|
مشاهدة النسخة كاملة : سؤااااااااااال عشان خاطرى حد يرد ويساعدنى shimaa gooda 20-07-2011, 12:54 AM انا فى 2 ثانوى حاليا وجبت 93.9 ومحتاره موت ما بين علمى علوم ورياضه بس انا عايزه طب ومش عارفه هزيد ولا هقل ولا ظروفى ايه انا قصرت اوى السنه دى غير الظروف اللى حصلتلى وانا مش مرتاحه لرياضه مع العلم انى هبدأ النهارده فى صلاة الاستخاره ارجوكم ياريت لو حد فى طب ينصحنى انا اعرف ان فى ناس بتعلى فى 3 لو عندها طموح وانا نفسى فى طب اوى 1091993 20-07-2011, 10:13 AM انا جايب 94.6 ومحتار زيك بالظبط انا همووووووت واخش طب هل فى امل وانا اموت نفسى مزاكرة انين 20-07-2011, 02:05 PM اظن احسن ليكوا انتو الاتنين رياضة وكمان لازم تشدوا حيلكو السنة الجاية لان المجاميع نااااار فى سنة تانية ولو الامتحانات جات السنة الجاية بالطريقة دى هندسة ممكن 97 يا ريت ما تزعلوش من كلامى لكن دى شهادة لله 1091993 20-07-2011, 05:32 PM مهو اكيد الاحسن لينا طبعا العملى رياضة حتى مجموعنا مريح حبتين بس احنا بنتكلم هل فى امل لو دخلنا علمى علوم محمد عمر البوب 20-07-2011, 08:15 PM ليه التشاؤم شدوا حيلكم وربنا معاكم ningooooo 20-07-2011, 11:55 PM انسوا طب خالص لا يمكنكما الالتحاق بها نهائي علي اي حال من الاحوال في ظل هذه المجاميع الخرافية لكن ممكن احتمال ضعيف اسنان و احتمال اقوي صيدلة او علاج طبيعي و ده حسب مجهودكم و لن تستطيعوا الحكم الآن لان بالتاكيد كل واحد فيكم فاكر انه هياكل الكتب السنة الجاية لكن مع الوقت الشعور ده بيقل نصيحة مجرب ايشو بيشو 21-07-2011, 12:12 AM رياااااااااااااااااااااااااااااااااااااااااااااااا ضة طبعا مينفعش تكملوا علوم مع وجود المجاميع الغريبة السنة دي That's Me 21-07-2011, 12:21 AM طبعا علمي علوم وممكن تلحقوا صيدلة بسهولة ان شاء الله shimaa gooda 21-07-2011, 02:41 AM يعنى خلاص اتوكل على الله واخد رياضه shimaa gooda 21-07-2011, 02:52 AM طب يعنى اتوكل واخد رياضه د/ اسلام الحريف 21-07-2011, 06:26 AM انا كنت في ثانوية ازهرية السنة دي والحمد لله جبت 100.6% وهدخل الكلية اللي انا عايزها باذن الله, انت عارف ان احنا بناخد رياضة اتنين كلها والله رياضة اتنين سهلة جدا وانصحك بالنسبة لمجموعك رياضة امان نحن السابقون وانتم اللاحقون ان شاء الله انين 21-07-2011, 10:08 AM صلى صلاة استخارة واتوكلى ع الله وخليكى رياضة افضل بكتير ده وجهة نظرى moon2011 21-07-2011, 12:01 PM انصحكوا برياضة الطب ياجماعة عايز واحد دحيح او عبقرى حفظ وانتوا بمجموعكوا ده لو كنتوا جبتوا اخركوا يبقى صعب اوى تجيب مجموع اعلى ف 3 لان 3 اصعب من تانية اما لو مكنتوش جبتوا اخركوا يبقى فى امل بس مش عارفة مع المجاميع الغريبة السنة دى فى امل ولا لا اتمنى لكم التوفيق وصلوا استخارة shimaa gooda 21-07-2011, 04:11 PM طب مانا اعرف بنتين كانوا جايبين زيى و زيى الولد اللى بيتكلم اللى جايب 94 ونص والاتنين جالهم طب بس واحده دخلت صيدله والتانيه طب كمان انا لولا انى دخلت المستشفى قبل الامتحانات والظرف اللى حصلت ليا قبلها كمان كان ممكن اجيب احسن shimaa gooda 21-07-2011, 09:26 PM ياريت طلبه طب وهندسه بس اللى يردو مش اى حد 1091993 21-07-2011, 10:47 PM بصى انا زى ما قلتلك جايب 94.6 كلام الناس دى على دماغى من فوق وكل حاجة اكيد الافضل والاريح لينا فى المجموع العلمى رياضة احنا عارفين دا كويس جدا جدا لاكن احنا عاوزين علمى علوم عن نفسى انا هموت واخش طب او صيدلة انا اعرف ناس بردو جابو نفس مجموعنا وجة لهم مجموع طب وصيدلة دا نصيب يا جدعان انا عارف ان رياضة افضل ليا لاكن انا مايل للعلوم اكتر وفى امل 100 فى المية طالما ربنا موجود هموت نفسى السنة الى جاية وانشاء الله اقفل المواد كلها بعون الله انشاء الله وهكمل علمى علوم ممكن السنة الى جاية تيجى الامتحانات صعبة والتنسيق يتعدل وممكن يزودو عدد المقبولين فى كليات الطب محدش عارف fire king 21-07-2011, 10:56 PM بس ده في اي سنة تانية لكن السنة بتعتنا ديه مفتكرش انا جبت 95% وغالبا كده هكمل رياضة shimaa gooda 22-07-2011, 01:56 AM يعنى يا جماعه احنا لحد نص السنه كنا عارفين ان وزيرنا زكى بدر حد كان يعرف ان يحصل ثورة ويجيى واحد تانى كمان ايش ضمنكو ان الوزير ده يفضل انا يا جماعه صليت استخاره وارتحت لانى اكمل علمى علوم رغم ان الكل معارضنى وعايزة اخد قرار بقى لانى تعبت من كتر التفكير shimaa gooda 22-07-2011, 02:03 AM وتنسيق كل سنه يا جماعه بيكون مختلف عن اللى قبله وهو تنسيق العيال اللى فى 3 ثانوى هيكون تنسيقنا شوفتو سنه 2007 الامتحانات كانت تقريبا زينا والمجاميع عاليه موت وفى 3 كل العيال قلت بلا استثناء غير البنتين اللى قلت عليهم زادو رغم صعوبه الامتحاانات لانهم محطوش فى دماغهم بس هى كانت احياء اصلا من الاول shimaa gooda 22-07-2011, 02:16 AM يارب بقى صبرنى انا جبت اخرى والله وتعبت من كتر التفكير That's Me 24-07-2011, 03:00 AM الاخت الكريمة احب ان اعرفك واعرفكم بنفسي انا سني 30 سنة وحاصل علي بكالوريوس تجارة شعبة محاسبة والثانوية العامة الي حصلت عليها قديما كان مجموعي 91.5 و29 في الفيزياء وكنت في علوم القاهرة وتربية ولكن في النهاية انهيت كلية تجارة وراودني الحلم مرة اخي في الاعادة لدخول كلية الصيدلة وقمت بالاعادة بالرغم من ان كثير من الاعضاء هنا اعترضوا وقالوا انه لا توجد اعادة للثانوية ولكن بفضل الله فانه يمكن الاعادة فقط لكل من كان قبل سنة 2000 وكان ثانوية حديثة مثل حالي تماما وللأسف فقد قررت الاعادة في اواخر شهر 3 وبالطبع تطلب الامر مني حوالي الشهر حتي يعمل عقلي مرة اخري ويستوعب فكرة المذاكرة واحاول ان استرجع اللغات كالانجليزي والفرنساوي والنحو وبالرغم من اصابتي من صداع نصفي وكنت اتعالج منه وبالرغم من كل ذلك فقد توكلت علي الله وحصلت علي 91% في شهر ونصف وهذا بفضل الله وراودني نفس شعورك هل اكمل ام لا هل انتقل الي علمي رياضيات ام لا وسألت هنا في المنتدي في هذا الموضوع هل هناك فرصة (http://thanwya.com/vb/showthread.php?t=341740) وكان الرد لا بصرااااااحه مفيش امل متزعلش اممممممم علمى ريااااااااضه ممكن يس بتجدعن مثلا يوصل ل 95 كدااااااااااا ولكن ميولي ليست هندسية علي الاطلاق وبالرغم من ذلك سأتفائل تفائلوا بالخير تجدوه وسأكمل علمي علوم عسي ان احصل علي الدرجات النهائية بإذن الله فأمامي من الأن 10 شهور وليس شهر ونصف ولكن تأملي مجموعي 91 وانظري الي مجموعك ماشاء الله واعلمي جيدا انك اذا ذاكرتي من كتاب الوزارة اولا ثم حللتي اسئلته ثم الكتاب الخارجي وحللتي اسئلته ثم كتاب خارجي ثاني وحللتي اسئلته ولو هناك ثالث ثم دليل التقويم مع العلم مذاكرة المنهج مرة واثنان وثلاثة وقبل كل هذا الصلاة علي وقتها واتقي الله والدعاء في كل صلاة وكل شيء علي الله هين بعد كل هذا هل ستكملي علوم ام رياضة shimaa gooda 24-07-2011, 03:29 PM مش هقدر اجازف الصراحة المجاميع السنه دى عالية جدا ومحدش هيشجعنى والموضوع محتاج 100% فى سنه 3 لو تعبت قبل الامتحانات زى ماحصل السنه دى محدش هيسامحنى دى مجازفه وانا بردو مبكرهش الرياضه يمكن ربنا عايزنى ادخل رياضه وعيانى عشان اخش هندسه وانها افضل ليا .........لعلها خير مع ان كان حلمى الوحيد الحق طب x_hunter2008 25-07-2011, 02:12 AM انا فى راييى تكملى فى علمى علوم ولو مجتش طب عندك كليات تانية حلوة برده زى صيدلة واسنان وعلاج طبيعى وطب بيطرى |