يا جماعه انا مقرأتش كل التعليقات على التنسيق فى المنتدى و مش هقراها .. بس اولا نحسبها بالعقل سنه تانيه بعد الامتحانات قالوا فى كل الاخبار اسوأ نتيجة لمرحلة اولى على مر السنين تمام كده يعنى المفروض لو تالته جت مييه بردوا التنسيق ينزل .. قالك هندخل 15 % و لغينا الانتساب يعنى كده التنسيق لازم ينزل بردو .. قالك جابوا مجاميع كبيره طب معلش نحسبها بالعقل تانى سنه 2009 و 2007 و 2006 بالذات امتحانات مرحله اولى وتانيه جت سهله جدا و محدش اشتكى و بردو جه التنسيق معقول يعنى ايه حد ادنى 93.9 يعنى 94 % طب اللى موت نفسه فى تالته و جاب 94 زيى كده و جبت فى الكلى 90 ادخل ايه .. و انا متاكد و مع احترامى لكل الناس بفهم حاجات هندسيه و معمارية احسن من 100 واحد هيدخل القسم ده لمجرد انه بذل مجهود اكتر منى هو التعليم = مجهود دلوقتى !! .. انا اعرف واحد سورى يعى غبى جداا جدا و دايما بيغش و جاب كام !! .. جاب 93 يعنى ده يدخل حاسبات مثلا وانا ادخل معهد ولا اداب لو لحقتها و انا جايب 90 .. حاجة تانيه اللى بيرسم و اللى شاطر برمجه و هندسه ولكن لم يوفق فى الثانوى و جاب مجموع كويس بس مش 98يعنى جبت 90 ادخل كلية ادبيه و اقتل طموحى و واحد بيحفظ يدخل هندسه عشان حفظ جاامد او غش و جاب 95 !! هتقولى طب كنت ذاكر و اعمل مجهود .. يا اخى حصلت ظروف اى حاجة و فى تالته عوضت و جبت ال 94 .. كفايه انى فى الرياضه جبت الدرجه النهائية و اتظلم فى حاجات تانيه توقعنى كده .. بجد تنسيق غير متناسق و ناس بتحفظ محدش بيقيس قدرات حد او يبقى باقى على حاسبات 1 % .. يعنى هو اللى جاب ال 1 % ده عبقرى عنى .. طب اقسم بالله انا برسم رسومات هاتلى واحد فى بكلريوس فنون يعرف يرسمها .. و بعرف اعمل شغل عمارة و بشتغل برمجة من فترة كبيره جافا و معظم لغات البرمجه و مدخلش حاسبات او هندسه بجد تعليم بيقيس الحفظ و المجهود مش التفكير عشان مواد عقيمة و الناس بتحفظ و فيه اللى بيغش و يجيب مجموع الهندسه .. و ارجع اقول عسى ان تحبوا شيئا و هو شر لكم و عسى ان تكرهوا شيئا و هو خير لكم .. و تبقى الكلمة الاخيره .. الحمد لله على كل حااااال !! ور بنا مع الجميع

للأسف هي دي بلدنا وهو دة التعليم عندنا من سنين
تعليم يبقتل الطموح ويخلى الواحد ييأس من حياته ..
حد عمره سمع إن في طالب في أي دوله تانية انتحر بسبب الامتحانات
هل حد عمره شاف الجرايد في اي دولة تانية متحضرة بتعمل اللي بنعملوا ومانشيتات الجرايد في اوقات الامتحانات
بس عموما قدر الله وما شاء فعل وهو دة قدرنا
ربنا يسترها علينا ويعديها على خير بإذن الله ..
ونتمنى إن الأمور تتحسن للأجيال الجاية بإذن الله ..

والله العظيم كلامك عاقل جدااا وعندك حق فى كل كلمة قولتها
محدش فى البلد دى عارف هو عايز ايه
حتى اللى بيدخلوا طب وهندسة لو سألتهم دخلوها ليه مش هيعرفوا يردوا عليك
ركز انتا بس واعرف انتا عايز ايه بالظبط
وان شاء الله ربنا ينولك اللى فى بالك

rbna ye3awadk la2enni bgd fe nas matesta7a2sh eldaragat de we haya5do makani we makank rbna haygeblk nasebk we sada2ni enta law mada5ltsh handasa la kaddar allah elli enta bet3mlo da hatshtghl beh we ymkn mn delw2ti kaman we tb2a a7sn mn elli da5al mate3rfsh el5er feen we isa hated5olha enta bs 2ol ya rab :)ed3ili ana ad5ol alson b2a ana da3etlk keter :P :D

معاك حق فى كل كلمه قولتها !!!

ربنا يخليكم انا اطمنت ان كلامى صح و انى على حق .. بدات مؤخرا افهم ان مكنش ليا نصيب فى هندسه او حاسبات يمكن غيرى يستحقها او انا الخير مستنينى فى مكان تانى محدش عارف الخير فين .. انا فى كلمة حلوة اوى بقولها بتريحنى .. ( لعل فيه خيراا )
اكيد فرصتى والخير فى كلية تانيه اللى يقسم بيه ربنا انا راضى بيه .. فى النهاية : التحرير مستنينى يوم الجمعه كالعاده وقبله مقر الوزارة معايا لافتات محترمة اسلوبها راقى اعبر عن رايى و اللى جوايا .. اللى معايا يجى يراسلنى هنا و اللى مش هيجى و نفسه يعبر او نفسه ف حق .. يدعليى ..يكفينى الدعاء

سبحان الله كأنك بتتكلم بلسانى أنا نفس الموضوع بالظبط بارسم كويس جدا من وأنا صغيرة وكان نفسى أدخل هندسة مجموعى الكلى 92.7 وبردو خلاص أملى الوحيد دلوقتى بقى تجارة انجلش مع العلم انى بكره كل الكليات النظرية وبصراحة كان عندى أمل ف حاسبات مع انى معرفش حاجة ف الكومبيوتر غير النت بس كنت هادخلها علشان حرام أفرح بيها مامتى وبابايا حتى بجد كل املى كان انى أفرحهم !! .. واضح ان الثورة مغيرتش أى حاجة ف التعليم المصرى وهايفضل التعليم المصرى ف تخلف .. أنا والله تعبت .. قدر الله وما شاء فعل .. المهم دلوقتى مفيش غير ان احنا ندعى لبعض بظهر الغيب ان ربنا يدخلنا الكليات اللى احنا عايزنها ويفرح أهلنا اللى تعبوا معانا بيها

يا نسمه انا السنه دى كنت بطبق بالايام على الرياضه لحد ما جبت درجتها النهائية و مجموع تالته مقارب ل 95 % و فى الاخر ادخل معهد او اداب !! مش بقلل من شأن كليه بس انا واحد علمى و بحب الرياضه و الحاسبات ليه اتظلم فى كلية مش هتكون حياتى و غيرى حفظ او غش او بأى اسلوب دخل كلية عالية لمجرد ان مجموعه عالى مش شرط يكون بيفهم فيها .. توضيح اخير بس : حاولى تسحبى بكره استمارات فنون تطبيقية و تمتحنى او فكرى فى علوم رياضه ليها اقسام كتير : منها علوم الحاسب وتكنولوجيا المعلومات انا عن نفسى بفكر فيها و يارب تيجى يارب .. بس علوم محتاجه مجهود كبير زيها زى طب و هندسه فى المجهود عشان كلية علمية من الدرجه الاولى !

أنا بردو مقفلة رياضة 2 مع انى نقصت كتير ف رياضة واحد ..... ياريت كان ينفع المشكلة ان أنا من الفيوم ومش هاينفع أسافر كل يو م لفنون مع انى من عشاااااااااااااااق فنون جميلة وفنون تطبيقية وأنا كمان بنت وبابا رافض موضوع السفر تماما وأنا أصلا مكنتش هاعرف أسلك .. ربنا معاييييييييييييييييييييا لسه عندى أمل كبييييييييير ف ربنا

ربنا يكرمك يا نسمه و يجازيكى خير على مجهود السنه دى .. و يجازى كل اللى تعب بجد .. انتى شكلك حد تفكيره كويس والله ان شاء الله شايلك خير كبير ادعليى ربنا يوفقنى و الحق فنون او علوم رياضه لحسن هتعب نفسيا جداا لو دخلت كلية ادبيه !! يا رب استرها معااااانا

أنا لقيت فيه علوم رياضة دى هنااااااااااااا .. مش عارفة أقولك ايه والله خليت عندى أمل ف علوم رياضة دى وأول ما بابا وماما يصحوا هاقولهم عليها .. بس حضرتك معندكش فكرة بتاخد ف حدود كام؟؟

والله معظم تنسيقات السنين اللى قبل كده كانت بتاخد 88 او 89 فى الحدود دى مش اقل من 88 اعتقد ان شاء الله تجيلك يا نسمه .. مبروك مقدما بس تذاكرى فى علوم اول ب اول زيها زى طب وهندسه كلية تقيله محتاجه مجهود شوية و بالتوفيق و عاوز هديه عشان ظبطك و قولى لعمو انى قولتلك عليها ههههههههههههههههههههههههه يكفينى دعوه من القلب انى ألحق شئ كويس فى الخير ليا .. و ان شاء الله ربنا يوفقك .. :)

اقرى الموضوع ده يا نسمه هتلاقى فيه تحت شرح لاقسام علوم رياضه ..
http://www.thanwya.com/vb/showthread.php?t=341884

ربنا يكرمك .. ان شاء الله هاحط قسم رياضة ف دماغى لأنى بحب الرياضة جدا .. بس لازم أعرف الأول مجال شغلها كويس ولا لأ لأنى سألت دلوقتى قالولى هاتطلعى منها مدرسة .. ربنا يوفقك

انا عن نفسى يا نسمه واحد جارى كان فيها و كان شغال فى مجال الحاسبات فى شركة كده و سافر دلوقتى السعودية .. انا مش عاوز اعلقك بيها انا عجبانى عن نفسى و لو جتلى هدخلها ان شاء الله .. انما اسالى تانى و تالت قبل ما تختاريها عشان دراستها مش سهله .. و اى حاجة او سؤال انا موجود ان شاء الله :)

كلامك صح انا من احسن الناس في الرياضة والفيزياء بس الفرنساوي ضيعني هي دي مصر

انت كلامك صح مليون في الميه وان شاء الله ربنا مش هيضيع تعبك وتعبنا انا كمان ربنا ماردش اني اجيب مجموع عالي في تانيه وتعبت قوي في تالته والسنتين مجموعي89.7 وبعد التنسيق المزهل ده الباين من عنوانه الامل ضعيف جدااااااااااااااا:bosyht9: في حاسبات بس ان شاء الله هقدم علوم رياضه ويارب الحقها وان شاء الله اثبت نفسي وربنا يوفقنا الي ما يحبه ويرضاه

يارب انا كمااااااااان الحق عللوم رياضه و لو جت حاسبات الخرطوم هدخلها ههههههه ربنا يقدم ما فيه الخير و اشوفك فى علوم رياضه بقى معايا هههههههه يااااااااااااااااااااااااااارب وفقنا

http://img221.imageshack.us/img221/3043/almy.jpg
حد يفهمنى ايه التنسيق ده !!!!!

ايه دة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لقيته على موقع كده .. بس مندهش جدااا ده احنا ضعنااااا كده !!

ايه التنسيق ده ؟؟
ياجماعة لو مش موثوق يتشال احسن ونرتاح فى ناس بتجنن لما تشوف الحاجات دى
رجااااااااااء بعد اذنكم

ده تنسيق 2009

يا جماعة بالراحة فى اية .......هدو نفسكم وبلاش ترعبو بعض اولا مفيش حاسبات تاخد اكتر من 90 ليه يعنى
وفوق كل دة مجميع تالته مش مر تفعة زى تانية....يعنى انتو عملتو اللى عليكو ليه بقى تحملو نفسكو اكتر من طاقتكم....انتو فى اجازة مش كفاية سنتين شايلين هم المجموع متحطوش كل حاجة على دماغكم التنسيق دة والكليات دى حاجة انتم ملكوش فيها دى بتاعة ربنا ..........اظن انكم فهمتم كلامى............ربنا يعينكم ويوفقكم للى فيه الخير ليكم...سلالالالالالالام

عشان كدة هنفضل دولة متخلفة !!!!!!!

المفروض كل كلية و ليها متطلبات

مثلا اقل متطلبات لطب
كيميا 47
احياء 48
انجليزي سنتين 22
و باقي المواد المهم ناجح

اقل متطلبات هندسة

انجليزي سنتين 22
رياضة تانية 49
رياضة تالتة 47
فيزيا 46
كيميا 43
و يكون ناجح في باقي المواد

قصدي كل كلية و اهم حاجة المواد الي هيستفيد منها الطالب في كلية ...مثلا عربي و فرنساوي الطالب المهم ينجع لانها اصلا مواد للادبي

:::::::::::::::::::::::::::::::::::::::::::::::
لو طبقنا النظام ده هتلاقي عباقرة في هندسة
و دكاترة بجد في طب

مش الي حافظ يخش

السلام عليكم
الموضوع دة بجد فعلا بيعبر عن ناس كتير انا واحد منهم انا كنت جايب في تانية ثانوي 84.15% و جبت في تالتة ثانوي 95.6% كدة المجموع الكلي 89.9% مقفل رياضة2 و مقفل اقتصادواحصاء على الرغم من اني كنت ضايع في رياضة 1 و كان نفسي ادخل هندسة على اساس الكلام الي كان من 3 اسابيع ان الهندسة حد ادنى 88.5% فاكرين الكلام دة و ان شاء الله ربنا يوفقنا
ان الله لا يضيع اجر من احسن عملا

ربنا معانا
يا رب ارزقنا الخير يا رب العالمين في اي كلية هي مقدرة لنا
و ابعدعنا الشر

يا رب ندخل كلنا الكليات التي ترضي أهلينا و ترضينا و ترضيك قبل كل شئ
يا رب يكون الكلام على التنسيق ده غلط يا رب
مش مقنع أصلا يعني ايه حد أدني 94% ؟؟؟؟؟
بالذات السنة اللي فاتت كتييير وي كان ناقص عن التسعيين
ايه رأيكو؟؟؟

ده تنسيق
2009

اولا تعليق علي الموضوع
-هي دي البلد اللي اتغيرت قبل الثورة اللي بيحفظ حلو يدخل الكلية اللي هو عايزها
وبعد الثورة برده اللي بيحفظ حلو يدخل الكلية اللي هو عايزها
وانا زيكم درجات كويسة في الرياضة والمواد العلمية
والمواد الادبية (لا تعليق)
_ثانيا تعليق علي التنسيق
ربنا يرحمنا ويقدم لكل واحد اللي فيه الخير

يا جماعة دي كلها توقعات ..ولا واحدة منها مبنيه علي اي اساس علمي
يعني محدش ياخذ بيها... علشان متتعبوش وتخافوا
يعني اصبروا شويه.. علي ما التنسيق ينزل
وبلاش تمشوا ورا كلام كل واحد مش كل من هب ودب يدخل يقولو كلمتين جم علي بالوا.... تصدقوه
الصبر.... انما الصبر جميل... فالصبر مفتاح الفرج... شكرا