مشاهدة النسخة كاملة : ودلوقت بس اتنورنا .. أسباب تأخير تنفيذ القرار 244 بالشرقية


عابدين مدرس لغة عربية
20-07-2011, 11:41 PM
سببان أساسيان :
الأول - استبعاد أكثر من 160 متعاقد ثبت أنهم قاموا بالتزوير فى أوراقهم .
الثانى والأهم - القيام بإعادة توزيعنا مرة أخرى على الإدارات التى يوجد بها عجز وخاصة الصالحية والحسينية ..

وهذا يعى الآتى :
1- تعيينك مش هيكون فى إدارتك أو مدرستك اللى انت سديت فيها العجز طوال السنين الماضية .
2- هتروح إدارة تانية هتبعتك طبعا على أبعد المدارس اللى فيها عجز .
3- هتقعد هناك فترة طويييييييييييلة .. أربع أو خمس سنين ، وبعد ما ترجع إدارتك تانى تروح الإدارة حدفاك من جديد على أبعد مدارس بردو فيها عجز ..
يعنى قدامنا حوالى عشر سنين كمان لحد ما نستقر فى مدارس قريبة شوية من بيوتنا ..

الاقتراحات والتوصيات :
1- ان احنا نولع فى أنفسنا .
2- ان احنا نبعت انفسنا على ميدان التحرير .
3- ان احنا ننام قدام المحافظة .
4- ان احنا نستسلم وننفز وأمرنا لله .

محمد السويركى
21-07-2011, 12:26 AM
لا لا
اشك فى الكلام ده طبعا
انو لو كده كان اتعمل مع اللى اتثبتو قبلنا

روان2006
21-07-2011, 12:27 AM
اولا محدش زور في ورق فينا ناس قدمت افادة انها في سنه تانيه تربوي ونيل جادو وافق ثم رجع في كلامه زي العيال الصغيرة وخاف من الادارات التانيه
تانيا العدد 186 وليس 160
ثالثا المشكله ان نبيل جاددو خد اسماء من اللي قدموا بالافادة وقام بتعينهم علي درجه معلم وناس لسه واخدين التربوي على سنه ولم تظهر نتيجة التربوي ليهم بعد وايضا عينهم على معلم
ومعايا اسماء المستبعدين اللى منهم تربويين بالفعل واللى حاصل على مؤهل تربوي
وكذلك معايا اسماء الذين اتعينوا بالمخالف واللى الاستاذ نبيل قال دول معاهم تاشيرات خاصه

روان2006
21-07-2011, 12:31 AM
اما بالنسبه للنقل فقالوا هياخدوا اقل التقديرات في الكشوف علشان محدش يشتكي وهيكون انتداب فقط

winwaw
21-07-2011, 12:33 AM
يا ترى الكلام دا توقعات .. ايه مصدر الكلام دا ؟؟
ومين نبيل جادو دا ؟؟؟؟؟؟؟

روان2006
21-07-2011, 12:40 AM
مصدر الكلام دة انا وزملائي اللي كانوا في المديريه واللي راحوا عند الوزير النهاردة
ونيل جادو مير الاكاديميه فرع الشرقيه
وعلى فكره احنا ادارة ديرب نجم واحنا الوحيدين اللي بتحرك
وعندنا ميعاد مع الحاكم العسكري بكرة ان شاء الله
وعلى فكرة احنا قدمنا شكوى في النيابة الاداريه امبارح في الاستاذ نبيل والاستاذ محمود العريني واتصلوا بينا النهاردة وحددوا لنا ميعاد مع المستشار احمد بيه الطيب رئيس النيابه يوم الاربعاء المقبل الساعه العاشره صباحا

عابدين مدرس لغة عربية
21-07-2011, 08:08 AM
اما بالنسبه للنقل فقالوا هياخدوا اقل التقديرات في الكشوف علشان محدش يشتكي وهيكون انتداب فقط

شكرا على التوضيح
وأنا حاسس إن العريتى دا هو سبب المشاكل كلها .. منه لله وحسبى الله ونعم الوكيل
إيه اللى ممكن نعمله لمنع المهزلة دى ؟؟

اشرف البدوى
21-07-2011, 08:59 AM
ايه الاخبار النهارده

يوم السبت والاحد اجازه

وياعالم الاسماء هتنزل امتى

وحسبى الله ونعم الوكيل

محمد احمد عطيه
21-07-2011, 11:01 AM
احنا فعلا يا جماعة سمعنا كلام كتير فى الموضوع ده وفعلا احنا سمعنا ان اللى خلى الاسماء متاخره ان فى ناس مزورة فى شهادة التربوى ودخلوا امتحان الكادر وهما مالهمش حق الدخول وعلى راى المثل خليك ورا الكداب وربنا يسهل

زكى أحمد
21-07-2011, 11:45 AM
يا جماعة اصبروا انتم اتعينتوا خلاص فاضل ايه .......... استكمال الملفات وقيامك بالعمل على الدرجة الجديدة

winwaw
21-07-2011, 12:32 PM
مصدر الكلام دة انا وزملائي اللي كانوا في المديريه واللي راحوا عند الوزير النهاردة
ونيل جادو مير الاكاديميه فرع الشرقيه
وعلى فكره احنا ادارة ديرب نجم واحنا الوحيدين اللي بتحرك
وعندنا ميعاد مع الحاكم العسكري بكرة ان شاء الله
وعلى فكرة احنا قدمنا شكوى في النيابة الاداريه امبارح في الاستاذ نبيل والاستاذ محمود العريني واتصلوا بينا النهاردة وحددوا لنا ميعاد مع المستشار احمد بيه الطيب رئيس النيابه يوم الاربعاء المقبل الساعه العاشره صباحا

اشكرك استاذة روان على الايضاح بالتوفيق للجميع انشاء الله

Othman Sobbagh
21-07-2011, 12:50 PM
لو حصل ونقلوا واحد من مدرسته هتعمل مشاكل الدنيا كلها عشان هما بتوع الابتدائى اللى اشتغلوا بعدنا بخمس سنين أو أكثر أحسن مننا ولا أحنا ولاد كلب بيمرمكوا فينا ليه كده
هيكون هناك رد فعل عنيف مش طبيعى

eslamic
21-07-2011, 01:26 PM
بصراحة انا شايف الموضوع ابسط من كدا
ابسط حاجة انكو تتطالبو تتعينو في نفس أماكنكم أسوة بالزملاء الي اتعينو في 1/3 لإن احنا اتعينا كل واحد في مكانه
بس براحة الله يخليكو أحسن يقلب علينا احنا كمان ويقوم يعيد توزيعنا

meslmat
21-07-2011, 02:24 PM
اولا محدش زور في ورق فينا ناس قدمت افادة انها في سنه تانيه تربوي ونيل جادو وافق ثم رجع في كلامه زي العيال الصغيرة وخاف من الادارات التانيه
تانيا العدد 186 وليس 160
ثالثا المشكله ان نبيل جاددو خد اسماء من اللي قدموا بالافادة وقام بتعينهم علي درجه معلم وناس لسه واخدين التربوي على سنه ولم تظهر نتيجة التربوي ليهم بعد وايضا عينهم على معلم
ومعايا اسماء المستبعدين اللى منهم تربويين بالفعل واللى حاصل على مؤهل تربوي
وكذلك معايا اسماء الذين اتعينوا بالمخالف واللى الاستاذ نبيل قال دول معاهم تاشيرات خاصه



جزاكم الله خير روان
ولكن ما معنى الاستاذ نبيل قال دول معاهم تاشيرات خاصه

عابدين مدرس لغة عربية
21-07-2011, 03:24 PM
بصراحة انا شايف الموضوع ابسط من كدا
ابسط حاجة انكو تتطالبو تتعينو في نفس أماكنكم أسوة بالزملاء الي اتعينو في 1/3 لإن احنا اتعينا كل واحد في مكانه
بس براحة الله يخليكو أحسن يقلب علينا احنا كمان ويقوم يعيد توزيعنا

آآآه .. انتو خايفين على أنفسكو ..
بصوا بقى .. لنعيش عيشة فل لنموت احنا الكل ..
هههههههه .. طبعا أنا بهزر عشان اخفف من حدة الهم اللى احنا فيه ..

dr.gody
21-07-2011, 03:26 PM
:bosyht9:أحنا التوجيه قال لنا ان مع بداية العام الدراسى الجديد سوف يتم اعادة توزيع واللاى معاه واسطة ما يخفش هيفضل اكيد فى مكانه والا معهوش

عابدين مدرس لغة عربية
21-07-2011, 05:18 PM
:bosyht9:أحنا التوجيه قال لنا ان مع بداية العام الدراسى الجديد سوف يتم اعادة توزيع واللاى معاه واسطة ما يخفش هيفضل اكيد فى مكانه والا معهوش

جميل جدا .. هى دى بقى الشفافية !!!

مريم عمرى
21-07-2011, 10:28 PM
اولا محدش زور في ورق فينا ناس قدمت افادة انها في سنه تانيه تربوي ونيل جادو وافق ثم رجع في كلامه زي العيال الصغيرة وخاف من الادارات التانيه
تانيا العدد 186 وليس 160
ثالثا المشكله ان نبيل جاددو خد اسماء من اللي قدموا بالافادة وقام بتعينهم علي درجه معلم وناس لسه واخدين التربوي على سنه ولم تظهر نتيجة التربوي ليهم بعد وايضا عينهم على معلم
ومعايا اسماء المستبعدين اللى منهم تربويين بالفعل واللى حاصل على مؤهل تربوي
وكذلك معايا اسماء الذين اتعينوا بالمخالف واللى الاستاذ نبيل قال دول معاهم تاشيرات خاصه


طيب لو سمحتى يأخت روان تقوليلى الاسماء المستبعدة اعرفها ازاى لانى خايفه اكون منهم من فضلك ردى عليا

osama81
22-07-2011, 05:41 PM
ازيك يا عابدين عامل ايه
انا اسامة صبحى
ايه يا عبد الكلام الجامد ده

أبو الزهراء83
22-07-2011, 06:35 PM
يا استاذ عابدين انا تاكدت من التوجيه انهم فعلا وزعونا على مدارس المرحلة الابتدائية انا مدرس لغة عربية اعداى لازم نعمل حاجة
انا اتصلت بكل اللى اعرفهم من زملائنا ولازم نروح للمحافظ يوم الاثنين ولازم ننسق مع بعض لاننا حوالى خمسين معلم لغة عربية فى فاقوس لازم الكل يجمع

عابدين مدرس لغة عربية
22-07-2011, 07:36 PM
يا استاذ عابدين انا تاكدت من التوجيه انهم فعلا وزعونا على مدارس المرحلة الابتدائية انا مدرس لغة عربية اعداى لازم نعمل حاجة
انا اتصلت بكل اللى اعرفهم من زملائنا ولازم نروح للمحافظ يوم الاثنين ولازم ننسق مع بعض لاننا حوالى خمسين معلم لغة عربية فى فاقوس لازم الكل يجمع

حضرتك اتأكدت من مين ؟؟ الأقوال ما زالت متضاربة ..
بس لو كان دا صحيح يبقى خلاص .. ما عاد فى قوس الصبر منزع .. لازم نتحرك بالتنسيق مع بعضنا ..
احنا معانا الحق .. احنا اتعاقدنا الفترة اللى فاتت على المرحلة الإعدادية .. وامتحنا كادر اعدادى .. ومسمانا الوظيفى معلم إعدادى ثانوى .. يبقى جالنا الابتدائى دا منين ؟

أنا مستعد للذهاب إلى المحافظ ووكيل الوزارة يوم الاتنين إن شاء الله ..

عابدين مدرس لغة عربية
22-07-2011, 09:04 PM
يا ريت حد يبصرنا بالخطوة القانونية الواجب اتخاذها إذا أصروا على تنفيذ مسألة تثبيتنا فى المرحلة الابتدائية رغم اننا امتحنا على كادر اعدادى ..

نينو2010
22-07-2011, 10:25 PM
حسبي الله ونعم الوكيل

نينو2010
22-07-2011, 10:27 PM
لنا الله حسبي الله ونعم الوكيل اللهم دمر الظالمين بالظالمين

ايناس طلعت محمد
23-07-2011, 12:55 PM
انا ارسلت الكلام اننا سنعين على المرحلة الابتدائية لموقع الوزارة على الفيس بوك و كان رد الاستاذ ابراهيم فرج انه لا يجوز و لا بد من التعين على نفس مرحلة التعاقد و نفس المرحلة التى تم قبها امتحان الكادر

عابدين مدرس لغة عربية
23-07-2011, 01:23 PM
انا ارسلت الكلام اننا سنعين على المرحلة الابتدائية لموقع الوزارة على الفيس بوك و كان رد الاستاذ ابراهيم فرج انه لا يجوز و لا بد من التعين على نفس مرحلة التعاقد و نفس المرحلة التى تم قبها امتحان الكادر

بلغنى إن التوجيه مصر ما لم نحضر القرار الذى يفيد أننا قد أصبحنا معلمين معينين فى المرحلة الإعدادية .. بس على العموم الحق معانا والقانون فى صفنا .. وان شاء الله هنبعت فاكس للوزير ، وهنتوجه يوم الاتنين الساعة العاشرة صباحا إلى المحافظة والمديرية لعرض الأمر على المحافظ ووكيل الوزارة .. ولو ماحصلش استجابة هنتوجه للوزير والنيابة الإدارية ..
وكان الله فى العون