يا جماعة انا عايزة استفسر على حاجة

انا جبت في تانية السنادي مجموع والله في درجات طارت انا موش عارفة ليه وموش كنت متوقعة كده خالص

بس يلا الحمد لله
مجموعي96.7
فكنت عايزة اعرف احول علمي رياضة ولا افضل زي ما انا

وكمان انا نفسي في طب ومن انا وصغيرة وبحلم بالحلم ده

ولو ممكن ايه المجموع اللي اجيبه في تالتة عشان الحلم ده

يا ربت تقولولي

والله مش عارفه انا تانيه
بس قولى الحمد لله لانه بجد كريم وانت لو
مظلومه فى ربع درجه خليكى متاكده انه هيعوضهولك

وحياتك انا موش مظلومة في ربع

انا مظلومة في 3 درجات 2 عربي 1 فرنساوي وموش غلطانه وكمان كنت طالعة مقفلة كله الا صارحة الكيمياء كنت غلطانه فيها

وكنت حاسبة درحاتها
الاقي البلاوي دي بعدين

ها يا جماعة ردوا عليا

الحكاية دى ياقمر مش هيعرف يحددها غيرك
شوفى انتى ميولك ايه

وسهل ان انتى تدخلى طب ان شاء الله
والمستوى بيزود كتييير

المهم شوفى انتى بتحبى تدرسى ايه
لأنك ممكن تدخلى رياضة ومش تعرفى تجيبى فيها مجموع
وف الاول والاخر حطى ف دماغك ان الكلية دى نصيب من عند ربنا

انا نفسي ادخل طب عشان بحبه جدااااااااااا

وبردو الحمد لله كويسة في الرياضة

ها قولولي الحل

لازم الاول تشوفي ترتيبك عالجمهورية وعلى محافظتك وعلى العلمي كام؟ لو كان ترتيبك اقل من 20 الف فأنتي كده تمام كملي ومتخافيش ولو ترتيبك فوق 20 الف بحاجة بسيطة يعني من 21 الى 30 فأنتي ممكن تعوضي لو شديتي حيلك بس لاحظي ان ترتيبك عالجمهورية بيشمل علوم ورياضة وادبي فبصي على ترتيبك على العلمي ولاحظي انه حيكون فيهم رياضة ده اولا

ثانيا بصي في منهج الفيزيا وشوفي حتقدري تجيبي عالي فيها ولا لأ . انا عارفة انها مشتركة في علوم ورياضة بس الاحياء عايزة مذاكرة اكتر من الرياضة لانها ايوة فهم بس الحفظ فيها كتير وضروري برضه فبتاخد وقت مذاكرة اكتر من الرياضة . فالرياضة ممكن توفرلك وقت اكتر لمذاكرة الفيزيا وممكن كمان تساعدك فيها

طيب ازاي ارف ترتيبي ده ؟

يا جماعة ردوا عليا

انا فعلا مضيقة ااااااااااااااااووووووووي وموش عارفة اعمل ايه


باالله ليكم اللي يرف يقولي

بصي يا قمر
دخلي رقم جلوسك هنا وهتلاقي كتبلك الترتيب( اضغط هنا ) وهيوديكي فصفحه تانيه
فيها ترتيبك ع الجمهوريه وعلي علمي وعلي محافظتك
فكري واستخيري ربنا وربنا يوفقك :)
كمان لو متاكده مية فالمية ان ليكي درجات افتحي ورقك
ومش تستخسري مجهود لان حرام كل نص درجه انتي اولي بيها
وانتي محتاجاهم فعلا عشان تدخلي طب ان شاء الله
يلا عايزين نقولك السنة الجية يا دكتور :)
http://www.elostaz.com/than2011.php

طيب

انا على اساس المجموع ممكن يدخلني طب او صيدلة ول لا

انا من رايي شوفى انت حبا ايه اكتر و توكلى على الله ولازم تكونى عارفة ان الامتحانات السنة الجاية مش هتيجى سهلة خالص !!!!! هنشوف العجب فى الفيزياء و الرياضة و الاحياء طبعا بس لو انت عايزة علم علوم لازم تذكرى و تجيبى 98 % و اكتر كمان !!!!!! الموضوع مش سهل و ربنا يستر انا جايب برده حاجة قريبة منك 96.1 % بس انا اصلا علم رياضة وربنا معاكى و ان شاء الله تدخلى الحاجة اللى انت عايزاها .......

واثقة من نفسك كملى فى اللى انت عايزاه و ملكيش دعوة بحد

بصى ...اول حاجة عشان تدخلى طب لازم تذودى ثقتك ف نفسك اكتر واكتر ومن كلامك اتضح ان ثقتك قلت شوية لانك مكنتيش متوقعة المجموع وكنتى عاوزة تعتمدى على مجموع اعلى يساعدك ف تالتة
اول حاجة لازم تصلى صلاه استخاره كل يوم بس يكون ف دماغك حاجة يعنى مثلا طب
تانى حاجة
تالتة مش زى تانية تالتة ثانوية بجد يعنى مش عاوزة اى استهتار خالص وعاوزة مذاكرة من اول دقيقة
تالت حاجة
المستوى الرفيه لازم تبداى فيه من اول السنة مش تسيبيه لاخر 3 شهور زى المعظم ما بيعمل وحطى فى دماغك انك عاوزة تقفليه
رابع حاجة
كل لما تزهقى فكرى ف حلمك اللى ممكن يطير عشان ربع درجة وممكن لو زهقتى من المذاكرة اقراى كتب تنمية بشرية او نزلى فيديوهات خصوصا للدكتور ابراهيم الفقى ....بجد هيشجعك اوى
خامس حاجة
مش كل شوية تفكرى ف الدرجات اللى اتظلمتى فيها ربنا عاوز كدا وانتى كدا بتعارضى مشيئة الله
ربنا هيعوضك اكتر واكتر
سادس حاجة
لو مستواكى قل ف الدراسة فكرى ايه اللى هيحصل لو مجبتيش مجموع عالى دا هيديكى حماس وذاكرى بعدها على طول
سابع حاجة
لازم ترضى باباكى ومامتك ....والله هما من اكبر عوامل التوفيق
وكمان قربى من ربنا اكتر واكتر
.................................................. .........
ربنا يوفقك وتحققى كل اللى تتمنيه وتبقى احسن دكتورة ف الدنيا

من الاخر والله نصيحة غالية جدا و حتدعيلي خشى علمى رياضة ليه بقى ؟؟؟؟ حقولك ليه

اولا انا لية واحد معرفة فى 2007 كان فى تانية ثانوى و جاب 97 فى المية بالرغم امتحاناتكوا اسهل منها بكتيييييييير

المهم دخل علمى علوم على اساس حتى لا قدر لو مش دخل الطب حيدخل صيدلة مستريح و 2008 كانت الفجيعة الكبرى امتحانات صعبة مووت و جاب فى الاخر 93 مش دخل بيهم حاجة و دخل صيدلة بفلوس

فانا بقولك هو حاجة من الاتنين

الاحتمال الاول و اللى بعتبره شبه اكيد امحاناتكوا حيبقى يوم ما نقول حلو حيبقى زى 2008 و لو مش عارفة امتحانات 2008 فى تالتة ثانوى حتعرفيها قريب اوى

الاحتمال التانى الضعيف الامتحانات حتبقى زى اى سنة عادية و ساعتها التنسيق حيبقى عالى جدا ممكن الطب مش حياخد اقل 99.5 و اظن انهم مش حيحطوا نفسهم فى الموقف دة ابدا لانك شايفة بالرغم امتحانات 2010 مش كانت سهلة ابدا و مع ذلك التنسيق بتاعهم السنة دى عالى اوى

خلاصة التعبير خشى علمى و رياضة و ذاكرى كويس اوى لانك حتخشى هندسة باذن الله و احتمال بالعافية

و على راى المثل عصفور فى اليد خيرا من الف على الشجر

اذا كان على الظلم فأنا أخدت الأحياء فى سنة تانية وكنت والحمد لله مذاكرها كويس جدا ودخلت الامتحان ومع انه كان صعب الا انى خرجت راضى عن نفسى حاسس انى لو نقصت هانقص نص درجة لكن و لسخرية القدر أنقص 2.5 و كل ده علشان حليت مسألة الوراثة بطريقة الكتاب المدرسى وكانت فى النموذج بطريقة تانية و مع ان حلى أصح بدليل انه هو اللى فى الكتاب وكمان الحلين يؤدوا الى نفس النتيجة.
اللهم لا اعتراض فقد قدر الله و ما شاء فعل

انالاقت ترتيبى على العلمى 46601 والجمهورية 47662 والمحافظة 6586 كدة كويس ولا بليز رد بسرعة

يا جماعة انا عايزة استفسر على حاجة

انا جبت في تانية السنادي مجموع والله في درجات طارت انا موش عارفة ليه وموش كنت متوقعة كده خالص

بس يلا الحمد لله
مجموعي96.7
فكنت عايزة اعرف احول علمي رياضة ولا افضل زي ما انا

وكمان انا نفسي في طب ومن انا وصغيرة وبحلم بالحلم ده

ولو ممكن ايه المجموع اللي اجيبه في تالتة عشان الحلم ده

يا ربت تقولولي


انا السنة اللي فاتت جبت زيك كدة والسنة دي المجموع الكلي 99 الحمد لله وعلمي علوم
بس برضه خايفة انك تكملي علمي علوم عشان المجاميع العالية كتيرة اوي يعني لو مستواكي 96.7 خليكي رياضة اما لو مستواكي اعلى وده حصل غصب عنك فان شاء الله تعوضي

كملى علمى علوم
وشدى حيلك شوية
وربنا يوفقك