مشاهدة النسخة كاملة : بدور علي كرامه ... محدش شافها يا جدعان ( فاروق جويده )


احمد رضا
10-01-2008, 05:43 PM
من رحم الفرح والدهشة والانتصار والكرامة الإنسانية يولد الشعر.. ولكنه يولد أيضاً من أنقاض الفجيعة. وها هو الشاعر الكبير فاروق جويدة، الرومانسي والحالم الشفاف، وقد فجعته مشاهد غرق العشرات من الشبان المصريين في رحلات الموت إلي شواطئ أوروبا، بحثاً عن عمل أو كرامة.
عثر جويدة لقصيدته الوحيدة، التي كتبها خلال عام ٢٠٠٧، علي رمق أخير من عمر شاب في عرض البحر يردد وصيته الأخيرة: «هذي بلادُ.. لم تعد كبلادي».
وتالياً قصيدة عام ٢٠٠٧ للشاعر الكبير فاروق جويدة، التي كتبها بعد أن شاهد جثث الشباب المصري علي شواطئ تركيا، وكان قبلها بشهر واحد - حسب قوله - يقف علي شواطئ اليونان بعد حصوله علي جائزة وتكريم دولي هناك.


«إلي شهداء مصر من الشباب الذين ابتلعتهم
الأمواج علي شواطئ إيطاليا وتركيا واليونان»
كم عشتُ أسألُ: أين وجــــــــهُ بــــلادي
أين النخيلُ وأيـن دفءُ الــوادي
لاشيء يبدو في السَّمـَــاءِ أمـامنــــــــــا
غيرُ الظـلام ِوصــورةِ الجــلاد
هو لا يغيبُ عن العيــــــــون ِكأنــــــــه
قدرٌٌ .. كيوم ِ البعــثِ والميــــلادِ
قـَدْ عِشْتُ أصْــــرُخُ بَينـَكـُمْ وأنـَـــــادي
أبْنِي قـُصُورًا مِنْ تِـلال ِ رَمَـــادِ
أهْفـُـو لأرْض ٍلا تـُسـَـــاومُ فـَرْحَتـِــــي
لا تـَسْتِبيحُ كـَرَامَتِي .. وَعِنَــادِي
أشْتـَـاقُ أطـْفـَـــــالا ً كـَحَبــَّاتِ النـَّــــدَي
يتـَرَاقصُونَ مَـعَ الصَّبَاح ِالنـَّادِي
أهْـــفـُــــو لأيـَّـام ٍتـَـوَارَي سِحْــرُهَـــــا
صَخَبِ الجـِيادِ.. وَفرْحَةِ الأعْيادِ
اشْتـَقـْــــتُ يوْمـًا أنْ تـَعـُــودَ بــِــــلادِي
غابَتْ وَغِبْنـَا .. وَانـْتهَتْ ببعَادِي
فِي كـُلِّ نَجْــم ٍ ضَــلَّ حُلـْـــٌم ضَائـِـــــع ٌ
وَسَحَابَــة ٌ لـَبسـَـتْ ثيــَـابَ حِدَادِ
وَعَلـَي الـْمَدَي أسْـرَابُ طـَيــر ٍرَاحِــــل ٍ
نـَسِي الغِنَاءَ فصَارَ سِـْربَ جَرَادِ
هَذِي بِلادٌ تـَاجَـــرَتْ فــِـي عِرْضِهـــَــا
وَتـَفـَـرَّقـَتْ شِيعًا بـِكـُـــلِّ مَـــزَادِ
لـَمْ يبْقَ مِنْ صَخَبِ الـِجيادِ سِوَي الأسَي
تـَاريخُ هَذِي الأرْضِ بَعْضُ جِيادِ
فِي كـُلِّ رُكـْن ٍمِنْ رُبــُــوع بـِـــــلادِي
تـَبْدُو أمَامِي صـُورَة ُالجــَــــلادِ
لـَمَحُوهُ مِنْ زَمَن ٍ يضَاجـِــعُ أرْضَهَـــا
حَمَلـَتْ سِفـَاحًا فـَاسْتبَاحَ الـوَادِي
لـَمْ يبْقَ غَيرُ صـُـرَاخ ِ أمـْــس ٍ رَاحـِـل ٍ
وَمَقـَابـِر ٍ سَئِمَتْ مـِــنَ الأجْـــدَادِ
وَعِصَابَةٍ سَرَقـَتْ نـَزيــفَ عُيـُـونِنـَــــا
بـِالقـَهْر ِ والتـَّدْليـِس ِ.. والأحْقـَادِ
مَا عَادَ فِيهَا ضَوْءُ نـَجْــــم ٍ شـَــــــاردٍ
مَا عَادَ فِيها صَوْتُ طـَير ٍشـَـــادِ
تـَمْضِي بـِنـَا الأحْزَانُ سَاخِــــرَة ًبـِنـَــا
وَتـَزُورُنـَا دَوْمــًا بـِـلا مِيعــَـــادِ
شَيءُ تـَكـَسَّرَ فِي عُيونـِــــي بَعْدَمَـــــا
ضَاقَ الزَّمَانُ بـِثـَوْرَتِي وَعِنَادِي
أحْبَبْتـُهَا حَتـَّي الثـُّمَالـَـــــة َ بَينـَمـَــــــا
بَاعَتْ صِبَاهَا الغـَضَّ للأوْغـَــادِ
لـَمْ يبْقَ فِيها غَيـرُ صُبْــح ٍكـَـــــــاذِبٍ
وَصُرَاخ ِأرْض ٍفي لـَظي اسْتِعْبَادِ
لا تـَسْألوُنـِي عَنْ دُمُـوع بــِــــــلادِي
عَنْ حُزْنِهَا فِي لحْظةِ اسْتِشْهَادِي
فِي كـُلِّ شِبْر ٍ مِنْ ثـَرَاهـَا صَــرْخَـــة ٌ
كـَانـَتْ تـُهَرْولُ خـَلـْفـَنـَا وتـُنَادِي
الأفـْقُ يصْغُرُ .. والسَّمَــاءُ كـَئِيبـَـة ٌ
خـَلـْفَ الغُيوم ِأرَي جـِبَالَ سَـوَادِ
تـَتـَلاطـَمُ الأمْوَاجُ فـَــوْقَ رُؤُوسِنـَــــــا
والرَّيحُ تـُلـْقِي للصُّخُور ِعَتـَادِي
نَامَتْ عَلـَي الأفـُق البَعِيـــدِ مَلامــــــحٌ
وَتـَجَمَّدَتْ بَينَ الصَّقِيـِع أيـــَـــادِ
وَرَفـَعْتُ كـَفـِّي قـَدْ يرَانـِي عَاِبـــــــــرٌ
فرَأيتُ أمِّي فِي ثِيـَــابِ حـِـــــدَادِ
أجْسَادُنـَا كـَانـَتْ تـُعَانـِـــقُ بَعْضَهـَــــا
كـَوَدَاع ِ أحْبَــابٍ بــِــلا مِيعـَــادِ
البَحْرُ لـَمْ يرْحَمْ بَـرَاءَة َعُمْرنـَـــــــــا
تـَتـَزاحَمُ الأجْسَادُ .. فِي الأجْسَادِ
حَتـَّي الشَّهَادَة ُرَاوَغـَتـْنــِي لـَحْظـَــة ً
وَاستيقـَظـَتْ فجْرًا أضَاءَ فـُؤَادي
هَذا قـَمِيـصـِـــي فِيهِ وَجْــــهُ بُنـَيتــِي
وَدُعَاءُ أمي .."كِيسُ"مِلـْح ٍزَادِي
رُدُّوا إلي أمِّي القـَمِيـــصَ فـَقـَـدْ رَأتْ
مَالا أرَي منْ غـُرْبَتِي وَمُـرَادِي
وَطـَنٌ بَخِيلٌ بَاعَنــي فـــــي غفلـــــةٍ
حِينَ اشْترتـْهُ عِصَابَة ُالإفـْسَـــادِ
شَاهَدْتُ مِنْ خـَلـْفِ الحُدُودِ مَوَاكِبــًـا
للجُوع ِتصْرُخُ فِي حِمَي الأسْيادِ
كـَانـَتْ حُشُودُ المَوْتِ تـَمْرَحُ حَوْلـَنـَا
وَالـْعُمْرُ يبْكِي .. وَالـْحَنِينُ ينَادِي
مَا بَينَ عُمْـــــر ٍ فـَرَّ مِنـِّي هَاربـــــًـا
وَحِكايةٍ يزْهـُــو بـِهـَـــا أوْلادِي
عَنْ عَاشِق ٍهَجَرَ البـِلادَ وأهْلـَهـــــــَـــا
وَمَضي وَرَاءَ المَال ِوالأمْجـَـــادِ
كـُلُّ الحِكـَايةِ أنَّهـــَـــا ضَاقـَتْ بـِنـَـــــا
وَاسْتـَسْلـَمَتَ لِلــِّـصِّ والقـَـــوَّادِ!
في لـَحْظـَةٍ سَكـَنَ الوُجُودُ تـَنـَاثـَـــرَتْ
حَوْلِي مَرَايا المَوْتِ والمِيـَـــلادِ
قـَدْ كـَانَ آخِرَ مَا لـَمَحْتُ عـَلـَي الـْمَـدَي
وَالنبْضُ يخْبوُ .. صُورَة ُالجـَلادِ
قـَدْ كـَانَ يضْحَـكُ وَالعِصَابَة ُحَوْلـَــــــهُ
وَعَلي امْتِدَادِ النَّهْر يبْكِي الوَادِي
وَصَرَخْتُ ..وَالـْكـَلِمَاتُ تهْرَبُ مِنْ فـَمِي:
هَذِي بـِلادٌ .. لمْ تـَعُـــدْ كـَبـِلادِي

smartman2000
10-01-2008, 08:05 PM
الموضوع جميل جدا يا أحمد القافية ممتازة و موهبتك واضحة

smartman2000
10-01-2008, 08:08 PM
أنا اسف الصراحة فكرتك انت اللي كتبها بس برضه عندك الموهبة في اختيار الشعر المناسب للنشر و مرة أخرى أنا آسف

احمد رضا
10-01-2008, 08:28 PM
ربنا يخليك يا سمارت
ولا يهمك يا جميل
المهم تكون عرفت اللي بيحصل واللي حصل و ان الشباب دول ماتوا بطريقه تخلي الواد يبكي بدل الدموع دم
الشباب اللي كانوا مسافرين دول ماتوا و هما حوالين بعض و ماسكين ايد بعض
موت جماعي ياعم سمارت
ايه اللي يخلي الشاب يكفر ببلده و يروح بلد تانيه يتغرب و يعرض نفسه للموت
اكيد عشان هو عايش اكتر من الموت في بلده
مش عارف امتي هنثور
صلاح الدين مات
وجمال عبد الناصر قتلوه
والشجاع بيطلعوا عين ابوه

نونا المصرية
10-01-2008, 08:39 PM
قصيدة رائعة ومعانيها مؤثرة جدا
ياريت البلد دى تحس شوية بشبابها اللى بيضيعوا كل يوم
وفعلا احساس الشباب دلوقتى "" هذى بلاد...لم تعد بلادى""
ميرسى يا احمد عالموضوع المتميز ده

احمد رضا
10-01-2008, 08:49 PM
قصيدة رائعة ومعانيها مؤثرة جدا
ياريت البلد دى تحس شوية بشبابها اللى بيضيعوا كل يوم
وفعلا احساس الشباب دلوقتى "" هذى بلاد...لم تعد بلادى""
ميرسى يا احمد عالموضوع المتميز ده

ربنا يخليكي يا نونا
يارب تحس البلد اللي معندهاش دم دى وتحاول تساعد شبابها
ميرسي اوي علي مرورك يا جميل
نورتيني

y/m
10-01-2008, 10:02 PM
القصيدة رائعة ولشاعر اروع واختيارك يدل على موهبتك ايضا ولكن تتحدثون وكأن العيب فى البلد العيب ياسادة فى من مسك وملك مفاتيحها

احمد رضا
11-01-2008, 01:01 AM
ربنا يخليك يا محمد ده من ذوقك
بس عايز اوضحلك حاجة
البلد ايه غير رئيس كافر بالرحمه وشعب اخرس وعايش غريب في بلده
ربنا يريحنا بقه
نورتني

Mr.h3ll
11-01-2008, 02:00 AM
اولا :شكرااااااااا على القصيده الرائعه ديه اي معلم

ثانيا :انتا بتتكلم على الشعب الشعب كل واحد بيقولك وانا مالى يا عم خلينى ماشى جمب الحيطه احسن


وشكرااااااااا مره تانيه

smartman2000
11-01-2008, 02:14 PM
ربنا يخليك يا محمد ده من ذوقك
بس عايز اوضحلك حاجة
البلد ايه غير رئيس كافر بالرحمه وشعب اخرس وعايش غريب في بلده
ربنا يريحنا بقه
نورتني

والله عندك حق يا أحمد بس لو مات الرئيس هييجي أسوأ منه الرئيس اتربى انسان عادى بين الناس ويمكن كان فقير في يوم من الأيام و الوقتي بقى كده فما بالك بابنه اللي اتربى على كده وشاف الظلم ده بعنيه

الحل ثورة

TEMO_KHALED
11-01-2008, 07:34 PM
مشكور يا شديد وانا مش هاقول موضوع جامد ولا كلام متميز ولا هقول انك فنان ولا هاقول اي حاجة خالص عشان دة كله انت عارفه ...ووبالنسبة للسفر ولليلد الخربانة الي احنا عايشين فيها دي .. للاسف الحكومة والمسئولين مش حاسيين بينا ولا باهلينا... ناس كل الي هاممها تاكل وتتفسح وتكنز في البنوك واحنا ولاد (....)
مش مهم بقى...

zizo2_2
11-01-2008, 10:15 PM
قصيدة رائعة لشاعر كبير

اشكرك اخي احمد وانتظرني مرة اخرى فلي عودة للتعليق عن تلك القضية المهمة ان شاء الله

ammon
11-01-2008, 10:21 PM
شكرا جزيلا

mR . mOstafa Fathi
11-01-2008, 10:57 PM
شكرا يا احمد
...

احمد رضا
12-01-2008, 10:12 AM
اولا :شكرااااااااا على القصيده الرائعه ديه اي معلم

ثانيا :انتا بتتكلم على الشعب الشعب كل واحد بيقولك وانا مالى يا عم خلينى ماشى جمب الحيطه احسن


وشكرااااااااا مره تانيه

ربنا يخليك يا هيل
ده من ذوقك
فعلا خبيتنا بقت كبيرة اوي

احمد رضا
12-01-2008, 10:16 AM
والله عندك حق يا أحمد بس لو مات الرئيس هييجي أسوأ منه الرئيس اتربى انسان عادى بين الناس ويمكن كان فقير في يوم من الأيام و الوقتي بقى كده فما بالك بابنه اللي اتربى على كده وشاف الظلم ده بعنيه

الحل ثورة

ما انا قولتلك يا سمارت
عبد الناصر خلاص مات
دور علي عبد الناصر تاني
شكرا مرة تانيه

احمد رضا
12-01-2008, 10:19 AM
مشكور يا شديد وانا مش هاقول موضوع جامد ولا كلام متميز ولا هقول انك فنان ولا هاقول اي حاجة خالص عشان دة كله انت عارفه ...ووبالنسبة للسفر ولليلد الخربانة الي احنا عايشين فيها دي .. للاسف الحكومة والمسئولين مش حاسيين بينا ولا باهلينا... ناس كل الي هاممها تاكل وتتفسح وتكنز في البنوك واحنا ولاد (....)
مش مهم بقى...

ربنا يخليك يا تيمو
ده من ذوقك يا حبيبي
والله مش عارف اقولك ايه
بالنسبه للبلد بقه هتعمل ايه
بلدك مدفونه بالحيا
وعايزة الشباب يسيب اللبانه و يرفع البنطلون و ينفض التراب ده
بس والله الشباب عامل كدا من همه
ربنا يهدي و يجيب الخلاص من عنده

احمد رضا
12-01-2008, 10:19 AM
قصيدة رائعة لشاعر كبير

اشكرك اخي احمد وانتظرني مرة اخرى فلي عودة للتعليق عن تلك القضية المهمة ان شاء الله

الشكر لله يا استاذ زيزو
نورتني و منتظرك

احمد رضا
12-01-2008, 10:21 AM
شكرا جزيلا

الشكر لله
شكرا لمرورك
نورتني

احمد رضا
12-01-2008, 10:24 AM
شكرا يا احمد
...

العفو يا مصطفي
تحت امرك
ويارب تكون عجبتك

postan algana
12-01-2008, 10:31 AM
ايه دكلو
انا كده اغير ايوه ياعم
بجد الله عليك

شكرا ليك
معنها طويله اوي

احمد رضا
12-01-2008, 10:33 AM
ايه دكلو
انا كده اغير ايوه ياعم
بجد الله عليك

شكرا ليك
معنها طويله اوي

هههههههههه تغيري من ايه بس يامى
انتي الاصل
ده بعض ما عندكم
ربنا يخليكي

علي فكرة انا عايزك تقريها تاني يامى
والله حاجة قاتله لما تتخيلي هما ماتوا ازاي
شوفي الشباب بقه بيتعرض لحاجة في بلده اشد من الموت
فقال اجازف
لو عديت يبقي ارتاحت و عشت
لو معديتش يبقي ارتاحت و موت
ياريت تقريها تاني
شكرا لمرورك

احمد رضا
17-01-2008, 01:33 PM
تم تنشيط الموضوع لوجود موضوع جديد مكرر بنفس المحتوى

CrazY Bo$S
25-01-2008, 03:52 AM
حراااااااااام
احسااااااااس حزيييييييييييين

لا تعليق
شكرا يا احمد