مشاهدة النسخة كاملة : مشاركة كدة بسيطة عشان انا زهقت والناس زهقوا


محمد طارق 1
21-07-2011, 11:29 AM
يا جماعة الناس اللي داخلة تقول امتحانات سهلة ومش سهلة

احنا اتظلمنا جامد السنة اللي فاتت اتمرمطنا اصلا
كمان احنا اول دفع يتطبق علينا 6 احنا اتعصرنا

اصلا مشروع فاااااااااااااشل الثانوية العامة دة مش نظام تعليم انا في تانية استهترت جبت 82.5 بس الامتحانات كانت صعبة جدا المهم كملت علمي رياضة جبت 94.5 السنة بقي المجموع بالمستوي 88.5 نفسي الحق سياحة وفنادق

المفترض ان اي حد يدخل الكلية اللي هو عايزها طالما انه جايب مجموع في حدودها

يعني مثلا طب لو خدت من 98 وواحد جايب 97.5 ميخشش طب ليه دة مثال واحد جايب 93.5 وهندسة خدت اربعة وتسعين يخش تجارة او حقوق ؟؟

كل دة بيفرق لان دة مستقبل شخص انا مثلا لو مدخلتش سياحة وفنادق هيبقي مصيري تجارة مثلا ؟؟
طب ليه مع اني جايب مجموع اعلي من تنسيقها في كل السنين ممكن يروح معلي لك التنسيق وتروح عليا

مع اني عملت كويس في اختبار القدرات ومتوقع انجح باذن الله بس خايف من التنسيق

وبعدين تعالو هنا انت فاكر ان الواحد بيوصل لمجموعه دة ازاي دة جهد وتعب وعرق سنتين كاملين واللي مجموعهم عالي دول قدرات ربنا مديهالهم دول ميعرفوش يعملوا حاجة غير انهم يذاكروا يعني ممكن ميعرفوش حاجة عن الحياة العملية واتحداكم لو حد فيهم فاكر حاجة من اللي درسها دلوقت انما الباقي مخه عادي خالص مش قدرات فبينقصوا بالاضافة ان فيه ناس بتبقي كارهه مواد معينة.. الخ فينقص فيها فبيروح المجموع دي غلطته اة لكن مش بيده كمان فيه ناس بالغش مجاميعا وصلت للعلالي وعندي امثلة في المدرسة بالهبل

كذلك امتحانات السنة اللي فاتت احمد ذكي بدر من فلول النظام البائد جاب امتحانات صعبة عشان الجامعات الخاصة

وهما بيعملوا كل دة عشان كدة


اكيد وراها سبوبة بلد فااااااااااااااشلة ونظام فاشل

انا كنت باعيب عالناس اللي بتهاجر منها
احنا بجد لازم اعتصام البلد دي لازم تتغير بايدينا!!!!

a7medl0vers
21-07-2011, 11:31 AM
اعتصام على ايه ولا ايه دنا مش قادر والله من اللي بشوفه :(

ArabianPDA
21-07-2011, 11:42 AM
احنا اتظلمنا جامد السنة اللي فاتت اتمرمطنا اصلا
كمان احنا اول دفع يتطبق علينا 6 احنا اتعصرنا
مش لوحدك
انا في تانية استهترت جبت 82.5 بس الامتحانات كانت صعبة
ده كان اختيارك
انت الي استهترت وده اختيارك
والامتحانات كانت مش صعبه عليك لوحدك
جت علينا كلنا وفيه كتيييييييييير عدوا 99 كمان
المفترض ان اي حد يدخل الكلية اللي هو عايزها طالما انه جايب مجموع في حدودها
ههههههههه
يعني ايه حدودها
مهو الي جايب 97 هيقول اشمعني انا بقي
ولو هودخل بتاع 96 هيقول كده كمان


وبعدين تعالو هنا انت فاكر ان الواحد بيوصل لمجموعه دة ازاي دة جهد وتعب وعرق سنتين كاملين واللي مجموعهم عالي دول قدرات ربنا مديهالهم دول ميعرفوش يعملوا حاجة غير انهم يذاكروا يعني ممكن ميعرفوش حاجة عن الحياة العملية
يا ابني انا جايب 100% وصااااااااااايع
والله ما كنت بشوف الكتاب غير مرتين ف الاسبوع
ربنا يمكن مديني مهارات عاليه بس مش فاشل زي ما بتقول

اتحداكم لو حد فيهم فاكر حاجة من اللي درسها دلوقت
اقسم بالله لسه فاكر مناهج 6 ابتدائي بالحرف لو عايز
كذلك امتحانات السنة اللي فاتت احمد ذكي بدر من فلول النظام البائد جاب امتحانات صعبة عشان الجامعات الخاصة
احمد زكي بدر جاب امتحانات تفرق بين واحد فاهم وواحد مش فاهم

مكله بيذاكر

rehab rehab
21-07-2011, 11:47 AM
فيه حاجة اسمها قانون العرض و الطلب

مفيش حد بيعلى التنسيق او يقلله غير الطلبة نفسهم

طب مثلا بتاخد 1000 طالب يبقى هتاخد اعلى الف كتبوا طب رغبة اولى و التنسيق بتاعها هو درجة اقل واحد فيهم

لما يسمحوا للى جايبين اقل من تنسيقها انهم يدخلوها دا معناه انها هتاخد اكتر من سعتها و طبعا هيبقى زحمة فى المحاضرات و العملى و كل حاجة و محدش هيتعلم

ممكن الزحمة دى فى الكليات النظرية لان الموضوع كله هيبقى ان المدرج زحمة و لجان الامتحانات تتعمل فى اى مكان علشان تكفى الطلبة بس فى الكليات العملية محدش هيتعلم حاجة

و علشان منظلمش الناس سواء الامتحانات صعبة او سهلة دا هيزود التنسيق و يقلله بس فى الاخر الجامعات الحكومية هتاخد نفس العدد
بس بدل ما نلاقى طب واخدة 100% هتاخد 95% و ميبقاش واحد شاطر بس اتلخبط فى سؤال يضيع و ميلاقيش كلية لان الامتحانات سهلة و المجاميع نار

ArabianPDA
21-07-2011, 11:49 AM
فيه حاجة اسمها قانون العرض و الطلب

مفيش حد بيعلى التنسيق او يقلله غير الطلبة نفسهم

طب مثلا بتاخد 1000 طالب يبقى هتاخد اعلى الف كتبوا طب رغبة اولى و التنسيق بتاعها هو درجة اقل واحد فيهم

لما يسمحوا للى جايبين اقل من تنسيقها انهم يدخلوها دا معناه انها هتاخد اكتر من سعتها و طبعا هيبقى زحمة فى المحاضرات و العملى و كل حاجة و محدش هيتعلم

ممكن الزحمة دى فى الكليات النظرية لان الموضوع كله هيبقى ان المدرج زحمة و لجان الامتحانات تتعمل فى اى مكان علشان تكفى الطلبة بس فى الكليات العملية محدش هيتعلم حاجة

و علشان منظلمش الناس سواء الامتحانات صعبة او سهلة دا هيزود التنسيق و يقلله بس فى الاخر الجامعات الحكومية هتاخد نفس العدد
بس بدل ما نلاقى طب واخدة 100% هتاخد 95% و ميبقاش واحد شاطر بس اتلخبط فى سؤال يضيع و ميلاقيش كلية لان الامتحانات سهلة و المجاميع نار

كلام موزون وعاقل

اللمبي2010
21-07-2011, 11:55 AM
طب يا جدعان حد دخل علي موقع التنسيق ده ؟ يعني كتبتوا آه علييه؟؟