مشاهدة النسخة كاملة : اكمل علمى رياضة ولا احول
hamada966 20-07-2011, 09:11 PM يا جماعة انا جبت 85.5% بسبب الكيمياء الى نقصيتنى 20 دجة وبكدة لو عايز اخش هندسة لازم اجيب 102%فى تالتة يعنى 210 من 205 السنه الى جايه وده شبه مستحيل علشان يبقى مجموعى الكلى 94 % وسئلت على الاعادة فى المدرسة وفى الادارة وعلى الموقع الوزارة على الفيس بوك كلهم قالو مفيش اعادة ولو عايز احول صنايع ميكانيكا واعمل معادلة علشان اخش هندسة لاز اعيد من اولى فى صنايع يعنى ابقى ضيعت 3 سنين ولو حولت ادبى ممكن ازود المجموع شوية واخش تجارة انجلش ولا حاجة بس انا كان حلم حياتى انى اخش هندسة ومبحبش الحفظ فانا مش عارف اعمل ايه ؟ وكمان الحد الادنى للمرحلة الاولى اتحسم خلاص السنة دى ب93.9 % والسنة الجاية هيبقى قريب من كده يعنى لو جبت 92 مش هلحق هندسة برضة
love ur life 20-07-2011, 09:18 PM السنه دي مجمعكم عاليه جدا جدا
انا بسمع مجاميع خرافيه بصراحه احسن من السنه بتاعتنا بكتير
97% ..99% ..98%
وهكذا
بصراحه مش عارفه بس فرصتك ادبي احسن
بس لو مصمم ع هدفك استخير ربنا
وكمل ...
......
بس متهيالي فرصه ادبي هتكون افضل
ABO 3LAA 15-08-2011, 05:28 AM نا برده جبت 70 ومعرفش ممكن الحق كليه كويسه ولا
Dr NoOda 15-08-2011, 05:30 AM لا ظني ادبي طبعا احسن
فرصة هندسة يمكن تكون بسيطة
وقبل كل شئ الاستخارة اهم حاجة
MuHaMeD kHaLeD 15-08-2011, 06:05 AM حول يا معلم و ربنا معاك بس لو ناوي علي هندسة خاص كمل
Analyzer.Mn3m55 15-08-2011, 06:07 AM ههههههه بص من الاخر انا كنت زيك فى تانيه و كملت علمى رياضه و جبت فى تالته 95 %
بقى كله 90 % و مدخلتش تجارة انجلش على درجة !!! و اللى اقل منى ب 80 درجة والله من ادبى دخل و انا لآ
عموما انا شايف انك لو ماشى فى الادبى و كده حول وريح دماغك يمكن تجيب 98 تخش اعلام او تجارة انجلش مرتااااح
للعلم : انا دخلت تجارة خارجية فى الاخر فضلتها على علوم :d
ƒàяàωℓà 15-08-2011, 06:44 AM انا كنت زيك كدا بالظبط
نصيحة مني حول ادبي و فرصتك هتبقا اكتر بكتير
إلا لو نفسك في كلية علمي رياضه و ممكن تدخلها خاص يبقا كمل
غير كدا نصيحة من مجربة لا حول ادبي !!
frygl 15-08-2011, 08:51 AM أول حاجة : أنا كنت زيك برده بقول أنى مبعرفش أحفظ و أن الفهم أحسن ليا , بس توصلت أن مفيش أى دراسة تنفع من غير حفظ
يعنى مثلا الفيزياء فى 3 ثانوى نسبة الحفظ فيها كبيرة أوى
و حتى الرياضة م أنت فى الأخر لازم تحفظ القوانين و طرق حل المسائل.
فلازم تفهم أن مفيش حاجة أسمها أنا بفهم و مبعرفش أحفظ أو العكس
أنت بتعمل الحاجتين مع بعض بنسب متفاوتة حسب المادة و حسب الشخص.
تانى حاجة : أحسن حاجة تحول أدبى و أن شاء الله تلحق تجارة و لو ذاكرت أكتر تجيلك تجارة أنجلش أن شاء الله .
دى وجهة نظرى
بالتوفق
واحده من الناس 15-08-2011, 09:15 AM نصيحه اخت
كمل رياضه لو شايف نفسك هتتجدعن يبقى كمل المجال اللى نفسك فيه وار
مى الدنيا والناس وكل حاجه ولا ضهرك
يكفى ان رياضه هتخلى دماغك بيفكر دايماً
والله اعلم ايه ممكن يحصل يمكن تبقى تدخل هندسه خاص
بس لو مش ناوى تجيب 102 % زى ما بتقول يبقى حول احسنلك
لأن اعتقد لو قليت فى المجموع الكلى عن 90% او اكتر فى سنتكوا دى
احتمال كبير مش تلحق تجاره واللى بعد تجاره كلوا مواد ادبيه
وصلى استخاره وربنا يوفقك ..,
helmyfekry 15-08-2011, 09:40 AM لو عندك خلق تذاكر تاريخ وفلسفه يبقي اانصحك تحول ادبي احسنلك انما لو مبتحبش المواد دي وميولك رياضه وفيزياء يبقي خليك في علمي بدل ما تروح ادبي ومتعرفش تجيب مجموع في المواد اللي انت مبتحبهاش دي وبالتالي زودت الطين بلة
as.smsm 15-08-2011, 10:33 AM بردو-الموضوع-مش-بحب-ومبحبش-شوف-تنسيق-علمى-عالى-جدا-والله-وفرق-كبير-جدا-عن-ادبى-يعنى-صحابى-جابو-84-وملحقوش-اى-حاجه-لا-تجاره-ولاا-اداب-ولا-حتى-حقوق-واخرها-هتدور-على-معهد-يعنى-من-الاخر-لو-مش-هتخشها-خاص-يبقى-علطوووووووول-على-ادبى-ولازم-بقى-تحب-المواد-عشان-دا-مستقبلك-بدل-ما-تكمل-فى-علمى-ويضيع-خالص-وطبعا-فى-الاول-والاخر-لازم-استخاره-عشان-ربنا-ينور-الطريق-وربنا-معانا-كلنا
zamalek1 15-08-2011, 01:29 PM خليك زى منتا وادخل كلية العلوووووووووووووم من وجهة نظرى هتبقى افضل كلية خلال المرحلة الجاية او كمل زى منتا وادخل كلية الاداب شعبة الجغرافيا والمساحة الجغرافية تقريبا هتبقى مهندس مساحة واسال برضه انا زيك تقريبا جايب 88% واللى وقعنى الفرنساوى بس ناوى باذن الله اكمل علمى علوم وباذن المولى ادخل كلية العلوم واعمل اللى انت عاااااااااااااااااااااااااااااااااااااااااايزه كل واحد يغنى على ليله
مجروح من الزمن 15-08-2011, 03:43 PM خليك زى منتا او حول علمى رياضة
وهات مجموع كويس 92% مثلا
وتجيب كلية علوم انشاء الله
NaZi Führer 15-08-2011, 06:34 PM بص لو ناوي تكمل رياضة يبقي حاجة من 5من وجهة نظري همالافضل :
1 - ان التنسيق يقل او انت تعمل المعجزة و تجيب المجموع دة و تخش هندسة حكومي
2- لو حالتك المادية كويسة مش حقول عالية ممكن تخش معهد هندسة خاص بيعمل شهادة معادلة لبكالوريوس الهندسة الجامعي فيه اللي مصاريفه غالية و فيه اللي حنينة شوية
3- الكلية الفنية العسكرية لو عرفت تشد حيلك و توصل ل90 بس مش اكتر و حتطلع مهندس بس عسكري
و الكلية ليها مميزات كتير جدا منها انك بتاخد شقة بعد اول سنة دراسة و بتضمن انك تتعين بعد التخرج
غير العلاج المجاني في المستشفيات العسكرية و النوادي ببلاش و غيرها من المميزات
بس طبعا في الاخر دة جيش
يعني عشان توصل لدة لازم تبقي قدها
4 - كلية العلوم قسم جيولوجيا او جيو فيزياء او جيو كيمياء
الاقسام دي بتيح لك العمل في شركات البترول و خصوصا قسم الجيولوجيا بتبقي فرصتك كبيرة جدا
او قسم فيزياء نووية نفس دراسة الهندسة النووي
5- كلية فنون جميلة عمارة او كلية فنون تطبيقية و دول لازملهم اختبار قدرات و كدة
Engineer .. 15-08-2011, 08:35 PM كمل رياضة يابني يا عالم ممكن تنزل المجاميع ولو منزلتش قدامك حاسبات ومعلومات أو هندسه خاصة الدنيا بخير يعني
ما تقلقش بس شد حيييييييييييييييييييلك أوي وافهم الفيزيا
tony albert 15-08-2011, 10:37 PM بص انا جايب 89% وهكمل رياضة وناوي انشاء الله علي هندسة ولو محصلتش يبقي معهد مساحة سنتين ودة معهد سهل جدا جدا تجيب امتياز وبعد كدة تكمل هندسة وتاخد الشهادة دي بقي الخطة اللي في دماغي وربنا معاك ويرشدك علي الصح
Saifallah 15-08-2011, 11:35 PM حول ادبي احسن
يحسن تندم زي ما احنا اندمنا
issac-newton 16-08-2011, 01:39 AM لو ناوي هندسة حكومي ما تكملش ,
لو خاص كمل
تحياتي
|