السلام عليكم ورحمة الله وبركاته

طبعا من يومين ولا ثلاثة ظهرت نتائج الثانوية العامة وحصل اللي حصل وجبت
82.5 في المية المشكلة بقى اني اتظلمت جامد السنة دي بجد اللي حصل اني مقفل مواد بس ناقص في الكيميا حوالي 13 في المية لوحدها بسبب ان المدرس سحب مني الورقة في اخر ساعة ونص في الوقت وخلصت الليلة زي ما بقولكم كدة والواحد كل تعبه ضاع في بلاش بجد في ناس مفتحتش كتاب وجايبة اعلى مني ومش قادر اوصفلكم شعور الواحد ان راحت منه حسابات ومعلومات او هندسة اللي كان بيحلم بيهم منه لله اللي كان السبب الواحد يطلع اول المدرسة والمحافظة ابتدائ واعدادي ويحصل فيه كل ده في غفوة ويقولك تعليم مظبوط وناس ناجحة كتير نص مصر تغش وواحد معملش حاجة تتسحب منه ورقته ومستقبله يضيع بسبب شخص مالوش لزمة صباح الفل عليكي يا بلد :( بجد دلوقتي السؤال بقى
هل ينفع اقدم طلب اشيل المادة دي واخدها ثالثة ثانوي معايا تاني ؟؟
او ينفع اعيد السنة بحالها كلها علشان ارجع حلمي اللي حلمت بيه تاني ؟؟
لاني تعبت بجد من الحياة بعد ده كله ومحدش يحس بالمصيبة غير صاحبها
حاجة ثانية لو رضيت بالامر الواقع والظلم ده :(
اكمل علمي ولا ادبي ولو كملت هلحق ايه على التنسيق النار ده :(
محتاج المساعدة بجد لان الموضوع يخنق جامد :( يعني عاوز نصيحتكم اعمل ايه :)
:(

اولا احمد ربك انت احسن من غيرك و الله يا بنى الدنيا ديه متستاهل ان الواحد يفكر فيها اصلا و انت عملت اللى عليك و كله بيرجع لضمير اللى كان بيراقب عليك فمتفكرش كتير و سيبها على الله الواحد مش عارف الخير فين انا من رأى حول ادبى و خش تجارة انجلش ..... حلوة اوى و فلوسها حلوة :d ده اللى ممكن ققولهولك انما الناس اللى غشت فدول حسابهم عند ربنا كبير و غير ان ربنا مش هيبركلهم فى حاجة فى حياتهم !!!

منا بصيت لتجارة انجلش فعاوز اعرف هلحقها من ادبي احسن ولا من علمي برضه والله انا مزهول السنة دي والكل بيبصلي بزهول حتى انا مش مصدق اني جبت كدة لحد دلوقتي تتخيل انك مقفل مادتين ولا ثلاثة وجايب في الكيميا كدة ايه شعورك الموت الحتمي اكيد :(

انا متهيأاى تقدر تجيبها من ادبى اسهل بكتيير
شد حيلك

يابنى الموضوع بسيط فى خير انت مش عارفه هى ديه الثانوية و الله محدش بيعجبه حاله اللى فى طب يقول يا ليتنى كنت فى صيدلة و العكس


it's not the end !!!

يعني مفيش امل اني اشيل المادة بتاعة الكيميا دي مع المواد في 3 ث ويبقوا 6 مواد مع بعض ؟؟

مش عارفه ولله مش اقدر افيدك
هو اصلا ينفع تقولهم عاوز اعيد ماده ؟؟
بيتهيقلى مينفعش غير انك تعيد السنه لانك انت نجحت فى الماده
وازاى سكت لما المدرس خد منك الورقه !!!!!!!!!
عموما صلى استخارة احسن وربنا يقدملك الخير

ربنا يكون فى عونك والله حاجة صعبة قوى
لو انت واثق من مستواك وانك هتقدر تعوض فى 3 كمل رياضة 2 ..أنا أعرف حد كان جايب فى 2 83% بسبب الكيمياء بردو و كمل رياضة 2 و جاب 100% فى 3 .. يعنى بقى جايب 91.5 و لحق كليات كتير فى التنسيق.. صدقنى على الأقل هتقدر ترفع راسك وسط أهلك و تثبت لهم ان انت نقصت فى 3 بسبب الظلم ..

ربنا يوفقنا كلنا

انا من رايى انك تشوف مستواك الاول لو قدرت تكمل علمى رياضة يبقى خلاص لو حسيت انك مش هتقدر ادخل ادبى
والله اصعب حاجة الانسان يحس بيها ان تعبه يضيع وانك تحس بالاحباط والفشل
انا بدعيلك ربنا يوفقك لانى حسيت بالظلم زيك

مهو انا تعبت ومستوايا كان عالي اوي وذاكرت بجد وفي ناس مفتحتش كتاب وجابوا اعلى مني بكتير وحصل اللي حصل :( في اكتر من كدة اللي يشوف درجاتي ويبص للكيميا يعيط بجد :( فانا خلاص اتجننت وزهقت وبفكر اعيد السنة كلها تتشقلب تتنطط انا زهقت :(

منا حتة لو جبت علمي وجبت مية المية هوصل لكام 91 في المية اخر ما يدخلوني بالتنسيق ده تجارة انجلش يبقى اكمل ادبي والحقها من 88 احسن :( ما هي دي المشكلة انها قفلت فبدور اني اعيد السنة باي طريقة :(

دخل الموضوع 165 واحد ومدنيش اي معلومة على اني ينفع اعيد السنة ولا لا :(

mainf3sh enta mesh azhr ! w sebha 3ala allah el wa7ed mesh 3aref el 5er fen !