس اللي اتعينت في 1/ 7 / 2011

أرجو من إدارة المنتدي تثبيت الموضوع للأهمية القصوي وتعريف المعلمين الجدد بوضعنا الجديد

استحلفكم بالله تثبيت الموضوع
لأن به رد علي من يريد معرفة مرتب المعلمين الجد
ورد علي من يسأل علي الدرجات
ورد علي من يسأل عن ضم السنوات السابقة

شكرا ليك يا استاذ شعبان بس احنا سلمنا اتمارة 103 من غير مانملاها انتو عملتو كدا برضه ولا انتو اللي مليتوها

حضرتك احنا مرتبنا زاد الى 495 جنيه ، وكان قبل ذلك 464 جنيه

معذرة يا جماعة , لو سمحتم ايه موضوع استمارة 103 دي بالضبط وايه اللي المفروض عليه اعمله علشان ضم المدة ......... الرجاء ممن عنده معلومات أكيده الرد

حضرتك احنا مرتبنا زاد الى 495 جنيه ، وكان قبل ذلك 464 جنيه

حضرتك تبع إدارة إيه ومحافظة إيه ويا ريت لو تعرف ترفع مفردات مرتبك أو تكتبها

معذرة يا جماعة , لو سمحتم ايه موضوع استمارة 103 دي بالضبط وايه اللي المفروض عليه اعمله علشان ضم المدة ......... الرجاء ممن عنده معلومات أكيده الرد
الأستمارة دي موجودة ضمن ملف التعيين اللي بيبقي في ورق كتير وزي ما بقولك عندنا معملناش فيها حاجة احنا سلمنا الملف وخلاص

لا يا الجماعة الاستمارة دى مهمة وانت بتملاها بنفسك بسنوات الخدمة وبيمضى عليها اتنين موظفين وبيختمها المدير وكمان قالوا لنا فى الادارة( المنيا) لازم يبقى معانا نسخة منها

لو سمحتكم كلمة انا من محافظة سوهاج والتعيين برده 1/3/2011 القبض كان 420 بالظبط تمام وعلى فكرة انا متزوج يعنى تقريباً فيه حاجة اسمها بدل نقدرى او حاجة زى كدة المهم وما زلنا حتى هذه اللحظة بنقبض فى كشف لوحدينا لحد شهر 6 الكلام ده

مرتبنا ادارة منيا القمح
جملة ؛516.50جنيه
اخصم منهم
62.69جنيه
يكون الصافى المستحق للمتزوج وعنده ولدين مثلا
453.81جنيها مصريا
ولنا الله
الغريب ان علاوة 2007م/7.2
2008/14.40
2009/4.80
2010/4.80
2011/7.20
مش فاهم حاجة الى بيعمل المرتبات عندنا قال انا مالبش دعوة طيب العلاوة بتزيد ولابتقل

أنا إدارة أشمون منوفية
اتعمل معانا كده زكمان ههنتعامل علي الأساس ده من 1/ 3 بأثر رجعي وهيتخصم منا 287 جنيه علي 3 شهور 95 ج في شهر 8 ، 9 ، 10


احنا مديرية بني سويف
تعيين 3/2011
المرتب من شهر 4/2011 بقي في بني سويف كالاتي
المعلم حديث التعيين الاعزب 490
المعلم حديث التعيين المتزوج 492
المعلم حديث التعيين المتزوج+طفل واحد 494
المعلم حديث التعيين المتزوج+طفلين 495

من بداية مرتب شهر 7 هيزيد للكل 36 جنيه.
ده اللي عندنا في بني سويف بالفعل من شهر ابريل 2011

احنا في ادارة اطفيح التعليمية / محافظة الجيزة اتعمل مرتب 7 على 493 جنيه بدون علاوة الدرجة او العلاوة الاجتماعية ووعدونا بضم العلاوة الاجتماعية من شهر 8

مش فاهم حاجة
حد يوضح عشان مايش ف المرتبات

حضرتك تبع إدارة إيه ومحافظة إيه ويا ريت لو تعرف ترفع مفردات مرتبك أو تكتبها

حضرتك أنا محافظة بنى سويف

وسأحاول معرفة المفردات بالتفصيل

مرتبنا ادارة منيا القمح
جملة ؛516.50جنيه
اخصم منهم
62.69جنيه
يكون الصافى المستحق للمتزوج وعنده ولدين مثلا
453.81جنيها مصريا
ولنا الله
الغريب ان علاوة 2007م/7.2
2008/14.40
2009/4.80
2010/4.80
2011/7.20
مش فاهم حاجة الى بيعمل المرتبات عندنا قال انا مالبش دعوة طيب العلاوة بتزيد ولابتقل
الناس تتعين مرتباتها تزيد واحنا بنقل
بس علاوة 2011 المفروض تبقي علي الأساسي وليس المربوط زي ما في الصورة

انا المرتب سالت عليه فى الادارة قالوا 495.45 واستمارة 103 دى انا مسلمها فاضيه ايام التعيين كتبت اسمى بس
وانا دخلت على موقع التامينات ولقيت انى من غير قطاع يعنى لسه البيانات فاضيه مش موظف وبعت شكوة وكان الرد ان اجيب استمارة 10من الادارة سالت فى المعاشات على الموضوع دا فى الادارة الموظفه قالتلى اه انا هعملها وابعته بس الكلام دا بعد 6 شهور من التعيين ولازم اجبلها اول عقد عملته قولتلها دا اتقطع قالتلى ممكن يكون فى الملفات بس انا مش عارف اذا كان لازم ال 6 شهور دول ولا لا انا ادارة الزيتون القاهرة

الملاحظ أن في اختلاف في مرتبات كل محافظة وده أمر غلط
عاوزيين كل واحد يرفع صورة من مفردات مرتبه عشان نبقي علي نور باستمرار ونبقي صاحيين للناس دي

أمر مهم أخر أدعوكم إليه وهو عمل كارنييه نقابة المعلمين مع عدم اقتناعي بهذه النقابة أصلا ولكن ذلك :
لأن كل سنة بتمر بيندفع عليها 90
وكمان عشان نستفيد بمعاش النقابة بعد كده

الاشتراك في النقابة بيتحسب من سن 25 يعني كل سنة أنت أكبر فيها عن 25 بيندفع عليها 90 ج فارجو الإسراع باستخراج الكارنييه حتي تضمن حقوقك

الله المستعان

ليه ليس لنا في العلاوة الدوريه عايز اعرف اللي يعرف يفهمنا وجزاكم الله خيرا

انتهي الدرس يا غبي اهديها للمعلم الحزين

انتهي الدرس يا غبي اهديها للمعلم الحزين

وماله انا فعلا بجد كاتبها لنفسي وليس لاي احد اخر

ليه ليس لنا في العلاوة الدوريه عايز اعرف اللي يعرف يفهمنا وجزاكم الله خيرا
لازم يعدي عليك سنة في التعيين

إيه يا جماعة المحافظات التانية العلاوات اتحسبت علي المربوط ولا لأ

احنا مرتب شهر سبعة في مدرستنا 306 فقط ثلاثمائة وستة
وللعلم انا معين في 1/3 في ادارة اشمون منوفية
وكان مرتبي قبل التعيين 386 وبعد التعيين 464 ودلوقتي بقي 401 يتم خصم 95 منهم لمدة 3 شهور وتم احتساب العلاوات على بداية المربوط وليس على الاساسي
انا هشتكي بس عايز مفردات مرتب المحافظات التانية يا ريت يا جماعة عشان حقنا ميضعش

احنا مرتب شهر سبعة في مدرستنا 306 فقط ثلاثمائة وستة
وللعلم انا معين في 1/3 في ادارة اشمون منوفية
وكان مرتبي قبل التعيين 386 وبعد التعيين 464 ودلوقتي بقي 401 يتم خصم 95 منهم لمدة 3 شهور وتم احتساب العلاوات على بداية المربوط وليس على الاساسي
انا هشتكي بس عايز مفردات مرتب المحافظات التانية يا ريت يا جماعة عشان حقنا ميضعش
طب ممكن نعرف ال95 جنيه لمدة 3 شهور بيتخصمو ليه

بيتخصموا لأن العلاوت كانت بتتعمل من شهر 3 علي المرتب الأساسي وبعدين من أسبوع نزلت الدرجات وأصبحنا علي الثالثة التخصصية وأصبحت علاوتنا علي مربوط الثالثة وهو 48 ج وبالتالي يتم خصم الفرق الزيادة اللي أحنا قبضناه من شهر 3 لحد شهر 7 وهو 287 ج هتتخصم علي 3 شهور
الكلام ده من الماليات في إدارة أشمون في الدور الثالث

شكرا للتوضيح يا استاذ شعبان

انتهي الدرس يا غبي

انا تابع لادارة الواسطى محافظة بنى سويف وجوز ومعايا ولد ومرتبى من بعد التعيين 492 لانى لسه ماضفتش ابنى بس ياريت اللى عنده استمارة 103 يرفعها عشان الكل يستفيد

طيب ممكن اعرف اللي سلم استماره 103 فاضيه ده معناه ايه

لاننا طلبنا منهم اننا نكتب سنوات العمل فيها ورفضوا وقالوا مش بيتكتب فيها اي حاجه

ياريت الاقي رد؟؟؟؟؟؟؟؟؟

طيب ممكن اعرف اللي سلم استماره 103 فاضيه ده معناه ايه

لاننا طلبنا منهم اننا نكتب سنوات العمل فيها ورفضوا وقالوا مش بيتكتب فيها اي حاجه

ياريت الاقي رد؟؟؟؟؟؟؟؟؟
احنا ملينا الاستمارة ادارة المنتزة اسكندريه بس اعتقد انها مصيرها للادراج وده الي انا شفته مجرد ورقه روتينيه والله اعلم

العلاوة الدورية بتكون بعد مرور عام كامل من التعيين

لكن السؤال ليه متكونش المرتبات واحدة على مستوى الجمهورية باستثناء المناطق النائية التى يضاف لها بدلات أخرى ؟؟؟؟؟؟؟؟؟

العلاوة الدورية بتكون بعد مرور عام كامل من التعيين

لكن السؤال ليه متكونش المرتبات واحدة على مستوى الجمهورية باستثناء المناطق النائية التى يضاف لها بدلات أخرى ؟؟؟؟؟؟؟؟؟
دا يا استاذي بسبب اللامركزية كل محافظة ماشية بمزاجها

مش حنعرف مرتبنا كام الا بعد ما نستلمه في ايدينا
الاقوال كتيييييييييييييييييييير قوي وما حدش يعرف الصح فين

امال ايه ال 700 و 950 و ..........و ............. و ...........
و الله العظيم حرام و بالنسبة للى بيقولو كويس كده و كفاية اننا اتعيننا احب اقول لهم قولوا خيرًا أو اسكتوا و لا تكونوا كالجبناء و المنافقين الذين يثبطون عزيمة الآخرين و كفاية ان تلاميذكم اللى خدوا دبلوم و اشتغلوا فى أى محل مش شركة بياخدوا مرتب يعيشهم كبشر مش كحيوانات
ووالله ان المرتب ده لا يكفى حتى الحيوان و اللى عنده حمار أو حصان فى بيته يعرف ان كلامى صح
و حسبنا الله و نعم الوكيل