غدا.. ثورة طلاب الثانوية العامة بعد صدمة مكتب التنسيق ! [الأرشيف]

مشاهدة النسخة كاملة : غدا.. ثورة طلاب الثانوية العامة بعد صدمة مكتب التنسيق !

Jehad Mohamed

21-07-2011, 09:21 PM

غدا.. ثورة طلاب الثانوية العامة بعد صدمة مكتب التنسيق !

| أخر تحديث: 21/07/2011 08:30 م |
http://shabab.ahram.org.eg/images/reading-2.png
260 |

قرر الآلاف من أوائل الثانوية العامة تنظيم مظاهرة حاشدة غداً أمام مقر وزارة التعليم العالى احتجاجاً على ارتفاع درجات القبول بكليات القمة وذلك بعد أن كشفت المؤشرات الأولية للتنسيق عن أن الحد الأدنى للقبول بالجامعات سيرتفع بشكل غير مسبوق .
http://shabab.ahram.org.eg/MediaFiles//1_21_7_2011_30_50.jpg
كتب: محمد شعبان

التوقعات تصل لدرجة أن كليات الطب ستقبل حد أدني 98,5% ، و 97,5% للصيدلة والأسنان، و 96,7% للعلاج الطبيعى، و94% لكليات الهندسة، و93,5% للحاسبات والمعلومات، و95% للاقتصاد والعلوم السياسية، و 94% للإعلام .

كانت هذه المؤشرات صادمة لطلاب الثانوية العامة المتفوقين خاصة الحاصلين على مجموع 98% حيث لن يتحقق حلمهم بدخول كلية الطب لهذا قرروا الاعتصام والتظاهر غدا أمام مبنى الوزارة كما صمموا صفحة على الفيس بوك تحت عنوان "ثورة طلاب الثانوية العامة" وسرعان ما ضمت هذه الصفحة أكثر من 2400 طالب وهو رقم كبير بالقياس إلى حجم الدرجات الحاصلين عليها..

http://shabab.ahram.org.eg/MediaFiles//2_21_7_2011_31_0.jpg
تقول سارة جمال عبد الدايم أنا كنت فى مدرسة جمال عبد الناصر الثانوية العامة بالدقى وحصلت هذا العام على 98% وكان حلمى أن أدخل كلية الطب لكن درجات القبول مرتفعة جدا وظالمة وعلشان كده إحنا مش هانسكت عن حقنا لأنه حرام أن يضيع كل الجهد الذى بذلناه أيضا نحن كطلاب أصلا من المتفوقين ونعد من أوائل الثانوية العامة والمشكلة حتى الآن ليست فى ارتفاع المجاميع ولكن فى سياسة الوزارة التى ترغب فى تقليل عدد طلاب كلية الطب على حساب أحلامنا وعلى حساب اجتهادنا وفى العام الماضى كانت هناك سنة فراغ أى أن عدد الطلاب فى هذا العام الدراسى كان قليلا جدا إذن المفروض أن يرتفع عدد الطلاب المقبولين فى كليات القمة لكن أن يحدث العكس فهذا غير طبيعى .

وتشير سارة إلى أن أحد أهم أسباب ارتفاع المجاميع هذا العام هو الغش ، ففى المدرسة التى كانت فيها كان المراقبون يتركون يتركون الطلاب مع بعضهم ، كما أن بعض الطلاب كانوا يغشون بالبلوتوث ، وتؤكد أن طلاب الثانوية المتفوقين لن يسكوتوا عن حقوقهم وسيواصلون اعتصامهم وتظاهراتهم أمام الوزارة بدءا من غدا حتى يتم التوصل إلى حل وسط يرضى جميع الطلاب الذين سيضيع أحلامهم بعد عامين كاملين من التعب والمذاكرة والدروس الخصوصية.

http://shabab.ahram.org.eg/Inner.aspx?ContentID=5826

برنس أخر زمن2

21-07-2011, 09:35 PM

أنا رايح :040vk0::040vk0:

وردتك ايه

21-07-2011, 10:05 PM

لالالالا ده صحيح حرامـ كده احنا ايه الذنب اللى عملنا علشان نبقى الدفعة النحس
لا اله الا الله ... لعبوا بمصايرنا ولعبوا بمستقبلنا
حنحط سنة ستة ... حنغير المناهج ... حنبدل تلات وزراء
ديه عمرها حصلت تلات وزرا فى سنتين لا حول ولا قوة الا بالله
يعنى احنا يطلع عنينا وبعدين يعنى ... انا واحده جايبة 383 وكل اهلى فرحوا
وانا فرحت وفى الاخر ملحقش حاجة وينكدوا علينا .... ده علمى رياضة
عندكم علم علوم واحد جايب 96 وفى الاخر ميدخلش حاجة
لا اله الا الله .,.... احنا ايه زنبنا فى البلد ديه المفروض احنا زى ما بيطلع عنينا
وعنين اهلينا فى الصرف علينا ،،، هما يعملوا كليات ودفعات وشركات وهيئات مش يسرقوا
وييجوا علينا احنا الطلبة ،،،،، حرام عليهم والله
انا واحدة علمى رياضة وجايبة 383 وقاعدة خايفة من الكليات
وبقول حلحق حاسبات ولا لآ ، يعنى ندخل بمجمعنا ديه ايه تجارة مثلا ولا اداب
الاقى معايا ناس جايبين فى التمنينات ليــــــــــــــه ديه بلد فعلا زبالة
فعـــــــــــــلا لازمـ نقول ده ظلــــــــــــــــــــــــــــــمـ

بنت الشاطئ1

21-07-2011, 10:30 PM

Dr/Reem2011

21-07-2011, 10:49 PM

أنا جايبة 98.4يعني ملحقش طب عشان .1 ده حراااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااام

bent aboha

21-07-2011, 10:50 PM

هو ده الكلام الصح
كدة حرام بجد دول كمان ما رحموش الادبى الالسن والاعلام الى كانت امنيتى ادخلها خلاص مش هلحقها
انا حاسة بالاحباط انا تعبت بجد
نفسى اعرف هما بيعملوا فينا كدة ليه
ياريت كنت اقدر اشارك بس للاسف
ربنا يقدرهم ويجيبوا لنا حقنا علمى وادبى يااااااااااااااااااااااااااارب

فاطمة علوان

21-07-2011, 11:11 PM

معاكم حق انا جايب 96.7 وكان نفسي اخش صيدله

ا نــــــــا رايــــــــــــح بكرة

وانتم كمان لازم نروحزا

ayoh12

21-07-2011, 11:27 PM

http://www.facebook.com/thanawya.revolution?sk=wall يا جماعة لازم نعتصم عشان الظلم اللي حصل ومش ذنبنا ان اللي غشوا وجابوا مجاميع مش من حقهم ياخدوا مكانا في الكلية كلة يدخل علي اللينك ده

اصلها بتفرق

21-07-2011, 11:33 PM

اصلها بتفرق

21-07-2011, 11:34 PM

خلاص ياجماعه كل اللى يقدر يعتصم ويتظاهر بجد يعملها عشان احنا بجد حرام كداااااااااااااا والله مايرضى ربنا الدفعه دى مدعى عليها بجد بجد اقسم بالله

rehab rehab

21-07-2011, 11:39 PM

و ايه الحل يعنى؟؟؟

انهم يزودوا الاعداد فى الكليات و دا معناه ان محدش هيتعلم فى الكليات العملية خااااالص لان امكانيات المعامل و المدرجات و التجارب و المعيدين مش قادرة عالعدد اللى بيتاخد اصلا فلما يزيد كمان يبقى هيتخرج دفعات كاملة متعلمتش و مطلعتش غير بالشهادة

او الكليات اللى مش هتسمح بدا هتجيب امتحانات صعبة اول سنة تسقط نص الدفعة سنتين و يروحوا على اى كلية او معهد و دا بيحصل دلوقتى فعلا

ولا انهم فى اليومين الجايين يبنوا كام جامعة و يجيبولهم دكاترة و معيدين و يجهزوهم؟؟؟

ان شاء الله ربنا هيكتب لكل واحد الخير و مش هيرضى بالظلم لحد بس طبيعى اللى معترض على حاجة لازم يكون عنده حل

Jehad Mohamed

21-07-2011, 11:50 PM

مروه

22-07-2011, 12:01 AM

والله حرام ....... هما بيعاقبو اللى جايبين درجات عاليه

مش كفاية الظلم اللى الدفعه دى شفته

كفاية تطبيق سنه سته اللى ضيعت من عمرنا سنه من غير فايده

وسياسات فاشلة بيجربوها على الدفعه وكأننا فئران تجارب

ولا زكى بدر وسنته الهم

مش كفايه القلق اللى كنا فيه السنه دى بسبب تغيرات البلد

هى دى سنة الثورة

يبقى ملهوش لزمة بقى التعليم ونقعد فى البيت احسن

لما 98 ومش يدخل طب اومال عاوزين ايه مننا

مش مشكلتنا ان كان فيه غش والمجاميع علت

ومهما علت برضه المفروض التنسيق ينزل ويزودوا اعداد القبول بالكليات

لإن السنه اللى فاتت يعتبر مافيش طلبة

يعنى فيه سنه مش هيكون فيه دفعه تتخرج

لكن يظهر لسه سياسة الكليات الخاصة وتفضيل المصالح الخاصة على العامه موجوده

بجد ده اكبر ظلم

mohamed yhia

22-07-2011, 01:13 AM

http://profile.ak.fbcdn.net/hprofile-ak-snc4/276482_110784749017924_5137671_n.jpg

قرر الآلاف من أوائل الثانوية العامة تنظيم مظاهرة حاشدة غداً أمام مقر وزارة التعليم العالى احتجاجاً على ارتفاع درجات القبول بكليات القمة وذلك بعد أن كشفت المؤشرات الأولية للتنسيق عن أن الحد الأدنى للقبول بالجامعات سيرتفع بشكل غير مسبوق .

التوقعات تصل لدرجة أن كليات الطب ستقبل حد أدني 98,5% ، و 97,5% للصيدلة والأسنان، و 96,7% للعلاج الطبيعى، و94% لكليات الهندسة، و93,5% للحاسبات والمعلومات، و95% للاقتصاد والعلوم السياسية، و 94% للإعلام .

كانت هذه المؤشرات صادمة لطلاب الثانوية العامة المتفوقين خاصة الحاصلين على مجموع 98% حيث لن يتحقق حلمهم بدخول كلية الطب لهذا قرروا الاعتصام والتظاهر غدا أمام مبنى الوزارة كما صمموا صفحة على الفيس بوك تحت عنوان "ثورة طلاب الثانوية العامة" وسرعان ما ضمت هذه الصفحة أكثر من 4000طالب وهو رقم كبير بالقياس إلى حجم الدرجات الحاصلين عليها..

(احلامنا مش هضيع قدمنا)

احنا نازلين وانتا كمان لازم تنزل

يا طالب فوق التنسيق هيدخلنا كلنا حقوق
ع الوزارة معتصمين طلاب مظلومين
واحد أتنين طلبة ثانوي فين
و علي و علي وعلي الصوت أخرنا مع التنسيق الموت
...
معادنا امام جامعة القاهرة الساعة 9 غدا
http://shabab.ahram.org.eg/MediaFiles//2_21_7_2011_31_0.jpg

Academy of the Face

22-07-2011, 01:26 AM

josephmorris

22-07-2011, 01:36 AM

josephmorris

22-07-2011, 01:37 AM

ولا انت وهو انت اهبل

غورو بقي ربنا ياخد الي نفسو ياخد كل حاجة بالعافية

انتو هبل ولا اية انا جايب 77
وعادي يعني هو انتو مفكرين نكم هتعرفو تعملو حاجة اعرفو انكم كدا حررررررراااااااااام بتمصو في دم ا لجريح

لو سمحت الكلام يبقى بهدوء
ايه اهبل دى
نناقش بعقلانيه
الناس دى بتقول كده لأنها تعبت بجد وجايبه مجاميع عاليه وحاسين انهم مش هيلحقوا حاجه ... ومظلومين
لو سمحت اتكلم بهدوء

فهف

22-07-2011, 02:14 AM

يا جماعة حرام عليكم إعتصامات إيه اللى عايزين تعملوها
إرتفاع الحد الأدنى للتنسيق ده شئ طبيعى جدا بعد الأمتحانات السهلة و الغش الكتير
إمتحانتنا كانت سهلة جدا وناس كتير قفلت
الأرتفاع فى التنسيق معتمد على الأعداد اللى عايزه الكليه و بياخدو أعلى مجاميع حسب العدد المطلوب
أرجوكم البلد مش محتاجه إعتصامات الأمتحانات كانت سهلة جدا و طبيعى أن التنسيق يعلى
أبسط مثال بصوا تنسيق 2008 كان الحد الادنى قلبل عشان الأمتحانات صعبة
وبصوا تنسيق2007 كان الحد الأدنى عالى عشان الأمتحانات سهلة

أحنا كدة بنستغل الشهداء اللى ماتو أنا جايب 94.1% رياضة و ممكن محصلش هندسة بس ده طبيعى عشان سهولة الأمتحانات

مروه

22-07-2011, 02:28 AM

طيب مفيش اعداد !! ده هيقبلوا فى الهندسه 21 الف ... والطبيعى ليها 18 الف !!!!!!!!!!
يقبلوا فى الهندسه مثلا 30 الف ... هيجيبوا مدرجات منين .. والات منين واجهزه منييييييييين ؟؟؟؟؟!!!!

فيه سنه فاضيه
يعنى فيه مدرجات واجهزة دفعه بالكامل فاضيه
عشان كده الكل توقع ان التنسيق ينزل
بسبب زيادة اعداد القبول

طيب احنا مالنا ومال السنه الفاضيه
لما دفعتنا تبقى فى اخر سنه للكليه .. هيبقى فى سنوات فاضيه ؟؟؟؟؟؟؟

لما دفعتنا تبقى فى اخر سنه فى الكلية
هيبقى فيه دفعة قبلنا متخرجتش اللى هى السنه اللى فاضية
يعنى المتوقع زيادة الأعداد لتعويض الدفعه اللى قبلنا

ماكانوا يزودوا لدفعه اللى فوقيها ؟؟؟؟!!!!!!

وبعدين مش مشكلتنا ان امتحانات جت سهله او كان فيه غش
امتحانات سهله المفروض تبقى ميزه مش عقاب :o
بصراحة بدأت أشك إن الغلط فينا:006et4:
دفعه مميزه طول عمرها :d:d
حتى تنسيقها مسجل رقم قياسى :bosyht9:

ahmed nouh

22-07-2011, 02:31 AM

YA GMA3A L7ZT TFKEEER BS

M7DSH leeh d5l fe mwdoo3 el tansee2
law el teb bya5d 1000 wa7ed
hy2balooo a3la 1000 wa7d fe eldof3a sw2 gybeeen 99 aw 77

ningooooo

22-07-2011, 02:54 AM

طيب ياجماعه نتكلم بهدوء

بأمانه انا مقدر كل واحد تعب وانا منهم ... وعارف ان الثانوية تعب وسهر وفلوس وبهدله ... يعنى حرام الواحد بعد كده يضيع حلمه

بس لازم نعرف نعرف قبل ما نعمل اى حاجه ... بنتظاهر ليه ... وهل المشكله دى ليها حل ام لا ؟؟؟

احنا بنتظاهر علشان جبنا مجامبع عاليه ومدخلناش الكليه اللى احنا عايزينها

طيب المجاميع عاليه ليه

علشان الامتحانات جت اى سهله ومتفرقش بين الطالب المتوسط والطالب المتميز

يبقى الغلط من وزير التربيه والتعليم ...

طيب احنا لما نتظاهر دلوقتى .. المشكله هتتحل ؟؟؟؟؟؟

هل التنسيق ممكن ينزل بسبب المظاهره !!!!!!

ما 2007 التنسيق كان عالى جداااا وناس كتير جايبه مجاميع عاليه ومحققوش حلمهم ... معملوش اعتصام ولا اى حاجه

بس احنا بعد الثورة

يعنى احنا كده بنستغل الثورة ... ان احنا ناخد حق ... الطبيعى انه مش حقنا

ليه مش حقنا .... لأن المجاميع كلها علت وفى ناس جايبه اكتر منى وليها الاولويه انها تدخل الكليه دى

طيب ما ادخل انا كمان .. ما انا ذاكرت وتعبت

طيب ما اللى دخلوا بردو ذاكروا وتعبوا اكتر ... وعلشان كده جابوا مجاميع عاليه

طيب ادخل دا انا جايب 97.5 حرااااااااااااااااااااااااام

بس تعتقد ان المجموع ده لو الامتحانات كانت بتميز الطالب المتوسط من الطالب المتميز كان هيبقى كده ؟؟؟

لا مليش دعووه انا ذاكرت وجت مجموع عالى

طيب انت شايف ايه الحل .... مفيش اعداد .... ؟؟؟؟؟؟

ولحد هنا هنقول ايه تانى ؟؟؟؟

مشكله ملهاش حل .... وهنعمل ليها اعتصام ... طيب فايدة الاعتصام ايه ؟؟؟

ده بالعكس هيكون ليه سلبيات

ان ممكن الموضوع يتصاعد والبلد تقف ومفيش انتاج ولا شغل

طيب ايه الحل ؟؟؟؟!!!!

طيب مفيش اعداد !! ده هيقبلوا فى الهندسه 21 الف ... والطبيعى ليها 18 الف !!!!!!!!!!
يقبلوا فى الهندسه مثلا 30 الف ... هيجيبوا مدرجات منين .. والات منين واجهزه منييييييييين ؟؟؟؟؟!!!!

طيب احنا مالنا ومال السنه الفاضيه
لما دفعتنا تبقى فى اخر سنه للكليه .. هيبقى فى سنوات فاضيه ؟؟؟؟؟؟؟
ماكانوا يزودوا لدفعه اللى فوقيها ؟؟؟؟!!!!!!

يا جماعة حرام عليكم إعتصامات إيه اللى عايزين تعملوها
إرتفاع الحد الأدنى للتنسيق ده شئ طبيعى جدا بعد الأمتحانات السهلة و الغش الكتير
إمتحانتنا كانت سهلة جدا وناس كتير قفلت
الأرتفاع فى التنسيق معتمد على الأعداد اللى عايزه الكليه و بياخدو أعلى مجاميع حسب العدد المطلوب
أرجوكم البلد مش محتاجه إعتصامات الأمتحانات كانت سهلة جدا و طبيعى أن التنسيق يعلى
أبسط مثال بصوا تنسيق 2008 كان الحد الادنى قلبل عشان الأمتحانات صعبة
وبصوا تنسيق2007 كان الحد الأدنى عالى عشان الأمتحانات سهلة

أحنا كدة بنستغل الشهداء اللى ماتو أنا جايب 94.1% رياضة و ممكن محصلش هندسة بس ده طبيعى عشان سهولة الأمتحانات

طبعا ده الكلام الصح
و للاسف احنا قدام الامر الواقع و انا واحد من الناس احتمال كبير جدا لقدر الله ملحقش الكلية اللي انا عاوزها لكن في الاول و الاخر ده نصيب و حظنا طلع كده
لان التنسيق ده 1 + 1 = 2
و نفترض جدلا قالك طب هتاخد من 95 هتلاقي اللي جايب 94.9 بيقولك و انا مالي ما انا كمان عاوز ادخل يعني في النهاية كلنا لازم نستحمل ساذجتنا
مش انتوا اللي كنتوا بتدعوا علي ذكي بدر لما جاب امتحانين مستواهم عالي و كنتوا فرحانين بالامتحانات السهلة ؟؟؟؟؟؟؟؟؟؟؟؟

Man To Man

22-07-2011, 10:07 AM

المفروووووووووووووووض نعمل الثورة وكل واحد فينا ينزل
ومن اهم اسباب الارتفاع الغش
قبل ما يكون الامتحان سهل
واللي بيقول اننا مننزلش ما كنش يشارك في الموضوع من اساسه
عملين يقولوا اتغيرت بس ملاحظ انها زي ما هي قبل الثورة زي بعد الثورة ولا فارق حاجة
لامتي هنعد نتكلم لازم كلنا ننزل

tafa10

22-07-2011, 10:39 AM

انا معاكم وهنروح علشان ناخد حقنا

هارى12345

22-07-2011, 10:50 AM

الصراحة انا كرهت الثورة
ايه حكايه الاعتصامات دى؟؟؟
التنسيق بينزل على اساس المجاميع
لو المجاميع مش عاليه السنادى كان مثلا الطب من 97
ييجى اللى جايب 96 يقول لا لازم تدخلونى بالعافيه؟؟؟

اصلها بتفرق

22-07-2011, 11:26 AM

karimadel7

22-07-2011, 11:37 AM

انا كمان 94.1 مش نحصل هندسه وده مش يبقى ظلم ولا اييييييييه

إيه الظلم اللي فيها???????

basma 2010

22-07-2011, 11:59 AM

الكل اما يقول الامتحانات كانت سهله وده عيب من الوزير وفى الاساس احنا كنا عايزينها كده لكن المشكله الاساسيه هى الغشــــــــــــــــــــــــــــــــــــــــــ شوفوا نسبه الطلاب الغاشين

اصلها بتفرق

22-07-2011, 12:18 PM

إيه الظلم اللي فيها???????

ياسلام هندسه تزيد عن 94 ليه اصلا من امتى

اصلها بتفرق

22-07-2011, 12:19 PM

إيه الظلم اللي فيها???????

وهندسه تاخد اكتر من 94 ليه من امتى ده

mohamed yhia

22-07-2011, 02:26 PM

وردتك ايه

22-07-2011, 02:29 PM

هههههههههههههههههههههههههههههههههه ربنا ياخدكم يابتوع المظتاهرااااات ربنا يولع فيكم بجااااااااااااااااااز وسخ
وده اسمه ايه ده ان شاء الله انا فعلا اتصدمت من الرد التيت ده
انت بقى يعنى اتغيرت من الثورة صح ، عيب اوى اوى اوى بجد
انا مش عرفه قولك ايه لو سمحت بغض النظر عن الرأى والرأى الاخر لو سمحت
امسح ردك او غيره لانو مهين ومش محترم بدرجة تفوق الوصف ....:040vk0:

amkmm

22-07-2011, 02:31 PM

لما اجيب 382 والله اعلم ان ماغشيت وخلاص الكل يقولي هندسة ودلوقتي حتي ممكن مااجيبش حاسبات يبقي ده حرررررررررررررررررام

Jehad Mohamed

22-07-2011, 02:41 PM

طيب انتو وعملتو ثورة للعلمى ونزلتوا الى حد ما اومال الادبى يعملوا ايه ارضوا باللى ربنا كتبهولكم

ahmed mohamed2010

22-07-2011, 03:18 PM

الكلام ده ليس له قيمة انا جايب98.2 لو ملحقتش طب خلاص ده مجموعى مش هيعط ده ترتيب للمجاميع
اللى بيفهم شىء تانى معلش

Dr. Toka

22-07-2011, 05:51 PM

ياشباب نتكلم بالعقل حضراتكم اولا كل الكلام اللى مكتوب فى الصحف دة توقعات اللى كاتب طب 98.5 دة بيتوقع ممكن تاخد اقل من كدة انا عاوزاكم تفكروا بالعقل لو فرضنا مع بعض ان التنسيق اتخفض زى ماحضراتكم طالبين وطب اخدت مثلا 97 % ودخلها 30 الف تفتكروا ال30 الف دول هياخدوا حقهم فى التعليم كويس حضراتكم الكلية بيبقى فيها 6000 والطلبة بتضرب بعض وبتحجز عشان تحضر سيكشن تشريح والحاجات العملى التانية بالله عليكم لما تبقوا 30الف حضرتك ياللى نازل تعمل اعتصام هتقدر تاخد حقك فى التعليم اكيد لا حضراتكم نقيب الاطباء بيصوت دلوقتى عشان الدفعة هتبقى 6700 ودة لانه مش هيقدر يشغل منهم غير 3500 بس فمابالكم بقى لما تبقى الدفعة 30000 هيبقوا كلهم مش لا قيين شغل ولو حضرتك فاكر نفسك هتبقى دكتور صدقنى مش هتعرف تشتغل حتى تمرجى ياريت نفكر ونعقلها ياشباب ربنا مش بيعمل حاجة وحشة حضرتك ياللى جايب 97.5 ومش هتدخل طب ربنا ادرى منك بمصلحتك ممكن لو دخلت طب تندمم وتسقط وتقول ياريتنى مادخلت مشكلتنا اننا مش بنفكر انا بحب ايه وبكره ايه احنا بنبص للبرستيج والمنظر الدكتور راح الدكتور جه ربنا كاتبلك الكلية اللى انت هتدخلها من يوم مااتولدت ارضى بنصيبك وسيبها على ربنا والله انا اعرف واحدة كانت هتموت وتدخل هندسة ومجموعها كان 93 بس على السنة بتاعتها هندسة اخدت اكتر من كدة بتلاتة من عشرة او اكتر مش فاكرة ودخلت تجارة انجلش ودلوقتى متفوقة جدا واخدت كورسات فى الجامعة الامريكية وبتشتغل فى بنك اجنبى وكل زمايلها بيحبوها جدا صدقونى والله عمر ما الطب والصيدلة كانوا كل حاجة اللى حابب ينجح ويثبت نفسه هينجح والله

omar.magdy

22-07-2011, 06:13 PM