السلام عليكم رحمة الله و بركاته




الحل للبعبع ده هو ان نفعل مثل الدول المتقدمة ليس في الفكر لكي لا يكون تقليد أعمى و لكن في الاسلوب

في البداية أنا طالب لسة مخلص الثانوية علمي رياضة و مجموعي 94% المهم أنا بكتب الموضوع ده عن كيفية تطوير التعليم الثانوي و تطوير نظام التنسيق



في البداية يجب الغاء نظام التنسيق في الثانوية العامة و مثلا على كل جامعة وضع حد ادني للقبول بها و ينقسم الطلاب في كل جامعة لقسمان قسم علمي و آخر ادبي و نظري مثلا جامعة القاهرة عوزة 40 ألف طالب حتقوم تحط حد ادني 85% و بعد كده قبل الدراسة الطالب حيختار الكورسات بنظام الساعات المعتمدة مثلا هو عاوز يدخل هندسة ميكانيكا سيارات و هو تبع المجموعة العلمية يقوم واخد فيزياء و ميكانيكا و جبر و تفاضل و تكامل و هندسة و كيمياء و في آخر السنة مثلا لازم يجيب حد ادني امتياز أما لو جاب جيد يبقي مثلا ممكن يدخل كلية علوم و لو جاب جيد جدا ممكن يحصل مدني و هكذا و بنفس النظام طالب علمي علوم يعني السنة الاولي الجامعية تبقي زي اعدادي هندسة في النظام العادي بس يبقي اعدادي لكل الكليات سواء علمية أو أدبية مثلا طالب دخل ادبي و نظري السنة الاولي و عاوز يدخل سياسة و اقتصاد ياخد مثلا اقتصاد و مالية و ادارة و احصاء و تفاضل و تكامل و جبر أو لو سياسة يبقي تاريخ و مثلا كورس معرفة أساسيات السياسة و كورس كمان قانون و لازم يجيب المجموع المحدد للكلية لو مش نفع يبقي قدامه اعلام أو حقوق أو تجارة أو ................الخ
و اهم حاجة يبقي قدامه فكرة اعادة دراسة الكورس للتحسين بس مش أي حد يعملها يعني ليه في السنة اعادة واحدة

بالنظام ده الطالب يبقي مؤهل أكاديميا للحاجة اللي داخلها يعني مثلا في ثانوية لو طالب جاب 50 كيمياء و 49.5 فيزياء و رياضيات السنتين 49 و كده و مثلا جايب فعلم النفس 34 و العربي 19 و ميجبش مجموع هندسة أو حاسبات و مثلا طالب تاني جايب في الكيمياء 46 و الفيزياء 46 و الرياضية 43 و مجرد انه جايب عربي 29.5 و علم نفس 50 يبقي يدخل هندسة أكيد النظام مش مظبوط عشان كده أنا اتوقع ان فكرتي أحد الحلول و أكيد فيه أفكار تانية كتير تساعد نظام التعليم في بلدنا

و يجب استقلال كل جامعة بكيانها عن طريق مجلس امناء حاجة كده عملة زي مجلس الشعب في الدولة و كل جامعة يبقي ليها طريقتها و فكرها و نظامها مش كله تبع المجلس الاعلي للجامعات يعني اللي دخل جامعة مثلا عين شمس داخلها كعين شمس مش كجامعة جتله في التنسيق و خلاص يعني اللي عاوز يقدم في جامعة المنصورة يروح و يقدم ورقه للجامعة نفسها و أما يتقبل أو لأ مش كل الجامعات مفتوحة علي بعض زي دلوقتي كده .

و للعلم جامعة الدكتور زويل اللي هتبقي ان شاء الله داخل مدينة التكنولوجية برده التنسيق فيها احتمال يبقي قريب من فكرتي

و أنا جايلي الحمد لله منحة الجامعة الأمريكية و برده حقدم في النظام العادي اشوف الفرق و أكتب ملاحظاتي لو فيه عيوب في نظام التعليم الجامعي

لكم مني جزيل الشكر و فائق الاحترام و التقدير

الموضوع ده انا شفته الصبح و رديت عليه

انت عملته تاني ولا ايه ؟!

يجب الاهتمام بالتعليم الفني و التكنولوجي لانه عماد التقدم عن طريق انشاء مدارس تقنية علي مستوى عالي و تغيير صورته في مصر و ايضا يجب تغيير فكرة ان المعهد أسوء من الكلية للعلم هل تعلمو ان ثاني افضل مؤسسة تعليم عالي في العالم هو معهد ماساتشوستس للتكنولوجيا و هو معهد

هل تعلمو ان احمد زويل يعمل في معهد كاليفورنيا للتكنولوجيا و هو معهد؟

يجب تغيير هذه المفاهيم ما مثلا معهد بنها للتكنولوجيا بيطلع مهندسين بس اتغير اسمه لكلية هندسة بنها مجرد عشان الناس بـتعتبر المعهد حاجة فاشلة مع ان نفس المنهج و نفس كل حاجة و نفس الدكاترة بس مجرد مسميات

مينفعش ان في السنة يطلع من 30 ألف ل 40 ألف مهندس و يبقي المهندسين اد العمال و يبقي فيه ازمة فنيين

مينفعش مصر يتخرج منها سنويا أكتر من 14 ألف دكتور من الجامعات الخاصة و الحكومة سواء طب بشري أو اسنان في حين ان الولايات المتحدة الأمريكية اللي تعداد سكانها 300 مليون بتخرج منها 12 ألف دكتور بس سنويا و ده مش بسبب قلة الكليات هما عندهم أكتر من 3000 مؤسسة تعليم عالي المفروض العدد المظبوط لمصر هو 3500 دكتور سنويا يتخرجه من كل جامعات مصر سواء حكومية أو خاصة و سواء القسم طب بشري أو اسنان يعني مثلا 2800 طب بشري و 700 طب اسنان و زيادة عدد الممرضات المؤهلات علميا و ان التمريض تبقي مهنة لا تعتبر مهنة تعبانة أو كده لأ لازم الصورة تتغير

و لازم فكرة كليات القمة تتلغي الفكرة ديه مكنتش موجودة قبل ثورة 52 و لكن نظام التعليم العقيم بتاع مجموع ثانوية و التنسيق قبل دخول الجامعة هو اللي لزق الافكار ديه عند الناس لكن لما يبقي الواحد دخل جامعة و كل كلية ليها حد ادني بعد السنة الاولة الجامعية يبقي كل كلية الحد الدني بتاعها لمواد التخصص مرتفع هيبقي مفيش فرق بين الكليات لأن كله مطلوب و كل واحد هيدخل اللي بيحبه و تظهر المواهب و تتلغي فكرة ان أهل الطالب يختاروله كل حاجة لأن النظام ده هيعلمه المسئولية

ارجو التفاعل و منتظر تعليقات حضراتكم

ارجو معرفة أراء الجميع في موضوعي و التفاعل

الحل بسييييييييييط و مش عايز اختراع نبعت اى حد انشاالله بتوك توك لفرنسا و نسالهم ايه هو التعليم ؟و ده مش تقليد ده اللى اى دولة محترمة بتعمله