khalid2222
20-07-2011, 05:55 PM
السلام عليكم ورحمة الله وبركاته
ارجوكم ان تجاوبوا عليا
انا ان شاء الله عايز اقدم في جامعة الاهرام الكندية أو أي معهد عالي للهندسة
فكنت عايز افهم التقديم ازاي
بمعني هل اذهب مباشرة للجامعة او المعهد {لأنها ليست حكومية} أم اكتب في التنسيق الرغبة؟؟؟؟
وان لا قدر الله التنسيق اختارلي حاجة تانية هل ينفع اقدم للجامعة الخاصة برده بدون الاهتمام بالتنسيق؟؟؟؟؟
وأخيرا
أقدم أمتي في التنسيق لأن مجموعي 80% علمي رياضة ومش عارف اقدم امتي؟؟؟؟؟
وجزاكم الله خيرا
hebaez
21-07-2011, 03:05 AM
انا برده هقدم ف معهد او كلية خاصة ورحت معهد طيبة قالولى انى انتظر اما التنسيق ينزل زاكتب الرغبات واكتب المعهد اللى انا عاوزه واما يجيلى طلب الترشيح اروح بيه للكليه واقدم فمش كل الكليات زى بعضها لان فى كليات او معاهد معتمدة وف معاهد لا
XxScarnetxX
21-07-2011, 08:25 PM
بص يا برنس
لو هتقدم في جامعة خاصة بتروح تقدم في الجمامعة على طول و بيبقى معاك بيان النجاح و شهادة ميلادك و صورة البطاقة
أما لو هتقدم في معهد عالي فده بيبقى من خلال التنسيق و بتصور الصفحة اللي بيتكتبلك فيها انك اتقبلت و بتاخدها مع نفس الورق اللي فوق
و بالنسبة لحوار التنسيق طالما مقدمتش ورقك خلاص بس برضه تروح تسأل فيها الجامعة اللي هتقدملها و عامة الجامعات الخاصة بيسهلولك معظم الإجراءات
بس الكلام ده لو هتقدم في جامعة بس لو معهد يبقى لازم تغير من مكتب التنسيق بعد ما يتفتح باب التحويل
و بالنسبة لمجموعك انت غالبا هتخش مرحلة تانية
khalid2222
23-07-2011, 04:36 AM
انا برده هقدم ف معهد او كلية خاصة ورحت معهد طيبة قالولى انى انتظر اما التنسيق ينزل زاكتب الرغبات واكتب المعهد اللى انا عاوزه واما يجيلى طلب الترشيح اروح بيه للكليه واقدم فمش كل الكليات زى بعضها لان فى كليات او معاهد معتمدة وف معاهد لا
شكرا جزيلا جزيلا لردك
بس سؤال لو سمحتي لو مثلا انا كتبت في الرغبات اسم المعهد واختارولي حاجة تانية مثلا هل معني كده خلاص ماينفعش ادخل المعهد ؟؟؟؟
ام اني اخذ طلب الترشيح واذهب للمعهد بأي حال ؟؟؟
khalid2222
23-07-2011, 05:15 AM
بص يا برنس
لو هتقدم في جامعة خاصة بتروح تقدم في الجمامعة على طول و بيبقى معاك بيان النجاح و شهادة ميلادك و صورة البطاقة
أما لو هتقدم في معهد عالي فده بيبقى من خلال التنسيق و بتصور الصفحة اللي بيتكتبلك فيها انك اتقبلت و بتاخدها مع نفس الورق اللي فوق
و بالنسبة لحوار التنسيق طالما مقدمتش ورقك خلاص بس برضه تروح تسأل فيها الجامعة اللي هتقدملها و عامة الجامعات الخاصة بيسهلولك معظم الإجراءات
بس الكلام ده لو هتقدم في جامعة بس لو معهد يبقى لازم تغير من مكتب التنسيق بعد ما يتفتح باب التحويل
و بالنسبة لمجموعك انت غالبا هتخش مرحلة تانية
شكرا جزيلا علي ردك الاكثر من مفيد
وان شاء الله الصبح كده هاطلب الجامعة وابقي اروح اقدم هناك