رياضة2 ولا أدبى؟؟ [الأرشيف] - بوابة الثانوية العامة المصرية

علمى ولا أدبى

21-07-2011, 05:01 AM

السلام عليكم

أنا كنت علمى كيمياء فى سنة 2
وأنا دلوقتى رايحة سنة 3
جبت 89%

أنا من زمان عايزة أدخل سياسة واقتصاد أو اعلام
هتقولولى طب ليه دخلتى علمى؟؟ أنا دخلت علمى لعدة أسباب أهمها ان والدتى و والدى أطباء و اخواتى اللى أكبر منى الاتنين فى كلية الطب.. أنا صحيح طموحى مش طب وكلهم عارفيين كده ..بس برده مش لدرجة انى أدخل أدبى, و كمان أنا عندى مشكلة فى الحفظ فى التاريخ و الجغرافيا و الحاجات دى

المهم ..بعد ما شوفت مجموعى واتصدمت الصدمة الكبيرة و خصوصا ان السنة دى المجاميع عالية أوى
ندمت انى مادخلتش أدبى ..بس قدر الله و ما شاء فعل

دلوقتى أنا محتارة .. أكمل علمى رياضة ولا أدبى؟؟ مع العلم انى مستوايا فى الرياضة جيد جدا بشهادة المدرسين اللى أكدوا لى انى أقدر أقفل رياضة 2 بمجهود بسيط ..بس أنا خايفة من الفيزياء!!! و مش عارفة أجازف و أدخلها و أنا أصلا مش عايزة هندسة ؟؟ ولا أخدها من قصيرها و أدخل أدبى و أجرب حظى و كده كده أنا مش لاحقة اعلام و لا سياسة و اقتصاد ولا حتى ألسن

حد يساعدنى أرجوكم أنا بجد هموووووووت

علمى ولا أدبى

21-07-2011, 05:03 AM

مع العلم ان أنا اللى وقعنى السنة دى الكيمياء لأنى جبت 40

Haitham Wael

21-07-2011, 07:33 AM

ادخلى الحاجة اللى انت حباها و بجد هتلاقى نفسك بتبدعى فيها !

ঔღঔzozoঔღঔ

21-07-2011, 07:39 AM

علمى ولا أدبى

21-07-2011, 07:59 AM

ادخلى الحاجة اللى انت حباها و بجد هتلاقى نفسك بتبدعى فيها !

شكرااااا للاهتمام

أنا حابة رياضة 2 ..بس كل الناس بتخوفنى من الفيزياء! و مش عارفة أجازف و أجرب الفيزياء و أنا أصلا مش عايزة هندسة؟؟ ولا أعمل ايه!!

يااااااارب

علمى ولا أدبى

21-07-2011, 08:05 AM

بصى نصيحتى ليكى انتى لو شايفه نفسك تقدرى تشدى حيلك وتتغلبى على الخوف ده كملى علمى رياضه بس انا عايزه اعرف لو انتى نفسك فى السن فممكن تلحقيها عادى هى بتاخد من حاجه وتسعين لو علمى او ادبى بس من علمى بتاخد مجموع اكبر فلو مش بتحبى الحفظ فصدقينى سواء علمى او ادبى كله حفظ ومتقوليش انك مش هتلحقى كليه والله بس لو حطيتى قدامك ان احنا لسا يدوب بنبدا السنه وتذاكرى كويس وانا مستعده اساعدك حتحققي الكليه اللى انت عيزاها وربنا يوفقك

أولا شكرا جداااا ليكى فعلا عندك حق فى كل كلمة قلتيها ..ربنا يطمنك

أنا خايفه لو دخلت أدبى مش ألحق أى كلية من كليات القمة بتاعت أدبى..
و ساعتها ممكن أكون ضيعت عليا كليات كتير فى علمى ..علمى فرصه أكبر و كلياته كتيره و متنوعة.. و على الأقل أقدر أدخل خاص لو قفلت معايا قوى.. لكن أدبى لو مش جبت حاجة و تسعين يبقى على تجااارة على طووول..

فعلا خايفة و مترددة ..ادعولى

سارة عطالله

21-07-2011, 08:14 AM

الفيزياء صعبة شوية
بس بالمذاكرة بتكون سهلة
وعايزة حل كتيييير
كمل علمى رياضة
وربنا يوفقك
وادعولى ادخل طب

علمى ولا أدبى

21-07-2011, 08:18 AM

الفيزياء صعبة شوية
بس بالمذاكرة بتكون سهلة
وعايزة حل كتيييير
كمل علمى رياضة
وربنا يوفقك
وادعولى ادخل طب

شكراااااااااااااااااااااا

و يااارب تدخلى طب :)

سارة عطالله

21-07-2011, 08:23 AM

ربنا يوفقك
وشدى حيلك السنة القادمة

علمى ولا أدبى

21-07-2011, 08:26 AM

ان شاء الله

سارة عطالله

21-07-2011, 08:31 AM

Ok our engineer
Good Luck

علمى ولا أدبى

21-07-2011, 08:39 AM

Ok our engineer
Good Luck

engineer ايه بقى :) قولى يااااارب

علمى ولا أدبى

21-07-2011, 10:57 PM

88 مشاهدة و 3 ردود ..ايه يا جماعة مفيش حد عنده حل :(

مصرية في السعودية

22-07-2011, 01:25 AM

علمى ولا أدبى

22-07-2011, 05:21 AM

بصي انا مشكلتي زي مشكلتك بالظبط وهدخل رياضة عشان انا كده مش هلحق حاجه في علوم

وفي نفس الوقت مش هينفع ادخل أدبي عشان مش بحب الحفظ

فا انتي متخافيش وربنا معانا ان شاء الله والفيزيا بيقولو انها صعبة عشان عاوزة مذاكرة فقط لا غير وبعدين يا حبيبت قلبي منتي كده كده كنتي هتاخدي الفيزيا حتى لو دخلتي علمي علوم ,,, مش بس في رياضة يعني

طالما انتي بتقولي انك ماشاء الله كويسة في الرياضة خلاص ربنا معاكي ومعايا انا كمان

وان شاء الله نتقابل في هندسة مع بعض ههههه

ههههههههه :)
شكرا يا حبيبتى لكلامك و لاهتمامك :)

عندك حق أنا بدأت أفكر فعلا فى رياضة2 و خصوصا انى زى ما قلت رياضة 2 حتى لو مش قدرت أدخل اعلام أو سياسة و اقتصاد ان شاء الله الحق هندسة أو حتى حاسبات ..لكن أدبى لو مش لحقت سياسة و اقتصاد واعلام يبقى مش فاضل غير حقوق و تجارة و كده.. ربنا معانا كلنا أنا هعمل استخارة و ربنا يقدم اللى فيه الخير :)

مصرية في السعودية

22-07-2011, 01:46 PM

أي خدمة يا قمر وصلي استخارة وربنا يقدملك اللي فيه الخير

ولسا واخده بالي انك ساكنة في مدينة نصر زيي يعني طلعنا جيران اهو هههههههه

علمى ولا أدبى

22-07-2011, 08:14 PM

أي خدمة يا قمر وصلي استخارة وربنا يقدملك اللي فيه الخير

ولسا واخده بالي انك ساكنة في مدينة نصر زيي يعني طلعنا جيران اهو هههههههه

ايه ده بجد!! :d
طب تمام يبقى هنتقابل فى هندسة بقى ان شاء الله :) هههههههههه

Free Canary

23-07-2011, 07:56 AM

Free Canary

23-07-2011, 07:57 AM

اه نسيت أقوللك حاجة
لو انتي مش بتحبي الحفظ او بتلاقي فيه مشكلة زي ناس كتير يبقى الفيزيا أهون بكتيـــــــــــــــــر :)
بالتوفيق يا رب لك و لنا و للجميع :)

عبد الوهاب عبد الرزاق

23-07-2011, 09:38 AM

طب قولولى انا اعمل ايه جبت مجموع 78 % اعمل ايه اكمل علمى علوم ولا احول للرياضة ولا ادبى

adel hasan

23-07-2011, 09:44 AM

أنا نصيحتى ليك .. إنك تحول أدبى علطول .......... لأن بالمجموع ده فى علمى هتدخل نفس الكليات اللى فى أدبى بس مجموع أكبر من الأدبى

طب قولولى انا اعمل ايه جبت مجموع 78 % اعمل ايه اكمل علمى علوم ولا احول للرياضة ولا ادبى

منه الله(منمن)

23-07-2011, 10:11 AM

ببساطه الفيزياء رياضه بتحبى الرياضه هتمشى ف الفيزياء والعكس صحيح

mohamed_yousri_22

23-07-2011, 10:55 AM

adel hasan

23-07-2011, 11:09 AM

أنا موافق على كل كلمة حضرتك قلتها ........ وأنا إقترحت عليها نفس الكلام ........ وده كلام منطقى وعاقل 100% ......... ربنا يوفق الجميع إن شاء الله

زميلتنا العزيزة.......من وجهة نظرى تدخلى ادبى لية؟؟؟؟؟ اقولك... انت جيبة89 فلو شديتى العزم فى3 ادبي وجبتى 96 ودى مش صعبة ع فكرة هتجيبى 93 فى 3 ودى مش وحشة ع العكس لو بصيتى ع سبيل المثال لو السن هتاخد من 93 من ادبى يبقى من علمى 96 والفرق كبيييييييييييييييييير...وبصراحة عشان اعتبرا انك زى اختى لو شديتى العزم فى 3علمى رياضة...الفيزياء الانتى اخدتيها فى 1 هيا هيا بس ع توسع اوى...و جبتى 96 يعنى 93 مش هتجيب كلية حلوة وهتبقى لازم تدخلى كلية ادبية البدورها هيكون مجموع احد كليتها فى علمى اعلى من ادبى زى ماوضحت لحضرتى...و المعترض ياريت يناقشنى.....yousri

mohamed_yousri_22

23-07-2011, 03:45 PM

احنا هنا عشان نوسع افاق بعض و احنا لسة بنتعلم و بناخد تجارب

sasooo soft

23-07-2011, 06:24 PM

رياااااااااااااااااااااااااااااضة2

علمى ولا أدبى

24-07-2011, 10:26 AM

و الله مستواكي حلو في الرياضة يبقى علمي رياضة طبعا و انتي مغمضة مع العلم انك لو دخلتي ادبي تقدري بردو تلحقي سياسة و اقتصاد أو ألسن
تعرفي انا لو كنت بحب الرياضة و معنديش ادنى شك اني ممكن اعدي منها مقفلة كنت دخلت علمي رياضة بس للأسف المادة الوحيدة اللي بتشلّني كل سنة هي الرياضة..لازم كل سنة انقص فيها درجة و مش عارفة الدرجة دي بنقصها ليه !! الحمد لله على كل حال :)

و متخافيش من الفيزيا ..هي بس عايزة متابعة و مذاكرة أول بأول و سواء هتكمِّلي علمي أو أدبي انتي كدة كدة في كلتا الحالتين لازم تتعبي
و ان شاء الله ربنا يوفقك و تدخلي الكلية اللي بتحبيها و ترتاحي فيها

أولا بجد شكراااااااااااا ليكى بجد مش متخيلة كلامك ريحنى قد ايييييييه .. وخصوصا ان دماغى اليومين دول رايحة لرياضة 2 أوووووى
بس انت بتقولى ان أنا لو دخلت أدبى أقدر ألحق سياسة اقتصاد أو ألسن.. مش فاهمة ازاى؟؟ :d
ربنا يـــــــــخــــلـيكى .. شـــكــرا :)

علمى ولا أدبى

24-07-2011, 10:32 AM

طب قولولى انا اعمل ايه جبت مجموع 78 % اعمل ايه اكمل علمى علوم ولا احول للرياضة ولا ادبى

أنا رأيى من رأى adel hasan
فعلا حول أدبى لأنك حتى لو جبت السنة الجاية 100% فى علمى هتبقى جايب 89.5 يعنى بردو هتدخل كليات أدبية بس تنسيقها هيبقى عالى عن أدبى .. ممكن تكمل أدبى بس تحط فى دماغك انك تجيب أعلى مجموع تقدر علييه عشان تلحق تجارة انجلش أو حقوق انجلش مثلا ..الكليات دى ماشية أوى اليومين دول و شغلها مطلوب جدا و بشوية كورسات بسيطة بعد التخرج تقدر تبقى حاجة كبيرة أوووووى :) أهم حاجة انك تحب اللى بتعمله بجد.. طبعا النصايح دى ليك و ليا :d
ربنا يوفقنا كلنااا

علمى ولا أدبى

24-07-2011, 10:40 AM

ببساطه الفيزياء رياضه بتحبى الرياضه هتمشى ف الفيزياء والعكس صحيح

ربــــنــا يــــسهل ..شكـــرا :)

علمى ولا أدبى

24-07-2011, 10:46 AM

زميلتنا العزيزة.......من وجهة نظرى تدخلى ادبى لية؟؟؟؟؟ اقولك... انت جيبة89 فلو شديتى العزم فى3 ادبي وجبتى 96 ودى مش صعبة ع فكرة هتجيبى 93 فى 3 ودى مش وحشة ع العكس لو بصيتى ع سبيل المثال لو السن هتاخد من 93 من ادبى يبقى من علمى 96 والفرق كبيييييييييييييييييير...وبصراحة عشان اعتبرا انك زى اختى لو شديتى العزم فى 3علمى رياضة...الفيزياء الانتى اخدتيها فى 1 هيا هيا بس ع توسع اوى...و جبتى 96 يعنى 93 مش هتجيب كلية حلوة وهتبقى لازم تدخلى كلية ادبية البدورها هيكون مجموع احد كليتها فى علمى اعلى من ادبى زى ماوضحت لحضرتى...و المعترض ياريت يناقشنى.....yousri

كلام حضرتك عقلانى 100% و مقنع و كل حاجة .. لكن هل فكرة 96% من أدبى دى مش صعبة زى ما حضرتك بتقول مع واحدة عندها مشكلة حقيقية فى الحفظ زيى؟؟ و أنا عمرى ما أفتكر ان انا جبت درجة حلوة قبل كده فى التاريخ طول سنين الدراسة اللى فاتت .. أنا بحب جدا أقرأ التاريخ ك هواية لكن عمرى ما عرفت أذاكره وأحفظه وأجيب فيه درجات ..ده أنا فى 1 ثانوى كنت جايبة فيه 15 من 20 :(
أنا عارفة ان أنا متعبة و أسئلتى كتير بس أنا بجد مش بنام من القلق و التوتر :(

وشــكـــرا ليييك بجد :)

عبد الوهاب عبد الرزاق

27-07-2011, 08:52 AM

أنا نصيحتى ليك .. إنك تحول أدبى علطول .......... لأن بالمجموع ده فى علمى هتدخل نفس الكليات اللى فى أدبى بس مجموع أكبر من الأدبى

شكرا على النصيحة وانا فعلا راح احول ادبى

! Abanoub Adly !

27-07-2011, 05:35 PM

بصى أنا رأيى إنك تحولى أدبى و إن شاء اللة تجيبى مجموع عالى فى ثالثة و و يبقى مجموع السنتين عالى و إن شاء اللة تخشى ألسن..

matrix4ever

27-07-2011, 06:59 PM

نصيحة منى ليكي خشى ادبى لان السنة الجاية بتاعكوا حيبقى الامتجانات نار و اللى جابوا مجاميع عالية بس هم اللى حيدخلوا هندسة

mega man166

27-07-2011, 08:24 PM

متحوليش ادبى
خليكى علمى رياضه وشدى فيها
ممكن تجيبى بتاع 89 او 90%
انا عارف ان المجموع مايدخلكيش كليه فى علمى
بس انتى تخشى خاصه احسن لو تقدرى
صدقينى ادبى مافيهاش حاجه عدله وهتندمى بعدين
ومواد زى الفلسفه وعلم النفس بيحطوا درجات وهما نايمين وانتى حظك
العلمى احسن بكتير
ماتغلطيش غلطتى
وحاولى تستشيرى ناس اكبر منك من قرايبك احسن

sasaatwa

28-07-2011, 09:24 AM

انتي لازم تحددي هدفك لانك الوحيد اللي عارفه قدراتك وعشان مش ترجعي تندمي..
ممكن تحولي ادبي زي ما كونتي عايزه من الاول

tafa10

28-07-2011, 11:10 AM

كملى رياضة2 وشدى حيلك وربنا يوفقك

LoveBarcelona

29-07-2011, 12:53 PM

لو عايزه فعلا حاجه ادبي يبقى حولي فورا من غير تفكير ..

لانك لو كملتي رياضه وحبيتي تدخلي كليه ادبي هتلاقي التنسيق عالي ليكي بتاع 3% او 4% عن اللي كان ادبي ..

فليه تحطي نفسك في المجازفه دي ؟؟

وربنا يكرمك يا رب وتدخلي اللي انتي عايزاه : )

matrix90

29-07-2011, 01:35 PM

ابو حسنا

30-07-2011, 11:27 AM

حولى ادبى احسن لك

علمى ولا أدبى

04-08-2011, 10:24 PM

شكــــــــــــــــــرا ليكم كلكم على اهتمامكوا :)

بعد ما شفت نتيجة تنسيق السنة دى و شفت الفرق الكبير جدا بين تنسيق الكليات الأدبية فى العلمى و الأدبى يبقى أدبى أحسنلى بكتيـــــر .. على الأقل أنا لو شديت حيلى أووووى فى 3 ممكن أجيب ألسن أو اعلام لو كانت بنفس تنسيق السنة دى

وزى ما قالت LoveBarcelona أنا فعلا عايزة كليات أدبية يبقى ليه أجازف و أدخل علمى رياضة و التنسيق فيها بيكون عالى أوى كده !! .. شــكرا ليكم بجد :)

Haitham Wael

04-08-2011, 11:39 PM

يا جماعة انا اعتقد ان التنسيق السنة الجاية هيقل حتى و لو بنسبة بسيطة و لكن اللى غش السنادى و جاب مجموع و مذكرش هيعرف ان الله حق لان الفيزياء و الرياضة 2 و الاحياء السنة الجاية هيحتاجه واحد فاهم كويس و مش حافظ و خلاص و ربنا معانا ان شاء الله