مشاهدة النسخة كاملة : please help drEslam_Tourism


ايمان هارون
20-07-2011, 01:35 PM
ممكن تساعدنى انا لوفعلن دخلت المنوفية انا بقا عاوز اعرف كل حاجة عنها يعنى اللغات وكدة وهل هى كلية كويسة ام لا يعنى اكمل سنة واحول ولة اية نظامها انا عاوز اعرف من حضرتك اكيد ليك خبرة وتعرف كل حاجة عن كل الكليات بجد ساعدنى هى فيها لغات ولة اية زى اسكندرية بتبق كام لغة واجبارىجزاك الله خيرا ولو حد يعرف اى معلومة يقولها انا بنها يعنى انا كدة كدة توزيعى هناك قبل حلوان اغيثونى بقا بشوية معلومات بدخل مغير هدفى خالص

Eslam_Tourism
20-07-2011, 07:34 PM
كلية السياحة فى المنوفية بتقع فى مدينة السادات والتخصص فى الاقسام بيبقى من سنة تانية يعنى هتدرسى شوية مواد فى سنة اولى وعلى حسب تقديرات المواد بتدخلى القسم فى تانية وقسم دراسات سياحية بياخد من تقديرات قليلة عادى .

والكلية منقدرش نقول وحشة وفى نفس الوقت منقدرش نقول جامدة اوى يعنى وسط , بس طبعا سياحة حلوان احسن منها

بالنسبة للغات الصراحة انا معرفش فى المنوفية فيها لغات اية , بس الكلية من زمان واكيد فهيا لغات كتير .

ايمان هارون
20-07-2011, 10:09 PM
مشكوووووووووووووور بس فى سؤال انا اقدر احول تنسيق بالاخص ان حلوان اقرب فى المسافة ليه من حلوان

ايمان هارون
20-07-2011, 10:11 PM
من المنوفية

Eslam_Tourism
20-07-2011, 10:57 PM
بصى التنسيق ليه قواعد خاصة بالتوزيع الجغرافى لازم ترضى بيها والجامعات اللى ممكن تدخليها فى التنسيق على 3 مجموعات :

مجموعة (أ) إجبارية: وهي الجامعة أو الجامعات الأقرب لإدارته التعليمية، وفى بعض الحالات تكون أكثر من جامعة لأن إدارته التعليمية تقع في حيز متساوي المسافة من الجامعتين.
مجموعة (ب) إجبارية بعد استكمال الاختيارات في المنطقة (أ): عدة جامعات تقع ضمن حيز الإدارة التعليمية للطالب ولا يوجد فرق في اختيار أي منها قبل الأخرى.
مجموعة (جـ): باقي الجامعات التي بها كليات لهذا القطاع، يسمح للطالب باختيار أي منها وتعتبر متساوية، حيث أنها جميعا تبعد عن محل سكنه وإدارته التعليمية.


وانتى من بنها يعنى لازم تكتبى اول رغبة سياحة وفنادق المنوفية ( اجبارى ) لانها مجموعة ( ب ) اما جامعة حلوان مجموعة ( ج ) وده من جدول التوزيع الجغرافى اللى فى مكتب التنسيق .

يعنى من الاخر مينفعش تروحى حلوان السنة دى الا فى حالة واحدة لو المنوفية خدت اكتر من مجموعك وحلوان خدت من مجموعك .

ايمان هارون
21-07-2011, 01:07 AM
طب انا لو حولت اعمل تحويل بعد اول سنة ينفع يعنى ممكن اقضى سنة هناك وبعدين احول حلوان عادى ولة دة كمان مش نافع

كينج اوف كينجس
21-07-2011, 03:39 AM
السنه اللي فاتت سياحه المنوفيه واخده اعلي من حلوان في المجموع ولو مش محموعك جايبها وجايب حلوان اكيد تروحي حلوان ولو مش جايب حلوان كمان روحي اي كليه تانيه وبعد كده زي ماقلتلك حولي